Post: #1
Title: ...... أها والحل شنو ..؟!!!! .......
Author: Ahmed musa
Date: 09-12-2012, 11:38 AM
زنقة ...وخنقة ...قهرة ... وقرفة ..... ورغبة في طلوع اعلى سارية جبل
والصراخ بصوت عالي .....عوووووووووووووك يا ناس ياهوووووو
وماتعرف منو هم الناس الياهوووو (بخلاف الموقع الالكتروني الشهير)
مرات تحس البلد مابلدك ....وإنت حمار تحمل أسفاراً وخضارا ...للسادة
والسادة هم طبقة جديدة إسمها الطبقة الإنقاذية الحديثة ...دي طبقة بديلة للأرستقراطية
حلت محلها بعد حذف الاخيرة وتنزيلها للطبقة البرجوازية ....ويعصرونا بيها نحن
نحن للعلم ما الطبقة البروليتاريا ....لا لا لا ......نحن طبقة فوق البرجوازية وتحت البروليتاريا
لسة ما ادونا إسم ...في حبة إجراءات ...وحبة رسوم كدة ندفعها ويدونا إسمنا ....
لو دفعنا (دقسنا) ولحقنا البروليتاريا بالدرب ...لو ما دفعنا حنبقى (بدون) ...حاجة كدة
اها فيكم زول عارف ليه جبل عالي ما بجي بشارعه ناس حكومة ...؟!!!!
|
Post: #2
Title: Re: ...... أها والحل شنو ..؟!!!! .......
Author: Ahmed musa
Date: 09-12-2012, 11:42 AM
Parent: #1
ويجيك سايق الليكزس وده غير سايق الفيات ....يقول ليك نحن نحارب ونقفل ونخش للناس دي جوة اوض نومهم
نجرهم جر الضان ...نقفل الأنابيب ...نجوع ونموت فنحن دولة حرة والحرة لا تأكل من ثديها ... ويرفع قزاز الليكزس
ويشخت لينا يملانا غبار ويفحّط ....يمشي يغيّر ليك غرف نوم وجلوس بـ 68.000 جنيه جديد ...لانه هو نفسه جديد في الثراء .!!!
|
Post: #3
Title: Re: ...... أها والحل شنو ..؟!!!! .......
Author: خضر الطيب
Date: 09-12-2012, 11:51 AM
Parent: #2
واضح انك لسه مارضعتا يا افكاتو
ما اظن ترضع قريب دا من شطر النظام النافعى
|
Post: #4
Title: Re: ...... أها والحل شنو ..؟!!!! .......
Author: Ahmed musa
Date: 09-12-2012, 11:52 AM
Parent: #2
نموذج تاني بعرفوه الصحافيين هنا .... يخرج إليهم وهم قهرانين وسافين الحبر بدل التراب
يقول ليهم لعلكم تتساءلون وهم لا يتساءلون إلا عن هوانهم غير المفهوم ... ثُم يملاهم فقُر
يُنصّب من نفسه راعياً لجزء عزيز من وطننا العزيز ...... ببدايات الإنقاذ كان يتصبب عرقاً
ويتوه من مرفأ لمرفأ خشية ان يعثر عليه ديّاني يطالبه بقسط انبوب الغاز ....
حتى نزلت عليه ليلة الإنقاذ .... وقام بشراء نهم للعقارات في ام بدة والكلاكلة وشارع الستين
وهو يصرّح لإحدى الصُحُف (دامعاً) مُتأثراً بأن إبنه لا يجد وظيفة ...تناسى إضافة (تناسبه) ..!!!
ولده هذا يمتلك بحسب علم عليمين عقارات منها 800 م م في شارع الستين يعكف على بناءها ..!!!
|
Post: #5
Title: Re: ...... أها والحل شنو ..؟!!!! .......
Author: Ahmed musa
Date: 09-12-2012, 12:04 PM
Parent: #4
وفي عز قهرتك دي من النظام الحاكم يجيك واحد من النظام الماحاكم زي خدر ده
حرامي نت وعينو قوية ...... يديك كف يقول ليك يازول والله حكومتك دي اخير مننا نحن
واحد متنطع ...مدعي ثقافة وهو بينه وبين الثقافة محيط من المعرفة لزول بخاف السباحة
النوع البتخيّل ليك الثقافة دي كاب وبنطلون جينز ... وكلمتين يجدعهم ويمشي ...
عنده جدول نضال من الساعة كدة للساعة كدة نضال اكتر من كدة بفرق معانا ... !!!!
|
Post: #6
Title: Re: ...... أها والحل شنو ..؟!!!! .......
Author: Ahmed musa
Date: 09-12-2012, 02:07 PM
Parent: #5
وتسمع الاساطير عن ذلك الشقيق وعن غرفة سفرته التي تنفتح ضلفتين وتخرج المائدة من تحت الغرفة حيث المطبخ
اشياء ...يعجز كتاب هوليووود عن تخيلها .... وفي تاريخه القريب قبل ظهور الطبقة الانقاذية كان شئ لايُذكر ....
مقابل معارضة مكسورة ومنكسرة .... فاقدة للحس الوطني ...قوامها الطئفية وأذناب اليسار ....الحل شنو .؟؟!! ......
|
Post: #7
Title: Re: ...... أها والحل شنو ..؟!!!! .......
Author: nazar hussien
Date: 09-12-2012, 03:22 PM
Parent: #6
Quote: وتسمع الاساطير عن ذلك الشقيق وعن غرفة سفرته التي تنفتح ضلفتين وتخرج المائدة
من تحت الغرفة حيث المطبخ
اشياء ...يعجز كتاب هوليووود عن تخيلها .... وفي تاريخه القريب قبل ظهور الطبقة
الانقاذية كان شئ لايُذكر ....
مقابل معارضة مكسورة ومنكسرة .... فاقدة للحس الوطني ...قوامها الطئفية وأذناب
اليسار ....الحل شنو .؟؟!! ...... |
يا أحمد يا موسي...
دفعتنا زاتا فيها ناس ...مصنع مصنعين...
ما حصل شفت ليك منسق منهم في التلفزيون؟؟؟
وبذلك أثبت لك بأنني دفعتك
ودفعة دينا خالد شخصيا
ودفعة المنسق ..
وواحد أظنو بقي حاكم اقليم غيييغ...
الحل بسيط: تفرتك بس...
|
Post: #8
Title: Re: ...... أها والحل شنو ..؟!!!! .......
Author: فتحي الصديق
Date: 09-12-2012, 03:33 PM
Parent: #7
المأساة يا أستاذ أن هذه المجموعة تستفيد مما (زرعت وحصدت ) في توسيع الهوة بينك وبينها في كل شيء ..بل وفي وأد أحلامك كمان .
-------------------------------------------------
يعني ..مافي طريقة خالص .
|
Post: #9
Title: Re: ...... أها والحل شنو ..؟!!!! .......
Author: Ahmed musa
Date: 09-12-2012, 03:36 PM
Parent: #7
يا أحمد يا موسي...
دفعتنا زاتا فيها ناس ...مصنع مصنعين...
ما حصل شفت ليك منسق منهم في التلفزيون؟؟؟
وبذلك أثبت لك بأنني دفعتك
ودفعة دينا خالد شخصيا
ودفعة المنسق ..
وواحد أظنو بقي حاكم اقليم غيييغ...
الحل بسيط: تفرتك بس...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
والله يا نزار ياصديق الفرتكة واردة ..لكني لسبب ما بخاف من السفر ...والله مرقتي من السودان جسمي كله يبكي ....وينز دموع
اما ناس دفعتنا ديل فأدي ربك العجب ... اما المنسق فما عرفته الا لو جبت لي اول اسمه
اما عن دينا خالد فقد رمينا طوبتها وقبلناها على (علاتها) ..... ونقصد به ما اختارته لنفسها من شكل اسفيري
|
Post: #10
Title: Re: ...... أها والحل شنو ..؟!!!! .......
Author: زهير عثمان حمد
Date: 09-12-2012, 08:27 PM
Parent: #9
الصديق الحبيب الاستاذ أحمد
تحياتي
لن نموت قهرا علي الاطلاق والسلاح في يد كل منا أنت رجل قضاء واقف ونحن حملة أقلام لاتحزن أني أري أفولهم قد دنا ولكن علينا أ ن نبي من الان تصور جدير بأن يكون لنا وطن يسع الجميع وأحلامنا وكيف يحكم ولابد أن يحكمه خيارنا
لا يمزقك الاسي فقد مضي زمن الاحزان نحن الان نعد العدة لغدا أكثرا أشراقا وعامر بالعطاء
(نعم أنها الحقيقة ) وأنا علي يقين مما أقول
متعك ربي بالعافية
|
Post: #11
Title: Re: ...... أها والحل شنو ..؟!!!! .......
Author: Muna Khugali
Date: 09-12-2012, 10:59 PM
Parent: #10
الحل يا أحمد تطول بالك عشرين سنة تانية..
وأصلو كده ولا كده شكلها القيامة هاتقوم!!
كيف حالك؟
|
Post: #12
Title: Re: ...... أها والحل شنو ..؟!!!! .......
Author: nazar hussien
Date: 09-13-2012, 07:33 AM
Parent: #11
Quote: والله يا نزار ياصديق الفرتكة واردة ..لكني لسبب ما بخاف من السفر
...والله مرقتي من السودان جسمي كله يبكي ....وينز دموع
اما ناس دفعتنا ديل فأدي ربك العجب ... اما المنسق فما عرفته
الا لو جبت لي اول اسمه
اما عن دينا خالد فقد رمينا طوبتها وقبلناها على (علاتها)
..... ونقصد به ما اختارته لنفسها من شكل اسفيري |
السفر البخوف فيه شنو؟
كان لي الغربة...في الزمن دا أسمح منها مافي...
تتغرب ...تتغرب لما يبين ليك صاحب...في فيسبوك
أو إسكايب وأضعف الايمان يلاقيك بالدرب عديل..
وبعدين الانترنتات دي...بلاي عليك معاها غربة؟؟
أنا متغرب من زمن...(أتمني أن يصلكم مكتوبي هذا ويجدكم (ترفلون)
ودي الكلمة الوحيدة العافوها لينا الكيزان...وخلونا نتحاوم بالمطارات
آخر إمتحان معادلة بعد سنة رابعة (الخرجنا منها البشير في القاعة)
....وكم إمتحان ومعاينة.. لنيابة...وقضائية...ولما لقينا الناس
شالوهن ونحن نساكك في نفس المعاينات...أديناها عجاج كرعينا...
|
Post: #13
Title: Re: ...... أها والحل شنو ..؟!!!! .......
Author: Ahmed musa
Date: 09-13-2012, 12:29 PM
Parent: #12
المأساة يا أستاذ أن هذه المجموعة تستفيد مما (زرعت وحصدت ) في توسيع الهوة بينك وبينها في كل شيء ..بل وفي وأد أحلامك كمان .
-------------------------------------------------
يعني ..مافي طريقة خالص .
ـــــــــــــــــــــــ
والله يا فتحي ...كلامك مشحون تشاؤم ...وبلزنا لز لفرتكة نزار اخوي ده
وشكلنا في الاخر مفرتكين مفرتكين
بس ناس برة يساعدونا بالرأي والعقودات المثجيّهة
وخلونا نبدا بدولنا العربية دي
عشان مافي زمن نتعلم لغة جديدة وثقافة جديدة
العمر قررررررررب .....
|
Post: #14
Title: Re: ...... أها والحل شنو ..؟!!!! .......
Author: Ahmed musa
Date: 09-13-2012, 09:47 PM
Parent: #13
؟؟؟؟؟؟؟؟؟؟؟؟؟؟؟؟؟
|
Post: #15
Title: Re: ...... أها والحل شنو ..؟!!!! .......
Author: Ahmed musa
Date: 09-14-2012, 01:12 PM
Parent: #14
شكلها القصة دي حتنتهي في لوتري
ونمشي امريكا .... وكدة
نزار ده غايتو حبة كدة حيمرقني من الجنة وسقطها
|
Post: #16
Title: Re: ...... أها والحل شنو ..؟!!!! .......
Author: الرفاعي عبدالعاطي حجر
Date: 09-14-2012, 01:21 PM
Parent: #15
Quote: وفي عز قهرتك دي من النظام الحاكم يجيك واحد من النظام الماحاكم زي خدر ده
حرامي نت وعينو قوية ...... يديك كف يقول ليك يازول والله حكومتك دي اخير مننا نحن
واحد متنطع ...مدعي ثقافة وهو بينه وبين الثقافة محيط من المعرفة لزول بخاف السباحة
النوع البتخيّل ليك الثقافة دي كاب وبنطلون جينز ... وكلمتين يجدعهم ويمشي ...
عنده جدول نضال من الساعة كدة للساعة كدة نضال اكتر من كدة بفرق معانا ... !!!! |
الحل ان نكون قدر الشعارات التيي نحملها , بالعديل كدا تعمل بالبروفايل او صورتك فيه واللي هي
حتى لو جرحوووووووووووك فهذه قناعة يجب ان تلتزم بها الى الحد الاقصى :
عن الكلمة الجارحة يا افكاتو
...............................................................................................................................حجر.
|
Post: #17
Title: Re: ...... أها والحل شنو ..؟!!!! .......
Author: حاتم محمد حاج المهدي
Date: 09-14-2012, 01:24 PM
Parent: #15
الأستاذ أحمد..
طالما ضاقت شديد، يبقى لازم تفرج..
شيل الصبر..
بس
|
Post: #18
Title: Re: ...... أها والحل شنو ..؟!!!! .......
Author: Ahmed musa
Date: 09-14-2012, 04:45 PM
Parent: #17
زمااااااان كنت شايف إنو الإنقاذ دي ممكن تكون نظام معقول لحكم السودان ....بمرور الزمن بقت قصص الفساد تُنشر هنا وهناك ويقراها الغاشي والماشي ... من رأس الدولة حتى أخمص قدميها ..!!! ويادار مادخلك شر .... علت العمارات السوامق ...ضاع الفنانين المطاليق ....اتقيدت الحريات واتقفلت في زنازين قانونية ... وتسمع نع قيداتنا العجب العجاب .... لما راس يدور بيك حبيبي دور بيه .... فبقيت ما بحب الإنقاذ ومتمني مشيانها الليلة قبل باكر ........
ومن زمااااااااان انا مابحب الطائفية وسيدي وسيدك وود السيد وجنينة السيّد وسيد السيّد .... ولحقوهم ناس كاودا ...وفيهم من أعرفه شخصياً ...أتمنى الموت ...الهجرة ....ولا أن أراهم قادة للبلاد ..... فسادهم اسوأ من فساد الإنقاذ .....
وكدة وووووووب وكدة ووووووبين ..... ياربي ما يحصل الفي بالي ...؟!!!! يااااااااااارب ...... إنقلاب .....أو مرقة من البلد ....أو أرفعني إليك .....فقد ضاق علينا الوطن بما رحُب .......
|
Post: #19
Title: Re: ...... أها والحل شنو ..؟!!!! .......
Author: الرفاعي عبدالعاطي حجر
Date: 09-16-2012, 07:10 PM
Parent: #18
Quote: زمااااااان كنت شايف إنو الإنقاذ دي ممكن تكون نظام معقول لحكم السودان ....بمرور الزمن بقت قصص الفساد تُنشر هنا وهناك ويقراها الغاشي والماشي ... من رأس الدولة حتى أخمص قدميها ..!!! ويادار مادخلك شر .... علت العمارات السوامق ...ضاع الفنانين المطاليق ....اتقيدت الحريات واتقفلت في زنازين قانونية ... وتسمع نع قيداتنا العجب العجاب .... لما راس يدور بيك حبيبي دور بيه .... فبقيت ما بحب الإنقاذ ومتمني مشيانها الليلة قبل باكر ........
ومن زمااااااااان انا مابحب الطائفية وسيدي وسيدك وود السيد وجنينة السيّد وسيد السيّد .... ولحقوهم ناس كاودا ...وفيهم من أعرفه شخصياً ...أتمنى الموت ...الهجرة ....ولا أن أراهم قادة للبلاد ..... فسادهم اسوأ من فساد الإنقاذ .....
وكدة وووووووب وكدة ووووووبين ..... ياربي ما يحصل الفي بالي ...؟!!!! يااااااااااارب ...... إنقلاب .....أو مرقة من البلد ....أو أرفعني إليك .....فقد ضاق علينا الوطن بما رحُب ....... |
بدأت اشعر بك ... يبدو ان في الحديث صدق .... هذه هي الانقاذ منذ يومها الاول .
فاسدة فاسدة فاسدة فاسدة .
..............................................................................................................حجر.
|
|