17 مليون امريكي يعانون نقص الغذاء .......

اذا كان دي الدولة العظمى بها هذا العدد من الجياع

معناها نحن مفروض نكون عايشين على الزغنبوت كغذاء رئيسي

اللهم ادمها نعمة واحفظها من الزوال

وبارك لنا في قائدنا الرمز عمر البشير

وبطانته

ههههههههههههههههه
سلامات يا قريبنا

ود عمي سيف النصر

حاول اتخارج سريع قيل ما تدخلوا مرحلة الانيميا

خارج روحك

الموضوع ده في واحد من جماعتك جابو قبال كده و الجماعة وروهو الحساب و الجرد و معني الكلام ده شنو.
عموما فرصه ثانية لمن فاتهم الفرصة الاولي

السنة دي كمان مع الانبهال المطري العم كل ارجاء الوطن

سيكون الموسم الزراعي موسما متميزا كما ونوعا

اللهم بارك لنا في غرسنا وفي حصادنا

ما يسمونه "نقص الغذاء" في الولايات المتحدة يعتبر بمقاييس السودان "ترفاً "غي متوفر لمعظم مو اطني السودان ومن يتمكن من الوصول إليه فهو " سعيد "

ما يسمونه "نقص الغذاء" في الولايات المتحدة يعتبر بمقاييس السودان "ترفاً "غي متوفر لمعظم مو اطني السودان ومن يتمكن من الوصول إليه فهو " سعيد

هاني

يا زول والله في احياء في امريكا دي المواطنين قاعدين

على عجل الحديد

Quote: سيكون الموسم الزراعي موسما متميزا كما ونوعا

إت قايل الموسم الزراعي مطر بس؟؟
وين المشاريع والإدارة والجاز وخلافه....

باقي لي فهمك ما أتطور من زمن السلوكة.....


ونشكر المواطن على حسن سلوكة.....


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

محجوب

لو كنت من سكان امريكا

حاول اتخارج سريع

انا يتخيل لي نقص الغذاء لو مشى على نفس الوتيرة دي في امريكا

يلزمنا ارسال اغاثة لهم

غايتو الما شاف دينق مدور ( سخينة ) وقرقوش لوموني

البوست ده، مواصلة لبوست السيدح:

العالم يموج من الغلاء و اهل السودان في بحبوحة من العيش

ابو الريش

ربنا سبحانه وتعالى خلى قارون اباطو والنجم

ما قادر يخلي امريكا جيعانة

مستغرب في شنو


وشكرا

باوقة,
يا اخوى, المقايس بتاعهم لو طبقت فى السودان, انت و البشير بتكونوا فى اللستة. المسالة تتعلق بالمقادير اللا ممكن تتبع و لكن معظم من يعانون سؤ التغذية فى اميركا هم الطبقات العليا و المتمكنة و خاصة الشباب . و السسبب انو بيجوعوا انفسهم علشان ما يسمنو او يقعدو ياكلو فى خس و عجور و تفاح بس. اميركا بلد بدانة و السمان هم فى الغالب الفقراء و علشان كدى انو معظم من يعانون هذه المشكلة هم السود و اللاتينين, و لكن نسبة البدانة مرتفعة جدا عند البيض فى الولايات الفقيرة مثل برجينيا الغربية, مسيسيبى, لويزيانا و الاباما و اركنساس و اوكلاهوما... يعنى, نحن الافارقة داخلين فيها لان ثقافتنا فى عدم الافطار و تناول وجبة واحدة كبيرة بسبب مشاكل, حتى لو ما عندك شغل و عاش فى الشارع العام لسبب ما, فمن المستحيل ان تجوع فى البلد دى يا اخوى, قرون حتى تقتربوا من اميركا,

Quote: 17 مليون امريكي يعانون نقص الغذاء ....... اذا كان دي الدولة العظمى بها هذا العدد من الجياع معناها نحن مفروض نكون عايشين على الزغنبوت كغذاء رئيسي

يا ود الباوقة كنت داير اديك راسك في نوع الكلام القاعد تلفحه بلا فهم دا...لكن لمن اتذكرت إنه سقف مستواك التعليمي هي المرحلة الثانوية العامة (سابقاً) في السودان، ياااا أبو عدي، تأكدت إنك ما حا تفهم .
مرمي الله ما بترفع!!

ود الباوقة

الله كريم

كم مليون ماعندهم غذاء عديل في السودان ياود الباوقة

برنامج العون الغذائي الامريكي هو ما أنقذ مسلمي دار فور من الهلاك جوعا منذ أيام الحاج ريقان واظنو لسة داعك , فإذا صح ما تقول عن مجاعة 17 مليون

أمريكي فهل هذا من باب ويؤثرون على أنفسهم ولو كان بهم خصاصة ( كما فعل البشير عندما اغاث مصر ب5000عجل)؟

Quote: ما يسمونه "نقص الغذاء" في الولايات المتحدة يعتبر بمقاييس السودان "ترفاً "غي متوفر لمعظم مو اطني السودان ومن يتمكن من الوصول إليه فهو " سعيد

ياجماعة الكيزان ديل ما بقول ليهم كلام زى دا الناس ديل بعد يوم طويل من الشغل والجرى والتعب تجى المنبر العام تتسلى بس وتضحك وتمشى تنوم زول قال ليك

القعونج بقول الله اكبر والقرد بفجر بحارب الجنوبين والنوبة وما تعرف السحاب نقط ليهم قراصة بى ملاح مفروكة .. تجى انته تقول ليه عالم اول وترف وحقوق انسان
ومترو انفاق كوكب المريح

ا

Quote: السنة دي كمان مع الانبهال المطري العم كل ارجاء الوطن سيكون الموسم الزراعي موسما متميزا كما ونوعا اللهم بارك لنا في غرسنا وفي حصادنا

ود الباوقة المجاعة التلحقك الرقدو
اها خلى القرود النططت قدامكم وفجرت الالغام فى حرب الجنوب
تجيب معاها مدخلات الانتاج، بذور واسمدة وجرارات وحصادات وتجى تزرع
باقى ناس المتعافن بقوا يجيبوها فاسدة ومنتهية الصلاحية وغالية وافسدت
حتى الارض وبقت فى مشكلة نفايات كيمئية كمان..
غايتو يا ود الباوقة انا ماشى افتح لى بوست بتكاليف عرس وسن ربنا
يهنيها فى بلد الخير السودان..
اركز يا باوقة،،،،،،

الأخ الكريم ود الباوقة
سلام عليك وعلى المتداخلين
نحن ناس ما زرنا امريكا ولكننا نراقب من البعد ونتابع أخبارها وما يصدر عنها يوم بيوم وقد نكون كالذي يعيش على
أرضها من شدة متابعتنا ما يجري فيها.
هذه البلاد وما يجري فيها لا يقف عندها فقط ولكنه يؤثر على كل بقاع الدنيا بدرجات متفاوتة
يعني بالعربي البسيط كده " what happens in america does not remain in america "
لقد ذكرت أن هناك 17 مليون يعانون نقص الغذاء ولعل الصحيح أن هناك عدد كبير من الامريكيين يعيشون قرب خط الفقر أو على خط الفقر
وخط الفقر هو الحد الذي يمكن معه تلبية الحاجات الأساسية يعني إذا ما نزلت تحته فإنك لا تستطيع تلبية الاحتياجات الأساسية
وهي معروفة بالضرورة.
خط الفقر في الولايات المتحدة يختلف من ولاية إلى أخرى ولكن هناك معدل عام أي متوسط وهو فدرالي يمكن القياس عليه
وهو يبدأ بتحديد خط الفقر للفرد الواحد (يحسب على أساس أسعار سلة من السلع والخدمات) وهو لا يقل عن 11 ألف دولار أو 21 ألف دولار لأسرة مكونة من 4 أفراد و على ذلك قس.
هذا من ناحية اما من الناحية الأخرى فهذه البلاد لديها أنظمة أخرى لمعالجة توابع الفقر أو فقدان الوظيفة يعني وسائل أخرى للتكافل
فضلا عن نظام الرعاية الاجتماعية والصحية والتأمين على العلاج والفرص الكثيرة المتاحة امام الناس الطموحين لكي يكون شيئا في المستقبل.
وفوق كل هذا وذاك القانون الذي يساوي بين الناس جميعا.
التحية لك مجددا
ولأخواننا المتداخلين وصححونا يا بورداب الولايات المتحدة وعذرا على اقتحام دياركم.
أخوكم

العنطج بوقشن

غايتو كل يوم بتثبت لى انو ماعندك طايوق

خلينى انزل لمستوى طايوقك دا اذا وجد

تبا لتواضعى ياخ

امريكا فيها 300 مليون نسمه يامنسم انت , يعنى شنو 17 مليون مالاقين غذاء ؟

انت عارف ال17 مليون ديل يكون بس نقصت الباسطه فى الاكل بتاعم بمقدار طايوقك دا

قوم لف ولا اقول ليك خليك قاعد فى محلك ولف

الناس البيعانوا من نقص الغذإ و المواد التموينيه الحكومه بتوفرها ليهم عشان ما يجيهم سؤ تغذيه. بتوفر ليهم حصص بروتينات و خضار و فاكهه. تونه و فاصوليا و عدس و تفاح و فراوله بس بيشتروها بكبونات او كروت تموين.

ود الباوقة
إن لم تستح فقل ماشئت

عمر بشيرك أيام محاولة ممانعته الفاشلة لوصول قوات دولية إلى دارفور قال :
هم الأمريكان والأوربيين ما عايزين يدفعوا القروش الوعدونا بيها في مؤتمر المانحين ( إسم الدلع لمؤتر الشحدة)
وكمان عايزننا نوافق ليهم على وصول قوات لإذلالنا ، وأنحن بنعرف نعسرم كيف ، خلاص واحدة بواحدة ، ما في قروش مافي قوات تجي.

قول والله الذي جعلك تفهم كلام القعونج ما قال الكلام ده
مستنينك يا النبي سليمان

Quote: يا زول والله في احياء في امريكا دي المواطنين قاعدين على عجل الحديد

الإنقاذي حاليا وبعثي سابق عمر ود الباوقة.


يا راااجل كمان بتحلف بأسم الله؟

Quote: غايتو الما شاف دينق مدور ( سخينة ) وقرقوش لوموني

ود الباوقة.

لو سئلت أي سوداني أو سودانية في أمريكا وخيرتهم بين السخينة وبين البيتزا والهامبرجر، فأكيد أنهم سيختارون السخينة. قبل كده في واحد من جماعتكم بتاعين السعودية ديل جا وكتب في البورد أنو دينق وتراجي قاعدين مرطبين وبياكلو في الهامبرجر والهوت دوجز، والمسكين لا يعلم أن هذه الأكلات السريعة دائما رخيصة الثمن ويضطر لأكلها محدودي الدخل والفقراء في بعض الأحيان. يا ود الباوقة لا تفتي في ما لا تعلم. ودي ثقافة مختلفة تماما عن ثقافة البلاد الذي تعيش فيها أنت .

جمعتكم مباركة عليكم جميعا

اسمحوا لي ان ارد على النكرة المدعو عادل علي الذي يهرف بما لايعرف

النكرة عادل تجدني اشجع منك بكل مقاييس الشجاعة

اطلب منك فقط حتى ولو في الخاص عادل علي منو

وقاعد وين وتلفونك كم

يلا ورينا رجالتك بدل كيل التهم جزافا على خلق الله

وانت مدسوس خلف اسم مستعار

هذا فعل الجبناء ايها النكرة

منتظرك

Quote: ود الباوقة. لو سئلت أي سوداني أو سودانية في أمريكا وخيرتهم بين السخينة وبين البيتزا والهامبرجر، فأكيد أنهم سيختارون السخينة. قبل كده في واحد من جماعتكم بتاعين السعودية ديل جا وكتب في البورد أنو دينق وتراجي قاعدين مرطبين وبياكلو في الهامبرجر والهوت دوجز، والمسكين لا يعلم أن هذه الأكلات السريعة دائما رخيصة الثمن ويضطر لأكلها محدودي الدخل والفقراء في بعض الأحيان. يا ود الباوقة لا تفتي في ما لا تعلم. ودي ثقافة مختلفة تماما عن ثقافة البلاد الذي تعيش فيها أنت .

دينق اختشي واختشي

قال سخينة قال !!!

ذكرتني واحد في الفيس بوك قال : أمريكا سحبت زيتونة واحدة من كل صحن تقدمه في طائراتها
هذه الزيتونة الواحدة وفرت على امريكا 40 الف دولار يوميا !!!

جاء واحد فال ليه :
ياخي نحن في السودان وفرنا الصحن كلو 00 كل العمر 00 وبرضو ماوفرنا اي شيء


انت عارف أنا كنت عامل فيها واحد وجيه
يعني كنت لمن اسافر اجازة بشيل لقمة لقمتين في الغذاء وبقوم بغسل يدي
واشوف ليك الجماعة ياكلوا الغداء بشراهة شديدة
وفي النهاية لايبقى الا الصحون والصواني وهي فارغة تماما

طبعاً اتضح لي ان الجماعة عارفين اللعبة
لأنو اتضح لي انه مافي عشاء !!!
وبعديها عمك بقى يخرت الصحون


وزير المالية قبل فترة قال فيما معناه إن جعتم أو ضاقت بكم الحال فارجعوا للدعاء والاستغفار
والله انا كنت اتمنى الرجل دا يكون معانا يوم واحد
لأنو معانا سيد لبن أخلاقو في نخرتو والفاظه زي الزفت

والله تطلع بي جردلك وانت ماشايل قروش الله قال بي قولك
وكان قلت تقول ليهو شوية دعاء بدل القروش غايتو بقول ليك كلمة كعبة جداً

.