بعد ثمانية سنوات في المنبر!

Quote: 03-09-2004, 02:08 AM Elawad Eltayeb تاريخ التسجيل: 01-09-2004 مجموع المشاركات: 4706

التحايا من عضو جديد

http://www.sudaneseonline.com/cgi-bin/sdb/2bb.cgi?board=405


كبرنا وكبرت أحزانا

العوض

انشاء الله تتمها عشرين وات طيب

يا ريت تكلمنا عن البورد قبل تمانية سنوات وهسع

Quote: العوض انشاء الله تتمها عشرين وات طيب يا ريت تكلمنا عن البورد قبل تمانية سنوات وهسع

آمين، وإنت كمان

طبعا لما جيت برلوم كانت الناس أقل عصبية مما يحدث الآن وكان عندهم نفس للكتابة

وبتذكر كانت بتعجبني كتابات رودا مردا وهترشة البت شيري وكتابات الأخ دكين وما زالت
بالإضافة لأسماء كثيرة أخرى

أهم تغيير حصل في نظري هو إنو الناس كسرت حاجز الخوف في معارضة النظام
كان زمان نادر تلقى زول بيعارض النظام ويكتب اسمو الحقيقي
وحصل جدل كتير حول الأسماء المستعارة

لكن الآن الوضع تغير كتير وأغلب الناس بقت تنتقد بالصوت العالي
وده تغيير ايجابي كبير نحو الحريات وأن الناس موش بس توعى بحقوقها لكن تطالب بيها بصوت عالي

كنت زمان عادي يوميا تلقاني وأنا طالع من الكتب طابع كم موضوع من الموقع عشان أقراهم في البيت برواقة - وأحتفظ فيها بالمكتبة، أو أشاركها مع الأصحاب الما كان عندهم نت

كانت المواضيع دسمة وعميقة وراسية وهادفة

ما زلت الآن أطبع بعض الكتابات

لكن بالتأكيد ما زي زمان

زمان كان الواحد يتهيب يكتب بوست جديد
لازم يكون عندك موضوع جديد ومتفرد
وتلتزم بمتابعة البوست والردود

وحتى لمن تكتب مداخلة بتكون أضفت معنى جديد

هسع الوضع اختلف لدرجة تلقى 10 بوستات بنفس الإسم أو الفكرة

ومرات تكتب بوست واحد يرد عليك بي بوست جديد هه

ترى هل ضاقت البوستات والأسافير بما رحبت.. أم ضاقت النفوس؟

وقد تقارب تاريخ التحاقنا بالموقع!

أذكر تلك الأيام الطيبة..
حين كانت القلوب مازالت شابه في مشاعرها لم يصبها الإكتئاب او اليأس بعد!
ذلك الفرح الحقيقي في تبادل التهاني والمشاركات القلبية الحزينة في المآسي..
مازال الأمر به متعة ولكنها قطعا ليست كما كانت!

كل سنه وإنت طيب وموجود ومشارك..

Quote: وقد تقارب تاريخ التحاقنا بالموقع! أذكر تلك الأيام الطيبة.. حين كانت القلوب مازالت شابه في مشاعرها لم يصبها الإكتئاب او اليأس بعد! ذلك الفرح الحقيقي في تبادل التهاني والمشاركات القلبية الحزينة في المآسي.. مازال الأمر به متعة ولكنها قطعا ليست كما كانت! كل سنه وإنت طيب وموجود ومشارك..

شكراً جزيلاً أختى منى خوجلي،
وإنت طيبة يا رب
أكيد لسه وحيظل سودانيزأونلاين هو ملجأنا وسكننا المفضل
هو وطنا الثاني
أكاد أجزم لم يمر يوم دون أن أفتح هذا الموقع ولو متصفحا .. إلا يمنعني الشديد القوي.
وما زال في الأمر متعة وستظل ما ظللتم.

Quote: بعض من الأحلام تسمح لنا بتحقيقها؛ أن نلتقي السكن كل صباح جديد، ونحن مبعدين عنه، في وجوهكم الطيبة. فنرجو أن يطيب لكم مقامنا بينكم كما طاب لنا المقام ... بين سطوركم نتنسم دعاش حوائط مبكاناالطفولي في عطر حبر كتاباتكم التي طاب بها فضاء النت

منذ ذلك الحلم الذي نفسته معطونا برجاءات عراض ..
من رئة مليئة بدعاش نسمات وطن مازلت ترجوه منتصبا بين الأمم..
لم يراوح السؤال الكؤود مكانه في خواطرنا..

Quote: متى نحقق حلم الحكم الرشيد

متعك الله بالصحة وليمضي فينا قلمك بأفكاره النيرة.

غايتو يا صديقي الواحد بس بقول ربنا يصبرك علي أمر المنبر
في حاجات كتيرة اختلفت


وعيد سعيد

الجميل خضر حسين خليل

Quote: غايتو يا صديقي الواحد بس بقول ربنا يصبرك علي أمر المنبر في حاجات كتيرة اختلفت وعيد سعيد

نعم اختلف الكثير، والإختلاف نعمة عندما لا يفسد للود قضية.
ولا بد من صنعاء وإن طال السفر.

جعل الله كل أيامك أعياداً.

شكرا حبيبنا محمد علي طه الملك


نعم يا صديقي، وطن نرجوه منتصبا بين الأمم..

وما زال وسيظل السؤال العنيد

Quote: متى نحقق حلم الحكم الرشيد

أذكر أيام دراسة الماجستير مع زملائي، كنت كلما صعدت المنصة لنناقش موضوع ما، أنهي كلامي وأعود بالمشكلة للحكم الرشيد، حتى سموني (عوض الحكم الرشيد)

متعك الله بالصحة والعافية وكل الحاضرين.

سلامات أخونا العوض
كل سنة و انت بخير
و الله التمانية سنين دي ما شفنا ليك فيها غير حسن الخلق و الكلمة الطيبة.

Quote: سلامات أخونا العوض كل سنة و انت بخير و الله التمانية سنين دي ما شفنا ليك فيها غير حسن الخلق و الكلمة الطيبة.

تسلمي يا سمارت أنا
والله شهادة أعتز بها


طبعاً أكتر كتاباتي هي مداخلات في مواضيع الزملاء
وبوستاتي تعتبر قليلة
وعندي أمنية أجمع كل مداخلاتي الدسمة بطريقة موضوعية في بوست واحد، لكن ضغط العمل يمنعني
وإنت عارفة الكتابة عند الزول زي الجنى

أغرب حاجة لاحظتها إنو بوستات كتيرة بتتقفل بعد مداخلاتي، لأني كنت براجع عشان أشوف الردود، لحدي ما البوست ينتقل للآخرة.

وإنت طيبة يا Smart Ana

ومنتظرين يوم بكره (12 سبتمبر) مع موضوع الآيفون 5 في البوست حقك

المحترم عوض
8سنوات تجربة ممتازة وعمر إنسان عديل
تخيل قبل 8 سنوات العبد لله كان في اولى ثانوي
والله زمان
المفارقة انو انت عندك 8سنوات وانا 8شهور
‏ فرق والله


ربنا يطول اقامتك
ويمد في عمرك

العوض اخوي

انت زولا مؤسس للموقع ده

لكن بالله شوف اخوك

اظن دخلنا انا وبكري وابن خالي المرحوم كولا وهو الذي ارشدني لسودانبس اونلاين اسال الله ان يتغمده برحمته الواسعة

اظن دخلنا مع بكري الحجل بالرجل ان لم يات آخر ويثبت أفدميته

العوض
الرجل الجميل في كل شئ حتي في اختلافه معك رجل عرفته من قرب سكنا سويا لمدة عام في الرياض و مازلت اذكر كل لحظة فيها رغم مرور اكثر من 15 عاما عليها احب ان اقرأ كتاباته لانه انسان فعلا مثقف بمعنى الكلمة و يحب الاطلاع و هو مستمع جيد حتي لو كان الكلام فارغ زي كلامي معاهو ربنا يمتعك بالصحة و نشوف منك الكثير المفيد

طـــه

Quote: العوض الرجل الجميل في كل شئ حتي في اختلافه معك رجل عرفته من قرب سكنا سويا لمدة عام في الرياض و مازلت اذكر كل لحظة فيها رغم مرور اكثر من 15 عاما عليها احب ان اقرأ كتاباته لانه انسان فعلا مثقف بمعنى الكلمة و يحب الاطلاع و هو مستمع جيد حتي لو كان الكلام فارغ زي كلامي معاهو ربنا يمتعك بالصحة و نشوف منك الكثير المفيد طـــه

الأخ الحبيب حاتم، والله ليك وحشة، كيفك والأسرة الكريمة إن شاء الله تمام،

شكرا على الشهادة الغالية.
دايما نتذكر تلك الأيام الجميلة بالخير يا صديقي.

بالله بلغ تحياتنا لكل الأصدقاء في قرينسبورو خاصة الأخ العزيز أبو الريش ويا ريت ترسل لي رقم تلفونو.
رقمي وإيميلي في البروفايل.

مع خالص تحياتي.

Quote: العوض اخوي انت زولا مؤسس للموقع ده لكن بالله شوف اخوك اظن دخلنا انا وبكري وابن خالي المرحوم كولا وهو الذي ارشدني لسودانبس اونلاين اسال الله ان يتغمده برحمته الواسعة اظن دخلنا مع بكري الحجل بالرجل ان لم يات آخر ويثبت أفدميته

الأخ العزيز قرجه، كل سنة وانت طيب، وانت ليك الأقدمية ونحتفل بيك قريب إن شاء الله

نسأل الله الرحمة لأبن خالك كولا وأن يسكنه فسيح الجنان.

Quote: المحترم عوض 8 سنوات تجربة ممتازة وعمر إنسان عديل تخيل قبل 8 سنوات العبد لله كان في اولى ثانوي والله زمان المفارقة انو انت عندك 8 سنوات وانا 8 شهور ‏ فرق والله ربنا يطول اقامتك ويمد في عمرك

العزيز حافظ انقابو

شكرا على المرور الكريم

آمين يا رب، وإنت كمان ربنا يطول اقامتك ويمد في عمرك.


بعدين ما تنسى قبل ال 8 سنة دي أنا كنت متفرج ومتابع من خارج المنبر لفترة لم تضاف لسنوات الخبرة هه.

ورب قارئ أفضل من ألف كاتب.

Elawad Eltayeb
مناسبة سعيدة. وعقبال الاحتفال بمرور 50 عام فى المنبر.
اتوقع لهذا المنبر الاستمرار لاجيال قادمة فلنترك لتلك الاجيال إرث يفتخرون به ويتباهون بأجدادهم وحبوباتهم بانهم كانوا مثال للاخلاق والوعى.
بعد شهر من الان عيد ميلادى العاشر فى هذا المنبر. مدعو للمشاركة.
:-)

10-10-2002
10-10-2012

Quote: Elawad Eltayeb مناسبة سعيدة. وعقبال الاحتفال بمرور 50 عام فى المنبر. اتوقع لهذا المنبر الاستمرار لاجيال قادمة فلنترك لتلك الاجيال إرث يفتخرون به ويتباهون بأجدادهم وحبوباتهم بانهم كانوا مثال للاخلاق والوعى. بعد شهر من الان عيد ميلادى العاشر فى هذا المنبر. مدعو للمشاركة. :-)

ألف شكر أخي العزيز ombadda
وكل سنة وأنت طيب

وبمناسبة اسم أمبدة والتاسيس للأجيال القادمة، وبلا فخر؛ كان لي شرف تاسيس أول رابطة طلاب في أمبدة في جامعة القاهرة فرع الخرطوم، وكنت أمينها العام ثم نائبا للرئيس، وشهدت تلك الرابطة مولد اسماء كبيرة في سماء أمبدة والوطن، على رأسهم الراحلة المقيمة نازك أحمد عبد القادر.

فعلا المفروض الناس ترمي لي قدام وبتجرد ولا يهم أن يشتهر الناس بل المهم أن تكون لهم بصمات لا تنسى.

وإن شاء الله يكون هذا ديدنا جميعا: العمل بتجرد ونكران ذات.

وكل سنة وأنت طيب.

حبابك والله ...ثمانية اعوام من الانضباط السلوكى والالتزام
الاخلاقى ...والمواقف الايجابية ...والمقدرة على تحمل الاخرين ..
انى على ذلك من الشاهدين ...

Quote: حبابك والله ...ثمانية اعوام من الانضباط السلوكى والالتزام الاخلاقى ...والمواقف الايجابية ...والمقدرة على تحمل الاخرين .. انى على ذلك من الشاهدين ...

العزيز محمد عبد الرحمن،
ألف شكر يا حبيب، شهادة أعتز بها.


هي وقفة مع النفس وما زال الطريق وعراً أما عظم الأحلام والتطلعات للبلد الحبيب
أرجو أن نكون قد اسهمنا ولو بالقليل، وبالتأكيد ينتظرنا الكثير الكثير.
وبمثل كلماتك هذه نجدد الأمل في النفوس يا حبيب
نسأل الله أن يحقق أحلام وتطلعات الجميع لما فيه الخير المشترك.