Post: #1
Title: عديل المستشقيات
Author: mohmmed said ahmed
Date: 08-31-2012, 05:30 AM
من وحى مشروع عديل المدارس
القكرة النبيلة لعضو البورد القنان طارق الامين
كل اسبوع نفير شايات وشباب قى عنر الزهور ينظفو المدارس ويصينوها ويقدمو برنامج ترفيهى
وبعد مشاهدتى لما ال اليه مستشقى كسلا من القذارة والاهمال
اقترخ فكرة عديل المستشفيات
نفير كل اسبوع او شهر لنظاقة مستشفى وتوزيع هدايا رمزية للمرضى ان شاء الله كباية لبن
|
Post: #2
Title: Re: عديل المستشقيات
Author: باسط المكي
Date: 08-31-2012, 05:43 AM
Parent: #1
تحياتي
محمد سيد احمد
كلام جميل
عندي سؤال ياخ وين دور الوزارات
ووين الورزء من هذا الدمار الشامل
يعني الخيل تجقلب والشكر لحماد
حيليل البلد يابلد
الفكرة جميلة جدا
|
Post: #3
Title: Re: عديل المستشقيات
Author: سفيان بشير نابرى
Date: 08-31-2012, 10:40 AM
Parent: #2
سلام يا محمد سيد أحمد
تصدق الفكرة دي موجودة داخل برنامج عديل المدارس !!!
اهو طارق الأمين بعد بدأ فكرة عديل المدارس و الشباب
و الشابات شاولها معاهو بقينا كل يوم أثنين من كل اسبوع
نتلاقي و نقعد للغداء مع بعض بعديها نعمل اجتماع كبيير ب
الساوند(لانو العدد كبير) و نتفاكر انو الجمعة الجاية تكون
و ين؟ و هل صور المدرسة القادمة جاهزة(بنمشي نذور المدرسة
المستهدفة قبل اسبوع و نصوره و نحدد حوجته و بنجي نعرض الصور
علي البرجكتر يوم الاتنين و نقسم مجموعات العمل يوم الاتنين
يعني لما نصل المدرسة اي زول بكون عارف دورو شنو) .
اها في و احدة من نقاشات الاجتماع جاءت فكرت عديل المستشفيات
و قاله طارق الا مين :- المدارس دي لو جاءت الاجازة يبقي نحنا
عملنا لازم يستمر يعني ببساطة ممكن نشتغل المستشفيات نفاير
و ممكن نشتغل دور السينما نفاير حتي دور السينما دي تحديداً تم
فيها نقاش مع السينمائيين في عيد مرور 100 عام علي السينما.
و اهو الافكار بتتقدم ربك يسهل تنفيذه.
تحياتي يا صاحب و متاااابع معاك التلفزيون .
|
Post: #4
Title: Re: عديل المستشقيات
Author: mohmmed said ahmed
Date: 08-31-2012, 03:38 PM
Parent: #3
سلام يا باسط
الحكومة ما بتعمل والوزراء ممكن يجو يتفاصحو بالرغم من الاوضاع المأساوية
منظمات المجتمع المدنى يمكن ان تسهم بشكل ايجابى
سلام سفيان
والله انا متكيف من طارق الامين ومجموعتكم وقبل شوية كنت بشوف نفيركم فى مانديلا السفراء
اتمنى ان تمتد اياديكم البيضاء للمستشفيات
|
|