Post: #1
Title: حســين شندي ... معقولة ؟؟؟
Author: ود الباوقة
Date: 08-31-2012, 08:18 PM
Parent: #0
لعمري لم اتعامل في حياتي مع انسان طيب القلب وجم التواضع
وود بلد اصيل بمثل ما تعاملت مع الاخ الكريم والصديق الوفي الفنان حسين شندي
تشرفت الرياض بحضور الاستاذ حسين شندي في فبراير الماضي
وذلك لمشاركة الجالية افراحها باعياد الاستقلال وقد اقيم في هذه
المناسبة حفلا ساهرا احياه الاستاذ حسين امتلات فيه السفارة عن اخرها
وقد ابتهج كل الحضور باغاني الحماسة التي اطرب بها الاستاذ حسين كل من حضر
الحفل
ناتي للموضوع الذي بصدده فتحت هذا البوست ..........
|
Post: #2
Title: Re: حســين شندي ... معقولة ؟؟؟
Author: ود الباوقة
Date: 08-31-2012, 08:22 PM
Parent: #1
تصادف وجود الاخ حسين في الرياض تحديد موعد زواج ابنتي وسن
حيث حدد له 21-8-2012
وقد اجمع جميع افراد اسرتي على ان يحيي حفل الزواج
المطرب حسين شندي
|
Post: #3
Title: Re: حســين شندي ... معقولة ؟؟؟
Author: ود الباوقة
Date: 08-31-2012, 08:25 PM
Parent: #2
نقلت للاخ الكريم حسين شندي رغبة الاسرة
في ان يكون فنان يوم الفرح
ودون تردد اتصل من الرياض مباشرة على مدير اعماله
( ود الشيخ )
وبعد ان سلم عليه
يا ود الشيخ
احجز لي يوم 21 دا باسم ود الباوقة
من الان ..........
|
Post: #5
Title: Re: حســين شندي ... معقولة ؟؟؟
Author: ود الباوقة
Date: 08-31-2012, 08:28 PM
Parent: #3
جئنا للمفاصلة حول المبلغ الا انه رفض رفضا باتا
الحديث حول الفلوس
سافر الاخ حسين الى الخرطوم بعد انتهاء مهمته الفنية
بالرياض
|
Post: #4
Title: Re: حســين شندي ... معقولة ؟؟؟
Author: Deng
Date: 08-31-2012, 08:28 PM
Parent: #1
ما سألتو من صلاح أدريس؟
|
Post: #6
Title: Re: حســين شندي ... معقولة ؟؟؟
Author: ود الباوقة
Date: 08-31-2012, 08:30 PM
Parent: #4
سافرت انا الى الخرطوم يوم 22 رمضان
ويوم العيد اتصلت على الاخ حسين للمعايدة
ووعدته للحضور للسلام عليه بمنزله الفاخر بالرياض
|
Post: #7
Title: Re: حســين شندي ... معقولة ؟؟؟
Author: Deng
Date: 08-31-2012, 08:31 PM
Parent: #4
نسيت أقول لك. ألف الف مبروك لوسن.
تمنياتي لها بحياة زوجية سعيدة.
|
Post: #8
Title: Re: حســين شندي ... معقولة ؟؟؟
Author: ود الباوقة
Date: 08-31-2012, 08:37 PM
Parent: #7
Quote: نسيت أقول لك. ألف الف مبروك لوسن.
تمنياتي لها بحياة زوجية سعيدة. |
بارك الله فيك اخي دينق
وجعل ايامك عامرة بالافراح
بارك الله فيك
|
Post: #9
Title: Re: حســين شندي ... معقولة ؟؟؟
Author: ود الباوقة
Date: 08-31-2012, 08:45 PM
Parent: #8
غدا باذن الله نكمل ما قام به ود القبائل تجاهي
تصبحون على خير
|
Post: #10
Title: Re: حســين شندي ... معقولة ؟؟؟
Author: يوسف السماني يوسف
Date: 08-31-2012, 08:46 PM
Parent: #8
الف مبروك وعقبال فرح الباقين من اولادك .
بالله خلص لينا الحدوته دي بعدين حسين شندي
انتو العملتو منو فنان لانو بتاججوا في القبلية
وترفعوا من اسهم قبيلة الريس ؟؟
|
Post: #17
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 04:16 PM
Parent: #10
| Quote: الف مبروك وعقبال فرح الباقين من اولادك . |
الله يبارك فيك يا ابورامي
Quote: بالله خلص لينا الحدوته دي بعدين حسين شندي
انتو العملتو منو فنان لانو بتاججوا في القبلية
وترفعوا من اسهم قبيلة الريس ؟؟ |
يا زول انت راميك دفار ولا شنو
حسين شندي دا فنان السودان كلو
|
Post: #11
Title: Re: حســين شندي ... معقولة ؟؟؟
Author: keiga2000
Date: 08-31-2012, 09:00 PM
Parent: #4
كم هــو جميــل أبن منطقتي الدويمات جنــوب شنــدي
ولــه كثيــر من المواقــف الجميلــة التي لا حصــر لهــا
وكـم تمنيــت ان يشــرف زواجــي لكن لبعض الظــروف لم يتمــكن
ويادينـق
حسين علي محمـد طه جبـريل أنسان قائــم بذاتــه وما يقأل عنـه وعلاقته بصلاح أدريس فيه كثير من التأويــل
وكان في فترة من الزمن تربطه علاقة عمل مع صلاح وحسين أهلاً لكل ثقــة من رجال الأعمال في السودان ويتمناه كل شخص ويمكن أن تأمنه وهـو أخو أخوان وعينه مليان، لكن وعلى حسب علمي أنتهت هذه الأشيــاء وهـو شاقي طريقه لوحده ومبسوط والحمد لله
مع تحياتي لكـم
أبومصطفى
|
Post: #12
Title: Re: حســين شندي ... معقولة ؟؟؟
Author: علي الكرار هاشم
Date: 09-01-2012, 07:49 AM
Parent: #11
Quote: بالله خلص لينا الحدوته دي بعدين حسين شندي
انتو العملتو منو فنان لانو بتاججوا في القبلية
وترفعوا من اسهم قبيلة الريس ؟؟ |
اخونا ود السماني.......سلام
حسين درس معنا اولي ثانوي في السبعينات
وكان يغني ويدندن باستمرار
وفترة تألقه الفني كانت نهاية السبعينات ومطلع الثمانينات
ولا زال علي قمة الهرم
اضافة لخلقه الكريم وطيب اصله
بعد كدي منطقة الجعليين لها ارث وتاريخ كبير في تقديم الفن السوداني بصورة عامة
واتمني لو يكتب عن ذلك الاخ ود الموج فهو يملك المعلومات الفنية
هذا تاريخ وليس قبلية لا نحبها كما لاا يحبها رسولنا الكريم الذي قال دعوها
تحياتي
|
Post: #13
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 12:09 PM
Parent: #12
نكمل القصة
|
Post: #14
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 12:17 PM
Parent: #13
دلفنا الى ( قصر ) حسين شندي قبيل صلاة المغرب بقليل
استقبلنا هاشا باشا كعادته
وجدنا معه مجموعة من العازفين يتقدمهم الاستاذ محمدية
حيث كانوا في تسجيل ( عيدية ) لقناة النيل الازرق بصالة سبارك
سيتي ولديهم حفل اخر ليلا
والاستاذ حسين اصر لحضورهم لمنزله بدلا من ان يذهبوا لمنازلهم
والعودة مرة اخرى
صلينا صلاة المغرب جماعة وأمنا في الصلاة الاستاذ عمر محمد الطيب
وبعد الصلاة انبهلت علينا صحون البيتزا والشاورما
بكرم شنداوي اصيل
ثم ( دور ) الشاي ( المقنن ) الذي انقطعت علاقتي به منذ وفاة حبوبتي
بت شرشار ( رحمها الله )
ثم دورت الونسة وسط حديقة المنزل الغناء
|
Post: #15
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 12:25 PM
Parent: #14
وفي اثناء المسامرة قال لي حسين
تعرف يا ود الباوقة ود الشيخ دا كان داير يفورك والله
يفورني كيفن يعني
ثم نادى على ود الشيخ ( مدير اعماله )
وجاء ليجلس بالقرب مني
وبدا في سرد عملية التفوير وهو
ان احد وجهاء الخرطوم حضر الى ود الشيخ بغرض
حجز الاستاذ حسين في نفس يوم زواج ابنتي وسن
واصر على ود الشيخ بتفويري مقابل اعطاؤه 10 مليون ومثلها لحسين
وللعازفين
ود الشيخ ضعف امام ضخامة المبلغ وبالذات انا ليس لدي عقد
او اي التزام اخر معهم
|
Post: #16
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 12:34 PM
Parent: #15
انتهز ود الشيخ هذه الفرصة ليذهب الى حسين ويخبره
بما دار ويؤكد له بان ود الباوقة لم يوقع العقد ولم يدفع
الا ان الاخ الوفي حسين رفض رفضا باتا هذا العرض واعتذر اعتذارا
مهذبا للشخص المعني بالامر واوضح له مهما كلف الامر فانه لن يخل بالالتزام
مع ود الباوقة
ليضرب اروع المثل بالوفاء والالتزام بشرف الوعد
وفقك الله اخي حسين ووسع لك في رزقك وبارك لك في اسرتك
انتهى ...............
|
Post: #19
Title: Re: حســين شندي ... معقولة ؟؟؟
Author: عمران حسن صالح
Date: 09-01-2012, 06:04 PM
Parent: #16
| Quote: بت شرشار ( رحمها الله ) |
الله يستر حبوبتكـ بت شرشار دي تجيب ليكـ هواء صاحبكـ ههههههه
مبروكـ لوسن وربنا يسعده إن شاء الله
الحفل كان منقول لايف هههههههههه ومتابعو يومين
الف مبروكـ أخ عمر
_____________
إلا بالحق الزول ده وكت بفور ساااي بعشرات الملايين هو حقو كم ؟؟؟
|
Post: #20
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 06:09 PM
Parent: #19
| Quote: الله يستر حبوبتكـ بت شرشار دي تجيب ليكـ هواء صاحبكـ ههههههه |
لها الرحمة
| Quote: الحفل كان منقول لايف هههههههههه ومتابعو يومين |
كنا دايرينهم يحضرو اليوم الثالث يا عمران
كانت ولا اروع يا عمران
وتمثيلك كان خير تمثيل
ربنا يحفظكم
مودتي
|
Post: #18
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 05:53 PM
Parent: #11
| Quote: ولــه كثيــر من المواقــف الجميلــة التي لا حصــر لهــا |
ابو مصطفى
حسين راجل اخو اخوان
نسال الله ان يمد في عمره
والتحية عبرك لكافة اهلنا في الدويمات
تشكراتي
|
Post: #21
Title: Re: حســين شندي ... معقولة ؟؟؟
Author: ود الباوقة
Date: 09-01-2012, 06:45 PM
والله يا جماعة دايرين الصراحة
الجعليين ديل زيهم ماف
لكن كمان كلنا من ادم
وادم خلق من تراب
مخير الله ...
|
Post: #23
Title: Re: حســين شندي ... معقولة ؟؟؟
Author: جمال خضر
Date: 09-01-2012, 07:30 PM
Parent: #21
Quote: الجعليين ديل زيهم ماف
|
ود الباوقة
لك التحية وألف مبروك الزواج جعله الله زواج خير وبركة .
عينة الكلام الفوق ده هو الضيع البلد وملأها مشاكل وضغائن
وحروب كل يرى أنه الأفضل والأحسن ويشيل ويردم فى الشكر لى
قبيلته وعشيرته وكلها أوهام فى أوهام والجمل ما بشوف عوجة
رقبتو . الله يهديك يا ود الباوقة
|
Post: #22
Title: Re: حســين شندي ... معقولة ؟؟؟
Author: خالد علي محجوب المنسي
Date: 09-01-2012, 07:03 PM
أخي ود الباوقة
أنا من مدين شندي وأعرف حسين شندي بحكم نسب بيننا وبينهم
فعلاً رجل بكل معاني هذهالكلمة
أخو أخوان
ورجل لطيف يحب الطرفة والتندر
طبعه مثل أهله في الدويمات تلك القرية التي ترقد على قوز رمال فوق قرب النيل
تبعد عن شندي حوالي 35 كيلو متر تقريباً
في ذات مرة ايام حسين شندي بدأ يا دوب يغني في الأذاعة والتلفاز صادف ايامها
وجود مذيع من نفس القرية ( الدويمات ) .. كان يقدم في التلفاز بأسم محمد سليمان خطأ
واسمه الصحيح محمد سلمان
( ما بقصد محمد سليمان ضو البيت ... هذا اخر برضو كانوا بقولوا محمد سليمان كدي حافة )
وحسين شندي اسمه الكامل حسين علي جبريل
في مجلس جلس ابواهما ( حسين و محمد سلمان ).. وكان ابو المذيع زعلان وتحدث عن سبب زعله من ابنه وقال :
يعني عشان بقى مذيع يغير اسمو ؟
فرد عليه علي جبريل
يا اخي زعلان في شنو عشان زادوا ليك حرف ياء
انا سموني شندي عديل
|
Post: #24
Title: Re: حســين شندي ... معقولة ؟؟؟
Author: محمد على طه الملك
Date: 09-01-2012, 07:49 PM
Parent: #22
مبروك للابنة سوسن بارك الله لهم في حياتهما الزوجية ..
ومتع والديها بالصحة ..
.
.
متعود متعود ما بتقدر إلا تعصر ليمونتك دي في أي حاجه حتى لو رز بلبن.
|
Post: #25
Title: Re: حســين شندي ... معقولة ؟؟؟
Author: دينا خالد
Date: 09-01-2012, 07:51 PM
ووووووووووووووووووووووووووو باوقة
مشتاقين والله ... اتاريك غايب فى الركايب يا حبيب !
الف الف مبروك وربنا يجعل ايامك كلها افراح ...
والله فعلا ما معقوله ... عملها شينه والله
من واذى للطيش ...
يعنى هو داير يقول ليك مش غنيت ليك مجانا وبس ...
كمان فوت على مبالغ كبيرة ، وغناء عند اعيان
ويحملك جمايل اكتر واكتر
يخليك احسن كان ما يغنى ليك ....
ودايما الزول الشهم وصنديد جد جد ما تكلف
ببعد من تحميل الناس لجمايله ... وما بحكيها ...
دا ببقا ذى الزول البدفع ويتكلم يقول عملت وعملت ..
تتصور لوانت سمعتها من زول تانى غيرو كانت بتكون
اوقع فى نفسك .. وكان البوست دا ما ببقا ذى عملتو
كلو ذى المزايدة فى الدلالة ....
ياخ دا كلام ناس سوق ما تاكل منو .....
ــــــــــــــــــــــــــــــــــ
وخليك صامد كلامو دا ما يحسسك
انا عارفاك شيخ عرب وبتكون مقدم السبت ...
| Quote: حسين شندي دا فنان السودان كلو |
السودان كلو دى بالقديم ولا بالجديد ؟؟؟؟؟
|
Post: #26
Title: Re: حســين شندي ... معقولة ؟؟؟
Author: أسامة البلال
Date: 09-01-2012, 08:43 PM
Parent: #25
أخونا ود الباوقة عيدك مبارك ومبروك لي بنتنا وسن وربنا يسعدها
بالنسبة للأخ حسين وليس لأنه جعلي ومن شندي ولكن كمعرفة به فهو زول شهم وكريموكمان غناي
|
|