نانسي عجاج Nobody's Perfect

إتي فنانة جميلة من مجاميعو
باختصار إتي (خضراء الدمن) بالوسط الفني السوداني
أحبك أكتر كتير من حبي للشطرنج وأنا بشرب في قهوة سادة مرة
ملحوظة:
التعبير بالإنجليزي الفي العنوان دا لزوم الموضة وكدا
عشان تتأكدي إني زول مثالي في حبي لفنك وروعتك الرائعة كالربيع .
يتبع ..

المتطورة تعجبني كثيرا والله بالزات لمن تغني شقى ومجنون لكن مرات كدا ماعارف اقول ليك
احس بيها بتكوجن في الغناء ولم تخرج الحروف من فهمها ماعارف تاكلها او تطلع نص وتخلي نص
ماعارف المشكله في منو فيني ولا فيها لكن الحقيقة مرات كثيره تعجبني

غلبني أنزل مقطع فيديو لسحرك الأخاذ ( لاحظي لما أتكلم عنك كلامي بكون كبير قدر مقامك العالي ).
مناشدة:
بالله يا تامبا بطل المكابرة و(الجن ) البتعمل فيهو دا وجيب لينا هنا أي مقطع فيديو ( من طرف ) للجميلة
كالربيع نانسي عجاج .. بس عشان تآمن ومعك آخرون .
يتبع ..

Quote: ماعارف المشكله في منو فيني ولا فيها

معقولة دي يا كابتن وليد ياخ ؟؟ (تقرأ هي دايرة كلام ؟) .

أيوة يا نانسي الجميلة إتي خضراء الدمن بالوسط الفني الشين
أقحوانة وسط نبات الصبار واللبلاب والضريسا
دهباية تلمع وسط خردة حديد مصدي
نجماية في عتمة الليل البهيم
لموا فيك ناس صلاح إدريس وهيثم كابو* ومين ومين طيروك علينا بعد
ما جيتينا من الأقاصي فاردة للحب شراع وشايلة الروعة متاع ( قلتي ليك كلام كبير) .
يتبع ...






* أستثني طارق اللمين لأنو أداك غنوة بلدا هيلي أنا والتى لولاك لكانت مجرد
حاجة ساي .

صراحة انت كاتبي المفضل يا طلحة

سلامات اخي طلحة

وبمناسبة الحبيب طارق اللمين فمع إحترامي لابداعو ( الذي لا أنكره) لكنه راجل محظوظ شديد
كونو يتعامل معاك ومع محمد صالحين بما جعل بعض حاجاتو الساي خالص تكون جميلة .. انتهى .
أواصل مع الجميلة نانسي عجاج ..
يا تامبا وين مقطع الفيديو المن طرف القلت ليك عليهو ياخ ؟
يتبع .....

الكونت الوسيم أفتخر بأني من معجبي بت عجاج ياخ
سؤال يا كونت : إتا بتكره ود القاضي كدا لشنو ياخ ؟


عمر ود فضل المولي يا حبيب والله مشاعرك الطيبة دي واصلاني من زمان شديد
الله يخليك ياخ .

Nobody's Perfect
لكن نانسي عجاج دي تحديدا بيرفكت


التحية لك الاخ طلحة على هذا البوست الجميل .

لا زلت أذكر تلك الواقعة التى ما فتئت تراوح ذاكرتي (كلام كبير) ..
الواقعة متعلقة بجدا لينا وكان كارها شديد الكره للغناء ويعتبره مسخرة
وموجب لعذاب القبر كما ظل يبشر بذلك كلما ما مر بثلة من الذين يجلسون
في الدكاكين واللساتك القديمة وهم يرفعون عقيرتهم بالغناء أو يستمعون له ..
وكان ذات يوم يركب حماره الأبيض العاتي عندما دلف (كلام كبير شديد ) إلى زقاق فتناهى
إلى مسامعه صوت البنية بت عجاج وهي تردد أغنية (بلدا هيلي أنا) بصوتها الساحر
الآثر الأخاذ فأبطأ من حماره حتي أوقفه تماما ثم أخرج (حقته)* ودنكل سفة كاربة وقد
بدا عليه الإستمتاع الشديد (لدرجة الدروشة) كما بدا لي حينها وبعد أن إنتهت
الاغنية لكز حماره في جنبي بطنه بكعبي قدميه وهو يردد في صوت مشوب بالهيام والطرب
الله يديك العافية آ بت الرجال .














* الحقة يا نانسي في الغالب علبة نيفيا تستعمل لحفظ التمباك

شكرا يا عبد العاطي وصدقني شهادتك في نانسي دي شهادة ما ساهلة من زول
ما ساهل وبالتالي تعتبر شهادة لصالح ذوقي الفني الذي لم أشك فيه يوما .

والله يا طلحـة كنت عايزه تحافظ على المستوى بتاع الاغنية دي وهي الاغنية الوحيدة الاثرتني بيها بالجد
ما دون ذلك .. انسى بس ..

بعدين دي برضو نوعا ما .. بس تبطل الحركات بتاعت اكل الكلام البتعمل فوقو دا
بس نهى عجاج .. حديد

شكرا يا تامبا على المقاطع
حقيقي نانسي عجاج مسكرة خاصة عندما تلعب بصوابعا (دليل على الإنغماس وتطريب نفسها )
أو عندما تاكل الكلام ( حرفنة وإبتداع وإبتكار ) ..
أيوة نعم ربما هو دا سر سحر نانسي عجاج لمن يستمع ولمن يري .

الاخ العزيز طلحة و ضيوفه الكرام

لكم التحايا

نعم اخى طلحة الفنانة نانسى عجاج دى ربنا يحفظها تبهر كل من يستمع اليها حتى جدك وهو على صهوة حماره

فهى فنانة فى المقام الاول و انسانة راقية فى المقام القبل الاول

صوت جميل و توفيق فى اختيار النصوص و حبها لهذا الفن و حبها للجمهور اضافة الى زوج موسيقار انيق رقيق شهم و ودبلد

و لو اتيحت لك فرصة اخى طلحة لجلسة فنية معها كما اتيحت لى لما وسعك باندوث بكرى للكتابة عنها

و لذهب عنك النوم لاسبوع كامل فقط لتتأمل جمال الحانها و عذوبة صوتها

لك الشكر على فتح هذه النافذة عن الفنانة القديرة نانسى