Post: #1 Title: حاجه مجنونه جن !!!!!# Author: زهير عثمان حمد Date: 09-15-2012, 10:26 PM Parent: #0
يا زوله فنانه بندوب في حنان بالله أرقصي وأجدعي قسمي الجسيم دا وأرجعي لورا بالكفل الرهيب دا و بالعيون غرودي ما تخلي قطعة فيك الا تهز مشاعرنا وتكسرنا ما خلقوك لوحة تحيرعقولنا نحن ما موتنا خلاس وعبيء الصدير وبيهو هبليبن خلينا نهيم ونضيع ما العمر بهجاتو ضنينه وووب البسمة ضيء لمبه هلجنينه وعودك ميَّـــاس بطول شقاي و ما قادر غيرانداح إحساس دوري بينا الكون كلو لا فيه نوم ولا نعاس يا زوله والله أنا موزون كمان بيك مفتون مِتْحكره في رأسي أنت برك أميرة كل الناس دواها ....! أخ أنا وأنا بيك مجنون أديك عمري وأديكَ كل شي حتى الروح والباقي والباقي كلو لكين عهدي معك بموت قبل ما أدضوق يا زوله يا بهجة ليالينا الحميرا والله أنا مت الشوق كيفن بتروق والروح مشح######## بسوي كوك ..... كوك ما تقومي يلاك نموت في أقرب بدوق اسقينا من عسلك مرة وتعرفيني (فحل ما عواف) يا زوله بين الحسان فريدة أنا خلاس بموت بالجد خلاس ... بكابس ..... والله بموت
*كان شوفتوها ما حاجه مجنونه جن
Post: #2 Title: Re: حاجه مجنونه جن !!!!!# Author: محمد إبراهيم علي Date: 09-15-2012, 10:33 PM Parent: #1
ابو الزهور بالله شكل انت قاصد حاجة (senior citizen) ولا حاجة (young citizen or mozza)
Post: #3 Title: Re: حاجه مجنونه جن !!!!!# Author: زهير عثمان حمد Date: 09-15-2012, 10:43 PM Parent: #2
أخوي محمد علي دي حاجة لا عايز حمام و لاخمره غير الكمال التاني يا أنت لو كنت معي برضو ح تكابس معي دا لو ما بكيت عديل كد يا خي دا حاجة كدا زي نسوان الخيال المثقفاتيه داك عارفو
Post: #4 Title: Re: حاجه مجنونه جن !!!!!# Author: محمد البشرى الخضر Date: 09-15-2012, 10:46 PM Parent: #3
Quote: اسقينا من عسلك مرة وتعرفيني (فحل ما عواف)
ابو الزهور الله يهديك ياخ العبارة دي لا يمكن تتقال في مقام غزل لبت
Post: #5 Title: Re: حاجه مجنونه جن !!!!!# Author: زهير عثمان حمد Date: 09-15-2012, 11:06 PM Parent: #4
ودالبشري أزيك أنا كتبت اللي جاني في مخي لانو شوية كان نايم المهم بكرة الود اللغوي قيقا يصلح الشغل دا أو أمشي الخور
أنا ماشي أنوم بالجد نعست شديد
Post: #6 Title: Re: حاجه مجنونه جن !!!!!# Author: أيمن الطيب Date: 09-16-2012, 06:14 AM Parent: #5
أبوالزهورالفحل
Quote: بسوي كوك ..... كوك ما تقومي يلاك نموت في أقرب بدوق
كوك يا كوك!!!إنت بالله من زمن البدوك؟؟؟
يا أبوالزهور شكلك كدا الشغلانة غلبتك وبقيت تتمها كواريك ساى
Post: #7 Title: Re: حاجه مجنونه جن !!!!!# Author: زهير عثمان حمد Date: 09-16-2012, 06:46 AM Parent: #6
أخونا أيمن الطيب تحياتي أظن أنا أمس قمت تقلت دايما الفضايح دي مع الاسراف بتحصل ما في داعي أستر الموضوع وأدفن الميت وعلاج الجرحي لك كل الود
Post: #8 Title: Re: حاجه مجنونه جن !!!!!# Author: أيمن الطيب Date: 09-16-2012, 06:58 AM Parent: #7
أبوالزهور الفحل بالليل..
Quote: أخونا أيمن الطيب تحياتي أظن أنا أمس قمت تقلت دايما الفضايح دي مع الاسراف بتحصل ما في داعي أستر الموضوع وأدفن الميت وعلاج الجرحي لك كل الود
الموضوع سترنا لكن العريس أبى يتستر!!! الميت دفناهو لكن دفن ليل!! الجرحى إصاباتهم بليغة وقد تفضى إلى الموت !!! أم درمان دى شكلها لسة فيها مفاعلات نووية رغم العقوبات الدولية يا أبوالزهور الله يهداك أقع شيخ اللمين بلقى ليك تصريفة,,,,
تحياتى القلبية,,,
Post: #9 Title: Re: حاجه مجنونه جن !!!!!# Author: ابوحراز Date: 09-16-2012, 07:03 AM Parent: #6
سلام يا ابو الزهور وضيوفه الكرام
Quote: يا زوله فنانه بندوب في حنان بالله أرقصي وأجدعي قسمي الجسيم دا وأرجعي لورا بالكفل الرهيب دا و بالعيون غرودي ما تخلي قطعة فيك الا تهز مشاعرنا وتكسرنا ما خلقوك لوحة تحيرعقولنا نحن ما موتنا خلاس وعبيء الصدير وبيهو هبليبن خلينا نهيم ونضيع ما العمر بهجاتو ضنينه وووب البسمة ضيء لمبه هلجنينه وعودك ميَّـــاس بطول شقاي و ما قادر غيرانداح إحساس دوري بينا الكون كلو لا فيه نوم ولا نعاس يا زوله والله أنا موزون كمان بيك مفتون مِتْحكره في رأسي أنت برك أميرة كل الناس دواها ....! أخ أنا وأنا بيك مجنون أديك عمري وأديكَ كل شي حتى الروح والباقي والباقي كلو لكين عهدي معك بموت قبل ما أدضوق يا زوله يا بهجة ليالينا الحميرا والله أنا مت الشوق كيفن بتروق والروح مشح######## بسوي كوك ..... كوك ما تقومي يلاك نموت في أقرب بدوق اسقينا من عسلك مرة وتعرفيني (فحل ما عواف) يا زوله بين الحسان فريدة أنا خلاس بموت بالجد خلاس ... بكابس ..... والله بموت
*كان شوفتوها ما حاجه مجنونه جن
انت عارف انا الحاجة الوحيدة الغلبتني في الدنيا دي { الشعر } بكسر الشين قدر ماحاولت اركب بيتين مع بعض ماقدرت نهائي والسبب عقدة من زمن الابتدائي حينما طلب منا في الصف السادس أن يؤلف كل واحد بيت شعر واحد طبعا كنت أحول الشطر لليمين لليسار ومرات اليسار لليمين وكلو مانفع
والمشكلة الأستاذ ساخر يعني لمن قرا البيت قرب يستفرغ يعني البيت فيه كل أدوات الجمال من الحبيبة مرورا بالفارس حتى الحصان ولكن رغم هذا كان تعليق الأستاذ يازول شوف ليك شغلة تاني غير الشعر قال حصان قال !!!
اها ذكرت ليكم ان عمي توفت زوجته والراجل كان عائش في عزلة عجيبة جدا لأنه كان مرتبط ارتباط قوي جدا بالمرحومة واتينا به لقريتنا وكلما نخرج من أحد البيوت ونقول ليه 00 اها رايك شنو ياعمو طوالي يلولح راسو زي الهنود في اشارة الى الرفض دخلنا به سبعة بيوت ولكن دون جدوى اها في النهاية قال لينا 00 انا لو عاوز زي { المفجخات } ديل في حلتــــــنـــــا كتااااااااااااااار اها والله لو الشعر زي دا كان بقينا فطاحلة
قال مجنونة قال
Post: #10 Title: Re: حاجه مجنونه جن !!!!!# Author: أيمن الطيب Date: 09-16-2012, 07:14 AM Parent: #9
يا ابحراز يا عميق,,
Quote: اها في النهاية قال لينا 00 انا لو عاوز زي { المفجخات } ديل في حلتــــــنـــــا كتااااااااااااااار اها والله لو الشعر زي دا كان بقينا فطاحلة
أظنك لا تدرى أن أبوالزهور هو ملك الليل الذى فجّخ الضفادع وقلوب الحسان والعذارى,,,
إنت كنت مخزّن وين ياخ؟؟؟
Post: #11 Title: Re: حاجه مجنونه جن !!!!!# Author: ابوحراز Date: 09-16-2012, 07:45 AM Parent: #10
أخي ايمن الطيب
شكراً يا اخي على السؤال انا متواجد بكثرة واشارك في الكثير من البوستات اترك أثاري وامضي وما يسعدني أنني كثيرا أجد اقتباسات من مشاركاتي فأحس بغرور وكبرياء الكاتب وسرعان ما انبطح ارضا حينما لااجد اسمي لا من ضمن العشرة المبشرون بالجنة ولا العشرة الأكثر وسامة في المنبر ولا العشرة الأكثر شهرة ونفوذا ولا حتى العشرة المرخرخين طلعنا من كل المولد بلا حمص وانوي عمل بوست وصيوان عزاء لكل الذين لم يدخلوا قائمة العشرة 00 عليهم الرحمة الغريبة أن { حبوبة } غريبة طلعت من المشاهير رغم انها لاتكتب معنا !!!
أحد اصدقائي دكتور لديه صاحبه شاعر يبدو لي أنه بالطائف دعاني هذا الصديق لمأدبة عشاء دسمة جداً وبعد ان تعشينا وضربنا التحلية إذ بكرتونة ضخمة يحملها أثنان تدخل الى الصالون وذكر لنا الدكتور أن صديقه الشاعر ارسلها له للمساعدة في تسويقها وقد اختار على حد قوله الناس الذواقين ومن ضمنهم الحبيب ابوحراز !!! سعر الكتاب 20 ريال دفعناها على مضض والمدهش أنه طلب راينا بعد قراءة الديوان حتى يقوم هو بدوره لإرساله لصاحبه الذي يتعطش لرأي الذواقين من امثالنا وأحمد الله على أنني لم أقرا الديوان بعد العشاء مباشرة والا لأصبت بعسر في الهضم رميته ريثما اتفرغ له وكان بعنوان { بوح الحـــــروف } شوف الحروف بت الــكـــــــــــلــــــــب دي مرات بتبوح كيف ؟؟؟؟ والمشكلة ان الدكتور كل يوم يتصل ليعرف رايي في الكتاب وانا لم أقرأ سوى الغلاف
المهم قرأت الديوان 00 ياسبحان الله اعجبتني عبارة ان الحقوق محفوظة وحاجة كده لم افهمها { ردمد } مطابع الملك فهد
الح الدكتور على معرفة رأيي فقلت له : تريد رايي صراحة 00 فقال نعم قلت له ضع نقطة فوق الحاء الأولى في بوح 00 ونقطة مثلها فوق الحاء الثانية في الحروف !!! هذا ما يجب ان يكون عليه اسم الديوان
قال بوخ الخـــــروف قال !!!!
Quote: إنت كنت مخزّن وين ياخ؟؟؟
Post: #12 Title: Re: حاجه مجنونه جن !!!!!# Author: أيمن الطيب Date: 09-16-2012, 08:07 AM Parent: #11
يا أبحرازة,,
أنا كان شاعر بوخ الخروف بقاضيك بقاضيك أولا أحمد الله إنك غير مصنف وهذا يعنى أنك لاعب متفرد لا يمكن تصنيفه لكن ليس من مانع أن نقوم بوضع قائمة العشرة غير المصنفين بالمنبر ونضعك على رأسها عن جدارة وأقدمية..
قيل أن المرحوم شدو ذهب للمرحوم الدكتور عبدالله الطيب طالبا رأيه فى محاولات شعرية وبعد قراءة سريعة جدا من علامة الشعر والأدب نظر مليا لمولانا علامة القانون وقال له بكل وضوح..
يا شدو قول الحمد لله الذى أخرج منك هذا الأذى وتانى ما تعمل كدا...
تفتكر كيف كان يكون الحال لو لمّ فى حبيبنا أبوالزهور دا؟؟
تحياتى
Post: #14 Title: Re: حاجه مجنونه جن !!!!!# Author: ادريس خليفة علم الهدي Date: 09-16-2012, 08:14 AM Parent: #11
Quote: مع الاسراف بتحصل
اظنك قصدت التهافت (ههههههه)
Post: #16 Title: Re: حاجه مجنونه جن !!!!!# Author: عبدالله ود البوش Date: 09-16-2012, 08:20 AM Parent: #11
أبو الزهور تحياتي ياخي عن اذنك اتونس شوية مع ابوحراز دا تصدق يا ابو حراز انا بكوس لكتاباتك كواسة ات قايل الكتابة دي علا تكون شعر هو ذاتو الشعر ما بكيف الا قليل من الناس لانو ملولو وعولق ساهي ههههههه . . زمان كنا في الثانوي العام نحاول كتابة الشعر لكن ما عارف الكتبناهو كان شعر ام شئ آخر صاحبي عطاء المنان عبدالرحمن عطاء المنان الطريفي ( ابو الزفت اسم قوي خلاس ) زي اسم قسم الله عبدالله رصاص بالمناسبة ابوهو من ود ربيعة كدي حاول اتذكر الاسم دا عطاء المنان دا يا ابو حراز ألف ديوان شعر اطلق عليه اسم الحب حفرة ههههههههههههه وعمل مقدمة طويلة عن الديوان فقال الحب مثل الحفرة كان جيت جنبو ساهي بتقع فيهو لان الحفرة ترابها مبهول ساهي فووووووو تلقى نفسك جوة الحفرة وتاني مافي طريقة تمرق من الحفرة دي كلو كلو . . هذه هي مقدمة الديوان اما الشعر فكله امثال حبيبتي بتول ههههههههههههه والقديلو عليك الله اديها تلة القديلو يا اب صوفة القديلو دنقر شوفا وربط شرك الطير بشرك الحب حفرة كانت ايام يا وطني زي الاحلام يا وطني قال ردمد قال
Post: #17 Title: Re: حاجه مجنونه جن !!!!!# Author: وضاحة Date: 09-16-2012, 08:38 AM Parent: #16
عمو عبدالله ود البوش
مشتاقيين وينك
بالله صاحبك قال الحب حفرة
حرام عليه ياخى دا احلى شى خلقوا الله فى الانسان
الحب والمشاعر والرومانس
كدى اتخيل الدنيا دى بدون نساء شكلها بكون كيف
هسي ابو الزوز دا جانى من شوى
Post: #18 Title: Re: حاجه مجنونه جن !!!!!# Author: عبدالله ود البوش Date: 09-16-2012, 08:47 AM Parent: #17
Quote: كدى اتخيل الدنيا دى بدون نساء شكلها بكون كيف
تبور عديل يا وضاحة تبور . . بالاكتر والله ..... درب العيشة قاسي يا بتي ولكن من حين لاخر دخل نونس
Post: #20 Title: Re: حاجه مجنونه جن !!!!!# Author: وضاحة Date: 09-16-2012, 08:54 AM Parent: #18
Quote: درب العيشة قاسي يا بتي ولكن من حين لاخر دخل نونس
ربنا يوفقك ان شاء الله
ويسهل امورك
الحب زمان بسمع من ابوى وامى كان غير
الناس كانت صادقة ونقية وبريئة
Post: #13 Title: Re: حاجه مجنونه جن !!!!!# Author: وضاحة Date: 09-16-2012, 08:10 AM Parent: #6
Post: #15 Title: Re: حاجه مجنونه جن !!!!!# Author: أيمن الطيب Date: 09-16-2012, 08:17 AM Parent: #13
..
Quote: بالغتى فيها دى يا ايمن
وإنت يا وضاح ما مبالغ طبيعى
Post: #19 Title: Re: حاجه مجنونه جن !!!!!# Author: زهير عثمان حمد Date: 09-16-2012, 08:52 AM Parent: #15
يا شباب يا بورداب يا عابرين أعرفوا دا ما شعر دا نثر له طابع موسيقي ولحن دواخل عامرة با لبهجة في الليل البهم حقي ...!
بالله خلونا من قصة النقد اللي ما معتمد علي منهج القصة كلها أقرأ وأكتب تعليق مناسب باللغة التي تقنها
Post: #21 Title: Re: حاجه مجنونه جن !!!!!# Author: زهير عثمان حمد Date: 09-16-2012, 09:08 AM Parent: #19
الرائعة وضاحه تحياتي شايفك ماخدة راحتك علي الاخر الحمدلله الصحة حديد يا فردة بدليل بعد الفحص الطبي الاخير لاني متقدم لوظيفة قيادية في جريدة أقتصادية وناس التامين قالوا لازم من الفحص الطبي الحمدلله سكر مافي ولا ضغظ ولا حتي نسبة الكحول في الدم تقول الزول ما في أي نسبه تذكر وكل شيء تمام االتمام وعل العل وهذا للعلم جري نشره أنتهي
Post: #23 Title: Re: حاجه مجنونه جن !!!!!# Author: وضاحة Date: 09-16-2012, 09:17 AM Parent: #21
Quote: الرائعة وضاحه تحياتي شايفك ماخدة راحتك علي الاخر الحمدلله الصحة حديد يا فردة بدليل بعد الفحص الطبي الاخير لاني متقدم لوظيفة قيادية في جريدة أقتصادية وناس التامين قالوا لازم من الفحص الطبي الحمدلله سكر مافي ولا ضغظ ولا حتي نسبة الكحول في الدم تقول الزول ما في أي نسبه تذكر وكل شيء تمام االتمام وعل العل وهذا للعلم جري نشره أنتهي
ابو الزوز الحمد لله انوا الصحة تمام
بس فى صحة تانية ماعندها علاقة بالحاجات دى اعمل ليها جيك علشان تضمئن ويفضل لو بطلت شراب وبعدين فحصت
والعلم اتطور ولا حياء فى ذلك
Post: #22 Title: Re: حاجه مجنونه جن !!!!!# Author: وضاحة Date: 09-16-2012, 09:13 AM Parent: #15
Quote: وإنت يا وضاح ما مبالغ طبيعى
وضاح تطير عيشتوا
غايتوا لو فى مشكلة ممكن نكلم ليه دكتور من عندنا مرات بمشوا السودان يشوف ايه السالفة
الزول دا زاتوا حيرنا ياخى فى راسنا دا
Post: #24 Title: Re: حاجه مجنونه جن !!!!!# Author: أيمن الطيب Date: 09-16-2012, 09:28 AM Parent: #22
دا الكنا خايفين عليك منو يا أبوالزهور
Quote: بس فى صحة تانية ماعندها علاقة بالحاجات دى اعمل ليها جيك علشان تضمئن ويفضل لو بطلت شراب وبعدين فحصت والعلم اتطور ولا حياء فى ذلك
د. وضاح قال ليك بصريح العبارة تمشى من دربك دا وتعمل (حمام الجيك يلا يا منقة)..
وبعد (الجيك) تعمل (تيستا)و ما تورينا النتيجة..
دوام الصحة والعافية..
Post: #25 Title: Re: حاجه مجنونه جن !!!!!# Author: زهير عثمان حمد Date: 09-16-2012, 09:49 AM Parent: #24
أيمن ووضاحة طبعا أنا ماعايز أعمل أسكن لصور النتائج بتاعت الفحوصات وأنزلا في البوست لانها شملت كل الحاجات والاجهزة و السعمية والصوتية وكذلك التي هي سبب التواصل بين الازواج خلاص كدا والله أنتو !!!
أنا عارف أنكم عايزين البوست يمشي الخور
Post: #26 Title: Re: حاجه مجنونه جن !!!!!# Author: خالد عبد الله محمود Date: 09-16-2012, 03:47 PM Parent: #25
Quote: بسوي كوك ..... كوك
قصدكـ بسوي كاك ... كاك
أنت يا أبو الزهراء ما تكلم بكري يعمل ليكـ أسبوع زي بتاع عمكـ الفيتوري ده ؟؟
Post: #31 Title: Re: حاجه مجنونه جن !!!!!# Author: زهير عثمان حمد Date: 09-16-2012, 08:30 PM Parent: #28
الشاب الاعلامي أنقابو تحياتي والله أنت طلعت مؤدب ما زي الشماسة ديل المهم شكرا علي المرور وأنشالله تلقي كل أنواع العصيرات والمشربات عندنا يومك الجاي بس مبيت مافي ترجل بيتكم انشالله الساعه الف صباحا
Post: #29 Title: Re: حاجه مجنونه جن !!!!!# Author: عمر عثمان Date: 09-16-2012, 04:17 PM Parent: #27
Post: #33 Title: Re: حاجه مجنونه جن !!!!!# Author: زهير عثمان حمد Date: 09-16-2012, 08:37 PM Parent: #30
يا خي أنتو البهجة ذاتا لكين نحن العصرية مع عصير المنقو يا شاب لحدي الشفق الحمر داك تكون ضربة البداية مع الابيض ضميرك أنتاج سوبا الاصلي يا وقعلي .....! شكرا عا المرور معز
Post: #32 Title: Re: حاجه مجنونه جن !!!!!# Author: زهير عثمان حمد Date: 09-16-2012, 08:33 PM Parent: #29
أخوي عمر عثمان كيفك خلاص طبعا أصبحت من رواد نادي أبوالزهراء الجهنمي أهلابيك بيننا وموعود بأحداث كتيرة لك كل الود
Post: #34 Title: Re: حاجه مجنونه جن !!!!!# Author: تبارك شيخ الدين جبريل Date: 09-16-2012, 09:33 PM Parent: #32
Post: #35 Title: Re: حاجه مجنونه جن !!!!!# Author: زهير عثمان حمد Date: 09-16-2012, 10:02 PM Parent: #34
العزيز تبارك ود شيخ تحياتي شكرا والله ذوقك فنان يا فنان بس أنا خلاس مليت من الكوراع والعضام عايز لحمه يا ناس شوية عضه في زمن النشاف الشديد دا الله ما تخافوا فينا نحن من الحرمان بقينا عضام ذاتو ! لك ودي
Post: #36 Title: Re: حاجه مجنونه جن !!!!!# Author: محمد البشرى الخضر Date: 09-16-2012, 10:37 PM Parent: #35
لحمة شنو يا ابو الزهور الله يديك الجاي تكورك ليها في اسافير شيل الحال دي قلنا ليك شوية عطرون في الفول بتروقك و تهدي سرك
Post: #37 Title: Re: حاجه مجنونه جن !!!!!# Author: زهير عثمان حمد Date: 09-16-2012, 11:05 PM Parent: #36
يا ود البشري كيفك أنت ما مغترب لكين نحن هنا مع الجشعين ديل ما قادرين الواحد يعمل حله لحمه ضان أسويها كيف بس لانو كيلو الضأن بقي 48 جنيه يعني أجر يوم عمل ونص أخو ك بقي عندو عقدة أسمها اللحمه لانو شاغل يوم كوراع ويوم عضام وهاك يا فته لحدي ما جاني أحساس أنو أجمل الاحلام شية جمر ياخي الصباح بوش ( موية فول وموية جبنه مع الزيت )بالليل فته داشنو مش دا الحرمان من لحم الضان أسمو! اللهم يسر لسكان السودان أطياب اللحوم أنت سميع مجيب أمين
Post: #38 Title: Re: حاجه مجنونه جن !!!!!# Author: وضاحة Date: 09-17-2012, 10:37 AM Parent: #37
طبارك
اريتا يا يمة دى مراة التابة واليابة ام سكاكات
هسي في زمتك دى ابو الزوز دا زمنوا دا كلوا يكورك ويبكى تجى تفطروا بالمساويك دى
هي يا يمة المراة ان ما بقت كده فيها لون زى علبة البنسون وجسم وشعر وعيون يوقفوا الحركة شن طعمة
شوف اهل البطانة قالوا شنو
جمال محياك بدور عقبا سماحتك نادره وانتي اصيله بالخيرات تملي مبادره عنقك صيد وهافك رق تعومي وهادره من واركيكي للوطايه كلك بادره
شارفه توغال البرق النطر قدام مخرته في الضماير وعلاها صدار عام لو قصدت تجيك ومدت الابهام بتشوف العجب وتغبي طول العام
Post: #39 Title: Re: حاجه مجنونه جن !!!!!# Author: أيمن الطيب Date: 09-17-2012, 10:51 AM
يا أبوالزهور ,
بعد كدا البوست المجنون دا حا يكون مجادلات ومساجلات ومجادعات حصرية بين:
أبوالزهورX وضاحة وضاحةXأبوالزهور
*مش حا تقدر تغمض عينيك,,,
Quote: بتشوف العجب وتغبي طول العام
Post: #40 Title: Re: حاجه مجنونه جن !!!!!# Author: Fathi Ali Mohammed Date: 09-17-2012, 11:44 AM Parent: #39
Quote: اريتا يا يمة دى مراة التابة واليابة ام سكاكات
هسي في زمتك دى ابو الزوز دا زمنوا دا كلوا يكورك ويبكى تجى تفطروا بالمساويك دى
هي يا يمة المراة ان ما بقت كده فيها لون زى علبة البنسون وجسم وشعر وعيون يوقفوا الحركة شن طعمة
وضاحة البتخاف من الركشة الا تكون قوقلت الكلام دا أو استعانت بحبوبة
تحياتي لأبو الزهور و رواد ناديه المجنون.
Post: #41 Title: Re: حاجه مجنونه جن !!!!!# Author: زينب محمد عبدالله Date: 09-17-2012, 02:03 PM Parent: #40
كتب الاخ فتحى على محمد
( وضاحة البتخاف من الركشة الا تكون قوقلت الكلام دا أو استعانت بحبوبة )
يا فتحى وضاحه دا قمه التناقضات مره بخاف من الرقشه ...ومره.والله البطان (الجلد) دا عاده جميله خلاص!!!!!
مره ماما وبابا ...ومره ابوى وامى
مره والله نحنا لمن كنا فى لندن ومره الكلام باللهجه الخليجيه
احيانا بتقول هى دا ممشط شعرو زى الافارقه !!!!!
غايتو الواحد لمن يكون عندو عقده نقص يا هو بسوى كده اتمنى يوم ترسى ليها على بحر
Post: #42 Title: Re: حاجه مجنونه جن !!!!!# Author: محمد البشرى الخضر Date: 09-17-2012, 02:22 PM Parent: #41
Quote: أنت ما مغترب لكين نحن هنا مع الجشعين ديل ما قادرين الواحد يعمل حله لحمه ضان أسويها كيف بس لانو كيلو الضأن بقي 48 جنيه يعني أجر يوم عمل ونص أخو ك بقي عندو عقدة أسمها اللحمه لانو شاغل يوم كوراع ويوم عضام وهاك يا فته لحدي ما جاني أحساس أنو أجمل الاحلام شية جمر ياخي الصباح بوش ( موية فول وموية جبنه مع الزيت )بالليل فته داشنو مش دا الحرمان من لحم الضان أسمو! اللهم يسر لسكان السودان أطياب اللحوم أنت سميع مجيب أمين
آمين يا رب العالمين ومع اللحمة يسر لي اهل السودان أمان و سلام وعدالة يا ابو الزهور ما تقول دا كلام مغترب بيض ساي لكن الله يسألني البوش الما عاجبك ابو موية فول و موية جبنة وموية زيت وموية عيش وموية موية دا مشتهيه و كان لي مرادي اسي كان بي يدي ارجع لي محل بوش الموية اليومي دا لكن الله غالب
Post: #43 Title: Re: حاجه مجنونه جن !!!!!# Author: الامين موسى البشاري Date: 09-17-2012, 02:47 PM Parent: #42
دي الحاجة القاصدها زهير ولا شنو يا تبارك؟ ما شاء الله 6 شنكل
Post: #44 Title: Re: حاجه مجنونه جن !!!!!# Author: تبارك شيخ الدين جبريل Date: 09-17-2012, 02:59 PM Parent: #43
يا ابو الزهور شايف قيقا عامل نايم من التصحيح الظاهر الخور متحمد بوستيك دا
غايتو الحاجة المجنونة جن في الأيامات دي في السودان إلا كان تكون
الآنسة طماطم
Post: #51 Title: Re: حاجه مجنونه جن !!!!!# Author: تبارك شيخ الدين جبريل Date: 09-18-2012, 03:13 PM Parent: #50
كتاحة ...
Quote: طبارك
اريتا يا يمة دى مراة التابة واليابة ام سكاكات
هسي في زمتك دى ابو الزوز دا زمنوا دا كلوا يكورك ويبكى تجى تفطروا بالمساويك دى
هي يا يمة المراة ان ما بقت كده فيها لون زى علبة البنسون وجسم وشعر وعيون يوقفوا الحركة شن طعمة
المعنى يعني ... ياسمين عبدالعزيز بتسقط في الإمتحان من قولة تيت ....
... المهم ....
Post: #52 Title: Re: حاجه مجنونه جن !!!!!# Author: زهير عثمان حمد Date: 09-18-2012, 04:28 PM Parent: #51
وضاحة شايق البوست بقي خاص وضاحة أبوي وحبوبتي والخليج والبر وشعر االحماسة والبطانة وتاريخ شخصي منذ الصغر بالمناسبة البوست أنا عملتو لا صحابي عشان يجوا يلعب شوdi ويمشي هم حسي زعلانين وضاحة ليه بتعمل الحاله واحدة في بوست أبوالزهراء هاك ياماسنجر وأسكايب وتلفونات من البلدان الباردة ديك المهم أنت بس أنا برضو قلت أكلمك لانو )الامركانسودانيز( ديل خطيرين شوية !؟
.jpg)