|
|
 للتوثيق ... صور شيوعية نادرة
|
محجوب عثمان يستمتع بسيجاره وبخطاب النميري
فاطمة أحمد إبراهيم - محجوب عثمان - جعفر نميري - عثمان أبو القاسم
بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدى اشتراكية
ونرفع راية هم خلوها
فوق السارية متكية
دقت ساعة كانت نجمة
في أعماقنا منسية
كنا زمن نفتش ليك
وجيتنا الليلة كايسنا
يا حارسنا
|
|
 
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
قيادات العمال الشيوعية تعلن تأييدها لمايو بالروح والدم
فاطمة أحمد إبراهيم في مقدمة صفوف مايو
يا فارسنا وحارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا
حبابك ما غريب الدار
وماك لي حقنا الودار
كنا زمن نفتش ليك
وجيتنا الليلة كايسنا
يا حارسنا
جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
ظل جعفر نميري هو القاسم المشترك الوحيد بين هاشم العطا وفاروق أبوعيسى والشفيع أحمد الشيخ
الجنيات بشروا وليك البنات زغردن
وتوجوك رأس للبلد، وقودوك الرسن
تسلم أبعاج أخوي دراج المحن
يا أبقليبن صافي طيب
شان نحن عارفنك دليلنا ولرجانا ما بتخيّب
وجبت الري للعطاشى، والمريض بقيتو طيب
تسلم
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
وقفوا مع مايو وقتلوا الناس في بيت الضيافة والانصار في ودنوباوي والجزية ابا
وانقلبت عليهم مايو فبكوا علي الديمقراطية
ـــــــــــــــــــــــ
موونة عشرة اعوام من المحبة
بس اعمل حسابك من الشوايعة
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد المسلمي)
|
الإتحاد النسائي - آمال عباس وفاطمة أحمد إبراهيم
القوى التقديمه تهتف مايو مايو حتى شرخت حلاقيمها
عبدالخالق محجوب يخاطب الطليعه
ويتبارى الخطاب في تمجيد مايو
نقولا نعم وألف نعم ليك يا القايد الملهم
نقولا من الضمير والفم
عشان أولادنا تتعلم
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
الأنصار في أسر الحزب الشيوعي
الإمام الهادي الشهيد بالمعركة
في حكاياتنا مايو
في شعاراتنا مايو
ورسم شاراتنا مايو
أنت يا مايو الخلاص
يا جدارا من رصاص
يا حبالا للقصاص
من عدو الشعب في كل مكان
من عدو الشعب في كل زمان
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
أبطال إنقلاب 19 يوليو وشهداء دار الضيافة
أعدموا غدراً لرفضهم الشيوعية
دماء هؤلاء جميعاً في عنق الحزب الشيوعي
أنت يا مايو بطاقتنا التي ضاعت سنينا
أنت يا مايو ستبقى بين أيدينا وفينا
وسنحميك شعارا وسنفديك اقتدارا
لم تكن حلما ولكن كنت للشعب إنتظارا
| |
|
|
|
|
|
|
|
|
|
Re: للتوثيق ... صور شيوعية نادرة (Re: تيسير عووضة)
|
Quote: وقفوا مع مايو وقتلوا الناس في بيت الضيافة والانصار في ودنوباوي والجزية ابا
وانقلبت عليهم مايو فبكوا علي الديمقراطية
ـــــــــــــــــــــــ
موونة عشرة اعوام من المحبة
بس اعمل حسابك من الشوايعة |
تحياتي يامحمد
جرائم الحزب الشيوعي تحتاج لجدار من المجلدات الـ(غليده)
البوست كان مهم للأجيال القادمه والشوايعه عندنا ليهم سم أكبر من عشاهم
مؤونة عشرة أعوام من الود
| |
|
|
|
|
|
|
|
|
|
Re: للتوثيق ... صور شيوعية نادرة (Re: تيسير عووضة)
|
محمد فرح مؤنة مليون عام من الود
بس لو بقيت حقاني خالص وجبت صور الاعدمتهم الانقاذ من اول ايام لي اسي
ونشوف الفرق بين الاسلاميين والشيوعيين شنو
لو ما جبتها بوستيك ده كانو ما كان
وما تقول اي كلام تاني
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
أخ عباس
تحياتي وإحترامي
البوست عن الحزب الشيوعي فقط
بعدين الممقارنه صعبه لعدم وجود أوجه شبه
تحيات واحترام اخ محمد
علي العكس اوجه الشبه كتيره جدا جدا
ونفس الظلم الانت بتتكلم عنو في الحزب الشيوعي واقع حاليا من حزبكم الانتو بتدافعوا عنو ولو ما شايف تكون دي مصيبه ولو شايف وعامل ما شايف تكون المصيبه اعظم
تحيات
| |
|
|
|
|
|
|
|
|
|
Re: للتوثيق ... صور شيوعية نادرة (Re: تيسير عووضة)
|
Quote: لو كانت هناك نظافة وأفضلية في السياسة "والسياسة السودانية تحديداً على إمتداد حقباتها"
فإن الحزب الشيوعي السوداني سيظل أنظف وأفضل حزب سياسي مر على تاريخ السودان .. |
أخت تيسير
هذا حديث لايصدقه عقل ولايقبله منطق وزي مابقولو المصريين إن كنتي ناسيه أفكرك بجرائم أخرى
محاولة تحجيم جامعة أمدرمان الإسلاميه (قالو دايرين يطوروها فقاموا عملوها كليه) فتأملي على قول ملاسي
والأفدح كانت مذبحة جامعة الخرطوم حيث قام التنظيم الإشتراكي للأساتذة السودانيين بجامعة الخرطوم بفصل عشرات الأساتذه الجامعيين من بينهم بروفيسور عبدالله الطيب ودفع الله الترابي وابومرين وكثيرين
والأمر لم يقتصر على التعليم فقط بل إن الحزب الشيوعي أقصى جميع المعارضين من كل الإتحادات التي سيطر عليها فأسر من أسر وشرد من شرد وقتل من قتل ودونك صور المجازر والدماء
أن نمسح حد السيف بحد اللحية أصبح ياسيدنا أسهل من إلقاء تحية
مؤونة عام من الود
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
Quote:
ÝÇØãÉ ÃÍãÏ ÅÈÑÇåíã - ãÍÌæÈ ÚËãÇä - ÌÚÝÑ äãíÑí - ÚËãÇä ÃÈæ ÇáÞÇÓã
|
ما عرف..... و لكن اعتقد لو ان فاطمه كانت تنتمي الي اي امه اخري
لخرج الجميع حاملين لافتات كتبت عليها
الا فاطمه احمد ابراهيم
في الجك
ليس لانها مقدسه انما احتراما لتاريخها النضالي
| |
|
|
|
|
|
|
|
|
|
Re: للتوثيق ... صور شيوعية نادرة (Re: الفاتح علي التوم)
|
محمد فرح
اسم مفخخ عمل بدار الوثائق المركزية المبنى القديم وخلال هذه الفترة تم استقطابه كعنصر امن
داخل المبنى , استفاد من نقل المبنى الى شارع السيد عبدالرحمن الجديد وتحصل على عمولات
بطرق غير مشروعة , يخدم اجندة حزبية خاصة ويعمل في هذا البوست بأكبر من قدراته الذاتية
ولعلي اشير بوضوح الى ان الكاتب ليس هو والبوست لا يملك قدرات لطرحه . مما يُقرأ في اطار
آخر تشكيكي ,,, محمد فرح زول سااااااااااااااااي كل همه في 2005 الحصول على سيارة اكسنت
سعى بكل ما لايملك الى الحصول عليها من خلال عمولات في المبنى الجديد ... شكراً,,,
................................................................................................................حجر.
| |
|
|
|
|
|
|
|
|
Re: للتوثيق ... صور شيوعية نادرة (Re: الرفاعي عبدالعاطي حجر)
|
Quote:
اسم مفخخ عمل بدار الوثائق المركزية المبنى القديم وخلال هذه الفترة تم استقطابه كعنصر امن
داخل المبنى , استفاد من نقل المبنى الى شارع السيد عبدالرحمن الجديد وتحصل على عمولات
بطرق غير مشروعة , يخدم اجندة حزبية خاصة ويعمل في هذا البوست بأكبر من قدراته الذاتية
ولعلي اشير بوضوح الى ان الكاتب ليس هو والبوست لا يملك قدرات لطرحه . مما يُقرأ في اطار
آخر تشكيكي ,,, محمد فرح زول سااااااااااااااااي كل همه في 2005 الحصول على سيارة اكسنت
سعى بكل ما لايملك الى الحصول عليها من خلال عمولات في المبنى الجديد ... شكراً |
| |
|
|
|
|
|
|
|
|
 Re: للتوثيق ... صور شيوعية نادرة (Re: الفاتح علي التوم)
|
.
السادة / محمد فرح وشركاه المحدودة ................................................... المحترمين
بعد التحية ,,,
| Quote: محجوب عثمان يستمتع بسيجاره وبخطاب النميري |
ما فيها حاجة يا شباب مالقيت صورة عمر البشير في العراق في ذكري تحرير الفاو
يارب متذكرين صورتوا في المنصة وسيجارتوا قصبة _ متأسف أكيد سيجارة رسالية مباركة مازي سيجارة محجوب عثمان _
ما لقيته قدر ما قوقلته كنت حاجيبة ليكم وأكتب ليكم ( عمر البشير يستمتع بالسيجارة وبالعرض العسكري )
أمتناعكم عن التدخين فاد البلد في شنو !!!!!!!!!!!!!!!!!!!!
------------------------------------
على أى حال تسجيل حضور ومتابعة للبوست البتناول بالصور فترة عزيزة من تاريخنا
والحزب الشيوعي السوداني رغم أني كده لله ما بحبوا بس حزب محترم
فشكرا ذكرتونا أيام كان في السودان حكومات محترمه بتدعمه أحزاب محترمه
رجال الجستابو عليكم سلام ( على وزن النشيد السورى حماة الديار )
| |
|
|
|
|
|
|
|
|
|
Re: للتوثيق ... صور شيوعية نادرة (Re: عبد الناصر الخطيب)
|
عبد الناصر الخطيب
قلتلي فتره عزيزه
عجبي
من أبجديات الماركسيه سيطرة الدوله على كل المرافق وسيادة القطاع العام وكانت الكارثه في العام 1970 عندما تم تأميم أغلب البنوك مثل بنك مصر والبنك العثماني وباركليز والبنك العربي والشركات الخاصه مثل شركة الصناعات الكيماويه والبيبسي كولا والشركة الافريقيه الاسيويه ومرهج كافوري ثم مصادرة أموال اغلب رجال الاعمال السودانيين مثل عثمان صالح والبربري وباعبود
جميع هذه البنوك والشركات التي أممت كانت تدر أرباحاً طائله للإقتصاد السوداني وتم تسليم إدارتها للضباط اليساريين والمرضى عليهم من الحزب الشيوعي فكانت الطامة الكبرى وتهالك الإقتصاد السوداني حتى بلغ الحضيض
مؤونة عام من الود
| |
|
|
|
|
|
|
|
|
|
Re: للتوثيق ... صور شيوعية نادرة (Re: الفاتح علي التوم)
|
الفاتح على التوم
تحياتي
الاستاذه فاطمه إمرأه لايستهان إطلاقاً بتاريخها كأول إمرأه تدخل البرلمان .. أيضاً منحتها جامعة كاليفورنيا الدكتوراه الفخريه كما نالت عدة جوائز من الامم المتحده وكانت سباقه في العمل النسائي واقتحمت السياسه بقوة واقتدار
كل هذا لايمنع من محاسبتها بـ(تجرد)
مؤونة عام من الود
| |
|
|
|
|
|
|
|
|
|
Re: للتوثيق ... صور شيوعية نادرة (Re: Osama Mirghani)
|
Quote: كل هذا لايمنع من محاسبتها بـ(تجرد)
|
والله نحنا مصيبتنا مصيبة مع الكيزان الناس فى نهار رمضان كتلوا 28 ضابط نهار رمضان الناس صايمة يجى يقول ليك بيت الضيافة والشويعينى قتلوا خليك من بيت الضيافة
نديك صور من جبال النوبة نشوف الحساب دى كيف يا سيد يا جيد قال بيت الضيافة قال
 \
اية رايك فى بيت الضيافة دا
\
    
| |
|
|
|
|
|
|
|
|
|
Re: للتوثيق ... صور شيوعية نادرة (Re: amir jabir)
|
لا حولا ...
أخي أمير ... حسبنا الله وحده .... فظائع وجرائم لم ولن يراها البشر منذ خلقه ... أصحاب المشروع اللا حضاري الجناة القتلة يتفرجون ويمشون على جماجم وأجساد واشلاء ضحاياهم .. والعالم يتفرج ...
ومحمد فرح (يا سيادتو عبدالعليم) شايل صور الشيوعين مع مايو وعامل فيها رايح من جرائم وفظائع ومصائب بنو جلدته وأخوانه في الدين والعقيدة والجرم (حزبه الشيطان) ؟
حسبنا الله وحده ... كل شيء ممكن التنازل عنه ونسيانه إلا الروح البرئة التي حرم الله قتلها ... الحساب آت لا ريب
الشفيع
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
Quote: لمن أفتح ملف جبال النوبه وجرائم مثلث العماله (عقار ، عرمان ، الحلو) تعال ناقش في الموضوع ده
|
الغريبة ما شايف اى مداخلة لكم جميعا محمد فرح اخوان فى بوستتات جبال النوبة طرفنا : تناقش شنوا يا عمنا
حاسبوا فنسكم قبل ان تحاسبوا يا حسب الله انته بتكضب فى شنوا الشيوعين ديل مقبولين فى السودان وفى العام اكتر من اى اسلامى عموما ننتظر بوستك عن جبال النوبة بفارق الصبر
| |
|
|
|
|
|
|
|
|
|
Re: للتوثيق ... صور شيوعية نادرة (Re: Salwa Seyam)
|
Quote:
ملاحظ يا محمد فرح كل الناس الدخلو فى البوست لا شيوعيين ولا عندهم علاقة بالشيوعية . .
خليك واعى .. |
سلوي صيام
الزول ده وقع في شر اعمالو
انا متاكد ده ما محمد فرح لانو مابقدر علي الكلام ده
| |
|
|
|
|
|
|
|
|
|
Re: للتوثيق ... صور شيوعية نادرة (Re: saif massad ali)
|
Quote: أمير جابر
ركز في موضوع البوست
شغل الإنصرافيه وتشتيت الكوره ده بقى ماجايب حقو
لمن أفتح ملف جبال النوبه وجرائم مثلث العماله (عقار ، عرمان ، الحلو) تعال ناقش في الموضوع ده |
أخي محمد فرح
تحية طيبة
كن صادق مع نفسك ولو لحظة فقط
نحن الشعب ولا لون سياسي لنا نبعه تبع
مافعله نميري وفعله الشيوعية بتأيد وقتل وتقتيل في بيت الضيافة
نعي هذا جيداً
أمير جابر معه كل الحق
لا نصرافية فيما ذهب إليه كلها حقائق
والذي فعلته الانقاذ من قتل وسرقة ظاهرة للعيان وتصفيات لشخوص لم يسبق لها مثيل
ما فعله اي نظام في السودان
وكفى ما صار عليه السودان الآن
وامتلئت جيوب طقمة الانقاذ
بوستك اساساً لم يكن للتوثيق قصدت ان تفش به غبينة في نفسك من الحزب الشيوعي
فلما تلوم أمير جابر الذي أحب ان يصحي فيك الضمير
لمقاصدك من هذا البوست
ولك التحية والمودة
| |
|
|
|
|
|
|
|
|
|
Re: للتوثيق ... صور شيوعية نادرة (Re: ناظم ابراهيم)
|
أصدرت محكمة جنح كرداسة حكمًا بحبس عضو مجلس الشعب السابق أنور البلكيمي 3 أشهر مع إيقاف التنفيذ.
وصدر الحكم على النائب السلفي أنور البلكيمي لاتهامه بالبلاغ الكاذب وإزعاج السلطات والتزوير عقب إجرائه عملية تجميل بأنفه، وادعائه تعدي عناصر مجهولة عليه بالضرب وإحداث إصابات به لسرقته.
وكان أنور البلكيمي أثار عاصفة من الجدل اهتم بها الشارع المصري، حيث تقدم مدير مستشفى سلمى ببلاغ لأجهزة الأمن أفاد فيه بالأوراق الرسمية بأن النائب دخل المستشفى وأجرى جراحة تجميل في أنفه، وأنه أصر على مغادرة المستشفى في ساعة متأخرة من مساء نفس اليوم، أي قبل ساعات قليلة من بلاغه عن حادث الطريق الصحراوي
| |
|
|
|
|
|
|
|
|
|
Re: للتوثيق ... صور شيوعية نادرة (Re: Kostawi)
|
صغر الصورة يا كوستاوي فالبوست يحتاجه السيد فرح (او ياسر ) او في روايات اخرى ديجانغو
عموماً صغر الصورة وانتظر ما بعد البوست حتى الان الخطة فاشلة لان البوست له خطه وضعت
بإحكام ويحتاج مداخلات لم تأت بعد .... يعني تفتكر الصور دي غير متاحة او هي في قمة السرية
كما يريد ان يرسل لنا السيد ديجانغو !!!!!
..................................................................................................................................حجر.
| |
|
|
|
|
|
|
|
|
|
Re: للتوثيق ... صور شيوعية نادرة (Re: الرفاعي عبدالعاطي حجر)
|
| Quote: من أبجديات الماركسيه سيطرة الدوله على كل المرافق وسيادة القطاع العام وكانت الكارثه في العام 1970 |
والمؤتمر الوطني سرق (ابجديات الماركسية )وطبق النظرية بحذافيرها وكانت الكارثة التي هوت بالسودان
حين سيطرت الاسلاموية على الدولة بقطاعها العام والمختلط والخاص وعاثوا في الارض فسادا
جرائم الانقاذ هي الاكثر وفاقت كل جرائم الحكومات التي تعاقبت على حكم الوطن
| |
|
|
|
|
|
|
|
|
|
Re: للتوثيق ... صور شيوعية نادرة (Re: ماضي ابو العزائم)
|
Quote: والأفدح كانت مذبحة جامعة الخرطوم حيث قام التنظيم الإشتراكي للأساتذة السودانيين بجامعة الخرطوم
بفصل عشرات الأساتذه الجامعيين من بينهم بروفيسور عبدالله الطيب ودفع الله الترابي وابومرين وكثيرين |
هذا البوست للتوثيق كما ذكرت . . . و علية :-
تم إنشاء الاتحاد الاشتراكي عقب احداث 19 يوليو 1971م
و عودة نميري فى 22 يوليو 1971م و ما اعقبها من
تصفيات لكوادر الشيوعين من كان منهم داخل السلطة
او خارجها . . علية لا يستقيم ما ورد داخل المقتبس
| |
|
|
|
|
|
|
|
|
|
Re: للتوثيق ... صور شيوعية نادرة (Re: علاء الدين صلاح محمد)
|
| Quote: جرائم الانقاذ هي الاكثر وفاقت كل جرائم الحكومات التي تعاقبت على حكم الوطن |
الإنقاذ لاتحتاج لمن يدافع عنها لأن إنجازاتها تكاد تنطق في مكان
سلام
تنميه
تعليم
سدود
بترول
صناعه
طرق
إنها أهرامات ياعلاء الدين
أهرامات يكاد يبصرها الأعمى
مؤونة عام من الود
| |
|
|
|
|
|
|
|
|
 Re: للتوثيق ... صور شيوعية نادرة (Re: محمد فرح)
|
Quote:
الإنقاذ لاتحتاج لمن يدافع عنها لأن إنجازاتها تكاد تنطق في مكان
سلام
تنميه
تعليم
سدود
بترول
صناعه
طرق
إنها أهرامات ياعلاء الدين
أهرامات يكاد يبصرها الأعمى
مؤونة عام من الود |
اكيد بتهظر مش كدا يا عمك؟؟
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
محمد فرح
سلامات
نحن حلقنا نشف نقول الكيزان والشيوعيين وجهين لعملة واحدة.. وقلنا الكيزان تلاميذ الشيوعيين فى
التنظيم والأمنجويـة..
شكـرا على البرهان والدليل
مع التحفظ على معلومات بيت الضيافـة... فاقول لك بالفم المليان إن عبد الخالق رحمه الله لا يمكن
أن يأمر بتلك المجزرة تحت أى ظرف..
| |
|
|
|
|
|
|
|
|
|
Re: للتوثيق ... صور شيوعية نادرة (Re: محمد فرح)
|
أمير جابر :
الصور التي أوردتها لا تدحض محمد فرح وتنظيمه المجرم
ولكنها تقض مضاجعنا نحن دعاة السودان الجديد الموحد
فقد عجزنا أن نقوم بأضعف الأيمان ، أن نخرج في مظاهرة
تندد بالتنكيل والقصف العشوائي للقرى الامنة في جبال النوبة
وجنوب كردفان عمومآ ، والنيل الأزرق و دارفور
عجزنا ان نجعل الحرب في جنوب كردفان والنيل الأزرق على رأس أولوياتنا
نحن عجزنا والإعلام العربي المؤجج للثورات ، سكت عن الحالة السودانية
بما يجعلنا نتشكك في دوافعهم
محمد فرح والكيزان عمومآ في سعيهم المحموم لتسويد سجل الحزب الشيوعي الناصع
يتناسون جرائمهم البشعة ، وترد الكرة عليهم ، المفضوحين
| |
|
|
|
|
|
|
|
|
|
Re: للتوثيق ... صور شيوعية نادرة (Re: أبو ساندرا)
|
تحياتى
طالما للتوثيق...
ممكن تورينا (شهداء) بيت الضيافه كيف وقفوا ضد الانقلاب ,,,او حتى قاوموا الأنقلاب ..
البروفسير عبدالله الطيب تم ترشيحه لكى يكون مديرا لكلية امدرمان الاسلامية,,,وهو رفض الترشيح ,,
kofi
| |
|
|
|
|
|
|
|
|
|
Re: للتوثيق ... صور شيوعية نادرة (Re: احمد خليل)
|
Quote: تحياتى
طالما للتوثيق...
ممكن تورينا (شهداء) بيت الضيافه كيف وقفوا ضد الانقلاب ,,,او حتى قاوموا الأنقلاب ..
البروفسير عبدالله الطيب تم ترشيحه لكى يكون مديرا لكلية امدرمان الاسلامية,,,وهو رفض الترشيح ,,
|
تحياتي أحمد خليل أو كوفي كما تحب
الضباط الذين تم إعتقالهم ووضعهم بيت الضيافه ينقسمون لقسمين
الجزء الأول هم كبار قيادات الجيش وقادة الأسلحه الذين يشك الإنقلابيون في ولائهم للحزب الشيوعي
الجزء الثاني هم الضباط الذين فاتحهم الإنقلابيون بالإنضمام لحركة هاشم العطا لكنهم رفضوا
المجموعتين ديل عددهم الكلي 38 ضابط قتلوا بدم بارد وبشاعه ودناءه لايتخيلها عقل
أما مايخص بروفيسور عبدالله الطيب فالرجل كان يعلم أن مايحدث هو مؤامره لتدمير جامعة أمدرمان الإسلامية التي كانت تثير حنق الشيوعيين جداً فحولوها لكليه للدراسات العربيه والإسلاميه تحت غطاء (تطوير) الجامعه فأي تطوير هذا .
ثار بعض الطلاب على الامر فحوكموا بالسجن لمدة عامين وأيضاً حوكم صحفي تحدث عن هذه الجريمه بنفس المده
مؤونة عام من الود
| |
|
|
|
|
|
|
|
|
|
Re: للتوثيق ... صور شيوعية نادرة (Re: حافظ انقابو)
|
Quote: مع التحفظ على معلومات بيت الضيافـة... فاقول لك بالفم المليان إن عبد الخالق رحمه الله لا يمكن
أن يأمر بتلك المجزرة تحت أى ظرف.. |
دون تحفظ او اي تردد لو قد امر بقتلى بيت الضيافة لكان الاولى قتل
النميري ومجموعته للخلاص منهم وقد كانوا في ايدي هاشم العطا
لرصاصة في القلب كان اراحتنا من كثير شقاء وطني تم بعد ذلك .
.........................................................................................حجر.
| |
|
|
|
|
|
|
|
|
|
Re: للتوثيق ... صور شيوعية نادرة (Re: حافظ انقابو)
|
Quote: أخونا خالد المنسي
النهضه التي حدثت في عهد الإنقاذ لم يحدث لها مثيل
السودان قفز بالزانه وتطور تطوراً لم يكن يتخيله أحد
ماذا فعل الشيوعيون غير القتل والتشريد وتخريب الإقتصاد ؟؟؟!!!!
والبوست للتوثيق سيدي الفاضل
مؤونة عام من الود |
اخي محمد فرح
انا لا ادافع عن الحزب الشيوعي
أنما اقول الذي فعلته الانقاذ من قتل وتشريد وتجويع للشعب السوداني لم يسبق له مثيل طوال العقود الألف التي مضت
وظهرت لاول مرة في عهدهم
تصفية ( لمن كانوا معهم في خندق واحد )
مقابل تنمية تتشدغ بها الانقاذ
ضع
قتل في كل مكان
اسر وسجن لكل حر قال لا
تجويع وبناينهم طال عنان السماء في الخرطوم وعواصم اخرى
حروب طاحنة في الشرف والغرب وجنوب انفصل
أنحطاط خُلقي بتأثير قوة دافعة
رشوة متفشية
نصب واحتيال
مال عام مباح اين ما كنت
ضرائب باهظة اثقلت كاهل اهلي الحنان
وفوق الضرائب كلمة حق تذهب لجيوب من استحلوا الحرام والباطل ( الزكاة )
تدني في مستوى التعليم عالي وواطي فهو واطي رغم كثرة الجامعات التي تسميها طفرة التعليم
اصحى من غفلتك اخي الكريم
نحن شعب اضناه مسكنات انقلاب انقاذكم التي تسموها ثورة
فالثورة هي حركة الشعب أو ثورة يؤيدها الشعب
واقصد بالشعب الشعب الحر النقي العفيف
لا الطبالة والمستفدين أزيال النظام تلقى لهم لقمة يطعموا منها أهلهم
ونحن كما قال الشاعر الجميل عبدالقادر الكتيابي
قدرنا نميز بين المفيد والمستفيد
يمكنك بيع مياهك هذه في حارة أخرى ليس هنا
مع تحياتي ومودتي
| |
|
|
|
|
|
|
| |
محمد فرح
محمد المسلمي
تيسير عووضة
abas
عبدالوهاب علي الحاج
)
الفاتح علي التوم
الرفاعي عبدالعاطي حجر
saif massad ali
Osama Mirghani
amir jabir
خالد علي محجوب المنسي
ناظم ابراهيم
عمر صديق
Kostawi
علاء الدين صلاح محمد
ماضي ابو العزائم
محمد علي عثمان
ضياء الدين ميرغني
Abureesh
أبو ساندرا
حافظ انقابو
فيس بوك
تويتر
انستقرام
يوتيوب
بنتيريست