Post: #1 Title: إذهبوا بورقكم هذي ... (فإذا العملة الغيت) Author: كمال علي الزين Date: 09-11-2012, 03:35 AM Parent: #0
(*) 1
من الذي قال شعراً عامياً مبيناً : ... ماقدرتا أجيب معايا محامي ليكا.. والله لوعلم العرب والعجم عظم حوجتي لهذا البيت لترجموه إلى كل لغات العالم .. وحدي فقط ... أنا من كاد أن يعلقه على جدران الكعبة .. ولا نامت أعين أمرؤ القيس وطرفة وأبن أبي سلمى ..
اليوم تخليت عن نفسي .. تخلت عني نفسي .. نزعت ملابسي و بحثت عن ورقة توت .. ورقة يابسة تكفيني .. تذكرت أن زمان ورق التوت قد ولى .. واقبل زمان التعري (وقوة العين) .. اليوم نظر القاضي بقضيتي ولم يشطبها فحسب .. بل أعدم ملفها .. وأغناني عن (المحامي) الذي أستعصى عليً .. وماقدرتا أجيب معايا محامي ليكا .. رميت اخر مابقلبي .. وخرجت إلى المدينة أسعى .. وجدت أن العملة ألغيت .. ومن عرفتهم ماتوا منذ قرون .. حتى الملك الذي منه أختبأت .. مات .. وشبع موتاً .. لم أعرف هل أدعوا على من ربتني .. من أنشأؤوني .. أم أدعوا لهم .. أنا لم أخرج بورقي إلى المدينة أسعى .. أنا ماخرجت إلا إلى عالم لا أمت له بصلة .. انا اليوم .. ولدت من جديد .. و(مابجيب معايا محامي ليكا) .. ولكنني مضيت قدماً وأختفيت بين الزحام عاريا بين العراة ورميت ورقي القديمة .. فأستقرت هناك .. بجوار ورقة التوت اليابسة .. ولست أخشى شيئاً .. سوى تلك العيون التي إن إصطادتني وسط ركام البشر .. ساهتف بوجهها عارياً : مابجيب معايا محامي ليكا .. .. .
ياحبيب ارحامى وما استطعت اجيب معايا محامى ليك يا حبيبى ما حفظت زمامى آن حمامى وناح حمامى عشان يا حبيبى او كما قال الفنان الجميل عبد الوهاب الصادق لم اعد اذكر اسم الشاعر سقط سهوا لكنى احتفظ لك بما تبقى من المحبة على هذا النص الرائق
البركة في شوفتك انتا يا صديقي .. والله ياراني مفكر أتصل عليك بس كل مرة أخاف ان يتسلل غلى برود كندا من التلفون بتاعك .. أبشرك ربما أنتقلت إلىكم قريباً .. أو كما نصحني صديقي فوزي بشرى .. نصحني بالهجرة الى شمال العالم طالما انني لسا خفيف .. ربما فعلتها قريباً ياصديقي .. بينا تلفونات ..
(نو بودي إز بيرفكت) .. كنت أظن ذلك ياصديقتي .. حتى أصتدمت بمن هم (بيرفكت) .. بمن هي (بيرفكت) .. شكراً لك .. سأسميهم عائلة (بيرفكت) .. عن أي قاضي تتحدثين .. ومن القاضي الذي سأقف أمامه سواها ؟ القاضي نظر القضية .. وأعدم ملفاتها .. ياحبيب أرحامي ... ماقدرتا أجيب معاي محامي ليكا ياااه كأنها كتبت خصيصاً من أجلي .. من أجل أن تعزيني فيما انا فيه يوما من كتبها خبأ كلماتها بين طيات الموسيقى وصوت عبدالوهاب الصادق الحنين .. بح صوته لسنوات دون أن أعلم انه يلاحقني بكلماته .. لكنني كالعادة , لا أفهم إلا متاخراً .. متاخراً جداً ..
كيف السبيل وهي الخصم والحكم .. وانا .. ياحبيب أرحامي .. ماقدرتا أجيب معايا محامي ليكا ..
____________________________________ أما عن موضوع التصاوير فلم أخض فيه متعمداً (: وإن سألت عن كم لبثت في نومي هذا؟ لبثت عاماً من العمر الذي أحسد نفسي عليه .. لكنني ويا للأسف .. ياحبيب أرحامي .. ماقدرتا أجيب معايا محامي ليكا ..
!!!!!!! معاينة أولى !! تم رصد كمية هائلة من الأخطاء الإملائية والنحوية !!
____________ آخد لي جولة في المنبر .. كان ما لقيت حاجة مهمة بجيك راجع أمعطك . نحن والله دايرين الكتابة في المنبر دا تبقى حظوة لمن يتوسل إليها بحقها، في العناية بها من مراجعة وتدقيق وخلافو قبل بذلها للقراءة، أو "الإستهلاك" نرجو التريث - ما أمكن ذلك - فنحن نستحق أن نقرأ أفضل مما نشر هنا بكثير .
ياخي والله كتر خيرك على الرصد وكمان ساعدنا بالتصحيح وماتقصر تمعط وتشاكل وعيييك يازول انتا لسا ؟ ماشاء الله والله انا عشان اريحك والله مافيني روح تاني لكتابة كلمة حادة لي زول ولا الدخول في اي صراع اسفيري اها اعتبرني تلميذك الصغير وعلمني واحدة واحدة بس اختار لغة كده غير دي (أمعط) ولا أي كلمة ممكن تستفذني بيها عشان أخش في صراع أسفيري وشتائم من وراء الكيبوردات .. وما بقدر تاني واختفيت المدة الطويلة دي ورجعتا عشان أكون ناسي أي صراع اسفيري لابودي ولابجيب وبقلل من قيمة الناس فأعمل العاوزو أو أسمع نصيحتي وتعال بنية التصحيح جد عشان نستفيد منك او امعط معطك وستجدني ان شاءالله من الصابرين والمترفعين وحسب مداخلتك الجاية , لو فهمتني وكبرت دماغك بقعد ليك في برش عديل زي تلاميذ الخلوة و لو كمان مافهمتني وكل الفي بالك شكلة ومعط ومش عارف ايه .. ماحا أرد عليك لا بي زين ولا بي شين ولاعندي وقت أضيعوا في شكلة , بكتب العندي ومابهببوا ليك .. المداخلة دي زاتا صححا ماتجلي من أخطاء .. وربنا يهدينا ويهديك ياخ ..
ياود قول استغفر الله العظيم ! قالوك مافى يعنى مافى !
ـــــــــــــــــــــــــــــــــــــــــــــــــ لووووووووووووووووب يا وهبه .. وتانى لووووووب .
Quote: نحن والله دايرين الكتابة في المنبر دا تبقى حظوة لمن يتوسل إليها بحقها، في العناية بها من مراجعة وتدقيق وخلافو قبل بذلها للقراءة، أو "الإستهلاك" نرجو التريث - ما أمكن ذلك - فنحن نستحق أن نقرأ أفضل مما نشر هنا بكثير .
Post: #21 Title: Re: إذهبوا بورقكم هذي ... (فإذا العملة الغيت) Author: كمال علي الزين Date: 09-12-2012, 00:40 AM Parent: #20
(*)
دينا والله في , وحلاة مابيرفكت من عشرتهم بقيت أسي من الذين يولون الادبار عند اللقاء الأسفيري (: أسي عليك الله في ذمتك ردي لي وهبة ده مازي ردود ناس سودان فور اول بس خالي تصاوير ؟
انا زاتي طولتا من بهناك بقرا بس لأنو الفرق بين هنا وهناك أنهم هناك والحقوق محفوظة لوهبة (بمعطوك) بأدب وتصاوير وبتعبوا نفسهم حتى في الكعوبية وبتفننوا .. هنا يجوك مصححين وتنتهوا مقبقبين بعض ومتشاتمين (:
إنتي خسرتي الأول ؟ طيب أختي وهبة ده قبل ماتخسريني .. (:
بالمناسبة : إنتي زاتك من الناس القليلة البيرفكت .. بس كان بطلتي تكوسي العرس ده واترهبنتي بتكون مووور بيرفكت (:
Post: #22 Title: Re: إذهبوا بورقكم هذي ... (فإذا العملة الغيت) Author: كمال علي الزين Date: 09-12-2012, 00:46 AM Parent: #20
(*)
أووو أخونا حافظ .. أول زول موديل 2012 أشوفو في البورد ده نسبة لغيبتي الطويلة .. أها ياخوي : إنتا نظامكم كيف في المعط والزمقرط والماعارف إيه ؟ عشان نستخدم الساتر المناسب ..
اخي خافظ .. كلام من أخوك الكبير .. البورد ده يومك التغلط فيهو على زول وتاخدك العزة بالإثم وتشتم وتتشتم بتخسر نفسك مهما ظننت أنك منتصر .. أنا اليومين ديل في صفاء روحي وتصالح مع الذات لدرجة إني ممكن أدفع ملايين عشان ما أدخل في ملاسنة مع زول ..
وخلينا أخد لفة أفتشك ياتو نوع من الناس ما تكون كمان تأبط شراً جديد , هو أحنا ناقصين (:
مرحب بيك وسعدت بمعرفتك ..
محبتي ...
Post: #23 Title: Re: إذهبوا بورقكم هذي ... (فإذا العملة الغيت) Author: حافظ انقابو Date: 09-12-2012, 00:54 AM Parent: #22
يا كمال ياخ أنا زول مسالم جدا حتى أسأل دينا دي .. بس عندي زباين بشاغلوني وبشاغلم ..شفت كيف
وتشرفت أيضا بمعرفتك واتمنى ما ألقاك في هجمة لانو أقواني حاااارة .. أسأل راني
Post: #24 Title: Re: إذهبوا بورقكم هذي ... (فإذا العملة الغيت) Author: دينا خالد Date: 09-12-2012, 07:27 AM Parent: #23
Quote: بالمناسبة : إنتي زاتك من الناس القليلة البيرفكت ..
ههههههههههها منزوعة البيرفكت ... خالية بيرفكت ؟ برضو فكرة ... كلامك صاح والله .. حتى بامارة انى ما فاهمة بوستيك دا بتحدث عن شنو ! فدحين ما تنشغل بالرد علينا وواصل امكن نفهم شى من الهضربة ... ياود اكتب اكتب دى رسايل بالمجان .... طولنا من كتابتك .... المشاغله دى انا ووهبه مشتاقين ليك ...
ـــــــــــــــــــــــــــ وهبه على (الرهبنة ) ما تقول حاجة !
Post: #25 Title: Re: إذهبوا بورقكم هذي ... (فإذا العملة الغيت) Author: حافظ انقابو Date: 09-12-2012, 07:50 AM Parent: #24
وهبة يا وهبوب لو ما عشاني عشان الجكسوية دي تاني ما تجي ياخ وأوعدك كل ما يدقس كيمو أجيب ليك فهو قونين بدل واحد بس انت انقرع
هههههه والله لكن فنجرة كاملة الدسم كيمو الذي تراه واقفا ببدلته الرمادية الفخيمة فتحسبه نجما من نجوم بوليود يتاوره الحنين إلى كأسه الحبب وعوده العتيق فيدندن ببعض أناشيد التاريخ والعراقة بما لا يتناسب مع هذه الوقفة الفنجرية الموغلة التمدين والحداثة . لا بد أن كيمو الوجيه يريد أن يكوش على زمنو وزمن غيرو وكدا غلط طبعا . ....... يا كيمو كلامي دا ما تشتغل بيهو كتير لأني ما فاهم منو ولا كلمة تماما كما لم أفهم مضمون بوستيك ولا حتي دخلة وهبة السلاخية الفوق دي .. بس حبيت أسلم عليك يا حبوب. ملحوظة مهمة : أخونا حافظ أنقابو الفوق دا قطع شك عامل كمين .. عارف نكتة الكمين يا كيمو واللا أرسلا ليك في الخاص ؟
Post: #28 Title: Re: إذهبوا بورقكم هذي ... (فإذا العملة الغيت) Author: محمد عبد الماجد الصايم Date: 09-12-2012, 09:32 AM Parent: #27
أووووو .. كيمو حمد لله ع السلامة ياخ!!! بعدين ورقكـ دا مالو جايط كـدا؟ أدينا مداخلة مداخلتين كـدا يمكن تلفق
Quote: أخونا حافظ أنقابو الفوق دا قطع شك عامل كمين .. عارف نكتة الكمين يا كيمو واللا أرسلا ليك في الخاص ؟
Post: #31 Title: Re: إذهبوا بورقكم هذي ... (فإذا العملة الغيت) Author: محمد عبد الماجد الصايم Date: 09-12-2012, 10:26 AM Parent: #29
طيب تعال أقفل لينا الكوت بتاعكـ دا!! أول مرة حكيتها كانت سنة كم؟
Post: #30 Title: Re: إذهبوا بورقكم هذي ... (فإذا العملة الغيت) Author: كمال علي الزين Date: 09-12-2012, 10:21 AM Parent: #28
(*)
أولاً شكراً اخي كبر على لطفك .. ثم على رفد التوبيك بالأغنية ..
________________________________
دينا ... رهبنة شنو كمان ليك بعد إعلان العرس المجاني كلنا واقفين في الصف ؟
___________________________________
طلحة تنظير .. البدلة دي كانت بيضا , أتمدرقت وبقت رمادية من المقابضة في البورد ده بعدين نكوش على زمنا وزمن غيرنا إنتا قايلني (ودالشريف) (: ده مازمنا زاتو أما زمن ناس (طلحة الشفيع ) ..؟
قصة الكمين عارفا أيوة (: بس حافظ ده لسا ماعرفناهو تخصصو شنو , وفي تصنيف ياتو عشرة من العشرات .. غايتو شكلو بالجنبة كده في الأول ذكرني (ذواليد) , لما شفتا الصورة قبل ما أقرا الإسم قلتا إنا لله , البوست بتاعي جاب ذواليد سسسسسسخصياً (:
_________________________________________
حمودي العسل (: ياودالصايم هو إنتو أديتونا فرصة نكتب حاجة ولا (نتوغل) في خط ستة بتاعكم .. وهبة بي جاي وقال ليك جاي يمعط وقرب يزمقرطنا ولا هي هي ديك كانت شنو ؟(: ودينا بي جاي جايبة معاها المأذون ومنتظراني بعد طيروا عليها بلان ون بتاعا .. و(ذواليد الجديد) جاي يجيب فيني أقوان , أنا قالوليك الحضري يا (ذوأنقابو) (: أنا جاي اكتب البوست ده وماخد عشرة صفر وما أستطعنتا أجيب حكم راية خلي محامي .. وجاييني إنتا كمان ياضحوكنجي بدل تعزيني في مصابي , جاييني كالعادة تتبسم في بيت بكا .. أصبر لي بردها ليك في أزمة ولا في هجمة من أبوحتوت وإن شاء الله يلم فيك أبوعلي يرسمك (كديس وعامل كمين) (:
غايتو خوتكم خوة أبو صليب* طب ياخ قولوا لي في العام عدل الكوت لأنو قفل البوست طالما ما في لا ود الصايم ولا غيرو عايز يوريني في الخاص .. معليش يا كيمو ياخ ما شفتها إلا لما جيت راجع تاني مع العلم انو ود الصايم عارف الحركة دي لكن طنش حسادة منو ساي .
* أحتفظ بالتفاصيل لنفسي
*
Post: #33 Title: Re: إذهبوا بورقكم هذي ... (فإذا العملة الغيت) Author: كمال علي الزين Date: 09-12-2012, 11:00 AM Parent: #32
أبوصليب ده من ياصديقي .. أصلا ما مكن يكون خوتو زي خوة ودالصايم دي (:
شكلك زعلان من زول ياطلوح .. هون عليك .. وماتحرمنا شوفتك وتحتفظ بالتفاصل .. إنتا من الأصدقاء القليلين اللي زول بعتز بمعرفتهم قبل البورد ده .. وكمان لما يجي تصنيف العشرة اللي هم فاكهة البورد ده , أكيد حاتكون نمرة 3 بعد ذو اليد وذواليد الثاني عشر (ذو انقابو) صاحبي الجديد ده ..
وبهدي ليك الأغنية دي أسي أسمعا وتأمل مافيها من تسامح وتسامي ومحبة صادقة ومتجردة ..
Quote: قصة الكمين عارفا أيوة (: بس حافظ ده لسا ماعرفناهو تخصصو شنو , وفي تصنيف ياتو عشرة من العشرات .. غايتو شكلو بالجنبة كده في الأول ذكرني (ذواليد) , لما شفتا الصورة قبل ما أقرا الإسم قلتا إنا لله , البوست بتاعي جاب ذواليد سسسسسسخصياً (:
كيمو يا كيمو
ياخي لمن راسي بقى كبير
انا اطول الشاعر ذو اليد
دا كلام طيب .. (ذي ما بقول صاحبنا)
من هذا البوست تحية لخليفة الفيتوري ذو اليد
Post: #37 Title: Re: إذهبوا بورقكم هذي ... (فإذا العملة الغيت) Author: كمال علي الزين Date: 09-13-2012, 01:16 AM Parent: #36
مع أنو البوست بتاعى إستحما وماعارف أرجع تاني أكتب .. لكن خلافة (ذواليد) للفيتوري دي فاتتني نسبة لغيابي (: يا(ذوأنقابو) ياخوي , إنتا بتتكلم عن ذوياتو يد؟ حمودي وطلحة ودينا حصلوني ياخ .. (ذواليد) أشعر شعراً من ورنا ولا إيه ؟ ولا ده عيب في متابعتي أنا للبورد .. والله يا حافظ ياخوي كده حا أتضطرا أراجع نفسي جد أشوف كم لبثت ؟
Quote: البركة في شوفتك انتا يا صديقي .. والله ياراني مفكر أتصل عليك بس كل مرة أخاف ان يتسلل غلى برود كندا من التلفون بتاعك .. أبشرك ربما أنتقلت إلىكم قريباً .. أو كما نصحني صديقي فوزي بشرى .. نصحني بالهجرة الى شمال العالم طالما انني لسا خفيف .. ربما فعلتها قريباً ياصديقي .. بينا تلفونات ..
والله الف مرحب بيك، واسمعها نصيحة مني ما تجي براك... وتعال انتو نص دينكم دا حتكملو متين؟
بالمناسبة: انا احتمال اجيكم قبل ما تجينا، ودي والي ان نتكلم.
Post: #40 Title: Re: إذهبوا بورقكم هذي ... (فإذا العملة الغيت) Author: كمال علي الزين Date: 09-13-2012, 04:12 AM
(*)
نص دينا ياتو يا راني ؟ وأنا فاتح البوست ده عشان عاوز أفتح محل تياب (: نص ديني ده ما أستطعتا أجيب معايا محامي ليها ..عشان كده مأزوم فيهو .. لكن تصور يا صديقي .. مررت بتجربة جعلتني أكمل النصف الأول من ديني أو اكد .. علمت أن الله حق .. ولم أعد ياصاحبي صديقك الذي تعرف .. إمتحنت أيما إمتحان .. وما قدرتا أجيب معايا محامي ليها .. هذا زمان الهروب إلى الله .. زمان الفعل الصح في الزمان الخطأ.. أنا ياصاحبي ..لم أكن يوماً نصف رجل , عشت وأنا دائماً في تحد مابين السهل والصعب , مابين الجبل والسهل , مابين أن أكون أنا ومابين أن أكون رجل حسب ظروف الحياة , أنحني وأميل وأستقيم حسب إشتداد ريح الحياة , وطالما أحتفظت بذلك البريق في عيني , يلمع كلما أجتزت إمتحان الرجولة الصعب وتجاوزت إختيارت أشباه الرجال السهلة . (خلف كل مايبدو أمام ناظرينا حقائق غائبة , أسرار لا نستطيع البوح بها رغم شجاعتنا ) , بعضنا يختار الطريق السهل , طريق الهروب ما أتيحت له فرصة وقد واتتني مراراً فرصة الخيارات السهلة والهروب , لكنني أمسكها بيدي وأكاد أن أوقع وثيقة تجاوزي للصعاب بالطرق السهلة , ثم أرمي بها في عناد وتحدي , ,أقبض على جمر الخيارات الأصعب , فكم يسعدني أن لا أستسلم , كم يسعدني الإنتصار على الخيبة والميوعة والضعف الذي يحول الرجال إلى عارضي أزياء ملابس رجالية ولكنهم ليسوا سوى أنصاف رجال , وهؤلاء تجدهم دائماً يجرمون بلا ضمير حي ويخطئون وهم يتبسمون ويصعدون إلى أسفل , مخلوقات إجتماعية جميلة من الخارج ترسم إبتسامة صفراء وتحافظ على مابينها وبين الناس من ود وتترك إنطباعاً جيداً وتلوك أكبادهم وتمضي , لا يحبون إلا أنفسهم ولا يخسرون محبة الناس , هذا طريق سهل , طريق أشباه الرجال . تعودت أن أقبض على الجمر , أحب بعنف , اكره بعنف , لا أستسلم أبداً .. لن استسلم بسهولة , لن افتح صفحات جديدة في حياتي وبين يدي حب حياتي يتسرب من بين أصابعي, طفلنا الذي حلمنا به ,اسميناه بخيالنا , أخترنا له أسم (أحمد) تيمناً (بالولد القدل فوق عزة) الزول الصغير الفات الكبار والقدرو , أحمد الذي حلمنا به يعيش بداخلي , يشاركني فراشي , لا أستطيع نسيانه ونسيانها بهذه البساطة , لن أستطيع ركوب الخيار السهل الذي مهدت لي طريق سلوكه , لأخسرهاوأخسر نفسي .. لن أستسلم .. لن أستسلم .. فعلت كل شئ من أجل أن اعتلى صهوة الخيارات الصعبة .. وبعدها عجزت أمامها .. فشلت في المضي في طريق الإختيار السهل ..الذي مهدته لي ... وحين عدت إلى الخيار الصعب , خياري أنا وجدتها قد أستقررت علي الخيار السهل دون عودة .. لن أستسلم .. ساطرق كل باب وكل صعب وكل تحد , ساواجه مالم يخطر ببال أحد .. حتى أستعيد نفسي , أستعيدها , أستعيد جزءاً من روحي .. أستعيد طفلنا الحب .. إن كانت تظن أنني سأكف عن حبها فهي واهمة ... إن كانت تظن أنني سأستلم لها ولخيارها السهل فهي واهمة .. إن كانت تظن أنني أخشى مواجهة الأمر رغم صعوبته وسأسلك طرق الخيارات السهلة فهي واهمة .. أنا رجل صعب في زمن صعب في موقف صعب .. لذلك أعشق التحديات في عناد .. أعشق النجاح فيما هو صعب .. أعلم أن بدواخلها كثير من الشروخ ... كثير من الألم ..
كثير من الخوف .. كثير من القلق والإحساس بالأمان معي لن أستطيع أستعادته بمجرد كلمات .. سأواجه كل صعب يخطر على بالها ومالا يخطر حتى أستعيد روحينا , .. سأدق الصخر حتى يخرج الصخر لنا زرعاً وخطرة .. انا سعيد بها ... لا تستغرب .. سعيد بقوتها .. سعيد بتحديها لي ..سعيد بقدرتها على تجاوزي ونسياني.. سعدت بقوتها ياصاحبي وهي التي تستقوي علي .. فكرت كثيرا أن أتركها لتجارب أخرى , حب آخر , وأنتظر حتى تعرف أن السهل مهما كانت طرقه معبدة , سنظل نفتقد تلك الروح التي في الصعاب وليس في زماننا هذا ياصاحبي أشق من أن تحب .. غنيت كثيراً أغنية ت ا ف ه ة من أغاني زمان وأنا أضحك عليها وعلى نفسي وعلى كل شئ : (صعب صعب ياعلي .. الحب صعب ياعلي ) وحبنا صعب لاننا أمتحنا فيه .. وحبنا صعب لأنني كدت أن أضيعه بحماقاتي ..وأستجابتي لخياراتها السهلة ومجاراتها فيها ومحاولة تمثيل دور رجل آخر لا يشبهني .. حتى أريحها وأرتاح .. لكنني عدت إلى نقطة الصفر : ما بيننا ليس له غير الطريق الصعب ... طريق مداواة الجروح بمواجهتها مهما كان الثمن .. طريق قد لا تستوعب هي صعوبته وما سأدفعه من ثمن من أجلها ومن أجلي ومن أجل أن لا نخسر أنفسنا يوماً .. حين نندم على الإستسلام للخيارات السهلة .. ياصاحبي إنني أشعر بتلك المسئولية التي يتهرب منها الرجال إن كانت تظن أنني أستسلمت ... سأستسلم .. فهي واهمة ..
ومعها كل العذر .. فانا صنف أخر من الرجال .. انا رجل يهوى الخيارات الصعبة ... ولايبيع نفسه ومن يجب من أجل أن يرتاح من حمل أعباء الحياة أخطائى لا تخجلني .. لي من الشجاعة ما يمكنني من الوقوف أمام أي كان للإعتراف بما يستحي غيري من الإعتراف به .. بما يجبن غيري عن الإعتراف به .. بما يجبن غيري عن مواجهته .. فلا يفرحنها ركوني الموقت للخيار السهل وإستجابتي له موقتاً .. لن أفعل شيئاً .. سأنتظر فقط .. وإنتظاري ليس إستسلاماً .. إنتظاري حتى ينظر الله في أمرنا .. (الخيارات السهلة ياصاحي , ستحولنا إلى خائنين ومخادعين وكاذبين ) ربما تقودنا إلى بداية حياة أخرى تبنى على أكذوبة – مجموعة تصورات نضعها أمام من سنرتبط به دون ذنب جناه سوى أنه كان جزءاً من خيارات الطرق السهلة .. انا لن أستطيع الأرتباط بأخرى ياصاحبي , وهي بقلبي بعد , وإبننا الذي حلمنا به يحول بيني وبين أي أمراة أخرى سواها , وحبها يحول بيني وبين أي حب سواه ولن أختار سوى ما يتصالح مع نفسي .. ولن أستسلم .. لن استسلم ..
هي حبيبتي على سنة الله ورسوله .. و أنا ذلك الرجل الذي فقد مقدرته على الإستسلام .. ملاكي الصغير .. طفلتي الكبيرة .. ذلك الجزء من روحي الذي لا ينفصم .. وماكنت أنا سوى محب ساقه الحب إلى مانحن فيه .. فإما ان نسلك طريقها السهل .. ونخسر أنفسنا و إما أن نسلك طريقاً صعباً ونكسب كل شئ .. ودون أن أستعين بمحامي .. ما بجيب معايا محامي ليا ..
تعال لي بالدرب ياصاحبي ولا ماحتنزل معاي المرة دي عشان قلتا ليك هربنا إلى الله (: هربنا إليه ياصاحبي .. لكن تعال بكامل عدتك .. لك ليلك ولي ليل العاشقين الطويل .. وقرآن الفجر .. وأغنيات الصباح .. وحلم العودة ..
_____________________________________ بالمناسبة أنا رحلتا ماتجي من المطار بوشك على البيت القديم .. أتصل وأخد الوصف ..
يا كيمو أتقل أتقل أتقل بالإضافة إلى أنو خليك تقيل يعني باختصار كدا أتقل ياخ .
Post: #44 Title: Re: إذهبوا بورقكم هذي ... (فإذا العملة الغيت) Author: عبدالوهاب علي الحاج Date: 09-13-2012, 10:32 AM Parent: #40
Quote: يا حاااااااااااااااااج
يا ود الصايم الجديدة لا يا عثماااااااان !! بنديك شمارها لمن تجي للضحية مباااااالغة _______________ دندون
Quote: وهبه على (الرهبنة ) ما تقول حاجة !
أول حاجة لعلمك .. البوست دا أنا فريت منو .. والحمد لله ربنا عوضني بطه جعفر لأنو أنا زول نيتي بيضا، كويس معاك؟ وأنا لمن ألقى طه دا ويكون عندي تمباك جيد، تاني ما داير اي حاجة من الدنيا طه بقضي لي خميسي دا والجمعة واختم بكورة الهلال، كفاية !! وكان لقيت لي معاهم كباية ليمون صااااقطة [اختياري !]، بكون ..
دينا.. حمودي .. اها تاني محتاجين شنو عشان تفهموا ورقنا هذي تلفق معاكم تاني كيف اكتر من كده
ذو انقابو .. شايف ملاسي مهتم بيك وفاتح ليك بوست اها اخد مني ده معناتا انتا زول مهم ملاسي لو هبشك وحسن موسى لو رسمك ده بعني انك زول مهم ومفروض تفرح واسي الناس ممكن يغيروا منك ويقولوا لملاسي اشمعنا ذو انقابو (:
لم أكن معطاءً .. هذا ما كان غائباً .. عطائى كله كان سلبياً .. غيرة .. خوف .. حرص غاب عني أن للعلاقة جمال يجب أن أبرزه عطاءً إيجابيا .. فهمتك .. فهمتك .. صحت متأخراً جداً .. كانت صيحتي كصيحة (بن علي ) بشعبه .. كانت متأخرة جداً .. لم يستحق أن يعطى فرصة أخرى .. وما أستحققتها أنا .. رغم انه فهم .. رغم أنني فهمت ..
الدنيا ومافيها مقابل فرصة أخرى معها .. فرصة اخرى .. لا أستحقها .. لخلق واقع جديد .. لبناء محمية للأمان والثقة والعطاء الحقيقي .. هي لم تكن بحاجة لمجرد حارس .. هي لم تكن بحاجة لضمير يقظ يلاحقها .. هي لم تكن بحاجة إلى دم حامي يغار عليها أنى يممت .. هي كانت بحاجة إلى حبيب .. صديق .. شريك .. ملاذ آمن .. هذا مالم أكن عليه أنا .. هذا لم أستطع فهمه إلى بعد أن أحرقت كل بوعزيزي بداخلها .. وثارت علي .. وخلعتني .. ... .. . ليتني أستطعت ان أفهم أنني لست بحاجة إلى محامي ليها .. كنت بحاجة إلى أن أكون حبيبها .. بحق .. وهذا ما عجزت عنه ..
الدنيا ومافيها مقابل فرصة واحدة معها .. ودون محامي .. دون أن أكون سوى حبيبها .. سأقتل الحارس الذي بداخلي الذي لم تحتجه يوماً .. سأخرج فقط حبيبها .. .. .. . (حباني برص أنا وتلاتة خرص إن شاء الله )..
Post: #50 Title: Re: إذهبوا بورقكم هذي ... (فإذا العملة الغيت) Author: محمد عبد الماجد الصايم Date: 09-15-2012, 09:58 AM Parent: #49
والله يا كيمو .. شكلكـ عملت هبوط اضطراري!!
_ غايتو قصة عثمان دي ما دام جابت جنابو فقطع شكـ فايتة الـ (حااااااااج) بي هناكـ!