Post: #1
Title: قال عمرفارق..أكرم الهادي أثبت إنو إختيارالحضري للأسف هوإختيارصادف أهله
Author: وليد عبد اللطيف
Date: 09-09-2012, 06:46 AM
قال عمر الفاروق ... أكرم الهادي أثبت إنو إختيار الحضري للأسف هو إختيار صادف أهله..
صحي صحي
حارس يرجفك انت لاعب وانت متفرج
حارس ممكن يقتلك ويعمل ليك جلطه
نقول الحارس المعز شعيريه لكن اكرم طلع سكسكانيه ذاتو
ياخي دا قلنا ليهو امسك الكوره مسك لينا راس المدافع
|
Post: #2
Title: Re: قال عمرفارق..أكرم الهادي أثبت إنو إختيارالحضري للأسف هوإختيارصادف
Author: وليد عبد اللطيف
Date: 09-09-2012, 08:27 AM
Parent: #1
س سؤال المدرب مازدا كان لاعب باي خطه جماعة ؟
الدفاع بس زي اغنية ثناي الحتانه ... الصدير هبابه والدفاع كبكابه
ابدا لايصلح مصعب عمر لاعب مدافع للمنتخب ولا نجم الدين
اما وسط الدفاع مساوي وسامي زمنهم فارق شديد في ايقاع كل مباراه لازم تكون في جلطة
|
Post: #3
Title: Re: قال عمرفارق..أكرم الهادي أثبت إنو إختيارالحضري للأسف هوإختيارصادف
Author: جمال السنوسي
Date: 09-09-2012, 08:39 AM
Parent: #2
يا وليد
ياخ ما سمعت امبارح المذيع قال المعز عنده ملاريا
اتخيل كم لاعب زي المعز ده عنده ملاريا لكنها ما قوية
كم مواطن مات بملاريا
ياخ معقول
ملاريا في عام 2012
يعني الحضري ده لو جاتو ملاريا
ناس البطيخ ديل إلا يختو ليهم مكنة طوب
|
Post: #4
Title: Re: قال عمرفارق..أكرم الهادي أثبت إنو إختيارالحضري للأسف هوإختيارصادف
Author: وليد عبد اللطيف
Date: 09-09-2012, 11:50 AM
Parent: #3
ياجيمي .. سلامات
Quote: يا وليد
ياخ ما سمعت امبارح المذيع قال المعز عنده ملاريا |
ياخي عندي صاحبي ولدو جا شايل ليهو ملاريا من السودان يازولتعب تعب شديد
جروا بيهو مستشفى الاطباء المتحدون ياخي تخيل ماعرفو يعالجوهو كيف لان مابتعاملو مع المرض دا هنا
ربك ربك الخير عن طريق واحده كدا ما عارف جابو ليهو شنو يادوب حتين فتح يوم امس ومشو بيهو البيت
ياخي بدلنا انت عارف تسعة وتسعون في المئه عندهم ملاريا ومستحملنا بس
.
.
طيب ياجمال موش مفروض كان يلعب بالدعيع
|
Post: #5
Title: Re: قال عمرفارق..أكرم الهادي أثبت إنو إختيارالحضري للأسف هوإختيارصادف
Author: عمر الفاروق
Date: 09-09-2012, 12:22 PM
Parent: #4
وليد يا حبوب:
| Quote: طيب ياجمال موش مفروض كان يلعب بالدعيع |
وقال عمر الفاروق لماذا تم تجاهل لاعبي الأهلي شندي ..
مازدا بيجهز في لاعبي هلال مريخ وبحاول يحرج مدربي الفريقين الأجانب ويقول ليهم الوطني أفضل وأدرى من الأجنبي ..
|
Post: #6
Title: Re: قال عمرفارق..أكرم الهادي أثبت إنو إختيارالحضري للأسف هوإختيارصادف
Author: وليد عبد اللطيف
Date: 09-09-2012, 12:35 PM
Parent: #5
| Quote: مازدا بيجهز في لاعبي هلال مريخ وبحاول يحرج مدربي الفريقين الأجانب ويقول ليهم الوطني أفضل وأدرى من الأجنبي |
تخيل انا فكرت نفس تفكيرك دا اسمها مغارز ياعمر الفاروق
لكن والله العظيم فريقة دا حشو حشو اسماء فقط لو ملاحظ كل الناس دي تايهين
يوم امس ياخي هيثم مصطفى خلع منو ماعارف بباص قون سلمها للحارس في يده
.
.
مهند راقد سلطه
الباشا ساكي شنو ماعارف
الدفاع كله راقد برش على قول جعفرعبد الرازق الكوتش
الوسط التقول بجري في عجين على قول الكوتش سليمان عبد القادر مثل نزار حامد الذي تحدثت انت عنه سابقا وقلت عنه بطي
الهجوم بالله التقول مادنهم سوط جري جري بس
مهند الطاهر على قول المدرب صلاح ليبيا دا بمثل دا
اكرم الهادي سليم من يوم السبعه في الاردن ديك بقيت ما بتطمن ليهو
كاريكا ود شجاع وقلبو حار
العجب مافي كلام
هيثم سيدا
يعني لو ما العجائز الاتنين ديل كان الناس تشرب ماتروى ليوم الليله
|
|