Post: #1 Title: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 02:33 PM Parent: #0
الحناكيش والحنكوشات يكبروا اللفه أنا زول
عربجي ساي
Post: #2 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عماد حسين Date: 09-17-2012, 02:37 PM Parent: #1
Quote: الحناكيش والحنكوشات يكبروا اللفه أنا زول
عربجي ساي
أظنك اشتهيت زمن "حميرا" يا ود الباهي :)
Post: #5 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 02:42 PM Parent: #2
Quote: أظنك اشتهيت زمن "حميرا" يا ود الباهي :)
هلا بالارباب عماد حسين يازول حباب زمن حميرا أتمني لو كنت أنتمي لزمن خدوا مشلخ . هييييييع
Post: #3 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 02:37 PM Parent: #1
مايجيني أبراهيم بقال ويشبكني الجلد دا هباله وعبط ، والله ضهرنا دا زاتوا لو مالقي ليهوا صوت صوتين الرطوبة دي ما بتطلع منو
الله يقطع الغربه وسنينا
Post: #7 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عماد حسين Date: 09-17-2012, 02:52 PM Parent: #3
Quote: هلا بالارباب عماد حسين يازول حباب زمن حميرا أتمني لو كنت أنتمي لزمن خدوا مشلخ . هييييييع
تعرف يا عادل
والدي ربنا يرحمو بيحكي لي ذكريات شبابو
قال لي: زمان لما نسمع صوت "الدلوكة" غرب كبوشية، بنقع البحر
ونقطعوا عوم... ولحدي ما نصل محل الدلوكة تكون الهدوم نشفت :)
الله يرحمو ويغفر ليهو
Post: #4 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: محمد علي البصير Date: 09-17-2012, 02:39 PM Parent: #1
Quote: الحناكيش والحنكوشات يكبروا اللفه أنا زول
عربجي ساي
أخوي عادل ـ غالي والطلب رخيص
ولا يهمك يا حبيب
ليك على أنا متبرع عشان نلبي طلبك دا
عندنا أهلنا جارهم عربجي مسلط عندو سوط عنج ـ بالله تحلف تقول مصنوع من جلد فيل شدة ما تقيل
الزول دا ينتظرك في صالة الوصول
وأنا متبرع بحق التاكسي ذهاب وعودة
بس ما تنسى تصور لينا التراث دا وتنزلوا لينا هنا
Post: #6 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 02:49 PM Parent: #4
Quote: أخوي عادل ـ غالي والطلب رخيص ولا يهمك يا حبيب ليك على أنا متبرع عشان نلبي طلبك دا عندنا أهلنا جارهم عربجي مسلط عندو سوط عنج ـ بالله تحلف تقول مصنوع من جلد فيل شدة ما تقيل الزول دا ينتظرك في صالة الوصول وأنا متبرع بحق التاكسي ذهاب وعودة بس ما تنسى تصور لينا التراث دا وتنزلوا لينا هنا
حبيبنا محمد علي البصير أنت قائل كلامي دا كلام جوامع يازول حرم بعد ما أعقد دا أحساسي وأنا بكتب ما أحسه فمرحبا بك وبي جارك فحق التاكسي علي وعليك حق التوثيق . أها قصرت معاك ؟
Post: #8 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 02:53 PM Parent: #6
عليكم الله البوست دا برعاية حزب البهجة والمسرة
لا عاوزين سياسة ولا رياضة وأي زول خاتيني فوق راسوا
يلبد لي فوق بوست تاني
Post: #9 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 03:04 PM Parent: #8
Quote: تعرف يا عادل والدي ربنا يرحمو بيحكي لي ذكريات شبابو قال لي: زمان لما نسمع صوت "الدلوكة" غرب كبوشية، بنقع البحر ونقطعوا عوم... ولحدي ما نصل محل الدلوكة تكون الهدوم نشفت :) الله يرحمو ويغفر ليهو
ياعماد ربنا يتقبل الوالد قبولا حسنا عندي أبن خالي عمروا 19 سنة ساكن دار السلام المغارية بعد ما ناس بيتهم ناموا خلاص جاهوا تلفون قالوا ليهوا في حفله في الحله الجديدة بالخرطوم جنوب بي البشير ومالاقين زول ينجلد ، زولك أجر ليهوا أمجاد ويافكيك للحله الجديدة
Post: #10 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 03:08 PM Parent: #9
Post: #11 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: ود الباوقة Date: 09-17-2012, 03:13 PM Parent: #10
هييييييييييييييييييع
اركز يا الباهي
اركز يازول
Post: #12 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: خضر الطيب Date: 09-17-2012, 03:24 PM Parent: #11
ود الباهى سلام
لما تجى بريطانيا الشهر الجاى اغشى شبرد بوش واسال دفع الله عن محل السيطان السمحه
Post: #19 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 04:15 PM Parent: #14
Quote: عادل الباهي نحن غايتو السيطان خلينها بقينا ضرب نار ساكت اقطع سريع الميدان الغربي
سيف كلوش يا بن عمي لا تغرك صورتي دي ، أبن عمك مجبور ساي ،قانون العمل وكدا. لكن زي ما اسلفت ليكم انا زول عربجي ساي زول عراقي وسروال وسديري وأفتخر .,لكن ضرب النار ما بنهابوا ، ميدانك الغربي أقطعوا براك جري ، حرم الجري ما بعرف ليهوا
Post: #16 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 03:45 PM Parent: #12
Quote: لما تجى بريطانيا الشهر الجاى اغشى شبرد بوش واسال دفع الله عن محل السيطان السمحه جيب سوطك ,ومعاهو علبة قطران وعراقى وسروال وتعال مابقصر معاك .. والله صحى
خضر الطيب ياحبيب والله العراقي والسروال ديل مقدور عليهم ، أنا بريطانيا دي بدخلا بداية كل شهر لا بعرف ليك شبرد بوش ولا أوباما ، حضر أنت صوت العنج والقطران و أحلف لي طلاق قدام الناس هنا أنك جاهز وحرم بعد ما أعقد بتكاملك ، يأخ ضهرنا نمل عديل كدة
Post: #17 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 03:59 PM Parent: #11
Quote: هييييييييييييييييييع اركز يا الباهي اركز يازول
هيييع يا ود الباوقة اقسم بالله ضهري مشتهي ليهوا صوت عنج وراكز بس عاوز الدلوكة تدق
Post: #13 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عماد حسين Date: 09-17-2012, 03:27 PM Parent: #9
Quote: ياعماد ربنا يتقبل الوالد قبولا حسنا عندي أبن خالي عمروا 19 سنة ساكن دار السلام المغارية بعد ما ناس بيتهم ناموا خلاص جاهوا تلفون قالوا ليهوا في حفله في الحله الجديدة بالخرطوم جنوب بي البشير ومالاقين زول ينجلد ، زولك أجر ليهوا أمجاد ويافكيك للحله الجديدة
ناسن ما فيهم زول بنجلد، ديل ما فيهم خير تب :) __________________________
معقول نفر واحد ينجلد ما يلقوهو :)
انت متأكد الدلوكة دي في الحلة الجديدة :)
يعني مافي المنشية أو الصافية :)
_________________________ أستغفر الله العظيم.. البوست ده مودينا وين؟!!! :)
دايرين ترجعونا لي جاهليتنا التانية ولّ شنو يا ود الباهي :)
Post: #15 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: ناذر محمد الخليفة Date: 09-17-2012, 03:45 PM Parent: #13
سيف مساعد عادل قال :
Quote: وأي زول خاتيني فوق راسوا
يلبد لي فوق بوست تاني
بعدين ضرب نار شنو العليك ..!!
مش إياهو ضرب الفراخ والمشويات في مطعم بدر ولا ضربا تاني
مطعم بدر قالوا فيهو كل أنواع المشويات والطيور .. أنت لمن مشيت ليو اوع تكون طلبت واحد بوم وعيشتين
يا عادل سلام وربنا يديك السوط الفي مرادك ..
Post: #18 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: saif massad ali Date: 09-17-2012, 04:11 PM Parent: #15
ناذر محمد الخليفة
اضربوك بي سوط الغوغاية
قول امين
حنكوشة
Post: #20 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: تولوس Date: 09-17-2012, 04:30 PM Parent: #18
يعلم الله انك مك ... وشوقك ده شوق للمحنة والاهل والاحباب الله يرجعك سالم وغانم وتبل شوقك بكل اريحية وطيب
كما ندي القلعة محكرة هنا كان خليت البشيرة غني ليك ... ظبية الوادي
تحياتي لكل الحضور الكريم
Post: #21 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: ود الباوقة Date: 09-17-2012, 04:43 PM Parent: #20
سيف كلوش
قال ضرب نار
هانت الزلابية والله
Post: #22 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: صديق الموج Date: 09-17-2012, 04:56 PM Parent: #21
عادل ود اختى كيف حالك ما شفت اولاد سرارة خالتى فى عرس ناجى اخوك وفى دار الصيادلة والحفله بندى القلعه قعدوا بالسراويل وحلفو يا يدقوهم يا يفرتقو الحفلة.. ود اختى ما تضحك فينا ناس البندر ناذر ورهطه اولاد تلاته بيبسى بالخلاطه ديل انت مغترب وين فى وادى عليان الله يصرف شواطينك،،،
Post: #23 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: حمزه بابكر الكوبي Date: 09-17-2012, 06:07 PM Parent: #22
ود الباهي سلام كان جابك الدرب مرة بانتويرب تعال عندنا بديل لصوت العنج (خرطوش شيشة متين )
Post: #24 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عبدالمجيد الكونت Date: 09-17-2012, 06:37 PM Parent: #23
نسأل الله يرد غربة الجميع سلامات يا عادل وكل عام وانت بخير
Post: #34 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 10:52 PM Parent: #24
Quote: نسأل الله يرد غربة الجميع سلامات يا عادل وكل عام وانت بخير
هلا بالكونت حرم يابن عمي أنت وحيدر الزين شوفت أسمكم ساي هنا بتريح الزول فسلام مربع ليك ولودالزين الرجل الزين . بيني وبين نفسي "- والله يا كونت أنت وحيدر الزين بقيتوا شبهة بلاهي كل ما افقدكم يقولوا الناس ديل أب صلعة وداهم الرج نسأل الله السلامة .
Post: #25 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 07:36 PM Parent: #15
Quote: بعدين ضرب نار شنو العليك ..!! مش إياهو ضرب الفراخ والمشويات في مطعم بدر ولا ضربا تاني مطعم بدر قالوا فيهو كل أنواع المشويات والطيور .. أنت لمن مشيت ليو اوع تكون طلبت واحد بوم وعيشتين يا عادل سلام وربنا يديك السوط الفي مرادك ..
ياناذر سيف مساعد دا لو ماكنت أعرف طيبة قلبه والله كنت عملتوا كستليتا ليكم هنا ـ فالزول دا قلبه أبيض لكنه أختار الطريق
الغلط لكن في النهاية علينا أحترام خيارتة . ياناذر والله السوط محتاجوا الان عسي الواحد ضهروا يرتاح يابن عمي
Post: #26 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 08:03 PM Parent: #25
Quote: يعلم الله انك مك ... وشوقك ده شوق للمحنة والاهل والاحباب الله يرجعك سالم وغانم وتبل شوقك بكل اريحية وطيب كما ندي القلعة محكرة هنا كان خليت البشيرة غني ليك ... ظبية الوادي تحياتي لكل الحضور الكريم
تولوس ياحبيب اللهم آميين فشوقي لا يوصف للأهل والاحباب وأسأل الله أن يمد في الاجال وأتمولص كدا وأخد لي صوت صوتين في ضهري دا عسي ولعل الواحد بالوا يروق ، والله الواحد ضهروا مكوفر الف تحيا وتحيا لك
Post: #27 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 08:35 PM Parent: #26
صديق الموج يا خال حرم لو عارفك بتجي بي هنا كنت ضبحت ليك عديل كدة
Quote: عادل ود اختى كيف حالك ما شفت اولاد سرارة خالتى فى عرس ناجى اخوك وفى دار الصيادلة والحفله بندى القلعه قعدوا بالسراويل وحلفو يا يدقوهم يا يفرتقو الحفلة..
والله كل ما أشاهد السي دي ضهري بيأكلني وندي القلعة قالوا أعتزروا ليها من كثرة سيطان العنج اللفات قالت ليهم أنا زاتي عرس مافيهوا جلد كأني ما غنيت
Quote: ود اختى ما تضحك فينا ناس البندر ناذر ورهطه اولاد تلاته بيبسى بالخلاطه ديل انت مغترب وين فى وادى عليان الله يصرف شواطينك،،،
ياخال أنا تربية بندر لكن في أنسان بينفصل من محيطوا؟ وحات شيطاني ضهرنا دا لو مالقي ليهوا صوت عنج مابيستعدل زاتوا
Post: #28 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 08:57 PM Parent: #27
الله لا تاجركم والله الليلة لو مالقيت لي صوت عنج يأني الماشي الشارع أمعط لي أوربي لا يدوا ولا كرعوا ساي
Post: #29 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 09:25 PM Parent: #28
Quote: ود الباهي سلام كان جابك الدرب مرة بانتويرب تعال عندنا بديل لصوت العنج (خرطوش شيشة متين )
حمزه بابكر سلام ياحبيب أنتويرب جيتايوم الاثنين المضي وصلت محمد الامين ( فرتاق جا معاي من لندن ، خرطوش شيشة ما معانا عندك صوت عنج بكره بجيك ، غير كدة أرجع السودان ساي المقعدك شنو صوت عنج ماعندك والله كان عندي صوت عنج ماشاءالله عليهوا مشيت بيهوا مناسبة سودانية بس بدينا في الموليص البوليس كبس الله لا كسبوا شالوا معاهوا أسع أنا منزل لي محامي عديل كدة عشان صوتي دا
Post: #30 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: بكري عباس علي Date: 09-17-2012, 09:52 PM Parent: #28
ود الباهي
انت بصحك ؟
كان جادي عندي ليك سوط عنج مقطرن وجاهز انت بس اركز بس المشكلة وين اخاف خواجاتكم ديل يصادروه في المطار بانه من اداوت التعذيب ( حصلت لينا جد جد قبل كده )
كسرة ياخي يوم شكرك ما يجي ناس فيخيل ديك ما قصروا معانا وطبعا انا فقدت رقمك لكن رسلت ليك ماسنجر ما عارفو اذا وصلك او لا
شكرا تاني يا حبوب
Post: #31 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: saif massad ali Date: 09-17-2012, 10:20 PM Parent: #30
ناذر محمد الخليفة
تعرف السوط شوفتي في حياتي وانا ابن خمسة او ستة اعوام جلد كواهلة وجعلين صعيد
دلوكة جد قسم انا جدعني ابوي اظن خمسة متر في الهواء كنت قاعد قدامو وشاب عمرو 17 سنة قال الحفلة مافيها رجال
ابوشال السوط ورش الزول ده الدم طار في السماء والله النسوان رقد في الولد غايتو انا مابعرف جعلين السافل في البطان كيف
ماشفتهم عندهم دم في الجلد
Post: #32 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: سيف اليزل برعي البدوي Date: 09-17-2012, 10:25 PM Parent: #31
كتب ياسر حنفورة في منتديات رفاعة: مره زمان مشينا حفله في قريه من قرى شندي انا وواحد اخونا لي واحد اخونا عرس اخوهو( الخوّه كملتها كلها )..أها طبعاً شندي دي دار جعل وناس رجال كرم وجود وعين حمراء هييييييييع أنا أخوك يا ام جدايل..!!علي الجزيمه أنا انتر مما دخلت لامن ودعونا! العرضه دي لامن تدقش المروحه..! الدلوكه دي مدوره من 7 يوم !! الجلاليب دي حُمر من الجلد!! كع انا أخوك آفاطنه ..أها طبعاً بتجي خاشي كده تتخن صوتك عاااااااااا عوووووو معاها زئير كده سلاااام آرجاله يردو ليك مرحب حبابك لا جوه(تبارك الله رعده بس) !! حرّم الديوان ده من الصوت الجماعي يقرب يقع !! صوت زي المدفع!! حبابك دي لامن تنخلع ..ده الكلام والله هييييييع دي ماتديك الدرب ناس فرسان وناس حاره..أها كان جاي فنان من الخرتوم اسمو عباس بس اسم الشهره لولو !! الكلام ده ماااااااااعجب الناس ديل !! كان بيبرف (من بروفه) وبيغني يمه واااا ناري السبتو بلالي (ماعايز اوصف الطريقه) ..الناس دي اتضايقت ضيق..الشنبات دي من النفخ تمشي ربع متر !! العيون شرار ..تسمع تحت تحت آزول ها ماتنقرع!! الله يصرفك آب غناياً متل الدُراب...واحد اتضايق خلااااااااس وقفت ليهو تب قام واتنفض وعايز يربطو !! الناس مسكوهو!! أها انا قلت نطلع الزول ده من الموقف ده قلت ليهم رايكم شنو آناس ننم (بي نفخه كده) أيا ده الكلام أها آجنا نم ..نفخت صدري كده وبي نتره قلت ليهم:
يا بُقة عقود السم يا مقنع بنات جعل العزاز من جم الخيل عركسن ما قال عدادن كم فرتاك حافلن ملاي سروجن دم هيييييييييييييييييييييييع أبشر أبشر آجناويجروك من رقبتك كدي والبشّير بالسكين (شكيتكم علي سكاكينكم الفوق عنقرتي دي ) لامن رقبتي وجعتني من الجبيد ( الجر) ..أها انا ذاتي رقبتي طالت وشبكوني ليك عقّب (يعني تنيها ) ..علي الجزيمه انا من المسادير لامن بقيت انهر براي زي التاتشر الفوقو كاتيوشا (راجمه ).. اهااااااااااااااااااااااا الكلام لامن جينا الحفله زولي القبيل كانو حالفين ليهو شبكهم ليك ود المك عريس ..ومابرضالك الميته ام رماداً شح بس الطريقه ماااااعجبتهم!!!!! انا طبعاً مابقدر أشوف لي ساون وما اغني حكمة الله اقيف جمب جزاره ولا سوق الاحد أغني مع الناس الببيعو !! عليك الله مامبالغه !!؟؟؟ اها مسكت ليك المايك أغاني سيره جد مزيكة الحواري كع سيره ومصطفي سيد احمد!! المدفع اب سكلي ..الليله سار ..سوات العاصفه اقدلي..تمساح جزاير الكرد القاضي الغرض..ناس لا لا..سليم الذوق ..تسلم يا الحبيب تسلم..المهم زي 17 غنية سيره الناس دي تعرض ..العكاكيز دي فووووووق..الغبار ده في السماء العجاااااااج ال !! الطواقي دي يجدعوها زي عيش الريف قدام الحصاده..تتطاير براها من الراس !! تبارك الله زي لحم التمساح فوق الصاج!!!!السوط ده ششششششبطك في الهواء وفي الضهر!! انا تعبت بس مافي طريقه والحفله للصباح ورقبتي من الجبيد ورمت!! المهم الناس انبسطو وقالوا الا يكرموني بي ضبيحه اها والله ماقصرو واحد منهم قال لي بديك حُصان !!!! بس انت من قبيل عايز تصل للحصان ده؟؟ أي في زول عندو اعتراض ؟؟ بس جنكم مولاص..مساءكم سيره ودلوكه..
Post: #33 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: معاوية المدير Date: 09-17-2012, 10:51 PM Parent: #32
Quote: تعرف يا عادل والدي ربنا يرحمو بيحكي لي ذكريات شبابو قال لي: زمان لما نسمع صوت "الدلوكة" غرب كبوشية، بنقع البحر ونقطعوا عوم... ولحدي ما نصل محل الدلوكة تكون الهدوم نشفت :) الله يرحمو ويغفر ليهو
Quote: عندنا جدنا خال الوالد، ربنا يرحمو، كان زول "طمباري" وبحب الغناء لو سمع بي بود خالك ده كان أداهو أوسكار وأتوقع يطلع فتوى في عملة ناس الحلة دي، وقطع شك الفتوى بتكون كدة: ناسن ما فيهم زول بنجلد، ديل ما فيهم خير تب :) __________________________ معقول نفر واحد ينجلد ما يلقوهو :) انت متأكد الدلوكة دي في الحلة الجديدة :) يعني مافي المنشية أو الصافية :) _________________________ أستغفر الله العظيم.. البوست ده مودينا وين؟!!! :) دايرين ترجعونا لي جاهليتنا التانية ولّ شنو يا ود الباهي :)
سبحان الله!!! سمِح إنت المرقك مسخوت شنو؟؟؟
Post: #38 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عماد حسين Date: 09-18-2012, 09:00 AM Parent: #33
Quote: سبحان الله!!! سمِح إنت المرقك مسخوت شنو؟؟؟
يا معاوية
الليلة ذكرتني واحدة من حبوباتي، جنها وجن الزول البيقول ليها: قولي يا الله، وما تنادي الميرغني
أهـا.. حبوبتي دي، كانت بتحب واحد من أخوالنا لأنو بيمشي الضرايح (مسجد المراغنة بحري)
يوم لقت ليك الزول بقى أنصار سنة
قامت قالت: ما موجعني شي، إلا أولاد الخلفا البقوا تُلفا
Post: #35 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-17-2012, 11:27 PM Parent: #30
Quote: ود الباهي انت بصحك ؟ كان جادي عندي ليك سوط عنج مقطرن وجاهز انت بس اركز بس المشكلة وين اخاف خواجاتكم ديل يصادروه في المطار بانه من اداوت التعذيب ( حصلت لينا جد جد قبل كده ) كسرة ياخي يوم شكرك ما يجي ناس فيخيل ديك ما قصروا معانا وطبعا انا فقدت رقمك لكن رسلت ليك ماسنجر ما عارفو اذا وصلك او لا شكرا تاني يا حبوب
بكري عباس ياحبيب مابينا لو في شكر يبقي لبكري أب صلعة فهو الجمعني بي ناس رائعين زبكم حرم لو عاوز عيوني أرسلا ليك . مش سوداني وبلقاك وكت الحارة ؟؟؟؟؟؟
Post: #36 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: محمد علي البصير Date: 09-18-2012, 08:33 AM Parent: #35
Quote: : أخوي عادل ـ غالي والطلب رخيص ولا يهمك يا حبيب ليك على أنا متبرع عشان نلبي طلبك دا عندنا أهلنا جارهم عربجي مسلط عندو سوط عنج ـ بالله تحلف تقول مصنوع من جلد فيل شدة ما تقيل الزول دا ينتظرك في صالة الوصول وأنا متبرع بحق التاكسي ذهاب وعودة بس ما تنسى تصور لينا التراث دا وتنزلوا لينا هنا
Quote: لما تجى بريطانيا الشهر الجاى اغشى شبرد بوش واسال دفع الله عن محل السيطان السمحه جيب سوطك ,ومعاهو علبة قطران وعراقى وسروال وتعال مابقصر معاك .. والله صحى
Quote: ود الباهي سلام كان جابك الدرب مرة بانتويرب تعال عندنا بديل لصوت العنج (خرطوش شيشة متين )
Quote: ود الباهي
انت بصحك ؟
كان جادي عندي ليك سوط عنج مقطرن وجاهز انت بس اركز بس المشكلة وين اخاف خواجاتكم ديل يصادروه في المطار بانه من اداوت التعذيب ( حصلت لينا جد جد قبل كده )
ود الباهي ـ أها الحبيب ـ العروض أنهالت من كل حدب وصوب شئ من السعودية وشئ من قطر وشئ من السودان وكمان من بريطانيا
دحين أأأخوي أركز ـ وكل زول لبي ليه طلبو
بوست تحفة والله
Post: #37 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: Amin Salim Date: 09-18-2012, 08:47 AM Parent: #36
سلامات يا عادل
انا غايتو ما تبع المحط لكن صوت العنج راااااقد عند الخواجات لكن المشكله معاهو حاجات تانيه
ب المناسبه وييين زولنا داك مختفى ليهو فتره..... ما قولنا احتكار ما معانا
Post: #39 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 10:48 AM Parent: #37
هييييع
Post: #40 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 11:05 AM Parent: #39
Quote: كتب ياسر حنفورة في منتديات رفاعة: مره زمان مشينا حفله في قريه من قرى شندي انا وواحد اخونا لي واحد اخونا عرس اخوهو( الخوّه كملتها كلها ) ..أها طبعاً شندي دي دار جعل وناس رجال كرم وجود وعين حمراء هييييييييع أنا أخوك يا ام جدايل..!!علي الجزيمه أنا انتر مما دخلت لامن ودعونا! العرضه دي لامن تدقش المروحه..! الدلوكه دي مدوره من 7 يوم !! الجلاليب دي حُمر من الجلد!! كع انا أخوك آفاطنه ..أها طبعاً بتجي خاشي كده تتخن صوتك عاااااااااا عوووووو معاها زئير كده سلاااام آرجاله يردو ليك مرحب حبابك لا جوه(تبارك الله رعده بس) !! حرّم الديوان ده من الصوت الجماعي يقرب يقع !! صوت زي المدفع!! حبابك دي لامن تنخلع ..ده الكلام والله هييييييع دي ماتديك الدرب ناس فرسان وناس حاره..أها كان جاي فنان من الخرتوم اسمو عباس بس اسم الشهره لولو !! الكلام ده ماااااااااعجب الناس ديل !! كان بيبرف (من بروفه) وبيغني يمه واااا ناري السبتو بلالي (ماعايز اوصف الطريقه) ..الناس دي اتضايقت ضيق..الشنبات دي من النفخ تمشي ربع متر !! العيون شرار ..تسمع تحت تحت آزول ها ماتنقرع!! الله يصرفك آب غناياً متل الدُراب...واحد اتضايق خلااااااااس وقفت ليهو تب قام واتنفض وعايز يربطو !! الناس مسكوهو!! أها انا قلت نطلع الزول ده من الموقف ده قلت ليهم رايكم شنو آناس ننم (بي نفخه كده) أيا ده الكلام أها آجنا نم ..نفخت صدري كده وبي نتره قلت ليهم: يا بُقة عقود السم يا مقنع بنات جعل العزاز من جم الخيل عركسن ما قال عدادن كم فرتاك حافلن ملاي سروجن دم هيييييييييييييييييييييييع أبشر أبشر آجناويجروك من رقبتك كدي والبشّير بالسكين (شكيتكم علي سكاكينكم الفوق عنقرتي دي ) لامن رقبتي وجعتني من الجبيد ( الجر) ..أها انا ذاتي رقبتي طالت وشبكوني ليك عقّب (يعني تنيها ) ..علي الجزيمه انا من المسادير لامن بقيت انهر براي زي التاتشر الفوقو كاتيوشا (راجمه ).. اهااااااااااااااااااااااا الكلام لامن جينا الحفله زولي القبيل كانو حالفين ليهو شبكهم ليك ود المك عريس ..ومابرضالك الميته ام رماداً شح بس الطريقه ماااااعجبتهم!!!!! انا طبعاً مابقدر أشوف لي ساون وما اغني حكمة الله اقيف جمب جزاره ولا سوق الاحد أغني مع الناس الببيعو !! عليك الله مامبالغه !!؟؟؟ اها مسكت ليك المايك أغاني سيره جد مزيكة الحواري كع سيره ومصطفي سيد احمد!! المدفع اب سكلي ..الليله سار ..سوات العاصفه اقدلي..تمساح جزاير الكرد القاضي الغرض..ناس لا لا..سليم الذوق ..تسلم يا الحبيب تسلم..المهم زي 17 غنية سيره الناس دي تعرض ..العكاكيز دي فووووووق..الغبار ده في السماء العجاااااااج ال !! الطواقي دي يجدعوها زي عيش الريف قدام الحصاده..تتطاير براها من الراس !! تبارك الله زي لحم التمساح فوق الصاج!!!! السوط ده ششششششبطك في الهواء وفي الضهر!! انا تعبت بس مافي طريقه والحفله للصباح ورقبتي من الجبيد ورمت!! المهم الناس انبسطو وقالوا الا يكرموني بي ضبيحه اها والله ماقصرو واحد منهم قال لي بديك حُصان !!!! بس انت من قبيل عايز تصل للحصان ده؟؟ أي في زول عندو اعتراض ؟؟ بس جنكم مولاص..مساءكم سيره ودلوكه..
سيف اليزل حبابك ياعزيز كان عندنا زواج ابن عمي في العشرة بالخرطوم والفنان شبك ليك الجماعة واناري فارقت بلالي ويتمايل بي جسموا ، عندنا عمنا الكلام ماوقع ليهوا جاء شبكوا ليك ها جنا هووي حرم ماتنزل الا سكيني دي تاباك أسع أبوك قايل نفسوا خلف ليهوا راجل بلاهي فرتك ليك الحفله بعد أغنيتين وخلي ليك الناس خشما ملح ملح
Post: #41 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 11:21 AM Parent: #40
Quote: ود الباهي ـ أها الحبيب ـ العروض أنهالت من كل حدب وصوب شئ من السعودية وشئ من قطر وشئ من السودان وكمان من بريطانيا
دحين أأأخوي أركز ـ وكل زول لبي ليه طلبو
بوست تحفة والله
محمد علي البصير ياعمدة والله شغلكم دا بتاع جرجرة ساي يعني البيقول رأسي موجعني بيربطوا ليهوا كراعوا ؟ أنت قلت عندكم جاركم عربجي ، خضر الطيب قال لي جيب سوطك معاك ، حمزه بابكر قال خرطوش شيشة انا عاوز لي حل سريع وناجع، غايتوا النجيضة الي مساء اليوم ، حليت المشكلة يادار مادخلك شر ، أستعصي علي الحل بطلع لي 600 يورو بره (دي غرامة الزول البيمعط ليهوا زول) وأمشي عندي جاري أصلا أنا كرهانوا بدق ليهوا الباب وأبرك فيهوا خنق وعنوا الواحد ماحوش
Post: #42 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 11:32 AM Parent: #41
Quote: سلامات يا عادل انا غايتو ما تبع المحط لكن صوت العنج راااااقد عند الخواجات لكن المشكله معاهو حاجات تانيه ب المناسبه وييين زولنا داك مختفى ليهو فتره..... ما قولنا احتكار ما معانا
هلا بي طويل العمرأمين اسع أنا فرحت قلت تجي تاخد ليك سوط سوطين تجمك ساي تقول لي انت ماتبع المعط ، حرم السوط لمن ينزل في الضهر مافي فرق بينوا وبين أكل الشوكلاتا متعة بس. زولنا دا أنا أحتكرتوا وأنا زاتي مالامي فيهوا لمن الم فيهو بطرحوا في شكل عطاء
Post: #43 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: باسط المكي Date: 09-18-2012, 11:49 AM Parent: #42
سلامات يا عادل الباهي دخلت بلهفة قلت القي لي علي الاقل خلفية شتمودلوكة لكن برضو سعيد بمروي علي هذا البوست الجميل عليك لاالله نزل خلفية لاغنية حماسيةو كااااااربة
Post: #44 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: بشير أحمد Date: 09-18-2012, 11:59 AM Parent: #43
تحياتي اخي عادل
هيييع دي رجالة السودانيين ؛محل ما تمشي تتذكر الاهل هناك .
Post: #45 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عماد موسى محمد Date: 09-18-2012, 12:01 PM Parent: #43
جعليين ساااااي الحمد لله!! عادل الباهي وكت يسخّن بقول حرّم"!! ..ووكت يهدأ بقول: والله!! بس واحدة فيهم صاح !! غايتو إنتو آالجعليين أيّ حاجة مسخّنين فيها!! حتى سوط العنج؟!! هوي أنا بحبكم عديييل حبوبتي بالمناسبة من الزيداب لكن نسكن في الصعيييد البعيد-دارعقيل/سنجة/الدمازين/ عادل الباهي الله يرجّعك بالسلامة ان شاء الله أهلكم عُزاز وكرام.. ومع التقوى نور على نور **********
Post: #46 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 01:23 PM Parent: #45
Quote: يا عادل الباهي دخلت بلهفة قلت القي لي علي الاقل خلفية شتمودلوكة لكن برضو سعيد بمروي علي هذا البوست الجميل عليك لاالله نزل خلفية لاغنية حماسيةو كااااااربة
حباب ود المكي وسعيد بطلتك
Post: #47 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 01:33 PM Parent: #46
Quote: تحياتي اخي عادل هيييع دي رجالة السودانيين ؛محل ما تمشي تتذكر الاهل هناك .
هلا بالعزيز بشير أحمد يازول حرم الواحد لو ماكان سوداني أكان المغسة شقتوا عديل كدة نحن شعب متفرد في كل حاجة . ممنون لمرورك وشكرا للأغنية
Post: #48 Title: Re: يعلم الله مشتهي لي صوت عنج فوق ضهري دا ( الله يقطع الغربه وسنينا) Author: عادل الباهي عبدالرازق Date: 09-18-2012, 01:54 PM Parent: #47
Quote: جعليين ساااااي الحمد لله!! عادل الباهي وكت يسخّن بقول حرّم"!! ..ووكت يهدأ بقول: والله!! بس واحدة فيهم صاح !! غايتو إنتو آالجعليين أيّ حاجة مسخّنين فيها!! حتى سوط العنج؟!! هوي أنا بحبكم عديييل حبوبتي بالمناسبة من الزيداب لكن نسكن في الصعيييد البعيد-دارعقيل/سنجة/الدمازين/ عادل الباهي الله يرجّعك بالسلامة ان شاء الله أهلكم عُزاز وكرام.. ومع التقوى نور على نور
عماد موسي ياحبيب سخانة الضهر حاصلا ، أسع الضهر دا لو لقي ليهوا معطة معطتين حرم بيستعدل ، يا حليل السودان بلاهي أول ماتشتهي الجلد تشوف ليك أقرب حفلة وتتضهب تخش توش تتمولص وتنجلد وتبقي مارق ، ناس المناسبة زاتا مايكونوا فهموا حاجة
