Post: #1
Title: تجوا نشتري الحاصل ده ؟
Author: خضر حسين خليل
Date: 09-16-2012, 02:37 PM
Parent: #0
بي كم وريني هسي بكم ؟
هو شنو البي كم ؟ إنت موش تعرف حتشتري شنو زاتو ؟
ياخ ما مشكلة البلد دي أي حاجة فيها الواحد ممكن يلقي فيها مكسب
يا بني آدم أسمع كلامي : إنت شوف السلعة شنو وبعد داك إشتري
يازول مالك ومالي ..... أنا عايز إشتريها مقفولة كده
مقفولة مقفولة
أها يا ابن العم بي كم ؟
تلاتة وتلاتين ونص
ياخ ما تنقص شوية
لا والله الكلام ده نهائي
ياخ خلي لينا انشاء الله حق كباية الجبنة
يابن العم : لا اله الا الله الكلام ده نهائي عايز عايز ما عايز بي جازك
طيب جيبوا ياخ .
ـ
وشالوا والله شال البتاع الما معروف هو شنو ؟ ومشي بيهو شوف عيني
الناس دي بقت تبيع حاجات ملفوفة في ملايات ياخوانا
تشتريها مقفولة وتمشي تفتحها في البيت وإنت حظك ممكن تلقاها بتيخة ممكن تلقاها مكنة طوب ممكن تلقاها قطعة نادرة
ممكن تكون محظوظ وربنا يفتحها في وشك وتلقي تهارقا ولا بعانخي
غايتو توت عنخ آمون زاتو ما بطال معانا
|
Post: #2
Title: Re: تجوا نشتري الحاصل ده ؟
Author: خضر حسين خليل
Date: 09-16-2012, 02:41 PM
ثم بالله يا ناس الشرطة إنتو قصتكم معانا شنو بالضبط ؟
الناس يطلعوا مظاهرة تطاردهم
يتونسوا في الشارع بالليل تجوا تكشوهم
كمان جابت ليها دهيس بالعربات لي ناس مارقة لنصرة الرسول ؟
يعني الناس دي كان قررت تنتصر لروحها حتعفصوهم بي شنو بالضبط ؟
والله محنكم تشق
|
Post: #3
Title: Re: تجوا نشتري الحاصل ده ؟
Author: خضر حسين خليل
Date: 09-16-2012, 02:42 PM
Parent: #2
البلد دي غايتو كان نزلوها مناقصة علي الايمان ما يشتريها الا زول سجارتو قصبة
|
Post: #4
Title: Re: تجوا نشتري الحاصل ده ؟
Author: خضر حسين خليل
Date: 09-16-2012, 02:46 PM
Parent: #3
بعدين يا بكري ياخ الواحد عايز يدعم البوست بي صور وما قادرين علي الحكاية دي فياريت ياخ تعالج لينا الخلل سريع
ــــــــــــ
غايتو اليسمعك يقول فاتح ليك بوست جد جد
|
Post: #5
Title: Re: تجوا نشتري الحاصل ده ؟
Author: خضر حسين خليل
Date: 09-16-2012, 03:01 PM
Parent: #4
ناس كده كانو بتونسوا بالليل أها القعدة جرت والناس خشوا في الحالة القردية ـ تلعثمت منهم الشفاه ـ شفاهم الله ـ وأي زول فيهم بقي عبارة عن
قرد مكتمل النمو في ذاته وصفاته وحركاته ـ المهم قالوا يجيبوا الزيادات ـ اتنين منهم مرقوا ـ قومك ياناس الدورية أقبضوهم
صادف نفس الليلة انو في طائرة فيها ناس رئاسيين إنتقلوا لرحمة الله . المهم البلد جايطة والأمور بطالة خالص خالص
الضابط بتاع الدورية سأل الناس ديل :
سكرانين صاح ؟
أيوة يا جنابو
والشايلنو ده شنو ؟
عرقي ياجنابو
عرقي .... ؟ كمان شايلين معاكم عرقي
ياجنابو ياخ انت ما سمعت بالطيارة الوقعت دي ؟ ياخ الناس ديل ماتو ياخ أنحنا الواعينا ليها شنو بعد كده
ــ
طبعاً جنابو فكاهم طوالي
|
Post: #6
Title: Re: تجوا نشتري الحاصل ده ؟
Author: خضر حسين خليل
Date: 09-16-2012, 03:08 PM
Parent: #5
والناس في موضوع نصرة الرسول (ص) تناولت صحيفة السوداني وقرأت ما جاء بعمود الاستاذ/الطاهر ساتي بخصوص
ترقيات وحوافز شهداء الدولة السودانية ـ أي والله يعني الناس ديل موش يصرفوا ليهم معاش وبس لالالا
يترقوا جمباً الي جمب دفعاتهم في الخدمة المدنية ويدوهم نفس الحوافز والغريبة بدوهم بدلات لبس وتلفون وغلاء معيشة
وبدل سكن وتذاكر وأي أمور تانية .
ـــــــــــــ
أها ياخوانا الواعين ليها شنو كان سألتكم ؟
|
Post: #7
Title: Re: تجوا نشتري الحاصل ده ؟
Author: محمد عمر جبريل
Date: 09-16-2012, 03:15 PM
Parent: #6
Quote: عرقي .... ؟ كمان شايلين معاكم عرقي
ياجنابو ياخ انت ما سمعت بالطيارة الوقعت دي ؟ ياخ الناس ديل ماتو ياخ أنحنا الواعينا ليها شنو بعد كده |
خضر يا فنان ..
البزعل بالجد يا خضر قعادنا واستحمالنا للقرف اليومي دا
والله أنا بحس بفخر عجيب جدا لي أي زول واقف وصامد كما الطود العظيم
|
Post: #9
Title: Re: تجوا نشتري الحاصل ده ؟
Author: خضر حسين خليل
Date: 09-17-2012, 01:53 PM
Parent: #7
محمد عمر
ازيك ياخ
قلت لي مستغرب في الجماهير دي ؟ وفي استحمالهم للحاصل ده
هو لكن يسووا شنو بس يا ابوحميد
الناس دي مجبورة ماكلاها في حنانا بس
لي يوم قريب
ـــــــــ
يا أدروب
أقول ليك مشكلة في الصور تجيب لي رابط ما افهمو منو حاجة
غايتو
|
Post: #8
Title: Re: تجوا نشتري الحاصل ده ؟
Author: معتصم ود الجمام
Date: 09-16-2012, 03:24 PM
Parent: #6
بالنسبة للصور هاك http://sudanyiat.net/
|
|