يا حمد يا قريبك ياخي الحالة بقت صعبة و ما معقول تستمر كدا يوما ما ح تحصل كارثة بمعنى الكلمة السيطرة الهلاليلة في الشوط التاني كانت واضحة لكن فعالية الهجوم تعبانة بالإضافة لتألق ضفر و الحضري رغم السيطرة كانت في هجمات مرتدة على درجة من الخطورة تراجع لعيبة الهلال بعد الهدف و تراجع الوصيفاب بعد تقدمهم في الشوط الأول دا انديكيشن على عقلية اللاعب السوداني جاب قون خلاص عايز الكورة تنتهي على كدا
Post: #4 Title: Re: ساااااااااااااااااارق ... Author: Abd Alla Elhabib Date: 09-20-2012, 08:03 PM Parent: #1
مـبرووووك التعادل يا ود البشـري ما فيها كـلِب عشان نشوف الآكشن ?
يا الحبيب ... صحي مبروك التعادل و الحفاظ على فارق النقاط و التفوق في دوري الفين واطناشر على الوصيفاب في مجموع المباراتين الكليبات اصبر ليها بتجيك اديك لمحة عن الآكشن الشوط التاني فيه عشرة ضربات ركنية للهلال وواحدة للمريخ بعد الهدف دا بديك فكرة عن العصر الكان حاصل في الشوط التاني الحضري تألق و أنقذ تلاتة اربعة كور شبه مضمونة وكذلك جمعة في الشوط الأول الهدفين كعادة دفاعاتنا نتيجة السرحان و غياب التغطية
تحية خاصة لضفر فعلا اللاعب كان يستاهل الصراع الجرى حوله بين الناديين
Quote: وين يا ابو اللول مشتاقين والله عجبتني تبصيرة سانيه فك شفرة الحضري اخيرا لكن دحين الزول مو سارق :)
يا ودّ البُشرى سلامات
سارق نظر
تـحاياي
Post: #15 Title: Re: ساااااااااااااااااارق ... Author: احمد الأمين على إدريس Date: 09-20-2012, 09:02 PM Parent: #11
ود البشرى مساء الخير حضرت الشوط التانى انا واستمتعت بسانى والقون اللى فيهو لمحة من قون قديييم كدا لى زيكو (منتصر الزاكى) وقون محمد نور بتاع الاتحاد برضو
ضفر صحى كان ضفر اما الكهل الحضرى كأنى به بيمد فى لسانو لطلحة :) مبالغة ياخ المكركب دا (مابريدو اصلو والله ) لكن الشهادة لله كان نجم ومرن ومطاط ومهاب ماعدا لحظة القوون
الهلال كان فى جماعية لا بأس بها المريخ اتراجع تراجع عجيب وغير مبرر اطلاقاً لكن زى ماقلت نظام جيب قون وانهى الكورة بس دى ما ثقافة اللاعب السودانى براها شكلو معاها كمان المدرب البرازيلى البعمل فى السودان لانو ناس المريخ ديل كلتشى كان لاعب ليهم باك عديل (صحى نسيت هو ما مجنس :)
المهم الله ستر ولطف ومازال الفارق كما هو
اها نقول مبروك ولا نعيش وهمة الاسياد ونقول التعادل غير مرضى والمريخ فلت من هزيمة نكراء
اشهدوا يا زملاء تنظير مارس علي عنصريته المشهور بيها وقال لي شن نفرك :) قوم لف يا عنصري
يا ابو حميد زي ما قلت الحضري و الحق يقال كان نجم مسالة ريدتنا ليه من عدنها لا تنفي الحتة دي بالنسبة لقون زيكو قون سانيه يشبهو في الوضع الطائر و القريب من الأرض لكن قون زيكو كان اشبه بالشوته من سرعة الكورة وكانت المسافة اقرب للمرمى و بشتركو الاتنين في خلعة الحارس , الحضري لسان حالو بقول "بسم الله " :) وبالمناسبة ما يبدو تألق للهلال و سيطرة لا يمكن الحكم بها نسبة لتراجع المريخ و اتاحته الفرصة كاملة للهلال رغم كدا كان يكثر من التحضير و المهاجمين ما متعاونين و عكسياتهم غير متقنة و دي ليست دلائل عافية ازكي النتيجة كويسة لكن ستيل الخلل موجود في الهلال و يكبر كل مرة واكيد ح نقول مبروك التعادل وتقريبا مبروك الدوري ان شاء الله و التعادل مرضي و برضو المريخ فلت .. اها :)
Post: #17 Title: Re: ساااااااااااااااااارق ... Author: عبد العظيم احمد Date: 09-20-2012, 09:48 PM Parent: #16
يا قيقراوي علي النعمة بقيت هتافي ساي .. أقعد باري لي جرجير دا مما قام ياها دي طريقتو في التشجيع ياخ دا مرة دخل الأستاد وقبل الكورة ما تبدأ ذاتو قام يكورك التحكيم فاشل . بالله دي أمة يموتوا في سبيلا شهداء ؟
حد يصحي الأستاذة سهام باللاي يا قيقاترجمان ما أظنها كدا، لأنو تعبيرات وشو وهو بقول العبارة دي كانت زي الزول الأسكوره 30 وقافل ليو على كرت وحيد والكرت دا واحد من النازلين سماهو جوكر
