يبدو ان المريخ سيحرز كاس الكونفدرالية هذا العام

فالحارس الممتاز اول العلامات

والمدرب الواقعي ثانيها

مشكلت المريخ في الوسط
فهل تعجل عودة امير كمال اتزانه

الهلال بدا التراجع والاصابات التي حدثت فيه هي اصابات ارهاق وافر لود
في مشكلة في جرعات تدريبات الحمال لدى الهلال لابد من تداركها بسرعة

فاغلب الاصاب الاخيرة في الهلال هي اصابات عضلات
واصابات العضلات في المقام الاول هي اصابات تدريب وحمل زايد

لا منافس للمريخ في الكنفدرالية غير الهلال
والهلال في نزول
بسبب الخطة التي يلعب بها المدرب
في حمل كثيف على الوسط والهجوم

وسيكون الفريق القمي مشكلة الهلال الرئيسية

يا ولي رايك شنو في الكسير ده مش اتسدينا حقنا ولا عندك راي

يا تو كسير تقصد
كسير الكراسي يا عباس ؟

وليد مبارك


ناس الانقاذ قالو لعبدالله السريع الاتي


قام قال ليهو انت بتحلم بتحرير الكويت

مش كده

الاحلام مشروعة يا سيف

والكاس قريب جدا جدا

ولا منافس غير الهلال

حبابكم ,
الشفت كبفك واحوالك
ان شاء الله المريخ يجيبها عارف الكونفدرالية دي عشان تشيلها هم 6 مباريات , ممكن تنهزم في اربعة
منهم وبرضو تشيلها , خلي تتعادل :) !!

والدوري الان اقرب للهلال لكني لا افقد الامل فيه حتى اخر دقيقة نظرية القرقور والصاج بس :)

انا مقتنع تماما ان ريكاردو مدرب جيد ومن قبله من المدربين رادان وكروجر والكبير فيستر
وعندي قناعة تماما ان اي واحد فيهم للمريخ افضل من اي مدرب سوداني

الهلال خصم به ضعف خطوط , لكن به خامات جيدة , سانيه يجيد الراسيات والهدف لم ياتي عبث
عندك نجم المباراة الليلة عمنا العزيز الحضري رائع , لكن حتى قريب اكثرية ترفض عودته
والبعض كان يريد الاعتداء عليه فتامل كيف هو الاعز اليوم

للامام امل وخطوات والتوفيق من عند الله , واجب المشجع الاساسي التشجيع و الموازرة ..
حبابنا سوا
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

مرحب شهاب

مفروض المريخ ينسى المبارتين القادمات ويستغله في تجهيز الفريق بصرة جيدة
خلاص هو ضمن الوصول لدور الابعة

مفروض الكورتين الجايات نجم الدين وباسكال وكلتشي يرتاحو وما يلعبو الشوطين

نفس البطولة يحتاج الى تخطيط مختلف

ما تستهين بدجوليبا المالي
تيم ما ساهل
دا غير انو دفاعكم لاحق الزينين - طلع ضفر بس وان كنت ما اضمنو يلعب مباراتين ورا بعض بمستوى ثابت
وارتكاز ما عندكم

يا وليد

كهلالابي كنت اعتقد كدا برضو لو الهلال ما اتصدر المجموعة - لو المريخ اتصدر فالكأس له ولو الهلال اتصدر الكأس حقو
الكلام دا ما خوف من الفريق الأول في المجموعة التانية ولكن عملية بتاعت نفسيات اللاعبين انفسهم والبطل بطل
وكلو مرة الهلال بجي التاني في المجموعة وبتطلع في المربع الذهبي

ولكل حدث حديث ان شاء الله

الصادق

صراحة لولا إستحضار الحضري لخبرة طويلة وعدم تركيز وتوفيق من مهاجمي الهلال كنتوا إترشيتوا رشة تاريخية يا وليد

أما الكونفدرالية فلا تخضع لحساب وممكن تطير من الإتنين

* طبعا أتمناها زرقاء

بل الصراحة يا اسامه البلال

لولا رعونة العجب وتوفيق قونكم وحظه الكبير
لانتهي الشوط الاول باربعة اهداف جميعها يحرزها العجب
وجميعها من انفرادات مباشرة بالمرمي

ولو العجب ارتفع للمستوى الشوط الاول فقط مفروض تترشو رشة تاريخية
خلاف الانفرادين للعجب وكلتشي في الشوط التاني

سلام يا وليد..

المريخ أقوى من الهلال "كالعادة"..

لكن لم يكن هناك داعي لإقحام ضفر، والاحتفاظ ببلة جابر على دكة البدلاء

كان ممكن من البداية يلعب : نجم الدين في متوسط الدفاع إلى جوار باسكال، وينزل بلة جابر طرف أيمن

وضفر ده يتخارج يمشي يشوف ليهو فريق تاني، ياخ ده كبكبي لمن بهناك، ومن قولة تيت عاوز يعملا فينا بالفاول العمله مع مهاجم الهلال

في كرة كان ممكن يستخلصا بكل سهولة لو عندو رأس زي الناس

غايتو من أسي :

كشف مشاطيب المريخ :
ــــــــــــــــــ
ضفر ـ فيصل موسى ـ فيصل العجب ـ مصعب عمر

ضفر هو ثغرة المريخ الواضحة لمن يعلم

وحتى الهدف مسئول منو مسئولية مباشرة

مرحب الصادق
الكاس لن يخرج من التيمين وسيتقابلان في الكاس بنسبة كبيرة

وانا ارشح المريخ لضعف الكبير في دفاع الهلال
ولانو ريكاردو مدرب يتعلم من اخطائه
ومدربكم راسو ناشفة

يا ود البشرى

الفريق المالي ما اقوى من الهلال
وفاع المريخ احسن من دفاع الهلال باشواط والدليل اغلب هجمات الهلال على مرمي المريخ من ضربات سابته سددها مهند

لكن اغلب هجمات المريخ انفراد مباشر بالمرمي ولو العجب الصغير ارتفع للمستوى كان لوحدة مفروض يحرز اربعة اهداف في الشوط الاول جميعها انفرادات تامه بالمرمى


صحيح مشكلة المريخ في الارتكاز
عشان كده قلت يا ريت لو ولدنا المعوق بتاع المورد يدخل فورمة

الفرق بين جمعة والحضري

الخبره لصالح الحضري
التركيز لصالح الحضري
التوجيه لصالح الحضري
القامة لصالح الحضري
الهيبة لصالح الحضري

الرشاقة لصالح جمعة
الدافعية لصالح جمعة

Quote: يبدو ان المريخ سيحرز كاس الكونفدرالية هذا العام

تــشــــمــــــــــــــــــــــــوه



^_______________^

شمينا كاس قبل كده
انت المتعود تشم القدحة

ثم الاستقرار
فالمريخ مستقر اداريا وماديا

اما الهلال فلا
وستظهر المشاكل قريبا جدا من جديد
فريسه ارعن
وكابتنه لا اعتقد انه سيرضح لواقع الحال

اطراف المريخ يا ولي مشكلة ونقطة ضعف و ثغرة واضحة ..
الشغيل والسعودى وقلق مستواهم ثابت وعلى أقل تقدير بؤدوا واجباتهم ..
الباشا مستواهو ما ثابت ..
وكذلك فيصل العجب ..(كورة أهلى شندى مثال)
والمريخ بدون فيصل العجب لن يصل المباراة النهائية الا بالحظ ..
لكن الكورة البنعرفها بتقول كده ..
الا بتألق لافت لقلق والباشا او احتمال وارغو "ما شفتو لسه"
الامر الذى لا يمكن الرهان عليه ..


ربنا يسهل يا مان ..

بيننا والنهائي مبارتان فقط يالمشرف
باعتبار ان المريخ دخل دوري الارعة ومباراتيه القادمين مباريات اعداد لا اكثر

المجموعة التانية اضعف من هذه
ولا يوجد فيها فريق كالهلال

سيصل المريخ النهائي ان شاء الله
لكن ان يحمل الكاس هذا شان اخر

للاسف

الكنفدرالية اقرب الى دجوليبا المالى

سيتجاوز الهلاريخ فى دورى الاربعة و النهائى

دجوليبا اقوى من الهلاريخ حتى لو كونوا فريق مشترك

دى الحقيقة

مرحب مواهب

لا اتفق معك في هذا

الكاس لاحد الناديين الهلال او المريخ

وانا اعتقد انها اقرب للمريخ

Quote: فالمريخ مستقر اداريا وماديا

لكن على مستوى الجهاز الفني ما مستقر يا وليد
ختة جبرة في الجير (ولدنا) ريكاردو صاريها ليكم
الوضع حينفجر لو المريخ ما شال كاس الكونفدرالية

عليك الله يا وليد ما تخلينا ننوم في العسل
وبعدين تبقى علينا همسة مازيمبي.




----------------
حقوق (الهمسة) محفوظة لمزمل.

يا اسماعيل ما نوم في العسل

الفريق الوحيد المؤهل يهمسنا الهلال
والمريخ لن يمر بمباراة اصعب من مباراته الاولى مع الهلال التي لعب فيها 70 دقيقة بعشرة وتجاوزها وكانت مع اقوى فرق الكونفدرالية الان حسب تصنيف الكاف


لايوجد فريق سيقابل المريخ اقوى من الهلال يا افكاتو
لذلك لا توجد همشرة
المشكلة انو الهلال ستظهر فيه مشكلة اصابات وبدات تظهر وكلها اصابات تدريبة
في مشكلة في تدريب الاحمال في الهلال يجب معالجتها بسرعة

مرحب الحبيب

لاذم الوضغ ينفجر لو ما احرزها
هي كاس في المتناول وفرصة مواتية

لو ما احرزها تبقى مشكلة