Post: #1
Title: البشير يفتتح غدا مصفاة الذهب .....
Author: ود الباوقة
Date: 09-18-2012, 10:28 PM
بطاقة انتاجية قدرها 900 كيلو يوميا
الله اكبر
ولله الحمد
|
Post: #2
Title: Re: البشير يفتتح غدا مصفاة الذهب .....
Author: ود الباوقة
Date: 09-18-2012, 10:31 PM
Parent: #1
التحية لك يا سيدي الرئيس وانت تفتتح هذا الصرح
الاقتصادي الهام الذي سيكون دعما قويا للاقتصاد السوداني
وللصادرات بشكل عام
|
Post: #3
Title: Re: البشير يفتتح غدا مصفاة الذهب .....
Author: saif massad ali
Date: 09-18-2012, 10:32 PM
Parent: #2
اختشي
|
Post: #21
Title: Re: البشير يفتتح غدا مصفاة الذهب .....
Author: ود الباوقة
Date: 09-19-2012, 11:37 PM
Parent: #3
سيف كلوش
اركز
|
Post: #4
Title: Re: البشير يفتتح غدا مصفاة الذهب .....
Author: صبري طه
Date: 09-18-2012, 10:33 PM
Parent: #2
أنا كمواطن سوداني مُتنازل عن حصتي من هذا الذهب للأخ العزيز ود الباوقة ...
|
Post: #5
Title: Re: البشير يفتتح غدا مصفاة الذهب .....
Author: ود الباوقة
Date: 09-18-2012, 10:34 PM
Parent: #2
وتحية خاصة للوزير الهمام
الاستاذ . كمال عبد اللطيف
فهو رجل كالغيث اينما وقع نفع
ما شاء الله
عيني باردة
|
Post: #6
Title: Re: البشير يفتتح غدا مصفاة الذهب .....
Author: بشرى مبارك ود السقاى
Date: 09-18-2012, 10:37 PM
Parent: #5
يا ود الباوقة إنت بى جدك ؟؟؟ ولو البلد فيها جنس ده البشير البوديهو مصر يتلفت زى عبدالمحسن فى بكا أولاد الاحمر شنو ؟؟؟
|
Post: #26
Title: Re: البشير يفتتح غدا مصفاة الذهب .....
Author: ود الباوقة
Date: 09-20-2012, 04:58 PM
Parent: #6
اخونا ود السقاي
البشير محل ما يمشي معزز مكرم
شكرا لمرورك
|
Post: #7
Title: Re: البشير يفتتح غدا مصفاة الذهب .....
Author: ود الباوقة
Date: 09-18-2012, 10:38 PM
Parent: #5
ما ان يقفل الله بابا للرزق حتى يفتح ابوابا اخرى
طالما اننا متمسكون بشرعه وهدي نبيه الكريم
الله اكبر
|
Post: #8
Title: Re: البشير يفتتح غدا مصفاة الذهب .....
Author: امين علي الشيخ
Date: 09-18-2012, 10:53 PM
Parent: #1
الاخ الفاضل عمر
تحياتي والف مبروك زواج كريمتكم بارك الله لك
ولها
قلت لي الدهب برضه عايزين يصفوه ؟ أنا لله وانا اليه راجعون
اسمع كلامي ده كويس ! بكره بجوك ويقولوا ليك صفيناه
للصالح العام !! ناسكم ديل بنعرفهم كوييييس بس الحمد لله
الكلمتنا الندس دهيبات البنات وأمهم
معليش يا عمر ياخي دخلت فيك شمال رغم عدم تداخلي كثيرا معك
بحكم تسجيلي حديثا هنا بس لك معزة خاصة في قلبي لا ادري
سببها ربما لاخلاقك الفاضلة رغم اختلافي مع توجهك السياسي الذي انت حر
فيه بلا شك ،، عزراً مرة اخري
والله يا اخي عمر أتمني لقياك وشراب فنجان قهوة معك وقطع شك قبل
ما نكمله حاكون غيرت ليك رأيك في جماعتك ديل
|
Post: #9
Title: Re: البشير يفتتح غدا مصفاة الذهب .....
Author: Hisham Ibrahim
Date: 09-19-2012, 12:11 PM
Parent: #8
| Quote: بطاقة انتاجية قدرها 900 كيلو يوميا |
البـــلــــــل ..........!!!!
ياخ دا في جوهانسبيرج مافي ..
انشاء الله عليكم بالساحق والماحق والبلاء المتلاحق ..... كان يصل الخير دا البلد دقني دي تقوم لي خالتي دار السلام .........
|
Post: #10
Title: Re: البشير يفتتح غدا مصفاة الذهب .....
Author: Alshafea Ibrahim
Date: 09-19-2012, 01:43 PM
Parent: #9
اختشي فعلا
خلي سيدكم الرئيس يشغل لينا محلج واحد من أصل 30 محلجا كانت منتجة وشغالة موروثة من المستعمر الكافر وبعضها من زمن عبود .. تم حرقها بنيران جياد أتعرف ذلك؟
تحياتنا
الشفيع
|
Post: #11
Title: Re: البشير يفتتح غدا مصفاة الذهب .....
Author: nazar hussien
Date: 09-19-2012, 03:24 PM
Parent: #10
Quote: بطاقة انتاجية قدرها 900 كيلو يوميا
|
900X1000 بساوي 900 ألف جرام
والجرام بسعر اليوم يساوي..
علي أقل تقدير 55 دولار
يعني كل يوم خزنتنا حا يكون فيها
49,500,000 دولار...
نفترض انو التسعة مليون وخمسية الف دي
مصاريف وترحيل ومواهي...ومجاملات..وعمولات
وشاي وسجاير...وحق الفطور والغداء الاتنين
الباقي لينا 40 مليون دولار يوميا
وفي سنة واحدة حا يكون في خزنتنا
14 مليار وستمية واربعين مليون
قول الستمية واربعين مليون دي
دفعوها أقساط ديون سابقة....
باقي ليكم بعد سنتين تلاتة
ود الباوقة دا حا يكتب في منبر
بكري دا تاني...
هسي في زول قرأ لي بلقيتس حاجة؟؟؟
|
Post: #14
Title: Re: البشير يفتتح غدا مصفاة الذهب .....
Author: ود الباوقة
Date: 09-19-2012, 06:12 PM
Parent: #11
Quote: ود الباوقة دا حا يكتب في منبر
بكري دا تاني... |
نزار
الخيرات انبهلت على السودان
وفي عام 2014 انبهال لا ليهو اول ولا اخر
اركز
|
Post: #12
Title: Re: البشير يفتتح غدا مصفاة الذهب .....
Author: ود الباوقة
Date: 09-19-2012, 05:50 PM
Parent: #9
http://www.alarabiya.net/articles/2012/09/19/238996.html
العربية.نت
افتتح السودان أول مصفاة ذهب في البلاد، الأربعاء، مع سعيه لتحسين جودة صادراته
المتنامية من المعدن وتعويض الأضرار الاقتصادية الناجمة عن فقد معظم إيراداته النفطية.
ويعمل البلد على زيادة إنتاجه من الذهب بعد خسارة ثلاثة أرباع إنتاج النفط
عندما أصبح جنوب السودان بلداً مستقلاً في يوليو/تموز من العام الماضي.
ووفقاً لـ"رويترز"، تأمل الحكومة أن تساعد المصفاة الجديدة المقامة في العاصمة
الخرطوم على إنتاج الذهب بالمعايير العالمية والحد من التهريب إلى أسواق خارجية
مثل دبي. وسيحصل المنتجون على أموال أكثر مقابل الذهب عالي الجودة ما سيقلص حافز التهريب.
وقال محمد عثمان الزبير، مدير المصفاة، خلال حفل الافتتاج إن طاقة المنشأة
ستبلغ 900 كيلوغرام من الذهب و200 كيلوغرام من الفضة يومياً. ويرفع هذا
التوقعات السابقة للطاقة السنوية للمصفاة لأكثر من مثليها إلى 328 طناً من الذهب بدلاً من 150 طناً.
ويأمل السودان في بيع ما تصل قيمته إلى ثلاثة مليارات دولار من الذهب
هذا العام بما يعادل مثلي إيرادات العام الماضي من صادرات المعدن. وقال
محمد خير الزبير، محافظ البنك المركزي، إن المبيعات بلغت 58 طناً
بقيمة 2.6 مليار دولار على مدى الستة عشر شهراً الأخيرة.
ورغم إمكانيات التعدين الواعدة في السودان فإنه من الصعب تأكيد أرقام
الإنتاج الإجمالية؛ لأن القطاع غير الرسمي يشكل جزءاً كبيراً من صناعة الذهب في البلاد.
Quote: البـــلــــــل ..........!!!!
ياخ دا في جوهانسبيرج مافي .. |
قال البلل
يبلوك ان شاء الله في ترعة كنانة
يا هشام
|
Post: #13
Title: Re: البشير يفتتح غدا مصفاة الذهب .....
Author: ود الباوقة
Date: 09-19-2012, 06:01 PM
Parent: #8
| Quote: والله يا اخي عمر أتمني لقياك وشراب فنجان قهوة معك |
امين عليك الله بطل الهظار
قهوة شنو
انا من خروف ولا فوق ...
قال فنجان قهوة
والله ياهو
تشكراتي
|
Post: #15
Title: Re: البشير يفتتح غدا مصفاة الذهب .....
Author: ادريس خليفة علم الهدي
Date: 09-19-2012, 06:13 PM
Parent: #13
Quote: انا من خروف ولا فوق ...
|
بربار ما خاتي عليك
|
Post: #16
Title: Re: البشير يفتتح غدا مصفاة الذهب .....
Author: ود الباوقة
Date: 09-19-2012, 06:15 PM
Parent: #15
| Quote: بربار ما خاتي عليك |
انت يا خفيف الظل لس قاعد تفرفر
مخير الله
|
Post: #17
Title: Re: البشير يفتتح غدا مصفاة الذهب .....
Author: د.محمد حسن
Date: 09-19-2012, 06:37 PM
Parent: #16
شابكننا سنين
الرد الرد كباري وسد
طلع السد ماسورة كبيرة
ليس الا مجرد معبر اسمنتي لمرور الدواب
اها مصفاتكم دي في الاخر حتنتهي بان تصفي
مريسة تام زين
|
Post: #18
Title: Re: البشير يفتتح غدا مصفاة الذهب .....
Author: جمال خضر
Date: 09-19-2012, 07:34 PM
Parent: #17
ود الباوقة
الجقلبة البتعملوا فيها دى ما بتحلكم
كلما تضيق عليكمالدوائر تعشموا الناس بالخير الوفير
فيتهيأ الناس لذلك يجدوا أن الموضوع عبارة عن شعارات
جوفاء لا تغنى ولا تسمن من جوع .
أركز ود الباوقة B].
|
Post: #19
Title: Re: البشير يفتتح غدا مصفاة الذهب .....
Author: بشرى مبارك ود السقاى
Date: 09-19-2012, 09:00 PM
Parent: #18
لا أحضر التلفزيون إلا للمباريات أو عندما يضايقنى إبنى الصغير أيمن فى الكمبيوتر والنت (الدسك) ويرفض أخوانة الثلاثة منحه اللابتوبات ملكهم !! أجد نفسى متابع لبعض القنوات فتحت قناة الشروق وعرجت على الفضائية السودانية ووجدت برنامج إفتتاح مصفاة الذهب !!!تذكرت ود الباوقة والجرانيس والتكاويين والنمر والعمارة وبنطلون الباوقة العبيدية ونحنا محتركين من العبيدية النفافير مروراً بالمحطة الهدباب لنغشى خديجة شقيقة الاخ الزين ونفطر معاهم ونتحرك للذهاب للباوقة وكان ذلك فى العام 1977م !!ووقتها لا نعرف عن الباوقة إلا أغنية صلاح بن البادية (من نخيل الباوقة طرحة ) !! فأول دخولنا لمنزل فى الجرانيس قريب لصديقنا (زين العابدين حسن الزبير ) وجلوسنا لفت نظرنا التمرة الشايلة دايره تقع !!!! والعجوه فى متناول اليد !! (زى مصفاة دهب ود الباوقة ده !!) وقلنا كدى قعدنا نشيل وناكل !!نامن شبعنا ووقفنا الزين قال هوى التمر بحمييكم الغداء !! لا أنسى بعد الغداء الكارب (التحلية الكاستر مع الرز ) كانت والله العظيم فى العاصمة ولا فى السقاى هذه التحلية ما عندنا وقد أجزم أننى لم أشاهدها مره أخرى .
بعد متابعتى للبرنامج خرجت بالآتى :
وجدت المتحدث مدير المصفاة وهو سودانى عمل فى هذا المجال 25 سنه بالخليج وجاء لتقديم كل خبراته لهذا الصرح وهو المهندس محمد الحسن عثمان الزبير .
* الطاقة الانتاجية للمصفاة 900 كيلو فى اليوم ولكن الانتاج الذى أستلمة بنك السودان خلال 18 شهر 58 طن ويخطط بنك السودان المشرف على مصفاة الذهب مع وزارة المالية أ، يكون الانتاج فى العام 270 طن (متوقع وليس فعلياً ) .
* المبلغ الذى حصل عليه بنك السودان من بيع ال58 طن دهب هو 2 مليار و160 ألف دولار وهو مبلغ ضخم هل تم إستغلاله لصالح المواطن السودانى الفقير ؟؟؟
* تحدث محافظ بنك السودان على ما أعتقد ثم وزير المعادن كمال عبداللطيف وبعده ذهبت لصلاة المغرب لقيت البرنامج أنتهى .
جمييل أن تتجه البلاد للبدائل ولكن السؤال الاهم :
متى تتجه الدولة للمواطن الغلبان لكى توفر له العلاج والتعليم والطرق وأيضاً لمشاكل الذين شردتهم الدولة للصالح العام والذى لم يتوقف حتى هذه اللحظة !!! بل ومتى تفك حجب هذا الموقع ؟؟؟؟ .
|
Post: #20
Title: Re: البشير يفتتح غدا مصفاة الذهب .....
Author: ياسر احمد محمود
Date: 09-19-2012, 09:56 PM
Parent: #19
| Quote: بطاقة انتاجية قدرها 900 كيلو يوميا |
في العام الماضي (2011) بلغ انتاج الصين من الذهب، وهي أكبر منتج له في العالم، حوالى 355 طناً فقط!! تلتها استراليا (270 طناً) ثم الولايات المتحدة (237) ثم روسيا (200) فجنوب افريقيا (190 طناً)!!!
|
Post: #22
Title: Re: البشير يفتتح غدا مصفاة الذهب .....
Author: nazar hussien
Date: 09-20-2012, 07:53 AM
Parent: #20
Quote: نزار
الخيرات انبهلت على السودان
وفي عام 2014 انبهال لا ليهو اول ولا اخر
اركز |
يا ود الباوقة
لا يا زول...ما عايزين بهل أكتر من كدي
بطمّعوا فينا دول البغي والاستكبار...
بهل عام 2014 أكسروا لبقتو علي مصر..
واثيوبيا..وتشاد...وارتريا...لامن تصلوها في الصومال
النبي وصي علي تاسع جار.....
انت قايل نحن كلنا ...بي ناس ودالقاضي ديل كمنا
ما بنفوت لينا كم وتلاتين مليون نفر...
كل اربعة يوم الزول تكون صرفتو جرامين...
ديل براهن 100 دولار...وشهرو 700 دولار
يعني البيت المتوسط بي الميت بيكون شهرو 3500 دولار
كل يوم تسل ليك منهن 100 دولار...وتشتري عتود...وبي الباقي رغيف
|
Post: #25
Title: Re: البشير يفتتح غدا مصفاة الذهب .....
Author: ود الباوقة
Date: 09-20-2012, 04:51 PM
Parent: #22
صدقوني يا نزار
السنة الجاية الماشاف نسوانا لابسات ( حجول ) من الذهب المصفى
لوموني
يعني الشيء المحيرني لا دايرين ترحموا لا دايرين
رحمة الله تنزل
|
Post: #23
Title: Re: البشير يفتتح غدا مصفاة الذهب .....
Author: عمر خليل علي
Date: 09-20-2012, 08:02 AM
Parent: #20
يعني هسه ده عرض واستعراض لانجاز ؟؟؟؟؟؟
لمن شفته البرميل والادوات الحولة تاكد لي صناعتها في المنطقة الصناعية
ولا معهد القرش ولا عند الحلبة ....معقول دي معدات مستوردة ؟؟؟؟؟؟؟(شوفوا الصور في بوست علاء الدين)
يا عالم مش اجدي تشغيل مشروع الجزيرة ينتج خضروات تشبع بس الشعب البائس وجعان ده ....!
والاهتمام بتاهيل الزراعة بدل مضيعة الزمن في الاقناع بالفارغات دي .......!
|
Post: #24
Title: Re: البشير يفتتح غدا مصفاة الذهب .....
Author: مهيرة
Date: 09-20-2012, 04:45 PM
Parent: #23
سلام ياباوقة
Quote: لمن شفته البرميل والادوات الحولة تاكد لي صناعتها في المنطقة الصناعية
ولا معهد القرش ولا عند الحلبة ....معقول دي معدات مستوردة ؟؟؟؟؟؟؟(شوفوا الصور في بوست علاء الدين) |
تصدق ياعمر اخوى انا زاتى اتحيرت لمن شفت البراميل فى التلفزيون
واتحيرت أكتر لمن البشير كرم ليه كم خواجة وشكروهم اظنهم طلاينة لانهم قالوا الشركة ايطالية
لكن عارف بكونوا شكروهم على المأكلة الجديدة
قال مصفاة دهب قال
الله يصفيكم من الدنيا ياحكام ياحرامية يامجرمين
تحياتى
|
Post: #27
Title: Re: البشير يفتتح غدا مصفاة الذهب .....
Author: جمال خضر
Date: 09-21-2012, 01:27 PM
Parent: #24
Quote: الأخ علاء
لك التحية
طالما إنك تطرقت للموضوع يعنى المفترض تكون مُلم بكل التفاصيل
ذكر أحد منسوبيكم فى بوست بنفس الخصوص أن إنتاج المصفاة سيكون
900 كيلو فى اليوم فهل المقصود فعلا الإنتاج سيكون 900 كيلو فى اليوم
أى 900 * 360 يوم = 324000 كيلو فى السنة أى 324 طن سنويا أى
الدولة الثانية فى إنتاج الذهب فى العالم بعد الصين مباشرة
وتتفوقون على أسترالياوالولايات المتحدة وروسيا و جنوب أفريقيا.
أم المقصود أن الطاقة الإنتاجية للمصفاة 900 كيلو فى اليوم؟
هل ستقوم المصفاة بإنشاء شركة للتنقيب عن الذهب ومن ثم تقوم
بتصفيته ؟ أم ستوقع عقدا لتصفية الذهب مع أرياب والشركات الأخرى
العاملة فى مجال الذهب ؟
أما كان الأجدى أن تقوم المصفاة فى موقع المادة الخام أى فى البحر
الأحمر ؟ كيف سيتم نقل الخام عن طريق السكك الحديدية أم عن طريق النقل
البرى ؟ مع العلم أن نقل الأحجار مكلفا جدا .
أرجو شاكرا الإجابة على التساؤلات أعلاه حتى تتضح لنا الصورة .
الصين تعزز موقعها في صدارة الترتيب العالمي لإنتاج الذهب
ارتفع إنتاج الصين من الذهب بـ 5.89 بالمئة في 2011 ليبلغ 360.91 طنا،
بحسب ما أعلنت وكالة الصين الجديدة. يذكر أن الصين أول مستخرج للذهب
في العالم للسنة الخامسة على التوالي. وقد ارتفع سعر الذهب بنحو
30 بالمئة في 2010 و10 بالمئة في 2011.
|
الأخ ود الباوقة
لك التحية
التساؤلات أعلاه موجهة لك أيضا أخى ود الباوقة حتى تعم الفائدة
لأنى بعرف مضطربين (مغتربين) كثيرين على الهبشة دايرين يرجعوا
السودان أها نخليهم يربطوا بقجهم ويحجزوا تذاكرهم ولا ينتظروا
عام 2014 الذى ستنبهل فيه الخيرات حسب زعمك ؟
|
Post: #28
Title: Re: البشير يفتتح غدا مصفاة الذهب .....
Author: ombadda
Date: 09-21-2012, 02:43 PM
Parent: #27
خلال قراءتى لهذا الخبر:
ما تم افتتاحه مصفاة للذهب Refinery وليس تعدين للذهب. يعنى ما ياتى للمصفاة ذهب به شوائب يتم تصفيته وليس صخور وجبال يتم نقلها بالقاطرات.
فى الخبر ورد ان الطاقة الانتاجية 900 كيلوجرام فى اليوم وليس الانتاج الفعلى وهناك فرق، بمعنى ان المصفاة بامكانها تصفى 900 كيلوجرام فى اليوم الواحد لو توفرت تلك الكمية مستقبلا.
|
Post: #29
Title: Re: البشير يفتتح غدا مصفاة الذهب .....
Author: بشرى مبارك ود السقاى
Date: 09-21-2012, 05:00 PM
Parent: #28
نعم كلامك هو الصاح الانتاج ليس 900 كيلو يعنى طن إلا 100 كيلو لو الحكاية كدة كان ممكن نكون بعد الصين فى الانتاج ونرجع كلنا للسودان !!!إنتاج السودان الان ربما يصل ال100 طن فى العام بعد دخول ال6 شركات هذا العام وأتمنى أن يزيد الخير على أهل بلادنا.
|
Post: #30
Title: Re: البشير يفتتح غدا مصفاة الذهب .....
Author: خضر الطيب
Date: 09-21-2012, 07:59 PM
Parent: #29
Quote:
طالما اننا متمسكون بشرعه وهدي نبيه الكريم |
باوقشن انت لقيت معاويه الصائم مافى واتجدعتا
لكن شرع الله وهدى نبيه دى قويه شويه
اذا كان نائب والى ولاية البحر الاحححححمر مسكوهو راكب اربعه بصات فى الجريف
شاطر ومشطور وبينهما طازج
وكرم الله عباس والى القضارف الله يرحموا كان حى ولا ميت
قال تسعين فى الميه من عضوية المؤتمر الوثنى بمارسو اللواط وبعدها ماشاف النور ..
تجى انت الهليفيت دا تقول شرع الله؟
شرع الله اكبر من تفاهاتكم دى
وثم ثانيا انحنا البترول شفنا منو شنو لما تهلل لينا على الذهب ؟
عاوزك تبرر لى وجود التـافـه اخو البشير الجابو شنو يوم الافتتاح لو ما السرقه الحمار اللواء طبيب لعنة الله عليه وعلى اهله
|
|