Post: #1
Title: البرونتاريا..يعنى شنو
Author: حاتم الياس
Date: 09-10-2012, 11:10 AM
ياجماعة من حق الزول يفرح ويكون مبسوط من رب عملو الأسفيرى, وربما تكون فيها حاجة من وصف الأخ العزيز قصى لشخصى حينما أستثنانى من قائمة الذين يدعوهم للثورة والتغيير باعتبارى صوفى ختمى تسليمى كما قال..وأصلو المسألة بتاعت التسليم دى فى الصوفية مافيها خيارات كيف فاتت عليهو ماعارف!!, لكن قصى فيهو حاجة من الثورية الجامحة حتى لكأنك تخال أن ثمة تيار (جيفارى) أو( بن لادنى ) يصعد دخانه من بين حلقات وأناشيد الأخوان الجمهوريين..ما علينا!!
البرونتاريا لو بحسب مجازفات ترجماتى تعنى (شغيلة الأسافير) فحسن موسى...قضى عليكم...أى والله
|
Post: #2
Title: Re: البرونتاريا..يعنى شنو
Author: محمد عبد الماجد الصايم
Date: 09-10-2012, 11:19 AM
Parent: #1
قضى على منو يا معلم .. أفــرز!!
فيما يختص بالـ كلمة القلتها فوق دي
.. للضمان كـدا نقول ليكـ اتلفّظ!!
|
Post: #3
Title: Re: البرونتاريا..يعنى شنو
Author: حاتم الياس
Date: 09-10-2012, 11:21 AM
Parent: #1
الموضوع للنقاش...مع علم أطراف المنازعة بين ضفتى العالم الأفتراضى بانى زول شفيف ومابستحمل الكلام الجارح والقاسى (بسيب المنبر طوالى)..لكن برونت تاريا دى جد عجبتنى وهى موضوع شيق... ولو بقت هى المقصوده بمعناها ومبناها وأشتقاقها..تبقى ياها دى الحاره...
شفت الفرق بينا وبينكم..أنتو فى التصاوير..ونحن فى الأشتقاقات والأصطلاحات!! وتقول لى برضو ماف عالم تالت اسفيرى..
|
Post: #4
Title: Re: البرونتاريا..يعنى شنو
Author: حاتم الياس
Date: 09-10-2012, 11:37 AM
Parent: #3
تصديم وتجضيم شديد...ماف أتنبن تلاته..وغمت كمان ياود الصايم...عشان كده أنا عايز أقترح ليكم موقع قاعد أزوروا طوالى أسمو (عصافير الخريف)...أدربوا هناك شوية وتعالوا راجعين..أقلها تكونو أكتسبتوا مهارات فى الطيران المنخفض خلى ...طموح التحليق
|
Post: #5
Title: Re: البرونتاريا..يعنى شنو
Author: صديق الموج
Date: 09-10-2012, 11:41 AM
Parent: #4
حاتم .....................سلام
برونناريا بت عم الدوسنتاريا يا اللخو،،،،
|
Post: #6
Title: Re: البرونتاريا..يعنى شنو
Author: حاتم الياس
Date: 09-10-2012, 11:46 AM
Parent: #5
مايكون كلام زعل بس...!! عموماً شايفه اليومين ديل حايمة
|
Post: #7
Title: Re: البرونتاريا..يعنى شنو
Author: حاتم الياس
Date: 09-10-2012, 11:47 AM
Parent: #5
حذف
|
Post: #9
Title: Re: البرونتاريا..يعنى شنو
Author: تيسير عووضة
Date: 09-10-2012, 11:52 AM
Parent: #7
| Quote: مع علم أطراف المنازعة بين ضفتى العالم الأفتراضى بانى زول شفيف ومابستحمل الكلام الجارح والقاسى (بسيب المنبر طوالى).. |
دي حالة دي !
|
Post: #10
Title: Re: البرونتاريا..يعنى شنو
Author: قيقراوي
Date: 09-10-2012, 11:59 AM
Parent: #7
Quote:
شفت الفرق بينا وبينكم..أنتو فى التصاوير..ونحن فى الأشتقاقات والأصطلاحات!! وتقول لى برضو ماف عالم تالت اسفيرى..
|
من انتم!؟
لا بالجد كدا .. من انتم!؟
-------
"تأويل محوسب لكتاب الدين"
دي برضها عجبتني .. ؤ جداً
اما بعد .. بخصوص ما دار محور سؤالكم عنه، غايتو انا -ؤ ما عارف ليه- طوالي بسحبا جهة البرنويا!
خصوصاً اذا علمت يا رعاك الله وثقفك في علوم الخواص، يا ختمي، فانني قد سعيت لي مصطلحن من صكي وروايتي واخراجي، وقد عنعنته عن نفسي .. ونيابة عن عموم قبائل وافخاذ و بطون العوام في كافة مضارب اسافير الله وبطون الحواسيب المعولمة، وهو (البارنواياتاريا)
وديل قوم -صفوة- لكنهم شديدي الارتياب، ويجيدون الحفر عميقاً في نوايا الناس، وعارفين الدايرة العرس، والبسأل بقصد استقصاء الشمار .. اللخ اللخ من اللخ و الخمج دا!
شفت كيف؟
اشغلوا نفسكم بما يفيدكم .. دا شنو البؤس والفراغ الانتو فيو دا من الاشتغال بالعوام!؟
مش ياهو كلامك بهناك؟
الجرح والتعديل لرفع اللحن الذي لايجوز في حالة نحوي نحرير زيي كدا
|
Post: #8
Title: Re: البرونتاريا..يعنى شنو
Author: قصي مجدي سليم
Date: 09-10-2012, 11:51 AM
Parent: #3
| Quote: البرونتاريا يعني شنو ؟.. |
يعني:
أنام ملئ جفوني عن شواردها
ويسهر-أهل العقيدة-في عنقريبها ويختص
:-) :-)
---------------------------------
يا حاتم يا أخوي أول حاجة كيفنك وعساك طيب، ومشتاقين ليك
ثانيا انا شخصيا ما بثور بالهين ولا في فارغة
فللحلم أوقات وللجهل مثلها
لكن أوقاتي إلى الحلم أقرب
ويمكنك أن تبعثر في كثير من المتديات ستجد أن ثوراتي قد كانت في أمرين لا ثالث لهما إلا ثورة قديمة على شخص تطاول على دكتور ياسر بسب فرددت عليه بقول في نفسه.
ثورتي -بتشديد الياء- كانتا في أمر التدليس
وأحداهما في شأن التدليس الحسني
ولم يسطع أحد من غير أهل العقيدة أن ينقد متن كلامي ومحتواه
وكل ما سمعته من العقلاء هنا قد كان تقريظ لحسن من دون أن يباشروا أصل قولي
هذا ولتعلم أني ما أردت من ثوراتي حقا لنفسي وأإن كان العقلاء من غير أهل العقيدة قد أبوا نقاشي فإني عن نقاش أهل العقائد أرغب-بالغين يا حاتم ما بالقين للتأكيد على الفهم العقديالتعديلات للأعتذار عن الأخطاء لأني بكتب من الموبايل
|
Post: #11
Title: Re: البرونتاريا..يعنى شنو
Author: حاتم الياس
Date: 09-10-2012, 12:39 PM
Parent: #8
ياقيقراوى..زمان كنا شغالين فى حته كده وجات فيها موجة (شلح واستغناء من الخدمة شديده) فكان عندنا صاحبنا كل مايسمع بى زول شالوه..يقول (مع النسائم وبهدى ليك الاف تحايا) ..حتى لوثبتت صحة ترجمتك وتنقيبك بالبارنويا الخفيفة التى سببتها وهم أنى (كاتب خطير بجهة سودان فور أول) سوف أؤكد أن وجهة نظرى صحيحة..فى أنها تعنى أى البرونت..تاريا (شغيلة الأسافير)..يعنى ماتفسيرك بتاع الغوص فى النوايا..ودى خوفتنى جد أن يكون معنا فى هذه العوالم (شعبة تحقيقات عاطفية)..لأن فى كثير من كتاباتنا يصادفك قول شاعرنا السابق ...ومع النسائم وبهدى ليك آلاف التحايا
المهم فى الأمر ياصديق وكما قلت من قبل يبدو أن حسن موسى أصبح (زنانه) بضم الزا..للكثيرين ..,انت مثلاً وغيرك كان يمكنكم أن ترفعوا سقف النقاش لمستوى مفيد حتى ولو أخطأ حسن موسى ولكن يبدو أن ثمة تقسيم ما أعتسافى حدث وأنتم قبلتم به بين الموقعين الذين يفترض ان يساهموا فى رفد الحوار والنقاش العام فى البلد لنوع من التسليم الغريب بين مكان يتسم بالجدية وأخر متحرر منها..صفوى/شعبى بلامبرر...وكأن مهمتكم (أى بعضكم) هى تفريغ محتوى النقاشات الجادة ومسرحتها هزلياً...من حقكم نعم..لكن الى أى حد ومستوى يتم تبريره فى الواقع المعاش وبماذا سيفيد قضايا النقاش
المهم (حقتى ماحقت زول)...القصة دى كلها دايره شوف مختلف
|
Post: #12
Title: Re: البرونتاريا..يعنى شنو
Author: قيقراوي
Date: 09-10-2012, 12:57 PM
Parent: #11
Quote:
المهم (حقتى ماحقت زول)...القصة دى كلها دايره شوف مختلف
|
"البارنواياتاريا" غير " البر/ونيت/اريا الرثـّة" كما فككها الحداد الصكاها
-------
المهم لو اديتني الامان انك ما تطلب حذف البوست دا لأي سبب من الاسباب .. بنخش نوسوا
بالمرة نشوف مسألة الخلعة والارتياب من العوالم السايبر دي، هل هو جهل بها ول نزعات مادية اصيلة متجذرة!!
|
Post: #13
Title: Re: البرونتاريا..يعنى شنو
Author: Rawia
Date: 09-10-2012, 02:39 PM
Parent: #12
| Quote: مع علم أطراف المنازعة بين ضفتى العالم الأفتراضى بانى زول شفيف ومابستحمل الكلام الجارح والقاسى (بسيب المنبر طوالى).. |
إحنا مابنصدق تجينا بي جاي
البيدوس ليك على طرف أشر لي عليهو.
بس إنت أشر
|
Post: #14
Title: Re: البرونتاريا..يعنى شنو
Author: esam gabralla
Date: 09-10-2012, 02:55 PM
Parent: #13
محلسه و دهنسة الكبار شينه خلاص ... و أشنا لما تجى من زول شين و دشن زيك كده .... إخخخخي
|
Post: #15
Title: Re: البرونتاريا..يعنى شنو
Author: حاتم الياس
Date: 09-10-2012, 03:01 PM
Parent: #13
تسلمى ياراوية ياخ...
زى ماعارفة ناسكم هنا عندهم (جلافة أسفيرية)...لكن أهو حال الضواحى... الواحد محتاج زمن كده (للأدبتيشن)...
لكن عموماً الوضع مابطال...
مره اخرى اشكرك من صميم قلبى
حاتم...
|
Post: #16
Title: Re: البرونتاريا..يعنى شنو
Author: حاتم الياس
Date: 09-10-2012, 03:26 PM
Parent: #15
أهاااا...جينا للتجريح .. الما بيتناسب ابداً مع (أستايلنا)...شفتى ياراوية عنف البرونيت ..الفوق ده
--
بعد شوية يجوك ناس ملاسى واساسى الزى.. طلبة الكلية الحربية الملو التعلمجية راسهم أنو المدنيين ديل كرور ومتفلهمين على الفاضى ساى... وهم مركز الحجة والفهم والضبط والربط ....والواحد منهم راسمالو ...رسمه
---
قال الشاعر...برانا وبنعرف مستوانا
|
Post: #17
Title: Re: البرونتاريا..يعنى شنو
Author: Rawia
Date: 09-10-2012, 03:47 PM
Parent: #16
عصام دا تقول ليهو شين إنت دا
بس ماتزيد عليها
وعليك الله كلمتكم موضوع البوست دي ختوها لينا بالانجليزي
عشان نفهمها في الاول
|
Post: #18
Title: Re: البرونتاريا..يعنى شنو
Author: تيسير عووضة
Date: 09-10-2012, 03:53 PM
Parent: #16
| Quote: برانا وبنعرف مستوانا |
يا اللابس السكروتا
يا السايق التايوتا
أو كما قالت المخضرمة حوا لستك
ــــ
في زمتك يا سيدنا حاتم سواقة الحديد الألماني زي الياباني (والتاباني)؟
|
Post: #19
Title: Re: البرونتاريا..يعنى شنو
Author: اساسي
Date: 09-10-2012, 04:09 PM
Parent: #16
| Quote: بعد شوية يجوك ناس ملاسى واساسى الزى.. طلبة الكلية الحربية الملو التعلمجية راسهم أنو المدنيين ديل كرور ومتفلهمين على الفاضى ساى... وهم مركز الحجة والفهم والضبط والربط ....والواحد منهم راسمالو ...رسمه |
لا بالعكس انا محترمك جدا علي البوست دا وشايفك فيهو متسق مع نفسك جدا ولو كان في المنبر خاصية لايك لكنت عبرت عن اعجابي بالضغط علي لايك .
وهذا الاعباب باتساقك ليس عن فراغ يا حاتم , وتذكرت القصة التي لا املها ابدأ ولا امل ترديدها في المواقف المشابهة التي يقوم اصحابها بالاتساق مع انفسهم وما يؤمنون به ويجودونه حتي ولو اختلفت معهم , القصة التي اعنيها وكتبتها مرارا تحكي عن شيخ صوفي وقور في احدى نواحي القري السودانية , مر ليلا ومعه حواريه في احدى القري وتصادف ان كان هناك زواجا وفرحا وكان وسط ذلك الفرح دائرة لمغنيات بالدلوكة ووسط الدارة كان هناك شابا فعل بنفسه مثلما تفعل النساء حينما ارتدي الرحط ويظهر عليه انه قد قام بطقس الطابق البوخة ويرقص في تلك الدارة مثلما ترقص النساء بل ويتفوق عليهن , وقف ذلك الشيخ الوقور علي تلك الدارة وهو يشاهد الود يتمايل ويرقص بل وقام الشيخ بالتبشير عليه , هنا تململ الحواريين وهمسوا للشيخ : يا شيخنا الود " باطل" اجابهم خاابروا.... لكن البيعجبني انه الواحد لمن يمسك الشغلة ينجضها . والود الباطل دا نجض شغلته .
انتهت
لذا لا نري فلهمة ولا نراك كرور ساي بل زول عنده وجهة نظر وبنجض في شغلته
هذا مع الاختلاف في اننا لا نراك كما الود في القصة , ولكن نراك كقلم مدجن تكاكي بكل عزم ونحترم هذا فيك
|
Post: #20
Title: Re: البرونتاريا..يعنى شنو
Author: حاتم الياس
Date: 09-10-2012, 04:23 PM
Parent: #19
لابأس يا..أساسى حتى ولوقصدت حالة (الولد) لا(القلم) الطابق البوخه...والتى يبدو أنها حوجتك للذهاب لطبقات ألأولياء والصالحين سرداً طويلاً محكما ومهذبا...
لابأس...وسأعتبر (لايكك)..تبشيره تطرقع فوق رأسى...يامولانا اساسى
مع مودتى...وشبالي
---
|
Post: #21
Title: Re: البرونتاريا..يعنى شنو
Author: Rawia
Date: 09-10-2012, 04:42 PM
Parent: #20
حاتم بالمناسبة قاعدين يحننوني الزملا العندهم عضوية مشتركة هنا وهناك
ياخ والله أنا المواطنة الفيري هامبول راوية لا أطالبكم باي رد شرف ولا مكانة ولا عاوزاكم تثبتوا لينا أي شي
عيشوا حياتكم وإتهنوا
وماتشتغلوا بي كلام قصي ولستته الجابها ديك ولا حاجة
جني وجن إنه ناس يبقوا (باهتيييييييييين) بي سببنا
ياخ بوست حسن موسى الهسة وصلت مداخلاته 55 كلو شايفاهو (بنبي باستيل) لا فوشية لا مسخسخ
_______
في الرد الاخير كنت كاتبة انه أساسي قرررررب يبقى كاتبي المفضل في البورد -لعدة أسباب-
لكن مسحتها -مابريد أكبر ليهو راسو وهو غتيت شديد-
|
Post: #22
Title: Re: البرونتاريا..يعنى شنو
Author: Yassir Tayfour
Date: 09-10-2012, 05:42 PM
Parent: #20
يا حاتم تباً لك
|
Post: #23
Title: Re: البرونتاريا..يعنى شنو
Author: ناظم ابراهيم
Date: 09-10-2012, 07:03 PM
Parent: #22
(مطموس ) يعنى شنو
كلمه بسمعها من اهلنا معبره
وعجبتنى
|
|