Post: #1
Title: باى باى وصيف ... ممتاز هلال فى الجيب وكيس
Author: بشرى مبارك ود السقاى
Date: 09-20-2012, 08:52 PM
أنتهت المباراة بالتعادل المريخ الهدف الاول والشوط الاول الهلال الهدف الاول والشوط التانى كلو حقو!!! من 6 نقاط كسب الهلال 4 والمريخ نقطة وحيدة ونقطة للهواء الطلق والمريخ ودّع الممتاز والمرة الجاية يودّع كأس السودان والثالثة إن شاء الله المركز الثانى فى الكونفدرالية.
ممتاز نشيلو باى باى وصيفنا باى باى خلاص
غنيينا من لحن الجديد ومن القديم ألحان بلاص
شوط للمريخ وشوط للهلال وهدف تعادل وباص لى باص
فى الجاية ما نرحم وصيفنا فى الجاية حانتطلق رصاص
|
Post: #2
Title: Re: باى باى وصيف ... ممتاز هلال فى الجيب وكيس
Author: Magdi Algorashi
Date: 09-20-2012, 10:02 PM
Parent: #1
ود السقاي
سلام وتحية
احترم فيك عدم التعصب دائما حقاني
بس الليلة راح ليك الدرب في الموية
وشايف امنياتك كترت
يازول خت الرحمن في قلبك هلالك دا كاس
واحد بجيبو مافي
تقول لي دوري ممتاز كاس محلي اقول ليك نعم
اما كنفدرالية كاس خارجي فهذة البطولات لها اسيادها
المتمرسين عليها وطبعا بااختصار شديد دا شغل الزعيم
وشعارنا دائما الكاس كاسنا ونحنا اهلو وبنستاهلو
يعني الزعيم في المنافسة دي ماتعشم
واخيرا بالطول بالعرض مريخنا يهز الارض
لكل مني كل الود والاحترام
|
Post: #3
Title: Re: باى باى وصيف ... ممتاز هلال فى الجيب وكيس
Author: بشرى مبارك ود السقاى
Date: 09-20-2012, 10:57 PM
Parent: #2
يا مجدى القرشى سلام وشكراً على مرورك التمام وليك غالى الاحترام .
مريييخكم والله فى الشوط الاول (وقّف قلبنا عدييل ) حاضرنا مع أخونا الهلالابى بكرى وحضر معانا المريخابى أبوبكر وكالعادة عندو حركة بعمله لينا دايماً وهى يسجد سجود الشكر بعد الهدف !!! تركنا فى الشوط الثانى بعد عشر دقائق وقال عندو مشوار !!! وأستلمنا الشوط التانى !!بعد أن أحرزنا هدف التعادل سجد بكرى وقال لى كية لى أبوبكر ويا ريت لو كان حاضر !!! هذا المحلى !!!.
أما الخارجى فلا ننكر (خبراتكم القديمة البدأت فى عام الانقاذ ) ولكن قبل 6 سنوات جرت مياه كثيرة تحت جسر الهلال والذى أصبح بعبعاً تعمل له كل فرق أفريقيا (ما عدا شمال أفريقيا ) تعمل له ألف حساب ويا مجدى من أسع بقول ليك لو أتصدرتو المجموعة وأتحاشيتو (دجوليبا ) ممكن تخطو خطوه نحو الكأس ولو غليتو دجوليبا وصلتو النهائى معانا فى النهائى بنعمل فيكم عمايل ما عمله النجار فى الخشب !!!.
|
|