أيهما أحق بالأهتمام أبو قطاطي أم الفيتوري؟؟؟

طبعاً في إجابة نموذجية وقد تكون الحقيقية أو المنطقية ما عارف إنو يتم الإهتمام بجميع عظماء بلادي من مثقفين وفنانين ورياضيين و و و ..
موضوع الدولة وإهتماماتها ده ما النقطة العايز اثيرها هنا ..
ودعواتنا للفيتوري ولكل مبدعين بلادي بل ولكل مريض بعاجل الشفاء وربن يفرج كربة أي مسلم أياً كان نوعها..
لكن محتار جداً بل جداً شديييد خالص من تصرفات بكري اليومين ديل وهو يغمرنا كل راس دقيقة بي بوست عن الفيتوري ..
عن نفسي أكاد أجزم إنو بكري ومن خلال البيكتبو هنا من مشاركات ما زول ثقافة ثقافة ويميل راسو لي إنو فاضي أكتر من إنو مليان (زيينا كده يعني انا واساسي )..
طيب ما هو سر الإهتمام بالفيتوري ؟؟؟
هل بوستات زي دي بيتم تصنيف كاتبيها على إنهم من رواد الثقافة ؟؟
هل الشعراء خشم بيوت؟؟؟
شاعر عيان يكتبوا ليهو ويشعلقو ليهو اربعين بوست وشاعر تاني عيان برضو تتكتب ليهو بوست بوستين من أفراد والناس تعمل نايمة ؟؟
موضوع جنسيتنا الهاملة ده ما عايز ليهو كبير إجتهاد وعادي ممكن اسة دي انا اضرب لي جمال الوالي اقول ليهو سجل الفيتوري في المريخ واسسسة دي جنسيتو بتصلو فيي حتتو ..
دي ما المشكلة مش؟
يا بكري منبرك ده منبر حساس ما بيستحمل الحركات دي لأنها وعلى قدر إيجابياتها في رفع معنويات طرف إلا إنها عندها من السلبيات اللي ممكن تحبط أطراف تانية كتيييرة ..
خلينا نحن العوام ديل أي زول يجي يكتب حاجاتو لكن إنت وبما إنك دخلت نفسك في حتت الحياد وطرح نفس ربان السفينة والمتفرج من بعييد لي بعييد فحقو تكمل الدور ده لي نهايتو ..
ولا كمان وبما إنك قررت تطرح نفسك داعم لي مبدعين بلادي للخروج من أزماتهم فالصف طوييييل يا حبوب وخلي الموضوع يكون بي الأقدمية ..

الاخ عمر
شكرا لوجه النظر
لكن يا حبيب ليست بكرى صاحب اقتراح دعم الفيتورى
ارجو ان تراجع البوست ادناه

محمد الفيتوري شاعر إفريقيا يعيش أياما عصيبة من المرض في المغرب

بالاضافة الى العديد من الرسائل البريدية من الاعضاء و القراء الذين يطلبون رقم لحساب لدعم الفيتورى و صدقنى لا احب الدخول فى مثل هذه المواضيع لان لى تجارب سابقة فى مثل هذه القضايا المالية انتهت باتهامى بالسرقة ...... والذى شجعى هذه المرة هى وجود حساب مباشر للمدعوم ........


وشكرا
بكرى

عمر تحياتى
لا اظن ان هناك من يفرق بين مبدعى بلادى مهما كانت اتجاهاتهم او ميولهم
واظن ان الشعب حين احتفى برموز ابداعية مثل وردى او ادبية مثل الطيب صالح
او او او لم يقف ليتساءل عن انتماء او ميول او جهة ...
اظن وحسب تقديرى ان حالة الفيتورى الانسانية قبل المرضية هى التى جلبت كل هذا التعاطف
وليس تمييزا بجهته او ابداعه فقط
تحياتى

Quote: ولا كمان وبما إنك قررت تطرح نفسك داعم لي مبدعين بلادي للخروج من أزماتهم فالصف طوييييل يا حبوب وخلي الموضوع يكون بي الأقدمية ..

ماتخاف ياعمر

كلهم بندعمهم
الباندويدث موجود والكتابة ماعايزا حبر!

رحمة الله تتنزل على ابوقطاطى ..

وربما وجود ابو قطاطي اخي عمر بارض الوطن

تتيح له تلقي اعانات مباشره او غير مباشره من الكثير من الخيرين والمعجبين

بعكس الفيتوري الموجود بخارجه

Quote: ما زال يحدق في السقف...تجوس أنظاره عبر حائط الصالون حيث يستريح بعض غبار أمدرمان على أرخبيل الصور المعلقة بالأبيض و الأسود..يبدو مستاء وتارة يستريح لمجرد ذكر شخص عزيز.. الشاعر الغنائي الكبير محمد علي أبو قطاطي ابتلاه الله بمرض و أجرى 3 عمليات جراحية مؤخرا و لاننا نرتبط معه بالفة خاصة نتفقده من حين لآخر..لم نسأله طويلا في نهار رمضان أمس حيث تزيد درجة الحرارة على 40 درجة مئوية في صحراء أمدرمان و التي منها بدأ الحوار: الاستاذ أبو قطاطي..مازلت صابرا على رقاد المرض؟ والله في الحقيقة يا ابني أنا(راقد سلطة) كما يقولون. كيف يمضي وقتك..هل تقرأ أو تكتب؟ العزاء الوحيد هو تفقدكم لنا فلا شيء يشفي غليل المريض(لا قراءة ولا كتابة) انما الذين يتفقدونك هم ما تتاجه و يسعدك. هل زارك أي مسؤل أو وقف معاك؟ الشخص الوحيد الوقف معاي سبدرات يا سلام على سبدرات هذا الانسان وليس المسؤل بالغ في اكرامي و لولاه لا أدري ماذا كانت الأيام ستفعل بنا..والله لو شلتو في كتفي ما أكافيه..أما هاشم هارون فقد طلع ( فشنك) و صندوق دعم المبدعين لا أساس له من الصحة.. أين الشعراء من مرضك؟ هل تصدق زول زي محمد موسى رئيس اتحاد الشعراء طوال فترة مرضي لم يزورني أو يتصل و لا يذكرني حتى يبدو انك عاتب على الكثيرين؟ ياخي محمد يوسف من ضمن من اسميهم (طلاب الوجاهة) حديثك يعني آخرين يمتد غضبك تجاههم؟ هو ليس غضب فقط لكنه الواقع ..فأشخاص مثل الحلنقي و السر دوليب أصبحوا من طلاب الوجاهة الاجتماعية أيضا..تجدهم في أي مناسبة..و الحلنقي بالذات (حاشر نفسه في اي حتة)..ياخي الشعراء مفروض يكونوا استثنائيين و رحيمن على بعض..لا أن يكونوا هكذا (بتاعين فخفخة). ولكنهم شعراء و لهم وجود؟ هم ليسو أشعر من الدوش و التجاني سعيد و جيلي عبد المنعم..ياخي الكتيابي أعظم شاعر سوداني(يطلع الحلنقي شنو معاه). هل تشاهد القنوات؟ أشاهد هذا المدعي (السر قدور) هناك أشياء كثيرة تفوت عليه..و لديه أشياء أعتبرها (جلايط) بمعنى الكلمة..السر كل حياته في القاهرة و ليس غريب عليه أن يكون (فايتة عليه حاجات كثيرة). ألديك رأي في شعر الحلنقي؟ رأي فيه كشخص أنه يحب التلميع و شعرهليس فيه عمق الذين ذكرتهم. بالمناسبة..هل كتبت قصائد لرمضان أو فيه؟ كتبت قصائد في استقبال و وداع رمضان ...لكني لا أستطيع أن أذكر أي نص (و أنا في الحالة دي). استاذ أبو قطاطي سنزورك في العيد ان شاء الله و نكمل معك و نتمنى أن نجدك بأفضل حال..فماذا أنت قائل؟ أرجو من خلال (الحرة) أن تبعثوا بتحياتي لمحمد وردي فهو لم يقصر معاي رغم ظروفه الصحية (بضرب لي و برسل ولده) و كذلك السمؤل خلف الله نشر لي ديوان (الفينا مشهودة) على حسابه الخاص..أنا أحييه..و تحياتي لحسن فضل المولى ( في صمّة خشمي جاب لي 500 جنيه) أما سبدرات فان شاء الله (يوم شكرو ما يجي)ما زلت آكل و أشرب من قروشه. استاذ أبو قطاطي نسيت أن أسألك...هل تعتبر نفسك شاعرا مظلوما؟ والله يا ولدي لو جيت للحق أنا ما براي..فالشاعر محجوب سراج مظلوم و مسكين أكثر مننا..فما يعانيه أحس به و أنا موجوع له(تخيلوا شاعر كتب أجمل الأغنيات و ما حدش حاسي بيهو)..ربنا يعافيه و يرد غربته وهو بأمدرمان. يا عم محمد سنلتقيك و نأسف للمقاطعة؟ ان شاء الله يا ابني...لكن عليك الله بلغ تحياتي و اعزازي لهيثم كابو و عبد الباقي خالد و أشرف (جمعية وردي) و أسمح لي أن أقدر فيك تواصلك معي و مقاسمتك لهمومي و أنا لا أملك غير الشكر و الحمد و الصبر. منقول لكن سبحان الله ما الذي تغير في الناس حتى يهملوا شاعر له اسهاماته في الغناء السوداني الأصيل الظاهر الكل صار يلهث وراء المادة و ترك القيم التي تميز بها الشعب السوداني زي ما قالو الفينا مشهودا عارفانا المكارم نحنا بنقودا الحار بنخوضا

قلنا نثرى البوست عشان مداحلة بكرى دى !

Quote: ما زال يحدق في السقف...تجوس أنظاره عبر حائط الصالون حيث يستريح بعض غبار أمدرمان على أرخبيل الصور المعلقة بالأبيض و الأسود..يبدو مستاء وتارة يستريح لمجرد ذكر شخص عزيز.. الشاعر الغنائي الكبير محمد علي أبو قطاطي ابتلاه الله بمرض و أجرى 3 عمليات جراحية مؤخرا و لاننا نرتبط معه بالفة خاصة نتفقده من حين لآخر..لم نسأله طويلا في نهار رمضان أمس حيث تزيد درجة الحرارة على 40 درجة مئوية في صحراء أمدرمان و التي منها بدأ الحوار: الاستاذ أبو قطاطي..مازلت صابرا على رقاد المرض؟ والله في الحقيقة يا ابني أنا(راقد سلطة) كما يقولون. كيف يمضي وقتك..هل تقرأ أو تكتب؟ العزاء الوحيد هو تفقدكم لنا فلا شيء يشفي غليل المريض(لا قراءة ولا كتابة) انما الذين يتفقدونك هم ما تتاجه و يسعدك. هل زارك أي مسؤل أو وقف معاك؟ الشخص الوحيد الوقف معاي سبدرات يا سلام على سبدرات هذا الانسان وليس المسؤل بالغ في اكرامي و لولاه لا أدري ماذا كانت الأيام ستفعل بنا..والله لو شلتو في كتفي ما أكافيه..أما هاشم هارون فقد طلع ( فشنك) و صندوق دعم المبدعين لا أساس له من الصحة.. أين الشعراء من مرضك؟ هل تصدق زول زي محمد موسى رئيس اتحاد الشعراء طوال فترة مرضي لم يزورني أو يتصل و لا يذكرني حتى يبدو انك عاتب على الكثيرين؟ ياخي محمد يوسف من ضمن من اسميهم (طلاب الوجاهة) حديثك يعني آخرين يمتد غضبك تجاههم؟ هو ليس غضب فقط لكنه الواقع ..فأشخاص مثل الحلنقي و السر دوليب أصبحوا من طلاب الوجاهة الاجتماعية أيضا..تجدهم في أي مناسبة..و الحلنقي بالذات (حاشر نفسه في اي حتة)..ياخي الشعراء مفروض يكونوا استثنائيين و رحيمن على بعض..لا أن يكونوا هكذا (بتاعين فخفخة). ولكنهم شعراء و لهم وجود؟ هم ليسو أشعر من الدوش و التجاني سعيد و جيلي عبد المنعم..ياخي الكتيابي أعظم شاعر سوداني(يطلع الحلنقي شنو معاه). هل تشاهد القنوات؟ أشاهد هذا المدعي (السر قدور) هناك أشياء كثيرة تفوت عليه..و لديه أشياء أعتبرها (جلايط) بمعنى الكلمة..السر كل حياته في القاهرة و ليس غريب عليه أن يكون (فايتة عليه حاجات كثيرة). ألديك رأي في شعر الحلنقي؟ رأي فيه كشخص أنه يحب التلميع و شعرهليس فيه عمق الذين ذكرتهم. بالمناسبة..هل كتبت قصائد لرمضان أو فيه؟ كتبت قصائد في استقبال و وداع رمضان ...لكني لا أستطيع أن أذكر أي نص (و أنا في الحالة دي). استاذ أبو قطاطي سنزورك في العيد ان شاء الله و نكمل معك و نتمنى أن نجدك بأفضل حال..فماذا أنت قائل؟ أرجو من خلال (الحرة) أن تبعثوا بتحياتي لمحمد وردي فهو لم يقصر معاي رغم ظروفه الصحية (بضرب لي و برسل ولده) و كذلك السمؤل خلف الله نشر لي ديوان (الفينا مشهودة) على حسابه الخاص..أنا أحييه..و تحياتي لحسن فضل المولى ( في صمّة خشمي جاب لي 500 جنيه) أما سبدرات فان شاء الله (يوم شكرو ما يجي)ما زلت آكل و أشرب من قروشه. استاذ أبو قطاطي نسيت أن أسألك...هل تعتبر نفسك شاعرا مظلوما؟ والله يا ولدي لو جيت للحق أنا ما براي..فالشاعر محجوب سراج مظلوم و مسكين أكثر مننا..فما يعانيه أحس به و أنا موجوع له(تخيلوا شاعر كتب أجمل الأغنيات و ما حدش حاسي بيهو)..ربنا يعافيه و يرد غربته وهو بأمدرمان. يا عم محمد سنلتقيك و نأسف للمقاطعة؟ ان شاء الله يا ابني...لكن عليك الله بلغ تحياتي و اعزازي لهيثم كابو و عبد الباقي خالد و أشرف (جمعية وردي) و أسمح لي أن أقدر فيك تواصلك معي و مقاسمتك لهمومي و أنا لا أملك غير الشكر و الحمد و الصبر. منقول لكن سبحان الله ما الذي تغير في الناس حتى يهملوا شاعر له اسهاماته في الغناء السوداني الأصيل الظاهر الكل صار يلهث وراء المادة و ترك القيم التي تميز بها الشعب السوداني زي ما قالو الفينا مشهودا عارفانا المكارم نحنا بنقودا الحار بنخوضا

قلنا نثرى البوست عشان مداحلة بكرى دى !

Quote: الشاعر محمد علي أبو قطاطي ٭ ولد الشاعر محمد علي أبو قطاطي بالعجيجة شمال ام درمان في عام 1931م، وأهلها أصحاب خضرة وزراعة وطيبة تحكي حكاوي النيل والجروف على ضفة النيل الغربية.. لذلك نجده تغنى للعصافير والطيور والأمواج.. وقد تكونت شخصية أبو قطاطي الشعرية من بيئة النقاء والجمال في العجيجة، ودرس الخلوة وقام بتثقيف نفسه، وقد قال في مقدمة ديوانه «درب المحبة» وفي تقدمة عبد الله الشيخ البشير: «لقد استفدت كثيراً من مقامات الحريري، كما أعجبت بأشعار عنترة وابن الفارض والمتنبئ وشوقي، ومن السودانيين التيجاني يوسف بشير والحردلو وخليل فرح، وكذلك محمد المهدي المجذوب». ومحمد علي أبو قطاطي رقم مهم في خريطة الغناء السوداني وصاحب بصمة واضحة. ويمكن ان نطلق عليه شاعر القرية أو الريف لبساطة كلماته وعمقها وجوانبها الجمالية وارتباطها بالماء والزرع والنسيم وهدوء المكان بتفاصيله.. ونطالع من قصائده: لما القماري يدوبو بأحلى الغنا والساقية تترنم بمقطوعات رصينة ملحنة والقيف تجيه الموجة هايمة ويحضنا جوه الضمير تغمرني حالات انتشاء ويكفي محمد علي ابو قطاطي في روعة إبداعه أغنية: الفينا مشهودة عارفنا المكارم نحن بنقودها والحارة بنخوضها التي تغنى بها كروان وعندليب السودان عبد العزيز محمد داؤود. وأبو قطاطي مصور في أشعاره ويرسم بالحروف والكلمات لوحات رائعة الجمال ويقول: قمر العشا لا من عبايتو الصافية في الكون يفرشا يلمس مشاعري وينعشا وفي صورته بتذكر وجينات الرشا وتتجلى البادية في الساقية، وتتضح رومانسية الشاعر ابو قطاطي وتعلقه بالقماري كطيور جميلة، وتنداح كلماته ألقاً وروعة في أصواتها: لما القماري يقوقو بأحلى الغنا ونلحظ تعلقه بالدوباى والقوقاى، ومرة يقول يدوبوا ومرة يقول يقوقو، والدوباى والقوقاى لدى القماري من جميل الغناء عند ابو قطاطي، ويصف ابو قطاطي بنت الريف في ذوق جمالي: آسرانا بالدم الخفيف والرقة في لهيجا الظريف بسماتها زي برق الخريف هالة القمر تشبه خديدها وقد شكل ابو قطاطي ثنائية منتجة وفاعلة مع الفنان خليل اسماعيل ونجد (الأماني العذبة): الأماني العذبة تتراقص حيالي والأمل بسام يداعب في خيالي حلم بكره وذكرى أيامي الخوالي وأغنية «درب المحبة» التي شدا بها أحمد الجابري أيضاً من نظم أبو قطاطي: إنت يا قلبي المتيم كنت خالي كنت نايم ما رأيت سهد الليالي كنت قايل كل شي في الدنيا حالي ونلحظ كلمة حالي لا يستخدمها السودانيون ولكن جاءت في سياق وزن القصيدة عند ابو قطاطي بحذق لغوي جميل ومؤثر، وقد كانت قصيدة «المرسال» علامة مضيئة في أشعار ابو قطاطي، وأضاف لها الفنان محمد عثمان وردي تفصيلات موسيقية جعلتها تكون على كل لسان لدى الأمة السودانية وفيها: مسكين البدأ يأمل وأمله يغلبو تحقيقو العاشق الجفا المعشوق وا سهرو ونشاف ريقو امش قول ليه يا المرسال عساه يراعي ملهوفو حبيبك بى وراك جارت عليه وخانته ظروفو فقد صبره وشرد نومه لهيب الشوق حرق جوفو ونرى الصدق لدى المشتاق والشوق والحنين لدى ابو قطاطي من خلال كلماته المنتجة شعراً، ومن خلال «أسمح زي» التي تغنى بها وردي نجد أن ابو قطاطي زاوج بين الطبيعة والحب في معانٍ ودلالات عميقة تجسدت في: سواة العاصفة بى ساق الشتيل الني فعل السيل وكت يتحدر يكسح ما يفضل شي دا كان حبك وكت حسيتو شفت الدنيا دارت بى وكت شفتك شعرت بالرعشة من صوف رأسي لى كرعي ومن الساعة ديك يا السمحة ولع فيني جمر الغي فكلمات أبو قطاطي تصور المحب الولهان المتيم بمحبوبته في ردة فعل وقتية فعلت به فعل السحر الى ان يقول في أسمح زي: صعيب وصفك لأنك هالة كلك ضي فوقك هيبة وأجمل قامة وأسمح زي وقد نظم أبو قطاطي مئات القصائد وهو يحمل قلبه الطاهر النقي بين يديه عاشقاً فرحاً منتشياً بالحبيب، ثم مرة حزيناً مهزوماً في قصائده. ولعله في هذه الأبيات يزاوج بين الفرح والحزن لدى العاشق: جيت لقيت باب الغرام فاتح دخلت ومن شراب الريدة يا مسكين نهلت وابتديت يا قلبي تعشق وانشغلت كنت جاهل العشق ظنيتو ساهل إلا يا ريتك عرفت وما جهلت ونتلمس في أشعار أبو قطاطي فضاءً جمالياً طليقاً، وبه تسامٍ روحي يتمثل في براءة العاشق وتصوير عذاباته. وما أجمل وما أروع كلماته بعناصرها المتشبعة بجمال وسماحة البادية وسماحة وجمال الإنسان السوداني وإنسان العجيجة نموذجاً.. وأبو قطاطي أسهم في ترقية الغناء السوداني والذوق السوداني بكلماته التي ظل يشدو بها منذ بداية الخمسينيات وإلى يومنا هذا، ناشراً الفرح والجمال.. عافاه الله وشفاه لأنه من أروع المغنين في السودان.

Quote: الشاعر الكبير محمد علي «أبو قطاطي»، أعطى للوطن إبداعاً.. وكتب أروع الشعر.. وما استبقى شيئاً، فتغنى بكلماته كثيرون.. منهم وردي «المرسال، والناس القيافة».. وعبد العزيز محمد داؤود «الفينا مشهودة».. وسيد خليفة «قالوا الدود قرقر» و خليل إسماعيل « بكرة يا قلبي الحزين» .. وزيدان إبراهيم «نبع السعادة».. بجانب أغنيات خالدة لعثمان الشفيع وعائشة الفلاتية ومنى الخير وميرغني المامون وأحمد حسن جمعة.. وآخرين.

Quote: بسحــــــروك يـــا إنتى لـــو شـــــــــــــــــافو الخـــــدود ولا شــــــــــــــــافو الأعين المكحـُــولة سُــــــــــــــود فــى بنـــــــــــــــــات الحـــور بشــــــوف حـُسنــك فــريد فيــك قـــوام زى الغـُصــــن وكتيـــــــن يَميــــــــــــــــــد الجمــــــــــــــــــال الفــــــــــــاتن الفـــات الحــــــــــــدود ربنـــــــــــا يغــطــــيهــــو مــــن عيـــــن الحســــــــــــود والله خــــــــــــــــــايف فــى مشيتـــــــــــــك يســـــحروك ** ** ** خــوفى بـــس يـــا حلوة مــــا تصيبــــــــــــك عيــــــــــــون بسحـــــروك فى البسمـــــة لــو شافــو السنــــــــــــــــون والسمـــــــــــــار البـــاقي ليــــك يــا روحــــــــي لـــــــون العفــــــــــــاف والـــرِِقـــة والــــنــــغـــــــــــــم الحنـــــون يــا شبيهة الحـــــــــــــــــــور بخــــــــــــــاف مـــا يسحـروك ** ** ** العــجيب حتـــى الحِســــــــــــــان منك تَغيــــــــــــــــــــــر شـــــــــــــافن الجســــــــــــم اللطيــــــــــف زي الحـــرير الغــــــزال حـــــــاســـــــــدك عــشان فـــيـــك الضميــــر الهـــــــــــــلال مـــن نـــور جبينـــــــــــــــك يستعيـــــــــــر بسحــــروك النـــــــــــاس عشــــــــــــــان مـــا بشبهــــوك ** ** ** للشـــــــــــــــاعر الكبير / محمد على أبو قطـــــــــــــاطــي

و أسأل نفسك بينك و بينا للرائع زكي عبد الكريم

ياللا جيب رقم الحساب .... المافى شنو ؟؟؟
الداير هناك يحول والداير هنا يحول ...

انت بس ما تزعل ....

منك جفلة يا الفاروق
تكتب في حق بكرينا - قدس الله سره -

Quote: عن نفسي أكاد أجزم إنو بكري ومن خلال البيكتبو هنا من مشاركات ما زول ثقافة ثقافة ويميل راسو لي إنو فاضي أكتر من إنو مليان

ويأتيك الرد
و من مين ؟؟؟
من بكرينا شخصياً

Quote: الاخ عمر شكرا لوجه النظر لكن يا حبيب ليست بكرى صاحب اقتراح دعم الفيتورى ارجو ان تراجع البوست ادناه

شكراً
يا حبيب
أرجو

حتة واحدة يا مفتري ؟؟؟

وأنا أقول الفاروق دا ( طايح ) في خلق الله كدا مستقوي بي منو ؟؟؟
أتارييييييك ؟؟
ونحنا الغبيانين نشيل وندعم فيك


________________

عاجل الشفاء لشعرائنا الفيتوري وأبو قطاطي ومحجوب سراج والبقية

جاتنى فكرة خيالية جدا ..
هسع لو كل سودانى دفع مليم واحد "بالجديد" على كل مرة استمتع بيها بى غنوة لابوقطاطى, الزول ده حيكون غنى قدر شنو؟!
احتمال "سوات العاصفة" براها تعمل ليها كم مليون !!

الفاروق ...مراحب ..الاجاة لسؤالك ....التنين (بلغة بلاد الشام )
والاثنين احلاهما مر فلا خيار لنا بينهم ولكن تختلف الاذواق (الشعرية )وهذا يقود للاهتمام
بمعنى مثلا ماتو كمين فنان
وردي
زيدان
نادر
محمد كرم الله ....شوف الفرق في التابينات حتى في اللبس للتابين بختلف من ميت لاخر حسب اهتمام الاعلام والتلفزيونات بالميت وهكذا دواليك
اها السيد بكري دا شاف انو الفيتوري قضيتو لامست جواهو فاثارت اهتمامه بصورة اكبر من ابوقطاطي ومن حقو في ظني (كل زول بزولو)

انت خليك مع الجميل ابوقطاطي وزي ما قال احدهم على الاقل بنعم بوطنو التاني دا اتشرد كثير لاسباب عديدة حتى ان جهله جيل كامل (الله يسامحنا قصرنا فيهو وما ثقفنا الاجيال الجديدة بحكاية (الرجل الجميل الفيتوري )وكذا (الجميل والمبدع جدا ابوقطاطي )ودا ما سلوك غريب علينا
فنحن جيل الهزائم والمحن وهذا عهدنا مع مبدعينا في اول لفة ....
دعانا لهما بالصحة والعافية ....

ومني محبتي

بينما يكرم العرب والادباء المصريون الفيتوري
يستكثر عليه بعض السودانيون حتى المساعدة بنشر بوست عنه
--------------
عجبي يادينا وياعمر
لماذا لا تعملون على مساعدة شاعرنا الفذ ابوقطاطي ببوستات اخري
بدلا عن هذا
وتتركون شاعرنا الفذ جدا الفيتوري في حاله

الاخ العزيز عمر الفاروق و الجميع
سلام و تحية
اتمنى ان تكون بخير
و يا عمر و دينا
سودانيزاونلاين على استعداد لاقامة اسبوع للشاعر ابوقطاطى بعد انتهاء اسبوع الفيتورى بشرط ان يكون معاهو حساب بنكى مباشر للشاعر

وشكرا

بكرى

ده الكلام .

شكرا لكل من أراد عملاً إيجابياً ...