كمال حقنه يبحث عن حلل!!

كمال حقنه يبحث عن حلل!!

في منتصف السبعينيات راجت أغنية يا ناس شوفوا لي حلل! وكادت أن تصير ظاهرة فنية فإنفعل بها الشارع السوداني.. فسأل احد ألإعلامين البروفسور عبدالله الطيب عن رأيه في هذ الأغنية فقال له عبدالله الطيب وبطريقته تلك:- { إن الحلل هو ذكر ألتمساح! فعن ماذا يبحث هذا ألـمغني??}
إستحضرت تلكم الذاكرة وانا أستمع لكمال حقنه وهو يقول إنهم باقون بأديس أبابا لـمفاوضة أهل الـمصلحة الحقيقية من أبناء النوبة والنيل ألأزرق وليس لـمفاوضة قطاع الشمال!
فيا كمال حقنه يبدو لي إنك تبحث عن ذكر التمساح

أو الظاهر عليك قاعد تلعب سيجه ولا كونكان أربعطاشر وجنبك ديك يطارد ليهو في دجاجه لزوم مشهد جنسي يتكرر في كل دقيقه!
فيا كمال دي حرب بتحصد ارواح !!

فيا كمال حقنه إنت امام خيارين لا ثالث لهما.. فإما أن تفاوض قطاع الشمال وبالإسم بمنطوق قرار مجلس الأمن {2046} أو ستواجه بتداعيات البند السابع ويصدق عليك الـمثل القائل:- {جابو يتفولح جاب ضقلها يتلولح} وأخشي أن تكون زي الطفل الـمعجزه{مصطفي إسماعيل} والذي أدخل البلد في أكثر من بند سابع وتسبب في توريط البشير في وحل الجنائية الدولية



إنتو الناس ديل ما قاعدين يذاكروا

خم وصر يا كمال!!أهو ناس عرمان خلو ليك أديس و طاروا لواشنطن لزوم الونسه الدقاقه!! فإنت إما ان ترجع الخرطوم حانف وجهك ولا تقعد في أديس تبحلق في الحبشيات????

مالذي يجعل كمال عبيد متحدثاً بل ومفاوضاً ،عن مصالح اهل النوبة والنيل الازرق ومرات كثيرة كمان دارفورمن جانب،بينما يستبعد ياسر عرمان عن اهل المصلحة بحجة انه من الجزيرة بينما كمال عبيد هو الاخر من الولاية الشمالية ؟
كمال عبيد يستخدم استراتيجية المؤتمر الوطني ، في قبلنة الصراعات .......وهو في سبيل هذا لا يتورع من تمزيق السودان ......ولا يتورع من ان يفهم الاخرين بان مشكلة جبال النوبة والنيل الازرق ودارفور هي بينهم وبين اهل الشمال .
فالواقع انها مشكلة سودانية تجلب المناصرين لها من كل بقعة سودانية ........ومن حقي ومن حق ياسر عرمان وادروب وسيد احمد وكل طرف ان يساهم في الحل .......وان ينحاز لقضايا الاخر ......هم يفتحون شهيتهم لمزيد من التقسيم بغرض الاضعاف ومن ثم البقاء اكثر.
سلامي يااستاذ عبدالله الشيخ