نسخن بالهلالاب شوية .. هدف كاريكا في الانتر سارق !!!

سارق واضح تغاضى عنه الحكم وبتاع الراية

مافي شي سكتنا الا

إلا رسول الله

فعلا متسلل

Quote: مافي شي سكتنا الا إلا رسول الله

حالتك سكتا

سكت يومين ما كفاية ؟

ناصر يا صديقي

تسلل ونص وعشرة

كاريكا
سارق الباك...وسارق نظر رجل الراية...والكاميرا..
وسرق قلوب الملايين...وانت زاتك منهم...

قال سارق قال...

لو كنت كتبتها تسلل...كان جبناها ليك
بي زووم 170 ميقابيكسل...قدر المسافة
الحا يمشوها الصفوة من الجيلي الي شندي


وبعدين...ناس الانتر ديل كانوا بحتجوا علي
رمية التماس...والفاول...
واحد فيهم ما يحتج علي السرقة دي؟؟؟

جارين اتنين...معاه وداهم المساطب
الشرقية...واحد فيهم رافع ايدو
احتجاجا علي السرقة مافي..
وكشحا في القون لولا الشبكة
كانت وصلت شندي قبال جماهيركم

ساااااااااااااااااااااااااااااااارق

يا نزار حسبن

والله كان تردح لي بكره

يا الشفت سلامات
انا عارفك قاصد بعد تهديفة كاريكا كان احد لعيبة الهلال في وضع تسلل مؤثر على الحارس
لكن يا حبيب لا الحارس نفسو ولا أي من لعيبة الإنتر إحتج
وحتى لو قلنا سارق
مارادونا هيمسيلف دخّل هدف بي يدو ومحسوب للاعب حتى هذه اللحظات في سجله من الأهداف وسجل الفيفا هارسيلف
بل بالعكس يعتبر أحد أهم الأهداف في تاريخ اللعبة
لكن نحن نسوي شنو مع الحاقدين الما بيهمهم شيء غير يبخسوا لي ولدنا الرائع كاريكا هدف الإحتفال به يساوي الدوره كلها

ارسل صاحبنا الهلالى الغيور (ابوحوه) من نواحى جدة الرسالة الاتية
عقب الهدف :

(الباص الجدعو عمر بخيت لكاريكا بتاع القون التانى ..والله حكم الراية
لو ماكان جاضم الفيزياء كان رايتو فى السما )

يا محمد عبد الرحمن
والله زولك ده قادي فيزيا عديل وقادي قانون كرة القدم كمان

هنا ماف تسلل يا معاوية

يا كمال

هسع لو ول سرقو
وقام الزول ما فتح بلاغ
معناتا الحرامي ما حرامي ؟!
والسرقة ما حصلت

Quote: يا محمد عبد الرحمن والله زولك ده قادي فيزيا عديل وقادي قانون كرة القدم كمان

CC:ابوحوه ...


انا مافى سرقتو ياوليد ...فى الشباب الاتنين ديل ..اخدوهم يمين
وجابوهم شمال لما حنيت عليهم ...ديل مفروض يمشوا يعملو كشف
كامل ...يشوفوا (المخاريق) و(الترقوه) و(الركب) ..تشييك كامل
قبل اى مباراة تانية ...

اي والله يا محمد

قلبهم قلب الطعمية

كاريكا لعاب جدا

يا معاوية حسن بالله جيب لحظة التسديد في المرمى

Quote: هسع لو ول سرقو وقام الزول ما فتح بلاغ معناتا الحرامي ما حرامي ؟! والسرقة ما حصلت

يا ولي
هسه في كم ذول سرقوه وما بلغ وعشان كده نحن بالنسبه لينا السرقه ما حصلت، والحرامي ما حرامي
وموش كده وبس القانون بيقول البينة على من إدعى و اليمين على من أنكر
الذول الوحيد البيحدد الهدف سارق والله ما سارق في الحاله دي هو حضرة الحكم أو رجل الرايه، وهي مسألة تقديرية بحته، يعني الحكم هو الوحيد البيقدر الحاله دي، وهو في وضع أفضل للتقييم، أنا وإنت شايفين الحاله من الجانب، ودي من الحالات البيفضل حكم الرايه إنو مايدّخل فيها إذا رأى إنو الحكم في وضع أفضل، لأنو الكرة شايتينها من مكان أقرب لمنتصف الملعب ورجل الراية ما بيقدر يحدد بصورة أفضل هل اللاعب يقف بينها وبين الحارس أم لا.
ثم أنا لم قلت ليك الحارس ما إحتج سببها إنو هو المتضرر الأول وممكن حتى يدعي (بصورة غير حقيقية) إنو اللاعب السارق مغطيهو، ودي ما حصلت مما ممكن تؤكد إنو تقدير الحكم هو الأصح

قصدك سادومبا اثر علي رؤية الحارس ؟

اثر ساي يا معاوية
اثر عن قصد وسبق اصرار وترصد كمان

وليد المبارك

تحياتي ,,,

إنت بتعبر عن خوفك من مباراة أهلي شندي بطريقة تانية

لكن سويتها ظااااااهرة

الفاتح شلبي

لو قلت ليك ما خايف من مباراة اهلي شندي اكون كضبت عليك

يا قريبك القانون بقول

Quote: Offence A player in an offside position is only penalised if, at the moment the ball touches or is played by one of his team, he is, in the opinion of the referee, involved in active play by: •interfering with play or •interfering with an opponent or •gaining an advantage by being in that position

الرابط
اها الحتة البالأحمر بتاعة "حسب راي الحكم" دي الفيها الزيت
بعض الحكام بعتبر طالما الكورة مصوّبة نحو المرمى ما بقصد الباص فاللاعب المتسلل بشوفو غير مشارك في اللعب
لكن لو ارتدت التصويبة دي من الحارس او القائم طوالي بصفر و يحتسب الحالة
الفيفا عشان النقة و الخلاف الممكن يحصل, ختّ الحتّة بتاعة راي الحكم

قون اثيوبيا التاني ولاّ التالت ما متذكر في السودان هو التسلل المافيه كلام
الكورة ضربت و غيّرت في اللاعب الراقد في الأرض في وضع متسلل
وممكن القون دا يتسبب في خروجنا من التصفيات

كدي خلينا من راي الحكم
مال بلنتي برضو حسب راي الحكم
والسارق برضو حسب راي الحكم
والفاول حسب راي الحكم

كله حسب رائي الحكم الا رمية التماس بحكم فيها بتاع الراية


انت رايك شنو ؟

قلت تقدير الحكم هو الاصح
في الكورة دي بس ؟
ولا في كل الكور ؟


هاهاهاهاهاهاهاهاهاهاهاهاهاها

المسعلة ما في السارق،
في الخُلعة الدخلآ الجنا دا في الحارس.
والله صحي...

كاريكا ما خلع الحارس
كاريكا خلع الباكات

الحارس غتاه سادومبا

يا وليد لحظة التسديد سادومبا ما منع الرؤيا من الحارس ولا دخل في مشاركة مع الحارس ..سادومبا اتحرك بعد التسديد ..وحسب فهمي للقانون حالة التسلل بتكون في لحظة ضرب الكرة

غير صحيح يا معاوية
الكلام ده واضح عند اعادة الهدف من الزاوية التانية بالبطيئ

سادومبا اتحرك قاصد وقبل ما كاريكا يسدد
ووقفد قدام الكور
ومرة قول كتفو اليمين وراسو
وحجب الروئية من الحارس

الان يا معاوية في اللقطة الانت جبتها دي
سادومبا واقف اما الحارس مباشرة وخلف المدافعين الحاورهم كاريكا وده قبل التسديد

Quote: الان يا معاوية في اللقطة الانت جبتها دي سادومبا واقف اما الحارس مباشرة وخلف المدافعين الحاورهم كاريكا وده قبل التسديد

كلآمك دا صحيح يا وليد،
ودي روآشة من سادومبا. لكن التحرك السريع من كاريكا
خلع الحُكام واعمى بصيرتهم. مفعول السحر الكاريكي
طشش بالجماعة كلهم، وخلآك يا وليد تفكر للحكاية دي بأثر
رجعي.
عليك هسّع لو سادومبا دا من الأساس ما كان داخل الصندوق
الحارس دا كان حايطلّع الكورة دي؟؟؟

كاريكا ما عليه ضير يالمدير

سوى المفروض يتعمل بالكتلوج

لكن سادومبا هو المتسلل ومشارك في اللعب واثر على اللعبة

سادومبا ما منع الرؤيا من الحارس ..في لاعبين من الانتر هم المانعين الروؤيا سادومبا وصل قدام الحارس بعد التسديد

منها يا معاوية

وجيب لحظة التسديد من الزاوية التانية الفي كمرت الاعادة

Quote: ساااااااااااااااااااااااااااااااارق يا نزار حسبن والله كان تردح لي بكره

أمش بلّغ يا وليد...

أما إنتو:


الله يحلكم من العكاليت..أبان عكاكيز...


وأفتكر بوستك دا زاتو ...نتيجة حمي...

Quote: سادومبا وصل قدام الحارس بعد التسديد

لا يا معاوية.
سادومبا وصل قبل التسديد.
بس كان في سرعة مبااااالغة في تحركات كاريكا.
عامل السرعة لعب دور كبير جداً في إخفاء الحقيقة.
الراجل سحر الناس لحدهم...

بي صورة اوضح

عليك نور يا معاوية

عاين سادومبا واقف وين

ويلا جيب الكورة وهي داخلة القون بتعرفها دخلت وين
دخلت في نفي مكان سادومبا ده

يا نزار حسين

البلاغ ما ياهو البوست ده

قلته لي قيقراوي سادومبا متسلل وشارك في الهجمة قال علي صهيوني فسكته

يا مستى قول ليه يا رشاشة زمتك لستك

صبري طه قال كوتو خلصت
وطلب من انقل مداخلتو للبوست

مداخلت صبري

( فعلاً يا وليد ... سادومبا كان في موقع تسلل وشغل انتباه الحارس !!!)

انا رأيي لو كنت حكم الكورة دي كالآتي:
- طالما الكورة تصويبة مقصود بيها المرمى وليس لعب باص للاعب الموجود في موقع تسلل فلا غبار عليها
- لو لمسها اللاعب قبل أو بعد ارتدادها من الحارس أو القائم لاحتسبت تسلل

قول لصبري - أولا الحمد لله الكوتك خلصت وإلاّ كان واطاتنا صبحت :)
تانيا وجود اللاعب في موقع تسلل ليس مخالفة في حد ذاته طالما لم يشارك في اللعبة
و شغل انتباه الحارس لا تعتبر مشاركة في اللعبة
ممكن الحارس التاني من قونو يكورك ليه بإسمه و يشغل انتباهه - لا توجد مخالفة هنا

وليد

كيفك طالما الموضوع عن تسخين الهلالاب
أرفق لينا الكاراكتير دا بالله

يا ود البشرى هاك


مادة (11) التسلل:

موقف التسلل:

لا تـعـتـبـر مخالفة بحد ذاتها التواجد في موقف تسلل يكون اللاعب في موقف تسلل إذا:

كان أقرب إلى خط مرمي خصمه من كل من الكرة وثاني آخر لاعب من الفريق الخصم.


لا يكون اللاعب في موقف تسلل إذا:

كان في نصف ميدان اللعب الخاص به.

كان في مستوى واحد مع أخر ثاني لاعب من الفريق الخصم.

كان في مستوى واحد مع آخر لاعبين أثنين من الفريق الخصم.


المخالفة:

يعاقب اللاعب فقط على وجوده في موقف تسلل في اللحظة التي يلمس الكرة أو يلعبها أحد أفراد فريقه وكان في رأي الحكم مشتركاً باللعب النشط الفعال من خلال:

التداخل مع الخصم.

مستفيداً من فرصة وجوده في ذلك الموقف.


الحالات التي لا تعتبر مخالفة:

لا تعتبر مخالفة تسلل إذا استلم لاعب الكرة مباشرة من:

ركلة مرمى.

رمية تماس.

ركلة ركنية.


القرار الجديد للمجلس الدولي (البورد) :

في تعريف موقف التسلل فإن عبارة (أقرب إلى خط مرمى الخصم) تعني أن أي جزء من رأسه وجسمه أو قدميه هي أقرب إلى خط مرمى خصمه من الكرة وثاني آخر خصم.

قرار جديد لمجلس التشريع الدولي (2) :

تعريفات العوامل المتعلقة باللعب كما يلي :

التداخل في اللعب يعني اللعب أو لمس الكرة التي تم تمريرها أو لمسها عن طريق أحد زملاء اللاعب .

التداخل مع خصم يعني منع الخصم من اللعب جعله يلعب الكرة بأعتراض واضح الخط رؤية الخصم او التحرك او عمل ايماءة أو حركة تكون وفقاً لرأي الحكم مضللة أو تصرف أنتباه الخصم .

الحصول على مبدأ الفرصة بالوقوف في ذلك المكان تعني لعب الكرة التي ترتد إليه بجانب قائم المرمى أو خط العرض بينما هو في موقف تسلل أو لعب الكرة التي ترتد إليه بجانب الخصم وهو في موقف متسلل .

اهو يا ولي

Quote: تكون وفقاً لرأي الحكم

شفت نجاضة الفيفا كيف؟
عشان جنس الغلاط دا خلاّها راجعة للحكم و ادّى مساحة لإختلاف الرأي بين الناس
يبقى في رأي الحكم الأقرب مني ومنك انو سادومبا ما تداخل في اللعب, اي نعم كان في موقع تسلل لكن لا توجد مخالفة

مظبوط يا وليد، حسب عرفتنا البسيطة في القانون، سادومبا كان قدام الباكات لما كاريكا شات زايد إنو حجب الرؤية عن الحارس





ـــــــــــــــــــــــــ
كله من الغواصة مورتا :)

اشرف الحبيب
يديك العافية

انتهيت من الموضوع مرة واحدة

خلاص يا وليد


أشطب الهدف ده

باقي لينا هدفين

رايك شنو فيهم ؟؟؟

ليه اشطب ده
ده ذاتو هدف سمح وملعوب وفيه مجهود كبير

اول شي باص متقن
وتانيا كاريكا لعب فيه بالكاتلوج


قونينكم التانيات مافيه كلام
لكن ده اجمل منهم


لكن سادومبا متسلل

سلام يا وليد
سادومبا دا بينفع ثيردباك .. مواهب مدفونة .. حالة تسلل واضحة
رجل الخط والحكم تابعوا الهجمة كمتفرجين عجبتهم كسرة كاريكا
ونسوا أداء واجبهم، كان ما فيها شاى بالينسون

نظرياً الهدف الثانى كان هدف الضمان فحسبانه حسم المباراة
عملياً ناس الإنتر دايرين يومين عشان يعدلوا النتيجة

بالنسبة للرسول الكريم ... إن الله طيب لا يقبل إلا طيب .. وأكيد رسوله (ص)
والفكرة طيبة من كاريكا .. الكسرة والفنلة .. إلا رسول الله

سلام يا وليد:
سادومبا متسلل واثر في رؤية الحارس دي ما فيها اي كلام. انا قلت الكلام دا للناس المعاي لحظه احراز الهدف والوكت داك انا شفت الهدف مره واحده ولم اشاهد اعاده والاعصاب بايظه. تاني اتفرجت علي الكوره بهدوء وشفت اعاده للهدف بكل الزاويا ولم يتغير رايي في انو سادومبا كان متسلل لحظة التهديف واثر في رؤية الحارس.
لكن برضو لفت نظري انو حكام الخط بتاعين الكوره دي يا اما ما بعرفو التسلل يا اما قانون التسلل غيرو لانو انا حسبت في المباره دي علي الاقل 5 حالات تسلل تلاته للهلال واتنين للانتر تقريبا الحلات دي في مدافع واحد علي الاقل مغطي علي المهاجم بمسافه اقلاها متر ومع ذلك رجل الخط رفع الرايه مشير لتسلل

يا وليد .. الهدف تسلل دي ما فيها أدنى شك ...
ويبدو أنّ الحكم اعتمد على قرار حكم الراية في هذه الحالة .. وعندها يا وليد زاوية حكم الراية ليست نفس زاوية الكاميرا التي شاهدنا عليها الهدف .. بمعنى هل يستطيع حكم الراية رؤية سادومبا يقف بين الكرة والحارس تماماً (دي صعبة شوية) خاصة مع الزحمة واللخمة ...

الهدف سارق الا مكابر البنكر ده


وحركة كاريكا حركة محترمة من زول محترم

تحياتي

Quote: عاين سادومبا واقف وين ويلا جيب الكورة وهي داخلة القون بتعرفها دخلت وين دخلت في نفي مكان سادومبا ده

سلام يا وليد
إحترامنا لي رايك
لكن كيف القون دخل بي مكان سادومبا?!
والكورة ضربت سقف المرمي !
وماريو أطول من سادومبا قامة ً!!
ياخ سادومبا ده حريف مرتدات
فلا جـُناح عليه إن تواجد هـناك !

مرحب الحبيب

الكورة ارض جو
يعني لحظ انطلاقها ارتفاعها بكون صفر وبصل اقصاه عند ملامسة الشباك
وفي الطريقة يختلف الارتفاع صعودا بقرب الشبكة وهبوطا عند التسديد

لا سادومبا عليه جناح....
لانو لو الحكم انتبه كان حرم كاريكا من قون بزل فيه مجهود وافر فكريا وبدنيا