Post: #1 Title: مكتب الخطوط السعودية في مطار الخرطوم المليون الشلتوها مني ما تنفعكم Author: ود الباوقة Date: 09-12-2012, 08:07 AM
دا فيلم هندي كمان ...
انتظروني ...
Post: #2 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:12 AM Parent: #1
حجزت لزوجتي وابنائها بالخطوط السعودية الرياض الخرطوم في 2- 8-2012
والعودة في 28-8-2012
الحجز عملتو قبل 8 شهور تقريبا من مكتب الطيار بالرياض
وحجزت انا ومحمد ابني في يوم 14-8 والعودة في نفس تاريخ رجوع اولادي
اي في يوم 28-8-
محمد مضاف مع والدته في الجواز وحيث انه هناك متسع من الوقت لاستخراج جواز منفصل له
ذهبت الى السفارة ولكن للاسف لاتوجد جوازات جديدة حتى موعد سفرنا بيوم واحد
حيث قمت بتعديل حجزه ليسافر مع والدته
وبقينا في الرجعة من الخرطوم
Post: #3 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:19 AM Parent: #2
المهم عشان المخارجة كلمت الاخ ( خ ) موظف بالخطوط
وهو بدوره كلم زميله ( م ) وقال ليهو خليهو يجيني على طول
المهم في صالة المغادرة قابلت ( م ) وعرفته بنفسى وانني قد اتيت اليه
من طرف فلان
قال لي مافي مشكلة بس في فرق سعر حوالي مليون ج
معقولة انا جاي طالع ومعاي مليون ج
قلت ليهو اديك ريالات بسعر الصرف
رفض
قال لي عليك بالذهاب الى بنك النيلين في صالة القدوم
وهي مسافة ليست بالقريبة
علما بان الزمن المتبقي لاقلاع الطائرة حوالي ساعة واحدة
او اقل ..
Post: #5 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:24 AM Parent: #3
المهم ذهبت الى البنك وفكيت القروش وجبت المليون وجيتو
سلمتها ليهو واداني رقم وقال لي وديهو لموظفة الحجز
مشيت حتى ما لقيت طريقة من كثر الاحتياطي المكنكشين في الكاونتر
والطائرة لم يتبق لها من الاقلاع غير نصف ساعة
في هذا الاثناء جاء المشرف على الصالة وقال يا جماعة خلاص الطائرة قفلت
راجعونا بكرة في المكتب الرئيسي قالها كما يقولها كومسنجية باصات الدامر
في موقف شندي
Post: #7 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: Zomrawi Alweli Date: 09-12-2012, 08:29 AM Parent: #3
انتماءك للمؤتمر الوطني لم يشقع ليك لو كان الطيارة حق السودان كان ركبوك التونسية مجاني كمان حتى ولو في اتجاه تلودي ولكن هذا الطيار سعودي الجنسية والطيارة حقتهم
وانت وكت عمدك قروش سعودية مارق بيها مالك
انتو اصلوا ما بفتشوكم ولا بتمرقوا ساي دون ديكلاريشن غالب الله
وهو بدوره كلم زميله ( م ) وقال ليهو خليهو يجيني على طول
المهم في صالة المغادرة قابلت ( م ) وعرفته بنفسى وانني قد اتيت اليه
من طرف فلان
قال لي مافي مشكلة بس في فرق سعر حوالي مليون ج
معقولة انا جاي طالع ومعاي مليون ج
قلت ليهو اديك ريالات بسعر الصرف
ود الباوقة قلت اتداخل اولا قبلما ناس صديق الموج ما يرشوك هم عايزين حاجة زي دي لغاية العيد الجاي
Post: #4 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: احمد محمد احمد عتيق Date: 09-12-2012, 08:21 AM Parent: #2
ود الباوقة ....ار .... وحمدا لله على السلامة
Post: #6 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:28 AM Parent: #4
Quote: وحمدا لله على السلامة
الله يسلمك اخي عتيق
المهم يا عتيق لولا التزام موظفة الخطوط باخذ مقعد كان الرماد كال حماد
فعلا الموظفة اوفت بعهدها واعطتني تذكرة الصعود
لاحظ الكلام دا كلو ليس له علاقة بالفلوس التي اخذوها مني
المهم اخذت الوليدات وعلى صالة المغادرة
وهناك فلم كمان براه
Post: #8 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:31 AM Parent: #6
اها مشينا على موظف الجوازات وطبعا كنا اخر ناس في الصالة
اديناه الجوازات
شال جوازي وختمو
وشال جواز زوجتي ليجد بان الابناء غير مضافين في تاشيرة
الخروج
هي تاشيرة الجن دي ما الناس كلها طالبت بالغائها
Post: #9 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: احمد محمد احمد عتيق Date: 09-12-2012, 08:35 AM Parent: #8
Quote: هي تاشيرة الجن دي ما الناس كلها طالبت بالغائها
بالله اركز لينا ..اقصد ركز لينا على الحته دي ...
Post: #11 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:42 AM Parent: #9
Quote: بالله اركز لينا ..اقصد ركز لينا على الحته دي ...
عتيق
يا اخ في كل دول العالم مافي مواطن بطلع من بلدو بتاشيرة
خروج
يعني خلي رسوم التاشيرة ان كان لابد منها يحصلوها في المطار
مش كدا
تجدني من اول من نادى بالغاء هذه التاشيرة في بوستات احد الاخوة
شكرا عتيق
Post: #10 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:36 AM Parent: #8
المهم الاجراء دا عادي جدا وتتم معالجته داخل الصالة
غايتو لما انتهينا من التلاتل دي الطيارة كان باقي ليها
10 دقائق
عشان كدا ركبونا في ضنب الطيارة
الغريب انو لا التذكرة حقت محمد ولا ايصال استلام المليون
ما ادوني ليها
الله كريم ...
Post: #12 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: صديق الموج Date: 09-12-2012, 08:49 AM Parent: #10
Quote: الغريب انو لا التذكرة حقت محمد ولا ايصال استلام المليون
ما ادوني ليها
الله كريم ...
الله يطوطحك ويكسر دقنوسك الماكن ده!! انتو كان بتدوا ايصالات كان كلكم بنيتو عمارات قال مايون ما ينفعهم !!ان شاء الله ينفعهم والمره الجاية يشيلو منك مليون على النفر.. ود الباوقة اركزززززززززززززززززززز،،،
Post: #13 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: Zomrawi Alweli Date: 09-12-2012, 08:50 AM Parent: #10
Quote: الغريب انو لا التذكرة حقت محمد ولا ايصال استلام المليون
هنا يبدأ اللغف باسم الدين وعينك يا تاجر وحسك عينك تشتكي تاني مرة مافي سفر
Post: #14 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 08:59 AM Parent: #13
Quote: هنا يبدأ اللغف باسم الدين وعينك يا تاجر وحسك عينك تشتكي
زمرواي
موظفو الخطوط السعودية ديل ما عندهم علاقة بالتعيينات الداخلية
يعني لحم راس ..
لغف شنو البي اسم الدين كمان ..
Post: #16 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 09:01 AM Parent: #14
الموسف انو الموظف الاخذ مني الفلوس جاء الكاونتر
وسالتو قلت ليهو يا فلان انا دفعتوني فرق سعر بي رقم من عندك
الحاصل شنو
كان ردو والله انا تاني ما مسؤول من حاجة
كيف ما مسؤول بالله ؟؟
حسبنا الله ونعم الوكيل
Post: #17 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ابوحراز Date: 09-12-2012, 09:07 AM Parent: #14
ياخي أحمد ربك ياعمك والله انا جيت في طيارة موية من الزير ما عندهم
قال ناس قال !!!
والطامة الكبرى ست النفر برضو جات معاهم نست شنطة الطلح والأشياء الثمينة وجابت ليها شنطة كلها { دكوة وفسيخ } وكمان شنو قال { مركوب نمر } !!!
انتوا تعالوا هنا معقول الواحد مسافر ومعاهو ريالات كتيرة زي دي ؟؟
Post: #27 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-13-2012, 09:34 AM Parent: #17
Quote: انتوا تعالوا هنا معقول الواحد مسافر ومعاهو ريالات كتيرة زي دي ؟؟
الظروف ما معروفة يا ابا حراز لازم جيبك يكون فيهو شوية ريالات
تشكراتي
Post: #15 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: محمد عبد الماجد الصايم Date: 09-12-2012, 09:01 AM Parent: #10
يا معلم .. مشتري فواكه مجففه بـ 13 ألف وغالبكـ تشتري تذاكر فيرست كلاس بـ 3 آلاف!!
_ شااايفكـ جايط في الصالة أنا ختيت عفشي في الفيرست ومشيت قعدت في الصالة الـ VIP لحدي قبل 10 دقايق من الإقلاع!!
Post: #18 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 09:08 AM Parent: #15
Quote: يا معلم .. مشتري فواكه مجففه بـ 13 ألف وغالبكـ تشتري تذاكر فيرست كلاس بـ 3 آلاف!!
يا عمك والله
ماف حتى على البيزنس
وبعدين التذكرة لي محمد ولدي
انت كنت وين يا مثطوع الطاري
طيب ساعة شفتني ما كان تجي تساعدني
هههه
Post: #19 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: البشير دفع الله Date: 09-12-2012, 09:10 AM Parent: #15
Post: #21 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: رشا سالم Date: 09-12-2012, 09:13 AM Parent: #15
دا بيسموهوا البوبار وركوب الدفار يا ود الصايم (أولويات مافي بعيد عنك) ود الباوقة مبروك عرس البنية ..وانت من زمن الايصالات ما سافرت السودان ولا شنو؟
Post: #23 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-12-2012, 09:19 AM Parent: #21
Quote: بيسموهوا البوبار وركوب الدفار يا ود الصايم
بوبار شنو يا رشا
انا في الصالة كنت مستعد ادفع فرق التذكرة حتى لو كانت بيزنس
للاسرة كاملة في سبيل ما تتخلف الاسرة كلها
لكن يا دكتورة مفرداتك هابطة شديد ...
Post: #24 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: رشا سالم Date: 09-12-2012, 10:46 AM Parent: #23
الله يسامحك يا ود الباوقة..استاهل انا الببارك ليك
Post: #28 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-13-2012, 09:55 AM Parent: #24
Quote: دا بيسموهوا البوبار وركوب الدفار يا ود الصايم (أولويات مافي بعيد عنك)
Quote: ود الباوقة مبروك عرس البنية ..وانت من زمن الايصالات ما سافرت السودان ولا شنو؟
Quote: الله يسامحك يا ود الباوقة..استاهل انا الببارك ليك
ليتك اكتفيتي بالمباركة يا دكتور
كنت رديتهالك باحسن منها ..
بدون تجريح ..
ولك التقدير
Post: #30 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: رشا سالم Date: 09-13-2012, 10:08 AM Parent: #28
Quote: يا معلم .. مشتري فواكه مجففه بـ 13 ألف وغالبكـ تشتري تذاكر فيرست كلاس بـ 3 آلاف!!
دا كلام ود الصايم إلانا علقت عليهو..وواضح جداً اننا بنهزر معاك البخلي كلام ود الصايم هزار وكلامي هبوط شنو؟ انا علقت انو الفواكة المجففة دي بوبار وشبهت ركوب الدرجة السياحية بانو زي ركوب الدفار(وسيلة قديمة كانت تستخدم للتنقل) اها وريني انت فهمت شنو بالظبط؟
Post: #22 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: مازن فيصل هلال Date: 09-12-2012, 09:14 AM Parent: #10
Quote: غايتو لما انتهينا من التلاتل دي الطيارة كان باقي ليها
10 دقائق[/QUOTE
هي النص ساعة لسة كان باقي فيها 10 دقااائق!! و الله ذكرتني مسلسل كابتن ماجد لمن كنا شفع .. المباراة بتكون مدورة 5 حلقات !(:
-------------------------- يا زول و الله ربنا لطف .. والله كان يكون محمد الي وقتنا هذا في السودان! بالله شفت الناس كيف متلهفة في المطار و جارية من السودان زي الجارية من الجحيم!؟
Post: #25 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: Dr.Elsadig Abdalla Date: 09-12-2012, 11:01 AM Parent: #22
مبروك عرس البنيه يا ود الباوقه
Post: #26 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: محمد الزبير محمود Date: 09-12-2012, 11:48 AM Parent: #25
Quote: مشيت حتى ما لقيت طريقة من كثر الاحتياطي المكنكشين في الكاونتر والطائرة لم يتبق لها من الاقلاع غير نصف ساعة في هذا الاثناء جاء المشرف على الصالة وقال يا جماعة خلاص الطائرة قفلت راجعونا بكرة في المكتب الرئيسي قالها كما يقولها كومسنجية باصات الدامر
ود الباوقة حمدا لله على السلامة وكالعادة مكيفات المطار وشاشاتها مطفية. تأشيرة الخروج هذه من مخلفات الماضي التى ما زال ربعنا يصرون عليها لزوم الجباية ويسمونها إستيفاء !!! لست مكلفا بتوزيع الجباية على مصارفها وكان من الممكن إستخدام رقم الجواز او الرقم الوطني او رقم الكمبيوتر الخاص بالجواز لتسديد كل الجبايات دفعة واحدة في المصارف او عبر الشبكة الإلكترونية او الصراف الآلي لنودع تلك الحظيرة التى تسمى جوزات المغتربين الى الأبد . فهذا الجهازالذي يجثم على ظهر المغترب لنصف قرن لم يقدم شيئا يستحق الزيارة سوى الأعباء فوق الأعباء وأخيرا يتحول الى بحيرة فسيحة يدخلها كل من يشاء وصار المغترب قطرة في محيط يكابد الصفوف على مدى إجازته. ما هو الغرض من تأشيرة الخروج ولماذا نصر عليها علما أن جل شعوب العالم ودعتها . لماذا لا نمنح التأشيرة في المطار وفي حالة حظرك أمنيا او ماليا فقط تذهب للجهات المختصة لتسوة ذلك ؟؟؟ تحياتي
Post: #35 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-13-2012, 08:43 PM Parent: #26
لماذا لا نمنح التأشيرة في المطار وفي حالة حظرك أمنيا او ماليا فقط تذهب للجهات المختصة لتسوة ذلك ؟؟؟
Post: #29 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-13-2012, 10:07 AM Parent: #25
Quote: مبروك عرس البنيه يا ود الباوقه
اشكرك دكتور الصادق
واشكرك جزيلا على المحادثة الهاتفية
والوصية في الذمة
ههههه
Post: #31 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: ود الباوقة Date: 09-13-2012, 10:11 AM Parent: #29
Quote: دا كلام ود الصايم إلانا علقت عليهو..وواضح جداً اننا بنهزر معاك
خلاص يا دكتورة
العفو والعافية
مع التقدير
Post: #32 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: الصادق يحيى عبدالله Date: 09-13-2012, 11:00 AM Parent: #31
حمدا لله على سلامة الوصول انت حجزت "باللفة" و في اخر لحظة و متحسر على المليون؟؟؟
Post: #33 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: saif massad ali Date: 09-13-2012, 11:13 AM Parent: #32
ود الباوقة
كامل تضامني معك
في المليون لو دفعتها من جيبك
لكن لو دفعتها من العلاوة بتاعة سفرك لهجليج تنفعهم
Post: #34 Title: Re: مكتب الخطوط السعودية في مطار الخرطوم المليون الشلتوها مني ما تنفعك Author: وضاحة Date: 09-13-2012, 11:15 AM Parent: #32
بقً بقً
كنت فاكراك راقى بتركب خطوط محترمة سعودية شنو الوساخنة