Post: #1
Title: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-03-2012, 12:30 PM
1. أى بوردابى شغال فى الحكومة يسلم عدة الشغل بتاعتوا ويقدم إستقالتو فوراً .
2. ممنوع أكل اللحوم والمشاوى أثناء تواجد أى بوردابى آخر بالمعتقل .
3. ممنوع الإستماع للأغانى أو مجرد الطرب لنفس السبب أعلاه .
4. يمنع كذلك مزج الزبادى بالسفن أب أو البيبسى طوال فترة الإعتقال .
5. يحظر تماماً تدخين الشيشة والأشياء الأخرى لحين إطلاق سراح كل المعتقلين .
6. فى حالة العزومة وضيافة بورداب الخارج يكتفى فقط بالبامية والدمعة والدجاج (أرخص اللحوم فى أوربا).
7. إعلان منطقة قندهار منطقة محرمة على بورداب الخرطوم .
8. بحظر كذلك التصوير وتبادل التهانى فى مناسبات الأعياد وخلافه .
9. أثناء تواجد أى بوردابى بالمعتقل لا يحل لكم الرفث إلى نسائكم حتى خروج البوردابى المسكين .
10. يمنع تشجيع فريقى القمة الهلال والمريخ لحين صعود أهلى شندى لدور الأربعة .
|
Post: #2
Title: Re: المطلوب من بورداب الخرطوم .. عشان ما نخذل زول تانى !
Author: معتصم محمد صالح
Date: 09-03-2012, 01:23 PM
Parent: #1
11- ممنوع الاتصالات بين الاعضاء وتشتيت الرصيد ( أو الفواتير ) في الفارغة والمقدودة .
|
Post: #3
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-03-2012, 01:56 PM
Parent: #2
12. يمنع إستخدام أى بروكسى أثناء فترات حظر المنبر والألتزام بتوجيهات الدولة بالبقاء فى الضلمة .
|
Post: #5
Title: Re: المطلوب من بورداب الخرطوم .. عشان ما نخذل زول تانى !
Author: على ميرغني
Date: 09-03-2012, 02:00 PM
Parent: #3
9. أثناء تواجد أى بوردابى بالمعتقل لا يحل لكم الرفث إلى نسائكم حتى خروج البوردابى المسكين .
اطالب بتعديل هذه الفقرة لتقراء ككما يلي
9. أثناء تواجد أى بوردابى بالمعتقل لا يحل لكم/ لهن الرفث إلى نسائكم/ رجالكم حتى خروج البوردابى المسكين .
|
Post: #6
Title: Re: المطلوب من بورداب الخرطوم .. عشان ما نخذل زول تانى !
Author: على ميرغني
Date: 09-03-2012, 02:01 PM
Parent: #3
9. أثناء تواجد أى بوردابى بالمعتقل لا يحل لكم الرفث إلى نسائكم حتى خروج البوردابى المسكين .
اطالب بتعديل هذه الفقرة لتقراء ككما يلي
9. أثناء تواجد أى بوردابى بالمعتقل لا يحل لكم/ لهن الرفث إلى نسائكم/ رجالكم حتى خروج البوردابى المسكين .
|
Post: #8
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-03-2012, 02:11 PM
Parent: #6
جنابو على ..
كل سنة وإنت طيب .
شكراً للتعديل .. يعمل به فوراً من تاريخه .
|
Post: #16
Title: Re: المطلوب من بورداب الخرطوم .. عشان ما نخذل زول تانى !
Author: معاذ الدخري
Date: 09-04-2012, 08:50 PM
Parent: #6
مبروك علي ميرغني ...... ملك التعديلات ................
معاذ الدخري
|
Post: #4
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-03-2012, 02:00 PM
Parent: #2
12. يمنع إستخدام أى بروكسى أثناء فترات حظر المنبر والألتزام بتوجيهات الدولة بالبقاء فى الضلمة .
|
Post: #7
Title: Re: المطلوب من بورداب الخرطوم .. عشان ما نخذل زول تانى !
Author: عبد اللطيف بكري أحمد
Date: 09-03-2012, 02:04 PM
Parent: #1
التوقيع:
صلاح ابو دية
من داخل الأراضي المحرمة
==================
|
Post: #9
Title: Re: المطلوب من بورداب الخرطوم .. عشان ما نخذل زول تانى !
Author: مزمل خيرى
Date: 09-03-2012, 02:45 PM
Parent: #7
100 %
تانى يا ود عوج الدرب شوف ليك حجة تانية
|
Post: #10
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-03-2012, 02:48 PM
Parent: #7
يا لطفى ..
كيف حالك ..!!
أراضى محرمة ساى وكلها نواصى كمان !!
|
Post: #11
Title: Re: المطلوب من بورداب الخرطوم .. عشان ما نخذل زول تانى !
Author: Muna Khugali
Date: 09-03-2012, 03:08 PM
Parent: #10
سلام يا صلاح وباقي الزملاء..
نحفظ لكم في قلوبنا بمكانة الأهل والوطن الذي نعشقه حتي ونحن لا نعيش فيه طوال الوقت..
لأنكم فعلا كذلك..
أوتوجراف..بورداب الخرطوم
مع التحيات..
|
Post: #12
Title: Re: المطلوب من بورداب الخرطوم .. عشان ما نخذل زول تانى !
Author: حمزه بابكر الكوبي
Date: 09-03-2012, 06:28 PM
Parent: #11
ابو صلاح لك التحية وكل سنة وانت طيب
تعرف مناضلين الهمبريب ديل بتاعين كلام بس وشوفانية هسع سيف مساعد ده
شغال عدس وســخيـــنة يعني لمن مصرانه اتلوي
واديك مثال من شوفانية المناضلين وفرقعاتهم
مرة والمنبر ده كانت اغلب البوستات فيه بتتكلم عن شهيد كتلوهو ناس الامن
والحادثة كانت في ايامها الاولى جاء عماد احمد (بالانجليزي) الموثق المشهور
في المنبر وعنده بوست قديم توثيقي وكان فيه مداخله وجاء عماد رد على المداخلة
كصاحب بوست (وعماد كلنا نعرفه رجل مهذب ولا علاقه له بالجدل السياسي
الذي يحدث دوما في المنبر وعماد معروف انه ابعد مايكون له انتماء للكيزان)
يقوم ينط له واحد من المناضلين المفرقعاتيه ديل ويشبكوا لك ده وقته وانت كوز
وانت امنجي وصرف له من الكوته المعتاده وعماد اكل الكلام ده في حنانه
ونفس المناضل ده فتح في نفس اليوم بوست طالب فيه بصورة للشهيد علشان
يختوها الناس كبروفايل وبعد يومين ظهرت صورة بالفعل للشهيد وصاحبك فاتح
البوست لا ختى الصورة في بروفايله ولا اشتغل بالموضوع الشغلة
..... دي عينات النضال يا ابوصلاح
تعرف هسع لو كان رسلتوا لكم صحن شية بال دي اتش ال لسيف مساعد ماكان احتجتوا لده كله 
|
Post: #13
Title: Re: المطلوب من بورداب الخرطوم .. عشان ما نخذل زول تانى !
Author: saif massad ali
Date: 09-03-2012, 08:36 PM
Parent: #12
ناس الامن جو هنا بي فن تاني
ابو ادية انت دحين تقرير ابو رنات التم فيهو شنو مناسبة يا اخي لانو انقطعنا ايامنا ديك
من المتابعة
دحين اديني وقت عشان تفهم سر كتابتي شنو
شايف الذين مصو حقوق الانسان ورجعو للسودان جونا بافلام جديدة
اعتذر لكم بورداب الخرطوم فاتني انتم اهل بهجة ومسرة توجد صور
|
Post: #14
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-04-2012, 06:58 PM
Parent: #13
سيف
داير وقت عشان الناس تفهم كتاباتك ؟
داير قدر كم كدا ؟؟
مشيت اللنك بتاعك العاملو فوق ده لقيتك شاب الناس ( أجى يايمة أجى ) خجلت وطلعت بنفس الحتة الدخلت بيها !!
شد حيلك شوية عشان نعرف ناخد وندى ومعاك !!
ـــــــ
ما وريتنا إنت عاوز شنو من بورداب الخرطوم بالإضافة إلى ما ذكر أعلاه ؟؟؟
|
Post: #15
Title: Re: المطلوب من بورداب الخرطوم .. عشان ما نخذل زول تانى !
Author: Elawad
Date: 09-04-2012, 08:21 PM
Parent: #14
Quote: 1. أى بوردابى شغال فى الحكومة يسلم عدة الشغل بتاعتوا ويقدم إستقالتو فوراً .
2. ممنوع أكل اللحوم والمشاوى أثناء تواجد أى بوردابى آخر بالمعتقل .
3. ممنوع الإستماع للأغانى أو مجرد الطرب لنفس السبب أعلاه .
4. يمنع كذلك مزج الزبادى بالسفن أب أو البيبسى طوال فترة الإعتقال .
5. يحظر تماماً تدخين الشيشة والأشياء الأخرى لحين إطلاق سراح كل المعتقلين .
6. فى حالة العزومة وضيافة بورداب الخارج يكتفى فقط بالبامية والدمعة والدجاج (أرخص اللحوم فى أوربا).
7. إعلان منطقة قندهار منطقة محرمة على بورداب الخرطوم .
8. بحظر كذلك التصوير وتبادل التهانى فى مناسبات الأعياد وخلافه .
9. أثناء تواجد أى بوردابى بالمعتقل لا يحل لكم الرفث إلى نسائكم حتى خروج البوردابى المسكين .
10. يمنع تشجيع فريقى القمة الهلال والمريخ لحين صعود أهلى شندى لدور الأربعة . |
سلامات يا صلاح
أسمح لي برضه ياخي ببعض التعديلات. بدل ربط الحاجات دي بالاعتقال أنا في وجهة نظري تربطوها بسقوط النظام وتولي ناس سيف ديل زمام الأمور. فوضى هي بس يفكوا المعتقلين وإنتوا تاكلوا الشية وتحتفلوا بالأعياد وتتصوروا كمان؟ الحاجات دي كلها توقفوها لغاية ما ناس سيف ديل يرجعوا البلد فاتحين وهذا أضعف الإيمان.
|
Post: #18
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-06-2012, 08:26 AM
Parent: #15
الأخ العوض بالإنجليزى ..
لك التحية وكل سنة وإنت طيب ..
موافقين يا سيدى على تعديلاتك ..
أها والجماعة ديل بجوا متين إن شاء الله !!
|
Post: #17
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-05-2012, 09:23 AM
Parent: #12
يا الكوبى ..
كل سنة وإنت طيب ..
والتحية للأخ الأديب الشفاف عماد ..
ياخ زى ناس سيف ديل بكرى خاتيهم هنا للإلهام ..
هسى شوف زى الكلام الأنا كاتبو ده والله أنا زاتى لمن قريتو ضحكت ..
بعدين الناس ديل أقل وجبة عندهم فيها لحم دجاج أو جداد كما يقول أهلنا ..
وبعد ده ..
دايرين يحرموا علينا الشية البناكلها فقط فى المناسبات !!!
|
Post: #19
Title: Re: المطلوب من بورداب الخرطوم .. عشان ما نخذل زول تانى !
Author: saif massad ali
Date: 09-06-2012, 08:31 AM
Parent: #17
صلاح ابودية
يعني وقتا مو كتير
اها شد الحيل وعدل الميل ده شغلة بورداب الخرطوم فوقو شنو
اثابك الله الثواب الاعظم
جزاك الله خير
|
Post: #20
Title: Re: المطلوب من بورداب الخرطوم .. عشان ما نخذل زول تانى !
Author: صلاح أبودية
Date: 09-06-2012, 09:00 AM
Parent: #11
Quote: نحفظ لكم في قلوبنا بمكانة الأهل والوطن الذي نعشقه حتي ونحن لا نعيش فيه طوال الوقت..
لأنكم فعلا كذلك.. |
منى بت خوجلى ..
أصيــــلة بت أصـــول ...
تعود الأيام
|
|