Post: #1
Title: البلدوزر خرت سيدي!
Author: Ashraf el-Halabi
Date: 09-09-2012, 09:56 AM
واللاي صحي!
|
Post: #2
Title: Re: البلدوزر خرت سيدي!
Author: محمد البشرى الخضر
Date: 09-09-2012, 10:07 AM
Parent: #1
أسكت ساي يا حلبي
ختانا في كورنر عديل كدا
عزاءنا/ي انو كلّهم حزب أمة :) وكلو في صالح مشروع التغيير
|
Post: #3
Title: Re: البلدوزر خرت سيدي!
Author: Ashraf el-Halabi
Date: 09-09-2012, 10:21 AM
Parent: #2
| Quote: عزاءنا/ي انو كلّهم حزب أمة :) |
ما هو حكاية إنو الخرت سيدي برضو "ولدنا" دي الخلتني أفتح البوست
دون وجل أو خوف من الأحباب والحبيبات :)
Quote: ختانا في كورنر عديل كدا
عزاءنا/ي انو كلّهم حزب أمة :) |
يا عمك نون الأحباب دي شنو!؟
هو أنتا ليك في الجلابية رايح جاي!؟
|
Post: #4
Title: Re: البلدوزر خرت سيدي!
Author: محمد البشرى الخضر
Date: 09-09-2012, 10:37 AM
Parent: #3
يا حلبي مش في اصدقاء الحزب - يا قول عاطف
أو ناخبين - يا قول بشاشا :)
اها انا صديق و ناخب محتمل
|
Post: #5
Title: Re: البلدوزر خرت سيدي!
Author: Ashraf el-Halabi
Date: 09-09-2012, 10:45 AM
Parent: #4
| Quote: اها انا صديق و ناخب محتمل |
كان كدا أقع البلدوزر على ضمانتي، إنتا تكسب واحنا نكسب
لكن سيدي جليو
|
Post: #6
Title: Re: البلدوزر خرت سيدي!
Author: ahmed haneen
Date: 09-09-2012, 11:13 AM
Parent: #5
اها انا مراقب ساكت يا حلبي
لكن .. لعبة مبارك الحلوة ..
هو اختلف مع سيدي بادب..
ولسع باقي عشرة علي العشرة(بضم الميم)
|
Post: #8
Title: Re: البلدوزر خرت سيدي!
Author: Yassir Tayfour
Date: 09-09-2012, 11:30 AM
Parent: #6
| Quote: ولسع باقي عشرة علي العشرة(بضم الميم) |
يا أحمّد، الميم ذاتها وينها، خليك من ضمها؛) ؟
___
يا حلبي، مرة شفت أبوحتوت بالجلابية المقولبة؛ كنت مفتكرها إستايِّل، لكن طلعت منهّج ؛)
|
Post: #7
Title: Re: البلدوزر خرت سيدي!
Author: محمد البشرى الخضر
Date: 09-09-2012, 11:17 AM
Parent: #5
لا كدا ما بنفع
ما تغرك امور الأسافير دي لما يبقى الجد و الإنتخابات و كدا المصلحة تقتضي نسيان الخلاف و العمل يد واحدة
لكن لو لاقدّر الله الامور ما تيسرت
البلدوزر - ومحمد عادل - يدونا خاطرهم.. سيدي الإمام له محبة خاصة :)
|
Post: #9
Title: Re: البلدوزر خرت سيدي!
Author: محمد إبراهيم علي
Date: 09-09-2012, 11:33 AM
Parent: #7
| Quote: سيدي الإمام له محبة خاصة :) |
لي زمن شاكي في انصاريتك انت وملاسي لوووول
في محبة ظاهرة في كلامكم عنو (بعض الحب يعرف من المداخلات)
شكرا يا اشرف الخليت ود البشرى يبوح – على الاقل سيتجنب الحاق صفة (البؤس) به في اي ملف قادم لوووول
ملاسي رغم (البؤس) برضو بيحب الصادق المهدي
هذا وستظل ملاحظتي في حق ملاسي (ظنا لم يؤكد) وهو ظن غير آثم طبعا
سلام يا اشرف يا حلبي
|
Post: #11
Title: Re: البلدوزر خرت سيدي!
Author: محمد البشرى الخضر
Date: 09-09-2012, 11:43 AM
Parent: #9
يا ود ابراهيم الأنصارية شرف نسأل الله يرزقنا ياه بعد العمر دا - المافي شنو يا قول قيقرا
لكن المحبة من رب العالمين وما داسيها بس انت ما سألتني قبل كدا :)
ياخي هو البشير هيمسيلف وبي عمايلو في من يحبو
هي ماشي بعيد مالك أحمد موسى مش قال يحب نافع, تصوّر نافع !!
|
Post: #10
Title: Re: البلدوزر خرت سيدي!
Author: محمد البشرى الخضر
Date: 09-09-2012, 11:36 AM
Parent: #7
و بمناسبة الخرت يا حلبي
إن جيت للجد رضوان داوود خرتهم الإتنين و خرت الكثيرين غيرهم
يديه العافية
|
Post: #12
Title: Re: البلدوزر خرت سيدي!
Author: محمد عبدالرحمن
Date: 09-09-2012, 11:59 AM
Parent: #10
| Quote: سيدي الإمام له محبة خاصة :) |
المحبة شديدة انا انا ...
بالنسبة للجلابية الانصارية ...بالله ياطيفور كدى جربها
(بدون محبة) وشوف اناقتها واحكم بعد داك ..ماتحرموا
انفسكم اللبس الانيق ....
|
Post: #13
Title: Re: البلدوزر خرت سيدي!
Author: Ashraf el-Halabi
Date: 09-09-2012, 12:36 PM
Parent: #12
Quote: هو اختلف مع سيدي بادب..
ولسع باقي عشرة علي العشرة |
يا حنين ما تنسى ثقل الطائفة ودور الإمامة في الحزب
وما تنسى ثقل سيدي الطائفي (البلدوزر طبعا ما لوهش في حكاية الراتب دي) غالباً فكر إنو لو قطعوا ناشف مع سيدي حيخسر كتير
لكن برضو خت في بالك إنو البلدوزر عندو ميزة الشجاعة في اتخاذ القرار (دي هناك ببح) يعني لو حكمت حيدكها بي جوكرها :)
|
Post: #14
Title: Re: البلدوزر خرت سيدي!
Author: Ashraf el-Halabi
Date: 09-09-2012, 02:25 PM
Parent: #13
| Quote: يا حلبي، مرة شفت أبوحتوت بالجلابية المقولبة؛ كنت مفتكرها إستايِّل، لكن طلعت منهّج ؛) |
حكاية المنهج ما متأكد منها يا طيفور
لكن الأكيدة ما وصل مرحلة العقيدة وإلا كان في بوستاتو صرف لينا "يا لك من بائس" زي الترتيب
| Quote: يا أحمّد، الميم ذاتها وينها، خليك من ضمها؛) ؟ |
أسمع: حنين دا بيكون قاصد الـ (م) بتاعت (الميم) ذاتها :)
|
Post: #15
Title: Re: البلدوزر خرت سيدي!
Author: Ashraf el-Halabi
Date: 09-09-2012, 02:30 PM
Parent: #14
| Quote: على الاقل سيتجنب الحاق صفة (البؤس) به في اي ملف قادم لوووول |
لووول يا ود أبراهيم!
لكن لو ما جبر بخاطرنا وراهن على الحصان البريمو وخلى مباراة قلبو احنا الحنصرف ليو "يا لك من بائس" لمن يشبع :)
أخبار أستاذنا إيهاب شنو يا هندسة؟
|
Post: #16
Title: Re: البلدوزر خرت سيدي!
Author: Ashraf el-Halabi
Date: 09-09-2012, 02:33 PM
Parent: #15
يا بشرى رضوان طلع ما لوش حل
بساطة وتواضع وفهم
صراحة الود ينحب من قولة تيت
|
Post: #17
Title: Re: البلدوزر خرت سيدي!
Author: Ashraf el-Halabi
Date: 09-09-2012, 02:38 PM
Parent: #16
Quote: بالنسبة للجلابية الانصارية ...بالله ياطيفور كدى جربها
(بدون محبة) وشوف اناقتها واحكم بعد داك ..ماتحرموا
انفسكم اللبس الانيق .... |
يا ود أم نخيل ما قلنا حاجة
لكن رأيك شنو في البلدوزر بالكاجوال؟
تبارك الله!
رئيس حزب رئيس حزب، (من غير شحذ سند طائفي)
|
Post: #18
Title: Re: البلدوزر خرت سيدي!
Author: محمد عبدالرحمن
Date: 09-09-2012, 07:44 PM
Parent: #17
يااشرف ...
سادومبا لو لعب فى السودنة ام دقرسى زول بجيب
خبرو مافى ...لكن فى الهلال بتجيهو الباصات البينية
المقشرة من (سيدا) ...والجمهور ادى ربك العجب ...
البطولة تبقى بعد داك (تميرات فى راس فكى) ..لكن
فى السودنة ام دقرسى ببقى زيو وزى (بكرى منقلى) ...
عشان كدا انا بفتكر يظل فى تيمو الهلال ويتلزم
بتعليمات المدرب ويحافظ على لياقتو ....
|
Post: #19
Title: Re: البلدوزر خرت سيدي!
Author: Tragie Mustafa
Date: 09-09-2012, 08:04 PM
Parent: #18
كلام أشؤف الحلبي ده 100% صحيح
| Quote: البلدوزر خرت سيدي! |
لقاءات الحبيب مبارك المهدي بامريكا كانت مختلفه جدا من لقاءات الصادق المهدي
فقد قدم مبارك خطاب منسجم مع مواقفه المشرفه في الانحياز بصدق لنبض الشارع السوداني.
الصادق كان بيقدم خطاب متناقض قدام المعارضه بالخارج يعمل ابو المعارضه يدخل جواه يقدم خطاب مدجن
منبطج و مايع و مطبع مع الانقاذ.
لذا احتفلت المعارضه واحتفت بمبارك المهدي
وكسب ارضيات جديده واضاف المزيد لنفسه من مواقفه القويه.
داخل الاداره الامريكيه
لا خوف الناس من ناس كاودا
لا قال الخرطوم حتبقى كيجالي
قال نحن بنشتغل وحانتشغل حجل بالرجل مع رافقنا ب(كاودا)
وهذا لعمري كلام أمين ولا بديل عنه لاي سياسي سوداني يرغب في خير لهذه البلاد.
وكلامه ريح الامريكان وريح السودانين.
التحيه للبلدزور وهو يزلزل الارض تحت الانقاذين
والتحيه لكل رافقه الامينين من شرفاء حزب الامه.
|
Post: #20
Title: Re: البلدوزر خرت سيدي!
Author: Ashraf el-Halabi
Date: 09-09-2012, 09:26 PM
Parent: #19
يا بو حميد (سيدا) دا من ما قمنا ما شفنا جدع ليهو باص قون!
غير يعطل الكورة ما قعد يعمل حاجة!
بعدين سادومبا احنا ما عايزنوا يمشي السودنة
عايزنوا قبلو في الهلال دا، لأنو جمهور الهلال جمهور ما ساهل وسيدا معطله
أها (ساسا) دا لما تجيهو الفرصة ويمسك الكبتنية يورينا الإبداعات
|
Post: #21
Title: Re: البلدوزر خرت سيدي!
Author: Ashraf el-Halabi
Date: 09-09-2012, 09:43 PM
Parent: #20
سلامات تراجي
الأستاذ مبارك الفاضل بتاع (المغفور له التجمع) يختلف عن مبارك الآن
أيام التجمع مبارك كان عبارة عن ممثل الأمة في التجمع (يعني كادر حزبي فقط) جل همه كان منع اليسار من السيطرة على التجمع
مبارك بتاع الليلة سياسي راسو عديل
مبارك أدهشني في اللقاء بتاع بابكر حنين قبل الانتخابات في 2010
وأدهشني بقدرته على خلق علاقة ممتازة مع دولة جنوب السودان (قبل ما تتولد)
وأدهشني في نيو يورك
مبارك زول آكتيف خالص (بكون لعاب في الشطرنج) ونقلاته كلها هجومية والسماهو (البلدوزر) صدق
التحية للسيد مبارك وجماهير حزب الأمة ولا عزاء لسيدي (الداخل صندوق الحكومة بصرفتين)
|
Post: #22
Title: Re: البلدوزر خرت سيدي!
Author: عبدالله احيمر
Date: 09-10-2012, 09:20 AM
Parent: #21
| Quote: يا بو حميد (سيدا) دا من ما قمنا ما شفنا جدع ليهو باص قون! |
يا اشــرف
باص شــنو من ( ســيدا ) , دا حنو وجن الباصات بحب يحاور في منتصف الملعب و مرات
يرجع الكورة للحارس , اها مرات يخطفا الخصـم و يجيب قون و ترجع الكورة
لـ ( سـيدا ) يقوم تاني يحاور و يحاور و يسـتمر في المحاورة و الحـوار
يتواجد بكثرة في دائـرة الســنتر لا يفارقها
|
Post: #24
Title: Re: البلدوزر خرت سيدي!
Author: محمد عبدالرحمن
Date: 09-10-2012, 10:41 AM
Parent: #22
| Quote: يتواجد بكثرة في دائـرة الســنتر لا يفارقها |
دى ميزة ياعبدالله ...
الكورة نص ...الراجل بعمل التوازن المطلوب ..لانو
المسؤول الاول فى حالة الهزيمة..مسؤولية تاريخية..
ومسؤولية امام الجماهير التى يمثلها ....
|
Post: #23
Title: Re: البلدوزر خرت سيدي!
Author: ahmed haneen
Date: 09-10-2012, 10:40 AM
Parent: #14
يا شباب
انا قاصد الميم بتاعة العين .. قرقرقرقر
|
Post: #25
Title: Re: البلدوزر خرت سيدي!
Author: Ashraf el-Halabi
Date: 09-10-2012, 12:51 PM
Parent: #23
| Quote: ( سـيدا )يقوم تاني يحاور ويحاور و يسـتمر في المحاورة و الحـوار |
ولو كنت إنتا والقون يا ود إحيمر وقلت ليو باصي لي يقول ليك "في الأول أدوني تفويض"
|
Post: #26
Title: Re: البلدوزر خرت سيدي!
Author: Ashraf el-Halabi
Date: 09-10-2012, 12:57 PM
Parent: #25
صراحة يا ود عبد الرحمن لو ختيتوا لينا (سيدا) دا كنب ولعبتوا (سادومبا) براهو يكون أحسن
ياخي الصهاينة ديل حافظنو حفظ، وقادرين عليهو قدرة عجيبة!
|
Post: #27
Title: Re: البلدوزر خرت سيدي!
Author: Ashraf el-Halabi
Date: 09-10-2012, 01:03 PM
Parent: #26
يا حنين: بقراية الإضنين أنا شفتها (عين)
وقبل تنبيه طيفور ما أظن في زول شافها (ميم)
أبتفة (لأنو غتيت) بلاحظ الحاجات دي.... ههههه
|
Post: #28
Title: Re: البلدوزر خرت سيدي!
Author: محمد البشرى الخضر
Date: 09-10-2012, 01:04 PM
Parent: #26
يا حلبي الحكاية مش إرادة و خيار الجمهور؟
الجمهور عايز سيدا وكل مرة بجيبوا و يديه الكورة
واسي دي الجمهور يلقى فرقة تاني بجيب سيدا رغما عن جوطة الأسافير دي
|
Post: #29
Title: Re: البلدوزر خرت سيدي!
Author: Ashraf el-Halabi
Date: 09-10-2012, 01:17 PM
Parent: #28
يا بشرى المشكلة إنو (سيدا) لمن يمسكوه الكورة بحكمنا كلنا (جمهور على ما جمهور) ويضيعها!
فترنا ياخ!!
الله يرضى عليكم لعبوا لينا البلدوزر وأعيروا (سيدا) دا للنمور
|
Post: #30
Title: Re: البلدوزر خرت سيدي!
Author: محمد عبدالرحمن
Date: 09-10-2012, 01:28 PM
Parent: #29
ياحلبى ..
ساهلة ,, لو عايز توديهو ا لنمور واحتياطى كمان خلى
عمر عثمان يفتح ليهو بوست ...ليك على بكرة تلقاهو
قاعد فى كنبة الاهلى شندى ...والدليل على ذلك عبدالحميد
السعودى ...بوست واحد مرقو احتياطى فى اهلى شندى ....
|
Post: #31
Title: Re: البلدوزر خرت سيدي!
Author: Abdlaziz Eisa
Date: 09-10-2012, 01:30 PM
Parent: #29
Quote:
مبارك أدهشني في اللقاء بتاع بابكر حنين قبل الانتخابات في 2010
|
الاخ/ أشرف
سلام
في هذا اللقاء كان البلدوزر حاضرا بذهنية متوقدة..
أفحم حنين ووضعه في خانة المدافع..
كان بطل اللقاءات بلا منازع..
ومن اليوم داك خرت الامام وكل الرصة الموجودة..
الامام لو احترم نفسه وتنحى سيريح الكيان وكل السودان من الخرف المواقف المخزية..
تحياتي
|
Post: #32
Title: Re: البلدوزر خرت سيدي!
Author: محمد البشرى الخضر
Date: 09-10-2012, 01:39 PM
Parent: #29
يا حلبي لو كورتكم- تقرأ ديمقراطيتكم - نضيفة ح تشوف البحكمك فعلا هو الجمهور و خياره
لا تأخذ كلامي على محمل شخصي وتغضب لديمقراطيتك
لكن اصول اللعب النضيف كدا, خيار الجمهور هو الأصح دائما ولو كان خطأ - شفت كيف
انتو تقووّا نصكم و تجيبوا من يقنع الجمهور كما فعل و يفعل وسيفعل - بإذن الله - سيدا :)
_______________________________
ياخي من الإنفعال الكلام راح لي في النص احنا بنتكلم عن سيدا سيدا ولاّ سيدا سيدي ؟
|
Post: #33
Title: Re: البلدوزر خرت سيدي!
Author: Ashraf el-Halabi
Date: 09-10-2012, 05:21 PM
Parent: #32
Quote: ساهلة ,, لو عايز توديهو ا لنمور واحتياطى كمان خلى
عمر عثمان يفتح ليهو بوست ...ليك على بكرة تلقاهو
قاعد فى كنبة الاهلى شندى ...والدليل على ذلك عبدالحميد
السعودى ...بوست واحد مرقو احتياطى فى اهلى شندى .... |
لووووول يا بو حميد!
ياخي الكمندان احنا شايلنو للتقيلة (تفوير سيدي العجب الأصل)
عمر بعد رجع من الإعارة احنا قافلين إنو يكنب لينا سيدي التاني داك لمن يعيروهو للنمور
|
Post: #34
Title: Re: البلدوزر خرت سيدي!
Author: Ashraf el-Halabi
Date: 09-10-2012, 06:05 PM
Parent: #33
| Quote: كان بطل اللقاءات بلا منازع.. |
بالضبط يا عزيز
"ولدنا" قلبو حار وما بخاف من الكيزان
سيدي متهم البلدوزر إنو حركة شعبية، ما يقوم يسمع "ولدنا" دي يمرقه من الملة كلها
|
Post: #35
Title: Re: البلدوزر خرت سيدي!
Author: Ashraf el-Halabi
Date: 09-10-2012, 06:15 PM
Parent: #34
يا بشرى مرحب بسيدا لو جابتو صناديق الديمقراطية (حليل زمن صناديق الإقتراع المن غير خج!)
على كل هو أفضل سنة صغيرة من الجماعة ديل
| Quote: ياخي من الإنفعال الكلام راح لي في النص احنا بنتكلم عن سيدا سيدا ولاّ سيدا سيدي ؟ |
في السياسة عندنا أسيادنا (سيدي الإمام / سيدي أبو هاشم)
في الكورة عندنا أسيادنا (سيدا / العجب)
يا عمك يخيل لي العيب فينا احنا!
|
|