Post: #1 Title: الحوالي ... على التوالي ... حولا! Author: تبارك شيخ الدين جبريل Date: 09-07-2012, 08:09 PM Parent: #0
الحلية: من مصطلحات المزيكاتية للهبيشيات الطرفناملية الدبيبية التي تأتي قبل/اثناء/بعد لزمة صوتية أو لحنية مهمة في الغنية ..
غنى "محمد جزار" في قناة الشروق قبل دقائق "صباح النور عليك يا زهور" ... حيث تنتهي الاغنية (حسب توزيعه) بتلاشي الصوت وهو يردد "صباح النور عليك يا زهور" .. بينما تردد الكمنجيات "حليات" متتالية ترد عليه كل مرة ... بينما "الفرشة" الإيقاعية في الخلفية "تنقز" نقزاتها الرتيبة يتلوى حول رتابتها صوت بيانو اليكتورني بكوردات بلوزاوية (شبه أيمن الربعاوية) وجيتار إيقاعي خائن لمقامه الموسيقي دون أن يهجر زمن الإيقاع وبيز أبو رزين للصعاليك الفوضجية ديل ... هكذا ... إلى أن يتلاشى الصوت إلى صمت مطبق ... حلية ... تلو الحلية ...
حولا!
... المهم ...
Post: #2 Title: Re: الحوالي ... على التوالي ... حولا! Author: تبارك شيخ الدين جبريل Date: 09-07-2012, 08:26 PM Parent: #1
نسخة مختلفة عن الاغنية التي بثتها القناة ...
وقفنا ليكم التشغيل الاتوماتيك ... في الحقيقة نقلناهو لى تحت ...
... المهم ....
Post: #3 Title: Re: الحوالي ... على التوالي ... حولا! Author: خضر حسين خليل Date: 09-07-2012, 08:38 PM Parent: #2
وهات يا زمن
ــــــ تستاهل يا تبارك البوديك تحضر الشروق شنو
Post: #4 Title: Re: الحوالي ... على التوالي ... حولا! Author: رشا احمد Date: 09-07-2012, 10:23 PM Parent: #3
غايتو ..انتهيت منو الجزار دا!
----------
الشروق بتذكرني بي اتنين : الكيزان و حرس الجامعة و ناس أمن المجتمع (في كوتة واحدة) + حصة التاريخ
Post: #5 Title: Re: الحوالي ... على التوالي ... حولا! Author: حافظ انقابو Date: 09-07-2012, 10:31 PM Parent: #4
يا تبارك نحمد الله إنو في غنا أساسا الايام دي
بعدين يا عمنا ما قت لينا الاغنية البتقول صباح النور عليك زهور دي باثنها الساعة 12م ولا الحلقة معادة .. الحنك شنو؟
لو بقت سهرة مسجلة يبقى المنتج دا لازم يترفد
...المهم...
Post: #6 Title: Re: الحوالي ... على التوالي ... حولا! Author: تبارك شيخ الدين جبريل Date: 09-07-2012, 10:43 PM Parent: #5
Quote: بعدين يا عمنا ما قت لينا الاغنية البتقول صباح النور عليك زهور دي باثنها الساعة 12م ولا الحلقة معادة .. الحنك شنو؟
الشروق؟
بتسألني انا من جدول بث الشروق؟
طيب النقول ليك ... الشروق تبث على الهواء مباشرةً بمعدل عشرة دقائق كل تلاتة شهور ... من موقع المشاهد تبارك شيخ الدين جبريل ...
انت يا حافظ انقابو طاير ليك ولاّ شنو؟
(أيام الديموقراطية كان في جريدة حائطية في كلية الفنون اسمها "تحصيل حاصل" كان مكتوب فيها انها "تصدر فجأة"!)
... المهم ....
Post: #7 Title: Re: الحوالي ... على التوالي ... حولا! Author: رشا احمد Date: 09-07-2012, 10:56 PM Parent: #6
\"تصدر فجأة\"
ههههههههههههههههه ياخ دي جريدة تحفة و القائمين عليها دمهم شرباااات ...
Post: #8 Title: Re: الحوالي ... على التوالي ... حولا! Author: تبارك شيخ الدين جبريل Date: 09-07-2012, 10:59 PM Parent: #7
Quote: ههههههههههههههههه ياخ دي جريدة تحفة و القائمين عليها دمهم شرباااات ...
ليس لدي حق الكشف عن القائمين عليها ... ولكن ....
... المهم ....
Post: #9 Title: Re: الحوالي ... على التوالي ... حولا! Author: مرتضى احمد عبد القادر Date: 09-07-2012, 11:10 PM Parent: #8
الفيك إتعرفت يا تبارك خالي الفيديو المزعج دا يشتغل تلقائيا
البت الفي النهاية البتقول جميل دي نعلها جاده
Post: #10 Title: Re: الحوالي ... على التوالي ... حولا! Author: تبارك شيخ الدين جبريل Date: 09-07-2012, 11:23 PM Parent: #9
هذا الجزار محمد ... يسكن سكنة في بيت جيران معشوقته بنت أفكار المستمع ... فكلما خرجت بنت أفكار المستمع لافحة "مقام" الغنية لتكشح موية غسيل الحنين للمقامات الحقيبية بعبق الأصائل الأمدرمانية ... كان ذلك الجزار ("متفرقصًا في عتبة الدكّانِ" ... كما قال الشاعر) يجتر مقامات الغزل بنظرات خفية لذلك "الفستانِ" ...
(وانتو أمة حاقدة ... البوست دا اعجاب بالغنية شكيتكم على الله )
... المهم ....
Post: #11 Title: Re: الحوالي ... على التوالي ... حولا! Author: مرتضى احمد عبد القادر Date: 09-07-2012, 11:35 PM Parent: #10
غايتو الغنية الجبتها دي زي الراكوبة في الخريف
Post: #12 Title: Re: الحوالي ... على التوالي ... حولا! Author: مرتضى احمد عبد القادر Date: 09-07-2012, 11:45 PM Parent: #11
هناك اسمع محمد عثمان والجزار وشكرهم بالنيابة عني
Post: #14 Title: Re: الحوالي ... على التوالي ... حولا! Author: رشا احمد Date: 09-07-2012, 11:55 PM Parent: #12
(وانتو أمة حاقدة ... البوست دا اعجاب بالغنية شكيتكم على الله )
اها سمح و الشروق ؟ برضو ح تشكينا؟
ما T لاوووز يا تباركـ ^__^
بهدي ليك غنية قول النصيحة .. بصوت و توزيع و (حِلل) الجزار هيمسيلف .. تستاهل والله
Post: #13 Title: Re: الحوالي ... على التوالي ... حولا! Author: تبارك شيخ الدين جبريل Date: 09-07-2012, 11:50 PM Parent: #11
Quote: غايتو الغنية الجبتها دي زي الراكوبة في الخريف
كيف يعني؟ ... إذا كانت مسألة عدم ارتياح لسماعها لافتراض طريقة مثلى للتغني بها لم تتوفر عند محمد جزار فهذا حكم مجحف ...
أمّا إذا كانت بها عيوب غنائية وتطريبية واضحة ... فنرجو أن تفسّر لنا ماذا تعني بأنها "زي الراكوبة في الخريف"؟
فطريقة محمد جزار البديعة والمتفرّدة إنما هي إضافة لفخامة تاريخ هذه الاغنية الضاربة في عمق علاقتها بالوجدان السوداني ...
قول كلامك كامل عشان ننحرف بالحوار إلى حيث مستقرّك الوثير ....
... المهم ....
Post: #15 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 00:11 AM Parent: #13
Quote: هناك اسمع محمد عثمان والجزار وشكرهم بالنيابة عني
بلا إعلان انعتاق الأذن السودانية من مركزية معهد الموسيقى الغتست حجر ثقافتنا المحلية والعالمية ...
تعرف يا مرتضى ... انا اللفتني لى غنا محمد جزار في القناة ... إنو - كعادته الإبداعية المتهورة - طعن كل الفنانين في عمق فكرة عرض الغنا على الهواء مباشرةً ... بى إنو ممكن يكون موزع بى حرفية عالية وكأنو مجهز لتسجيل استوديو ... لاكين يتغنى حي على الهواء ...
الحركة دي بنشوفها عند الخواجات والناس الغناهم مكتوب أصلاً بى توزيع احترافي ... ما ناس "العدادات" الله يكرم "اغاني واغاني" ...
("اغاني واغاني" زاتها لو ما "طه سليمان" واحترافيتو العالية ... لا تطاق!)
... المهم ....
Post: #16 Title: Re: الحوالي ... على التوالي ... حولا! Author: محمد على طه الملك Date: 09-08-2012, 00:29 AM Parent: #13
شوف يا تبارك أنا ما عندي فهمك في الغنا .. بس لو البدلة Armani أو Boss .. تظل هي هي مين كان لابسها.
Post: #17 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 00:35 AM Parent: #16
Quote: شوف يا تبارك أنا ما عندي فهمك في الغنا .. بس لو البدلة Armani أو Boss .. تظل هي هي مين كان لابسها.
لاكين في ناس بيزيدوا البدلة وجاهة ... وفي ناس بتبقيهم زي "عريس الضهاري" البيتضهب في شارع النيل بى الحنة والعيون المكحلات ...
(والله لولا جمال الحب البيشع من عيون عرسان الضهاري المكحلين ديل؛ شكلهم لا يطاق بتاتًا بمعايير الموضة!)
... المهم ....
Post: #18 Title: Re: الحوالي ... على التوالي ... حولا! Author: محمد حيدر المشرف Date: 09-08-2012, 00:41 AM Parent: #17
انا كلامك الفى الأول داك ماعرفتو .. لاكن سمعت الزول ده فى الغنية دى بالتحديد .. هذا الجزار زول غناى بصورة ما عادية ..
... المهم .. تصدر فجاة دى الذ حاجه أسمعها قريب ده ..
Post: #19 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 00:54 AM Parent: #18
بتفق معاك يا تبارك الجزار موزع ما فيهو كلمة ومنجض شغلتو وبينفذ شغلو على الهواء بنفس الكفاءة البشتغل بيها لمن يسجيل في الإستديوهات طبعا هنا ما بحاسبو برداءة اجهزة الصوت بتاعة التلفزيونات والمسارح في كتير من الأحيان لكن مرات التوزيع بتاعو ذااتو في عضمو و بغض النظر في مهنيتو العالية في التنفيذ بكون ما سمح زي في صباح النور دي المزيكا ازعجتني وابت تديني فرقه استمتع بالغنية واللحن عموما الكلام دا لو نقاش عوام ساي تاني بقول ليك غنيتك الجبتها راكوبة في خريف لكن لو الشغل شغل معلمين مزيكا ببلع كلامي وبنسحب لعدم الكفاءة
انت المنبر دا ما منبر عوام ولا شنو !!؟ بقيتو تزرزرو لواحد كدا
Post: #20 Title: Re: الحوالي ... على التوالي ... حولا! Author: محمد حيدر المشرف Date: 09-08-2012, 01:05 AM Parent: #19
كما وأعجبتى هذه التسوية المعنوية الهائلة..
Quote: (والله لولا جمال الحب البيشع من عيون عرسان الضهاري المكحلين ديل؛ شكلهم لا يطاق بتاتًا بمعايير الموضة!)
Post: #21 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 01:14 AM Parent: #20
نتمادى في كلام العوام قبل ما تحسمنا كدي جرب اسمع الجزار كتير بعد اسبوعين تلاته بالكتير حتلقى روحك ما قادر تسمعو اها دا بكون من شنو ما تقدر تعرف غايتو انا اسبوع واحد وصلته لحقيقه مفادها إنو الغنية البتعجبك عند الجزار ما بتتسمع اكتر من مرة في الاسبوع بالكتير
Post: #22 Title: Re: الحوالي ... على التوالي ... حولا! Author: محمد حيدر المشرف Date: 09-08-2012, 01:28 AM Parent: #21
مرتضى !!
Quote: الغنية البتعجبك عند الجزار ما بتتسمع اكتر من مرة في الاسبوع بالكتير
انت بتسمع كم غنية فى الشهر ؟!
Post: #23 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 01:44 AM Parent: #22
Quote: انت بتسمع كم غنية فى الشهر ؟!
انجهني انجهني قول ما شاء الله يا دكتور انت قايل المنبر دا اسي لو مافي غنا لمحمود مصاحب ليهو كان بتقعد لي
Post: #24 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 01:58 AM Parent: #23
والله انا ما جاكي بيّ ... إلاّ ترى دكتور المشرف دا ...
ياخي نحن زاتنا "عوام" مع مرتضى دا ...
... المهم ...
Post: #25 Title: Re: الحوالي ... على التوالي ... حولا! Author: سلمى الشيخ سلامة Date: 09-08-2012, 05:05 AM Parent: #24
ياخي نحن زاتنا "عوام" مع مرتضى دا ...
عوام عوام ياسلام ياخ ما بنسمع بكسر الشين الزول دا صعب ياخ زى حلاقة اول الشهر قفلت الصوت رسمى عشان اقرا البوست
انت جادى ياتبارك ؟ الله يسامحك ويهدينى زى ما قال الغناى
Post: #26 Title: Re: الحوالي ... على التوالي ... حولا! Author: خضر حسين خليل Date: 09-08-2012, 07:36 AM Parent: #25
أنا والله العاجبني (حالياً) في البوست ده مرتضي أحمدعبدالقادر أي والله مورتا ده
باللاهي شوفوه بقي يحلل الموسيقي بشكل ممنهج كيف
Post: #27 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 03:57 PM Parent: #26
Quote: ياخ ما بنسمع بكسر الشين الزول دا صعب ياخ زى حلاقة اول الشهر قفلت الصوت رسمى عشان اقرا البوست
والله حسابي معاك بقى كلو كِسور ...
طبعًا فكرة غبية مني انو اجيب تسجيل فيهو مشكلة في الصوت لنقد اغنية ... وعشان خاطر اضانك الغالية يا سلمى ... جبنا ليك "حقيبة معاصرة" ...
(واعملي حسابك ... دي حقيبة معاصرة حتى في الموضوع! "يا ولهان - وفي رواية [يا ضهبان] - اظنك؛ تكون لاقيتها دابك")
... المهم ....
Post: #28 Title: Re: الحوالي ... على التوالي ... حولا! Author: سلمى الشيخ سلامة Date: 09-08-2012, 04:32 PM Parent: #27
صباح النور يا تبارك حاولت اسمع طلعت بالاتى انه الفنان محمد الجزار صوته انفى دا انطباع اولى التانى انه ينفع "مداح " حيث تتلازم فى المدائح "الطريقة الافقية فى الاداء لا يمشى اللحن سوى افقيا "كما فى اغنية الحقيبة حيث يقال ان اغنية الحقيبة طالعة من عباءة المدائح والله اعلم الصوت الانفى مشكلة وزى ما قلت ليك رغم جمال مارلين مونرو الذى ظل محل تقديس لغاية الان الا ان المخرجين كانوا يحجمون عن تقديمها فى الافلام لان ذاك مشكل اساسى فى صوتها رغم جمالها الفنان محمد جزار يعانى من نفس المشكلة الفنان دا بغنى من "انفه " وخشمو بكون فاتح " يعنى الصوت ما بقدر يطلع صاح خلينا نقول انه مجرب فى امر توزيع الحقيبة التى نحبها لكن عليه ان يفتح الدروب امام فنانين يمكن ان يغنوا وهو يوزع يكون خدم القضية خدمة "الزامية " لاحد لها وشكرا لاتاحة الفرصة
Post: #29 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 09:14 PM Parent: #28
بمناسبة الحقيبة المعاصرة
Post: #30 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 09:32 PM Parent: #29
Quote: عليه ان يفتح الدروب امام فنانين يمكن ان يغنوا وهو يوزع يكون خدم القضية خدمة "الزامية " لاحد لها
سلامات سلوم اعتقد انو الجزار طارح روحو موزع و مهندس صوت اكتر من انو مغني لانو سمعته غنا كتير موزعو الجزار بغنوهو فنانين شباب زي (محمد عثمان، مجاهد عثمان، عمر فقيري، الشاب أمير، حسين الصادق، أحمد الصادق وشكر الله) .. عارفة المشكلة الحسيته عند كتير من الشباب البغنو اغاني من توزيع الجزار بتروح ليهم طريقتهم الخاصة في الغنا وبيغنو بنفس طريقة الجزار في الغنا
عليك الله كدا كيف يا خضر :)
Post: #31 Title: Re: الحوالي ... على التوالي ... حولا! Author: سلمى الشيخ سلامة Date: 09-08-2012, 09:36 PM Parent: #30
عارفة المشكلة الحسيته عند كتير من الشباب البغنو اغاني من توزيع الجزار بتروح ليهم طريقتهم الخاصة في الغنا وبيغنو بنفس طريقة الجزار في الغنا
كلامك صاح يامرتضى لانى سمعت حسين الصادق بغنى بنفس الطريقة امكن لكن محمد الجزار بغنى من انفه ودى مشكلة حقو يلاحظا صعبة الفكرة "البيك جمعتنا "
Post: #32 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 09:44 PM Parent: #29
Quote: بمناسبة الحقيبة المعاصرة
تشكر يا مورتا على هذه الدرّة الحقيبية الما ليها تمن ...
رحم الله "أمي فاطنة" ... فقد توفيت قبل تلحين وتوزيع هذه الاغنية المجزولة .... إذن لرقصت طربًا حين سماعها ...
(ومحمد جزار يا سلمى يقف وراء الكثيرين من شباب "الحقيبة المعاصرة" هؤلاء ... بفكرة ألمعية لموسيقانا المستقبلية)
... المهم ....
Post: #33 Title: Re: الحوالي ... على التوالي ... حولا! Author: محمد البشرى الخضر Date: 09-08-2012, 09:59 PM Parent: #32
والله يا تبارك انا من امس ماسك روحي بالقوة ما عايز أخونا العزيز Isa يفتكرني متحامل على الجزار وكدا لكن غلبني كدي اسمع السكج بكج - ياقول حموودي - و ادي ربك العجب
التمتم مع الحليات المنلاحقة في تطريب الصوت ...انا اللاقيتا أول ....وووووب علينا غني بتسكر ...
أول مرة اتفق مع تبارك شيخ الدين في (طرح) ما....
انعتاق الأذن السوداني من كلاسيكيات معهد الموسيقى دي ما بتفق معاها أفتكر هو تطور منطلقو الأول كان ما أعده معهد الموسيقى للأذن السودانية وهي الاذن السودانية ذاتا لى حسة مدورة في اللحن القديم والأغنية القديمة وانا برضو بشوفا ظاهرة صحية ظاهرة الريسايكل دي
لمن الأغنية القديمة تنجض في الاجتهاد ياهو بجوا ناس الجزار ديل وفرقة النيل وناس تاني حلوين كده بغنوا غنا سوداني مع راب ...والله تجارب جميلة ومحطرمة ...
يعني فنانيننا الزمان كنا بنحبهم حسة الواحد لو عمل ليك غنية وبديت تسمعها طوالي تتذكر انه (قفاك أعوج) وماشي تتم شغلك لكن غايتو الليلة الجزار ده قعدني عديييييل كده لما سمعت أنا اللاقيتا اووووووووولللللل دي
والله أعلم ...(كذب المنجمون ولو صدقوا) ....
طبارك انت وين؟
Post: #35 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 10:44 PM Parent: #34
وهذا الفيديو إهداء للحزامي الجهيني صهيب حامد ...
... المهم ....
Post: #36 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 10:58 PM Parent: #35
ود البشرى ما ممكن بغنية واحدة نحكم على الجزار، و تقيم عمل ما ممكن يتعمم على كل الاعمال والقصة ما الجزار براهو حتى لو كان الجزار هو الاكثر انتاج وشهرة في شباب تانين شغالين بعملو في حاجات جديدة وفريدة و النجيضة في ثورة على المزيكا السودانية التقليدية واثناء الثورة دي الشباب ديل حينتجو غنا يتهضم للمستمع وغنا ما حيتهضم و مصير الثورة دي شنو لسه ما معروف
دا مثال تاني لي ملحن وموزع اسمو هاني كتو
عمر فقيري وليزا شاكر
شبكة
Post: #37 Title: Re: الحوالي ... على التوالي ... حولا! Author: مرتضى احمد عبد القادر Date: 09-08-2012, 11:13 PM Parent: #36
الواحد حاسي انو بقى لايوق بس دا آخر فيديو يا تبارك اهداء لسلمى الشيخ لانو قبل سنة عجبته غنية عزيزدنياي بصوت عمر فقيري في قعدة بي بيانو بعزف عليهو الجزار فدا عمري فقيري تاني في قعده بغني (عاطفة وحنان) وبعزفو عماد ببو (قدس الله سره) - محمود كرار - كولا
Post: #38 Title: Re: الحوالي ... على التوالي ... حولا! Author: تبارك شيخ الدين جبريل Date: 09-08-2012, 11:35 PM Parent: #37
Quote: وبعزفو عماد ببو (قدس الله سره) - محمود كرار - كولا
أبو المرتجى؟
صحي قدّس الله سره ... وجهره ظاطو ....
... المهم ....
Post: #39 Title: Re: الحوالي ... على التوالي ... حولا! Author: Tumadir Date: 09-09-2012, 00:10 AM Parent: #38
Post: #40 Title: Re: الحوالي ... على التوالي ... حولا! Author: تبارك شيخ الدين جبريل Date: 09-09-2012, 04:51 PM Parent: #39
.
Post: #41 Title: Re: الحوالي ... على التوالي ... حولا! Author: مرتضى احمد عبد القادر Date: 09-10-2012, 01:34 PM
الفيديو الجابتو تماضر ديل (سودانز باند) و في (فرقة السودانين) البغني فيها الجزار اعتقد انهم كانو فرقة واحدة زمان وانقسمو على اتنين واحدين شالو الإسم بالعربي و واحدين شالو الاسم بالإنجليزي عموما الفرقتين لاقين قبول من المستمع مع انو شكل الموسيقى جديد وحتى الأغاني المسموعه الأعادو توزيعه التوزيع االجديد مهضوم للمستمع وفي هايبرد باند برضو و الثورة مستمرة
في فرقة سودانيل بس موسيقتهم بتشبة ناس المعهد فما حيقسمو معاك يا تبارك
Post: #42 Title: Re: الحوالي ... على التوالي ... حولا! Author: تبارك شيخ الدين جبريل Date: 09-10-2012, 06:26 PM Parent: #41
طبعًا فرقة السودانيين أو سودانيز ساوند أو سودانيز باند هي في مجملها فكرة واحد طويل متسلسلة ذات تاريخ نضالي طويل ضد هذا الصرح الجرح المسمى معهد الموسيقى والمسرح ...
نادر السوداني اكتسب اسمه من الإنتماء للفرقة في جيلها الأول المؤسس في أوائل السبعينات (بعد معهد الموسيقى الفيهو انعرفت!) ... وهو عضو في هذا المنبر ويستطيع أن يأتي لنا بالوقائع التاريخية حين كانوا ينافسون وليام اندريا والبلوستارز وفرقة جاز العقارب وشرحبيل احمد والجيلاني الواثق وكمال كيلا في إحياء ليالي أندية الخرطوم الليلية حين كانت جنة العشاق التي يتغنى لها الأجانب "يا جمال النيل، والخرطوم بالليل" ...
فقد تركت السودان في تسعينات القرن الماضي وأنا أردد أن الكاشف هو ملك الغناء الحديث في الماضي ... ومحمود عبدالعزيز هو ملك الغناء الحديث في الحاضر ... وشرحبيل احمد هو ملك الغناء الحديث في الماضي والحاضر والمستقبل ... (كل هذا قبل انبعاث عنقاء فرقة السودانيين والتي تركت فكرة إحيائها حلم يراود ممدوح طاهر فريد وغاندي احمد رجال والموسيقار المرحوم أحمد تاور ... أيضًا كان موقفي هذا قبل سطوع نجم الموسيقار طه سليمان!)
فالفكرة كانت تراود الكثيرين المثيرين من مطاليق الغنا وهمباتة الشجن الخفي المدسوس في طرب المقامات الشجية ... ولا زالت ...
في هذا السياق أتتنا نوبة هؤلاء الشباب يتغنون "لالوبة يا خدامها الليل بجيب كلامها النوم بقالي ملامة" بصوت شبكة وصوت نسائي جميل لا أكاد أميزه يغنونها في "برلمان كافى" ... وهي على ما اعتقد من توزيع محمد جزار أيضًا ... فقابلت زفتهم كيتة من سبقوهم في طريق القوم فكانوا جمالاً على جمال ....
... المهم ....
Post: #43 Title: Re: الحوالي ... على التوالي ... حولا! Author: تبارك شيخ الدين جبريل Date: 09-10-2012, 06:31 PM Parent: #42
هذا أهديّ إلينا زي ما قال الراجل ... (فهلا جلس في بيت أمه وأبيه، فينظر أيهدى له أم لا!)
دي قلنا نشغلها اتوماتيك للصفحة دي ... هههههه
... المهم ...
Post: #44 Title: Re: الحوالي ... على التوالي ... حولا! Author: تبارك شيخ الدين جبريل Date: 09-10-2012, 08:44 PM Parent: #43
وأهديناها بدورنا إلى "عشة طيور" عبر الفيسبوك ...
لاكين يا هناي الفيك انعرفت ....
... المهم ...
Post: #45 Title: Re: الحوالي ... على التوالي ... حولا! Author: سلمى الشيخ سلامة Date: 09-10-2012, 10:00 PM Parent: #44
....
Quote: طبعًا فرقة السودانيين أو سودانيز ساوند أو سودانيز باند هي في مجملها فكرة واحد طويل متسلسلة ذات تاريخ نضالي طويل ضد هذا الصرح الجرح المسمى معهد الموسيقى والمسرح ...
نادر السوداني اكتسب اسمه من الإنتماء للفرقة في جيلها الأول المؤسس في أوائل السبعينات (بعد معهد الموسيقى الفيهو انعرفت!) ... وهو عضو في هذا المنبر ويستطيع أن يأتي لنا بالوقائع التاريخية حين كانوا ينافسون وليام اندريا والبلوستارز وفرقة جاز العقارب وشرحبيل احمد والجيلاني الواثق وكمال كيلا في إحياء ليالي أندية الخرطوم الليلية حين كانت جنة العشاق التي يتغنى لها الأجانب "يا جمال النيل، والخرطوم بالليل" ...
فقد تركت السودان في تسعينات القرن الماضي وأنا أردد أن الكاشف هو ملك الغناء الحديث في الماضي ... ومحمود عبدالعزيز هو ملك الغناء الحديث في الحاضر ... وشرحبيل احمد هو ملك الغناء الحديث في الماضي والحاضر والمستقبل ... (كل هذا قبل انبعاث عنقاء فرقة السودانيين والتي تركت فكرة إحيائها حلم يراود ممدوح طاهر فريد وغاندي احمد رجال والموسيقار المرحوم أحمد تاور ... أيضًا كان موقفي هذا قبل سطوع نجم الموسيقار طه سليمان!)
فالفكرة كانت تراود الكثيرين المثيرين من مطاليق الغنا وهمباتة الشجن الخفي المدسوس في طرب المقامات الشجية ... ولا زالت ...
في هذا السياق أتتنا نوبة هؤلاء الشباب يتغنون "لالوبة يا خدامها الليل بجيب كلامها النوم بقالي ملامة" بصوت شبكة وصوت نسائي جميل لا أكاد أميزه يغنونها في "برلمان كافى" ... وهي على ما اعتقد من توزيع محمد جزار أيضًا ... فقابلت زفتهم كيتة من سبقوهم في طريق القوم فكانوا جمالاً على جمال ....
)