Post: #1
Title: هل نتوقّع ترشيح عبدالرحمن المهدي عن المؤتمر الوطني رئيساً للجمهورية ؟
Author: صبري طه
Date: 09-04-2012, 10:16 AM
Parent: #0
هل نتوقّع ترشيح عبدالرحمن الصادق المهدي عن المؤتمر الوطني رئيساً للجمهورية ؟
وفي هذه الحالة هل سيصوّت له منسوبي حزب الأمّة والأنصار ؟
ــــــــ
شرح بسيط يُفيد في عدم إغراق سيرفر سودانيز أونلاين بالصور وهو:-
إذا أردت مثلاً صورة شخص معيّن اكتب اسمه في محرّك البحث في القوقل + سودانيز أونلاين .. واختر (صور) .. ثمّ قم بتمرير الماوس على الصور حتى تجد على الصورة رابط sudaneseonline.com ثمّ أنسخ رابط الصورة التي تُريدها وتأكّد من أنّ امتدادها يتبع لدومين سودانيز أونلاين.
ملحوظة لاختصار الخطوات: يمكنك أولاً اختيار خيار (صور) ومن ثمّ كتابة النص المُراد البحث عنه قبل أن تبدأ عملية البحث.
|
Post: #2
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: عبدالمجيد الكونت
Date: 09-04-2012, 10:20 AM
Parent: #1
سلامات ياعريس
___
يكون ما قصروا معانا تب .... بدل الغباش العايشين فيه جماهير الحزب الان ..فلا هو مؤتمر وطني علانية ولا حزب امة مستتر
|
Post: #3
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: أحمد أبكر
Date: 09-04-2012, 12:01 PM
Parent: #2
الأخ صبري
سلام
لو ما سقطوا لغاية ما جاء وقت الإنتخابات الجديدة فأنا شخصياً سأصوّت له ثم أحاربه
ولو فعلت جماهير حزب الأمة ذلك أعتبره ذكاء
_____________________________________________________________
إنت يا صبري الحصل شنو للبوست بتاعك ، بتاع فشل ثورة الخريف السوداني داك؟
شكلوا ودوه الخور ولّا شنو؟
ولماذا؟
هل حصلت حاجة ما كويسة وأنا ما شفتها؟ .. يعني مهاترات وكدة؟
|
Post: #4
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: أحمد أبكر
Date: 09-04-2012, 12:05 PM
Parent: #3
بالمناسبة ، أنا أسم الزول دا ، عبد الرحمن الصادق دا ، جاء في مخي وأنا أقرأ بوست صلاح البندر
البيتكلم فيه عن إنقلاب شكلي داخل النظام
|
Post: #5
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: صبري طه
Date: 09-04-2012, 05:44 PM
Parent: #4
وعليكم السلام يا كونت يا حبيب ...
| Quote: يكون ما قصروا معانا تب .... بدل الغباش العايشين فيه جماهير الحزب الان ..فلا هو مؤتمر وطني علانية ولا حزب امة مستتر |
طالما هو مساعد في حكومة المؤتمر الوطني ... إذاً هو مقتنع بها .. وغير مُقتنع بمعارضة حزب الأمّة لها ...
ــــــــــــ
وعليكم السلام أخي أحمد أبكر ...
Quote: لو ما سقطوا لغاية ما جاء وقت الإنتخابات الجديدة فأنا شخصياً سأصوّت له ثم أحاربه
ولو فعلت جماهير حزب الأمة ذلك أعتبره ذكاء |
المبادئ لا تتجزأ .. كيف تُعارض الحزب .. وتُصوّت لمرشحه .. هذا بافتراض مُعارضتك لحزب المؤتمر الوطني ؟
Quote: إنت يا صبري الحصل شنو للبوست بتاعك ، بتاع فشل ثورة الخريف السوداني داك؟
شكلوا ودوه الخور ولّا شنو؟
ولماذا؟
هل حصلت حاجة ما كويسة وأنا ما شفتها؟ .. يعني مهاترات وكدة؟ |
أنا ذاتي فتّشت عليهو ما لقيتو ... وشكلو لحق أمّات طه ...
Quote: بالمناسبة ، أنا أسم الزول دا ، عبد الرحمن الصادق دا ، جاء في مخي وأنا أقرأ بوست صلاح البندر
البيتكلم فيه عن إنقلاب شكلي داخل النظام |
توارد خواطر ... والواحد يتوقّع أيّ شيء ...
|
Post: #6
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: الشامي الحبر عبدالوهاب
Date: 09-04-2012, 05:50 PM
Parent: #5
احتمال وارد اذا عدل الدستور ليكون الرئيس السودان
علي نسق الرئيس العراقي حتى الجيش خارج صلاحياته
وبتاع تشريفات فقط
تحياتي يا صبري
|
Post: #7
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: صبري طه
Date: 09-04-2012, 06:58 PM
Parent: #6
تحياتي أخي الشامي ...
Quote: احتمال وارد اذا عدل الدستور ليكون الرئيس السودان
علي نسق الرئيس العراقي حتى الجيش خارج صلاحياته
وبتاع تشريفات فقط |
يعني زي المثل البيقول "ريّسوهو وتيّسوهو" ...
وإذا حدث .. قد تكون مراوغة جديدة من الكيزان لإطالة أمد حكمهم بكسب تأييد الأنصار ...
ــــــ
|
Post: #8
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: عصمت العالم
Date: 09-04-2012, 07:10 PM
Parent: #7
يا صديقى...
هذا الولد الفنطوط ..عبد الرحمن الصادق المهدى..محسوبه له كل الخطوات..باتفاق ورضاء والده مع السلطه الحاكمه..وهى عملية تسليم وتسلم...فى خطى كتبت عليهم مشيها..
يا ياسيدى... الصادق المهدى اغمض عينيه عن انقلاب 30يونيو 1989..تنفيذا لتعليمات التنظيم الاسلامى العالمى...
والان يحصد ثمرة ما اغفض عيناه عنه..
الولد يبقى سيد البلد..الوريث للسلطه وللجاه وللامامه..وهلم جرا...
لا حول ولا قوه الا بالله...العلى العظيم
|
Post: #9
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: أحمد أبكر
Date: 09-04-2012, 09:49 PM
Parent: #5
يا صبري إصبر علي شوية ياخي
إنت ما قريت باقي كلامي ولّا شنو؟
منو القال ليك أنا بصوت ليه رضاءاً به
أنا قلت حأصوّت له ثم أحاربه .. أي نعم ثم أحاربه
تعرف ليه أنا عايز الحركة دي تحصل؟
لأنوأنا ممغوص من الحركات البيعمل فيها ألإمام الصادق دا
فعايز أحرق ليهو مراكبو
لسع الإمام بياكل في رأس الأنصار وبيبرر لإبنه عبد الرحمن
في آخر مقابلة صحفية معه قال الإمام إنو عبد الرحمن إنضم للنظام للإمساك بملف محدد وهو
بناء العلاقة مع الجنوب .. يا سلام !!!!!
يعني فاعل خير وأهو بالمرة يدغدغ عواطف الناس الذين يحبون الجنوب والجنوبيين
بأن عبد الرحمن بيعمل للوحدة من جديد
وكمان يعفي عبد الرحمن من تحمل أي مسؤولية أخلاقية من جرائم النظام
عشان كدة تمنيت إنو عبد الرحمن الصادق يبقى رأس النظام دا عديل
ويمومها أكيد جماهير الأنصار حتقول ليه شوف يا إمام: لو ما تبرأت من ولدك الرئيس دا ،ووصفتوا بأنه ديكتاتور
فحزب الأمة يحرم عليك إنت زاتك
ونفس المصير أتمناه لمولانا الميرغني وولده
وأتمنى جعفر ولدو يكون نائب لعبد الرحمن
عشان مولانا والإمام يسقطوا من رئاسة هذه الأحزاب الوطنية العملاقة ويتركوها تنطلق
السياسة دايرة بعد نظر وهو ما يسمى بالذكاء السياسي
وأنا لاحظت عليك هذه الحصافة
لكن ما عرفت جرى لك إيه المرة دي
تحياتي
|
Post: #10
Title: Re: هل نتوقّع ترشيح عبدالرحمن المهدي عن المؤتمر الوطني رئيساً للجمهوري
Author: Elbagir Osman
Date: 09-04-2012, 11:56 PM
Parent: #9
ما بعيد عليهم يعلموها
ديل مكارين تتوقع منهم أي حاجة
لوعملوها
يكونوا دخّلوا الشعب السوداني بالترابي
ومرقوهوا بي الصادق
دي إبليس ذاتو ما فكر فيها!
الباقر موسى
|
|