اوركسترا التبر --- ضوء جديد

الدكتور كمال يوسف

الموسيقار والفلوتيست الجميل

وصاحب الروح المليانة سماحة وندى
والزول المشبع بالرؤيا والرؤية، بالبصيرة والإستبصار الما بنتهى
فى شئون وأمور الموسيقى

اشرق مجددا بخلق جديد وثلة مجيدة ومجيدة من الموسيقيين وقال

هاكم التبر

مجموعة متميزة، كل فى تخصصه، من الفنانين اصحاب هبة وموهبة حقيقية
وأهل دراية وعرفة بالمزيكا

وزى ما قالت الفنانة آمال النور

هم ومعاهم كمال عارفين عايزين شنو وبعملو فى شنو

ومع شروق كل ابداع جديد فى أفق المزيكا عندنا فى السودان
اول ما يخطر فى البال ويشغل الفكر هو مدى القابلية للإستمرار ومواصلة المتح والمنح والعطاء فى ظروف معروفة ومعلومة للمهتمين وحتى المتابعين من يعيد للفعل الإبداعى والفنى فى بلدنا

طوالى تجى قدام العين ومن جوه الذاكرة طيببة الذكر "السمندل" وما ادراك ما هى

كل الأمنيات ليك يا دكتور كمال
تلقى ان شاء الله الفى مرادك، وياهو والله الفى مرادنا نحن برضو

تطيب انت والمعاك وتتوفق بإذن الخالق الجميل العظيم

ونشوف نضارة ولمعان التبر
ونسمع تجلياتكم وابداعاتكم

وبإذن واحد أحد ما بتجيكم عوجة
طالماالشى وراه فكرة وحواليه رؤية وهدف سامق وسامى

مع التحية والمحبة وكل المنى الطيب
واهل