ياخ ما حقتم .. يبيعوها أو يشتروها .. أنت ما عندك صلاح .. ياخ شعور الشعب ده أتخلص منو .. ديل أولى الأمر .. شفت كيف
رافت ميلاد ذات نفسه ؟ ياخ ازيك ومشتاقين كتير ومال عدوك قاطع الخبر اتمناك بخير يا صباح الخير
ويامعاوية ود امى انت لسه بتعافر فى جنازة البحر دى ؟ الله يرضى عليك الفساد فى السودان بقى القاعدة مش القاعدة بتاعة المتاسلمين القاعدة الواحدة دى والاستثناء ان تكون نقيا عفيا بلد ماعندها وجيع فترنا منها طردونا منها وبقينا فيها زى الاجانب ما تفهم حاجة ولو حبيت تفهم عاوز ليك مليون سنة ضوئية وطالما انه المليون سنة دى مستحيلة خليها على الله
شايفكم كلكم إتفقتو علي الجزئية دي، وطلعت أنا غلتان وستين غلتان، وسافي التراب كمان أو كيمان كلو سف، نحن برضو زيهم بنسف.
بناءً عليه فقد قررت تحويل البوست لبوست ترحيب بالحبيب رأفت ميلآد. يا رأفت يا خي والله الشوق بحور ما ليها حد ما ليها قيّف، أعبر بحر يمتدّ تاني بحر جديد لنج واحتار أقيف. حقيقة طولّت الغيبة علينا، وارجوك خليك هنا وبلآش تفارق تاني يا قول الغُنية. ألف مرحب بعودتك أخي رأفت، وشكراً ليكم كلكم. اترككم في رحاب الحبيب رأفت ميلآد تعالوا إتحمدلولو السلآمة، وجازموهو تاني العادة دي لا تعُودلو...
تراب شنو يا اخي البتلقاهو عشان تسفو انت كمان ....ديل يا ود الناس ما خلو ليهم شبر .. حتي المقابر عرفو استثمروها ليك و قبال تجيب لي نفسك تهمة ساي لازم تعرف انو السف خشم بيوت ... وكت تحسب احسب عديل انت ما عندك رياضيات واللا كنت داكي الحصه لامن الناس كانت بتحسب في سف السكر ..وسف الجزيرة .. سف سودانير .. سف سودانلاين
والناس في السودان شغاله ابوالقاسم ....شئ سف بي قسيمة وشئ بقرار جمهوري ... انت ما شغلتك ...بطل الهجيمة .. يا ود المدير