Post: #1
Title: أمريكا تطلب إرسال "مارينز" لحماية سفارتها ... والحكومة السودانية ترفـض
Author: حافظ انقابو
Date: 09-15-2012, 04:22 PM
Parent: #0
Quote:
أعتذرت الحكومة السودانية اعن استقبال قوات خاصة امريكية لحماية السفارة الأمريكية بالخرطوم وقال المتحدث باسم الخارجية في تصريح لسونا انه قد تم اجراء إتصال بالأمس بين مساعد وزيرة الخارجية الأمريكية ووزير الخارجية الاستاذ علي كرتي أبدت فيه الحكومة الأمريكية رغبتها في إرسال قوات خاصة لحماية سفارتها بالخرطوم علي خلفية الاحتجاجات التي سادت معظم دول العالم الإسلامي مبينا أن وزير الخارجية قد اعتذر عن استقبال هذه القوات مؤكدا قدرة السودان علي حماية البعثات الدبلوماسية الموجودة في الخرطوم والتزام الدولة بحماية ضيوفها من منسوبي البعثات الدبلوماسية .
وكان مسئول أمريكي قد ذكر اليوم السبت أن فريقا من قوات مشاة البحرية الأمريكية ( مارينز) سيتجه إلي السودان لحماية الدبلوماسيين الامريكيين في السفارة الامريكية في الخرطوم وسط تقارير بان واشنطن قررت ارسال قوات مارينز لحماية سفاراتها في بعض الدول الإسلامية عقب الاحتجاجات علي الفلم المسيء للرسول ( صلي الله عليه وسلم ).
|
نقلاً عن سونا
|
Post: #2
Title: Re: أمريكا تطلب إرسال "مارينز" لحماية سفارتها ... والحكومة ا
Author: Dr. Ahmed Amin
Date: 09-15-2012, 05:26 PM
Parent: #1
تحياتي يا حــافظ ...
ما دام الحكومة رفضت فتأكد بأن المارينز وصلوا وإتخذوا مواقعهم..
|
Post: #3
Title: Re: أمريكا تطلب إرسال "مارينز" لحماية سفارتها ... والحكومة ا
Author: Hafiz Bashir
Date: 09-15-2012, 05:50 PM
Parent: #2
انقابو سلامات
| Quote: وزير الخارجية قد اعتذر عن استقبال هذه القوات مؤكدا قدرة السودان علي حماية البعثات الدبلوماسية الموجودة في الخرطوم والتزام الدولة بحماية ضيوفها من منسوبي البعثات الدبلوماسية . |
و هل الحكومة السودانية ملتزمة و قادرة فعلاً على حماية ضيوفها من منسوبي البعثات الدبلوماسية و لا دا طق حنك ساي من كرتي؟ و هل حنك كرتي السنين دا مشى في مساعدة كلنتون ولا القصة عندها باقي؟
|
Post: #4
Title: Re: أمريكا تطلب إرسال "مارينز" لحماية سفارتها ... والحكومة ا
Author: حافظ انقابو
Date: 09-15-2012, 05:56 PM
Parent: #3
العزيز د. احمد امين
| Quote: ما دام الحكومة رفضت فتأكد بأن المارينز وصلوا وإتخذوا مواقعهم.. |
امبارح ناس الجزيرة قالوا انو الماريز ضربو نا عديييييييييييييل كدا
غايتو ربك يعين
الاخ حافظ
| Quote: و هل الحكومة السودانية ملتزمة و قادرة فعلاً على حماية ضيوفها من منسوبي البعثات الدبلوماسية و لا دا طق حنك ساي من كرتي؟ و هل حنك كرتي السنين دا مشى في مساعدة كلنتون ولا القصة عندها باقي؟ |
رفض الحكومة لاستقبال المارينز .. جعلنة ساي
لكن اكيد ح يكون في تاثير على العلاقات
غالباً تكون في تبعات ... ننتظر
تحياتي لكما
|
Post: #5
Title: Re: أمريكا تطلب إرسال "مارينز" لحماية سفارتها ... والحكومة ا
Author: Dr. Ahmed Amin
Date: 09-15-2012, 06:14 PM
Parent: #4
يعني أمريكا ما عارفــه بأن الحكومة هي التي أخــرجت ونقلت المتظاهرين
ليهاجموا سفارتها ؟
طيب لماذا أرسلت مارينز الى السودان واليمن بالذات ؟
أمــريكا عندما يتعلق الأمــر بحماية مواطنيها لا تنتظر موافقة حكومات ..
المارينز من أمبارح يكونوا إتعشوا بالبوش الما خمج مع سلطة دكوة 
قالـ الحكومة ما وافقت قال ..
|
Post: #6
Title: Re: أمريكا تطلب إرسال "مارينز" لحماية سفارتها ... والحكومة ا
Author: الزبير صالح الزبير
Date: 09-15-2012, 06:48 PM
Parent: #5
حافظ
سؤال هل من حق البلد المستضاف توفير الحماية لمقارة الدبلوماسية ام هذا من واجب الدوله المضيفة
|
Post: #7
Title: Re: أمريكا تطلب إرسال "مارينز" لحماية سفارتها ... والحكومة ا
Author: Dr. Ahmed Amin
Date: 09-15-2012, 07:39 PM
Parent: #6
|
Post: #8
Title: Re: أمريكا تطلب إرسال "مارينز" لحماية سفارتها ... والحكومة ا
Author: شرف الزاكي
Date: 09-15-2012, 07:45 PM
Parent: #7
يا انقابو تحياتي واحتراماتي
ده حنك بيش ساااااااااااااااااي من حكومة الكيزان عليهم لعنة وغضب الله والناس اجمعين
الامريكان اصلا موجودين وزي ما قال الدكتور اعلاه
تأكد انهم اخدوا مواقعهم تماما
مودتي
|
Post: #9
Title: Re: أمريكا تطلب إرسال "مارينز" لحماية سفارتها ... والحكومة ا
Author: Safia Mohamed
Date: 09-15-2012, 07:50 PM
Parent: #7
سلام يا سيد سيد البيت
بعد اذنك يا دكتور احمد امين بعض التعديل الخفيف في يور استيتمنت
ما دام الحكومة قالت رفضت معناتو
انو المارينز وصلوا وإتخذوا مواقعهم.
تحياتي
صفية
|
Post: #10
Title: Re: أمريكا تطلب إرسال "مارينز" لحماية سفارتها ... والحكومة ا
Author: Ahmed musa
Date: 09-15-2012, 07:59 PM
Parent: #9
مريكا ترسل قوة من مشاة البحرية لتعزيز امن وحماية السفارة الامريكية بسوبا
كشف مسئول امريكي الجمعة ان الولايات المتحدة سترسل فصيلة(بين 25 الي 33 جندي) من مشاة البحرية الى السودان لتعزيز الامن عند السفارة الامريكية في الخرطوم.
واتخذت وزارة الدفاع الامريكية في رد على موجة من الاحتجاجات المناهضة للولايات المتحدة والتي تجتاح الشرق الاوسط خطوات مماثلة في ليبيا واليمن مع انتشار الغضب في المنطقة بسبب فيلم مسيء للنبي محمد.
من جانبه حث نائب الرئيس الامريكي جو بايدن نظيره السوداني علي عثمان طه على حماية الدبلوماسيين في الخرطوم بعد مظاهرات عنيفة ضد سفارات غربية في العاصمة السودانية الجمعة، حسب ما اعلن البيت الابيض.
وقال المصدر :"إن بايدن شدد على مسئولية الحكومة السودانية في حماية المؤسسات الدبلوماسية وتأمين حماية الدبلوماسيين في الخرطوم".
وقتل شخصان الجمعة خلال مصادمات وقعت حول السفارة الامريكية في الخرطوم بين متظاهرين ينددون بفيلم مسيء للاسلام انتج في الولايات المتحدة وقوات الامن، حسب شهود عيان.
المصدر الفيس بوك :)
|
Post: #11
Title: Re: أمريكا تطلب إرسال "مارينز" لحماية سفارتها ... والحكومة ا
Author: Nagat Sid Ahmed Elshiekh
Date: 09-15-2012, 09:31 PM
Parent: #10
| Quote: المارينز من أمبارح يكونوا إتعشوا بالبوش الما خمج مع سلطة دكوة |
وكمان طعمية دقاقة مع البوش هههه...
أنقابو سلام ،، بصات الوالى شالت المتظاهرين لسوبا سيرة لكن ماعارفين الوالى كان من ضمن الركاب ولا لا .... المسرحية واضحة نقلوهم ببصات الوالى ودهسوهم بعربات الشرطة !!!!!!!!
|
Post: #12
Title: Re: أمريكا تطلب إرسال "مارينز" لحماية سفارتها ... والحكومة ا
Author: Dr. Ahmed Amin
Date: 09-16-2012, 10:47 PM
Parent: #11
| Quote: بصات الوالى شالت المتظاهرين لسوبا سيرة لكن ماعارفين الوالى كان من ضمن الركاب ولا لا .... المسرحية واضحة نقلوهم ببصات الوالى ودهسوهم بعربات الشرطة !!!!!!!! |
عشان كده يا نجات أمريكا ما عندها ثقة في الجماعة ديل ..
هي لو بتثق فيهم كانوا شالوا اسم السودان من (الآئحة)
فأحسن ليها تحمي نفسها بنفسها ...
|
|