Post: #1
Title: عايزين دولة شريعة... وفارقونا غيركم راحه
Author: بشرى مبارك ود السقاى
Date: 09-03-2012, 11:08 AM
أستشرى الفساد وعمّ المدن واريافه
أدونا الحلول واختونا من انصافه
عايزين دولة شريعة تحكم جميع اطرافه
نحرر قدسنا ونحرر نحرر كمان اكنافه
نرفع لى بلادنا بلادنا وتقييف على اك########
دايماً رافعه كاسه ما بتعرف اصلو وصافه
ويين ميزان حسابكم راجينو لينا مسافه؟؟!!؟؟
الانقاذ هى ثورة سيده ذاتو سيده ذاتو يعافه
ليه الاسماء هى ثابته من المولى مافى مخافه!!
كيف يوم الحساب يوم الحساب يوم السموم ونشافه
من حمل (الغلول ) الغلول والمال بيبقى تلافه
تتمنى التراب التراب لو تلقى فيها نضافه
نعيم الدنيا زائل لو اتضاعفت اتضاعفت اضعافه
ما يغرّك نعيمة لبسها شكلها واردافه
هى الشيطان يغرّك ويفرح يزيد افراحه
لو فارقت ذكرك ويبقى الحديث ببجاحه
وما شاركت أهلك فى افراح ولا اتراحه
فارقونا البلاد حا نلقى غيركم غيركم راحه
فارقونا البلاد حانلقى غيركم غيركم راحه
|
Post: #2
Title: Re: عايزين دولة شريعة... وفارقونا غيركم راحه
Author: علي دفع الله
Date: 09-03-2012, 11:24 AM
Parent: #1
| Quote: عايزين دولة شريعة تحكم جميع اطرافه |
الدعكيبة بتاعة ال23 سنة كانت شعيرية ،، ما كل يوم هالكننا دولة الشريعة ،، وهي لله هي لله ،،
من الصعب تدوير التاريخ يعني تعمل ليه اعادة صناعة ،،
يفتح الله الفيكم اتعرفت ،،
شعبي مغبون على لاوطني مترهل فاسد
وانا بقول (دايرين دولة مواطنة وشفافية لا تمييز بين مواطن ومواطن لا بلونه ولا جهته ولا دينه)
قصة حشر الدين في الدولة مللناها وسئمناها لا ينتج الا كهنتة ،،وشرعنة الفساد والاقصاء والقتل بنكهة دينية ،،
شوفوا غيرها ايها الشعبيين المغبونين
وبس خلاص ،،،
|
Post: #3
Title: Re: عايزين دولة شريعة... وفارقونا غيركم راحه
Author: Elbagir Osman
Date: 09-03-2012, 02:25 PM
Parent: #2
| Quote: الانقاذ هى ثورة سيده ذاتو يعافه |
صدقت ومرحبا
الباقر موسى
|
Post: #4
Title: Re: عايزين دولة شريعة... وفارقونا غيركم راحه
Author: بشرى مبارك ود السقاى
Date: 09-03-2012, 02:49 PM
Parent: #3
الاخ على دفع الله تحياتى ... التحليل للموضوع من حقك وجمييل أن تكتب ما تراه !!ولكن دخولك فى تحليل شخصية الكاتب (وفلسفتك دى خلينا منها وأنا بعرفك من الراكوبة وقد فشلت فى تصنيفى قديماً وحديثاً ) فأرجو أن تركز على الموضوع الذى كتبته (القصيدة )!!!! وتترك الانتماء لأنك لن تكسب فيه شىء يضاف إليك وتحياتى مره أخرى (والموضوعية تاج لكل من يعلق على موضوعك لا يدركة إلا الشخص الموضوعى ) .
|
|