الخالة ويتني يا حليلك I WILL ALWAYS LOVE YOU BY

ده حال العظماء يا ويتني يا هيوستن ..
الأداء ده بيخليك عايشة وسط الناس 200 سنة لي قدام ..
ياخ انا حبيت الزولة دي بي صورة غريييبة ..
لكنه حال العظماء من الفنانين التمرد على الحياة العادية والصراع مع الذات ..
أجزم بي إنو أي زول فيكم بيكون سمع الأغنية دي جغلومية مرة ..لكن أجزم إنو في كل مرة الواحد فيكم بيسمعا بي إحساس مختلف ومتزايد وكأنو أول مرة يسمعا ..
ما عارف لي الجماعة ديل بيذكروني بي محمود عبد العزيز ..نفس الإبداع ..نفي الحياة ..نفس التمرد..والشعبية الجارفة ..


تخريمة:
الأهداء للجميع بي فرز ..:)
انا كده كفاي ..

Quote: لأهداء للجميع بي فرز ..:) انا كده كفاي ..

شكراً للإهداء يا عمر

وهاك الأغنية دي واستمع ليها بي مزاج

يا سلااام يا الصادق..
عارف انا بي سبب الأغنية دي إشتريت سماعتين كبااار زمان ..كنت بعمل جو كده حق ترطييييبة ومع الصوت والموسيقى بعييييش لي جو كده خرااافي ..
ده ما صوووت ..ده جرررررس رسمممممي والله ..الزولة دي حنجرتها ملياااانة وترياااانة بي لغتنا البسيطة..

انعل ابو الحياة ذاتو...........

سيد البوست والضيوف سلام

Quote: ما عارف لي الجماعة ديل بيذكروني بي محمود عبد العزيز

لكن ما ظلمت وتني ظلم الحسن والحسين

Quote: الخالة ويتني يا حليلك

بعدين حرام عليك مخلخلهلا...ياخي هي ماتت وعمرها 48 سنه....
وماتت بشكلها الخلقا بيهو الله ذاتو ما عملت أي عملية شد....زى البنات لحدهن....

عمر التوم ..
اسمع واستمتع وأكل الباقي في حنانك بي نظرية البسمة تحرق في الحشا ..

إقبال جماهيري..:)
يا زولة انا لو ما خايف يقولوا درعتها كان قلت محمود فايتا بي هناك مسافة ..
الحوت ده انتو مستهونييينو كده لييي ياخ ؟؟

بالنسبة لي لقب الخالة وإن هي كانت فعلاً قدر خالاتي ويحق لي اناديها بي الخالة :) لكن الموضوع ما كان عندو علاقة بي العمر والشكل .. هو مجرد لقب شبابي نتناوله مع بعض الفنانين عن نفسي اتناوله لي الفنانين البرتاح ليهم ..هو لقب كان يطلقه أولاد الثورات على الراحل محمد احمد عوض وينادوهو بي الخال ..

If I should stay

I would only be in your way.

So I'll go but I know

I'll think of you

Every step of the way.

And I... will always love you...

I will always love you...

My darling you

Bittersweet memories,

That is all I'm taking with me...

So goodbye, please don't cry.

We both know I'm not what you, you need.

And I... will always love you.

I... will always love you, ohhh

I hope life treats you kind

And I hope you'll have All you've dreamed of.

And I wished you joy And happiness.

But above all this, I wish you love.

And I... will always love you...

I will always love you...

I will always love you...

I will always love you...

I will always love you...

I, I will always love you...you

Darling I love you

I'll always

I'll always

Love you...

اخ عمر

انت عملت عمرة فى ياتو ورشة

شايفك الايام دى مزود العيار حبتين

ذكرتنى ايام رودا مردا وجمال هوب فل
وتمبس عذابى ومعتصم فوق تمور المملكة
واساسى كان بتصل على الواحد مرتين فى اليوم

شكلك كدا العيال لسع ما رجعو

حاجاتكم البتسو فيها دى انا شايفها زى الشعر الحر
او كلام زولك ابو حروف مكان,,,

خارج النص
اسى انتو مصديقين غلبتو البرشا
اها الاربعاء الجاية 3/صفر

up

أنت قصتك شنو يا الفاروق معاي!!!
اقلب مريخابي شوف لو ما سلمتك
باص وير بكري دا تكتب العايزو !!

ريقي تسمع ، محمود تعشق ، ردي تهوى
محمد ميرغني تحب قصتك شنو صراحة معاي!!!

اللحو كييييف و مجذوب انسى ؟
عشان احدده معاك جاوبني سريع و بصراحتك
القطيمة ديك ثمح؟

اسمع زمااان ضربته الفته عند أبو الجكس؟

Quote: ده حال العظماء يا ويتني يا هيوستن .. الأداء ده بيخليك عايشة وسط الناس 200 سنة لي قدام .. ياخ انا حبيت الزولة دي بي صورة غريييبة .. لكنه حال العظماء من الفنانين التمرد على الحياة العادية والصراع مع الذات ..

سلام ياعمر وضيوفه.
ملاحظة مهمة شغلت الكثير من النقاد حول :ليه سلوك المبدعين بيدو ميالا للتمرد او في بعض الاحيان بنشوفو غير طبيعي؟. وتوصلوا إلى أن المبدع بيكون عندو شخصيتين - ما إنفصام – لكن شخصية للمبدع في اللاوعي وشخصيته الطبيعية بيكونو في حالة مناكفة او تضاد سلس(Smoothing conflict)، يعني هارموني عديل، شفت حكمة ربنا كيف؟ . ويتني ومايكل وبوب مارلي في الحياة اليومية بيكونوا أشبه بألاطفال، والحاجة دي ممكن تكون ملاحظة بشكل أكبر في الراحل مايكل وبدرجة أقل في ويتني وبوب، لكن في المسرح بيصبحوا عباقرة وسحرة. بوب مارلي ما قرأ لكن اشعاره ممكن تضاهي شكسبير!
ويتني دي زي الظاهرة الما بتكرر إلا مرة واحدة كل الف عام. أغنية " ساحبك أبدا" دي بقدر ما كانت محفزة للوجدان كانت بتعبر – يا للمفارقة – عن جزء من مآساتها: لمن تحب إنسان ويترسب في وجدانك ويصبح جزء من الخلايا ومكونات الدم والبلازما، بصبح من الصعوبة جدا إنك تطلعوا من جواك بدون كلفه باهظة . وده تحديدا الشيء الحصل للحورية ويتني.
اما أغنية " Share my love " الجابها الصادق دي بتأكد إنو تدرج طبقاتها الصوتية ممكن تغطي إتنين اوكتاف وإنها ممكن براحة تغني فوق الخمسة خطوط وأربعة مسافات( المدرج الموسيقي) وبتلقائية محيرة. ودي حتة ما جارتها فيها إلا ، بدرجة أقل، الاسطورة باربرا سترايسند. حتى قيل إنه : إذا صرخت ويتني وبارابرا فإن قوة وحدة صوتيهما كفيلة بأن تكسَر نوافذ عمارة زجاجية من 50 طابق!!
حازت على 6 جوائز غرامي وجائزة افضل إلبوم سبع مرات على التوالي حتى انها دخلت موسوعة غنيس للارقام القياسية لكونها " الفنانة الأكثر حصدا للجوائز على مر العصور"*

--
*The "Guinness Book Of World Records" lists Whitney Houston as music`s "most awarded female artist of all time" ...
محبتي

Bittersweet memories,
That is all I'm taking with me
الذكريات الحلوة ومرة
زاد الرحيل.
--
التعازي موصولة لصاحبي الراستا كريمو في كندا ومحبي الحورية في كل مكان.

محبتي

ويتني هيوستن التالية .

سلام سيد البوست و ضيوفو
فعلا فقد عظيم الخالة ويتني كانت ولا زالت واحدة من المفضلات عندي.
رأي عابر:
ويتني كانت on top of her game لحدث ما عرست المسخوت بوبي براون، من يوما ماشة من سيء لي أسوأ.

أبقوتة ..
والله قريتا بي طييب خاطر وعفوية عمرة بي ضم العين لأني كنت هناك :) ..
الليلة يا دووب انتبهت لي إنك قاصد عمرة بي فتح العين :)..

Quote: اسمع زمااان ضربته الفته عند أبو الجكس؟

حولااااااا يا سفيان ..إنت جادي في سؤالك ده؟؟
مووياالغة ياخ..
معقولة في زول كان بيشق شارع المدارس صباحاً ومساء وما يضرب بوش ابو الجكس؟؟؟
اخوك قرا بكار المتوسطة يا نابري :)
بالمناسبة سؤالك عن مجذوب أونسة واللحو ده سؤال ساااهل شديد ياخ..شوف ليك حاجة صعبة تخلينا نختلف في الذوق الفني :)

الفاتح ميرغني:
ياخ مداخلتك مرييحة وهي تمااااماً ما عنيته من فتح البوست (ولي فيه مآرب أخرى ..)



ياخ فعلاً الحالة الإبداعية عند الجماعة القلتهم ديل بتخليهم شخصين مختلفين ..والكلام ده والله الحاصل لي محمود عبد العزيز بالضبط وبرضو الكارثة الإسمو أبو وديع جورج وسوف..

Quote: ملاحظة مهمة شغلت الكثير من النقاد حول :ليه سلوك المبدعين بيدو ميالا للتمرد او في بعض الاحيان بنشوفو غير طبيعي؟. وتوصلوا إلى أن المبدع بيكون عندو شخصيتين - ما إنفصام – لكن شخصية للمبدع في اللاوعي وشخصيته الطبيعية بيكونو في حالة مناكفة او تضاد سلس(Smoothing conflict)، يعني هارموني عديل، شفت حكمة ربنا كيف؟ . ويتني ومايكل وبوب مارلي في الحياة اليومية بيكونوا أشبه بألاطفال، والحاجة دي ممكن تكون ملاحظة بشكل أكبر في الراحل مايكل وبدرجة أقل في ويتني وبوب، لكن في المسرح بيصبحوا عباقرة وسحرة. بوب مارلي ما قرأ لكن اشعاره ممكن تضاهي شكسبير!

ياخ والله شكراً كتييير على الكلام القييم ده ..وارتحت في كنكوجي إنو لقيت زول فهم مقاصدي ..ويجيك أبقوتة يقول ليك العمرة والزوغة والعيار حبتين ..

يا عمران ..الفيديو ما ظاهر عندي لأني خاشي من المكتب..
كدي وريني دي منو ويتني التانية دي ؟ :)

عثمان مكي:
بوبي براون زااتو ما هيين لكن جرجر الخالة لي قصص الإدمان دي وساعدا في القصة و انتهى منها..

الغريبة عندو مناه بت مش؟ دحين أسة دي بتكون شالت من امها حاجة في الصوت ؟؟؟ ولا ياها الورثة الكلها قروش دي؟

هاكـ يا عمر شيلة في فلاش واسمعة في عربيتكـ لامن ترجع تسمع من السماعات الترطيبة :)

الرابط

الرابط

Quote: التعازي موصولة لصاحبي الراستا كريمو في كندا ومحبي الحورية في كل مكان.

الاعزاء/ الفاروق والفاتح ميرغني


سلامات

نعزي انفسنا في رحيل المتفردة والمتميزة ابدا ويتني هويسن...