بعد طول غياب ها قد عدت ياصحابي! ! تري كيف حالكم وحال المنبر؟؟

Post: #1
Title: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 03:36 PM
Parent: #0

غبت لما يربو- عن - عام عن منتداكم، إبتعدت عمايزيد عن سنة لأسباب كثيرة ، إذا مضي عام توسد فيه أصدقاء أعزاء بالمنبر - التراب وخلدوا للصمت بعد أن كانوا مل السمع والبصر في هذه المساحة الإسفيرية.... مضواوتركوا حسن الذكري ونقاء السيرة يخلدهم في وجداننا ، وفاتني أن أشارك أخوة كرام - هنا- أفراحهم وأكراحهم ...المغفرة لمن رحلوا والعزاء لذويهم وكامل التبريكات لمن فاتني مشاركتهم الأفراح،إفتقدت التواصل الإنساني الحميم مع أعزاء ربطني بهم هذا المنبر لهم مني خالص الإعزاز ووافر الإحترام والتقدير لكل من إفتقدني أو سأل عني ولمن طالبني بالعودة للمنتدي ...
(2)
عود علي بدء
أواصل لاحقا...

Post: #2
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: اساسي
Date: 09-01-2012, 03:41 PM
Parent: #1

حمد لله علي سلامة العودة يا كمال , وايم الله فقدناك في فترة غيابك الطويلة دي

شكلك بقيت هامل ومجامل

Post: #4
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 04:10 PM
Parent: #2

شكرا يا أساسي

Quote: (حمد لله علي سلامة العودة يا كمال , وايم الله فقدناك في فترة غيابك الطويلة دي شكلك بقيت هامل ومجامل )

شكرا علي تفقدي وعلي ا لتلطف والمجاملة الرقيقة إعجبتني لحد الثمالة- تلك العبارة التي نحتها - قبل أيام- وسأعود لها في البوست التاني..
تقديري

Post: #3
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: الشفيع وراق عبد الرحمن
Date: 09-01-2012, 03:42 PM
Parent: #1

ده يوم السعد
كتبتها بسرعة عشان اكون اول من يبارك

مكانك كان وسيظل شاغر في انتظارك

Post: #5
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: حيدر حسن ميرغني
Date: 09-01-2012, 04:12 PM
Parent: #3

يامراحب

Post: #10
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 04:26 PM
Parent: #5

شكرا أخونا الشفيع
Quote: ده يوم السعد
كتبتها بسرعة عشان اكون اول من يبارك مكانك كان وسيظل شاغر في انتظارك

شكرا علي كلامك الجميل دا وعلي ترحيبك الدافئ

.........
ومشكورا جدا حيدر حسن مرغني علي الترحيب ..
Quote: يامراحب

Post: #6
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: سلمى الشيخ سلامة
Date: 09-01-2012, 04:14 PM
Parent: #3

يا جميل ياحلو الشقايق
املا كاسك واصبر دقايق
الى اخر تلك الاغنية البديعة للشاعر والفنان البديع خليل افندى فرح
تحية واحتراما وهنئيا لنا بعودتك

Post: #7
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: تيسير عووضة
Date: 09-01-2012, 04:17 PM
Parent: #6

مرحب بالأستاذ كمال عباس ..

Post: #14
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 05:42 PM
Parent: #7

شكرا أستاذة تيسير
Quote: مرحب بالأستاذ كمال عباس ..

علي المرور وحفاوة الترحيب....

Post: #8
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: محمد البشرى الخضر
Date: 09-01-2012, 04:18 PM
Parent: #6

هلا و مرحب بالاستاذ كمال
عساك بخير

Post: #9
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: صلاح عباس فقير
Date: 09-01-2012, 04:23 PM
Parent: #8

مرحبا بالأخ والأستاذ كمال عباس، عوداً حميداً!

Post: #11
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Omer Abdalla Omer
Date: 09-01-2012, 04:44 PM
Parent: #9

والله مشتاقيين

Post: #37
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 00:22 AM
Parent: #11

شكرا إستاذنا عمر عبد الله عمر والتحية عبرك لصديقنا الآخر عمر عبد الله
Quote: والله مشتاقيين
ومشتاقيين بالأكثر والله ياعمر ...

Post: #13
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: حمزه بابكر الكوبي
Date: 09-01-2012, 04:49 PM
Parent: #9

الف حمدالله سلامة ومنور من جديد

Post: #41
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 02:37 AM
Parent: #13

البوست منور بوجود أمثالك ياحمزة وشكرا علي المجاملة الرقيقة
Quote: الف حمدالله سلامة ومنور من جديد
...

Post: #34
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 11:43 PM
Parent: #9

شكرا ياعزيزي صلاح عباس فقير علي مرورك
Quote: مرحبا بالأخ والأستاذ كمال عباس، عوداً حميداً!
ولك مني التقدير الذي تعرفه...

Post: #28
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 10:29 PM
Parent: #8

مرحبا بود البشري

Quote: هلا و مرحب بالاستاذ كمال
عساك بخير
تعرف قبل إسبوع نويت الرجوع للكتابة في المنبر وعشان أخش الفورمة - عاودت لإنتظام في تتبع ما يكتب في المنبر وحقيقة فجعت وصدمت لما كتبه الأخ معاوية عبيد في حقك وحقيقة ما كتبه يعبر بحق عن التدني الحاد في المنبر.... والحقيقة تتحمل الإدارة وبعضا من العضوية مسؤولية هذا التردي فالصمت ومساندة المتعدي وروح الشللية ساعد في تفشي هذه الظاهرة !! والأخطر من ذلك يا ود البشري "هو محاولة فرض التعائش مع هذا الواقع الردئ وتكريس حالة القبح بل وتمجيدها"... وفي هذا السياق تابعت بوستا للأخت دنيا خالد وضعت فيه وعلي سبيل الهزار والمزاح - قائمة للمميزات والمميزين بالمنبر.. فتناسلت بعدها البوستتات وطفحت الكتابات تتحدث عن العشرة والعشرات والحقيقة لم أطلع علي معظمها وإنما أكتفيت بالعناوين....... وأرجو أن يكون تقييم الناس وترشيحهم" للتميز والنجومية' غير غافل عن الاسس والأبجديات الإنسانية فالتصفيات الأولية 'بلغة الكورنجية" في نظري يجب أن تعتمد هذه الركائز1 - أن يكون الكاتب عفيف اللسان لايكتب بمداد من صديد وقلم من حقد - الا يكون هاتكا للأعراض ومدمنا للشخصنة والإسفاف - الا يكون فاجرا في خصومته وبذئ ومنحط في عبارته -أن يكون موضوعي - يحترم نفسه ويحترم المتلقي فماذا يربح الشخص إذا كسب العالم وخسر إنسانيته?وإذا ما أدمن إنتهاك إنسانية البشر? - أصحاب القضايا العادلة والمبادئ الشريفة لايصلون الي الغايات السامية عبر وسائل قذرة وأقلام مسمومة تقطر قيحا وقبحا ... ثانيا وبعد أن يتخطي الكاتب مرحلة التصفيات الأولية هذه نجي بعدها نشوف إسهاماته ... ماذا أضاف? هل إضاف فكرة أو معرفة ... هل صنع فرقا- هل قدم طبقا جيدا أو جديدا في مائدة الحوار ? هل متعنا بالدهشة هل خاطب فينا الإنسانية والقيم النبيلة الخ هل هو كاتب رؤية خاصة به أم هو معلق وناقد للغير?...فالتصفيق والهتافيات وروح الآكشن - وتضخم عداد القراءة وتقسيم العضوية لمؤيد ومخالف علي طريقة هلال مريخ وعقلية سوق عكاظ و طول اللسان والشهرة السلبية لاتصنع كاتبا جيدا ولاتخلق نجما .. ثالثا مفترض الناس تراعي حالة التنوع والتبائن في الإهتمامات يعني أمسك - كنماذج إسمارات أنا ومريم بت الحسين والنصري أمين والأستاذة رحاب خليفة شوف ثراء المواضيع التقنية والعلمية والأكاديمية التي يتناولها... شوف دور الناس اللي بتهتم بالمواضيع التوثيقية والخبرية وشوف ناس التراث والأدب والرياضة والثقافة والإجتماعيات الخ ........... وشوف الكم الكبيرمن الذين يكتبون بموضوعية ويحترمون ذواتهم والاخريين ولايثيرون صخبا أو ضجيجاأو عراكا ولا يسعون للنجومية فبالله عليك كيف أقول للأديب فضيلي جماع أنت لست نجما لامعا لأن هناك من يتقدمك ورصيده في ذلك أنه يقوم المنبر ويقعده بالضجيج والاسفاف والإثارة والخوض في الأعراض ...!! وهاك بعض هذه النماذج التي قد تهملها تصنيفات - الغفلة والموازين المختلة إشراقة مصطفي ونجلاء سيد أحمد وتماضر ونهال كرار وزينب بدر الدين التي تعيش ما تكتبه في حياتها العملية وشيراز عبد الهادي والغائبات( أميرة الشيخ وعزاز وسناء خالد )وشذي بلة أو داليا حافظ /أماني العجب / حواء سليمان / وسلمي الشيخ سلامة ,,, لاحظ أن هذه مجرد نماذج يمكنني أكملها لخمسين إسما أو أو أكثر !!... أو تري تصنيف رجالي يجهل مثل هذه النماذج- حمور زيادة/ خالد عويس أو طارق جبريل و كيكي ./عصام جبر الله . دكتور عوض محمد أحمد/ شمس الدين السنوسي الخ.... ويمكن أن أواصل في سلسلة هذه النماذج حتي أتعدي الخمسين أيضا وبرضو كنماذج وذلك من دون أن أقع في فخ الترتيب المدرسي - الأول والعاشر والطيش !!، وحقا" في زمن الإنحطاط الإسفيري- يطفو علي سطح التقييم - العويش -و"الطرور" وتغوص الكنوز والدرر في الأعماق !! هذا مع يقيني أن بعضا ممن شملتهم أو قد تشملهم التصنيفات التي يعج بها المنبر - كتاب كويسين وفوق هذا فهم لايأبهون للأوشحة والأوسمة أو يتهافتون لبريق النجومية !!....

Post: #38
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Tragie Mustafa
Date: 09-02-2012, 01:40 AM
Parent: #28

كمال عباس

دخلت ارحب بك بكل اريحيه لقيتك للاسف نفس الحال الغادرتنا فيه وعنصريتك الما بتبغبنا:
Quote: بعد طول غياب ها قد عدت ياصحابي! ! تري كيف حالكم وحال المنبر؟؟

طبعا انا ما من اصحابك ويبدو علي ان احمد الله انني لست منهم.

ولا تعتقد قائمتك دي الفاكر روحك ذكي وطعمتها ببعض اسماء الهامش بتفوت علينا مراميها....قال كتبا وتصنيفات قال:
Quote: بعد طول غياب ها قد عدت ياصحابي! ! تري كيف حالكم وحال المنبر؟؟

Quote: إشراقة مصطفي ونجلاء سيد أحمد وتماضر ونهال كرار وزينب بدر الدين التي تعيش
ما تكتبه في حياتها العملية وشيراز عبد الهادي والغائبات( أميرة الشيخ وعزاز وسناء خالد )
وشذي بلة أو داليا حافظ /أماني العجب / حواء سليمان / وسلمي الشيخ سلامة ,,, لاحظ أن هذه
مجرد نماذج يمكنني أكملها لخمسين إسما أو أو أكثر !!... أو تري تصنيف رجالي يجهل مثل
هذه النماذج- حمور زيادة/ خالد عويس أو طارق جبريل و كيكي ./عصام جبر الله .
دكتور عوض محمد أحمد/ شمس الدين السنوسي الخ....
بالله!!

لا و الله ذكي.....يا ترى اخترت ديل ليه في نظرك مهذبين؟!

نحمد الله انه امثال ما كتبه(الجلابي) محمد ياسين الخليفه لم يكتب مثله ولن يكتبه يوما زول/ه من الهامش!

فلا تحدثنا عن الاخلاق!

ثانيا:
على فكره موضوع القوائم ده ياهو ديدين عشيرتك الجلابيه
ما نحن كل يومين ثلاثه واحد/ه فارغ شابكنا

كاتب المنبر المفضل
نجم المنبر
نحمة المنبر
...الخ

وطبعا كل الترشيحات انتو يا استاذ
ما تشوف مجاملة دينا خالد اياها....ويكون غاظك انها قالت تراجي
الاولى مشترك وفات عليك من حقدك انها قدمت عليها ثلاثه جلابيات!

اها لعلمك المنبر ده من حكومتك لمعارضتك
كل الناس بعبروا ببوستاتنا
لا قلنا ادباء ولا يحزنون فقط منحنا هذا المنبر خصوصيته بانه يكون نبض الشارع الحقيقي!

استحي يا صفوة
ذهب الجنوب ولم تتعلموا شيئا.

ودخول الشيفع وراق الكوز كاول المرحبين بك له دلالات كبيره.

مبروك عليك.....كي بوردك المهما كان مسنون....فانه يحمل نفس غير طيبه.
وربنا يديك قدر نيتك!وكل زول يديه قدر نيته وانا اكون حامده شاكره لو
س اداني قدر نيتي عارف ليه؟!
لاني خير من يعرف دواخلي,ربنا يشفيكم.

على فكره بارك لمثلك الاعلى نجلاء سيداحمد
البنتحل اسمها زوجها بخاري انهم جميعا يكتبون من يوغندا
الآن في طريقهم للتوطين في دولة آخرى
يعني كل المسرحيات دي كانت عشان يتخارجوا!ونحن الشتمتنا
بمناضلين الضل البارد(وطبعا انت مننا) هاهي تحفى وتعرى لتنضم الينا!
تتخزق عيون طالبات دارفور ويطلع التوطين لناس نجلاء سيد احمد!!شفته الفرق؟!

وقبلهم على فكره طلع توطين للدكتور بشرى قمر برضو لطشه جلابي!!
وكله موثق.....وكذبوا وادعوا اننا ندعوا لعنصريه مضاده....يا اخي انتو تقرفوا الما يقرف.

Post: #40
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 02:28 AM
Parent: #38

سلام ياتراجي
وربنا يقينا من شرالعنصرية آمين!
قلتي:-

Quote: كمال عباس
دخلت ارحب بك بكل اريحيه لقيت للاسف نفس الحال الغادرتنا فيه وعنصريتك الما بتبغبنا: بعد طول غياب ها قد عدت ياصحابي! ! تري كيف حالكم وحال المنبر؟؟ طبعا انا ما من اصحابك ويبدو علي ان احمد الله انني لست منهم. ولا تعتقد قائمتك دي الفاكر روحك ذكي وطعمتها ببعض اسمائء الهامش بتفوت علينا مراميها...
أولا أنا ماعندي قائمة أو ترتيب للأفضل...وما كتبته هنا مجرد نماذج تعمدت أن أذكر فيها من لم يشملهم التصنيف والترتيب في بعض القوائم وقد ذكرت حرفيا عن ذلك
Quote: (وهاك بعض هذه النماذج التي قد تهملها تصنيفات - الغفلة والموازين المختلة )
وأضفت
Quote: (( هذا مع يقيني أن بعضا ممن شملتهم أو قد تشملهم التصنيفات التي يعج بها المنبر - كتاب كويسين وفوق هذا فهم لايأبهون للأوشحة والأوسمة أو يتهافتون لبريق النجومية !!....
) فلماذا لم تفترضي إنك ضمن هولاء الكتاب الكويسين ? وأظن أن الأخت سهام المجمر قد التقطت هذه النقطة وأستوعبتها -وهي مثلك قد ورد إسمها في قائمة دينا خالد لذا لم يرد إسمها هنا !!
وكتبت الأخت تراجي
Quote: ودخول الشيفع وراق الكوز كاول المرحبين بك له دلالات كبيره.
دخول الشفيع ليس له دلالة سوي الجانب الإنساني وروح الزمالة المنبرية وبكرة دي ستجديه في مقدمة من يتصدي لي في أي مادة سياسية أكتبها ! وبالمناسبة أول من دخل مرحبا -بي هو الأخ أساسي الذي يظن كثر- توهما أنه سبب عزوفي
عن المنبر لما بيننا من صراعات !
وكتبت
Quote: على فكره بارك لمثلك الاعلى نجلاء سيداحمد البنتحل اسمها زوجها بخاري انهم جميعا يكتبون من يوغندا الآن في طريقهم للتوطين في دولة آخرى يعني كل المسرحيات دي كانت عشان يتخارجوا!ونحن الشتمتنا بمناضلين الضل البارد(وطبعا انت مننا) هاهي تحفى وتعرى لتنضم الينا تتخزق عيون طالبات دارفور ويطلع التوطين لناس نجلاء سيد احمد!!شفته الفرق؟! وقبلهم على فكره طلع توطين للدكتور بشرى قمر برضو لطشه جلابي!! وكله موثق.....وكذبوا وادعوا اننا ندعوا لعنصريه مضاده....
ما دخل نجلاء سيد أحمد بما أكتب ولماذا تصفي حسابك معها هنا? ياتراجي لاتظلمي الناس إعتمادا علي أقاويل وكلام غير موثق ... فنجلاء قدمت الكثير وهجرتها -إن صحت -تعد خسارة علما بأنها تستحق إعادة التوطين واللجوء إن أرادت ذلك.. أقول هذا علما بأن لاعلاقة خاصة أو تنظيمية أو تواصل - يربطني بالاخت نجلاء - أو بخاري- لا إ ميل
ولاماسنجر أوهاتف - أو معرفة شخصية.. وكتبتي :-
Quote: وقبلهم على فكره طلع توطين للدكتور بشرى قمر برضو لطشه جلابي!! وكله موثق.....وكذبوا وادعوا اننا ندعوا لعنصريه مضاده....يا اخي انتو تقرفوا الما يقرف
وما شأني بفتحي قمر والجلابي الذي لطش -'كيزه' أنا ياتراجي لم أخرج لاجئيا ولم أستفيد من إعادة التوطين ولم أحرم أحدا من حقه فيها...ولم أعمل أوأتعامل أو أتعاون أو أستفيد من أي منظمة هذا مع أحترامي للشرفاء الذين تعاملوا مع المنظمات من دون شبهة فساد أو إفساد...

Post: #12
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 04:49 PM
Parent: #6

أختي العزيزة سلمي الشيخ سلامة..
تحياتي وودي

Quote: يا جميل ياحلو الشقايق
املا كاسك واصبر دقايق
الى اخر تلك الاغنية البديعة للشاعر والفنان البديع خليل افندى فرح
تحية واحتراما وهنئيا لنا بعودتك

ياسلام علي ذوقك ياسلمي! عدلتي مزاجي بكلمات المبدع الخالد خليل فرح فحروف هذا الهرم تهز كياني وتتخللني لدرجة الإستغراق والوجد الصوفي بل وتذيبني وتتغلغل في تلافيف القلب ، تحرك الساكن وتهز الجامد وتلهب النفوس ثورة ووطنية وتملأ الدنيا نشوة وحبا وعبقا... وأشاركك أيضا محبة القيثارة- الفنان الملهم محمد جبارة أمد الله في أيامه... بالمناسبة - سألني عنك مثقف مصري- إسمه- أشرف - يعمل مناوبا بمكتبة مدبولي - ميدان طلعت حرب- أثني عليك وعلي كتاباتك كثيرا - إعزازي وتقديري- ياأديبتنا- سلمي سلامة - كما يطلق عليك أشرف المصري..
......

Post: #15
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: صبري طه
Date: 09-01-2012, 05:51 PM
Parent: #12

نوّر بيتنا هنا

ـــــــ
كُنت عايز أفتح بوست تاني للسؤال عنك .. ولكنّني قُلت كترة السؤال بتمسّخ السؤال ذاتو
مرحب بيك من جديد ...

Post: #16
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: عبدالكريم الامين احمد
Date: 09-01-2012, 05:55 PM
Parent: #15

تحية وسلام كثير يا كمال
والمنبر نور والله

Post: #17
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: عاطف مكاوى
Date: 09-01-2012, 06:26 PM
Parent: #16

عوداً حميداً يا صديق.

Post: #18
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: محمود الدقم
Date: 09-01-2012, 06:46 PM
Parent: #17

اهلا بالسيد كمال عباس مكانك كان شاغرا، غيبة طويلة لكن الرجعة كانت بلسم في وانتظار تحليلاتك، احترامي.

Post: #59
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 03:17 PM
Parent: #18

مرحب وأهلا محمود الدقم ومشكور ياأخي علي التقريظ وحسن الظن
Quote: اهلا بالسيد كمال عباس مكانك كان شاغرا، غيبة طويلة لكن الرجعة كانت بلسم في وانتظار تحليلاتك، احترامي.

كمال

Post: #19
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: سلمى الشيخ سلامة
Date: 09-01-2012, 06:56 PM
Parent: #17

الله يا كمال
اشرف مدبولى كما اسميه
طوال ثمانية اعوام كنت التقيه احيانا يوميا
كنت اجئ الى مكتبة عم مدبولى تغشاه الرحمة
ادخل المكتبة فى طلعت حرب
واسوح بين الارفف
يهمس لى اشرف
ـ تعالى معايا المخزن النهاردة عندنا شحنة جديدة
ادخل خلفه يتركنى هناك ويخرج
اجئ محملة بعشرات الكتب
ينظر الى عم مدبولى وينادينى
ـ ايه يادكتورة ؟ كل دى كتب ؟ ويمين الله حتاخديها كلها بس الاتنين دول حتدفعيهم
وادفع ثمن كتابين من عشرات الكتب وغالبا ما يختار ارخص كتابين ويمنحنى الباقى مجانا
اشرف كان كلما نفدت طبعة لكتاب يعرف انى مغرمة به يكلمنى
ـ تعالى يا دكتورة وهاتى معاك كتاب ... يذكر اسم المؤلف والمترجم فاكمل له "البيت "
واعوده فى المساء حاملة ما طلب
ويمنحنى قصاده كتابين او ثلاثة لنفس الكاتب لم يكونا بحوزتى
كنت اطالع فى اليوم الواحد اكثر من كتاب رغم زحمة الشغل والحياة ، ففى المترو والشارع والبيت دائما معى كتاب
يا لذاك الرجل اشرف مدبولى
لكم حببنى هو وعم مدبولى فى الكتب ورائحتها والمخزن الملاصق للمكتبة فى التحرير
خسيمك النبى كان ما سلمت عليهو واغشى معاك الاتيليه لو قاعدفى القاهرة وسلم لى كل الناس الهناك
خاصة كمال خضر الفنان التشكيلى السودانى من ام مصرية واب سودانى
لى معه قصة طريفة
فى مساء يوم كنت رفقته ومعى شيخى الراحل محمد مستجاب غفران الله عليه
قال له مستجاب
ـ مش حتحكى حكايتك لسلمى ؟ هى تبعكو برضك ولا ايه ؟
حكى لى كمال خضر انه من اب سودانى والده من ابوروف كما ذكر لكنه لم يعش مع والدته طويلا
المهم ، فى يوم قالك ايه سكرنا وكان معايا صنع الله ابراهيم وحيث انه صنع الله كان نحيف "اوى " واللمعاه كان برضك نحيف اوى " قال صنع الله
ـ ياعم دا تقيل مافيناش نشيلو ، نجرو والليحصل يحصل
فقمت من "سكرتى " وصرخت فيهم
ـ روح ياعم انت وهو السودانى عمرو ما ينجر
سلام مربع يا صاحب

Post: #20
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: تبارك شيخ الدين جبريل
Date: 09-01-2012, 07:21 PM
Parent: #19

لو قلت ليك اشتقت ليك ولى "أسلوبك في النقاش" ... ممكن ما تصدقني ... عشان كدا النسألك:

جبت معاك سبورة المرة دي؟

(لأنو المرة الفاتت قربت تقد ليّ عيني بالبسطونة البتوصف بيها!!)

... المهم ....

Post: #22
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Deng
Date: 09-01-2012, 07:35 PM
Parent: #20

العزيز كمال عباس.

وجودك في هذا المنبر مهم جدا وأنت من مؤسسيه.

مرحب بك مرة أخرى ونتمنى أن تواصل ما بدأت هنا.

تحياتي.

Post: #64
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 08:58 PM
Parent: #22

سلامات يادينق وكيف أخبارك إنشاء الله كلو تمام

Quote: لعزيز كمال عباس.

وجودك في هذا المنبر مهم جدا وأنت من مؤسسيه. مرحب بك مرة أخرى ونتمنى أن تواصل ما بدأت هنا.
تحياتي.

كويس يادينق إنك فتحت النقطة دي وإنت مؤسس حقيقي لهذا الموقع يادينق الموقع دا فيه سلبيات كبيرة جعلته يصبح عنصر طرد لا قوة
جذب ومن أبرز سلبياته المادة الأولي من اللائحة التي تفتقر لأبسط أسس الديموقراطية وأحترام حقوق العضوية وتغيب الشفافية...ومن العيوب التطبيق الإنتقائي للائحة.. ومن المسالب أيضا السحب الجزافي للبوستات والذي خلق هزة كبيرة قبل عام وأعني تحديدا ماحدث للأستاذة عزاز شامي ومن تضامن مع قضيتها حيث تم تكهير حسابها وإرسال رسائل من حسابها لعضويةالمنبر لاتعبر عن عزاز وحينها قامت المحترمة عزاز بفتح بوست لتوضيح الحقائق وإبراء ذمتها والمطالبة بتحصين الموقع وصيانة الخصوصيات - لم تحترم الإدارة حق الاخت عزاز المشروع في التوضيح والإبانة وإنما قامت بسحب بوستها التوضيحي ومحاسبة من تضامنوا معها...علما بأن بوستات الهكر المتكررة التي حاولت النيل من عزاز ظلت ولفترات طويلة في صدارة صفحات المنبر من دون أن تطالها يد السحب...وقد أدي هذا الخلل الإداري لإنسحاب باقة من عضوية المنبر وإنكماش البعض وعودة بعضا ممن توقفوا بلا نفس أوروح... كانت هذه الحادثة نقطة تحول في مسار المنبر وزلزلال هادر عصف بأركانه ولم يعود المنبر كما كان...وحقيقة لم تخسر الأستاذة عزاز شئيا بإبتعادها عن المنبر وإنما خسر المنبر قلما رصينا وكاتبة من الطراز الرفيع وهاهي تستغل وتوظف كافة النوافذ المتاحة - من إعلام مرئي ومسموع ومقروء وتواصلا فاعلا مع شعبها ...نعم خسر المنبر عزاز ورفيقاتها وزملائها وهو أمر يتطلب المعالجة والأعتذار لهولاء ومعالجة المادة الاولي باللائحة ( ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. ) حتي تعود أكثر ديموقراطية وشفافية وللأسف الشديد بدلا من يحدث هذا تتكرر ذات الممارسة- حاليا- بسحب البوستات التي تحارب التشوهات وتحاصر القبح...فالي متي تصم الإدارة أذنها عن النصح والتي متي ينزف المنبر فاقدا أطهر دمائه وأنقي عناصره والي متي يفقد الموقع مساحات جديدة كل يوم... ??) راجع يادينق قوائم العضوية لما قبل 2006 وشوف الناس دي وين وليش هجروا بصمت ? إدارة الموقع بحاجة لوقفة صادقة تمكنها من معالجة السلبيات وتطوير الموقع وتصحيح مساره ...........

Post: #23
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: ibrahim alnimma
Date: 09-01-2012, 07:37 PM
Parent: #20

ياله من خبر جميل .....والف حمدلله علي سلامتك .......
ويبدو اننا بصدد ارجاع حال المنبر الى سيرته الاولي .........
كم انا سعيد بهذا الخبر .......بعد ان طال السؤال عنك ......ارسلنا لك من الشوق اطنان تستحقها .........

Post: #45
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: د.نجاة محمود
Date: 09-02-2012, 04:27 AM
Parent: #23

شوفتك وابتهجتا وين يا غالي انت
نحنا يانا نحنا نفس الملل والشكل
واخد الكذب دوركبير في النضال في فترة غيابك
كل سنة.وانت طيب وجست ان.كيس غبتا تاني عيد اضحى مبارك
وهابي نيو ييار
بالجد ليك وحشة قدر السماء وطيراتو والبحر وسمكاتو
الجابك يجيب منعم الجزولي

Post: #62
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 06:01 PM
Parent: #20

سلامات ياتبارك وشكرا علي الحضور الأنيق

Quote:
لو قلت ليك اشتقت ليك ولى "أسلوبك في النقاش" ... ممكن ما تصدقني ... عشان كدا النسألك: جبت معاك سبورة المرة دي؟
(لأنو المرة الفاتت قربت تقد ليّ عيني بالبسطونة البتوصف بيها!!)

يازول سبورة شنو ? شايف في كورنر باك خطير مقطعك النفس- صهيب - وبدل ما كنت تجري للرد زون وتعمل تطش داونtouchdown بقي شغلك كلو fumbling the ball in the end zone و drop ball وبقي الزول دا يعمل ليك interception زي السلام عليكم!! i am just kidding
مرحب بيك تاني وشايفك بقيت محزب سياسيا وبتدعو لإسقاط النظام عديل كدة بدل من تغيرو!!

Post: #21
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: محمد على طه الملك
Date: 09-01-2012, 07:32 PM
Parent: #19

عودتك نشرت بيننا ابتسامة الفرح بما فينا أساسي..
وهاهي سلمي ( بشربات حكاويها ) تمشي بيننا مرحبة .
العود أحمد .

Post: #24
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: نادر
Date: 09-01-2012, 09:16 PM
Parent: #21

حمد لله لا السلامة استاذ كمال عباس،،، ظل مكانك شاغرا وافتقدنا كلماتك الرشيقة،، تحياتي وتقديري

Post: #25
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Egbal Elmardi
Date: 09-01-2012, 09:22 PM
Parent: #24

مرحب بيك
إنت واحد من المحترمين الوجودهم ضروري...

Post: #26
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: خضر حسين خليل
Date: 09-01-2012, 09:37 PM
Parent: #25

ألف حمد الله علي السلامة يا عزيزي كمال
نورت المكان والله
إفتقدتك كثيراً هنا

Post: #27
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: ALZOLZATOO
Date: 09-01-2012, 09:51 PM
Parent: #26

عودا حميدا وكل سنة وانت طيب

قبل كم شهر كده بسمع في قناة الجزيرة وجابوا واحد اسمو كمال عباس ده انت ولا زول يخلف من الاسم اربعين

تحياتي

زاتوووو

Post: #29
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Muna Khugali
Date: 09-01-2012, 11:14 PM
Parent: #27

إزيك يا كمال وحمدلله علي السلامة..
سألت منك عند رجوعي وعلمت بإختفاءك..سعيدة جدا لرجوعك..

اما بالنسبة للأحوال فالحمدلله ناس بتموت وناس عيانة وناس بتتزوج وناس بتولد
وبالطبع ناس بتتشاكل وتشد شعرها وشعر الناس التانية معاها..
غير كده لا بأس ..بس منتظرين قدر الله ياخد اهل النظام في السودان..إتأخر شوية لكن أكيد بيجي!

إنت كيفك؟؟

شكرا لرجوعك..

Post: #30
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-01-2012, 11:15 PM
Parent: #27

مرحب يا كمال

كدي نسخن بيك شوية...

انت اسي ما شاركت في العشرات دي كدا؟
وابداً الانتقدتو دا - رغم الاقرار بعدم القراية- ما صحيح .. وانت اسي اتورطت فيما لم نلغ فيه نحن اصحابها ديل!!
اغلب بوستات العشرات ما فيها تصنيف .. ولا عشرات هناك ذاتو!
والله صحي

كان تصبر لمن تقراها .. وتصبر على قرايتها
ول شنو؟
مش دي اصول النقد

-----

بعد كدا الزول ممكن يقول مشتاقين

Post: #31
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: عاطف رميتي
Date: 09-01-2012, 11:27 PM
Parent: #30

عوداً حميد مستطاب

ومشتاقين .. طمنا عليك ..

Post: #32
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Siham Elmugammar
Date: 09-01-2012, 11:30 PM
Parent: #30

واخيرا

يا سلاااااااااااااااااااااااااااااااااااام

Post: #33
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-01-2012, 11:39 PM
Parent: #30

سلامات ياقيقراوي
(
Quote: مرحب يا كمال

كدي نسخن بيك شوية...

انت اسي ما شاركت في العشرات دي كدا؟
وابداً الانتقدتو دا - رغم الاقرار بعدم القراية- ما صحيح .. وانت اسي اتورطت فيما لم نلغ فيه نحن اصحابها ديل!! اغلب بوستات العشرات ما فيها تصنيف .. ولا عشرات هناك ذاتو! والله صحي كان تصبر لمن تقراها .. وتصبر على قرايتها ول شنو؟ مش دي اصول النقد
أول حاجة ياقيقا -أنا قلت أطلعت علي - منبع البوستات -بوست دينا ودا فيه ترتيب بالتسلسل للنساء والرجال أما البوستات الاخري فأنا لم أقل لم أطلع عليها كلها وإنما قلت لم أطلع علي معظمها الأهم من هذا إني لم أصدر حكما قاطعا علي مالم أطلع عليه وإنما تمنيت ورجوت
Quote:
... (. وأرجو أن يكون تقييم الناس وترشيحهم" للتميز والنجومية' غير غافل عن الاسس والأبجديات الإنسانية فالتصفيات الأولية 'بلغة الكورنجية" في نظري يجب أن تعتمد هذه الركائز1 - أن يكون الكاتب عفيف اللسان لايكتب بمداد من صديد وقلم من حقد - الا يكون هاتكا للأعراض ومدمنا للشخصنة والإسفاف - الا يكون فاجرا في خصومته وبذئ ومنحط في عبارته -أن يكون موضوعي - يحترم نفسه ويحترم المتلقي فماذا يربح الشخص إذا كسب العالم وخسر إنسانيته?وإذا ما أدمن إنتهاك إنسانية البشر? - أصحاب القضايا العادلة والمبادئ الشريفة لايصلون الي الغايات السامية عبر وسائل قذرة وأقلام مسمومة تقطر قيحا وقبحا ... )
فهل تحقق رجائي في البوستات -التي- لم أطلع عليها- والتي قد تكون قد قامت بترتيب بعض الأعضاء رقميا ? أترك الإجابة لك وللقارئ...أما البوستات التي أطلعت عليها فلم تلتزم بما تمنيته أنا تحدثت عن عموميات ولم أخصص والشاهد في كلامي هو التركيز علي عفة اللسان ونقاء النفس وإحترام الذات والآخر ورفض التمجيد الذي يكرس للقبح ويتصالح مع الإسفاف وهتك الأعراض !!

Post: #35
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Siham Elmugammar
Date: 09-02-2012, 00:06 AM
Parent: #33

Quote: أول حاجة ياقيقا -أنا قلت أطلعت علي - منبع البوستات -بوست دينا ودا فيه ترتيب بالتسلسل للنساء والرجال أما البوستات الاخري فأنا لم أقل لم أطلع عليها كلها وإنما قلت لم أطلع علي معظمها الأهم من هذا إني لم أصدر حكما قاطعا علي مالم أطلع عليه وإنما تمنيت ورجوت

ياخ حمدالله على السلامة شديد ياخ

________________________________________
يا قيقا يا راوى

على قول هماميتا ذا كيلر "انعل ابو العصرى زاتو"
انت الدقة دى تلقاها ساعة بتعد العشرة والا ساعة بتكسر فى راس مال ماركس :)

Post: #36
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: أسامة الفضل
Date: 09-02-2012, 00:13 AM
Parent: #33

مرحبا أستاذ كمال و مكانك شاغر.

drift
عليك الله يا أساسي أكان ما عملت لي كمال ده بوست بتاع orientation زي العملته لياسر طيفور داك . كان من أطرف و أمتع ما قرأت هنا.

Post: #39
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Gaafar Ismail
Date: 09-02-2012, 01:44 AM
Parent: #36

ألف مرحب أخي الحبيب كمال عباس
افتقدناك كثيرا

Post: #70
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 01:15 AM
Parent: #26

العزيز خصر حسين سلامي وأشواقي
وشكرا ياصاحب الحرف الأنيق والكلمة الرصينة والموقف المبدئي...
وياأخي البركة فيكم في وفاة ركيزة أسرتكم ونبع الحكمة والعطاء فيها...
سمعت عن وفاته عبر كلمة مؤثرة -صادرة من القلب- قرأتها لك قبل أيام بالراكوبة... والبركة فيكم وفينا -في باقة خيرة من بني وطني - ساسة وفنانين وشعراء إنتقتهم يد الموت- في الشهور الماضية- ولكنها عجزت عن أن تحجب عنا وهجهم وإرثهم الخالد والذي سيظل نبراسا خالدا يشع بالضياء وبنور الأمل...

Quote: ألف حمد الله علي السلامة يا عزيزي كمال
نورت المكان والله
إفتقدتك كثيراً هنا

ورغم الفقد والإنكسارات ستمضي الحياة وسنصنع مع جماهيرنا غدا أفضل
........

Post: #60
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 04:09 PM
Parent: #19

أختي المحترمة سلمي الشيخ سلامة
Quote: لله يا كمال
اشرف مدبولى كما اسميه
طوال ثمانية اعوام كنت التقيه احيانا يوميا
كنت اجئ الى مكتبة عم مدبولى تغشاه الرحمة
ادخل المكتبة فى طلعت حرب
واسوح بين الارفف
يهمس لى اشرف
ـ تعالى معايا المخزن النهاردة عندنا شحنة جديدة
ادخل خلفه يتركنى هناك ويخرج
اجئ محملة بعشرات الكتب
ينظر الى عم مدبولى وينادينى
ـ ايه يادكتورة

ياسلام علي حكاويك الحلوة- عن القاهرة وعن القلعة الثقافية الكبري مكتبة مدبولي التي بزغت شمسها منذ أكثر من ستين عاما وهي تحكي قصة عصامية نادرة للمرحوم الحاج مدبولي... هذا الرجل الرائع والذي يحرص علي إستقبالك بترحاب شديد وكأنك زبونه الوحيد ويحرص علي خدمتك بنفسه مع العلم بأنه يستخدم عشرات الموظفيين-لايشعرك أبدا بإنه يملك ويدير واحدة من أكبر دور النشر وأشهر المـكتبات في المنطقة العربية....قابلته آخر مرة في معرض للكتاب ببري عام 2006 قبل شهور من وفاته ....فعلا يا سلمي أشرف دا زول مثقف راقي جدا ودوما ما يا خذني للقسم الأعلي من المبني -المخزن-ويتحفني بالدرر الثقافية وينتقي لي باقة جيدة أقطف منها ما إحتاجه...
وبالمناسبة أنا لست بالقاهرة ولكني سأزورها في الشهور القادمةوحتما سا أتعرف علي الأشخاص اللي ذكرتيهم...

Post: #53
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 07:25 AM
Parent: #17

,,,

Quote: عوداً حميداً يا صديق.

مشكور كتير ياعاطف مكاوي علي حسن الإستقبال..
ولي قدام

Post: #44
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 04:15 AM
Parent: #16

صديقي عبد الكريم الأمين
تحياتي
Quote: تحية وسلام كثير يا كمال والمنبر نور والله
يا أخي والله مشتاقيين كتير ...وكيف حال البنية وأمها إنشاء الله بخير وعافية ...متابع عطاءك الثر وجهدك الذي لاينضب ...يا أخي عناوين بوساتتك أصحبت شعارات ترددها الإلوف!!... تقولي شنو وتقولي منو...واصل كفاحك ياصديقي فخط الثورة مابين المد والجزر.. والثائر الحقيقي هو من ينهض في لحظة الإنحسار والإنكسار محرضا وموجها- بعزيمة لاتعرف الإحباط ...
لك فائق ودي

Post: #42
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 03:22 AM
Parent: #15

شكرا يا عزيزي صبري طه علي الإهداء الراقي

Quote: نوّر بيتنا كُنت عايز أفتح بوست تاني للسؤال عنك .. ولكنّني قُلت كترة السؤال بتمسّخ السؤال ذاتو
مرحب بيك من جديد ...
شكرا صبري طه
ومبروك الزواج ويا أخي أشكرك من كل أعماقي علي بوست كنت قد تكرمت بفتحه قبل عام بإسمي متفقدا لشخصي وقد شارك فيه فقيدنا العزيز صديقي محمد عبد الرحمن المطرطش له الرحمة بكلمات - ستظل محفورة في ذاكرتي للأبد وأروع ما في مداخلته ما وجهه لصديقه الاستاذ حيدر قاسم- الذي أهداه مذكرات دراسية قبل 30 عاما - وقد ظل المطرطش يذكر له هذا الفضل بكل إخلاص ووفاء.. لك الشكر يا صبري طه ولكل من سأل مني في ذلك البوست أو في سواه .........
أين الأستاذ الرائع كمال عباس ؟!

Post: #43
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Sabri Elshareef
Date: 09-02-2012, 03:54 AM
Parent: #42

اهلا بك يا انسان يا مهذب
كم يفتقدك القراء رجال ونساء
وتفتقدك بوستات الحوار والمعرفة وفتح نافذة لايقاد الاذهان

حقيقة سعيد بعودتك وسعيد لانك لديك ما لم تقله

اتمني الرجعك يرجع للمنبر كافة اقلامه من النساء والرجال
اقلام كثيرة قد حرمت القراء الذين واللائي لا ذنب لهم لهن بما يدور هنا

احترامنا لمن يتتبع ما نكتبه يلزمنا بهذا الواجب الصعب في الالتزام ناحيتهم \ن

اهلا بك وسالنا عنك كثيرا وقد طلبت تلفونك كثيرا من بكتاش ومرة من عاطف مكاوي ومرة من اخرين لم اجده لاتفقدك وانت صديق عزيز علي مما تلتزمه من ادب وحسن مواقف

Post: #46
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Khalid Kodi
Date: 09-02-2012, 04:32 AM
Parent: #43

مرحب بعودة الاستاذ كمال عباس

Post: #47
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: خالد العبيد
Date: 09-02-2012, 04:53 AM
Parent: #43

مرحب بكمال
حقيقي مكانك شاغر

Post: #48
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: حسن البشاري
Date: 09-02-2012, 05:23 AM
Parent: #47

حباب كمال .. نورت المنبر

Post: #49
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: elhilayla
Date: 09-02-2012, 05:33 AM
Parent: #48

في اخر المراح دايما تجي الفترانة

اعذرنا يا كمال
ولو انني من الذين طالبوا بعودة قلمك الرشيق

شكرًا للاستجابة

__________
الحليلة

Post: #50
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: mohmmed said ahmed
Date: 09-02-2012, 05:34 AM
Parent: #48

مرحبتين حبابك
اليوم السعيد الليلة جابك

Post: #51
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: معاوية الأرباب
Date: 09-02-2012, 05:43 AM
Parent: #47

مرحبا تراحيب المطر بعودتك أستاذنا كمال عباس

إفتقدناك وافتقدنا تحليلاتك التي تلامس جذر المضمون .

Post: #52
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: HAYDER GASIM
Date: 09-02-2012, 06:14 AM
Parent: #51

كمال عباس ... تسلم,

وما بين مفرقة العيدين, نظل نندى بالفرح,
فيما لأحزاننا شجون ومتون وعارض هتون.

... وفي كل الأحوال أبقى طيب, ومرحب بيك
يابا

Post: #54
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: محمد عبد الماجد الصايم
Date: 09-02-2012, 08:15 AM
Parent: #52

يا سلاااام ياخ!
كمال عباس .. حمد لله ع السلامة
وكل سنة وإنت طيب يا حبيب!!

ألف مرحب بالعودة!

Post: #55
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Elawad Eltayeb
Date: 09-02-2012, 09:13 AM
Parent: #54

مرحبتين حبابك. ظل مكانك شاغراً وافتقدنا كثيرا، وفي الليلة الظلماء يفتقد البدر.

نعزيك فيمن رحلوا عن الفانية، جعل الله الجنة مثواهم.

Post: #56
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: abuguta
Date: 09-02-2012, 09:25 AM
Parent: #55

الشيوعيون وصلوا,,,,

والله ياريس فاتتك جنس عشرات
على اى احداهن تكون الاول

الا ثلاثة تراجى

عودا حميدا مستطاب

Post: #57
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: هشام هباني
Date: 09-02-2012, 11:12 AM
Parent: #1

مليون مراحب بالاستاذ كمال عباس قلما مناضلا بالحق في دحر الكيزان و العملاء( الانجاس).

Post: #58
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: ابراهيم قناوي
Date: 09-02-2012, 12:10 PM
Parent: #57

الأستاذ كمال عباس

السلام عليكم ورحمة الله

وكل عام وانت بألف خير

وحمداً لله على سلامتك يا أستاذ

وفعلاً انت من الأقلام المميزة في هذا المنبر

ومهما اختلفنا معك نكن لك كل الاحترام لأنك

صاحب قلم مميز وناصع ومهذب

وما اندر الأقلام التي تتصف بهذا الصفات

لك التحايا يا أستاذ

وسلامي للجميع

Post: #61
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: abdelrahim abayazid
Date: 09-02-2012, 04:21 PM
Parent: #58

الف مرحب
كمال عباس

Post: #63
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: النصرى أمين
Date: 09-02-2012, 07:01 PM
Parent: #61

الف حمدلله على سلامة الرجوع كمال

فى غيابك تكالب علينا بغاث الطير

Post: #65
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: عصام دهب
Date: 09-02-2012, 09:25 PM
Parent: #63

سلام و احترام يا استاذ كمال ..

و عودا حميداً لإثراء هذا المكان ..

Post: #66
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-02-2012, 10:51 PM
Parent: #65

الاعزاء- إبراهيم النعمة ود.بيان ومحمدعلي طه الملك ونادر....
(1)
سلامات ياعزيزي إبراهيم النعمة ومشتاقيين وبجد متابع وبإهتمام حوارتك ويعجبني فيها وبحق معرفتك بأسس السجال وإحترام المحاور في شخصه مع الإحتفاظ بحقك في الإختلاف مع فكره ومواقفه .. وتعجبني قدرتك في تفنيد طرح الاخر وفلفته وطرح بديلك... ويعجبني فيك هدوء النفس والثقة بالنفس والتمكن من أدوات الحوار... والقدرة علي قراءة الاخر وتوجيه البوصلة في الإتجاه الصحيح...وهو أسلوب ومنهج أحرص دوما علي إتباعه في حوارتي
Quote: ياله من خبر جميل .....والف حمدلله علي سلامتك .......
ويبدو اننا بصدد ارجاع حال المنبر الى سيرته الاولي .........
كم انا سعيد بهذا الخبر .......بعد ان طال السؤال عنك ......ارسلنا لك من الشوق اطنان تستحقها
.........
شكرا علي كلماتك العطرة ياإبراهيم
( 2)
شكرا يا دكتورة بيان علي الإطلالة المقدرة والاهتمام وتحياتي لكافة
أفراد إسرتك وربنا يحفظهم ويوفقهم ويخليهم ليك

Quote: شوفتك وابتهجتا وين يا غالي انت
نحنا يانا نحنا نفس الملل والشكل
واخد الكذب دوركبير في النضال في فترة غيابك
كل سنة.وانت طيب وجست ان.كيس غبتا تاني عيد اضحى مبارك
وهابي نيو ييار
بالجد ليك وحشة قدر السماء وطيراتو والبحر وسمكاتو
الجابك يجيب منعم الجزولي

إتمني حقا عودة عبد المنعم الجزولي وعبد المنعم عجب الفيا وكافة الطيور المهاجرة ... إما بالنسبة للكذب في النضال فهو أمر مرفوض مع إنه يصدر من كوادر قاعدية الإ أن نبل الغايات لايبرر خسة الوسائل أما الكذب والفساد والأستبداد والقتل والدمار وتمزيق الأوطان فهو سمة ومنهج إنقاذي تجسده قمة سلطة الإنقاذ قبل قواعدها...وإن كانت هناك تشوهات تعتري بعض أوجه المعارضة فهناك متسع لكل وطني غيور إن يتجاوز هذه السلبيات ويختط مسار جديدا للمعارضة..
.
( 3)
الأستاذ محمد علي طه الملك
تحياتي وأشواقي وشكرا علي كلماتك المعتقة بدفء المشاعر الإنسانية النبيلة.. وإنتهز هذه السانحة لأشيد بأسلوبك الراقي في الحوار وإحترام الاخر وإعلاء قيم الإنسانية ..وأثمن علي أفكارك المرتبة ونفسك الهادي وما تضعه وتضيفه لموائد الحوار
(4)
المصادم نادر
Quote: حمد لله لا السلامة استاذ كمال عباس،،، ظل مكانك شاغرا وافتقدنا كلماتك الرشيقة،، تحياتي وتقديري

شكرا علي حسن الظن والتفقد والتقدير لك ولأسرتك المستنيرة
ولك مني أعمق إحترام
,,,,,,,,,,,

Post: #67
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: صديق الموج
Date: 09-02-2012, 10:56 PM

عودًا حميداً صديقى كمال
بعودتك للمنبر يعود للمنبر القه وزحمه
نتمنى ان لاتغيب ووفر ضراعك للبلد،،،

Post: #68
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 00:24 AM
Parent: #67

...........
الأعزاء إقبال المرضي والزول زاتو ومني عوض خوجلي
( 1)

إختي العزيزة إقبال المرضي سلام مربع يابنت الناس الرائعة
Quote: مرحب بيك
إنت واحد من المحترمين الوجودهم ضروري...

شكرا علي الإطراء وربنا يديك الصحة وطول العمر .... وإنتي كمان ياإقبال قمة في الإحترام والذوق ومثال للعضو الذي لايتعدي علي حدود
أحد ولايسمح لأحد بالتعدي علي حدوده... إتابع كتاباتك الهادئية والهادفة ...سلامي لعنقود أسرتكم الوافرة البذل والعطاء
......................
( 2)
تحياتي للزول زاتو وشاكر ومقدر لمرورك وتحيتك وكل سنة وإنت بخير
وتوفيق

Quote: عودا حميدا وكل سنة وانت طيب

قبل كم شهر كده بسمع في قناة الجزيرة وجابوا واحد اسمو كمال عباس ده انت ولا زول يخلف من الاسم اربعين

تحياتي

زاتوووو

بتاع الجزيرة الظاهر عليه زولا تاني كامل إحترامي
( 3 )
سلام يا مني عوض خوجلي - الشريفة- بت خليفة الخلفاء
Quote: إزيك يا كمال وحمدلله علي السلامة..
سألت منك عند رجوعي وعلمت بإختفاءك..سعيدة جدا لرجوعك..

اما بالنسبة للأحوال فالحمدلله ناس بتموت وناس عيانة وناس بتتزوج وناس بتولد
وبالطبع ناس بتتشاكل وتشد شعرها وشعر الناس التانية معاها..
غير كده لا بأس ..بس منتظرين قدر الله ياخد اهل النظام في السودان..إتأخر شوية لكن أكيد بيجي! إنت كيفك؟؟شكرا لرجوعك..

أنا تمام يامني وأموري ماشة كويس مع إنو حال البلد واقف ...وحتما سينهار جدار الظلم وينفتح باب الأمل ويشع نور الحرية وقطعا لن يذهب دم الشهداء هدرا وسنذيقهم جرحا بجرح ودم بدم كما قال ود المكي وسيكون للقضاء العادل كلمة حاسمة في الإقتصاص من القتلة... أطلعت قبل عام لرسالة منسوبة لوالدتك - تجسد معاني العزة والصمود وترفض الخنوع والتصالح مع القتلة وترفض مساومة الدماء الطاهرة بالمال الإنقاذي المشبوه..وبالمناسبة كنت أتابع كتاباتك في الموقع الإلكتروني الآخر سلامي لكافة أفراد أسرتك ولإطفالك وجني جناك......
...........

Post: #69
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: طارق جبريل
Date: 09-03-2012, 00:27 AM
Parent: #68

يا حبيب كل سنة وانت طيب
افتقدناك يا قريبي

Post: #71
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 03:54 AM
Parent: #69

.................
الأخت النبيلة سهام المجمر / الأخ المحترم عاطف رميتي / العزيز أسامة الفضل

(1)
شكرا عاطف رميتي

Quote: عوداً حميد مستطاب
ومشتاقين .. طمنا عليك ..

والعود يكون أحمد بوجود أمثالك... ولك مني عاطر الود

(2)
النبيلة سهام المجمر - تحياتي وإعزازي لشخصك الكريم
... الأخت النبيلة سهام المجمر - الذهب المجمر الذي زادته نيران الوجع ومرارة الفقد صلابة وبهاء وقدرة علي العطاء
وها قد أصبحت فقيدة - الجميع غادة شعلة وشمعة إحترقت لتضئ الطريق للنشء وشباب المبدعين- تشجيعاوصقلا لمواهبهم فأمثال غادة لايموتون بل يكتب لهم الخلود في سفر الحياة نقرأهم إبداعا وأحرفا متوهجة في صفحات من حفزتهم جائزتها ... لها الرحمة والمجد الآبدي والصحة والتوفيق لأفراد الأسرة الكريمة... شكرا ياسهام علي إهتمامك الدائم بشخصي وما أكتب والتحية عبرك لزوجك
الكريم وأخوتك وكافة أفرع العائلة...
( 3)

العزيز أسامة الفضل
مرحبا أستاذ كمال و مكانك شاغر.
مشكور ياود الفضل والمكان مملوء ومزدهر بمثل قلمك الرزين وعقلك الناقد الأخت النبيلة سهام المجمر / الأخ المحترم عاطف رميتي / شكرا العزيز أسامة الفضل

Post: #72
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Elawad
Date: 09-03-2012, 03:56 AM
Parent: #69

الصديق العزيز كمال
أرجو أن تكون بخير وأمورك كلها تمام التمام.
يا ألف مرحب بعودتك.

Post: #73
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: داليا حافظ
Date: 09-03-2012, 09:56 AM
Parent: #72

كيفك يا استاذ كمال ..

ماعارفة إذا كنت من صحابك ولا لأ.. لكن افتقدت قلمك الرصين ودفاعك المستميت عن افكارك ..

وانت بالجد من الناس الأثروا فيني في المنبر ده ..

عودا فارها ..

Post: #74
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Siham Elmugammar
Date: 09-03-2012, 11:04 AM
Parent: #73

Quote: كويس يادينق إنك فتحت النقطة دي وإنت مؤسس حقيقي لهذا الموقع يادينق الموقع دا فيه سلبيات كبيرة جعلته يصبح عنصر طرد لا قوة
جذب ومن أبرز سلبياته المادة الأولي من اللائحة التي تفتقر لأبسط أسس الديموقراطية وأحترام حقوق العضوية وتغيب الشفافية...ومن العيوب التطبيق الإنتقائي للائحة.. ومن المسالب أيضا السحب الجزافي للبوستات والذي خلق هزة كبيرة قبل عام وأعني تحديدا ماحدث للأستاذة عزاز شامي ومن تضامن مع قضيتها حيث تم تكهير حسابها وإرسال رسائل من حسابها لعضويةالمنبر لاتعبر عن عزاز وحينها قامت المحترمة عزاز بفتح بوست لتوضيح الحقائق وإبراء ذمتها والمطالبة بتحصين الموقع وصيانة الخصوصيات - لم تحترم الإدارة حق الاخت عزاز المشروع في التوضيح والإبانة وإنما قامت بسحب بوستها التوضيحي ومحاسبة من تضامنوا معها...علما بأن بوستات الهكر المتكررة التي حاولت النيل من عزاز ظلت ولفترات طويلة في صدارة صفحات المنبر من دون أن تطالها يد السحب...وقد أدي هذا الخلل الإداري لإنسحاب باقة من عضوية المنبر وإنكماش البعض وعودة بعضا ممن توقفوا بلا نفس أوروح... كانت هذه الحادثة نقطة تحول في مسار المنبر وزلزلال هادر عصف بأركانه ولم يعود المنبر كما كان...وحقيقة لم تخسر الأستاذة عزاز شئيا بإبتعادها عن المنبر وإنما خسر المنبر قلما رصينا وكاتبة من الطراز الرفيع وهاهي تستغل وتوظف كافة النوافذ المتاحة - من إعلام مرئي ومسموع ومقروء وتواصلا فاعلا مع شعبها ...نعم خسر المنبر عزاز ورفيقاتها وزملائها وهو أمر يتطلب المعالجة والأعتذار لهولاء ومعالجة المادة الاولي باللائحة ( ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. ) حتي تعود أكثر ديموقراطية وشفافية وللأسف الشديد بدلا من يحدث هذا تتكرر ذات الممارسة- حاليا- بسحب البوستات التي تحارب التشوهات وتحاصر القبح...فالي متي تصم الإدارة أذنها عن النصح والتي متي ينزف المنبر فاقدا أطهر دمائه وأنقي عناصره والي متي يفقد الموقع مساحات جديدة كل يوم... ??) راجع يادينق قوائم العضوية لما قبل 2006 وشوف الناس دي وين وليش هجروا بصمت ? إدارة الموقع بحاجة لوقفة صادقة تمكنها من معالجة السلبيات وتطوير الموقع وتصحيح مساره ...........

كمال سلام فى الاول شكرا على الرد البيجبر الخاطر

وثانيا شكرا لفتح موضوع عزاز مرة اخرى...
لعل الاخ الصديق بكرى قد اصابه بعض من تعنت جراء اسقاطات تجاربه السابقة فى مشاركة ادارة المنبر مع اخرين مما اثر على قوة "السمع" عنده
او يكون قاعد ليهو فوق رأى لا علم لنا به
حقيقى ما حدث فى موضوع عزاز كما اوردته عاليا بالتحديد يصيبنا جميعا ورذاذه يدخل فى كل باسويرد حايم هنا
اتمنى ان يمر بكرى بهذا البوست يقرأ مداخلتك يا كمال
فيرجع البصر كرتين...

المنبر فقد عزاز وعزاز كثر ...
قد كتب البعض هنا ان الامر قد لا يعنى لبكرى شيئا طالما المنبر لازال يجد مكانه فى الاسافير
ولكنى اعتقد ان بكرى الذى اعرف لا يفكر بهذه الطريقة
فبكرى يهمه فعلا ما يكتب هنا و يهمه فعلا وجود اقلام متميزة
بكرى ولا تسيطر عليه عقلية البيزنس
ويمكن مراجعته و نقاشه ... ولكن مالم يزيل بكرى وبكرى بنفسه
ما علق فى من اثار التجارب الماضية
لن يصل ولن نصل لجديد و سيظل الحال على ما هو عليه

Post: #75
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-03-2012, 11:43 AM
Parent: #74

Quote:
على قول هماميتا ذا كيلر "انعل ابو العصرى زاتو"
انت الدقة دى تلقاها ساعة بتعد العشرة والا ساعة بتكسر فى راس مال ماركس :)

هاك (الدغة) دي يا فردة:

وين بوست طلب شطب العشرات يا عمك!؟

Quote:
Quote: وتحطم 7 سيارات كما أصيب 10 أشخاص من المارة بإصابات

70سودانيًا يحطمون ١٠ سيارات بالقاهرة هل يعقل#

كدي ارخي الشطب شوية .. لحدي ما نتأكد السيارت تامات النصاب ول سبعة بس

يا عزيزة ولا دقة ولا حاجتين، الموضوع وما فيه مزح × مزح
وازعم - جازماًغير آثم- انو دي الروح الكتبت بيها دينا ..
ووووبس اقصد (الجكس) دينا (ود البشرى ما راضي يطلع لينا دينا.. نسوي شنو؟)
فما عارف الضيق بالآخر (المغاير) جداً الانطلق في البورض دا جا من وين؟
وراعني تورط كمال عباس همسلف في القصة دي!
ياخ الما عاجبو ما قلنا ليو يحلق حواجبو .. يشوف البوستات الجادة ..
العشرن خلهن اقرأ الجادات .... او حتى البشاشات ذاتو .. المافي شنو؟
مش الشوربة للجميع هنا .. ؤ مجاناً!

--------

كلامك حلو جداً يا كمال عن وضع الديموقراطية في المكان دا ..
لكن ما شايفين ربط بينو وبين الحاصل دا؟
غريبة!!

انا واحد من الناس القلت عليهم -بتهذيب- رجعوا -ودينا قالت جوا متسللين بليل وضابين ضنباتم ساي- انا واحد من الرجعوا برا نفس ديل ذاااتم .. اتغير فهمي للمكان دا ؤ الى الابد

فبالله عليكم كل واحد خلوهو بفهمو .. العلى قدرو
دعه يكتب .. دعه يمر
المافي شنو؟
يذهب الغثاء جفاءً .. ويمكث في الاسافير ما ينفع الناس

بالمناسبة سرني جداً عودتك يا كيمو ياخي
وحبيت ارحب بيك بطريقة (Unconventional )
او كما قال الصحاف

Post: #76
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 02:21 PM
Parent: #75

خليني أرد علي قيقاراوي أولا وبجيك راجع - وفق التسلسل - ياسهام المجمر للموضوع
المهم داك !!
يقول قيقا

Quote: ولا دقة ولا حاجتين، الموضوع وما فيه مزح × مزحوازعم - جازماًغير آثم- انو دي الروح الكتبت بيها دينا
.. بالضبط ياقيقاروي ودا الأنا قلتو في البداية
Quote: ...تابعت بوستا للأخت دنيا خالد وضعت فيه وعلي سبيل الهزار والمزاح - قائمة للمميزات والمميزين بالمنبر.. فتناسلت بعدها البوستتات وطفحت الكتابات تتحدث عن العشرة والعشرات
موضوع دينا خالد هزاز وطق حنك وونسة ساي ! ولكن ياقيقا دينا خالد
دي كلامها زي لفظ الطلاق هزله جد ! ولأنو عندها' حبة تأثير كد"ة بعض الناس ختفت كلامها ختف ونشروه وشروه في حبال تانية! دينا فتحت العيون علي السطوة والنفوذ النسوي عالميا وهو بالمناسبة نفوذ حفرته صاحبا ته علي صخور الواقع المعاش بالعرق والدم والدموع! طرحت ذلك ولسان حالها يقول وفي ذلك فليتنافس المتنافسون ! أهادينا كانت تمزح وتهزر ودي حقيقة فهل كان جميع من أقتدي بها كذلك? أم هناك من أخذ الفكرة بجدية وطبقها بصورة مشوهة سوقت البصل مع التفاح? أم هناك من آلتقط الفكرة ووظفها لتصفية الحسابات الشخصية وتحقير البعض الخ وبالقطع قد يكون هناك من واصل في الخط المزاحي لدينا وقد يكون هناك من إستفاد منها لأغراض نبيلة فأنا لم أتابع جميع ما كتب !-عليك الله شيل الكلام دا وختو في بوست دينا خالد ياقيقا -
تحياتي لك ولدينا خالد

1- وبالمناسبة في معيار دقيق وصارم يستخدم في الحكم علي كتابات وكتاب الشأن العام وأعني ' الموضوعية' هل الكتابة موضوعية وهل الكاتب موضوعي ? ودا غربال جيد يصفي كثير من الشوائب ... 2- أتمني أن ينظر الناس لحجم تأثير مايكتب هنا -خارج - أسوار الموقع حتي لايكون الموقع شرنقة - فكم من الكتابات تنقل للمواقع والنوافذ الاخري? ممن الكتاب إنتشرت كتاباتهم من هنا الي مواقع أخري ? ماحجم التفاعل والإنفعال والتأثير الكاتب خارج دائرة هذا الموقع/
......

Post: #77
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 03:01 PM
Parent: #76

الإعزاء جعفر إسماعيل/ صبري الشريف/وخالد كودي
( 1)
صديقي النبيل جعفر إسماعيل
Quote: ألف مرحب أخي الحبيب كمال عباس
افتقدناك كثيرا

شكرا ليك فإنت ومن في سنك معالم بارزة في الأسافير فقد إنتزعتم حضوركم عنوة في هذه الوسائط العصرية وعملتم علي تواصل الأجيال وغرس قيم المحبة والتسامح وطولة البال ونثرتم درر الحكمة وضبط النفس ..
التحية لك ولأسرتك الكريمة..
( 2)
العزيز صبري الشريف
سلامي وتحياتي عبرك للزوجة الفاضلة وولي العهد حامل شعلة الإستنارة --- سنلتقي
قريبا ياصبري...

Quote: اتمني الرجعك يرجع للمنبر كافة اقلامه من النساء والرجال اقلام كثيرة قد حرمت القراء الذين واللائي لا ذنب لهم لهن بما يدور هنا احترامنا لمن يتتبع ما نكتبه يلزمنا بهذا الواجب الصعب في الالتزام ناحيتهم \ن

نعم فلنعمل جميعا من أجل عودة الأقلام الرزينة وقبلها فلنجتث الأسباب
التي أدت لإبتعادهم...
(3)
العزيز المبدع خالد كودي
تحياتي لك والتقدير عبرك للأستاذة ندي أحد معالم هذا المنبر وإحدي المهمومات بقضايا المراة والمهمشين والديموقراطية وهي نموزج حقيقي للشخص الذي يعيش حروف مايكتبه في أرض الواقع- في الجبال والمناطق المهملة..تحمل مشعل التغيير في المواقع المنسية وفي قلب الجامعات الأمريكية...تعمل بصمت وبلا ضجيج أو إستعراض.... لها ولك التقدير ومتابع ريشتك المبهرة وهي ترسم أوجه القابعين في زنازين العسعس وتقدمهم للأعلام والمنظمات والمتلقي بشكل يخطف البصر ويشحذ الفكر.. أها ياناس الهوجة العشرية ماسمعتم بالإستاذة المناضلة والمثقفة ندي علي?
( 4 )
..........وعشان كدة أنا قلت يصلح أن نقدم نماذج لمن تجاهلتهم - التصنيفات العشرية-لا أن نحصرهم ونغلفهم في قوائم الترتيب الحسابي فلنضف لقائمة النماذج -المفتوحة- الرائعات -ندي علي/وأماني الجندرية ولنا مهدي ورجاء العباسي وبنات قوتة ود مهيرة ورشا سالم والأستاذة أسماء الجنيد والقائمة لازالت طويلة ....

Post: #78
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 04:49 PM
Parent: #77

الإعزاء خالد العبيد والحليلة وحسن البشاري

(1)
تحياتي يا خالد العبيد
Quote: مرحب بكمال
حقيقي مكانك شاغر
وشكرا علي الكلام الجميل دا.... ومن دون مقدمة إنت زول مثقف ومحزب وعندك تجربة كبيرة- ومن المؤكد أنك قد إطلعت علي وثيقة إصلاح الخطأ والفصل الخاص بقضية الدين في برنامج حزبكم - وتعلم جيدا أن أقصي ما ينادي به حزبكم هو الدولة المدنية بمعني فصل الدين عن الدولة والسياسية مع التأكيد علي إحترام الأديان والمقدسات ومراعاة مشاعر معتنقيها والحرص علي أن يكون
الدين قوةدفع والهام الخ فيا خالد فتح مواضيع صادمة وغير موفقة و وغير ضرورية الطرح- علاوةعلي أنها لاتراعي جوهر مايطرحه برنامج حزبك ولاطبيعة المرحلة ومتطلباتها -وعامل- الزمان والمكان - ومستوي الوعي الإجتماعي وتفشي ظواهر التطرف والهوس- علاوة علي الترصد وسحب ما يقوله الفرد علي كامل منظومته السياسية بقصد النيل منها أو بسوء الفهم وعدم التفريق بين الفكرة وسلوك وتصرف حاملها- فتح مواضيع كهذه في السياق المذكور مضر ومدمر فضلا عن أنه يصرف الناس عن قضاياها الاساسية- فالصراع مع الارض لا مع السماء ومع من يستغلون الاديان ويوظفونها لأغراض دنيوية لا مع الاديان نفسها.... لا خلاف مع الإسلام الشعبي والصوفي ولاإغفال لأهمية دور الدين في
حياة الفرد....
فيا خالد عد للمحك الحقيقي للصراع- وقضايا الجوع والمرض والتخلف والاميةوالتهميش والحرب والسلام والحرية والعدالة......
2()
العزيز الإعلامي- حسن البشاري - سلامي-
خالص تقديري لترحابك بي
Quote: حباب كمال .. نورت المنبر

المنبر منور بوجودكم وبوجود الأقلام الهادفة والإطروحات المثمرة...
(3)
شـكرا بالحليلة
Quote: اعذرنا يا كمال ولو انني من الذين طالبوا بعودة قلمك الرشيق شكرًا للاستجابة

مقدر لطلبك بعودتي للكتابة ومثمن جدا للشعار الذي تضعه علي بروفايلك- لاوفاق مع النفاق- شعار قواعد وشباب الحزب الإتحادي ومن يختلفون مع تقديرات الخاطئية بالمشاركة في السلطة ومزيدا من الضغوط علي القيادة حتي تستجيب لنبض الشارع الإتحادي....
..........

Post: #79
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: مهيرة
Date: 09-03-2012, 05:13 PM
Parent: #78

مرحب حبابك عشرة يا كمال اخوى

طولت الغيبة ،والعود أحمد

باين عليك ( غبت وجبت ) من المثل البقول: غاب وجاب

تحياتى

Post: #80
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-03-2012, 06:15 PM
Parent: #79

Quote: وبالمناسبة في معيار دقيق وصارم يستخدم في الحكم علي كتابات وكتاب الشأن العام وأعني ' الموضوعية' هل الكتابة موضوعية وهل الكاتب موضوعي ? ودا غربال جيد يصفي كثير من الشوائب

آي ,, بس مش نتفق في الاول انو دا منبر عام (،عام هنا بمعني انو الشوربة للجميع) ،ما بالضرورة انو الكل بكتب في الشآن العام ,,
او انو الجميع كتاب اساساً!!

------

رايك شنو في الاتجاسر لدرجة طلب شطب اي بوست في عشرة من المنبر (العام) ,, ؤ بدم باااااارد!!
كدا بقى ما منبر عام ولا حاجة

اغرب حاجة قال كدا نحنا بناخرو من اسقاط النظام
هو منو القال ليو نحنا جينا هنا عشان نسقط النظام دا؟
ياخي نص الناس الهنا دي جابا الدرب ساااي
ونحنا شخصياً -ان وجدت- جايين ساكين لي كيس بس
المافي شنو؟

Post: #82
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 07:17 PM
Parent: #80

سلام ياقيقاراوي

Quote: آي ,, بس مش نتفق في الاول انو دا منبر عام (،عام هنا بمعني انو الشوربة للجميع) ،ما بالضرورة انو الكل بكتب في الشآن العام ,, او انو الجميع كتاب اساساً!!

يا أخي الموضوعية و عفة اللسان والترفع عن إنتهاك إنسانية بشر والنأي عن البذاءة والشخصنة والتجريح والتهاتر .. مطلوب في أي ضرب من ضروب الكتابة... بس مثلا الكتابة الادبية عندها شروط ومعايير تانية ثانيا ...أنا هنا تحديدا خصصت ما يكتب في الشأن العام - لأن الكتابة في الشأن العام والغايات النبيلة المنشودة في هذا المضمار تتطلب نظافة ونبل في وسائل إنجازها وأساليب طرحها... ياأخي من حق أي شخص أن يكتب ما يعبر عنه ومن حق أي شخص أن يمجده وأن يضعه بين نجوم السماء - وطالما أن التقييم والتمجيد والتلميع ( أو الحط من قدر أحد- أوتصفية الحساب من آخر أو السخرية الخ) طرح بشكل عام فمن حق الآخريين أن يختلفوا مع كل أو بعض ماورد فيه! ومن حق الناس أن تلجأ لمعايير موضوعية وعلمية لمحاكمة الكتابة وأن تصيغ أسس لتقييم الكاتب
=======

وحا أعلق علي كلامك التالي مع أنه لايعنيني علي المستوي الشخصي في شئ فكلام أو موقف زول آخر لايعبر بالضرورة عني!!
تقول
Quote: رايك شنو في الاتجاسر لدرجة طلب شطب اي بوست في عشرة من المنبر (العام) ,, ؤ بدم باااااارد!! كدا بقى ما منبر عام ولا حاجة

لا علم لي بهذا ولا إتفق مع مبدأ الشطب ولكن أقف مع كفالة حق الناس في الإختلاف
تقول
Quote: اغرب حاجة قال كدا نحنا بناخرو من اسقاط النظام هو منو القال ليو نحنا جينا هنا عشان نسقط النظام دا؟
وهذا الكلام لايعنيني في شئ ! ولا أدري منطلقات قائله! فربما قاله شخص
لزميل من نفس خندقه الداعي لإسقاط النظام !
تقول
Quote: ياخي نص الناس الهنا دي جابا الدرب ساااي ونحنا شخصياً -ان وجدت- جايين ساكين لي كيس بس
وهذا تقيمك وأنت حر فيه! وأنا بفتكر إنو الناس إهتماماتها متنوعة وكل زول جاي وعارف نفسه جاي ليه !
........
الناس هنا لو كانت حددت مثلا أنها بصدد تقييم الكتابة المجردة- تجويداللغة والرصانة /البلاغة/ وترصيع الحروف والأناقة اللغوية -أي شكل الكتابة -من دون إعتبار للمضمون والجوهر الذي تتناوله الكتابة- لكان النقاش مختلفا..

Post: #95
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Siham Elmugammar
Date: 09-04-2012, 11:56 AM
Parent: #80

Quote: آي ,, بس مش نتفق في الاول انو دا منبر عام (،عام هنا بمعني انو الشوربة للجميع) ،ما بالضرورة انو الكل بكتب في الشآن العام ,,
او انو الجميع كتاب اساساً!!

قيقا يا قيقا... يا صديقى
كلامك ده لخبت لى الدفع من الما دفع
يعنى
"منبر عام" = حرية الكتابة (اى زول يكتب فى اى حاجة وقت ما داير)
وهل التساوى ده يعنى
حرية الكتابة (اى زول يكتب فى اى حاجة وقت ما داير) = اى زول ما ينتقد اى زول فى اى حاجة يكتبها وقت ما داير لانو ده "منبر عام"

والا كمان من ناحية اخرى

"منبر عام" = هييييييييييييي ها ها هييييييى *

_____________________________________
* دى تفتشها على لسان احمد زكى (الله يرحمه) فى مسرحية العيال كبرت
هذا مع شكرى
مشتاغون والله

Post: #81
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 06:32 PM
Parent: #78

... الأعزاء - محمدسيد أحمد-معاوية الارباب -وحيدر قاسم

( 1)
شكرا عزيزنا محمد سيد أحمد
Quote: مرحبتين حبابك
اليوم السعيد الليلة جابك

شكرا لترحيبك بي و إستقبالي بكلمات أغنية عميد فن الطمبور النعام أدم..مع تحياتي
لك ولأسرتك الكريمة..
- 2-

شكرا للأرباب - معاوية الأرباب
علي كلماتك الصادقة وترحيبك الحار
Quote: مرحبا تراحيب المطر بعودتك أستاذنا كمال عباس إفتقدناك وافتقدنا تحليلاتك التي تلامس جذر المضمون
.
وأرجو أن أظل عند حسن ظنك بي...
-3-
شكرا عزيزي حيدر قاسم
صاحب الحرف الرزين - والإسلوب العقلاني في الطرح والنضج في الكتابة .. وأراك تكابد كثيرا وبعبرات الحزن والم اللوعة - توالي نعي أصدقاء ورفقاء درب توالي رحيلهم- رحمهم الله رحمة واسعة والهمك الصبر علي فقدهم والعزاء في الصديق المشترك -محمد عبد الرحمن -المطرطش- ذلك الإنسان النبيل والخلوق والوفي والذي ظل يذكر تفضلك عليه بمذكرات دراسية قبل ثلاثين عاما- رحمه الله وجعل البركة في خلفه...
شكرا علي الكلمات الجميلة ......

Post: #83
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 08:10 PM
Parent: #81

الاخوة الكرام ودالصايم محمد - أبوقوتة -والعوض الطيب

- 1-
سلامات يا عزيزي محمد الصايم
وشكرا علي مرور الأنيق

Quote: يا سلاااام ياخ!
كمال عباس .. حمد لله ع السلامة
وكل سنة وإنت طيب يا حبيب!!
ألف مرحب بالعودة!
يازول مالك خففت الكتابة وبقيت تظهر بس في بوستات المجاملات- أفراح وأتراح
وشوية مشاركات تانية إنشاء الله مافي عوجة ! يا أخي كل سنة وإنت وأسرتك بخير وربنا يخلي ليك الأطفال ويجعلهم من الموفقيين والمتفوقيين آمين... يازول الشيشة دي سادة واللا فيها شيتا تاني ?
... التحية لك وأنت تزرع البسمة وتفجر الضحكة في هذا الزمن الكالح !
2
مشكور ياصديقي العوض الطيب
علي التفقد وياها المحرية فيك

Quote: مرحبتين حبابك. ظل مكانك شاغراً وافتقدنا كثيرا، وفي الليلة الظلماء يفتقد البدر. نعزيك فيمن رحلوا عن الفانية، جعل الله الجنة مثواهم
ولنواصل معا في هذا الدرب الطويل والشاق حتي يكون الوطن كما نحب ونتمني
.......
ود أبقوتة
تحيةوشوق ياناس بنقلور
Quote: الشيوعيون وصلوا,,,,
والله ياريس فاتتك جنس عشرات
على اى احداهن تكون الاول

الا ثلاثة تراجى

عودا حميدا مستطاب
بس وين الشيوعين اللي وصلو ديل? تقصد خالد العبيد واللا شنو واللا
تكون ملخبت بيني وبين راضي خليل بتاع بونا? يا أخي مشتاقيين كتير - كاي سا حال ? تيقا?
......

Post: #84
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: معتصم ود الجمام
Date: 09-03-2012, 08:42 PM
Parent: #83

مرحب بعودتك اخي كمال

Post: #85
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Elawad Eltayeb
Date: 09-03-2012, 09:17 PM
Parent: #84

Quote: مشكور ياصديقي العوض الطيب
علي التفقد وياها المحرية فيك

ولنواصل معا في هذا الدرب الطويل والشاق حتي يكون الوطن كما نحب ونتمني

شد حيلك يا صديق

بنحارب في الكيزان الوضعوا نموذج سيء للدين والعقيدة والمنهج والسلوك
وظهرت لينا جبهات جديدة (ومتوقعة كرد فعل "غير أصيل") وهي جبهات الملحدين

وقبل أكثر من عشرين سنة في الجامعة كنت بقول لو الكيزان حكموا الخرطوم حيجي زمن لو قلت لا إله إلا الله حيقطعوا رقبتك.

سن قلمك وإنكرب فالطعن بقا من الأمام ومن الخلف بدون حياء من الخلق أو الخالق.

Post: #86
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: nadus2000
Date: 09-03-2012, 09:38 PM
Parent: #85

.....اهلا أخي كمال عباس،
بغيابك فقد المنبر ركيزة من ركائزه،
وفقدت الكتابة الموضوعية والكلمة الرصينة احد فرسانها.....
فعودا حميدا واتمنى ان تكون عودتك فاتحة لعودة كثير من اعضاء وعضوات المنبر الذين غابوا او غيبوا

Post: #101
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 02:25 AM
Parent: #86

العزيز نادوس 2000
تحياتي وأشواقي
وياأخي شاكر ومقدر لكلماتك الرائعة في حقي ومعك أتمني بل وأسعي لعودةالأقلام الرائعة التي حجبت أوإحتجبت - وكل ما أتمناه أن تزيل الإدراة المتاريس وتجتث الأسباب التي أدت لعزوف وإبتعاد كوكبة رائعة ومؤثرة من عضوية المنبر -فمن يملأ مثلا مكانة الأستاذة الرائعة- أميرة الشيخ ?- صاحبت القلم الرشيق والكلمة الرصينة -والمواقف الوطنية الصلبة- وبالإضافة لهذا فهي مثال للعضو المتنوع الإهتمامات- سياسة ورياضة وثقافة وإجتماعيات.. ....
شكرا يانادوس فإنت أيضا مثال للعضو المحترم والملتزم بقضايا شعبه ...
.....
Quote: اهلا أخي كمال عباس،
بغيابك فقد المنبر ركيزة من ركائزه،
وفقدت الكتابة الموضوعية والكلمة الرصينة احد فرسانها.....
فعودا حميدا واتمنى ان تكون عودتك فاتحة لعودة كثير من اعضاء وعضوات المنبر الذين غابوا
او غيبوا

Post: #88
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-03-2012, 11:20 PM
Parent: #85

الأخ العزيز العوض الطيب
تحياتي
ومع أني ملتزم- بقدر الإمكان - بالردود والتعقيب بالتسلسل الإأني
مضطر للتعجيل بالرد علي مداخلتك هذه
تقول
Quote: وظهرت لينا جبهات جديدة (ومتوقعة كرد فعل "غير أصيل") وهي جبهات الملحدين

وقبل أكثر من عشرين سنة في الجامعة كنت بقول لو الكيزان حكموا الخرطوم حيجي زمن لو قلت لا إله إلا الله حيقطعوا رقبتك.

سن قلمك وإنكرب فالطعن بقا من الأمام ومن الخلف بدون حياء من الخلق أو الخالق

شوف أنا ملتزم بهذا المبدأ الهام ولن أحيد عنه
1-- كفالة والدفاع عن حق الإنسان - في الأعتقاد - أو عدم الإعتقاد وحقه
في إعتناق - أي معتقد ديني -مذهب فكري- أو رؤية فلسفية
2- وحقه في تبديل معتقده وفكره
3- وكذلك حقه في التشبير والدعوة لمعتقده ورؤيته وذلك بلا قسر أو إكراه
ثانيا مع كفالة حق الصراع الفكري وحق نقد المعتقدات والفلسفات والافكار بصورة علمية وفكرية تلتزم بالعقلانية والمنطق الإ أني
1- أرفض الأساءة للأديان وأرفض تعمد استفزاز واستعداء المتدينين وجرح مشاعرهم,,,,
-2 - وأدعو لنشر قيم التسامح والتعائش - بين الاديان وكذلك التعائش مابين الافكار والفلسفات والاديان وذلك إستنادا علي القاسم المشترك الذي يجمع بين المواطنين في الوطن الواحد أي مبدأ المواطنة والقاسم المشترك الأعظم الذي يجمع بين البشر أي الإنسانية
-3- وأدعو لعدم زج الدين في السياسة والمتاجرة بالدين وأن تصاغ الدساتير والقوانين علي أساس المواطنة علي نحو يقارب ماكان نافذا
عندنا في العهود الديموقراطية.............
ثالثا أناهض- فكريا- الإلحاد الأستعراضي والتقعر وتحويل الالحاد من موقف فكري ورؤية فلسفية الي دين جديد وأتصدي لربط الالحاد بالعلمانية وأناهض موجات الأستفزاز والاساءة للاديان

Post: #100
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 01:44 AM
Parent: #84

الاخ الفنان المسرحي
معتصم ود الجمامسلامات وشكرا علي مرورك المقدر وترحيبك بشخصي...
مع أطيب الأمنيات لك ولأسرتك...

Post: #89
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-04-2012, 01:10 AM
Parent: #83

الاعزاء هباني وإبراهيم قناوي وعبد الرحيم أبا يزيد

- 1-

العزيز هشام هباني تحياتي لك ولأسرتك وشكرا علي الترحيب الملتهب دا
Quote: مليون مراحب بالاستاذ كمال عباس قلما مناضلا بالحق في دحر الكيزان و العملاء( الانجاس).

وطبعا عودتي أنت كنت مصر عليها شديد وها قد تحققت..
- 2-
المحترم إبراهيم قناوي
سلامات ياراجل ياطيب وشكرا علي الترحاب والكلام الطيب
وفعلاً انت من الأقلام المميزة في هذا المنبر
Quote: ومهما اختلفنا معك نكن لك كل الاحترام لأنك

صاحب قلم مميز وناصع ومهذب

وما اندر الأقلام التي تتصف بهذا الصفات

وياسيدي الاختلاف الفكري من نواميس الحياة وطبائع الاشياء...المهم أن
يدار الخلاف بصورة حضارية تحترم الآخر وأن نتسلح بالمنطق والحجة
ونسعي لما فيه خير لوطننا وشكرا ليك يازول ياراقي
- 3-
العزيز عبد الرحيم آبايزيد -
كيفك ياراجل وكيف أسرتك وكيف أخبار ناس الهند والسودان والخليج?
متابع كتاباتك ونشاطك....واصلي فالطريق لازال طويل...

Post: #91
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-04-2012, 05:59 AM
Parent: #89

الأساتذة عصام دهب / النصري أمين/ وصديق الموج
شكرا أستاذ النصري أمين

Quote: الف حمدلله على سلامة الرجوع كمال فى غيابك تكالب علينا بغاث الطير

هيهات أن تنال بغاث الطير من نسور الأعالي التي تضرب بأجنحتها في سماوات الحرية وفضاء الحياة الرحيب... شكرا أستاذ النصري علي
الإستقبال الدافئ

الأستاذ الكريم عصام دهب
كيف أحوالك إنشاء الله تمام
Quote: سلام و احترام يا استاذ كمال .. و عودا حميداً لإثراء هذا المكان
..
ولنعمل جميعا من أجل إثراء هذا المكان ورفعة البلد وسعادة إنسانه اوحريته وكرامته فالوطن فوق ضيق الإنتماء وفوق التعصب والإنغلاق الذي يغيب شمس الحقيقة ويقيني أن بوصلة ضميرك وعقلك الناقد سيقودك لإتخاذ الموقف الصحيح متي ما إتضج لك إنك تقف في الجانب الخطأ من التاريخ ..هذا مع إحترامي لخياراتك الحالية ومع ثقتي في إمكانية إدارة حوار صحي وممارسة الإختلاف بصورة حضارية تنبذ الإسفاف والتهاتر

ولك وافر شكري علي مرورك البهي
العزيز صديق الموج

Quote: عودًا حميداً صديقى كمال بعودتك للمنبر يعود للمنبر القه وزحمه
نتمنى ان لاتغيب ووفر ضراعك للبلد،،،

شكرا ياموج البحر الأحمر ومعكم وبوجودكم نأمل أن يعود للمنبر ألقه وكامل بريقه وذلك بتصحيح مسار المنبر وعودة كافةالأقلام المبدعة والوطنية- التي إحتجبت أو حجبت ... تحياتي لك ولأسرتك ياصديق

Post: #97
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-04-2012, 03:32 PM
Parent: #91

صديقي وقريبي طارق جبرين
تحياتي وأشواقي وياأخي في البداية وزي ماكتبت في أو مداخلة لي في
البوست دا -
عزائي الحار في والدكم الكريم رحمه الله رحمة واسعة وجعل البركة في "تيرابو" وأقسم بالله ويمكن دا يكون شعور كثيرين- شعرت وكأني فقدت
عمي أو خالي لأنك أستطعت وبكتابتك الصادقة والصادرة من القلب أن ترسم لنا لوحة خالدة- لرجل نبيل وعصامي - نحت في الصخر ليبني أسرة كبيرة ويربي ويعلم أبنائيه أحسن تعليم ويجعلهم من المتفوقيين - لم يكتفي بتعليمهم في المدارس والجامعات و والتكفل بتسديد إحتياجتهم الكثيرة وحسب وإنما علمهمم من مدرسته الخاصة و من مدرسه الحياة - سقاهم القيم والأخلاق الفاضلة والتربية القويمة وربطهم بجذورهم وأصلهم وتراثهم وثقافتهم المحلية ....علمهم كيف يعتز الإنسان بمكونه المحلي ويتغلغل عميقا في التراب دون أن يضعف الإنتماء الوطني - أويوهن التمازج مع كافة الأعراق والثقافات والجهويات ,, علمهم أن العمل اليدوي شرف وليس مسبة وأرضعهم المحنة والتسامح مع الأعتزاز بالنفس وبالكرامة...
كنت صادقا ياطارق وأنت ترسم لنا لوحة الأب الصديق بل و تكتب عن ملامحه وعن بيته حتي إنطبع البيت والشجر والمزيرة والتمرة والاب الرابض بداره كجبل البركل- حتي إنطبع ذلك في عقولنا ... إذا رحل الوالد وخلف فراغا لايسد وجرحا غائرا أرجو أن يندمل - خلق فراغ في الحي وفي البلد والاهل والأبناء.. والعزاء أنه أدي رسالته علي أكمل وجه ولم يمضي الا بعد أن أكرمه الله برؤية" شتول " أسرته الصغيرة تضرب في أعماق الأرض وترتفع شامخة لعنان السماء - البركة فيكم ياطارق وأرجو أن تعكف أنت وأخوتك علي كتابة سيرة ومسيرة الراحل العظيم... وأعزرني ياطارق في تأخري في تقديم واجب العزاء فقد كنت مبتعدا عن النت لفترات متقطعة كما كنت علي سفر لشهور طويلة وعشان كدة ساأسعي للتواصل معك عبر الهاتف والوسائل الخاصة ...

Post: #98
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-04-2012, 04:43 PM
Parent: #91

الأخت العزيزة داليا حافظ....الأخ النبيل العوض
الأخ العزيز العوض
كيف أحوالك وأسرتك وإنشاء الله كل شئ ماشي تمام... وياأخي مشكور
علي الترحيب الصادق
Quote: الصديق العزيز كمال
أرجو أن تكون بخير وأمورك كلها تمام التمام.
يا ألف مرحب بعودتك.

أخي العزيز آلمني وبحق ما أصابك من بعض الكتابات الطائشة والتجريح القاسي في حقك لا شي سوي جهرك برأئك ونقدك لبعض السلوكيات...
ولكم تمنيت أن يكون الرد علي كلامك بالتفنيد ومقارعة الحجة بمثلها لا بالتجريح والإسفاف ....
2
الأخت العزيزة داليا حافظ
كيف أحوالك وأسرتك إنشاء الله تمام وكيف أخيار البنية الأمورة أتمناها في صحة جيدة وعقل متفتح علي الحياة ومتعطش للمعرفة...

Quote: كيفك يا استاذ كمال ..

ماعارفة إذا كنت من صحابك ولا لأ.. لكن افتقدت قلمك الرصين ودفاعك المستميت عن افكارك .. وانت بالجد من الناس الأثروا فيني في المنبر ده .. عودا فارها ..

ياأخي شكرا علي رأئك الإيجابي في شخصي ودا كلام أعتز بيهو لأنو صدر من زولة بوزنك وقيمتك وأتمني أن أكون - دوما- عند حسن الظن

و ياأخي إنتي من أصحابي ونص وخمسة وإنتي عارفة رأي الإيجابي فيك واللي ما جاء من فراغ أو قلتو مجاملة ليك.. بل فرضتيه بمواقفك المشرقة وكتاباتك الرزينة والراقية- التي لاتجامل في رأي ولاتتعدي علي أحد ولاتسمح لشخص بتجاوز حدوده... ترفض القبح وتتصدي لإنحدار هذا الموقع .... وإنتي أيضا نموذج باهر للزولة الجاية المنبر وعارفة هدفها شنو وعايز تكتب شنو - لاتسعي لنجومية مصطنعة أو حشدجوقة تطبيل أو تعمد الإثارة - أو فتح معارك غير ضرورية- فالعك وطول اللسان وإفتعال المشاكل الشخصيةوالإستعراضات "الدرامية" - أصبحت من وسائل الشهرة في الاسافير وغيرها ومادروا أنها شهرة سالبة تخصم ولاتضيف -
.......... بس الحلو مايمكلش - عندك عيب ياداليا وعارفة شنو !! مريختك الصارخة شفاك الله منها...

Post: #87
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Abdel Aati
Date: 09-03-2012, 10:14 PM
Parent: #1

يا ألف مراحب بعودة القلم الراقي المتزن الجميل
ألف مرحب بكمال عباس ...

Post: #90
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Yassir Tayfour
Date: 09-04-2012, 02:27 AM
Parent: #87

الصديق كمال عباس
ظلّ مكانك شاغراً..
___
مرحباً بك من جديد قلم يكتب بنور الحرية

Post: #92
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: دينا خالد
Date: 09-04-2012, 06:10 AM
Parent: #90

Quote: الصديق كمال عباس
ظلّ مكانك شاغراً..
___
مرحباً بك من جديد قلم يكتب بنور الحرية

(عدل بواسطة Yassir Tayfour on 04-09-2012, 02:28 AM

مرحبا يا كمال اتمنى ان تعود لنا
بلا عدل كمال عباس ... عدل كمال عباس ... الخ
بالجد الحاجة دى مزعجة ...

ومشتاقين والله كتير وافتقدناك ما تقول ما مفتقدنك ....

Post: #93
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-04-2012, 09:25 AM
Parent: #92

Quote:
لا علم لي بهذا ولا إتفق مع مبدأ الشطب ولكن أقف مع كفالة حق الناس في الإختلاف

ok

بكفي

------

انت محتاج تقرا بوستات العشرات يا كمال قبل ما تقطع برأي فيها ..
لسة مصر انك تتكلم عنها بما ليس فيها!!
انا كتبت بوست العشرة الاقل نفوذ .. وخصصتو لنقد بكري وطريقة ادارتو ..
وحذف البوستات دا هو البعمل لي بهق عديييل كدا
كيف يتجرأ كائن من كان في الاعتداء على حقوق غيرو بالشطب او طلب الشطب
ويجي يقول ليك عاوز يسقط النظام؟
زول زي دا لو وصل للسلطة ح ينصب لينا اعواد المشانق في وضح النهار
هي الديموقراطية بت الكلـــب دي بتتجزأ!؟

Post: #105
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 04:45 PM
Parent: #93

سلامات ياقيقاراوي

Quote: انت محتاج تقرا بوستات العشرات يا كمال قبل ما تقطع برأي فيها ..
لسة مصر انك تتكلم عنها بما ليس فيها!!
انا كتبت بوست العشرة الاقل نفوذ .. وخصصتو لنقد بكري وطريقة ادارتو ..
وحذف البوستات دا هو البعمل لي بهق عديييل كدا
كيف يتجرأ كائن من كان في الاعتداء على حقوق غيرو بالشطب او طلب الشطب
ويجي يقول ليك عاوز يسقط النظام؟ زول زي دا لو وصل للسلطة ح ينصب لينا اعواد المشانق في وضح النهار هي الديموقراطية بت الكلـــب دي بتتجزأ!؟
يبدو أنك لم تطلع أو تستوعب ردي علي نقطتك هذه ! أنا أطلعت علي
بعض البوستات المعنية وعلقت عليها... أما عن البوستتات التي قد تكون مستنسخة -كربونيا شـكلا ومضمونا - من بوست دينا- والتي لم أتصفحها فإني لم أحكم عليها وإنما رجوت وتمنيت أن تكون قد تعاطت مع المادة والتقييم بشكل موضوعي وعلمي !!!
........ البوست خاصتك ياقيقاراوي وبحسب كلامك يختلف من حيث المضمون مع بوست دينا لأنه يتناول مسألة نقدية لأدارة الموقع وهو بالتالي
يقع خارج موضوع كتابتي- ولن أحكم له أو عليه... نقد أسلوب إدارة بكري -والخلل اللائحي والانتقائية وسحب البوستتات
دا آنا كتبت عنه في مداخلة منفصلة عن موضوع البوستتات العشرية ...
,,,,,,,,

Post: #106
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: عمار عبدالله عبدالرحمن
Date: 09-05-2012, 05:24 PM
Parent: #105

اشتقنا لك كثيرا

مع امنياتي ان تكون بخير دوما ومتشوق للجديد ,,

Post: #94
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Elawad Eltayeb
Date: 09-04-2012, 09:48 AM
Parent: #92

Quote: الأخ العزيز العوض الطيب
تحياتي
ومع أني ملتزم- بقدر الإمكان - بالردود والتعقيب بالتسلسل الإأني
مضطر للتعجيل بالرد علي مداخلتك هذه

شوف أنا ملتزم بهذا المبدأ الهام ولن أحيد عنه
1-- كفالة والدفاع عن حق الإنسان - في الأعتقاد - أو عدم الإعتقاد وحقه
في إعتناق - أي معتقد ديني -مذهب فكري- أو رؤية فلسفية
2- وحقه في تبديل معتقده وفكره
3- وكذلك حقه في التشبير والدعوة لمعتقده ورؤيته وذلك بلا قسر أو إكراه
ثانيا مع كفالة حق الصراع الفكري وحق نقد المعتقدات والفلسفات والافكار بصورة علمية وفكرية تلتزم بالعقلانية والمنطق الإ أني
1- أرفض الأساءة للأديان وأرفض تعمد استفزاز واستعداء المتدينين وجرح مشاعرهم,,,,
-2 - وأدعو لنشر قيم التسامح والتعائش - بين الاديان وكذلك التعائش مابين الافكار والفلسفات والاديان وذلك إستنادا علي القاسم المشترك الذي يجمع بين المواطنين في الوطن الواحد أي مبدأ المواطنة والقاسم المشترك الأعظم الذي يجمع بين البشر أي الإنسانية
-3- وأدعو لعدم زج الدين في السياسة والمتاجرة بالدين وأن تصاغ الدساتير والقوانين علي أساس المواطنة علي نحو يقارب ماكان نافذا
عندنا في العهود الديموقراطية.............
ثالثا أناهض- فكريا- الإلحاد الأستعراضي والتقعر وتحويل الالحاد من موقف فكري ورؤية فلسفية الي دين جديد وأتصدي لربط الالحاد بالعلمانية وأناهض موجات الأستفزاز والاساءة للاديان

هذا عهدي بك أخي كمال
ولمواقفك الواضحة والمعبرة عن راي الغالبية فقد افتقدناك طويلا.

ونحن فعلاً أصبحنا بين كماشة الكيزان والملحدين وكلاهما على طرفي التعصب
وكلاهما يقودان البلد نحو الهلاك

والتسامح هي البنية التحتية للشخصية السودانية، والتي بني عليها السودان بتنوعه الفريد فتحقق التعايش السلمي بين مواطنيه بمختلف سحناتهم وألوانهم ومعتقداتهم، وحافظ على هذا الكيان منذ الأزل.
وحتى المشاكل الموجودة كانت ضمن إطار هذا التعايش وفي طريقها للحلول ولو على الأجل الطويل. حيث لا مفر لنا من مبدأ التعايش السلمي والإعتراف بالآخر وفق مبدأي المواطنة والإنسانية، كما أوضحت أنت، بما يحقق التساوي في الحقوق والواجبات.

لكن قيام الكيزان بإلإنقلاب العسكري عمق من الجروح، لذلك المشكلة مع حكم الكيزان ليست هي مسألة ديمقراطية وحريات وحكم رشيد فقط، بل هي أعمق من ذلك كثيراً وهي تهدد ليس وجود السودان فحسب، بل وجود السودان كنموذج يربط أفريقيا والعالم العربي بصورة متفردة.

ومرحبا بك أخي الكريم.

Post: #96
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: ماجدة عوض خوجلى
Date: 09-04-2012, 02:17 PM
Parent: #94

اخى الكريم كمال الف مرحب بعودتك للمنبر العام ويارب فاتحة خير لعودة الجميع

Quote: -- كفالة والدفاع عن حق الإنسان - في الأعتقاد - أو عدم الإعتقاد وحقه
في إعتناق - أي معتقد ديني -مذهب فكري- أو رؤية فلسفية
2- وحقه في تبديل معتقده وفكره
3- وكذلك حقه في التشبير والدعوة لمعتقده ورؤيته وذلك بلا قسر أو إكراه
ثانيا مع كفالة حق الصراع الفكري وحق نقد المعتقدات والفلسفات والافكار بصورة علمية وفكرية تلتزم بالعقلانية والمنطق الإ أني
1- أرفض الأساءة للأديان وأرفض تعمد استفزاز واستعداء المتدينين وجرح مشاعرهم,,,,
-2 - وأدعو لنشر قيم التسامح والتعائش - بين الاديان وكذلك التعائش مابين الافكار والفلسفات والاديان وذلك إستنادا علي القاسم المشترك الذي يجمع بين المواطنين في الوطن الواحد أي مبدأ المواطنة والقاسم المشترك الأعظم الذي يجمع بين البشر أي الإنسانية
-3- وأدعو لعدم زج الدين في السياسة والمتاجرة بالدين وأن تصاغ الدساتير والقوانين علي أساس المواطنة علي نحو يقارب ماكان نافذا
عندنا في العهود الديموقراطية.............
ثالثا أناهض- فكريا- الإلحاد الأستعراضي والتقعر وتحويل الالحاد من موقف فكري ورؤية فلسفية الي دين جديد وأتصدي لربط الالحاد بالعلمانية وأناهض موجات الأستفزاز والاساءة للاديان

يسلم قلمك وتسلم يارب ...

Post: #99
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-04-2012, 09:04 PM
Parent: #96

العزيزة سهام المجمر
تحية وإحترام
أرجعي ليك تاني لموضوع الأستاذة عزاز شامي ...وأزمات المنبر
كتبتي
Quote: وثانيا شكرا لفتح موضوع عزاز مرة اخرى لعل الاخ الصديق بكرى قد اصابه بعض من تعنت جراء اسقاطات تجاربه السابقة فى مشاركة ادارة المنبر مع اخرين مما اثر على قوة "السمع" عنده او يكون قاعد ليهو فوق رأى لا علم لنا به حقيقى ما حدث فى موضوع عزاز كما اوردته عاليا بالتحديد يصيبنا جميعا ورذاذه يدخل فى كل باسويرد حايم هنا اتمنى ان يمر بكرى بهذا البوست يقرأ مداخلتك يا كمال
فيرجع البصر كرتين... المنبر فقد عزاز وعزاز كثر قد كتب البعض هنا ان الامر قد لا يعنى لبكرى شيئا طالما المنبر لازال يجد مكانه فى الاسافير ولكنى اعتقد ان بكرى الذى اعرف لا يفكر بهذه الطريقة فبكرى يهمه فعلا ما يكتب هنا و يهمه فعلا وجود اقلام متميزة
بكرى ولا تسيطر عليه عقلية البيزنس ويمكن مراجعته و نقاشه ... ولكن مالم يزيل بكرى وبكرى بنفسه ما علق فى من اثار التجارب الماضية
لن يصل ولن نصل لجديد و سيظل الحال على ما هو عليه

بالعكس ياسهام أنا لا أدعو لإدارة المنبر بواسطة لجنة من العضوية.. لا فأنا عندي مقترح بتشكيل إدراة محترفة بالعكس ياسهام ودا يمكن يكون خلافي مع مجموعةالعريضة ,,,, أنا لا أدعو لإدارة المنبر بواسطة لجنة من العضوية لا فأنا عندي مقترح بتشكيل إدراة محترفة كتبتبه هنا في هذاالمنبر قبل عام

Quote: وهذه مساهمة القصد منها الإصلاح وتطوير إدارة الموقع....
من الصعوبة بمكان أن يقوم أمين الموقع بإدارة موقع ضخم كهذا 24/7 مع الاخذ في الاعتبار إختلاف التوقيت ومشاكل الأعضاء والمعوقات والتحديات التي تتجدد علي مدار الدقيقة الواحدة هذا بالاضافة الي أن الممارسة العملية أثبتت قصورا في بعض بنود لوائح المنبر ...
إنطلاقا من هذا أري :- إعادة النظر في اللائحة الحالية بطرحها للنقاش- الإضافة- الحذف والتعديل-إضافة باب يشمل الحقوق والواجبات
- ومع الفصل بين الملكية والإدارة -وبالتحديد مع قيام إدارة بعقلية مهنية( تشبه هئية التحرير في الصحف السيارة) كانت
لنا تجربة مريرة في 2004 مع إدارة من العضوية وقد فشلت فشلا ذريعا وخلفت ركام من المشاكل والمرارات مما دفع كثيريين بالمطالبة بعودة الاخ بكري لتولي الإدارة بالكامل,, .. ) ...يمكن للمالك أن يشرف ويدير أقسام الموقع الاخري- بخلاف المنبر العام ومن حقه وضع * الخطوط العريضة والمبادئ العامة * للمنبر ثم ينسحب مفسحا المجال لإدارة مهنية -تدير النشاط اليومي -وتحل المشاكل والخلافات بين العضوية وتراقب ما ينشر- وتعمل علي حماية المنبر- عضوية ومتصفح وموقع-من التهكيروالإستهداف وإنتهاك الخصوصيات وتقوم بإنفاذ لوائح وقوانين المنبر وتحمي حقوق مالك الموقع .. 2/ أقف مع قيام هئية - تكون بمثابة برلمان - من العضوية مهمتها-الرقابة ورفع المقترحات والتوصيات ومتابعة أوجه قصور الإدارة وتلافي السلبيات..
ومع ضرورة وضع الية لل feed back والشكاوي الفردية ....
:

http://www.sudaneseonline.com/cgi-bin/sdb/2bb.cgi
ثانيا الخلل اللائحي وتغييب الشفافية والديموقراطية متمثلا المادة الاولي باللائحة والتي تنص علي

:
Quote: يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب
.خلل هذه واضح ..إنها تعطي الإدارة حق حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب !!!!!من دون ذكر أسباب !!
هذه المادة تغيب الشفافية وتجهض حقوق الاعضاء وكان يفترض علي الاقل أن تعدل لتصبح كالاتي ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية متي ماكان في ذلك إنتهاكا أو تعارضا مع لائحة وقوانين المنبر .... ) ولكن يجب من باب الشفافية وتمليك الحقائق وصيانة حقوق العضوية أن تذكر مسببات الإجرأ الاداري........

ثالثا كتبت في البوست الذي أعلنت فيه الأخت عزاز إنسحابها مايلي

Quote: من حق الأخت عزاز أن تكتب وتوضح رأئها فيما حدث لها وإن كانت الإدارة غير قادرة علي حماية العضوية فلتكفل لها حق التوضيح والدفاع عن النفس كأضعف الإيمان !لا أدري لماذا تعمق الإدارة جراح ضحايا التهكير وتعاقبهم علي ممارستهم حقهم المشروع في الإبانة والإيضاح بل وتقصئ وتبتر من يتضامن معهم ? .... نعم عزاز وبما لها من إمكانات وقدرات -فكرية ومعرفية -مؤهلة للتواصل مع قارئها عبر جملة من الوسائط -الالكترونية والورقية وستشكل إضافة لأي موقع تشرفه بالكتابة...لم تبدأ دنيا عزاز بسودانيز أون لائن ولن تنتهي به... وأرجو أن نرتفع جميعا لمستوي حساسية ما حدث ونقر بحق الأخت عزاز في رد الفعل الموازي لحجم الضرر وحقهافي محو محاولة تشويه السمعة فما تفعله عزاز هو ماتمليه الكرامة وعزةالنفس علي أي إنسان نبيل تهمه سمعته ومكانته .... من حقها الإحجام ومن حقها الإمتناع عن الكتابة من دون أن تفقد رصيدها من الصداقات والمعارف والقراء- والذي بنته طيلة تواجدها في المنبر فما أسهل متابعة مايكتب في عصر ثورة المعلومات ... من يقدر عزاز فليحترم قرارها ...وإن كنا حريصين حقا علي أن يكون المنبر عنصر جذب لا قوة طرد وتنفير فعلينا أن ننهض بالتصحيح و حمل الإدارة علي- إتخاذ ما يلزم لحماية الموقع والعضوية والمتصفح -وتطوير تحصيناتها ووسائلها الدفاعية ولكم تمنيت أن يفصل مالك الموقع بين ملكية الموقع وإدارته كما يحدث في المؤسسات الحديثة ... ... وأرجو الأيحاسب أي عضو دعي للإحتجاج من أجل الأصلاح والتغيير للأفضل أو تضامن مع مظلوم .. وكما قال ياسر طيفور هذا الإستهداف الرخيص لن يطال منك شعرة ولن يمس -- مكانتك عند الناس بل بالعكس سوف يرسخ قدرك أكثر في النفوس .. ولن تزيدك المحن والنوازل الا صلابة وقوة وتوهجا وعطاء سيذهب زبد المداد المتقيح والنفوس المهترئة جفاء ويبقي ما ينفع الناس راكز كما التبر في جوف الارض الطاهرة ...... 00 ختاما ...نعم سيكون شاقا علي قارئ ومتابع قلم عزاز أن يفتقدها في هذا الموقع ولكنه قطعا سوف يدرك أن عزاز ليست قلما فقط وإنما هي إنسان له مشاعر وأحاسيس وكبرياء ترفض الضيم والإجحاف وتطفيف الموازين... وقطعا ستعود الإستاذة عزاز إذا ما أنتفت مسببات التوقف وبدأت خطوات تصحيح جادة تضع الأمور في نصابها ...
كمال عباس

وهاهي الأيام تثبت صدق توقعي وهاهي الأستاذ ةعزاز تساهم وبفاعلية في قضايا شعبها عبر الفضائيات والمواقع الألكترونية المؤثرة وعبر تفاعلها مع المنظمات الإنسانية وعبر التنظيمات الشبابية المؤثرة ..
والخلاصة:-
المنبر قد خسر بحق عزاز ومن تضامن معها ( وهم عناصر تماثل عزاز ولاتقل عنها عطاء ) بل وخسر من إنسحب بصمت قبل ذلك وبعده...وخسر لفيف كبير من العضوية العاملة -والتي لم تعد تشارك بفعالية وحماس ... وأعتقد أن العلاج يكمن- علاوة- علي ماذكرته في أعلاه
- في تعديل اللائحة وتطويرها
- الكف عن التطبيق الإنتقائي لقوانين المنبر
- الكف عن السحب -السلبي للبوستات الهادفة والناقدة
- الإعتزار للأستاذة عزاز ومن تضامنوا معها
- كفالة حق العضو في الدفاع عن نفسه وإبراء ذمته
- معالجة مظاهر الإسفاف والتجريح

Post: #104
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 01:06 PM
Parent: #96

الأخت الكريمة ماجدة عوض خوجلي
تحياتي وإحترامي
كيف أخبارك وأسرتك الصغيرة وأولادك وجميع الاهل إنشاء الله تكونوا بخير

Quote: اخى الكريم كمال الف مرحب بعودتك للمنبر العام ويارب فاتحة خير لعودة الجميع

آمين يارب وأتمني أن تزول كل المعوقات لرجوع كل الاقلام الهادفة وكل ماهو مثمر وتظيف - وأن ينصلح حال هذه التافذة وتعود بؤرة جذب وحب
تثاقف وتحاور وتواصل إنساني...
تقديري يأخت الشهيد وكريمة الخليفة التقي النقي...

...........

Post: #102
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 04:49 AM
Parent: #90

الأخوان :- عادل عبد العاطي وياسر طيفور
الأخ عادل عبد العاطي :-

Quote: يا ألف مراحب بعودة القلم الراقي المتزن الجميل
ألف مرحب بكمال عباس ...
شكرا جزيلا علي حرارة الترحيب وجميل الكلمات التي كتبتها في حقي .. وأتمني لك ولأسرتك وافر الصحة وكامل التوفيق...
الأخ ياسر طيفور
Quote: الصديق كمال عباس
ظلّ مكانك شاغراً.. ___
مرحباً بك من جديد قلم يكتب بنور الحرية
وأهلا بيك أنت أيضا كأحد حملة مشاعل الحرية.. بس أنسي "النذير " وركز علي رأس الحية البشير لك مني الود والتقدير الذي تعرف....

Post: #103
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 05:36 AM
Parent: #102

دينا خالد!
مفجرة البراكين الإسفيرية! كيف أحوالك وأخبارك ? إنشاء الله تكوني عال العال ...
Quote: مرحبا يا كمال اتمنى ان تعود لنا بلا عدل كمال عباس ... عدل كمال عباس ... الخ بالجد الحاجة دى مزعجة

ودا حالتو ترحيب يادينا ! يازولة مالك خاشة حامي كدة?
غايتو ترحيبك ماب نابهو الإ الفيك إتعرفت !! ياأخي أنا أشيل وأفسر في دوافع ومنطلقات بوستك بتاع العشرة المبشرين بالفردوس الدينوي -وأعمل ليك من فسيخك شربات :-
Quote: ( موضوع دينا خالد هزاز وطق حنك وونسة ساي ! ولكن ياقيقا دينا خالد
دي كلامها زي لفظ الطلاق هزله جد ! ولأنو عندها' حبة تأثير كدة) " بعض الناس ختفت كلامها ختف ونشروه وشروه في حبال تانية! دينا فتحت العيون علي السطوة والنفوذ النسوي عالميا وهو بالمناسبة نفوذ حفرته صاحبا ته علي صخور الواقع المعاش بالعرق والدم والدموع! طرحت ذلك ولسان حالها يقول وفي ذلك فليتنافس المتنافسون ! )
..

تجي بعد دا كلو تقابليني المقابلة الباهتة دي!!

نجي للجد وحكاية عدل ..عدل بواسطة :- (....)
العودة بلا عدل دي صعبةخالص خالص... ممكن نتفق نقلل منها شديد ونخليها للحد الضروري وبس... تعرفي أنا مرات كثيرة بعدل لإضافة نقطة علي حرف / همزة /إضافة كلمة سقطت مع أنو المعني ممكن أن يتفهم من السياق و بس مرات بتحصل لخبطة في التقنية بتاعت الكوتشين بتخليك تعدل عدة مرات في المداخلة الواحدة ! .. ياأخي المفروض بكري يسحب خاصية إظهار - إشهار التعديل - عشان الناس تعدل
من سكات !
.... تحياتي وتقديري لك يادينا وربنا يوفقك ويديك اللي في مرادك !

Post: #107
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Rihab Khalifa
Date: 09-05-2012, 05:32 PM
Parent: #103

حبابك باك يا كمال و شاكرة حسن ظنك.

Post: #109
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 06:34 PM
Parent: #107

الأخ المحترم عمار عبدالله عبدالرحمن والأستاذة الفاضلة رحاب خليفة
العزيز عمار
Quote: اشتقنا لك كثيرا مع امنياتي ان تكون بخير دوما ومتشوق للجديد ,,

وشوقنا لينا أكتر ومتابع ياعزيزي نفسك الهادي المتسامح - وأقف دوما مع حقك في الإختيار المذهبي وتبني ما تري صحته من قناعات فكرية فلاأحد يملك الوصاية علي الاخريين أو يملك صك مصادرة الإجتهاد والتنوع المذهبي أو رفع كارت التكفير لأقصاء المختلف....

المحترمة رحاب خليفة
تحياتي لك ولأسرتك
Quote: حبابك باك يا كمال و شاكرة حسن ظنك.

ومشكورة ياسيدتي المرور والترحاب ... فعلا يا أستاذة وبلا مجاملة كتاباتك تتناول زوايا أكاديمية ومعرفية بصورة ثرة تغني وتضيف
وذلك بلاتنطع أو تقعر وإنما بأسلوب يجمع مابين البساطة والعمق .... وجود أمثالك يضفي سمة التنوع المبدع علي المنبر..
تقديري لسيرة والدك الفاضل أحد ركائز الأقتصادوالعمل المصرفي والاداري ببلادنا...

Post: #108
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-05-2012, 06:10 PM
Parent: #103

Quote: حرية الكتابة (اى زول يكتب فى اى حاجة وقت ما داير) = اى زول ما ينتقد اى زول فى اى حاجة يكتبها وقت ما داير لانو ده "منبر عام"

انت يا فردة ناوية تبطلي القراية بالاضنين دي متين؟

المافي شنو؟
انقدوا زي ما عاوزين ,, وجيبوا ديك الحلة ينقد معاكم ,,
بس اقروا باللول ,, واتبعوا تقاليد المجال - النقد- المرعية ,,

واوع واحد فيكم يقول احذفوا لي دا .. ول داك

دي الكنتة

----------

استغربت جداً للعور الاخلاقي الحصل في بوست قصي!!
الناس الطالبت بكري بحذوفو كان مرجعيتا الاخلاقية شنو؟

وعلى غرار اسئلتك؟

هل الحذف مكافئ موضوعي للعدم؟

رياضياً:

هل : الحذف = العدم!؟

زول كتب -او بالاحري تقيأ و تقيح- لو حذفت بدون اعتذار وندم، بتبقى مافي؟

حدثنا آية الله العظمى حسن موسى همسلف، قال:

Quote:
يا زميل المشكلة في كتابة الاسافير تكمن في ان كل شئ يظل محفوظا لأبد الآبدين في بطن هذه الحواسيب الجهنمية. و من يكتب مثقال ذرة خيرا او شرا يشيل شيلته!

فتأمل ,, وتجهم!!

يا كيمو ما فكرت ولا لحظة انك انت الما تكون فهمت كلامي؟
فهمي التخين خلو ,, انت بتتكلم فيما لا تعلم ,, نجيك دغري عاد بعد دا (ايام الضيافة كملت)

اغلب العشرات ما مشت على نسق بوست دينا اصلاً
فاعف،نا من الاحكام القشرية ,, او اقلو تعبوا نفسكم واقروا
المافي شنو؟
اوع تقولوا لي زمن ,, الما عندو زمن (الناقد) ليها شنو؟

Post: #110
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 07:02 PM
Parent: #108

الاخ قيقاراوي

Quote: كيمو ما فكرت ولا لحظة انك انت الما تكون فهمت كلامي؟
فهمي التخين خلو ,, انت بتتكلم فيما لا تعلم ,, نجيك دغري عاد بعد دا (ايام الضيافة كملت) اغلب العشرات ما مشت على نسق بوست دينا اصلاً
فاعف،نا من الاحكام القشرية ,, او اقلو تعبوا نفسكم واقروا
المافي شنو؟ اوع تقولوا لي زمن ,, الما عندو زمن (الناقد) ليها شنو؟

ياأخ قيقراوي -- لا أنت ولا غيرك يفرض علي ما أكتب وما لا أكتب!وما يجب أن أقرأ ..أنا لم أحكم علي البوستتات التي لم أطلع عليها ولم أنقد أي مادة لم أقف عليها!! مفهوم!!! أنا نقدت ما أطلعت عليه وحكمت علي ماتحت معرفتي... ومالم أمر عليه أكتفيت - بالتمني والرجاء -أن يكون قد إنتهج مسارا موضوعيا وذلك إن كان قد مضي في مسار دينا خالد شكلا ومضمونا- أم مالم يكون منسوخا جوهرا ومظهرا من بوست دينا فهو خارج دائرة إهتمامي لذا لن أحكم عليه أو أحاكمه أوحتي أشمله بثوب تمنياتي ورجائي - ونموذج لهذا بوستك ياقيقراوي! وهذا ليس تقليلا من شأنه وإنما لأنك ببساطة تتحدث فيه عن موضوع آخر قد أكون أنا غير معني به أو مختلف معه أصلا! ........ وعشان ما تجي تجتر كلامك من جديد وتكرر نفسك أقول ليك
أنو
Quote: اغلب العشرات ما مشت على نسق بوست دينا اصلاً

أها البوستتات الما مشت علي نسق بوست دينا دي برة دائرة كلامي وخارج نطاق إهتمامي !!
.......

Post: #111
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-05-2012, 07:18 PM
Parent: #110

انت اتضايقت ول شنو؟

------

Quote: لا أنت ولا غيرك يفرض علي ما أكتب وما لا أكتب!وما يجب أن أقرأ

دا الزيت القاعد اجتر ليك فيو وما عاوز تفهم!!

ود دي بي دي:

Quote: مفهوم!!!

عشان تعرف المسموح ليك بيو واللا ,, من طرفي في المخاطبة ,, مفهوم!!!؟؟

ليه استنكرت كلام تبارك عن الاستاذية طيب!؟

Post: #113
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-05-2012, 08:10 PM
Parent: #111

الأخ فتح الرحمن قيقاراوي

Quote: دا الزيت القاعد اجتر ليك فيو وما عاوز تفهم!!

ود دي بي دي: Quote: مفهوم!!!
عشان تعرف المسموح ليك بيو واللا ,, من طرفي في المخاطبة ,, مفهوم!!!؟؟

ليه استنكرت كلام تبارك عن الاستاذية طيب!؟

ياأخوي كتر خيرك علي كلامك الفوق دا....
وعموما وجهة نظرك وصلتني ولا أملك الا أن أحترم حقك في التعبير و في الإختلاف معي ولكن هذا لايعني -بالضرورة إتفاقي مع رؤيتك... فأنا لازالت مقتنعا بما كتبت وبنقدي المقتصر علي ما أطلعت عليه..
.........

Post: #112
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Imad Khalifa
Date: 09-05-2012, 07:19 PM
Parent: #110

مرحبا بالعودة استاذ كمال عباس
افتقد المنبر قلمك الجاد ونقاشاتك الهادفة

تحياتي

Post: #114
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: قيقراوي
Date: 09-05-2012, 09:23 PM
Parent: #112

يا كيمو ياخي طب نفساً وانا ما داير اقنعك بأي حاجة ياخي

--------------

عودً حميداً وفي امان الله

حبابك عشرة بلا كشرة

Post: #115
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: jini
Date: 09-05-2012, 09:35 PM
Parent: #114

Quote: بعد طول غياب ها قد عدت ياصحابي! ! تري كيف حالكم وحال المنبر؟؟

العود الاحمد بلحمه وشحمه وعظمه ودمه
تابعت كثيرا فى الراكوبة وحزنت جدا لتوقفك عن الكتابة فى هذا المنبر المقروء
جنى

Post: #116
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-06-2012, 06:43 AM
Parent: #114

شكرا أختي المحترمة والهميمة د. مهيرة
أنا سعيد حقا ومنون لحضورك البهي وإستقبالي لشخصي الضعيف ... متابع وبإعجاب وتقدير كتابتك القوية ضد السلطة الغاشمة وحرقة قلبك علي الحال المايل ومواقفك الصلبة ضد من سرقوا البسمة من شفاه الاطفال وأهانوا النساء ودمروا البلاد والعباد..

Post: #119
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-07-2012, 00:38 AM
Parent: #114

Quote: عودً حميداً وفي امان الله

حبابك عشرة بلا كشرة

شاكرين ومقدرين ياأخ قيقا ...

Post: #117
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-06-2012, 01:47 PM
Parent: #112

الأخ المحترم عماد خليفة
تحياتي وإعزازي
وياعزيزي مشكور جدا علي التقريظ
Quote: مرحبا بالعودة استاذ كمال عباس
افتقد المنبر قلمك الجاد ونقاشاتك الهادفة

وربنا يوفقك فيما أنت فيه

Post: #118
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-06-2012, 06:04 PM
Parent: #117

شكرا يا عزيزي المترم حيدر جني
Quote: العود الاحمد بلحمه وشحمه وعظمه ودمه تابعت كثيرا فى الراكوبة وحزنت جدا لتوقفك عن الكتابة فى هذا المنبر المقروء
جنى

ومتابع خوفك وقلقلك المبرر علي البلد - من المزيد من التفكك والدمار .... مشكور مرة أخري علي الترحيب الصادق والتقدير عبرك لصحيفة الراكوبة الفتية- أدارة وكتاب ومعلقيين ورواد.. فهي نافذة ضوء حية إختارت وبوعي الأنحياز لجماهير شعبنا وللحرية - و مصارعة الظلم والظلام
...

Post: #120
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-07-2012, 02:51 PM
Parent: #118

الأخ العزيز العوض الطيب
تحياتي ومرحب بيك مرة أخري
Quote: هذا عهدي بك أخي كمال
ولمواقفك الواضحة والمعبرة عن راي الغالبية فقد افتقدناك طويلا. ونحن فعلاً أصبحنا بين كماشة الكيزان والملحدين وكلاهما على طرفي التعصب
وكلاهما يقودان البلد نحو الهلاك

ياصديقي قضية الألحاد ليست معضلة في السودان -فهي ليست مطروحة أو مطروقة بشدة في أرض الواقع الحقيقي,,, تأثير ووجود أصحاب التوجهات الالحاد الصرفة ضعيف ويكاد لايذكر وليست هناك مشاكل أوصراعات أو حتي حوارات حادة داخل الوطن طرفها ملحد..... ويمكن أغلب المشاكل التي تطفح في السطح حاليا - أطرافها جماعات تكفيرية أو أصولية متطرفة تستهدف التصوف والإسلام الشعبي... أما الملحدون الذين تعنيهم فهم بؤر صغيرة توظف النت والأسافير كوسيلة تنفيس وإحتجاج أو حركةرفض للسائد والمألوف ... وإحيانا كتميز وتنطع وتعالم وبالتالي لايخرج تأثيرها عن كونه صالون لطق الحنك والإحتجاج أ والهجوم علي منظومة الوعي الديني السائد... ولكن مع هذا هناك ملحدون عقلاء لاينغلقون في محك الإلحاد وحده وإنما يدركون وبوعي أن القضايا والإشكالات الملحة التي تواجه شعبنا هي قضايا الخبز والحرية والسلام والعدالة الإجتماعية والامية والجهل ورفع التهميش وصيانة ماتبقي من وطن ورتق النسيج الإجتماعي- لا الصراع مع السماء أ والإنغلاق في حوارات صفوية إسفيرية منفصمة ومنفصلة عن الواقع ,,, ما يهمنا في هذا الشأن هو عدم الخلط والربط بين الإلحاد والعلمانية يستوي ذلك إن جاء هذا الخلط من ملحد أو إسلاموي .. بعدها لا أري غضاضة أن يطرح الملحد أ سئلة وجودية ويعبر عن القلق ويرفض السائد وينقد الأديان بشكل فكري وعلمي بلا تعمد إستفزاز أو إساءة فالإعتقاد وعدم الإعتقاد وإعتناق أي دين أورؤية فكرية والتعبير عن ذلك حق مشروع....... ...

Post: #121
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: الفاتح ميرغني
Date: 09-07-2012, 03:07 PM
Parent: #120

الف حمدا لله على السلامة يا كمال.
وعودا حميدا مستطاب.

محبتي

Post: #122
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-07-2012, 04:35 PM
Parent: #118

الأخ المحترم حيدر حسن ميرغي
Quote: يامراحب

آسف ياأخي غاية الأسف لم أنتبه لأني لم أرد عليك وأشكرك علي المرور
والترحيب ,,,
شكري وتقديري

Post: #123
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Kostawi
Date: 09-07-2012, 04:45 PM
Parent: #122

Welcome back

Post: #125
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-08-2012, 03:29 AM
Parent: #123

Thank you so much for your warm welcome
Kostawi

Quote: Welcome back

i really appreciate your words

Post: #124
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-07-2012, 10:24 PM
Parent: #122

الأخ المحترم :- الفاتح ميرغني

Quote: الف حمدا لله على السلامة يا كمال.
وعودا حميدا مستطاب محبتي .

شكرا ياأخي المحترم علي الإطلالةالمقدرة و فائق تقديري لشخصك المتزن...

Post: #126
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Elmoiz Abunura
Date: 09-08-2012, 04:06 AM
Parent: #124

الف مرحب بكمال عباس

Post: #127
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: Mohamed Adam
Date: 09-08-2012, 04:30 AM
Parent: #126

عودا حميدا يا كمال.

Post: #128
Title: Re: بعد طول غياب ها قد عدت ياصحابي! ! تري كيف حالكم وحال المنبر؟؟
Author: كمال عباس
Date: 09-08-2012, 03:50 PM
Parent: #127

الاخوان المعز أبونورة / الاخ محمد أدم
الباحث المجتهد المعز أبونورة
Quote: الف مرحب بكمال عباس

شكرا ليك كتير...
وياأخي دي فرصة عظيمة لأشكرك عبرها علي مجهودك الجبار عن أحداث قصر الضيافة - فالتضليل الأعلامي والتحامل في فترة مايو ومابعدها
كرس لأسطورة مسؤولية الحزب الشيوعي عن تلك الأحداث... وكان آخر مظاهر ذلك التضليل والتلفيق والتزييف التاريخي - ما حدث في برنامج الطاهر حسن التوم - حيث عرض ماسمي بملخص التقرير ونسب لعلوب وإمعانا في التضليل والتجرد من المهنية وضعت ورقة مختومة بتوقيع علوب -تتعلق بحدث آخر مغائر- وضعت علي صدر الملخص المزعوم حتي يتم إيهام الناس بأن مولانا علوب هو من صاغ ملخص التقرير!!
وملخص التقرير يثبت ماكانت تردده آلة الأعلام المايو وورثيها الإعلام الإنقاذي -بأن الحزب الشيوعي هو المسؤول عن تلك المذبحة
-- ويأتي مولانا عبرك ليقول :- لم أكتب ذلك الملخص -- ولم إتهم الحزب الشيوعي أو حراس القصر أو حتي غيرهم بالمذبحة !! ويشير لوجود طرف ثالث وعملاء مزدوجيين - لم يتم التحقيق عما فعلوه وماهية صلتهم بالأحداث... المهم ياعزيزي معز تقرير حقيقة وأهمية دورك -دور الباحث المنقب الذي لايكتفي بالجلوس في مكتبه باحثا عن الملابسات والوقائع في بطون الكتب ومحركات البحث فقط - علي أهمية ذلك وإنما قصد الأصعب وعمدعلي الشغل الميداني والسعي للحدث وصناع الحدث وقابل علوب وكشف عن الكثير مما أدي لتحريك الراكد وكسر الجمود وضرب المسلمات والكسل الذهني وتوالت مقابلات آخرين لمولانا علوب مما أضاف وأثري وجعل المهتمين يتحللون من مسلمة -مسؤليةالشيوعيين عن الأحداث ويوالون البحث عن الحقيقة بشكل موضوعي ... شكرا يا " أبوأنورة...
............
2-
الاخ محمد أدم
تحياتي وأ شكرك لمرورك.. وتقديري لشخصك الهادئ و المهذب