Post: #8 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Elmosley Date: 09-14-2012, 04:48 AM Parent: #1
مرحبا بالابن شريف الفحيل
Post: #10 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: دبس Date: 09-14-2012, 11:39 AM Parent: #8
تسلم يا فرحات يا صفوة وتسلمى يا نجاة ايضاً لكن ....
Post: #11 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Badr elhaj Date: 09-14-2012, 04:04 PM Parent: #10
فعلا شغل جميل يا دغمـــــــــــــــــــــسة
تسلم.
Post: #12 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Rawia Date: 09-14-2012, 04:16 PM Parent: #11
حبيب البي حبيب البي
Post: #13 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: دينا خالد Date: 09-14-2012, 06:09 PM Parent: #12
ياللا يا راوية البشارة قوام ما تنومى بالبلوزة والخاتم ... انا لما جبت ليكم الخبر .. الملك دا نااااايم ... خلاص كوستاوى جا يعملها ليك سفارة وقصص الفحيل وافتخر .. ا صان الحااااامل طرشة ..
ـــــــــــــــــــــــــــــــ لكن صورة البوستر ذكرتنى صور البشير بتاعت الانتخابات شوووب جد ... الولد دا ما محتاج يا تاج .. رجعو ذى ما كان ...
Post: #14 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Rawia Date: 09-14-2012, 08:40 PM Parent: #13
وصلتنا البرقيات التالية: رابطة المعجبين بالفنان شريف الفحيل بمنطقة (ديوك ستريت) شرق هريس تيتر ترحب بزيارة الفنان شريف الفحيل وتتمنى له زيارة ناجحة وإقامة مريحة في ربوع فرجينيا عنهم بدر
وشريف حلو في كل صوره أكيدالصورة دي إختياره وقاصد يبدو بهذا الغموض
Post: #15 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: mohmmed said ahmed Date: 09-15-2012, 05:11 AM Parent: #14
ادعى واقول يا رب يارب
محمد موسى
يقول نكت العنصرية البايخة
واحد جنوبى واحد فلاتى وادروب
ويشتكوهو ويحاكموهو 3 شهور سجن
Post: #16 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: rummana Date: 09-15-2012, 06:16 AM Parent: #15
Quote: الجالية السودانية الأمريكية بمنطقة واشنطن الكبرى تقدم: شريف الفحيل
ولا عزاء لهرون دياب ومن لف لفه... :)
تاج السر الملك.. سلامات أنا عندي استعداد أدفع تمن التذكرة لانسانة عزيزة علي بمناسبة شريف الفحيل دي ، لكنها عايزة بلدوزر يجرها ويطلعها من البيت عشان تمشي حفلة سودانيين ، بتكون نست حفلة يعني شنو :) بعدين يا محمد سيد أحمد نكت محمد موسى ما عنصرية .. عادية جدا إلا للناس الحساسين أزود شوية من اللزوم.. (على الأقل النكت السمعتها للآن) خلوا روحكم رياضية شوية... ماهو كريس روك لسه ما حاكموه..
Post: #17 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: عاطف عمر Date: 09-15-2012, 06:27 AM Parent: #1
غايتو الله يجازي السر قدور
لو خلى ود الناس دا في حالو كان خلص قرايتو وطلع بشهادة تنفعو هسع لا قراية لا فن أصيل فقاعة صابون سوف تنتهي بعد سنتين تلاتة ويقعد يتلفت
___________________
راوية يا غالية تيك إت إيزي
Post: #18 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: دبس Date: 09-15-2012, 06:50 AM Parent: #17
نرحب بالجميع فى ديارم والف مرحب بالعزيزة راوية و دينا والاخ محمد و عاطف يا عاطف اوزن . انشاء الله حايواصل علميا و فنيا و مافى كبير على العلم
Post: #19 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: دبس Date: 09-15-2012, 06:58 AM Parent: #18
استاذنا الموصلى يا رائع دوما تسلم
Post: #20 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-15-2012, 12:03 PM Parent: #19
هههههههههههههههه قتي لي يا دينا
هجم النمر هجم النمر يا زول تعال اقطع تذكرتك ساي
وامبارح يا عاطف عمر كنت بتفرج في دوكيومنتري عن راي جونيور باركر، أبوه زعل لمن سك المزيكة نظام تتم الجامعة وكده يا ولد، بعد سنة جابو ابوهو فرحان لمن ولده اشتري ليه بيت بدل شقة ديترويت الساكن فيها اربعين سنة يازول انت من زمن زول يتحرج وياخد شهادة؟ و اتباشرنا بيك يا السلم التعليمي، ابتهجو الجميع العاصمي والاقليمي؟ الغنا ده زي السلاح في دارفور، قرشو مضمونة ومعاها (جكس)، هسي راوية دي كان قالو ليها بروفيسور معز في البلد وشريف الفحيل شريف بكسب، معز زاتو بمشي لشريف الفحيل، ويعالجو مجاناً ... معز وين انتو يا جماعة. هسي أنا زعلان اولادي ما طلعو غنايين، علي الاقل ألقى ضجة اعلامية .. ده ابو الفنان. رمانة سلام، قريبتك دي رسلي حق التذكرة ونحنا بنمرقا بالبلدوزر ولو غلبنا بنرسل ليها الفيديو في الببيت محمد سيدأحكد عليك الله، والله بسالك، قصص هبسة ديك ما حلوة؟ هههه
تعديل اسم بسبب خطأ طباعي
Post: #21 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-15-2012, 12:20 PM Parent: #20
فرحات العزيز الراجل طلع بشجع ريال مدريد، أها مافي داعي تلبس اصفر باحمر يوم الحفلة، وأوعك تطلب منو نجمة نجمة الليل نعدو، قال ما حافظا
ندااااااااء إلي (الريستونابيات و السنترفيليات):
الفتي الابنوسي (بحسب وصفكم)، في البلد، أها ما تجو تقولو ما سمعنا، و غير مسؤلين من اي نفسيات و اضطرابات عصبية الواح التلج في الباركينق الخلفي المغطى لووتر فورد في حالات الإغماء وغاز نشادر في الحالات القصوى. راوية العباسي، ما تجي من اربعة صباحاً، الحفل بيبدا عشرة بالليل.
Post: #22 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: وضاحة Date: 09-15-2012, 12:59 PM Parent: #21
أأأأأأأأأأأأأأأخ يا ملك
يا ريت لو كنا معاكم ما ينفعكم انت وراوية
Post: #23 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: علي جلاس Date: 09-15-2012, 01:37 PM Parent: #22
Quote: و ماري بتكساس و قطار الشرق غرب
دي تبقي مؤامرة من الزميل بدر الحاج والكابتن هاشم دبس , وقت أصلو كده فيلادلفيا دي فاطنها ماله ولا مافيها محطة !
هنيئاً لكم أهل واشنطن الكبري حفلاتكم حلوة وبتجييييييييييييييييييييييييييب ,
Post: #25 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-15-2012, 03:33 PM Parent: #23
يا جلاس
Quote: دي تبقي مؤامرة من الزميل بدر الحاج والكابتن هاشم دبس , وقت أصلو كده فيلادلفيا دي فاطنها ماله ولا مافيها محطة !
هنيئاً لكم أهل واشنطن الكبري حفلاتكم حلوة وبتجييييييييييييييييييييييييييب ,
انتو انتظرو القراي هاوند ومن ناحية (جيبان)، ماعندنا شك طب وحفلاتنا صاقعة كالعادة.
Post: #24 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-15-2012, 02:23 PM Parent: #22
Quote: أأأأأأأأأأأأأأأخ يا ملك
يا ريت لو كنا معاكم ما ينفعكم انت وراوية
يا وضاحة غايتو بنفع راوية ههههههه
Post: #26 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Rawia Date: 09-15-2012, 07:16 PM Parent: #24
يارمانة قريبتك خليها علي كلنا ذلك الرجل بيمرقنا الشديد القوي ماعندي اي مانع وكمان معزومة
نشكر وضاحة وكل من هنأنا بهذا الحدث الجميل
Post: #27 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: عاطف عمر Date: 09-15-2012, 07:44 PM Parent: #1
ملك يا ملك عاوزنك ديمة تكون ملك ملك عظيم يا زوول
Quote: وامبارح يا عاطف عمر كنت بتفرج في دوكيومنتري عن راي جونيور باركر، أبوه زعل لمن سك المزيكة نظام تتم الجامعة وكده يا ولد، بعد سنة جابو ابوهو فرحان لمن ولده اشتري ليه بيت بدل شقة ديترويت الساكن فيها اربعين سنة يازول انت من زمن زول يتحرج وياخد شهادة؟ و اتباشرنا بيك يا السلم التعليمي، ابتهجو الجميع العاصمي والاقليمي؟ الغنا ده زي السلاح في دارفور، قرشو مضمونة ومعاها (جكس)، هسي راوية دي كان قالو ليها بروفيسور معز في البلد وشريف الفحيل شريف بكسب، معز زاتو بمشي لشريف الفحيل، ويعالجو مجاناً ... معز وين انتو يا جماعة. هسي أنا زعلان اولادي ما طلعو غنايين، علي الاقل ألقى ضجة اعلامية .. ده ابو الفنان.
الله يرضى عليك ما تجرجرني في الكلام ... أقوم أنفتح .. تقوم راوية تزعل أصلك ما عارف راوية وأخواتها أنا بعزهم قدر شنو ... عشان كدا ( مابرضى البيجيب زعلا وما برضى البفرق إثنين )
لو كان شريفنا الفحيل دا عندو موهبة ( حقيقية ) كنت ح أقول ليك شهادة الجامعة إن شاء الله تطير وبى موهبة حقيقية أعني زول بيغني بي بصمة خاصة به وأغاني خاصة به تغلغلت في أعماق ووجدان مستمعيه زولك باركر دا عندو موهبة حقيقية.. ودا الفرق البيناتم شريفنا دا أهو ح يركب طيارة من الخرطوم لحدي ما يصلكم في بلادكم الطير عجمي ديك عشان يغني ليكم أغنيات زكي عبدالكريم وزيدان وحمد الريح و...و... ويا ريتو بيغنيها بحلاوة أسيادها... بالجد أنا عندي حساسية بتاعة أنو الزول يغني ليهو أغنية زول تاني ويقوم يعولقها ... يعولقها وهو مقتنع تمام الإقتناع أنو أضاف ليها وأنو وضع الإستايل بتاعو فيها.... وعشان أكون منصف المسألة دي ما واقفة عليهو هو براهو ... جيلو دا كلو - إلا من رحم ربي واجتهد شوية - مدور في ذات الساقية مدورين حتى أصابتنا حيرة أن كيف نفرق بينهم
Post: #28 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Nagat Sid Ahmed Elshiekh Date: 09-15-2012, 08:11 PM Parent: #27
Quote: فرحات العزيز الراجل طلع بشجع ريال مدريد، أها مافي داعي تلبس اصفر باحمر يوم الحفلة، وأوعك تطلب منو نجمة نجمة الليل نعدو، قال ما حافظا
ههههههه اوسكارات كتييييرة ليك يا ملك فى دى..... طيب ممكن يجيب معاهو أيوب فرحات عشان بموت فى ريال مدريد وملينة المريخ هههه
Post: #29 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-15-2012, 09:51 PM Parent: #28
يا عاطف سلام إنت عارف لو جينا للجد، الناس ديل كلهم الفي زمنا كان اسمهم (البكاسي)، مافيهم زول بلحق الجيل السابق لكن سبحان الله سوقهم حار، الشاب ده حقيقة عندو حضور (انترتيني) دي ماعارف اجيبا كيف، وصوتو والحمد لله ما ترباسي الفصيلة، بعدين فاشونابل كده، لو اتبحت ليه الفرصة ولقا الحان بتناسب صوته بيمشي لقدام، باقس الحاجات عندو نحنا ذاتنا كمستمعين بقينا ما عندنا صبر نسمع جديد، في زيارة أحمد الصادق الاخيرة، غنا اغنيات خاصة، أها الجلاكين قعدو متوترين منتظرين الشوق والريد، ياخي عمر إحساس جا هنا بكل عظمة الحانو، قالو لي غني لينا حقيبة!!!!
كدي ناس رواية مالن بالجنبة كده؟ :)
Post: #30 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: عاطف عمر Date: 09-16-2012, 04:38 AM Parent: #29
Quote: كدي ناس رواية مالن بالجنبة كده؟ :)
راوية وأخواتها يا ملك هم ( روحنا وحبنا ) هن أخوات غاليات حبيبات ظللت أتأسف على زمان لم أكن أعرفهن فيه لو لم أخرج من هذه الأسافير بغير معرفة ومحبة راوية وأخواتها فقد كسبت والله ما أظل أحمد ربي عليه ليلاً ونهاراً ما قصدته - في إطار المزاح - بـ ( زعل راوية ) أنها لا تقبل في شريف الفحيل أى كلام .... وأنني لا أريدك أن تجرجرني لأفصح عن رأيي ( الفني ) فيه فيزعل رأيي هذا راوية فكل المداخلات الخاصة بإعجاب راوية بشريف الفحيل في هذا البوست وفي غيره من البوستات تنحو منحى المزاح هذا وعلاقتي براوية تتحمل هذا المزاح وأكثر منه
Post: #31 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-16-2012, 05:04 AM Parent: #30
ومالك جاد كده؟
كلامك من الاول مفهوم شديد ما بحتاج لشرح طويل ومقصدك منه واضح وجملتي الاخيره بتصب في نفس الاتجاه ، عموما نحن من حزب الفحيل الدخل مزاج راويه بدون تفاصيل وهي تعلم. والله بعلم ونحن نقدر كل من يحب راوية واخواتها
Post: #32 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: عاطف عمر Date: 09-16-2012, 05:47 AM Parent: #31
ملكنا يا ملك
الجدية إقتضتها كما يقول الفقهاء ( سد الذرائع ) لا يخالجني أدنى شك في مكانة راوية وأخواتها عندك لكن الأسافير علمتنا الدقة إذ ربما إلتقط السؤال ملتقط وأخرجه من سياقه
وفي كل الأحوال شكراً لك فقد أمتعتنا زماناً بكتاباتك الطاعمة وها أنت الآن تتيح لنا فرصة التعبير عن مشاعرنا تجاه من نحب
Post: #33 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: دبس Date: 09-17-2012, 03:57 AM Parent: #32
نطه
Post: #34 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: heba Elmahi Date: 09-17-2012, 05:06 AM Parent: #33
Quote: نطه
أولاد أمدرمان ديل جنهم نطيط كدة طواااالي ؟؟
هسة عازمني ولا كيف ؟
تحياتي يا ملك و بالله كرسيين في الكراسي الامامية انا ودبس سوا ^_^
Post: #35 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-17-2012, 12:12 PM Parent: #34
شكرا يا عاطف
هبة الماحي سلام
الحجز سيدو دبس ده (وقبل دبز) تجو بدري لكن.
Post: #36 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Yasier Elsayed Date: 09-17-2012, 05:07 PM Parent: #35
سلام ياهندسة ياعجيب تعرف يادبس من الحاجات الغريبة انا بفتح بوستات هذا المهوس بالجمال العجيب تاج فقط لكى احضر محاضرة فى فن الدعاية والاعلان والتصميم دا قبل بداية الحفل !!!! اما بعدها ! محاضر فى علم التصوير الفوفتغرفى وعرفت كيف تجيب دخل يادبس زى ماقل تاج ! جابت
Post: #37 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Badr elhaj Date: 09-18-2012, 02:14 AM Parent: #36
Post: #38 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: دبس Date: 09-18-2012, 04:23 AM Parent: #36
هسة عازمني ولا كيف ؟ طوالى يا هبه جيتك بالدنيا (دى كشكرة)
ياسر السيد يا فنان تسلم حبيبنا مدام ما البوست دا جابك حبابك و بجيتك بتجيب انشاء الله
Post: #39 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-18-2012, 04:38 AM Parent: #38
الاعزاء مرحبا بكم فى دياركم و حبابكم الف
نحب ان ننوه ان هذا الحفل هو الحفل الوحيد بمنطقة واشنطن نسبة لضيق برامج الفنان الشاب و الاستاذ المبدع محمد موسى ونسبة لمحدودية الصالة العددية الرجاء الاتصال لحجز اماكنكم و دمتم
Post: #40 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-18-2012, 04:57 AM Parent: #39
يوجد هناك مكان مخصص للاطفال
Post: #41 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Red Sea Date: 09-18-2012, 05:54 AM Parent: #40
الملك ودبز تحياتى .....
نرجع يعنى ولا شنو ؟؟؟؟؟؟؟
أنا غايتو أحجزو لى كرسى جنب ياسر
فضلى البكرى
Post: #42 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-21-2012, 04:16 AM Parent: #41
تسلم يا فضلى منطقة واشنطن إفتقدتك فى الفترة الماضية عودا سليما انشاء الله
Post: #43 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-22-2012, 08:09 AM Parent: #42
لدينا بعض التنويهات حتى يخرج البرامج بصورة جميلة ونحافظ على هذه الصالة
1- الرجاء الحضور مبكرا حوالى الساعة التاسعة و النصف حتى يتثنى لكم حجز اماكن مناسبة
2- ادخال الطفال فى الاماكن المخصصة لهم بالصالة الخارجية وعدم تواجدهم نهائيا خارج الصالة.
3- عدم احضار اى اكل او شرب او سوائل حتى ولو كانت مياه عادية
4- عدم التواجد خارج صالة الحفل
نتمنى لكم قضاء و قت جميل
ونواصل
Post: #44 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Tagelsir Elmelik Date: 09-23-2012, 09:12 PM Parent: #43
هاك يا فضلي
Post: #45 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: Red Sea Date: 09-24-2012, 04:19 AM Parent: #44
تشكر يا أبو السرة دايماً شغلك نضيف خاصة فى B&W فى إنتظار صور الحفلة
فضلى
Post: #46 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-25-2012, 03:36 AM Parent: #45
كانت ليلة ما منظورة وبسم الله نبدا
الفنان المبدع شريف الفحيل
Post: #47 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-25-2012, 03:47 AM Parent: #46
نشكر كل من تكبد المشاق وحضر هذا اليوم الممتع مع الفكاهى محمد موسى والمبدع شريف الفحيل و الاستاذ ناجى تاج السر و سوف نواصل فى جلب كل ما هو جميل لإمتاع منطقة واشنطن و الترفيه عنهم و موعودون بالمزيد و سوف نعلن عنة فى حينه
Post: #48 Title: Re: الجالية السودانية الأمريكية بمنطقة واشنطن الكبرى تقدم: شريف الفحيل Author: الجالية السودانية الامريكيةDC Date: 09-26-2012, 02:29 AM Parent: #47
