(حسن ) والطير

هههههه
كان سى حسن بتاعكو دا مستعومني (من عوام) أنا مستطيرو ( من طير) .
يتبع ....

طلحة عبد الله

حسن والطيرُ

الضمة دي وديتها وين ؟

وبالمناسبة يا باشمهندس بكري الأخ محمد الحلو صاحب الكاركاتير الفوق رأس المنبر
دا معرفة قديمة (اتشرف بذلك ) وهو راجل رسام كاركاتير بحق وحقيقة مش زي رسام الطيور
دا وصدقني لو أديتو عدة معانا هنا تاني جنس حسن ما يقدر يقول فينا تلت التلاتة كم .
أسمع كلامي يا ريس وجيب الحلو محمد هنا دا وسيب الباقي عليهو وعلى الله ..
يتبع .....

يا تلب
أنا الواو الكبيرة البعد حسن دي ما كتا عايز أجيبا كمان عايزني أعمل واو صغيرة وضمة؟
على رأي المثل ........
يتبع ..

يَمامَةٌ كانَت بِأَعلى الشَجَـرَه آمِنَـةً فـي عُشِّهـا مُستَتِـرَه
فَأَقبَـلَ الصَيّـادُ ذاتَ يَـومِ وَحامَ حَولَ الرَوضِ أَيَّ حَـومِ
فَلَم يَجِد لِلطَيـرِ فيـهِ ظِـلّاً وَهَـمَّ بِالرَحيـلِ حيـنَ مَـلّا
فَبَرَزَت مِن عُشِّهـا الحَمقـاءُ وَالحُمـقُ داءٌ مـا لَـهُ دَواءُ
تَقولُ جَهلاً بِالَّذي سَيَحـدُثُ يا أَيُّها الإِنسانُ عَـمَّ تَبحَـثُ
فَاِلتَفَتَ الصَيادُ صَوبَ الصَوتِ وَنَحوَهُ سَدَّدَ سَهـمَ المَـوتِ
فَسَقَطَت مِن عَشِهـا المَكيـنِ وَوَقَعَت في قَبضَـةِ السِكّيـنِ
تَقولُ قَـولَ عـارِفٍ مُحَقِّـق مَلَكتُ نَفسي لَو مَلَكتُ مَنطِقي .
أحمد شوقي
يتبع ..........

إمتحان الكيمياء
مادة العربي
1/ أعرب :

Quote: تَقولُ قَـولَ عـارِفٍ مُحَقِّـق مَلَكتُ نَفسي لَو مَلَكتُ مَنطِقي

2/ أعرف وجه الشبه بين الطيرة اللى هي اليمامة وحسن الذي طلع الشجرة
وجمع البيض ونزل ثم بعد شوية ضميرو أنبو فطلع تاني ورجع البيض
مكانو ونزل تاني كما ورد في كتاب المطالعة .
3/ لماذا لم يفكر حسن من البداية قبل أن يتشالق ويطلع ينزل البيض كما
إتشالقت الطيرة اللي هي اليمامة وعملت فيها عايزة مصلحة الصياد ؟
4/ يا تري لو كل طيرة عملت اللي عملتو اليمامة وكل حسن عمل اللي عملوا حسن
بتاع البيض فهل سيفضل طير طاير أو بيض حائم (أجب بلا أو لا ) .
5/ إستخلص أكبر عدد من الدروس المستفادة من قصة حسن والطير وأكبر عدد
ممكن من الدروس المستفادة من قصة الطيرة اللي هي اليمامة .
لا جوائز ولا بتيخ ومن يأنس في نفسه المعرفة فليحتفظ بالاجابة لنفسو لأنو نحن
ما ناقصين الله لا يسىء الجميع ..
وشكرا .

يعجبني فيك اى موضوع عندك فيهو تنظير ..

بقيت صلاح غريبة الا شوية في المنبر ده- حسب كلام ود البشرى -

ود القاضي العارف أية حاجة في أية حاجة
إتا بس طوالي شايل طارك دا وتنقز وراء الشيوخ ؟؟
كلامك لي دا مش ياهو ذاتو الكلام البقول ليك فيهو من عشرمية
سنة قبل الميلاد واللا إتا لحنتو وعملت ليهو موسيقي تصويرية يعني ؟
جيب حاجة من عندك ياخ لأنو خلاص فلستو بي إتا وود البشرى بتاعك دا..
كل ما أبتكر وإبتدع الجديد المبتكر تكاوشو عليهو في غمضة عين وضمير .
ديل شنو البتاعين ديل ياخ .