Post: #1 Title: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 08:28 AM Parent: #0
وخصوصا لما أشاهدو في التلفزيون
لما يبدأ الكوبليه بجيني إحساس إنو ما حيقدر يكملوا لي النهاية
وياهو نفس النهير بتاع حمد الريح للغناء وأأأأأأأأأأأأأأأأأأأأأأأأأأ بتاعتو ديك
Post: #2 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 08:34 AM Parent: #1
ما عندي إعتراض إنو صوتو لما يطلع واضح وجميل لكن ما قادر يستخدمو بمرونة أكثر
عشان كدا بجي إحساس الخوف
الدليل بعدين
Post: #3 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-30-2012, 08:36 AM Parent: #1
وخايف من شنو ؟
Post: #4 Title: Re: الخوف دا حدو متين... أنا محمود عبد العزيز ما بطربني برضو Author: haroon diyab Date: 08-30-2012, 08:44 AM Parent: #3
سلامات ياحمد
Quote: أنا محمود عبد العزيز ما بطربني برضو
هي في النهاية اذواق يجب احترامها
اعتقد بان الفنان الوحيد الذي لم يختلف عليه السودانيين هو :
الراحل عثمان حسين
وبرضو راي
سلام
Post: #5 Title: Re: الخوف دا حدو متين... أنا محمود عبد العزيز ما بطربني برضو Author: نعمات حمود Date: 08-30-2012, 08:55 AM Parent: #4
اححح الحمدلله تعرف خفت قلت الزول دا عندو عوجة وداسنها مننا اها لمن لقيتو حكاية اختلاف رؤى قلت الحمدلله ثلاث مرات
يا هارون انا صاحبتي المعاي بالسكن كلما افتح الفراش الحائر واسمع شجن بتطلع الصالة وتقول لي دا فنان لا اطيق سماعه وبرضو من حقها .....
واختي بتكره محمد الامين ....وكنت بزعل منها شديد لانها بترفض ترافقني في الذهاب للحفالات زمان وناس البيت بلزمونا نمش سواء وبرضو من حقها
اها يا صاحب البوست كلامك دا مافيه اي شي بزعلت بس انا حوده دا بموت فيهو حتى اللوك بتاعو الاخير دا برضو عاجبني شديد .... واعتبرتو جنون فنانيين وربنا يشفيهو ويجيبو بالسلامة قول امييين معانا بس
مني محبتي
Post: #7 Title: Re: الخوف دا حدو متين... أنا محمود عبد العزيز ما بطربني برضو Author: haroon diyab Date: 08-30-2012, 09:04 AM Parent: #5
سلامات يانعمات
Quote: يا هارون انا صاحبتي المعاي بالسكن كلما افتح الفراش الحائر واسمع شجن بتطلع الصالة وتقول لي دا فنان لا اطيق سماعه وبرضو من حقها ....
يعني حكاية اتفاق السودانيين علي عثمان حسين طرشق.....؟
مشتاقين يابتنا وللجميع بطرفكم
Post: #15 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 09:55 AM Parent: #5
اهلا نعمات حمود
Quote: بس انا حوده دا بموت فيهو حتى اللوك بتاعو الاخير دا برضو عاجبني شديد .... واعتبرتو جنون فنانيين وربنا يشفيهو ويجيبو بالسلامة قول امييين معانا بس
مني محبتي
مسألة اللوك دي يا نعمات أنا شخصيا ما فارقة معاي عند أي زول المهم ما هو معني به وما يقدمه سواء كان غناء رسم حتى طلاب المدارس لو عايزين يجو باللوك البعجبهم يجو
جني وجن التقييد محمود قد يكون شفت غناء لكن ما بالهالة الحايمة حولو يعني مرات بيعرف يختار بعض الأغاني البيقدر يؤدي فيها كويس
وإنشاء الله يبقى كويس زول في مقتبل الشباب نتمنى ليه كل الصحة
ولك الود أجزله
Post: #6 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-30-2012, 08:59 AM Parent: #4
Quote: اعتقد بان الفنان الوحيد الذي لم يختلف عليه السودانيين هو :
الراحل عثمان حسين
هارون دياب يا حبيب .. أنا أغنية شجن بتطربني عند عادل مسلّم أكتر من عثمان حسين رحمة الله عليه ....
Post: #10 Title: Re: الخوف دا حدو متين... أنا محمود عبد العزيز ما بطربني برضو Author: haroon diyab Date: 08-30-2012, 09:19 AM Parent: #6
ياصبري
ياخي دخلتني في حتة ضييييييييييييييقة
Quote: هارون دياب يا حبيب .. أنا أغنية شجن بتطربني عند عادل مسلّم أكتر من عثمان حسين رحمة الله عليه ....
عارف الزول ده..... فردة ودفعة وقريب وود الحلة
مالك دايرنا نديهو بالحتة الفيها الحديدة ههههههههههه
عادل مسلم امتداد لجيل العمالقة
بالجنبة :
الرسول فوقك قاعد تنزل الفيديو كيفن
ياخي بقي مابنزل معاي خير.... شر
تحاياي
Post: #12 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-30-2012, 09:28 AM Parent: #10
تسلم يا هارون ...
Quote: الرسول فوقك قاعد تنزل الفيديو كيفن
ياخي بقي مابنزل معاي خير.... شر
شغّل أيّ فيديو يوتيوب وأضغط عليه بالزر الأيمن للماوس إذا القائمة ظهرت ليك بالعربي اختار (نسخ شفرة التضمين) وإذا ظهرت ليك بالإنجليزي اختار (Copy embed html)
ثمّ ألصق ما نسخته في مربع الكتابة ...
دي كل الحكاية ...
Post: #8 Title: Re: الخوف دا حدو متين... أنا محمود عبد العزيز ما بطربني برضو Author: محمد أبوالعزائم أبوالريش Date: 08-30-2012, 09:05 AM Parent: #4
يا حمد ...
أرمها ولا تخف ....
شخصياً، محمود عبدالعزيز ما إتكلمت فيهو (هنا في البورد) .... فقط إحتراماً لرأي العديد من الأعضاء. لكني لا أملك إلاّ أن أستغرب للفرصة التي وجدها، وماذا حلّ بالذوق العام ليكون هذا الصوت مصنّف كمطرب يستمع إليه من يستمع؟
كل الذي يفعله المدافعين عنه، قولهم أنه في هذا التسجيل كان (مريض - مرهق - مزاجو ما كويس .... إلخ). إذا حبيت الإستماع إليه، متى أجده في أحسن الحالات؟
ياخ والله سمعناه أول أيام ظهوره ... وسمعناه الآن، ولم يزد إلاّ سوءاً ..... حاول تقليد أسلوب الهادي حامد فأساء له.
كده الخوف راح؟ ...... يالاّ ... أرمها ولا تخف.
Post: #9 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 09:07 AM Parent: #3
مرحب يا صبري
Quote: وخايف من شنو ؟
خوف العنوان كلام والسلام
لكن صدقني وأنا عارفك من المكسرين في محمود دا انا محمود دا في التلفزيون بكون خايف إنو ما يكمل الأغنية
المرة الوحيدة الأبرز فيها صوتو في التلفزيون دا كانت أغنية خاتم المنى للبلابل وأغنية لحمد الريح في رمضان الفات
ولو غنى أغنية خاصة بيهو عيييك
Post: #11 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 09:23 AM Parent: #9
سلام يا دياب
Quote: اعتقد بان الفنان الوحيد الذي لم يختلف عليه السودانيين هو :
الراحل عثمان حسين
أهو عثمان حسين لقى ليهو زول مكجنو
نحن زمان صغار لما يجي عثمان حسين ووردي وأحمد المصطفى وجيل العظماء ديل بنقفل الراديو
بمجرد ما يجي زيدان أو عبد العزيز المبارك الإنتباه حد السكون والسمع بمزاج وتغالط أكبر زول إنو وردي دا ما بعرف يغني ولا حاجة ياهو الغناء دا
شكرا
Post: #13 Title: Re: الخوف دا حدو متين... أنا محمود عبد العزيز ما بطربني برضو Author: haroon diyab Date: 08-30-2012, 09:33 AM Parent: #11
Quote: دي كل الحكاية ...
Post: #14 Title: Re: الخوف دا حدو متين... أنا محمود عبد العزيز ما بطربني برضو Author: haroon diyab Date: 08-30-2012, 09:35 AM Parent: #13
وعاجل الشفاء للحوت
والعودة سريعا بعد الغياب
والاهداء للاخت نعمات حمود
وليك ياحمد..... كمان قول لي ماغناي ههههههههههههههه
Post: #16 Title: Re: الخوف دا حدو متين... أنا محمود عبد العزيز ما بطربني برضو Author: معاوية الأرباب Date: 08-30-2012, 10:32 AM Parent: #14
فضل ايوب
والحوار الغلب شيخو ..
Post: #33 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 06:41 PM Parent: #16
هلا بالأرباب
.
Quote: فضل ايوب
والحوار الغلب شيخو ..
معنى كلامك دا متفق معاي في قصة محمود دي موش؟
طيب
فضل أيوب زول بتميز بصوت متموج بمشي محل ما يوديهو ودا ظهر في سهرة سيد خليفة
رغم إنو معاه ناس متمكنين زي أبوبكر وعادل مسلم وعصام محمد نور حتى ولد سيد خليفة نفسو
لكن كلهم أغاني سيد خليفة جرستهم وأداؤهم فيها كان تعبان ما عدا فضل أيوب كان مميز بس محتاج لتدريب كثير ولو دخل معهد الموسيقى بستفيد كثير
بس معاي واحد سمييع مغنية أضانو كريستال بس
أحبطني وقال لي فضل دا صوتو جيد في الغناء لكن أقرب للمديح وما بتغالط لي أنا عارفو
لكن فضل مؤدي جيد جدا للغناء حسب وجهة نظري
Post: #17 Title: Re: الخوف دا حدو متين... أنا محمود عبد العزيز ما بطربني برضو Author: Ashraf el-Halabi Date: 08-30-2012, 11:04 AM Parent: #14
لا بتحب القراصة لا الحوت!! يا حمد حقو بعد دا يرموك في الكوشة، واللاي صحي :)
Post: #18 Title: Re: الخوف دا حدو متين... أنا محمود عبد العزيز ما بطربني برضو Author: محمد البحر Date: 08-30-2012, 11:58 AM Parent: #17
بقولو سمح الغناء فى خشم محمود بس من حقك ما تحبو عشان دا حقك بس محمود غناى وغناى شديد كمان راى
Post: #19 Title: Re: الخوف دا حدو متين... أنا محمود عبد العزيز ما بطربني برضو Author: عمران حسن صالح Date: 08-30-2012, 12:20 PM Parent: #18
تعرف يا أستاذ حمد كان راكبني ليكـ جن أهلنا الماعندو مبررات ده بحكم السن والتصاقنا بأشيائنا البنشوف إنو مافي حاجة بتشبه شي معجون سجنال وشي العراقي وشي البينسون وشي المركوب يلا قمت اتعاملت مع الغنا بنفس الفهم بكيت مع الوالد الله يديهو العافية لامن توفى أحمد المصطفى واتصلت عليهو أعزيهو في عثمان حسين لا أعطي نفسي فرصة لأسمع زول ما بعرفو أو من الجيل الحالي لامن لاقاني محمود أها اليوم داكـ دخلتني ليكـ دهشة الصوت والتطريب والقبول العجيب العند الزول ده محمود يا حمد غيَر مفهوم السمع عند الشباب وغيَر طريقة التهليل والتصفيق والانسجام مع مستمعينو ... انت باعاتباركـ دقة قديمة زينا :) ما أديت نفسكـ فرصة تسمع غايتو أنا اليوم داكـ حتى ركوب الفيل عزرتو فيهو :) أركب فيلكـ وتعال غني : السلوى في ضمة حنين ...
Post: #20 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-30-2012, 12:31 PM Parent: #19
أخونا عمران يعني عايز أخونا حمد يركب الفيل .. ولاّ قصدك شنو ياخ ؟
Post: #21 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 01:00 PM Parent: #20
الكلام ده قبل الحادث ولا بعد الحادث ؟؟ والإجابة بتفرق كتييير..
بس للضمان وبما إنك وصفت محمود بي نههيير الغنا فإنت بتتكلم وبتسمع في محمود الرابط شعرو بي باندة ووشى عضام لا يكسوها لحماً ..وحتتتى محمود ده لو قرر يغني ويقدم وهو في مزاجه العالي كنت ح تسمع محمود غير.. عموماً بنصحك لو عايز تتكلم عن محمود وتقارنو وتجيب نهههييرو الرجاء إنك ترجع لي محمود التسعينات وتجيب التسجيلات وتجي تورينا النههير وين والخوف من إنو ما يتم الحتة أو اللحن أو النغمة وين ..
تخريمة : ياخ حمد الريح ده من شدة ما بينهر الغنا لممن الاغنية بتكون عايزة تبكي وهو بيغني فيها..
Post: #22 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 02:32 PM Parent: #21
أبو الريش مراحب
أيو كدا دا الكلام
Quote: كل الذي يفعله المدافعين عنه، قولهم أنه في هذا التسجيل كان (مريض - مرهق - مزاجو ما كويس .... إلخ). إذا حبيت الإستماع إليه، متى أجده في أحسن الحالات؟
ياخ والله سمعناه أول أيام ظهوره ... وسمعناه الآن، ولم يزد إلاّ سوءاً ..... حاول تقليد أسلوب الهادي حامد فأساء له.
عليك نوور وكل ما في الأمر أنو في لحظات ذكاء بقوم يختار أغنيات مسموعة بتلفق مع صوتو وبكون أدؤه فيها متميز ودي أي زول عندو شوية صوت وحس فني ممكن يعملها
حكاية ود الجبل دي أنا في رمضان أو العيد سمعتو مع دويتو مع ودالجبل ذكرني الفرق بين انك تكون بتلبس قمصان أنجليزية يجي وأحد يقول ليك في قمصان هندية ألوانها جميلة جدا تمشي تشتريها وتجي تلقى جيب القميص في كِلوتك وتنزل يدك القميص يتكرمش من تحت أباطك لحدي الحزام .
ياخي ود الجبل الله خلقو فنان عشان كدا قدر يحدد اللونية الممكن يلج بيها عالم الغناء ويتميز وينجح لأنو بحسو الفني مدعم بدراسة الموسيقى عرف امكانياتو وعرف كيف يوجهها نحو النجاح
Post: #23 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 03:03 PM Parent: #22
Quote: حاول تقليد أسلوب الهادي حامد فأساء له.
دي أكببر إشاعة وكلام ملفوح انا بعتبرو.. النغمة دي إتكررت كتييير ومن زمااان شايف الناس بيلوكووها دون أي دليل .. الغريبة الطقم فيهو أحمد ربشة ما عارف مالكم ما قلتوهو .. يقولوا ليك محمود بيقلد الهادي الجبل اللي بي دوره قلد احمد ربشة و و . كدي جيب لي اي تسجيل قديم لي محمود واي تسجيل للهادي الجبل ووروني الإسلوب البيقلد بيهو محمود في الهادي الجبل أو يتبع إسلوبه عشان ما يكون كلام ساي!! محمد تغنى لي ود الجبل دي ما فيها كلام ..محمود اظهر اغاني ود الجبل دي ما فيها كلام..محمود معجب بي ود الجبل دي ما فيها كلام .. لكن الليلة النحددا معاكم وننهي قصة اللواكة بتاعت محمود قلد أسلوب ود الجبل دي .. جيبو الشغلين وورنا وين التقليد عشان نستفيد معاكم .. وعشان اريحكم وبما إنكم متشوبرين في محمود انا بساعدكم في الإتنين .. أمشوا فتشو تسجيلات محمود القديمة وهو بيغني لمن سرحتي و برضو بغنيلك وجيبوها وجيبو الهادي الجبل بيغنيها وخلونا نسمع وين محمود قلد الهادي الجبل.. التسجيلات عندي لكن انتو اتعبو شوية فتشوها واسمعوها عشان ما تنضمو ساي ..
Post: #25 Title: Re: الخوف دا حدو متين... أنا محمود عبد العزيز ما بطربني برضو Author: مزمل خيرى Date: 08-30-2012, 03:21 PM Parent: #23
Quote: أمشوا فتشو تسجيلات محمود القديمة وهو بيغني لمن سرحتي و برضو بغنيلك وجيبوها ..
وانت فتشتها وين ما جاتك فى محلك ان شاء الله لسع محتفظ بالشرايط ياعمر هههههههههه
__ ياحمد سلام .. والله بالغت بوليغ شديد لكن :)
Post: #24 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 03:07 PM Parent: #22
Quote: عادل مسلّم
أها يا صبري كدا انت مشيت نكتا الناس البجضمو الغناء ويأدبوه جد جد
وشوف دا معاك كمان رغم أنو فتحت ليهو بوست قبل كدا لكن أشرب وقارن
Post: #26 Title: Re: الخوف دا حدو متين... أنا محمود عبد العزيز ما بطربني برضو Author: Balla Musa Date: 08-30-2012, 03:33 PM Parent: #24
يا اخوانا انا بستغرب فى زول بيطرب لفنان.. أنا بتطربنى أغانى وعشان كدا عندى فنانين كتار جدا بطربونى مرات, ومرات بقفل الصوت مجرد مايبدوا يغنوا..
شخصية الفنان وسلوكوا وأخلاقو بأثروا فى استماعى ليهو!!
Post: #27 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 03:35 PM Parent: #24
Quote: وليك ياحمد..... كمان قول لي ماغناي ههههههههههههههه
انت عليك نورين يا هارون ومشكور جدا على الهدية كدا جبت لي الدليل الأنا كايس ليهو
واللهو إنو محمود غنى الأغنية دي لما كان في قمة مجده (ودي مزة لعمر الفاروق البزبد من الزعل داك لحدي ما أحصلوا)
متفق معاك إنو الأداء في الأغنية مجملا جيد
بس تعال لي في حتة الخوف الأنا ذكرتها دي
في اللزمة بتاعة بعد الغياب الثانية محمود زمنو كان فارق (ما مشكلة رغم إنو كتير محمود دا أنا سمعت ليهو فرق زمن)
بعدها تعال لي عاد الحبيب المنتظر (ودي ماشة في طبقة صوت مرتفع تصاعدي)
محمود بدأ لما وصل المنتظر مد الميكرفون للجمهور وضحك يعني ما قادر أجيبها
كان ممكن يكون ذكي ويجيب (المنتظر) في القرار بس الجملة حسب الأغنية لازم تتردد
وهو ما بقدر ينزل ويطلع وينزل تاني لأنو الهواء في صدرو حيكمل وحيتبهدل
مع العلم إنو صلاح مصطفى اللو عملت استفتاء هنا ممكن يطلعوا ليك فنان أكثر من عادي ، بجي في الحتة دي عادي بدون أي تشنج
شفت الفرق كيف عشان كدا أنا قلت ليك في الأول صوت محمود إلى حد ما كويس بس ما مرن وهو بيعرف يغني فقط في طبقات الصوت المتوسطة
ورغم متانة صوتو إلا أن القرار والحاد عندو تعبان جدا
بالمناسبة أنا ما دارس موسيقى مجرد هاوي ويا ليت لو جا واحد من الموسيقى وصحح لي كلامي لو خطأ
Post: #29 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-30-2012, 03:54 PM Parent: #27
Quote: ورغم متانة صوتو إلا أن القرار والحاد عندو تعبان جدا
Post: #28 Title: Re: الخوف دا حدو متين... أنا محمود عبد العزيز ما بطربني برضو Author: عمران حسن صالح Date: 08-30-2012, 03:38 PM Parent: #20
Quote: أخونا عمران يعني عايز أخونا حمد يركب الفيل .. ولاّ قصدك شنو ياخ ؟
صبري يا صبري يا حرف الصبر كدي دوس الكلام يمكن يمشي بيكـ مكان تاني
________ عارفكـ بتمزح
Post: #30 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 03:57 PM Parent: #28
مزمل يا خيري:
Quote: وانت فتشتها وين ما جاتك فى محلك ان شاء الله لسع محتفظ بالشرايط ياعمر
أووول حاجة بطططل كضب انا الشرايط دي ركبت ليها طيارة عدييل للسودان ثم ركبت ليها عربية لانسر للسوق العربي :) :) بعدين اقول ليك حاجة غريبة ..كللل الاغاني الفي الشرايط دي طلعت قاعدة عندي في فلاش سعة 4 جيجا لي محمود :) بس زي ما قلت ليك الفرق إني بحب اسمع الشرايط أكتر وإنت حققت لي الشغلة دي يا صاحب ..والشرايط قاااعدة تسمع فييي كلامك ولم تفارق المسجل للدرجة اللي حالياً المسجل يكاد يكون باظ:) ..
تخريمة : شكلك بتتعامل مع نفس المحل البشتري منو الاغاني يا عمك ..إنت قاعد تمشي الإمتداد والصحافات ولا حاجة ؟ :)
Post: #31 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 04:21 PM Parent: #30
Quote: واللهو إنو محمود غنى الأغنية دي لما كان في قمة مجده
قلت لي الأغنية الجابا ليك هارون دي محمود غناها في قمة مجده؟؟ ولااا مجدو ساااكت ؟؟ قمممة مجده؟؟
يا حمد يا عبد الفغار نصيييحتي ليك واصل في خوفك النبي فييك .. وانا جادي والله ..وده ما كلام زعل ..
Post: #32 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 04:31 PM Parent: #31
يا صبري :
Quote: إلا أن القرار والحاد عندو تعبان جدا
الجماعة ديل بيكونوا قاصدين إنو القرار بيكون عند مرتو ..
تخريييمة : نصيييحة تانية يا عبد الغفار ما تتعب وتحلل فيديو صبري لأنو لسة برضو ده ما محمود في مجده وإن كان الفيديو في بداية الألفية الجديدة 2002 ..
Post: #34 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-30-2012, 06:49 PM Parent: #32
أشرف الحلبي
كيفنك
قلت أرد ليك بعد الساعة حداشر عشان التخفيض لكن ماشي أشوف آخر الخميس المنعبج دا
:
Quote: لا بتحب القراصة لا الحوت!! يا حمد حقو بعد دا يرموك في الكوشة، واللاي صحي :
تعرف أمس ولا أول أمس ما عارف كنت بسمع لواحدة من الأغاني المعولقة لمحمود
في اللحظة ديك لو جبت لي قراصة وقلت لي تسمع محمود وتأكل القراصة دي ولا أوديك الكوشة
كان براي مشيت إتلببت الكوشة واحتمال أقعد فيها لحدي ما تجي عربية البلدية عشان أقول ليهم ركبوني مع الكوشة ودوني بعيد من حتة محمود والقراصة ديل
ياخ كان أداء مرض بصور غريبة خلاص
Post: #36 Title: Re: الخوف دا حدو متين... أنا محمود عبد العزيز ما بطربني برضو Author: ناصر احمد الامين Date: 08-30-2012, 07:07 PM Parent: #34
حمد تحياتي ليك و لي ضيوفك و تحية كبيره من خلالك للمبدع محمود عبد العزيز و طالما عمر الفاروق قاعد معاكم بي جاي مافي عوجة تب.
Post: #35 Title: Re: الخوف دا حدو متين... أنا محمود عبد العزيز ما بطربني برضو Author: خالد الأيوبي Date: 08-30-2012, 06:55 PM Parent: #32
واحد ينزل لينا (حنيني إليك) بصوت محمد ميرغني أنا غلبني. أو أي أغنية محمد ميرغني و شكرا
Post: #37 Title: Re: الخوف دا حدو متين... أنا محمود عبد العزيز ما بطربني برضو Author: محمد أبوالعزائم أبوالريش Date: 08-30-2012, 07:26 PM Parent: #35
Quote: دي أكببر إشاعة وكلام ملفوح انا بعتبرو.. النغمة دي إتكررت كتييير ومن زمااان شايف الناس بيلوكووها دون أي دليل ..
Quote: لكن الليلة النحددا معاكم وننهي قصة اللواكة بتاعت محمود قلد أسلوب ود الجبل دي ..
عشان نوع الكلام ده ... في بداية مداخلتي قلت:
Quote: شخصياً، محمود عبدالعزيز ما إتكلمت فيهو (هنا في البورد) .... فقط إحتراماً لرأي العديد من الأعضاء. لكني لا أملك إلاّ أن أستغرب للفرصة التي وجدها، وماذا حلّ بالذوق العام ليكون هذا الصوت مصنّف كمطرب يستمع إليه من يستمع؟
ويا سيدي مافي لفح ولا لواكة ..... ووالله كنت قايل ده رأيي براي وما عارف في زول قال الكلام ده قبل كده .... تقول لي لفحي؟
عموماً أسمعو زي ما عايز ........ إنشاء الله يضوي ليك.
Post: #38 Title: Re: الخوف دا حدو متين... أنا محمود عبد العزيز ما بطربني برضو Author: rummana Date: 08-30-2012, 07:28 PM Parent: #35
Quote: شخصياً، محمود عبدالعزيز ما إتكلمت فيهو (هنا في البورد) .... فقط إحتراماً لرأي العديد من الأعضاء. لكني لا أملك إلاّ أن أستغرب للفرصة التي وجدها، وماذا حلّ بالذوق العام ليكون هذا الصوت مصنّف كمطرب يستمع إليه من يستمع؟
أنا غايتو قلت رأيي هنا في البورد مرة زماااااااان ، ولو على استحياء..
حمد ازيك..
Post: #39 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 08:00 PM Parent: #38
يا أبو العزايم: أسسسة ما فات شي ..إنت قلت رأيك يلا أثبتو لينا ..وخلينا من كلام التانين ..نمسك في كلامك بس ونعرف المحاكاة والتقليد وين ..
تخريمة : من ناحية ضوو لي فوالله الحووت ما قصصصر ضووو ليي زماااان ..
Post: #40 Title: Re: الخوف دا حدو متين... أنا محمود عبد العزيز ما بطربني برضو Author: rummana Date: 08-30-2012, 08:28 PM Parent: #39
صبري يا طه لما الفنان الكان مفروض يغني في حفل زواجنا طلع محجوز سألوني تحبي نجيب منو فرشحت اتنين منهم محمد ميرغني.. للاسف الوكيل السائل ما عجبه اختياري (أي والله مع إنه زواجي أنا مش هو :))... على اساس إنه محمد ميرغني فنان "تطريب" ما ينفع في حفل زواج... طبعا لو كان محمد ميرغني حيغني حنيني إليك على طريقة محمود عبد العزيز كان حردته أنا ذاتي... محمود غناهاأتقل من اللازم فأصبحت ممممممممملة للغاية.. فقدت معناها وطعمها وحنيتها وحنينها....والله ما بزعلني إلا شخص يغني غنية ما بتاعه ويخربها.. نعتذر لمحبي محمود عبد العزيز ... لكن نعمل شنو .. المزاج وما نهوى..
Post: #41 Title: Re: الخوف دا حدو متين... أنا محمود عبد العزيز ما بطربني برضو Author: haroon diyab Date: 08-30-2012, 11:07 PM Parent: #40
سلامات يارمانه
اييييييييييييييييييييييييييوه ده الكلام
Quote: نعتذر لمحبي محمود عبد العزيز ... لكن نعمل شنو .. المزاج وما نهوى..
المزاج ومانهوي
تحياتي
Post: #43 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 08-30-2012, 11:27 PM Parent: #41
رمانة .. تحياتي.. انا من محبين محمد ميرغني الزمااان ..وعندي ليهو واحد من أندر شرايط الكاسيت لا أمل سماعه برضو .. حنيني إليك فيهو برضو تقيلة نسبياً وما بعيدة من تقلة محمود دي.. عموماً ما يميز محمود إنو حتى أغاني الغير بيغنيها بي إسلوبه وصدقيني ما قاعد يخل بي القالب العام .. أغنية حنيني إليك تحديداً واحدة من الأغاني اللي في بدايتها لازم تكون تقيلة عشان تتناسب مع الحن ده ..وبعدين في الكسرة قاعد يزيد إيقاعها ..
Post: #44 Title: Re: الخوف دا حدو متين... أنا محمود عبد العزيز ما بطربني برضو Author: Emad Mohamed Date: 08-30-2012, 11:33 PM Parent: #41
Quote: لا أملك إلاّ أن أستغرب للفرصة التي وجدها، وماذا حلّ بالذوق العام ليكون هذا الصوت مصنّف كمطرب يستمع إليه من يستمع؟
انا مع كلام ابوالريش دا برضو يا حمد.
Post: #42 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-30-2012, 11:21 PM Parent: #40
Quote: صبري يا طه لما الفنان الكان مفروض يغني في حفل زواجنا طلع محجوز سألوني تحبي نجيب منو فرشحت اتنين منهم محمد ميرغني.. للاسف الوكيل السائل ما عجبه اختياري (أي والله مع إنه زواجي أنا مش هو :))... على اساس إنه محمد ميرغني فنان "تطريب" ما ينفع في حفل زواج... طبعا لو كان محمد ميرغني حيغني حنيني إليك على طريقة محمود عبد العزيز كان حردته أنا ذاتي... محمود غناهاأتقل من اللازم فأصبحت ممممممممملة للغاية.. فقدت معناها وطعمها وحنيتها وحنينها....والله ما بزعلني إلا شخص يغني غنية ما بتاعه ويخربها.. نعتذر لمحبي محمود عبد العزيز ... لكن نعمل شنو .. المزاج وما نهوى..
يا رُمانة لو كانت أغنية حنيني إليك أغنية هجيج ... يعني أغنيات زي راجل المرة حلو حلا حيغنوها لمشجعي البرازيل ولاّ شنو الحكاية ؟
حنيني إليك دي أنا أقصى مدى حأصلو فيها في الحفلة هو حأقوم أبشّر فيها بهدوء وأوزّع في البسمات العاطفية بالجنبة كدة ...
ـــــــــ ملاحظة: أنا جبتها كمثال لقوة صوت محمود .. وزي ما قال أخونا عمر فاروق فيما معناه دي بداية عصر الانحطاط لصوت محمود ...
في الحتة بتاعة الصوت بتاع محمود (الغرار والحاد) .. محمود دة لمّا تحضري ليهو حفلة على الطبيعة لما يغني في الغرار بتلقي نفسك بتعايني في السماء ظناً منك إنو في رعد وفي مطرة حتصب ... ولمّا يغني في الحاد بتعايني في الواطة ظنّا منّك إنو في زول واقع في بئر قاعد يكورك ويستغيث
Post: #45 Title: Re: الخوف دا حدو متين... أنا محمود عبد العزيز ما بطربني برضو Author: عزيز Date: 08-31-2012, 00:12 AM Parent: #42
الأخوة الاعزاء
صاحب المفترع
مساء الخير
البوم سبب الريد افضل ما قدمه محمود
محمود ربنا اداه نعمة لم يحسن تقديرها وتطويرها
التذوق مسالة نسبية وتنوعها منحنا هذا الكم الهائل من الثروة الفنية
صديقي عمر الفاروق
لن نقول بان محمود قلد الهادي الجبل ولكنهم ينتمون لمدرسة اداء الفنان احمد ربشة
وهي مدرسة ينتمي لها جيل من المطربين منهم عامر الجوهري عمار السنوسى وحمزة سليمان وكثر من الشباب من معجبين الهادي ومحمود
Post: #46 Title: Re: الخوف دا حدو متين... أنا محمود عبد العزيز ما بطربني برضو Author: Gaafar Ismail Date: 08-31-2012, 03:52 AM Parent: #45
الحبيب حمد وضيوفه الكرام
Quote: الرجاء إنك ترجع لي محمود التسعينات وتجيب التسجيلات وتجي تورينا النههير وين
حقا محمود في أول ظهوره كان صوته جميلا شجيا لا تمل سماعه.وعندما استمعت إليه مؤخرا لم يعجبني صوته ويبدو لي احيانا كأنه يصرخ ولا يغني ، ويبدو أن شيئا ما قد أثر على حبال صوته. أسأل الله له الشفاء العاجل ويعود لمحبي غنائه. ---------- الحبيب هارون دياب الفنان عثمان حسين نسيج وحده ولا يستطيع أي احد أن يقلده ، واعتقد من لا يطرب لعثمان حسين عليه أن يراجع اذنه .
---
ركوب الفيل يعني شنو؟ ..عمكم باقي دقة قديمة.
تحياتي ووافر احترامي
Post: #47 Title: Re: الخوف دا حدو متين... أنا محمود عبد العزيز ما بطربني برضو Author: saadeldin abdelrahman Date: 08-31-2012, 06:00 AM Parent: #46
سلام ابانا الحبيب ركوب الفيل هو التحليق باجنحة (خضراء) .. اوافقكم الرأي في ما يخص امكانيات المبدع محمود.. كان صوتا واداءا عملاقا..لكنه ضاع و بهت بالاهمال محبتي للجميع
Post: #48 Title: Re: الخوف دا حدو متين... أنا محمود عبد العزيز ما بطربني برضو Author: تبارك شيخ الدين جبريل Date: 08-31-2012, 06:50 AM Parent: #47
... المهم ....
Post: #49 Title: Re: الخوف دا حدو متين... أنا محمود عبد العزيز ما بطربني برضو Author: عاطف مكاوى Date: 08-31-2012, 07:43 AM Parent: #48
معلومتان :
الأولي : حمد عبدالغفار (ود حلتنا) والصديق وصديق الأصدقاء وشقيق العزيز ... كان فناناً يهز ويرز الثانية : في جلسة خاصة مع المرحوم مصطفي سيدأحمد في الدوحة قُلت له نفس ما قاله حمد في عنوان هذا البوست ... فإذا به يُخالفني الرأى في أن لمحمود صوتاً جميلاً وعذباً .
Post: #50 Title: Re: الخوف دا حدو متين... أنا محمود عبد العزيز ما بطربني برضو Author: أحمد محمد عمر Date: 08-31-2012, 08:30 AM Parent: #49
Quote: يعني حكاية اتفاق السودانيين علي عثمان حسين طرشق.....؟
طرشقة شديدة يا ود دياب الطريقة الوحيدة الممكن استمتع بيها بي أغاني عثمان حسين هي إنه يغنوها فنانين تانيين
بالنسبة لي محمود عبد العزيز أنا ختمت سماعي ليه سنة 2001 تقريباً مع البوم (أكتبي لي) وما أضفت لي حصيلتي القديمة إلا أغنية (بعد الغياب) عشان كدة محمود في رايي مدرسة لا يمكن تجاوزها .. محمود أكتر واحد عندو أغاني خاصة في جيله .. امكانياته الصوتية (حقتي أنا ما الحالية) ما ظهرت إلا في جيل العمالقة - ناس مصطفى سيد أحمد - وما حتظهر تاني قريب
Post: #51 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 08-31-2012, 11:51 AM Parent: #50
سلام يا حمد و الله الواحد ما عارف يبداء معاك كيف ذاتو!!! اول شي خليك محدد في كلامك يا حمد!!! ما بطربك دي مش معناها معاك انو صوتو ما بنفع معاك و لا بتشتغل بيهو لا بتخت ليهو بالك؟ لو اجابتك :- نعم طيب ليه تااااني تجي و تقول :- محمود في بعض الاغنيات بيغنيها كويس !!! كييييف يعني مش ياهو ذاااتو الصوت القبيل الما بطربك داك!!؟ أنت يا حمد بالطريقة دي عندك مشكلة عظيمة بتاعت عدم فرز ياخ أنت قائل محمود مؤدي !!! ابداً محمود فنان لا يقلد احد رغم أنه من اكتر الفانين الاتغنو باغاني الغير من الكباااار بس بصمة صوته هي حقتو و ما قلد اى فنان بذات الصوت (الا جلسات خااااصة ما تتعدي 4 او 5 نفر يقلد فيها الراحل خضر بشير بذات الصوت و ذات الحركات) . طبعاً مافي مشكلة انك ما تعجب بحمود ولا في خوف ذاتو بس يا حبيب زي ما قلته ليك افرز اول شي بعد داك تعال قول كلامك لانو كلامك البتقول فيها بي جهجهتو دي ياهو الخووووووف ذاااااتو .
Post: #52 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 12:02 PM Parent: #51
أهلا محمد البحر
Quote: قولو سمح الغناء فى خشم محمود بس من حقك ما تحبو عشان دا حقك بس محمود غناى وغناى شديد كمان راى
مشكور على حفظ الحقوق بس قصة غناي شديد دي فيها وقفة ممكن مقارنة مع الهردبيس بتاع جيلو دا يكون الأفضل لكن من ناحية غناء بكل محتويات هذه الكلمة
ما اعتقد ما ممكن فنان غناي شديد بيقدم غناء لجمهور زمنو يفرق أو يغلبوا يجيب حتة في لحن
شكرا
Post: #53 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 12:19 PM Parent: #52
عمران
مرحب بيك وعساك بخير
Quote: وشي العراقي وشي البينسون وشي المركوب يلا قمت اتعاملت مع الغنا بنفس الفهم بكيت مع الوالد الله يديهو العافية لامن توفى أحمد المصطفى واتصلت عليهو أعزيهو في عثمان حسين لا أعطي نفسي فرصة لأسمع زول ما بعرفو أو من الجيل الحالي لامن لاقاني محمود أها اليوم داكـ دخلتني ليكـ دهشة الصوت والتطريب والقبول العجيب العند الزول ده محمود يا حمد غيَر مفهوم السمع عند الشباب وغيَر طريقة التهليل والتصفيق والانسجام مع مستمعينو ... انت باعاتباركـ دقة قديمة زينا :) ما أديت نفسكـ فرصة تسمع غايتو أنا اليوم داكـ حتى ركوب الفيل عزرتو فيهو :)
أبدا يا عمران أنا في حتة الغناء دي أصلو ما عندي قديم ولا جديد أديك مثال :
لما يغني محمد الأمين بتتعلم من الأيام أو زاد الشجون أو وردي يغني بناديها أو ما في داعي
أنا بكون زي المضروب بنج ومرات ببكي عديل في الحتة بتاعة أقابلك وكلي حنية وأخاف من نظرتك ليا
لكن لو فتحت التلفزيون لقيتهم بغنو في يا معاين من الشباك أو جربت هواهم بغير القناة طوالي
موش كدا أن بحرص أحضر مقدمة قطار الزهور في قناة الشروق عشان أسمع أغنية المقدمة وبتطربني أغنية شوفو دنيتنا الجميلة ليه؟ لأنو البعجبني بحس فيهو بتكامل اللحن والكلمة والأداء مع الصوت الجميل
بعدين حكاية دقة قديمة دي فاجأتنا ساي والله رغم إنو واقع الحال بقول نحن قديمين من ناحية عمر لكن أنا غايتو أصلو ما راكبة لي في رأسي وما كنت شاعر بيها لحدي ما يوم
جاني شاب سوداني (زول كبير شغال يعني) ما طفل، بتكلم معاه كدا قام قال لي لكن ياعمو
بدون ما أشعر قلت ليهو نعم ياختي بتاعة المصريات ديك كبرنا شكلنا لكن بنكابر
Post: #54 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 01:01 PM Parent: #53
عمر الفاروق أهلا بيك
Quote: عموماً بنصحك لو عايز تتكلم عن محمود وتقارنو وتجيب نهههييرو الرجاء إنك ترجع لي محمود التسعينات وتجيب التسجيلات وتجي تورينا النههير وين والخوف من إنو ما يتم الحتة أو اللحن أو النغمة وين ..
Quote: مجده
يا عمر نحن مشينا معاك لحدي 2001 (دي 11 سنة ومحمود قاعد يغني فيها ) قلت أمشوا وراء شوية
طيب جكسا عبد العزيز دا نمشي نجيب ليهو تسجيلات من بطولة الأمم الأفريقية سنة 1970 ول كيف ؟
يعني هسة لو جاتك زينب البدوي (مذيعة بي بي سي) العايشة عمرها كلو في لندن وسمعت محمود عبد العزيز دا هسة وقالت ليك الزول دا ما أطربني تقول ليها أمشي أسمعي تسجيلات التسعينات
دا منطق شنو دا؟
انا قلت محمود عبد العزيز عندو نبرة صوت قوية وجميلة لكن ما مرنة وبتصلح في فقط في أغاني السؤال والجواب زي مثلا أوعك تخلف الميعاد وتزيد لي الألم لكن لو مشى للملودي المعقد بتعب وبقفد القدرة على التطريب ومرات زمنو بجوط إذن ما هو فنان للدرجة الحايمة حولو
أما حكاية القرار (الغرار) دي هسة انت قاعد تطلع لسانك في الثاء
غايتو انت وصبري اتفسحتوا فيها لكن بدون مكابرة أنا ما شفتها مكتوبة أبدا بسمعها حسب النطق السوداني وفاهم انها الصوت الغليظ موش قبيل قلت ليكم ما دارس موسيقى؟
وبمناسبة صبري وانت زاتك إنشاء الله تكونو سمعتو عمر جعفر الفوق دا وتحديد في الكوبلية قبل الأخير حتة
وأعصابي الت......من عشان تشوفوا الزول دا حافظ على زمن الأغنية بالنانومتر كيف؟
Post: #56 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 01:19 PM Parent: #54
مزمل خيري
مسكاقمي (أنت قريب محمد سليمان خيري؟) بتشبهو
Quote: ياحمد سلام .. والله بالغت بوليغ شديد لكن :)
بالغت أنا والا بالغ سعد الدين حسن أمبارح كان بقدم في حسين الصادق في سهرة قال للجمهور :
نقدم الفنان الدكتور ، النخلة وقرب يقول الكنداكة ورابحة الكنانية ديلاك القاعدين نقولا هنا في البورد لـ لنا مهدي
تعرف أنا السودان دا بقيت بضحك بس لأنو ما بنقدر على الذبحة الصدرية دي
ياخي دا أمس كلما اعصر على نفسي أقول اسمع ليهو غنية للأخر يغلبني
Post: #55 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 08-31-2012, 01:08 PM Parent: #53
نسيت حاجة مهمة يا حمد في كلامك !! انت بتقول محمود بفرق زمن !!!! طيب يا حمد قول لي فرق زمن في ياتو اغنية !! بالتحديد في الاغنية كدا في الكوبليه كدا !!! و لوو بتقدر ترفع الفديو الفرق فيهو زمن يكون خير و بركة و لو ما بتقدر قول لينا و نحنا نرفع . طبعاً لو حدتته فرق زمن و ين دا حيكون نقاش الموسم (خصوصاً معانا اساتذه متخصصين صوت ) لانو ببساطة ربما تسميه انت لدى محمود فرق زمن دا يكون حاجة علمية في الموسيقة و تكون يا فايبريشن يا لعب بالصوت في ذات الوزن اللحني او الجملة اللحنية ودا يا حمد ما اسمو فرق زمن لو عايز تعرف فرق الزمن ارفع ليك اي فديو لعلي اللحو او ارفع ليك اي حاجة لمجذوب انسى عشان تعرف الزمن بقرقهو كيف !!!
بالمناسبة كنت ما عايز اعلق ليك علي مقارنتك بين محمود و بين حمد الريح بس اهو شكلي ح اكون مجبور !!! ياخ حمد الريح دا تسمعوا بس لما تكون متاخر ليك من مواعيد و عايز تلحق سريع بتلقى نفسك ططططق وصلته ! مش حمد الريح دا هو القال الدوش ما كتب الساقية في نميري؟ بالله دا بقارنوهو!!! دا فريد عصروا الما متلو شئ كل كلو .
Post: #57 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 01:29 PM Parent: #55
معذرة يا شباب
سلام يا نابري
أغنية بعد الغياب شايف بعد مسكناها بالثابتة
هارون غيرها
أسمع بداية الأغنية مباشرة
وبجيك
Post: #58 Title: Re: الخوف دا حدو متين... أنا محمود عبد العزيز ما بطربني برضو Author: Gaafar Ismail Date: 08-31-2012, 01:38 PM Parent: #47
إبني الحبيب ابوالسعود أسعد الله اوقاتك
Quote: ركوب الفيل هو التحليق باجنحة (خضراء) ..
بالله هو معناهو كدا شكرا على تنويري بلغة الشباب طيب عشمعنا الفيل وموش الزراف زمان كان احد مجانين الخرطوم يصيح دائما( الزراف ركوب الجن) تقبل تحيات جميع ناس البيت
Post: #59 Title: Re: الخوف دا حدو متين... أنا محمود عبد العزيز ما بطربني برضو Author: ناصر احمد الامين Date: 08-31-2012, 01:48 PM Parent: #58
Quote: الثانية : في جلسة خاصة مع المرحوم مصطفي سيدأحمد في الدوحة قُلت له نفس ما قاله حمد في عنوان هذا البوست ... فإذا به يُخالفني الرأى في أن لمحمود صوتاً جميلاً وعذباً .
بسسسس خلاص. شكرا عاطف الكلام دا مفوض نختم بيهو الحلقة دي هههههه
Post: #60 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 03:16 PM Parent: #59
د بلة
شلوم
Quote: يا اخوانا انا بستغرب فى زول بيطرب لفنان.. أنا بتطربنى أغانى وعشان كدا عندى فنانين كتار جدا بطربونى مرات, ومرات بقفل الصوت مجرد مايبدوا يغنوا..
شخصية الفنان وسلوكوا وأخلاقو بأثروا فى استماعى ليهو!!
كلامك صحيح في بعض المرات
لكن مثلا خد معاك أغنية لو عارف عيونك توهت العيون بتاعة حمد الريح أنا بصوت حمد الريح ما بتطربني رغم أنها أغنية تبدو جميلة
أنا بفترض إنو الأغنية دي مفروض تمشي للبلابل كانت حتكون مبالغة
أما حكاية السلوك والأخلاق ما كن تجمعن الأثنين لأنوعديم الأخلاق دا إنسان سيء ما عندو إحترام
أما السلوك بتدخل فيها مواضيع متشابكة (الحرية الشخصية ووووو)
أنا شخصيا سماعي للأغاني ما قعد أربطوا بأي شيء
و لو أضاني بالغلط وقعت في غناء سمح بنسى كل المواضيع التانية وبطرب نفسي وبس
Post: #61 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 08-31-2012, 03:56 PM Parent: #60
ناصر الأمين مرحب بيك
كلام مصطفى ما عندنا فوقو كلام لكن مصطفى دا زاتو لما يغني السمحة قالو مرحلة أنا بغير القناة أو بجرها لو في شريط
لأنو لحنها تعبان جدا مافي قداسة لزول أها وردي قال طه سليمان فنان مجيد بل لحن ليهو أغنية كاتبها اسحق الحلقني سمعت بيها؟
الأغنية دي لو غناها وردي هسة 10 ملايين كانوا بكونوا حافظنها
Post: #62 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-31-2012, 04:14 PM Parent: #60
Quote: وبمناسبة صبري وانت زاتك إنشاء الله تكونو سمعتو عمر جعفر الفوق دا وتحديد في الكوبلية قبل الأخير حتة
سأل أحد أصدقائي الفنان محمود عبدالعزيز في العام 92 أو 93 تقريباً عن أيّ صوت من أصوات الفنانين أعجبه ويحب الاستماع إليه فكانت إجابته بعمر جعفر
ـــــــــ عمر جعفر زول غنّاي ومتمكّن ولكن ما عارف الحاصل شنو بالضبط في إنّو ما انتشر كانتشار محمود وغيره ...
Post: #63 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-31-2012, 04:29 PM Parent: #62
Quote: الخوف دا حدو متين... أنا محمود عبد العزيز ما بطربني برضو
يا أخونا حمد .. ياخي أنا مُداخلتي في البوست دة على حسب عنوانك المطلق والغير محدد بزمن معيّن ... يعني إنت محمود قلت ما بطربك ولم تحدد فترة زمنية لذلك ...
بمعنى أنا فهمت إنو محمود عبدالعزيز مما بدأ يغني حتى تاريخه لا يطربك وبالطبع لم يطربك ... وبديت تتكلم عن صوت محمود وتنتقد فيه وتقول كذا وكذا ... وباني انتقادك على نماذج لصوته سمعتها قريباً ولم تجلب نماذج صوته في التسعينات مثلاً ... أنا جبت ليك مثال لصوت محمود قبل أن يصيبه الإعياء ... وعنوان بوستك يقول أنه أيضاً لا يطربك بالمثال الذي جلبته لك ...
أنا أتفق معك أن صوت محمود في السنوات الأخيرة أصابه الإعياء ولتعرف سبب ذلك .. عليك الله أسأل عن صحة محمود عبدالعزيز .. وعن مكان تواجده في هذه الأيام ... يعني مُشكلة صوت محمود الحالية دي مُشكلة تتعلق بصحته بالمقام الأول ...
عنوانك يا حمد واضح وهو محمود لا يطربك في كل الأحوال ولم يطربك البتة ... البتة دي خت تحتها خطّين سمان ..وما تقعد تتزاوغ من الزرزرة الحاصلة دي
حلّك الوحيد إنّك تقول: والله ما كُنت عارف .. أو في التسعينات كُنت أنصاري سنّة ... وهكذا
Post: #64 Title: Re: الخوف دا حدو متين... أنا محمود عبد العزيز ما بطربني برضو Author: تبارك شيخ الدين جبريل Date: 08-31-2012, 04:49 PM Parent: #63
مصطفى دا مرضة ... لو ما شفيتوا منها ... حا تلاحقكم اعراض "متلازمة التذوق القسري" لغاية ما تدقّوا في "جمعة الخلاص" ....
ربنا يعين ويعجّل "الثورة" ... عشان نخلص .... بالله في زول بيستند على راي زول تاني عشان يصادق على "تفنانية" الفنان من عدمها؟
هسى انا ختيت غنية "يا مدهشة" دي لأنها خفيفة الظل ومسجّلة كويس وممتعة خاص ... رغم انو ظهرت فيها مشاكل محمود بتاعة نهّير الغنا البيتكلم عنها حمد عبدالغفار ... يعني ما منع انها تكون جميلة ...
... المهم ...
Post: #65 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 08-31-2012, 04:57 PM Parent: #64
Quote: بالله في زول بيستند على راي زول تاني عشان يصادق على "تفنانية" الفنان من عدمها؟
يا تبارك ... أنا ذكرت فقط رأي محمود عبدالعزيز في عُمر جعفر ما أكثر ... ولم أبني قناعتي بعمر جعفر على هذا الأساس ...
دة بافتراض إنّك قاصدني أنا بالكلام المقتبس ....
Post: #66 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 07:43 AM Parent: #65
أهلا أحمد الأيوبي
Quote: واحد ينزل لينا (حنيني إليك) بصوت محمد ميرغني أنا غلبني
ياخي محمد ميرغني فاتح مدرسة خاصة بيهو هو وحده هن جاب لي جاب
محمد ميرغني عايز ليهو زول مفضي نفسو عشان يسمع غناء سمح ويكون مؤشر الطرب في قمته عشان يسمعو
أتمنى نقدر أو واحد يقدر ينزل ليك
بس شايف في أغنية يا مفرحة شغالة أوتوماتيك مع فتح البوست يا جماعة في إمكانية الأغنية تشتغل عند الطلب لو ممكن
Post: #67 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 08:07 AM Parent: #66
أهلا رمانة
.
Quote: أنا غايتو قلت رأيي هنا في البورد مرة زماااااااان ، ولو على استحياء..
حمد ازيك..
ما تخجلي يا السمحة قولي ووضحي
أنا غايتو طردت الخوفة من قلبي وقلتو
مع ذلك رأيك وصل مع الشكر
Post: #68 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 08:59 AM Parent: #67
أهلا عماد محمد
.
Quote: انا مع كلام ابوالريش دا برضو يا حمد.
مزيدا من الإطمئنان على رأينا شكرا
Post: #69 Title: Re: الخوف دا حدو متين... أنا محمود عبد العزيز ما بطربني برضو Author: اسماعيل عبد الله محمد Date: 09-01-2012, 09:55 AM Parent: #68
صدق الشاعر ايليا ابو ماضى حين قال:
والذى نفسه بغير جمال... لا يرى فى الوجود شيئاً جميلا...
Post: #71 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-01-2012, 10:44 AM Parent: #69
Quote: ا عمر نحن مشينا معاك لحدي 2001 (دي 11 سنة ومحمود قاعد يغني فيها ) قلت أمشوا وراء شوية
عشان ما أتكلم كتير لأنو زي جاتني رجفة من كلامك ده يا حمد .. هل إنت بتقصد تسجيل بعد الغياب الهنا ده معمول سنة 2001؟؟؟؟؟؟؟ أرجو الإجابة ..
Post: #72 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-01-2012, 10:51 AM Parent: #71
غايتو يا حمد لو قاصد بي 2001 دي برضو أغنية حنيني ليك الفي المسرح ومسجلة من شريط فيديو دي تكون بالغت ولو إنو محمود فيها زمنو ما فارق وتعال ورينا فرق وين .. بالنسبة لي الغرار والقرار استعجلتني يا حبوب..انا ما بتكلم عن الخطأ اللغوي ولااا على بالي انا في الفكرة نفسسسها وإنو محمود ما بيملكها ..
تخريمة :
Quote: يا مفرحة
ياخ إنت شدة محمود ما بيطربك لمممن حافظ شرايطو ..لأنو يا مفرحة ده شريط براهو وأغنية براها كاتبا التجاني حاج موسى بتقول الجميل الجاي بكرة أريتو بس لو عندو فكرة ..تبارك منزل ليك أغنية يا مدهشة بتاعت حسن الزبير رحمه الله .. حمد يا اخوي عفيييتك بعد يا مفرحة دي ..
Post: #74 Title: Re: الخوف دا حدو متين... أنا محمود عبد العزيز ما بطربني برضو Author: ALazhary2 Date: 09-01-2012, 10:58 AM Parent: #69
. .
الخوف دا حدو متين ؟ الأسماء التحت دي كلها ما بتطربني أبداً أبداً ولا استطيع إكمال سماع اغنية واحدة لهم .
1/عمر احساس 2/عبد القادر سالم 3/زيدان إبراهيم (رحمه الله) 4/نور الجيلاني 5/جيلاني الواثق 6/محمود عبد العزيز 7/نادر خدر (رحمه الله) 8/سمية حسن 9/فرفور 10/عبد العزيز المبارك 11/عماد أحمد الطيب 12/محمد ميرغني
وناس تانين كتار لكن ما متذكر الأسماء هسع .
. .
Post: #70 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 10:40 AM Parent: #68
مرحب عزيز خطاب
Quote: لبوم سبب الريد افضل ما قدمه محمود
محمود ربنا اداه نعمة لم يحسن تقديرها وتطويرها
حكاية البوم أو اغنية ما هي سبب كافي لوصف إنسان بأنو فنان
ممكن يكون مؤدي جيد يحسن الأختيار فينجح أو يختار غلط ويفشل
محمود بدأ الغناء قبل 20 سنة أو أكثر كانت فترة أكثر من كافية ليثبت إنو فنان
لكن فشل لوقوعه في شرك التقليد
Post: #73 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 10:57 AM Parent: #70
أهلا بعمنا جعفر وجودك يشرفنا ويبعث فينا الإطمئنان
Quote: لفنان عثمان حسين نسيج وحده ولا يستطيع أي احد أن يقلده ، واعتقد من لا يطرب لعثمان حسين عليه أن يراجع اذنه .
---
ركوب الفيل يعني شنو؟ ..عمكم باقي دقة قديمة.
عثمان حسين وجيله ديل حاجة تانية خالص مسألة تقليده وضح إنها صعبة على كثير من الناشئة لأنو في قصور ذاتي في مواهبهم
أما مسألة ركوب الفيل أعتقد أنو سعد الدين وصلةها ليك على أجنحة عثمان حسين الخضراء
لو خلاك علينا كان وصلناها ليك على أجنحة الفجر ترفرف فوق أعلامك
مشكور كتير جدا
---------------- يا عمر الفاروق أنا أقصد أنو محمود عبد العزيز كان بغني في الـ 11 سنة دي ما وقف بعد الغياب ما متأكد بالضبط غناها متين وأهو هارون غطس حجرها كنا عايزين سفيان دا برضو يشوفا
Post: #75 Title: Re: الخوف دا حدو متين... أنا محمود عبد العزيز ما بطربني برضو Author: rummana Date: 09-01-2012, 11:22 AM Parent: #70
هارون دياب.. كلامي نظام تطييب خواطر وكده...أنا قلت أبديت رأيي زمان "على استحياء" خوفا من أني أكون ما سمعت الراجل كفاية عشان أحكم عليه بحكم بعدي عن السودان... المافي صالح بعض الفنانين إنه اليوتيوب ما قصر ورَا البعيدين كل المستخبي والفايت عليهم :) بعد الغياب... واحدة من أجمل أغاني صلاح مصطفى إن لم تكن أجملها على الاطلاق... محمود غناها بطريقة لا بأس بها في الجزء الاول... لكن بالنسبة لي من حتة "في غيابك أضاني الألم" وإلى نهاية الأغنية بكل تأكيد أحب أسمعها من صلاح مصطفي مش من محمود عبد العزيز.. الصوت ده هبة من الله لكن مقدرة المغني على تطويع صوته مع الكلمات واللحن واحساسه بيهم هي البتعمل الفنان مطرب أو لا..وهي البتخلي المستمع ينتقل من حالة مستمع إلى عاشق عايش المشاعر والانفعالات البتحكي عليها كلامات الاغنية....طريقته في الغنا عملت لي "دستراكشن" وطلعتني من الاحساس الكنت عايشة فيه :) (راي خااااص) ومع ذلك نحترم ذوقكم وتذوقكم.. غايتو ممكن أديه كريدت في اختيار الاغاني ------ الأخ عمر الفاروق ...الاغنية في تسجيلها الاول كانت خبطة زي أغنيات أخرى لمحمد ميرغني... مش عارفة فكرة الاغاني "التقيلة" دي شنو عند السودانيين... بعض الفنانين لاحقا برضو بيزيدوا "تقلة أغانيهم حبة كده" ...حتى محمد وردي (الاسطورة جد) لجأ لذلك عند أداء بعض أغانيه بعد أن قدمت واشتهرت بطريقة أداء "أخف".. الظاهر في شيء مميز في الموضوع لم يستطع تذوقي الوصول ليه بعد! http://www.youtube.com/watch?v=nepK3QlOZ_A
Quote: رُمانة لو كانت أغنية حنيني إليك أغنية هجيج ... يعني أغنيات زي راجل المرة حلو حلا حيغنوها لمشجعي البرازيل ولاّ شنو الحكاية ؟ حنيني إليك دي أنا أقصى مدى حأصلو فيها في الحفلة هو حأقوم أبشّر فيها بهدوء وأوزّع في البسمات العاطفية بالجنبة كدة ...
صبري يا صبري ماهو التطريب ده كان في حد ذاته هدف...نحن كنا قايلين هي حفلتنا ونحن حريِن فيها...! هجيج شنو العايزين نهججوا ..! أنا لو قلت ليك الفنان الاصلي كان منو كان أبيت تحضر الحفلة... :) :) .. غايتو في "حفلتهم" نحن اكتفينا بتوزيع البسمات المجاملة ..! ----
Quote: هسى انا ختيت غنية "يا مدهشة" دي لأنها خفيفة الظل ومسجّلة كويس وممتعة خاص ... رغم انو ظهرت فيها مشاكل محمود بتاعة نهّير الغنا البيتكلم عنها حمد عبدالغفار ... يعني ما منع انها تكون جميلة ...
ماشي يا تبارك ... لكن المرة الجاية خلينا نسمعها لما نحب :).. محمود ده مش صوته أكبر من حجمه ذاته... يا ترى هل غنى لعبد العزيز محمد داوود وهل حيجيد أغانيه زيه؟ ..مجرد سؤال.. ----- الأخ حمد .. يا رجَال ما دام بقت تجيب ليها رجفة واهانات من نوع والذي نفسه بغير جمال ... خليته ليك.. الخواف بنفد بجلده..!
Post: #76 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 09-01-2012, 12:54 PM Parent: #75
يا أخوان/ت ... محمود عندو طريقتو في الغناء (أسلوب أداء خاص به) .. أعجب البعض ولم يُعجب البعض .. وأعتقد أنّ أخونا حمد وغيره من المنتقدين لم يُعجبهم هذا الأسلوب ...
بمعنى أنّ الأغنية عند محمود بتختلف عند صاحبها ... وإليكم مثال لأغنية عيني ما تبكي .. فقد غنّاها في إحدى أشرطة الشركات بطريقته وقد غنّاها في أحد البرامج التلفزيونية مع كمال ترباس بطريقة كمال ترباس ... يعني محمود ما غالبو يغنّي الأغنية زي صاحبها ...
ودة المثال:-
1- بطريقة كمال ترباس
2- بطريقته
ـــــــــــ
Post: #77 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-01-2012, 01:47 PM Parent: #76
رمانة:
Quote: هل غنى لعبد العزيز محمد داوود وهل حيجيد أغانيه زيه؟ ..مجرد سؤال..
واحدة من الأغاني اللي إشتهر الراحل ابوداؤود بترديدها أغنية غصن الرياض المايد ..سجلها محمود في شريط إسمو الحجل بي الرجل أنصحك تسمعيهو لو بتستحملي.. وبرضو تغنى لي ابوداؤود بي أغنية من زمان أعتقد في شريط قائد الأسطول .. بالمناسبة محمود عبد العزيز من أفضل من يتغنى لي ابوداؤود لمن يغني في الرايق..محمود عندو صوت رااايق كده لمن يشتغل بيهو لممن يحيرك..وده ما كلام مجاملة لي محمود ده كلام مجرررب.. ممكن محمود عندو إستايل في بعض الأغاني اللي بيطلع فيها في العالي والناس تفتكرو كوراك لكن أسمعي محمود في الرايق وابدي بي شريط الحجل بالرجل
Post: #78 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 09-01-2012, 02:15 PM Parent: #77
Quote: عمر الفاروق كتب: واحدة من الأغاني اللي إشتهر الراحل ابوداؤود بترديدها أغنية غصن الرياض المايد ..سجلها محمود في شريط إسمو الحجل بي الرجل أنصحك تسمعيهو لو بتستحملي.. وبرضو تغنى لي ابوداؤود بي أغنية من زمان أعتقد في شريط قائد الأسطول .. بالمناسبة محمود عبد العزيز من أفضل من يتغنى لي ابوداؤود لمن يغني في الرايق..محمود عندو صوت رااايق كده لمن يشتغل بيهو لممن يحيرك..وده ما كلام مجاملة لي محمود ده كلام مجرررب..
يا عُمر بعد توضيحك الفوق دة أنا حأحكي ليك قصة (بدون سخرية) من الأخ حمد والأخت رُمانة ... وسأكتبها بعد اقتباس بعضاً من كلامهما عن محمود ...
Quote: رمانة كتبت : هل غنى لعبد العزيز محمد داوود وهل حيجيد أغانيه زيه؟ ..مجرد سؤال..
Quote: حمد عبد الغفار عمر كتب: ورغم متانة صوتو إلا أن القرار والحاد عندو تعبان جدا
القصة: زمان كنّا في النادي بنحضر في مُباراة للبرازيل .. أها يا حبيب الكورة جات للاعب روبرتو كارلوس على رجلو الشمال وقامت قلشت منّو ... أها قاعد معانا عمّك كدة كبير في السن .. قام علّق وقال: يا جماعة روبرتو كارلوس دة ليه المدرّب ملعبو مقلوب .. مفروض يلعب باك يمين ...
ـــــــــــ وبرضو الاقتباسين الفوق ديل ذكّرني مسرحية "شاهد ما شافش حاجة"
Post: #79 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 02:35 PM Parent: #78
هلا سعد الدين
Quote: ركوب الفيل هو التحليق باجنحة (خضراء) ..
حقو يدوك كاس العالم في مداخلتك دي
ياخي دي دبلوماسية بان كي مون ما بقدر عليها
وكمان حقو يخلوك تغني غنا محمود دا بدلا عنو
ربنا يخليك ويخلي ليك الوالد
ــــــــــــــــــــــــــــ
شايف يا رمانة وفات أضاني بهناك انت قاية الخوف دا أنا خليتوا ساي ؟ زمان كنت خايف عشان عيالي معاي وعايز أربيهم لكن هسة هم في إجازة في السودان بتربي فيهم أمهم فقلت دي فرصة ما دام الواحد ما عندو عيال بربي فيهم يفتح النار في غناء محمود دا والبحصل يحصل
Post: #80 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 03:32 PM Parent: #79
حبيبنا أبو مكاوي مرحب
Quote: الأولي : حمد عبدالغفار (ود حلتنا) والصديق وصديق الأصدقاء وشقيق العزيز ... كان فناناً يهز ويرز
شكرا على الأطراء ياخي لكن وييين الغناء ، أنا من جيت السعودية لحدي الآن ما مسكت لي مايك وكل ما أشوف المكرفونات كتير قدام الإمام تنطلق فيني كاروشة حارة للغناء وطوالي بتذكر بيت الشعر تموت الأسد في الغابات جوعا ولحم الضان يأكله الإمام.
فالواحد ما بعرف خطواتو في الدنيا لأنها (الدنيا) زي المعايرة بتاعة الكيمياء ديك (titration) نقطة واحدة بتغير اللون من الأبيض للبنفسجي
أنا مرة كنت مع الخال عز الدين حمد ، قام جاء د. الفاتح الطاهر (لو الأسم صحيح) وكان عميد معهد الموسيقى المهم شوية كدا قال ليهو أنا عايزك تسمع حمد دا عشان تسجلو في معهد الموسيقى
فعلا غنيت وسمع وقال لي ما في مشكلة نسجلك جيب شهادتك الثانوية قلت ليهو ياخ أنا بدرس في الجامعة وصعب إني أوفق بين دراستين نظاميات قال لي خلاص نقبلك انتساب قلت ليهو كويس
وعييك ما اشتغلت بالموضوع يعني دي كان غيرت إتجاهي 100 % لكن الخير فيما اختار الله .
بالمناسبة دي عفيف مشرف وعلي يوسف كلما يشوفني قرفان بيقولوا لي انت غلطت غلطتين فادحات في حياتك واحدة أنك خليت الغناء والثانية إنك أغتربت في السعودية
وكلامهم صاح.
بخصوص كلام مصطفى عن محمود بالتأكيد مصطفى لا يمكن تجاهل كلامو لكن تعرف السمع دا برتبط بالزول البسمع فقط وتقديروا
تحياتي لأسرتك وتحية خاصة لإبننا القامة مكاوي
Post: #81 Title: Re: الخوف دا حدو متين... أنا محمود عبد العزيز ما بطربني برضو Author: rummana Date: 09-01-2012, 06:01 PM Parent: #80
Quote: وبرضو الاقتباسين الفوق ديل ذكّرني مسرحية "شاهد ما شافش حاجة"
صبري طه رغم إني ما فهمت الحكاية الحكيتها، لكن أنا أأمن على كلام أبوالريش الفوق داك تقوم تتوقعني أكون سمعت كل أغنية غناها محمود وكمان متذكراهم..؟!! على كده اكون بسمع محمد وردي كم مرة في اليوم؟؟؟ انت ذاتك شكلك ما سمعت محمود عبد العزيز بغني لأبوداوود..إلا بعد مداخلة عمر الفاروق :) ملحوظة: خد رااااحتك وانت بتسخر..السخرية في حوش بكري مجانا :) ..
عمر الفاروق شكرا على طول البال ياخ ... آآآآآآ ... أنا أعترف اني ما بحب صوت أبو داوود... أنا ذكرت أبو داوود عشان صوته "كبير" وبتخيل التحكم فيه خاصة في الاغاني العاطفية بكون صعب جدا ...غايتو ما بقدر أتخيل محمود عبد العزيز بقدر "ينعم" صوته زيه... جيب لينا رايق محمود وبنسمعه معاك ... ولن أعود حتى ذلك الحين (شكلي استلمت البوست من حمد) .. شكرا ليك.
Post: #82 Title: Re: الخوف دا حدو متين... أنا محمود عبد العزيز ما بطربني برضو Author: Mahmoud Mustafa Mahmoud Date: 09-01-2012, 07:03 PM Parent: #81
ما عارف.. لكن عندي إحساس كدا ...
إنه البوست دا.....
كاميرا خفية....
حمد وضيوفه الكرام وحتى الئام زاتم...
مرحباًًً بكم...
..
وعيدكم مبارك..
..
..
Post: #83 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 07:30 PM Parent: #82
مرحبتين تبارك النافذ
هنا نفوذ ما بنفع أضان بس
Quote: مصطفى دا مرضة ... لو ما شفيتوا منها ... حا تلاحقكم اعراض "متلازمة التذوق القسري" لغاية ما تدقّوا في "جمعة الخلاص" ....
ربنا يعين ويعجّل "الثورة" ... عشان نخلص .... بالله في زول بيستند على راي زول تاني عشان يصادق على "تفنانية" الفنان من عدمها؟
هسى انا ختيت غنية "يا مدهشة" دي لأنها خفيفة الظل ومسجّلة كويس وممتعة خاص ... رغم انو ظهرت فيها مشاكل محمود بتاعة نهّير الغنا البيتكلم عنها حمد عبدالغفار ... يعني ما منع انها تكون جميلة ...
هو لو مصطفى حي ناس محمود ديل بفرفروا، ما بعد مات حتى الحكاية انبهلت ، وإنشاء الله الثورة تجي
المهم كويس انك اتفقت معاي في حكاية النهير دي لأنها بتختو في واحد من معايير تقييم حمد الريح
والفاروق وصبري اللشيلو شيلتم
الغريق قدام بس نحصل سفيان ونسوقو معانا أصلو الثلاثي دا هم الرعاة الرسميين لمحمود
معليش يا تبارك عايزين نجيب أمثلة لو ممكن توقف لينا التشغيل التلقائي في يا مدهشة دي
Post: #85 Title: Re: الخوف دا حدو متين... أنا محمود عبد العزيز ما بطربني برضو Author: Salah Abdulla Date: 09-01-2012, 08:08 PM Parent: #82
أخونا حمد
إزيّك ياخ ، والعيد مبارك عليك.. من عزومة (القراصة) ما لاقيناك وسألناك عن (الصحة) إش لون صارت.. المهم،، وفيما يتعلق بعدم (إنطرابك) لمحمود ، فده شئ طبيعي جداً.. أهم شئ في الموضوع كلو الإقرار بأن محمود صوتو جميل بالمقاييس المتفقين عليها البشر، يعني صوتو ليس من (أنكر الأصوات) ورغم جمال الصوت إلا إنو ما بيعجبك، وده حقك.. أقرّب الموضوع أكتر، وآخد مداخلة رمانة الأخيرة مثال، هي قالت صوت أبوداؤود ما بيعجبها، وده حقها، رغم إتفاق 99% من الناس على جمال وتفرد صوت أبوداؤود، وكونو صوتو ما بيعجبها ما بيعني إنو أبوداؤود صوتو ما جميل، وبرضو ما في زول بيلزمها إنها تُعجَب بصوتو أو (بالضرورة) يطربها.. ما في فنان في الدنيا دي بيحوز على إعجاب الجميع ولو كان منقطها ممكن معجبي الفنان المعين يحاولوا يبينّوا جمال صوتو وإمكانياتو وتفردو، وده (بصفتهم) من المعجبين وبتقع عليهم المسؤولية دي وليس من حقهم تجريم من لا يعجب بفنانهم أو ما (ينطرب) ليهو زيّك كده..
يا حمد ، محمود رقم مهم ، ولا يمكن تجاوزو، محمود أثّر في جيل كامل أنا واحد من الناس البيأسرني صوت محمود جداً والزيي كتار هو كان لسان حال ذلك الجيل، جكسنا وحبينا بيهو لمن قلبنا وجعنا وبرمجنا بيهو وبحفلاتو، وارتبطت أغنياتو أو بعضها بأحداث وذكريات جميلة جداً وأسهم في تشكيل وجداننا.. محمود فنان محبوب أمبارح والليلة وبكرة من أبناء جيلو والجيل الذي سبقهم ومعظم الذي تلاه كمان، لكن أبداً ما شرط صوتو يعجب كل الناس..
Post: #84 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-01-2012, 08:00 PM Parent: #80
أهلا أحمد عمر
Quote: بالنسبة لي محمود عبد العزيز أنا ختمت سماعي ليه سنة 2001 تقريباً مع البوم (أكتبي لي) وما أضفت لي حصيلتي القديمة إلا أغنية (بعد الغياب) عشان كدة محمود في رايي مدرسة لا يمكن تجاوزها .. محمود أكتر واحد عندو أغاني خاصة في جيله .. امكانياته الصوتية (حقتي أنا ما الحالية) ما ظهرت إلا في جيل العمالقة - ناس مصطفى سيد أحمد - وما حتظهر تاني قريب
كويس برضو انت لحدي 2001 معانا
وبالله عليك بعد الغياب دي لو عندك نزلنا لينا هنا محتاجين ليها شديد لأنها واحدة من مفاصل الحوار دا هارون دياب شايفو سحبها
وحكاية صوت محمود دي أنا بجيها بالأمثلة والمقاربات
Post: #86 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-02-2012, 07:04 AM Parent: #84
المحيرني يا حمد إنك مقتنع بي صوتك وما مقتنع بي صوت محمود!!!! كدي النطلب منك طلب صغيرووووني عليك الله وبعد داك نكمل.. نزل لينا تسجيل لي نموذج من الأغنيات البتغنيها نسمع صوتك لأنو شايفك إندحت في قصة لمايكات والمعهد.. وبعد داك نشوف الزول البينضم في صوت محمود ده وضعو شنو !!! أصلاً الخوف ده حدو متين يا قولك!!!
Quote: هو لو مصطفى حي ناس محمود ديل بفرفروا، ما بعد مات حتى الحكاية انبهلت ،
غايتو لو مصطفى مات سنة 89 فكلامك صاح ..لكن مصطفى لو مات بعد كده فانا بعتبر إنك قاعد تبرطم ساي والبوست حقك ده بوست فعلاً عاملو ونسة .. ومعلومة سغيرونة ليك وللزمان محمود ومن بداية التسعينات والجمهور بيكسر أبواب المسارح عشان يلقى ليهو مقعد ومصطفى الوقت داك من شدة ما حي لمن بيعمل شرايط.. الله يرحم مصطفى لكن أبشرك محمود فرفر بي حياة مصطفى والغريبة إنت عجبتك قصة صحبك اللي قال إنت فنان وما عجبتك قصة إنو نففففس صبحك ده قال ليك مصطفى سيد احمد قال محمود فنان ..
Post: #87 Title: Re: الخوف دا حدو متين... أنا محمود عبد العزيز ما بطربني برضو Author: Mahmoud Mustafa Mahmoud Date: 09-02-2012, 07:23 AM Parent: #86
Quote: ومعلومة سغيرونة ليك وللزمان محمود ومن بداية التسعينات والجمهور بيكسر أبواب المسارح عشان يلقى ليهو مقعد ومصطفى الوقت داك من شدة ما حي لمن بيعمل شرايط..
طبعا جاك في الآتو بتاعك..
يا عمر يا فاروق يا لئييييم...
أها أنا بحب الإتنين...
بحب مصطفى سيد أحمد ومحمود عبدالعزيز..
وبكرهـ راغب علامة..فيها حاجة دي؟؟
..
.
Post: #88 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-02-2012, 08:59 AM Parent: #87
أهلا سفيان
Quote: و الله الواحد ما عارف يبداء معاك كيف ذاتو!!! اول شي خليك محدد في كلامك يا حمد!!! ما بطربك دي مش معناها معاك انو صوتو ما بنفع معاك و لا بتشتغل بيهو لا بتخت ليهو بالك؟ لو اجابتك :- نعم طيب ليه تااااني تجي و تقول :- محمود في بعض الاغنيات بيغنيها كويس !!! كييييف يعني مش ياهو ذاااتو الصوت القبيل الما بطربك داك!!؟ أنت يا حمد بالطريقة دي عندك مشكلة عظيمة بتاعت عدم فرز ياخ أنت قائل محمود مؤدي !!! ابداً محمود فنان لا يقلد احد رغم أنه من اكتر الفانين الاتغنو باغاني الغير من الكباااار بس بصمة صوته هي حقتو و ما قلد اى فنان بذات الصوت (الا جلسات خااااصة ما تتعدي 4 او 5 نفر يقلد فيها الراحل خضر بشير بذات الصوت و ذات الحركات) . طبعاً مافي مشكلة انك ما تعجب بحمود ولا في خوف ذاتو بس يا حبيب زي ما قلته ليك افرز اول شي بعد داك تعال قول كلامك لانو كلامك البتقول فيها بي جهجهتو دي ياهو الخووووووف ذاااااتو
أولا يا سفيان عشان نمشي كويس
1- أنا قلت صوت محمود قوي النبرة لكن (ما مرن ) عشان كدا بيعرف يغني فقط في طبقات الصوت المتوسطة
2- قلت محمود مرات في بعض الأغاني الصعبة خالص بطلع من الزمن (ما بذكر الفترة طالت لكن مرت علي)
3- قلت الغرار والحاد عند محمود تعبان ودي ما ليها علاقة بقوة النبرة وإلا زول زي المذيع الفاتح الصباغ ممكن يكون فنان
وخلصت بالكلام دا على أنو محمود مجرد مؤدي وليس فنان بالهالة الحايمة حولو .
طيب نجي لحاية اللعب بالصوت ضمن نطاق زمن الأغنية ودا زي البعملو محمد ميرغني
وزي ما بعمل محمد الأمين في بتتعلم لما يقول وراء البا سا مات كتمت دموعي وفي المرة الثانية يخلي الموسيقى تتقدم حتى يخيل ليك إنو طلع من الزمن يقوم يخطف البسمات دي وطق اركب في زمن الأغنية
ومحمود حاجات زي دي ما بقدر عليها بنفس المرونة بتاعة الناس ديل هو بحاول يعملا لكن بتظهر عندو على شكل نهير
أجيك لحتة الغرار والحاد ودي شغلانة مرتبطة بالشهيق والزفير والمسافة الزمنية بينهم واللي هي مقدرة الشخص على الإحتفاظ بالهواء في صدره ودي خلقة ربنا
وهنا أديك مثال وردي في عرس الفداء لما يقول ها هنا في الحاد وينزل يقولها بالغرار وتاني يطلع وينزل وطوالي يخش في يبتسم النهر القديم لبعانخي ما بتحس إنو وردي تعبان بل مواصل بنفس النفس
لأنو لسة في هواء في صدرو . زي دي محمود ما بقدر يعملا ولو عملا في الحاد بقوم بعمل إضغام للحروف وبتطلع حروف الكلمة كلها في شكل أوووب زي في بعد الغياب لما يقول السراب بيقولها الساوووب
دا تحايل على صعوبة الحتة لكن أنا كمستمع بهمني أسمع أداء متكامل بمخارج حروف واضحة.
نجي للغرار : الغرار المدتو قصيرة محمود بيجيبو كويس بس الغرار الممتد بيحصل فيهو جفاف في صوتو وبديها (قنتة ) ودا زي ما قلت ليك مرتبط بمسألة الشهيق والزفير
دي حتاتي البنطلق منها واللي خلصت فيها إنو محمود مؤدٍ أحيانا جيد لما يختار أغاني تناسب طبقات صوتو فقط وليس فنان وإلا كان استمر
كسرة للفاروق :
أنا يا عمر أصلا ما أطلقت على نفسي في يوم إني فنان كنت بصف نفسي إني بأدي الأغاني بصورة جيدة وممكن أمشي كويس لو دعمت المسألة بمتابعة ودراسة
أوريك تاريخي الغنائي
فزت بالمركز الأول في الدورة المدرسية الخامسة على مستوى الإقليم الأوسط وكانت اللجنة برئاسة الملحن صلاح جميل وسر الختم بتاع برنامج في محراب الآداب والفنون ولو الأستاذة نجوى دفع الله معانا هنا
ممكن تثبت ليك المسألة دي لأنها فازت بالمركز الأول على مستوى البنات (لاحظ الكلام دا في مدني بلد الفن وأيام الدورات المدرسية الجد جد
عندي تسجيل في إذاعة أمدرمان ما عارفو في ولا مافي وتسجيلين في تلفزيون الجزيرة
وكان لاقيتك في الرياض دي في ملف ضيق بسمعك صوتي على الطبيعة موش تسجيل
بعدين البوست متعدد الأغراض انت قايلني أنا أنس العاقب البجي يتونس بتونس معاه يعني هسة الزول الجاي دا شتمني أقعد اتكلم عن محمود وأخليه ولا كيف لازم أوضح ليهو المسألة
Post: #89 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-02-2012, 11:02 AM Parent: #88
معليش يا الناس الفوق
يا عمر
أولا أثبت ليك مبدأ اساسي عندي وهو أني ما بالضرورة أكسب أي نقاش سواء كان فني كروي سياسي بس أنت مشكلتك لازم تكسب النقاش خاصة الفني ( فيما يخصك دا مجرد رأي تقديري ما تتعامل معاه كحقيقة أنا مسلم بيها ) وأتمنى أكون مخطئ في تقديري
يعني أنا لو جاء زول أنا متأكد إنو متمكن موسيقيا (في البورد في الموصلي وخدر وأنس العاقب ) وأثبت لي خطأ تقييمي بالحقائق بحتفظ برأي في محمود كمستمع ما عاجبو محمود لكن قد لا أتجرأ وأفصح عنه في مجال عام . لكن تقاش أضان لأضان دا بيظل تقييم إنطباعي وما فيهو إنتصار لزول أو هو حاجة يُعتد بيها
ثانيا قصة محمود كان ببرطع في وجود مصطفى مالو ما يبرطع كفنان حفلات وهجيج
بس محمود إحتل المكانة الهو فيها لأنو مصطفى بدأت تظهر عليه أعياء المرض والساحة خلت
وكان بعض النقاد رشحو خالد الصحافة عشان يكون خليفة مصطفى وخاصة بعد ما تطورت العلاقة بينو وبين مدني النخلي والمعروف إنو النخلي قدم أغنيات لمصطفى
هنا مجموعة محمود عبد العزيز من الأعلاميين ومن ضمنهم خالد عبيد سلطوا فلاشات إعلامية تقيلة على محمود وقادوا حملة قوية عشان يثبتوا إنو محمود هو فنان الشباب وفعلا محمود بذكاء أختار بعض أغاني الحقيبة وسجلا من ضمنها شريط الودعو ورحلو شالو الهنا ،هنا الناس سكرت وما فاقت تاني من الحكاية الا بعد محمود بدأ يقدم في أغانيه الخاصة وشعر بينو وبين نفسو إنو المشوار بتاع الأغاني الخاصة دي ما عندو ليهو إمكانيات بدأ يتهرب من الغناء.
Post: #90 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-02-2012, 02:54 PM Parent: #89
يا حمد اخوي.. اصصصلو حبوباتنا ما كانن خاتيات لمن يقولوا ليك الزول ده مرق بي حمد ودخل بي خوجلي.. انا ما حا اعلق علي نقطتك الاخيرة بتاعت الرأي الاخر والعلم الموسيقي لأنو انا من زمان كررتها كتير إنو موضوع العلم ده شعر ما عندي ليهو رقبة وتقيماتي الفنية حقتي بتاعت الذائقة وقدر ما احاول برضو بحاول اقوم بالتأثير على الاخرين النصييحة.. غايتو يا حمد وما عشان محمود وما عشان برضو أأثر عليك أو إني زعلان من تقييمك أبدددا ..لكن انت في حاجات كتييرة جايطة عليك وملخبتا إما بي عدم الدراية والمتابعة وإما بياللفحي حقيييقة .. أول حاجة اعتقد إنك قاصد الصحفي عبد الباقي خالد عبيد وده لفحي ..:) والصحفي عبد الباقي ولو إنو من اكتتتر الصحفين الحاولوا يكتبوا عن محمود إيجاباً إلا إني وبعد ده كلللو ما بحبو لأنو صحفي متملق وللأسف مصلحجي وبرضو كورتو حبببة في الغنا .. عبد الباقي مكنكش في فرمالة قديييمة مفادها إنو كان مع محمود في فرقة الأطفال الكانوا بيمثلوا ويغنوا فيها في جنة الأطفال ..وده المخليهو عامل فيها حافظ ومتابع محمود.. وقبل فترة إدعى إنو كتب كتاب عن حياة محمود وده موضوع تاني خلينا منو أسة.. أجييك لي اللفحي التاني أو عدم الدراية ..شريط الودعوا ارتحلوا هو نفسه شريط يا مفرحة الإنت جيت لخبطتها مع شريط يا مدهشة ..وبالمناسبة أسوأ وأسوأ وأسوا كاسيت أنتجه محمود هو شريط يا مفرحة اللي هو الودعو ارتحلوا زي ما بتقول (تقريبا هي أغنية صديق متولي وشاعرها عوض جبريل)..وسبب السء كان لأنو الشريط تم إستعجال إنتاجه لي مشكلة مع شركة منافسة عملت شريط سبب الريد (السناري تقريباً) ووقتها كان محمود مملوك لي شركة البدوي .. شريط يا مفرحة (الودعوا ارتحلوا يا قولك) غنا فيهو عقلي إنشغل بهواك و جاي تفتش الماضي وهلالي الهل واتكمل ويا مفرحة والودعو ارتحلو(معليش بكتب من الذاكرة وناسي الباقي ).. وده واحد من الشرايط اللي محمود ما غنا فيهو الاغاني الخاصة وترتيبه كان الشريط الخامس أو السادس .. يلا عشان اوريك اللفحي الجد ...محود غنا الاغاني الخاصة في معظم شرايطو الأولى ومعظم وأنججججح شرايط هي اللي تغنى فيها محمود بي معظم اغانيه الخاصة (ما بين تلاتة لي اربعة اغنيات في الكاسيت الواحد).. بدا محمود بي شريط خلي بالك وده اسأل منو الموصلي وإن كنت زعلللت جداً من الموصلي لأنو إستخدم تقنية الايقاعات الإلكترونية (ما عارف إسمها شنو) بس طريقة التسجيل وقتها ما عجبتني ..وده شريط فيهو ما بين تلاتة لي اربعة اغنيات لي محمود ..وخلي بالك واحدة من أجمممل اغاني اللي تغنا بيها محمود..خلي بالك لي إيدي وقت تسالمك ..لما يا زلوة البريدك أمسح من الزمن العداوة وأقول بريييدك.. وانتي وانا من فوق على قمم سعيدة نخلي صوتنا دوام يغني ..و و و و و و .. بعدو أنتج محمود شريط سكت الرباب وهو يحوي معظم اعمال محمود الخاصة ما عدا اغنيتين (خلي العيش حرام و حبيبي فاكرك معايا)..والباقي كلللو حق محمود وده من انجججح الكاسيت في السودان غنا فيهو شذى الأيام وعاد القلب يحلم بي الغنا رحل الغمام .وغنا فيهو بسأل عليك حزن الشفق لما الصباح ينعس وينوم يتوسد احلام الأفق ..وغنا فيهو سكت الرباب قبال يقول غنواتو بي شوق يهمسا .. وفي فترة قصيرة كان برضو محمود طلع شريط يا عمر وده برضو فيهو اغاني تحسب لي محمود في خصوصيتها وتكفيهو يا عمر خليني أنسى واللي بنسى الريدة سيبو ..خلي عايش في خيالو بكرة دي الأيام تجيبو..لا العذر بشفع إليهو ولا الندم في يوم بفيدو .. وغنا فيهو بعد الفراق ما عدت تاني تلمنا ..إيه الحصل تكتب جواب مضمونو إنت تزمنا ..ما قلت في ساعة الوداع مافيش أمل ح يلمنا ..بعد الفراق ما عدت تاني تهمنا.. الشريط اللي أحدث نقلة وكان في ترتيبه الرابع تقريباً هو أعظم واجمل شريط املك منه عن نفسي خمسة نسخ هو شريط سيب عنادك وفيهو برضو غنا محمود من ما عرف إنو من أغنيات محمود واللي اتسمعت من محمود .. غنا فيهو لقيتك في زمن ضايع صرخة في الماضي الخرافة ..جيتني من عمق المواجع من شقا سنيني وجفافا ..كل ما القاك واحاتك ألقا دي السكة البخافا .. وغنا فيهو منو القال ليك بنتحمل فراق عينيك ..وحاة الريدة يا أسمر فراقك ثانية ما بنقدر.. لكن غايتو نتصبر.. وفيهو غنا عمري بعدو بي الساعات عشان خاطر مواعيدك .. وغنا فيهو هو الأختار دنيتو وهو المخير في إختيارو ..جايي يعمل تاني إيه انا لا حبيبو ولا ديارو..
أها دي مجموعة من الأغنيات الخاصة حقت محمود اللي غناها قبلشريطك القلت إسمو الودعو ارتحلوا واللي هي زي ما قلت ليك حقت صديق متولي تقريباً .. طبعاً انا وقفت ليك لحدي هنا بإفتراض إنك غتكلمت عن الكاسيت حق يا مفرحة ..اها لو عايز الشرايط اللاحقة واغانيها الخاصة برضو بجيبا ليك ..وخلي في بالك حاجة مهمة شدييييييييد ..محمود ما غنا غنا هابط في الخاص وأغانيه الخاصة معظمها قوية الكلمات والأحان ولو عايز برضو بجيب ليك .. بس طلب بسيييط يا حمد يا عب الغفار ..اتكلم وانتقد محمود بعد تجمع معلومات صحييييحة وما تجي تشاتر ساي ..
Post: #91 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-02-2012, 03:15 PM Parent: #90
Quote: هنا الناس سكرت وما فاقت تاني من الحكاية الا بعد محمود بدأ يقدم في أغانيه الخاصة وشعر بينو وبين نفسو إنو المشوار بتاع الأغاني الخاصة دي ما عندو ليهو إمكانيات بدأ يتهرب من الغناء.
ياخ أقول ليك حاجة ؟ واااااااي... والله واااي....
Post: #92 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-02-2012, 03:36 PM Parent: #90
اسماعيل عبد الله محمد يا مراحب
Quote: صدق الشاعر ايليا ابو ماضى حين قال:
والذى نفسه بغير جمال... لا يرى فى الوجود شيئاً جميلا...
قد تكون قاصد زول تاني لكن ما دام مافي زول رد عليك ياكا القاصدني أنا
طيب برضو صدق عمرو بن كلثوم حين قال:
ونشرب إن وردنا الماء صفوا .... ويشرب غيرنا كدرا وطينا
أنا بسمع وردي وعثمان حسين ومحمد ميرغني وإنت أسمع محمود عبد العزيز وفرفور وحمد الريح بطالة معاك ؟
قد تكون ما عارف إنو بيت الشعر دا لما تقولوا في وضع زي دا بيشكل إساءة للمخاطب
وبالتالي لما تسئ زول، بيت الشعر برتد عليك وبينطبق تماما على حالتك
لأنو جمال النفس من ضمن ما يتضمن هو التسامح وعدم إساءة الآخرين.
بتمنى إنك لما كتبت مداخلتك دي ما تكون كتبتها بزعل حقيقي منى
Post: #93 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 09-02-2012, 06:10 PM Parent: #92
و الله يا حمد الخجله من التكرار بس المنعتني اقول :-
انا ذاتو وااااااااااي !
يا حمد ياخ بتبالغ شديد و انت بتكتب شكلك ما مركز كلوو كلو أو انت يا حمد من اساسو بتفتكر محمود مُقلد !! ياخ لو دا كلامك:-
Quote: محمود بدأ الغناء قبل 20 سنة أو أكثر كانت فترة أكثر من كافية ليثبت إنو فنان
لكن فشل لوقوعه في شرك التقليد
نحنا ح ننفخ في قربه مقدوده ساااااي لانو يا حمد يا أم أنت ما بتعرف التقليد هو شنو يا أم انت بتسمع محموداً تاني !!!! قطع شك ح تجي تقول لي أنا قاصد مؤدي صح؟ اهو عشان كدا قلته ليك التركيز مهم . اجيك لكلام متضارب و متناقض في فهمك بين الآداء وبين التقليد اهو:-
Quote: طيب نجي لحاية اللعب بالصوت ضمن نطاق زمن الأغنية ودا زي البعملو محمد ميرغني
وزي ما بعمل محمد الأمين في بتتعلم لما يقول وراء البا سا مات كتمت دموعي وفي المرة الثانية يخلي الموسيقى تتقدم حتى يخيل ليك إنو طلع من الزمن يقوم يخطف البسمات دي وطق اركب في زمن الأغنية
ومحمود حاجات زي دي ما بقدر عليها بنفس المرونة بتاعة الناس ديل هو بحاول يعملا لكن بتظهر عندو على شكل نهير
أجيك لحتة الغرار والحاد ودي شغلانة مرتبطة بالشهيق والزفير والمسافة الزمنية بينهم واللي هي مقدرة الشخص على الإحتفاظ بالهواء في صدره ودي خلقة ربنا
وهنا أديك مثال وردي في عرس الفداء لما يقول ها هنا في الحاد وينزل يقولها بالغرار وتاني يطلع وينزل وطوالي يخش في يبتسم النهر القديم لبعانخي ما بتحس إنو وردي تعبان بل مواصل بنفس النفس
لأنو لسة في هواء في صدرو .
اهو كلامك الفوق دا رغم انك بتكرر كلمة مؤدي كتيييير بس واضح انك عايز من محمود يقلد المذكورين و دي ما بتحصل لانو لمحمود شخصيته و لونيته المختلفه حتي في تعامله مع اداء اغنيات للمذكورين ديل.
يا حمد شايفك بتقول هارون سحب الفديو بعد مالقي محمود فارق !!! غايتو انا ما عارف هارون سحبو ليه بس اديك الاكيده ؟ سمعتو و بعرفو كويس الفديو دا و الاغنية دي بالتحديد في حفلات كتيره و مافيها اي فرق لزمن و عشان ما نتغالط و تحاجج ساي نحكم بينا واحد من الاساتذه ديل( الموصلي - ابو الفن طارق ميرغني - ازهري نور - عبد العزيز خطاب - ضياء ميرغني و مولانا خدر) . غايتو يا حمد بعد مداخلاتك الاخيرة دي قربته اقتنع انو البوست دا اتعمل للمحاججه سااااي لانو انت فيهو بتتناقض كتير خلاص في كلامك . قصة محمود ما فرفر الا بعد مصطفي رحل اهو الفاروق ردا ليك بس اقول ليك :- انت شكلك يا حمد بتعرف محمود ما بعد رحيل مصطفي (و برضو محمود دا ما بفرق زمن اي احتمال صوتو يكونن تعب لتعب الامراض بس يفرق دي ما بتلقاها في محمود بتاع هسي دا ذاتو مش قبيل) .
و با لمناسبة اسالك سؤال :- الأستاذ محمد ميرغني صوتو الفتره الاخيرة دي تعب بقي يروح كلو كلو هل دي معناها فرق زمن ؟! محمد ميرغني لو عايز تشوف و تعرف حرفنتو صح تابع اصابع يديهو لما صوتو يروح و يخذلو بعمل حركة الصوت بي اصابع يديهو بي طريقة عجيبة لو انت من عشاق ود ابنعوف دا من زمااان لو شفته الحركة دي يمين الله دمعتك تقيف في عينك .
و سلام يا زول .
Post: #94 Title: Re: الخوف دا حدو متين... أنا محمود عبد العزيز ما بطربني برضو Author: عزيز Date: 09-02-2012, 09:29 PM Parent: #93
الحبيب سفيان
الاخ حمد لم يقرأ مداخلتي صاح
واعتقد كانت غيرت شكل البوست لو عقب عليها الاخ عمر الفاروق
مودتي
Post: #95 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-03-2012, 09:14 AM Parent: #94
الأزهري 2
حياك الغمام
ا
Quote: لخوف دا حدو متين ؟ الأسماء التحت دي كلها ما بتطربني أبداً أبداً ولا استطيع إكمال سماع اغنية واحدة لهم .
1/عمر احساس 2/عبد القادر سالم 3/زيدان إبراهيم (رحمه الله) 4/نور الجيلاني 5/جيلاني الواثق 6/محمود عبد العزيز 7/نادر خدر (رحمه الله) 8/سمية حسن 9/فرفور 10/عبد العزيز المبارك 11/عماد أحمد الطيب 12/محمد ميرغني
شفت لستتك دي لو طلعت منها محمد ميرغني وزيدان إبراهيم
كان بقت 1لـــــــــــــــــــــــ 10 ال ببشتنو الغناء
Post: #96 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-03-2012, 09:57 AM Parent: #95
محمود مصطفى محمود يا فنان
مرحب يا سمي محمود
Quote: ما عارف.. لكن عندي إحساس كدا ...
إنه البوست دا.....
كاميرا خفية...
أنا جادي في أي كلمة قلتها بس أنا ما أنتهيت للآخر من محمود حفظت ليهو بعض حاجاتو السمحة
وطبعا بالبوست دا أنا عارف إني مشيت مسكت الحتة الفيها الحديدة ذاتها
بس الناس لازم تكون عارفة إنو في أزمة فنانين في البلد عشان ما يعملوا جبال من الرمال أو الجليد وفي أقرب عاصفة أو إرتفاع في درجة الحرارة تقوم الجبال دي تتلاشى
يعني هسة من 25 سنة في رأيك ظهر فنان ممكن تعتقد إنو ممكن يضع بصمة في خارطة الغناء ؟
Post: #97 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-04-2012, 08:03 AM Parent: #96
صلاح عبد الله كيفك
Quote: من عزومة (القراصة) ما لاقيناك وسألناك عن (الصحة) إش لون صارت.
تمام ياخي زالت بزوال المؤثر ما هي أصلها غلطة كانت غرامي ليك وا خسارة مصاريني فيك
بخصوص محمود أنا كنت بسمع محمود كثير في بدايته بدون ما أخت فيه رأي على الرغم من إنو بعض الأغنيات الكان بغنيها بتطربني وقلنا كزول ناشيء ياخد فرصته
لكن محمود ما ثابت أبدا في مستواه وما مشى تصاعديا بل كان متذبذب في أدائه وصوتو تعب بسرعة مما أفقده المقدرة على التطريب ، ياخ مرة كان عندنا حفلة بنادي الضباط بمحمود
أتأخر شوية لما جاء قالوا كان عندو حفلة في جبل أولياء خلصها وجاء، وغنى لينا غنى زي الزفت ومن يومها بديت أراجع فيه أولا زول فنان جد أبدا ما ممكن يتعاقد على حفلتين في يوم واحد بدون فاصل زمني دا معناها ما زول طويلة .
بعدين حكاية تأثيرو في الشباب دي كانت حتمية مع الحملة الإعلامية الضخمة الكانت مصاحبة ليهو
لأنو بداية ظهور محمود كان في كبت على الشباب قوي جدا والساحة كانت فاضية من فنان شاب في عمر الجيل البتقصدو دا ومحمود عبر عنهم باللوك بتاعو ونشاطه في الحفلات لذلك الشباب لقوا ضالتهم فيه وما قيموه تقييم صاح لحدي ما صحوا على الحقيقة وبعد داك قبلوا على فرقة أل البيت والصفوة ومنو ومنو وشغلانة المديح وعييك.
طبعا يتبع
Post: #100 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-04-2012, 08:50 PM Parent: #93
سفيان نابري مرحب .
Quote: هو كلامك الفوق دا رغم انك بتكرر كلمة مؤدي كتيييير بس واضح انك عايز من محمود يقلد المذكورين و دي ما بتحصل لانو لمحمود شخصيته و لونيته المختلفه حتي في تعامله مع اداء اغنيات للمذكورين ديل.
بالعكس يا سفيان أنا ما قاصد تقليدهم لكن أنا عايز أوريك أمثلة لطلاقة الصوت وإمتداده واللهي بموجبها بتصنف الفناينين درجة أولى وثانية الخ
يعني مقدرة وردي على الغناء في جميع التعقيدات الموسيقية أو مقدرة محمد الأمين ومحمد ميرغني في التحكم بزمن الأغنية الصعب دي بتقع من ضمن المعايير البتحدد ياتو نوع الفنان القدامك دا
يعني مثلا صالح الضي عبد العظيم حركة عبد العزيز المبارك حتى زيدان إعتمدو نوعية أغاني معينة نجحوا فيها لكن ما قدروا يصلحوا مرحلة ناس وردي السبب هو محدودية الصوت بدرجات متفاوتة لدى كل منهم وملائمته فقط لهذه النوعية من الأغاني ومحمود حقيقة نبرة صوتو مختلفة ومميزة لكن صوتو ما مرن عشان كدا هو ما بقدر يطلع من المسار حقو حتى في التقليد والفنان صاحب المسار المحدد بيطربك أحيانا لكن أحيانا كثيرة لا خصوصا في الميلودي المعقد .
أما حكاية محمود ما ظهر إلا بعد مصطفى . صاح هو ظهر بحياة مصطفى لكن هل كان مصطفى موجود في السودان ؟ دا السؤال مصطفى مع ظهور محمود سافر مصر وبعدها الدوحة على ما أذكر
وأنا زي ما قلت لصلاح عبد الله الشباب كان مفتون بحفلات مصطفى وكلهم كانوا يلهثوا عشان يلقوا حفلات مصطفى وأشرطة مصطفى بعد الجو خلا ما كان قدام الشباب إلا ينصبوا فنان يملأ الفراغ وكان محمود على كل حال هو الأفضل خصوصا مع بدايته ومع الحملة الإعلامية الصاحبت ظهوره .
بالمناسبة أنا بعتذر شديد لهارون دياب اتهمته بسحب الفيديو لكن الفيديو موجود في الصفحة الأولى بس لما تضغط عليهو بتظهر يا مدهشة بتاعة تبارك لأنو نزلها بتشغيل تلقائي
والزمن الفارق في حنيني إليم موجودة برضها في الصفحة الأولى شوف بدايتها
Post: #98 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-04-2012, 02:53 PM Parent: #90
يا عمر الفاروق
لو إنت واي
أنا واييين من الهردبيس بتاع الأغاني الجبتو دا وبرضو أنا بكتب معاك بذاكرة مشت فيها إستيكة السعودية 14 سنة مستحيل أتذكر ليك تفاصيل حاجات أنا أصلا ختيت فيها رأي سلبي
بس عشان أكون منصف وبدون مكابرة التحت دا ياهو الأنا شبكتك بيهو يا مفرحة والودعو إرتحلو
Quote: وغنا فيهو بعد الفراق ما عدت تاني تلمنا ..إيه الحصل تكتب جواب مضمونو إنت تزمنا ..ما قلت في ساعة الوداع مافيش أمل ح يلمنا ..بعد الفراق ما عدت تاني تهمنا..
دا أفضل شريط غناهو محمود ببساطة لأن الأغاني الفيهو محمود إختارا بذكاء شديد ومعظم الناس كانت حافظة أغاني الألبوم دا عشان كدا الناس إتفائلت خير بمحمود
أما باقي الأغاني البتقول إنها جميلة دا حقك لأنو إنت محمود أسر عليك في عمر قد يختلف من عمري (رغم إنو ممكن نكون أولاد حفرة واحدة) زي ما أثر علي أن زيدان أو مصطفى سيد أحمد
بس أنا بقول الأغنية الجميلة مقياسها هو تأثيرها على أكبر شريحة من الناس مش على ناس محددين.
هسة المنبر دا ممكن نصو يكونوا بحبوا محمود لكن باستثناء أفراد قليلين لو قلت لي أي واحد فيهم أكتب لي 3 أبيات من أي أغنية خاصة لمحمود عبد العزيز مافي ما بتلقى
يعني أغنية يا حنين وبحسب ليك في الأيام بتاعة عافية حسن أنا سمعتها مرتين بس لكن أثرت فيني بسرعة لحنا وأداء
المعيار ياهو الأثر الباقي
Post: #99 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 09-04-2012, 03:24 PM Parent: #98
Quote: حمد عبد الغفار عمر كتب: يعني أنا لو جاء زول أنا متأكد إنو متمكن موسيقيا (في البورد في الموصلي وخدر وأنس العاقب ) وأثبت لي خطأ تقييمي بالحقائق بحتفظ برأي في محمود كمستمع ما عاجبو محمود لكن قد لا أتجرأ وأفصح عنه في مجال عام . لكن تقاش أضان لأضان دا بيظل تقييم إنطباعي وما فيهو إنتصار لزول أو هو حاجة يُعتد بيها
محمد ميرغني: محمود عبد العزيز صوت غنائي متفرد لابد أن نحافظ عليه المصدر هنا
Post: #101 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-05-2012, 08:14 AM Parent: #99
صبري طه أهلا
ياخ تقييم محمد ميرغني للصوت ما فيه كلام وزي ما قال أخونا عاطف مكاوي عن مصطفى برضو ما في إعتراض وحتى تقييمك أنت وفاروق وسفيان وعزيز وكل الناس أنا ما عندي فيه إعتراض
حتى أنا قلت صوت محمود قوي النبرة لكن ما مرن ومعاها حاجات تانية وعدم المرونة ياهو البخلي الزول ينهر الغناء ومرات بيغلبوا تأدية مقاتطع معينة كويس إذن الزول البيفقد مرونة الصوت بكون أحيانا ما قادر على التطريب مشكلتكم انتو متعصبين جدا
ومحمد ميرغني دا أنا مختلف معاه في حكاية إنو الفنان لازم يجي مطقم ببدلة وكرفتة زمن ناس أحمد المصطفى وحسن عطية الناس كانو بلبسوا بدلة وطربوش وبدخنو غليون
هسة البدلة الزول إلا يكون ماشي معاينة والسودان لو حسبتو هسة فيه كم بدلة عشان الفنانين يجوا لابسين بدل ؟
شكرا ياخ
Post: #102 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-05-2012, 08:55 AM Parent: #101
Quote: لذلك الشباب لقوا ضالتهم فيه وما قيموه تقييم صاح لحدي ما صحوا على الحقيقة وبعد داك قبلوا على فرقة أل البيت والصفوة ومنو ومنو وشغلانة المديح وعييك.
لسسسة وااااي والله يا حمد.. وبالجد أسمح لي أقول ليك إنت ما عارف بتتكلم عن شنو وعايز شنو .. من ما بديت موضوعك ده لحدي اللحظة قولت تلاتة اراء عن صوت محمود وما قادر افهمك بالضبط ..غايتو اخرا شايفك قلت صوت محمود قوي النبرة .. المهم خليني اعلق على جملتك الفوق دي عشان اوريك إنك ما عارف بتتكلم عن شنو .. حقيقة شنو اللي صحى عليها الجمهور؟؟؟ وجمهور منو اللي قلب ومشى لي ال البيت والصفوة ؟؟؟ عارف محمود ده ظاهرة ليي؟؟؟ لأنو محمود بييي سجمو الأسة بتقول فيهو اسة ده وبييي إنقطاعو لي الفترة الطويلة دي وظهوه الباهت في الفترة الأخيرة إلا إنو محمود يملك أكبر شعبية وجمهور على الأطلاق في السودان ؟؟؟ يا حمد إنت ما بتعرف حاجة فعليييك الله ما تنضم ساي.. قالوا إنفضوا قال؟؟؟ يا كافي البلا لو إنت ما بتسمع ما بتحضر تلفزيون؟؟؟ ما بتشوف مهرجانات الثقافة الأخيرة اللي عملوها دي؟؟ في كلللل مهرجانات الثقافة الأسة دي الفنان الوحيييد اللي كان بيجيبوهو مرتين هو محمود (في الإفتتاح وفي الختام حق الاسابيع) عارف ليي؟؟؟ عشان يضمنو الحضور والنجاااح الجماهيري بتاع الإنفضو اللي قلتو ده .. محمود وهو في أسوأ حالاته دي بيملا المسرح والبرة بيكونوا ضعف الجوة وتقول لي إنفضو ؟؟؟ والله أحلف وانا واثق إنك ما عارف أييي حاجة في أييي حاجة وبتنضم سااااي عن محمود وبتبرطم ليك بي كلام إنت ما عارف معناهو .. غايتو انا في قصة صوت وما صوت واداء دي خليتك لأنو دي أذواق ..لكن في الحقايق ما بخلييك ..وفي التخاريف مااا بخليييك ..وفي المعلومات المغلوطة مااا بخليك ... يا حمد ياخ إنت جيت عشان تثيت لي إنك فنااان إحتفيت بي مشاركة في دورة مدرسية وتسجيلين في الإذاعة وخروجك من مدني .. محمود ده طلع مننن مدني بتاعتك دي..ومحمود ده عندو اكتر من عشرين شريط ..ومحمود ده سجل للتفلزيون والاذاعة لمممن قالوا بس ومحمود ده لمن دخل الاذاعة والتلفزيون ديل قطع شك إنت بتكون الوقت داك دربهم بي وين ما بتعرفو ..
حاجة اخيرة بقولا ليك للدنيا والزمان واسأل منها نابري وصبري ديل لو كان خشو حفلات محمود.. في كتييير من الحفلات محمود ما بيغني الاغاني لأنو وبي بساطة شديييدة الجمهور مننن تبدا الحفلة لحدددي ما تنتهي ما بيسكتوا وبيغنوا بدل محمود.. وبالمناسبة يا صبري عليك الله لأني في المكتب واليوتيوب ما شغال فياخ اكسب فينا أجر وامشي جيب الفيديو بتاع محمود لمن الساوند فصل ومحمود قرر يوقف الغنا وقام الجمهور واصل الأغنية براااهو لحدددي النهاية ..وأظن الغنية كانت لو يزور طيفك خيالي ( ما متذكر اسة)...
اقول قولي هذا و لسة وااااي..
Post: #103 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-06-2012, 09:43 AM Parent: #102
يا عمر الفاروق
أنا ما بتكلم عن شعبية محمود أنا في بداية البوست استنكرت الشعبية والهالة حول محمود
أنا قلت محمود بنهر الغناء
وقال تبارك
Quote: هسى انا ختيت غنية "يا مدهشة" دي لأنها خفيفة الظل ومسجّلة كويس وممتعة خاص ... رغم انو ظهرت فيها مشاكل محمود بتاعة نهّير الغنا
أنا قلت إنو محمود الشباب لقوا فيهو ضالتهم في ظرف محدد لذلك لقى الإنتشار دا لأنو بعبر عنهم فقط
وقال صلاح عبد الله
Quote: جكسنا وحبينا بيهو لمن قلبنا وجعنا وبرمجنا بيهو وبحفلاتو، وارتبطت أغنياتو أو بعضها بأحداث وذكريات جميلة جداً وأسهم في تشكيل وجداننا..
أها تبارك وصلاح ديل من المعجبين بتاعين محمود كلامم دا بتفهم منو شنو ؟ أن فهمت منو أنو ارتباطهم بمحمود دا كان لفترة معينة
أنا ممكن أجزم ليك صلاح وتبارك ديل قبل البوست دا ممكن يكون ليهم على الأقل 6 شهور ما سمعوا محمود
الناس الكان بغني معاهم محمود في مدني أصحابي وقاريبي كمان لكن ما حصل قابلت معاهم محمود كانوا بقولوا لي معانا زول غناي أسمو محمود
راجع أو رد لسفيان أنا ختيت ثلاثة حاجات ياها أنا البتكلم فيها .
Post: #104 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-07-2012, 09:58 AM Parent: #103
يا حمد جزمك فيما يتعلق بي صلاح ما في محلو..وانا متأكد.. تبارك ما بعرفو ليك لكن برضو بيكون ما انقطع من محمود.. يا حمد معليش أسمح لي اقول ليك إنت زول ملولو.. إنت قلت محمود إنفض من حوله الشباب..ده مش كلامك؟؟انا أثبت ليك وللمرة التالتة حاجات غلط إنت قولتها وانا وريتك عكسها.. ياخ يكفي يا حمد إنو بوستك ده وصل لي أكتر من مية مداخلة..ودي لو ما الموضوع محمود ما كان وصلت لي ربعها..
Post: #105 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 09-07-2012, 11:23 AM Parent: #104
Quote: بالعكس يا سفيان أنا ما قاصد تقليدهم لكن أنا عايز أوريك أمثلة لطلاقة الصوت وإمتداده واللهي بموجبها بتصنف الفناينين درجة أولى وثانية الخ
يعني مقدرة وردي على الغناء في جميع التعقيدات الموسيقية أو مقدرة محمد الأمين ومحمد ميرغني في التحكم بزمن الأغنية الصعب دي بتقع من ضمن المعايير البتحدد ياتو نوع الفنان القدامك دا
يعني مثلا صالح الضي عبد العظيم حركة عبد العزيز المبارك حتى زيدان إعتمدو نوعية أغاني معينة نجحوا فيها لكن ما قدروا يصلحوا مرحلة ناس وردي السبب هو محدودية الصوت بدرجات متفاوتة لدى كل منهم وملائمته فقط لهذه النوعية من الأغاني ومحمود حقيقة نبرة صوتو مختلفة ومميزة لكن صوتو ما مرن عشان كدا هو ما بقدر يطلع من المسار حقو حتى في التقليد والفنان صاحب المسار المحدد بيطربك أحيانا لكن أحيانا كثيرة لا خصوصا في الميلودي المعقد .
أما حكاية محمود ما ظهر إلا بعد مصطفى . صاح هو ظهر بحياة مصطفى لكن هل كان مصطفى موجود في السودان ؟ دا السؤال مصطفى مع ظهور محمود سافر مصر وبعدها الدوحة على ما أذكر
وأنا زي ما قلت لصلاح عبد الله الشباب كان مفتون بحفلات مصطفى وكلهم كانوا يلهثوا عشان يلقوا حفلات مصطفى وأشرطة مصطفى بعد الجو خلا ما كان قدام الشباب إلا ينصبوا فنان يملأ الفراغ وكان محمود على كل حال هو الأفضل خصوصا مع بدايته ومع الحملة الإعلامية الصاحبت ظهوره .
بالمناسبة أنا بعتذر شديد لهارون دياب اتهمته بسحب الفيديو لكن الفيديو موجود في الصفحة الأولى بس لما تضغط عليهو بتظهر يا مدهشة بتاعة تبارك لأنو نزلها بتشغيل تلقائي
والزمن الفارق في حنيني إليم موجودة برضها في الصفحة الأولى شوف بدايتها
يا حمد ياخ و الله عمليتك دي زيت أبو الطيب ما يعمله!!! بالجد أنت بقيت تتللو لولوة شديده يمسكوك في دي تقول لا ما قاصد كدا !!! قاصد كدا دا ... و المصيبة قصدك الجديد ذاتو مشكلة!!! اوريك كيييف مشكلة؟ طيب خد عندك مش أنت قلته :-
Quote: بالعكس يا سفيان أنا ما قاصد تقليدهم لكن أنا عايز أوريك أمثلة لطلاقة الصوت وإمتداده واللهي بموجبها بتصنف الفناينين درجة أولى وثانية الخ
يعني مقدرة وردي على الغناء في جميع التعقيدات الموسيقية أو مقدرة محمد الأمين ومحمد ميرغني في التحكم بزمن الأغنية الصعب دي بتقع من ضمن المعايير البتحدد ياتو نوع الفنان القدامك دا
يعني مثلا صالح الضي عبد العظيم حركة عبد العزيز المبارك حتى زيدان إعتمدو نوعية أغاني معينة نجحوا فيها لكن ما قدروا يصلحوا مرحلة ناس وردي السبب هو محدودية الصوت بدرجات متفاوتة لدى كل منهم وملائمته فقط لهذه النوعية من الأغاني ومحمود حقيقة نبرة صوتو مختلفة ومميزة لكن صوتو ما مرن عشان كدا هو ما بقدر يطلع من المسار حقو حتى في التقليد والفنان صاحب المسار المحدد بيطربك أحيانا لكن أحيانا كثيرة لا خصوصا في الميلودي المعقد .
شوف يا حمد لو انت عايز تفهمني طلاقة صوتهم تبقي أنت غلطان في فهم و استخدام مصطلح (مؤدي) و مصطلح(مقلد) و الاتنين متلخبتات في جهازك المفاهيمي يا صاحبي و عشان ما نلت و نعجن ساااااي و بستك دا يحصل 60 صفحة سااااي كدا غلطان معاك أخونا و حبيبنا الفنان(عبد العزيز خطاب) في مداخلة مهمة ختاها ممكن ترجع تشوفه . ثّم ياخ في الاقتباس الفوق دا ذاتو يا حمد مش أنت بتقول ناس ردي و منو منو لديهم طلاقة صوت وانو ناس صالح الضي و حركة و منو منو اعتمدو (نوعية اغاني)- سحبته منهم الصوت كلو كل-اها ناس وردي ب(طلاقة)صوتهم دا كانو ما بقولو(نوعية أغاني) ولا كيف!!! -شفته لو على المحاججه و الغلاط و الله نقيف ليك في الشولة ذاتو- ليه يا حمد أنت بتفتكر تقييمك و رائك هو الصاح و السليم!!!؟ هسي مش ممكن يكون في زول شايف وردي دا ولا حاجة و انو صالح الضي أو حركة أو زيدان احسن منو آداء كلمات و صوت!!! و ليه نفس الزول دا ما يعتبر أن ناس حركة ديل هم المصنفين أول!!!؟ ح تجي تقول ليك :- لا لا التصنيف دا بصنفهوا الخبراء و الاستاذة بتاعين الشغلانه دي صح!؟ طيب خت في بالك أنك ما احد منهم كويس!! خت في بالك أنك لما شبكتني محمود فرق في (حنيني اليك) لا غالطتك لا كترته معاك الكلام قلته ليك:-في متخصصين و فنانين في المنبر دا نحتكم ليهم و ذكرته ليك بعض الاسماء و لسه أنت مصر (في مداخلتك دي) على كلامك كانك اكبر متخصص و استاذ (برضو مداخلة عزيز خطاب فيها نقطة جوهرية بتوضح المسألة دي لكن أنت مصر انك ما تتفهمه و تمشي فيها ساي لانو واضح المهم عندك في البوست دا أنك تسوقو زي ما داير أنت و فقط ) و الدليل علي كلامي دا برضو هو :- لما يجيبو ليك راي فنان و استاذ في صوت آداء الحوت بتتخندق في رايك و انو دا ذوقك و لما يكون في رآي بشبه رائك زي( تبارك و صلاح) طوالي بتشيلو و تجي تلصقوا لينا في تعقيباتك و مداخلاتك كانو منزل و لا باطل فيه!!! شفته كيف يا حمد أنت ساكي البوست ما ساكي الحقيقة!!!.
Quote: أما حكاية محمود ما ظهر إلا بعد مصطفى . صاح هو ظهر بحياة مصطفى لكن هل كان مصطفى موجود في السودان ؟ دا السؤال مصطفى مع ظهور محمود سافر مصر وبعدها الدوحة على ما أذكر
وأنا زي ما قلت لصلاح عبد الله الشباب كان مفتون بحفلات مصطفى وكلهم كانوا يلهثوا عشان يلقوا حفلات مصطفى وأشرطة مصطفى بعد الجو خلا ما كان قدام الشباب إلا ينصبوا فنان يملأ الفراغ وكان محمود على كل حال هو الأفضل خصوصا مع بدايته ومع الحملة الإعلامية الصاحبت ظهوره .
يا حمد كلامك دا برضو غلاط ساي مصطفي مرق متين؟ محمود ظهر متين؟ و بعدين شنو شابكنا الحملة الاعلامية التي صاحبت ظهور محمود هي التي ساعدت في انتشاره!!! هسي دا كلام ليك!!؟
اها ما بقول ليك واااي بس بشوف رائك
Post: #106 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-07-2012, 04:11 PM Parent: #105
سلام يا عمر
أولا في حاجات أنا لازم أثبتا ليك وهي إنو أنا لما أقول محمود ما بيطربني دي ما معناها أنا بكره محمود أو قاصدو في شخصو وعايز أنال منو بل العكس أنا متعاطف مع محمود في مرضو دا شديد ودبرست جدا لما أدخلوهوه مستشفى رويال بالحالة الكان فيها ليه؟ لأنو أنا بعتبر محمود كشخص زول نجح في مسعاه كزول ذكي في المقام الأول (بعيدا عن أنو غناي ولا لا) وفي عمر مبكر جدا وأنا والله بحترم وبحب أي زول ذكي وإنو زول صغير في العمر بتمنى إنو ينال حظو في حياة أطول. ثانيا : جماهيرية محمود أنا ما مشكك فيها أبدا بس قلت الجماهيرية دي محصورة في فئة عمرية محددة
أم بخصوص البوست أنا شخصيا استفدت ما تفتكرني خاتي رأيي وما عايز أسمع كلام زول تاني وكل الناس الجو البوست (مشكورين) ناس أنا ما عندي شك في سلامة ذوقهم بالعكس نا س مغنية جد جد
وأقول ليك حاجة أنا الميزانية الكنت خاتيها للبوست دا بالكتير نصف صفحة بس (بالقديم)
ونعود
Post: #107 Title: Re: الخوف دا حدو متين... أنا محمود عبد العزيز ما بطربني برضو Author: محمد عبد الماجد الصايم Date: 09-08-2012, 09:36 AM Parent: #106
مع نفسكـ!!
Post: #108 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-08-2012, 10:46 AM Parent: #105
وينك يا سفيان
المرة دي وقت أبيت تقول واي بقولها أنا
يا سفيان أنا بديت قلت محمود ما بيطربني لأنو بنهر الغناء
وقلت بنهر الغناء لأنو صوتو ما مرن
وقلت صوت محمود بيصلح للغناء فقط في طبقات الصوت المتوسطة ( تاني قلت حاجة في بداية البوست؟)
إذن ياهو دا عضم البوست الحاجات الجات تاني دي إتفرعت من النقاش
طيب أجيك لمسألة الطرب دي
طرب أنا بتختلف عندي من استمتاع بتختلف من سماع
لما أحس إنو في كلمة جميلة معاها لحن جميل وأداء صوتي جميل بعمل إشباع لحني للكلمة وشغل أوركسترا جميل أنا هنا بطرب
لو في أي هنات صغيرة في الكلام القلتو فوق دا هنا أنا ممكن استمتع فقط بالجميل لأنو الهنات دي بتعمل لي تقاطع ومشغولية عند استماعي ليها وبتمنع مني الطرب الكامل
وأديك مثال يوم الخميس كان في سهرتين لوردي في السودان والنيل الأزرق كانت في البت الغناية ديك مين كدا عبد الله غنت هجرة عصافير الخريف والله طربت وشدتني شديد واستمتعت بالموسيقى المصاحبة لآمال النور في المستحيل وما أطربني أداء آمال النور
السمع دا أنا ممكن أكون مسغل من أجل سماع موسيقى وغناء أيا كان شكلو المهم بكون محتاج إني أسمع غناء وبس.
أما حكاية إجي زول مثلا يقول لي عبد العظيم حركة أحسن من وردي مالو أنا بحترم رأيو لكن ببقى الفيصل إنجازات وردي وإقناعه لشرائح غالبة مختلفة بجودة غناه داخليا وخارجيا
وأنا لما قلت مثلا وردي أفضل من حركة أو زيدان دا ما بيعني إنهم ما بعرفو يغنوا إنما وردي هو المتفوق كلمة ولحنا وأداء لمختلف أنواع الغناء وذلك لعدم محدودية صوت وردي .
مداخلة عزيز أنا رديت على الجزء بتاع إختلاف الأذواق وما مختلف فيهو معاه أما الشق التاني منها بتاع المقارنات أنا بعتقد محتاج لزول دارس أصوات عشان يوضح الفروق بصورة ممنهجة غير إنطباعية
تسلم يا ملك
Post: #109 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-08-2012, 11:07 AM Parent: #108
مراحب يا الصائم
Quote: مع نفسكـ!!
هسة عليك الله في داعي تدخلني في كستبانة زي دي
لكن للضمان كدا
متصالح مع نفسي
ونفسي ما قايم
غايتو السودان دا خربك تب
حمد الله على السلامة
Post: #110 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-08-2012, 01:28 PM Parent: #109
حمد اخوي .. عشان أوقف الوايات حقتي يا ريت تجاوبني ومباشرة وبدون شروحات وتفسيرات و و بس الإجابة على الاسئلة التالية : محمود عندو جمهور كبيييير ؟؟؟من زمان ولحدي أسة ؟؟ محمود صوتو جميل ولا كعب ؟؟ محمود عندو أغاني كتييرة خاصة مسموعة ومحفوظة للجمهور؟؟ محمود مقلد؟؟ لو مصطفى حي كان محمود ظهر ولا لأ؟؟ وهل ظهور محمود في وجود ود اللمين ووردي إشارة لي إنو مصطفى التتوب بتاع الهرم الغنائي وبعدو الجماعة ديل.؟؟
Post: #111 Title: Re: الخوف دا حدو متين... أنا محمود عبد العزيز ما بطربني برضو Author: عبدالله علقم Date: 09-08-2012, 09:43 PM Parent: #110
الله يديكم العافية كلكم.. بصراحة "بوست" شديد الروعة .. كامل الدسم.. لغة حوار مريحة وجميلة .. التحية للجميع
Post: #112 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-09-2012, 10:50 AM Parent: #111
يا فاروق
سلام
التعادل دا زهجك قلت أحسن تحسما بضربات الجزاء ولاشنو؟
Quote: محمود عندو جمهور كبيييير ؟؟؟من زمان ولحدي أسة ؟؟ محمود صوتو جميل ولا كعب ؟؟ محمود عندو أغاني كتييرة خاصة مسموعة ومحفوظة للجمهور؟؟ محمود مقلد؟؟ لو مصطفى حي كان محمود ظهر ولا لأ؟؟
رغم إنها أخنق فطس لكن نجاوبك
1- محمود عند جمهور كبير وقتها (بس ما زاد ولا توسع عشان يشمل فئات عمرية مختلفة وحاليا توقفت الزيادة في جماهيرية محمود) 2- محمود صوتو جيد (في الطبقات المتوسطة فقط لأنه ما مرن)) 3- عندو أغاني حقتو (لكن ما محفوظة لجمهور كبير) 4- غير مقلد إنما مؤدي جيد أحيانا 5- محمود ظهر بحياة مصطفى لكن ما لقى المساحة دي إلا بعد ابتعاد مصطفى وقلة عطاؤه
Quote: وهل ظهور محمود في وجود ود اللمين ووردي إشارة لي إنو مصطفى التتوب بتاع الهرم الغنائي وبعدو الجماعة ديل.؟؟
أبدا ما بعني إنو مصطفى كان التوب بس مصطفى ظهر بلونية أغاني مختلفة والناس كانو محتاجين لتجديد في الساحة الفنية خصوصا إنو وردي ومحمد الأمين وغيرهم مروا بفترة ركود فني وما كان عندهم أي أغاني جديدة مطروحة لذلك ملأ مصطفى الفراغ بجدارة وتجاوب معه عدد كبير جدا من الناس ورأوا في تجربتو حاجة جديرة بالإحترام لذلك كان لا صوت يعلو فوق صوته
يا عمر ياخ أنت والأخوة في البوست بشكركم والله على سعة صدركم وتجاوبكم في البوست والشكر دا ما بعني نهاية البوست البوست مفتوح وخاصة زي ما قال سفيان لو جبتو مداخلة عزيز خطاب عن المقارنة بين محمود ود الجبل وربشة وآخرون يكون كويس عشان تكتمل الصورة ويا ريت لو يجي أي واحد من الأساتذة المعنيين بالموسيقى يتداخل ويصحح الأراء المغلوطة إن وجدت ياخ الغناء دا أكسجين هياتي
Post: #113 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-09-2012, 11:03 AM Parent: #111
مراحب يا عبد الله علقم
Quote: الله يديكم العافية كلكم.. بصراحة "بوست" شديد الروعة .. كامل الدسم.. لغة حوار مريحة وجميلة ..
شكرا ليك على الإطراء
و على مرورك الكريم
Post: #114 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-09-2012, 12:47 PM Parent: #113
يا حمد : تااالت واااااي.. لأنو قلت ليك ما تعلق بس جااااوب وانا براي بقدر أقدر وأفهم .. لكن وبما إنو لسانك غلبك وقمت تسوووط تاني فهكا خرمجتك من جديد عشان اوريك لسة عندك مكابرات ساي..
Quote: - محمود عند جمهور كبير وقتها (بس ما زاد ولا توسع عشان يشمل فئات عمرية مختلفة وحاليا توقفت الزيادة في جماهيرية محمود)
طبعاً وقتها دي حلوة شديد وورطتك شديييد.. إنت قايل وقتها ده بتين؟؟ وقتها ده يا عزيزي بتتكلم عن 25 سنة يعني ربع قرن .. يلا تعال احسب معاي عشان نشوف قصة الأجيال دي.. إفترض معاي إنو جمهور محمود وقتها كان في الفئة العمرية ما بين 18 -25 سنة تمام معاك؟؟ محمود ماف زول سمعوا فترة وبعد داك كرهو يعني جمهور محمود ماشي مع محمود حلو الكلام؟؟ يبقا الناس العمرها زمان كان 20 سنة أسة عمرهم 45 سنة ..حلو الكلام؟؟ يلا ده جيل ختو على جمب.. نجي لي جيل البوكيمونات والكابتن ماجد وابطال الديجيتال ديل.. محمود حالياً جمهوره من المراهقين ومن اللي أعمارهم بين الطاشرات والعشرينات .. وده جيل تاني ..ولو عايز تتأكد شوف حفلات المسارح .. نجي للأطفل ..محمود وفي اليوتيوب الجابو ليك صبري بتاع حنيني ليك القلت فارق ده كان بتاع حفلة حقت مدرسة ثانوية وأساس أعمار الولاد فيها من 10 - 15 وجايبين ليك فيها أرانب وسناجب بترقص معاهو ياخ ..وده جيل تالت .. عاد يا اخوي لو عايز الإمام المهدي وود حبوبة وعثمان دقنة يسمعوهو ليك قول لينا عشان نقدر نشوف ليك القصة دي..
Quote: أبدا ما بعني إنو مصطفى كان التوب بس مصطفى ظهر بلونية أغاني مختلفة والناس كانو محتاجين لتجديد في الساحة الفنية خصوصا إنو وردي ومحمد الأمين وغيرهم مروا بفترة ركود فني وما كان عندهم أي أغاني جديدة مطروحة
يا زول إنت قايل مصطفى ده ود الليلة ؟؟ مصطفاك ده رحمه الله كان بيغني من السبعينات وأثمرت وأات أكلها تجاربه وهو بعيد عن الوطن في التسعينات ..يعني مصطفى ده عشرين سنة بيغني والناس شايفنو كوراك بل ولحدددي اسة في ناس كتيييرة ما بتب مصطفى ولونية وصوت مصطفى ..مصطفى ما وصل كل السودان مصطفى جمهوره شريحة معينة بالمناسبة ..
تخريمة : شغلك بتاع أحياناً وربما و و ده ما حا اشتغل بيهو لأنو ح أعتبرو جرجرة وزوغة منك ومسك عصاية من النص ..
Post: #115 Title: Re: يوم أبكاني محمود عبدالعزيز Author: عبدالله علقم Date: 09-09-2012, 06:50 PM Parent: #114
يوم أبكاني محمود عبدالعزيز منذ صغري أحببت سيد خليفة .. كانت أذناي حكرا على صوته ، لا اسمع أحدا غيره ولا يجوز ،وبلغ ذلك الحب درجة التعصب والهوس.. في المرحلة المتوسطة دخلت في معركة بالأيدي مع زميل لي لمجرد أنه ابدى رأيا سلبيا في سيد خليفة في حضوري، وأخذت ذلك على أنه استفزاز شخصي، ورغم أن الغلبة في النهاية كانت له بما أوتي من بسطة في الجسم ، إلا أنه تحاشي بعد ذلك المساس بسيد خليفة من قريب أو بعيد. جاء سيد خليفة للقضارف عام 1959م وأحيا حفلا غنائيا على مسرح سينما كيكوس (التعليم الأهلي) فتسللت في غفلة من العسكري الحارس إلى خلف مسرح السينما أو خلف (الشرقاني) الساتر لأجرى لقاء صحفيا مع سيد خليفة. كان كريما معي وأجاب بسماحة وتواضع على أسئلتي الساذجة عندما أخبرته أنني أمثل المجلة الحائطية الطلابية التي كنا نصدرها في المدرسة الأميرية المتوسطة، ليس ذلك فحسب بل صرف العسكري الذي كان يلاحقني والذي كان يصيح بغضب "يا ولد .. أمرق من هنا". وفي صباح اليوم التالي ذهبت مبكرا لموقف "البص السريع" الذي كان يقف في الفضاء الذي يشغله الآن بنك الخرطوم وبنك فيصل الإسلامي، فقد خمنت أن سيد خليفة سيعود مع فرقته للخرطوم صباح ذلك اليوم ، وكان البص السريع هو الوسيلة اليومية الوحيدة للسفر للخرطوم. ودعته ولم يولني اهتماما هذه المرة (ولد صغير) وسط زمرة من المودعين، وغادر البص الموقف في موعده السابعة والنصف (ويصل الخرطوم عادة في الخامسة والنصف) واتخذت طريقي للمدرسة وأنا أفكر في كيفية الإفلات من عقوبة غيابي عن الطابورالصباحي وتأخري في الحضور للحصة الأولى. كنت أعتمد عادة على براءة ووداعة مظهري وصغر حجمي ، مع شيء من التميز الأكاديمي أتميز به ،في الإفلات من العقاب على ما أرتكبه من أخطاء وإخلال بقواعد الإنضباط في المدرسة وأختلق أي عذر أبرر به خطئي وغالبا ما يجد القبول ، ولكن ذلك لم ينجح هذه المرة وتلقيت ثلاث "جلدات" مؤلمة حارقة جاهدت نفسي لتحملها بثبات باعتبارها ثمنا لا بد منه ل"المجد " و"الإبداع". ثم نشرت حصيلة ذلك اللقاء الصحفي في المجلة الحائطية ، وكان رغم سطحيته وسذاجته، إنجازا غير مسبوق لم يخطر على بال أي من زملائي الذين كنت أتنافس معهم في الهيمنة على المجلة،وكفل لي التفوق عليهم لفترة طويلة، وكان ذلك مصدر سعادة لي لا حد لها. لكن دارت السنين وأصبح سيد خليفة، رحمه الله، يردد كلمات هابطة في مناسبات تماثل الكلمات هبوطا، "أيدناك يا نميري .. بايعناك" و"بالملايين قلناها نعم" و"أبوكم مين.. نميري" إلى آخر ذلك الغث من الكلام الذي آذى مشاعر الناس المغلوبة على أمرها وخدش حياء الذوق العام في ظروف بالغة القسوة والصعوبة، فانصرفت عنه وتحررت أذناي من الإحتكار فأخذت أستمع لغيره من الفنانين وأطرب لهم واكتشفت مدى ماكنت فيه من حرمان اختياري ارتضيته لنفسي بلا مبرر. وفي مهجري كنت حريصا على تعويد آذان ابنائي على الموسيقى السودانية والغناء السوداني وذهبت لأبعد من ذلك حينما كنت أحظرالاستماع للأغاني العربية المختلفة.. الخليجية واللبنانية والمصرية.. ولم يقتصر الحظر على كاظم الساهر ونبيل شعيل ونوال الزغبي وعبدالمجيد عبدالله وراشد الماجد وغيرهم بل شمل كذلك موجة الفنانين السودانيين الجدد ، وقد ساعدني لفترة من الوقت في ذلك المسعى تشرف أسرتي وداري في الدمام عام 1992م باستضافة الأستاذ محمد وردي ليومين ، بحكم علاقات مختلفة تربطه باسرة زوجتي وبشخصي ولكن لم يستمر هذا الزخم لفترة طويلة ، واكتشفت فيما بعد أن كل جهودي "الديكتاتورية" للتحكم في أذواق أبنائي قد ذهبت أدراج الرياح. قال عمر بن الخطاب رضي الله عنه" لا تعلموا أبناءكم عاداتكم فإنهم خلقوا لزمان غير زمانكم" .. صدقت يا سيدي يا أبا حفص! فانتقلت لمرحلة الاستهجان بدل الحظر . أصبحت أستهجن سماعهم لمحمود عبدالعزيز ولغيره من ناشئة الفنانين .. مجرد احتجاج لأن "العيال كبرت". في صباح يوم من أيام عام 1999م كنت جالسا في منزلي في الدمام وكان المكان ساكنا لأن العيال كانوا جميعهم في مدارسهم وأمهم منشغلة بشأن ما في المنزل وأنا أجلس أمام جهاز الكمبيوتر وأمامي أكوام من الأوراق المختلفة التي اتفقت على ترجمتها مقابل مبلغ ضخم من المال (مقياس الضخامة نسبي طبعا). لا أدري ما الذي دفعني ذلك الصباح لمحاولة الإستماع إلى محمود عبدالعزيز. لماذا لا أستمع إليه فقد يكون أولادي على حق. استحسنت الفكرة .. جهزت المسجل والاشرطة الكاسيت وانتقيت أحدها عشوائيا لأستمع إليه ، وابتدأ محمود يغني وأنا منصرف إلى رزق عيالي أصارع في طلاسم الكلمات وشفرات المعاني. توقفت فجأة عن الترجمة حينما بدأ الصوت المنبعث من المسجل يقول: الكنت قايلو فات زمان رجعتوا بي طعم الغنا أحلام صباي والذكريات هومت بي بالدندنة وبدأ الطرب يتسلل إلى داخلي .. ويوقظ فيّ "الكنت قايلو فات زمان" ثم يرتفع الصوت عاليا ويحلق بي في سماوات بعيدة: أتاري في جواي نغم جوة القليب يدق هنا يا إلهي.. إلى أين يأخذني هذا الفتى الذى أوتي مزمارا من مزامير آل داؤد..؟ كيف سيكون منظري العام لو اقتحم عليّ أحدهم الصالون فجأة ورآني أفعل ما نهيت دوما عنه؟ وأتابع الكلمات ويهبط الصوت إلى درجات أقل والتطريب لم يقل ثم يرتفع من جديد بنفس القوة: ناسي الزمان إتغيروا لكني ما اتغيرت أنا غدوت أنا بمعزل تماما عن كيتس وشكسبير ولورد بايرون وإليوت .. أخذني الفتى بعيدا عن ديكنز وهمنجواي وجيمس بولدوين وإدجار الان بو.. تباعدت الشقة بيني وبين كتاب الإنجليزية من غيرالإنجليز.. شيفا نيبول وشقيقه في إس نيبول.. نقوقي وا ثيونقو.. شينوا أ شيبي.. وولي شوينكا. مالي بهم الآن؟ ففي صوت محمود لهفة العاشق ووجعة المشتاق ولوعة الحزين وحسرة الموجوع وأنة الكليم.. جميعهم! ثم تنساب الكلمات من جديد بصوت ملائكي مترع بالحزن: يا وجعة الزول اليتيم يا حسرة القلب الرهيف عصر يوم من أيام شهر نوفمبر من عام 1997م طرق بابي في الدمام شقيقي عبدالقادر وزوجته مريم بت أبزرد.. كانت دموعهما تغني عن الكلام.. ارتحلت الحاجة صفية بت الفكي محمد أحمد علقم بت السارة بت علي دريشة. ابتلعت دموعي ووجعتي ذلك اليوم ولأيام وشهور طويلة قادمة.الموت في الغربة هو أن تبتلع الفاجعة دائما وحدك.. قلما يشاركك فيها أحد.. سبقها أبي بنحو الثمانية عشر عاما. في الحالين لم أكن في القضارف . قدري أن أفارق القضارف وأنا دون الرابعة عشر ، لسبب الدراسة ثم بعد ذلك لسبب العمل.اعتدت منذ تلك السن أن اتصالح مع بعدي عن القضارف بحمل القضارف كلها في داخلي تلازمني أينما أذهب، تعيش في داخلي وأعيش خارجها. في المرة الأولى استغرقت الرحلة من الخرطوم للقضارف لأتقاسم حزني مع الآخرين أقل من يوم. هذه المرة كانت الرحلة للقضارف طويلة.. سنين طويلة. لكن يظل الموت دائما هو الحقيقة المطلقة الوحيدة في دنيانا. حزّ في نفسي يومها أني لم ارها منذ سبتمبر 1990م. في عام 1992م كنت أحزم متاعي للسفر إلى السودان فجاء من ينقل لي رسالة من أحد السادة الجدد في الخرطوم يقول فيها إن اسمي من المغضوب عليهم ويستحسن ألا أجيء للوطن لأنه لن يستطيع درء الأذى عني. بعد سنتين تلقيت رسالة أخرى تفيد بأنني أصبحت من غير المغضوب عليهم. تضارب الرسالتين يعني ، من منظور أمني واحترازي أن مصدر الأذى لا يزال قائما. تطورت ظروفي الخاصة والأحداث خلال السنوات الثلاث اللاحقة بما لم يدع لي سبيلا للسفر للوطن، حتى كان عصر ذلك اليوم الذي جاءني فيه شقيقي ليبلغني برحيل والدتنا وبأن يتمي قد بات مؤكدا ، وهاهو محمود ينكأ الجرح ويدميه.كنت أحسب أن مذاق الحزن قد أزالته السنين. يا وجعة الزول اليتيم يا حسرة القلب الرهيف حليلا طلات الصباح وضي العوينات الشفيف تذكرت الصباحات الباكرة قبل شروق الشمس ونحن نتحلق حول الحاجة صفية في انتظار الشاي. تتسع الحلقة مع مرور الوقت.. صالح اليماني ينادي علي سلعته وهو يمر بالزقاق الواقع غرب حوشنا ويفصلنا عن جيراننا التوم عبدالله ومصطفى عبدالله وصديق حاج علي والطيب الصديق. أتسلق "الصريف" وأمد يدي بالقرش لصالح اليماني الذي يعمد إلى قفته فيخرج منها رغيفا مستديرا ساخنا ثم يمد يده غير آبه بالشوك أو الطين ليناولني الرغيف . أعود من جديد آخذ مكاني من الحلقة ، ونشرب ما شئنا من أكواب الشاي وكل واحد يطلب أن يكون كوبه بما تشتهي نفسه .. زيادة في السكر أو "جمادة" طافية على الشاي، بارد ، ساخن، متوسط الحرارة، وهي تلبي طلباتنا جميعا ليس بصبر فحسب ولكن بمتعة ورضاء يتدفق من عينيها الوضائتين. أيتها النفس أجملي جزعا إن الذي تحذرين قد وقعا أجهشت بالبكاء.. أفرغت كل ما ابتلعت من قبل من دموع ..لم تعد دموعي تتمرد عليّ مثلما كانت تفعل كل مرة .. أقمت مأتما في داخلي من جديد.. لعل انحدار الدمع يعقب راحة من الوجد أو يشفي شجى البلابل أعدت سماع الكلمات مرة ومرتين وثلاث وفي كل مرة لا أعدم ما أسكبه من دموع. تذكرت شهر سبتمبر من عام 1990م.. آخر عهدي بها. تحاملت على سنينها وخرجت إلى باب الحوش لتودعني. دست في يدي "كمشة" من الجنيهات. كانت قد علمت أنني فقدت محفظتي.. قلت لها إنني لم أفقد إلا بطاقة إثبات شخصية وعددا قليلا من الجنيهات أملك أضعافه.. لكنها العادة .. ما زالت تصر على أن تعطينا حتى وهي لم تعد قادرة على العطاء..اقتنعت أخيرا..كان ذلك آخر عهدي بحضنها ونور عينيها. فيا أمي.. أنا الولد الذي أبحر ولا زالت بخاطره تعيش عروسة السكر فكيف ، كيف يا أمي غدوت أبا ولم أكبر؟ ظللت طفلها الذي لم يكبر..قبل عقود خلت جاءتني على عجل في بورتسودان لتراني في حبسي. إطمأن قلبها وقفلت راجعة للقضارف لما رأت علامات السعادة على وجه طفلها الصغير.. كنت قد جاهدت النفس لرسم الفرح على وجهي. غدت سعيدة راضية حينما خالتني سعيدا راضيا. بعدها بسنوات قالتها لي بلا مناسبة معينة وبكلمات بسيطة وواضحة إنها ستكون راضية تماما عني إن حرصت على إرضاء زوجي التي لم يكن آنذاك قد مضى على ارتباطي بها سوى اسابيع قليلة . كان ذلك سرا خاصا بيني وبينها وكانت وصية لا تقبل الأخذ والرد فحفظتها وما زلت حافظا لها رغم ما في الأمر من مشقة ومجاهدة للذات. في تلك الليلة كانوا فرحين بي في دارنا في القضارف عندما عدت بعد سنوات طويلة من التيه والحلم بالمستقبل في بلاد الآخرين.. تحلقوا حولي في شوق. ستة عشر عاما انضم فيها ساكنون جدد للدار وغادرها آخرون.. صغار السن منهم كانوا يحصون عليّ أنفاسي وهم يتطلعون باهتمام بالغ إلى أدق تفاصيل وجهي .. نظراتهم فيها الفضول والبراءة و فيها أيضا السذاجة. ولكني أخذت أتلفت حولي بحثا عن ساكن في الدار أنا أدري أنه قد هجر الدار إلى الأبد. في أيام مضت كنت أحرص على أن يكون أول وآخر من أعانق ..طال الإنتظار والعيون الفضولية تحاصرني وأنا لم أكف عن التلفت وساكن الدار لم يأت ولن يأت. هتف فيّ هاتف لماذا لا أسألهم: أين هي؟ لماذا لا تأتي وأنا قد طال بي الانتظار؟ إن لم أجد الإجابة فلماذا لا أخرج أسأل عنها دورب الحي والجارات والصاحبات؟ أين هي؟ انتشلني نفس الهاتف من أحلامي بعنف : استغفر الله يا رجل.. وهل من فات يعود؟الإضاءة الخافتة في الدار حجبت عن العيون الفضولية الدموع الحارقة الصامتة التي سالت على خديّ، فاكتويت بنارها وحدي ولم يرها من حولي،ابتلعت دموعي ووجعي وأنيني تلك الليلة. مع شروق شمس الصباح تناولت كوب شاي .. لم يكن بطعم الشاي الذي كنت أتناوله مع طلات الصباح القديمة وضي العوينات الشفيف.. تعاظم عندي الإحساس بوحشة المكان.. لم يعد المكان نفس ذلك المكان رغم المشاعر الحميمة الصادقة التي أحاطوني بها..حزمت وجعي ووحشتي وغادرت الدار ميمما وجهي صوبها وذهبت إلى حيث كانت.أول زيارة أقوم بها في المدينة بعد ستة عشر عاما من الغياب. مشيت على نفس الدروب التي مشيت فيها طوال عقود خلت .. هذه الأرض أعرفها وتعرفني.. أعرف ذرات ترابها ذرة ذرة ، وتعرفني حبات رمالها حبة حبة.. أشقاني حبها وحب إنسانها على مدى السنين. هنا كان ينتهي فريق البقر الذي اختفى وأصبح ذكرى.. نفس الدروب ونفس الأمكنة رغم البنايات المتطاولة والأثرياء الجدد والمصابيح الكهربائية وأشرطة الأسفلت.. لكأنها هي.. وهنا بداية حي الميدان حيث كنت أقود أحيانا الغنم للراعي في مكان تجمع أغنام الحي قبل نصف قرن من الزمان.. كان المكان آنذاك خاليا من السكان والمساكن.. وصلت أخيرا إلى بغيتي .. إلى حيث ترقد هي.. وصلت متأخرا سنوات طويلة..أنا لم أكن قادرا على المجيء وهي لم يكن بوسعها أن تنتظر رجوعي وتخلف ذلك الموعد. المكان امتدت مساحته عبر السنين وتزايد ساكنوه. ناجيت قرحة القلب والأحشاء والكبد.. تأخر حضوري وتعجلت هي الرحيل.. تراءت لي "طلات الصباح" وتراءى لي "ضي العوينات الشفيف" من وراء حجاب الزمن.أحسست بدفء أحضانها المترعة بالحنان .. دعوت الله كثيرا وقرأت سورة الفاتحة. (إن لم ترض بقضائي فاخرج من تحت سمائي) ..أستغفر الله فما أنا سوى عبد ضعيف طامع في لطف ربه. الوقت يمضي .. أذن المؤذن في المسجد المجاور لصلاة الظهر.. مسحت دموعي..كانت بمثل مرارة مياه الخليج..الدموع تغسل شيئا من الحزن.. أوقفت المسجل .. توضأت وذهبت للمسجد.. قرأت في الركعة الاولى شيئا من سورة البقرة "يا أيها الذين آمنوا استعينوابالصبر والصلاة إن الله مع الصابرين" ، وفي الركعة الثانية قرأت سورة الضحى. عدت لمنزلي. أحسست أن عبئا ثقيلا قد انزاح عن صدري.. انهمكت في الترجمة من جديد ، لكن أصداء كلمات محمود ما زالت عالقة بالأذن والوجدان والذاكرة. كان لها وقعا خاصا في نفسي في لحظة نادرة توحدت فيها العاطفة مع الحلم والزمان والواقع والمكان . أصبحت مستمعا جيدا لمحمود.. لايحركني كل ما يقول ولكن ذلك الصوت الجميل الذي أثار الجدل في أكاديمية الموسيقى في موسكو يبقى جميلا يدغدغ المشاعر إلى ما شاء الله. يا وجعة الزول اليتيم ياحسرة القلب الرهيف. وأستغفر الله لي وله ولكم!! عبدالله علقم [email protected]
Post: #118 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-10-2012, 10:52 AM Parent: #114
يا الفاروق
حسابك كوار ساي
Quote: وقتها ده يا عزيزي بتتكلم عن 25 سنة يعني ربع قرن .. يلا تعال احسب معاي عشان نشوف قصة الأجيال دي.. إفترض معاي إنو جمهور محمود وقتها كان في الفئة العمرية ما بين 18 -25 سنة تمام معاك؟؟ محمود ماف زول سمعوا فترة وبعد داك كرهو يعني جمهور محمود ماشي مع محمود حلو الكلام؟؟ يبقا الناس العمرها زمان كان 20 سنة أسة عمرهم 45 سنة ..حلو الكلام؟؟ يلا ده جيل ختو على جمب.. نجي لي جيل البوكيمونات والكابتن ماجد وابطال الديجيتال ديل.. محمود حالياً جمهوره من المراهقين ومن اللي أعمارهم بين الطاشرات والعشرينات .. وده جيل تاني ..ولو عايز تتأكد شوف حفلات المسارح .. نجي للأطفل ..محمود وفي اليوتيوب الجابو ليك صبري بتاع حنيني ليك القلت فارق ده كان بتاع حفلة حقت مدرسة ثانوية وأساس أعمار الولاد فيها من 10 - 15 وجايبين ليك فيها أرانب وسناجب بترقص معاهو ياخ ..وده جيل تالت ..
محمود فترة تأثيرو القوية دي كانت خلال عشرة سنوات فقط (حسب كلامكم قلتو ما تقيموا محمود بعد 2001 صاح؟) ودا جيل واحد ياهو القاصدو أنت وختيناهو على جمب
طيب ناس الديجتال والمراهقين ديل الهسه عمرهم من 18--25 ديل إنت قايلهم منتظرين محمود لحدي ما يبقى كويس ومزاجو يروق ويغني ليهم ويييييييييين
ديل هسة شغالين مع شريف الفحيل وحسين الصادق وأحمد الصادق وفهيمة عبد الله وزي ما إنتو سميتوا محمود الحوت ديل كمان سموا ناسم بالإمبراطور والدكتور والرمح الملتهب وفهيمة أظنها سموها كوكب المشترى لأنو ديل ياهم البجوهم في الحفلات وبشوفوهم وبيطلبوا منهم الأغاني عشان تصليح الحت وكدا
Quote: اد يا اخوي لو عايز الإمام المهدي وود حبوبة وعثمان دقنة يسمعوهو ليك قول لينا عشان نقدر نشوف ليك القصة دي..
هي دي ذاتها الأنا ساكيها وكلامي بتاع التأثير على أجيال مختلفة
مثلا وردي (أنا بضرب بيهو المثل فقط وليس مقارنة بينو وبين محمود)
أنا قمت لقيت أبوي (عليه الرحمة) بسمع وردي وأعمامي الأصغر من أبوي بسمعو وردي وأخواني الكبار بسمعو وردي وأنا لما قمت بقيت بسمع وردي وهكذا
طيب لما وردي ظهر أبوي كان عمره على الأقل 45 سنة وممكن يكونوا في ناس أكبر منو بسمعوا وردي دا بيعني ورد مما ظهر أثر في شرائح المجتمع بكافة أشكالها
لكن أنا متأكد ممكن جدا (وممكن بس عشان ما تقول لي بتغالطني في أبوي ) عمك شيخ الدين يوم لقاك بتسمع في شريط محمود قال ليك دا فنان شنو دا البتسمع فيهو دا ياخ ما تسمح ليك فنانين زي الناس
فيما يخص مصطفى يا عمر العثرات والمعاكسات الحصلت لمصطفى في بداياته لو حصلت لأي زول غيرو كان بطل الغناء بس لأنو فنان حقيقي ثابر وصبر لحدي ما طغى على الساحة
Post: #116 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 09-09-2012, 06:55 PM Parent: #108
يا حبيبنا يا حمد ياخ جننته الولوة ذاتو و حيرته ود الموية !!! ياخ انا في مداخلتي التانية ناقشتك في موضوعات معينة كتبته انت و انا اقتبسته و جيت ناقشتك فيها تقوم تفط لي نقاشي كلوووو في كلامك الانا اقتبستو و (تدودرني) ترجعني لكلامك الاؤل!!! اهو كدا اثبته لي نظرية انك بتكتب بدون تركيز و بتكتب من اجل طق الحنك لانو الناقشتك فيهو جيت عااادي جليتو و رجعته لكلامك الاول . بعدين الاتفرع من البوست و ناقشناك فيهو برضو مش كلامك !!!؟ برضوا ما بستحق النقاش!!؟ ولا انت في فهمك ما يتفرع من البوستات مفروض نرخيهو!!؟
Quote: مداخلة عزيز أنا رديت على الجزء بتاع إختلاف الأذواق وما مختلف فيهو معاه أما الشق التاني منها بتاع المقارنات أنا بعتقد محتاج لزول دارس أصوات عشان يوضح الفروق بصورة ممنهجة غير إنطباعية
بالمناسبة أنت عزيز خطاب دا قايلو بتاع شنو!!؟ عزيز دا تخصص صوت ودي دراستو و مجالو عشان كدا انا لما اخترتو كلجنة تحكيم ما اخترتو عشان اضانو نضيييفه و سميع و طريب زيك كدا يا حمد .
غايتو بوستيك كيف كيف بقى عدادو رامي .
بعدين كدي تعال نناقشك في ديل :-
Quote: 1- محمود عند جمهور كبير وقتها (بس ما زاد ولا توسع عشان يشمل فئات عمرية مختلفة وحاليا توقفت الزيادة في جماهيرية محمود) 3- عندو أغاني حقتو (لكن ما محفوظة لجمهور كبير) ا 5- محمود ظهر بحياة مصطفى لكن ما لقى المساحة دي إلا بعد ابتعاد مصطفى وقلة عطاؤه
أنت احكامك دي بتجيبه من وين!؟ ياحمد محمود يملك اكبر قاعدة بتاعة جمهور و من كل الفئات العمرية (اطفال - شباب- نساء - رجال وكبار سن ) انا شخصياً عندي اصحابي محاضرين في جامعات بسمعوا محمود بإدمان بعدين تعال هنا انت فاكرنا أنا و الفاروق و محمود العربي ديل في ياتو فئية!!!؟ و قاعدة محمود دي في زيادة رهيبة و لو كنت في السودان ايأم مرض محمود الاخير دا كان نوديك رويال كير عشان تعرف الله واااااااحد !. يا حمد ياخ عليك الرسول سيدي و سيدك ما (تلتخ) سااااي جمهور محمود حافظ اغانيهو كلها و فووووق عمر الفاروق قال ليك في الحفلات محمود ما بيتعب لانو الجمهور هو البغني و دي حقيقة و نحن من الشاهدين - اقول ليك حاجة مرة في الدويم كان في عرس بتاع أخ الحوت اخوهو ود خالتو الديوم و القرى و الحلال الجمبهم عرفو انو الحوت في بيت العرس قبل تلاته يوم من العرس و جياة الله الدويم دي التلاته يوم مذدحمة اها لما جاء يوم العرس الشباب كلهم اتلبسوا طالعين الحفله أنا الوحيد القررته اني ما امشي لما سألوني ليه!؟ قلته ليهم الحفله دي حتفرتق من اول اغنية بسبب الازدحام و تصدق كلامي حصل بضبانتو و الغريبة قالوا الاغنية الاولي كانت (حنيني اليك) بس بدت المزيكا و الدفر و الدفسيبة حصلت ... اها ديل ناس بفهم السودانيين ناس في الضهاري و بعرفو شنو الحوت .
- يا حمد شنو ياخ شابكنا مازي مصطفي و مصطفى توب و لما مصطفي غادر !!! يا اخوي النريحك مصطفى دا توب عند المثقفين و توب عند الصفوة الزيهم و توب عند بعض طلاب الجامعات لا اكتر لا اقل و ما ندر تلقى ليك زول عادي و بسيط من ضهاري و قرى السودان لاقراء لا بارى بيعرف مصطفي وهنا يكمن الفرق زي ما بقولوا .
Quote: أبدا ما بعني إنو مصطفى كان التوب بس مصطفى ظهر بلونية أغاني مختلفة والناس كانو محتاجين لتجديد في الساحة الفنية خصوصا إنو وردي ومحمد الأمين وغيرهم مروا بفترة ركود فني وما كان عندهم أي أغاني جديدة مطروحة لذلك ملأ مصطفى الفراغ بجدارة وتجاوب معه عدد كبير جدا من الناس ورأوا في تجربتو حاجة جديرة بالإحترام لذلك كان لا صوت يعلو فوق صوته
كلامك الفوق دا طق حنك مفروض ما تقول ال(ناس) مفروض تقول ال(المثقفين الصفوة) ! بعدين تعال هنا دا!!! بالله عشان تدلل على ظريتك المعوجه دي تفطس و تخنق وردي و ود الامين و تدخلهم فترة ركود!!! يا عمك حمد و اضح انك شغال معانا (سكج بكج) أنت يازول بصحك!!! وردي و ود المين ديل ليهم (جغلمية) سنة بي طريقتهم دي و الواحد فيهم لما يجيب اغنية جديدة بيجيبه اقل شئ بعد 15 سنة من اخر اغنية جديده فاتت !!! فياخ عليك الرسوووول (للمرة التانية) بطل لولوتك دي و ما تنجر ليك كلام ساي !.
Quote: يا عمر ياخ أنت والأخوة في البوست بشكركم والله على سعة صدركم وتجاوبكم في البوست
و الله يا حمد صدرنا و ااااسع بس انت بطل لولوة ياخ . و تحياتي
Post: #117 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 09-09-2012, 08:55 PM Parent: #116
انطباع من متابعات عشوائية = محمود عبدالعزيز أكثر فنان سوداني منتشر على اليوتيوب ...
طبعاً من الصعوبة تأكيد المسألة دي بنسبة 100%
لكن أخونا حمد لو حبّ يغالط ما مُشكلة بس أوّل حاجة يجيب لي فنان أعلى منّو ... ولو عشوائياً ... عشان أقعد أحسب معاهو النتائج عشوائياً ....
Post: #119 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-10-2012, 12:01 PM Parent: #117
الأخ عبد الله علقم
ياخي المقال رصين والكتابة مترعة بس أنا كنت قايلك معارضة لقيتك موالاة متعصب أخير منك عمر الفاروق
Quote: لا أدري ما الذي دفعني ذلك الصباح لمحاولة الإستماع إلى محمود عبدالعزيز. لماذا لا أستمع إليه فقد يكون أولادي على حق. استحسنت الفكرة .. جهزت المسجل والاشرطة الكاسيت وانتقيت أحدها عشوائيا لأستمع إليه ، وابتدأ محمود يغني وأنا منصرف إلى رزق عيالي أصارع في طلاسم الكلمات وشفرات المعاني. توقفت فجأة عن الترجمة حينما بدأ الصوت المنبعث من المسجل يقول: الكنت قايلو فات زمان رجعتوا بي طعم الغنا أحلام صباي والذكريات هومت بي بالدندنة وبدأ الطرب يتسلل إلى داخلي .. ويوقظ فيّ "الكنت قايلو فات زمان" ثم يرتفع الصوت عاليا ويحلق بي في سماوات بعيدة: أتاري في جواي نغم جوة القليب يدق هنا يا إلهي.. إلى أين يأخذني هذا الفتى الذى أوتي مزمارا من مزامير آل داؤد..؟ كيف سيكون منظري العام لو اقتحم عليّ أحدهم الصالون فجأة ورآني أفعل ما نهيت دوما عنه؟ وأتابع الكلمات ويهبط الصوت إلى درجات أقل والتطريب لم يقل ثم يرتفع من جديد بنفس القوة: ناسي الزمان إتغيروا لكني ما اتغيرت أنا غدوت أنا بمعزل تماما عن كيتس وشكسبير ولورد بايرون وإليوت .. أخذني الفتى بعيدا عن ديكنز وهمنجواي وجيمس بولدوين وإدجار الان بو.. تباعدت الشقة بيني وبين كتاب الإنجليزية من غيرالإنجليز.. شيفا نيبول وشقيقه في إس نيبول.. نقوقي وا ثيونقو.. شينوا أ شيبي.. وولي شوينكا. مالي بهم الآن؟ ففي صوت محمود لهفة العاشق ووجعة المشتاق ولوعة الحزين وحسرة الموجوع وأنة الكليم.. جميعهم! ثم تنساب الكلمات من جديد بصوت ملائكي مترع بالحزن: لا أدري ما الذي دفعني ذلك الصباح لمحاولة الإستماع إلى محمود عبدالعزيز. لماذا لا أستمع إليه فقد يكون أولادي على حق. استحسنت الفكرة .. جهزت المسجل والاشرطة الكاسيت وانتقيت أحدها عشوائيا لأستمع إليه ، وابتدأ محمود يغني وأنا منصرف إلى رزق عيالي أصارع في طلاسم الكلمات وشفرات المعاني. توقفت فجأة عن الترجمة حينما بدأ الصوت المنبعث من المسجل يقول: الكنت قايلو فات زمان رجعتوا بي طعم الغنا أحلام صباي والذكريات هومت بي بالدندنة وبدأ الطرب يتسلل إلى داخلي .. ويوقظ فيّ "الكنت قايلو فات زمان" ثم يرتفع الصوت عاليا ويحلق بي في سماوات بعيدة: أتاري في جواي نغم جوة القليب يدق هنا يا إلهي.. إلى أين يأخذني هذا الفتى الذى أوتي مزمارا من مزامير آل داؤد..؟ كيف سيكون منظري العام لو اقتحم عليّ أحدهم الصالون فجأة ورآني أفعل ما نهيت دوما عنه؟ وأتابع الكلمات ويهبط الصوت إلى درجات أقل والتطريب لم يقل ثم يرتفع من جديد بنفس القوة: ناسي الزمان إتغيروا لكني ما اتغيرت أنا غدوت أنا بمعزل تماما عن كيتس وشكسبير ولورد بايرون وإليوت .. أخذني الفتى بعيدا عن ديكنز وهمنجواي وجيمس بولدوين وإدجار الان بو.. تباعدت الشقة بيني وبين كتاب الإنجليزية من غيرالإنجليز.. شيفا نيبول وشقيقه في إس نيبول.. نقوقي وا ثيونقو.. شينوا أ شيبي.. وولي شوينكا. مالي بهم الآن؟ ففي صوت محمود لهفة العاشق ووجعة المشتاق ولوعة الحزين وحسرة الموجوع وأنة الكليم.. جميعهم! ثم تنساب الكلمات من جديد بصوت ملائكي مترع بالحزن:
ممكن يكون من أجمل ما كُتب عن محمود
مشكور مجددا
Post: #120 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-10-2012, 04:35 PM Parent: #119
هلا يا صبري
Quote: انطباع من متابعات عشوائية = محمود عبدالعزيز أكثر فنان سوداني منتشر على اليوتيوب ...
طبعاً من الصعوبة تأكيد المسألة دي بنسبة 100%
لكن أخونا حمد لو حبّ يغالط ما مُشكلة بس أوّل حاجة يجيب لي فنان أعلى منّو ... ولو عشوائياً ... عشان أقعد أحسب معاهو النتائج عشوائياً ....
يا صبري اليوتوب ما مقياس لأنو ببساطة ممكن نصو تكونوا عملتو إنت وعمر الفاروق (موش متخصصين في الكمبيوتر ؟)
تاني يا صبري الشيء الأنا متأكد منو إنو إنت وعمر الفاروق وسفيان وكثير من الناس البحبو محمود بحبو محمود وبحبو وردي والكابلي ومحمد الأمين وزيدان الخ وديل لما يغنوا بتتعركوا بالواطة
بس في تيار فني شبابي متعصب بفتكر إنو الجيل الحالي أفضل من الأجيال السابقة أو مفروض يكون ليهم دور كبير في الحياة أكثر مما سبقوهم لذلك بيحاولوا ينصبوا من وسطهم البفتكروا إنو ممكن ينافس ليهم الكبار
وأهو بينشطوا في سبيل انتشارو عن طريق كافة الوسائط من ضمنها الإنترنت وشايفين إنو الكبار نالو حظهم من التوثيق وما محتاجين لمزيد منه
جاييك يا سفيان
Post: #121 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 09-10-2012, 05:59 PM Parent: #120
Quote: جاييك يا سفيان
عليك الله يا حمد لما تجيني طلع لي (كابلي) دا من اللسته الختيته لصبري صاحبي ... كابلي دا كان بنفع معاي اشرب البحر كلوووو !
Post: #122 Title: Re: الخوف دا حدو متين... أنا محمود عبد العزيز ما بطربني برضو Author: حمد عبد الغفار عمر Date: 09-10-2012, 08:29 PM Parent: #121
يا سفيان
Quote: يا حبيبنا يا حمد ياخ جننته الولوة ذاتو و حيرته ود الموية !!! ياخ انا في مداخلتي التانية ناقشتك في موضوعات معينة كتبته انت و انا اقتبسته و جيت ناقشتك فيها تقوم تفط لي نقاشي كلوووو في كلامك الانا اقتبستو و (تدودرني) ترجعني لكلامك الاؤل!!! اهو كدا اثبته لي نظرية انك بتكتب بدون تركيز و بتكتب من اجل طق الحنك لانو الناقشتك فيهو جيت عااادي جليتو و رجعته لكلامك الاول . بعدين الاتفرع من البوست و ناقشناك فيهو برضو مش كلامك !!!؟ برضوا ما بستحق النقاش!!؟ ولا انت في فهمك ما يتفرع من البوستات مفروض نرخيهو!!؟[/QUOTE
يا خ أنا كلامي ما ملولو ولا حاجة بس إنتو مصرين إنكم ما تقتنعوا بالنقاط الأنا بقولها وبضرب ليكم بالأمثال لفنانين كبار عشان أوريكم ليه محمود ما بستحق الهيلمانة دي بتجوا ماشين في كلامي خصوصا حتة عدم مرونة الصوت دي مسكتو لي في جماهيرية محمود طيب حنان بلوبلو في وقت ما كانت عندها جماهيرية أكبر من أي فنان خصوصا لما طلعت شريط حمادة بوظ أعصابنا هل دا بيعني إنو حنان بلوبلو فنانة حقيقية ؟
Quote: بالمناسبة أنت عزيز خطاب دا قايلو بتاع شنو!!؟ عزيز دا تخصص صوت ودي دراستو و مجالو عشان كدا انا لما اخترتو كلجنة تحكيم ما اخترتو عشان اضانو نضيييفه و سميع و طريب زيك كدا يا حمد .
إنتو عزيز زغتو من مداخلتو بتاعة مقارنة الأصوات وتقليد محمود للهادي الجبل وربشة وزي ما قال هو كانت حتة مهمة عشان تقود النقاش خصوصا أنا بديت البوست انتقدت فيه عدم مرونة صوت محمود
حكاية الفئات العمرية دي أنا قلتها لعمر فوق وبعدين محاضرين الجامعات ديل ممكن يكون عمرهم 45 سنة ، 40 سنة لكن جيب لي محاضر جامعة أو أي زول ساي عمرو 60 وما فوق بيقول أنا قاعد أسمع محمود
ياخ أنا قبيل في سهرة معادة عن وردي (مجرد مؤديين للغناء حقو ) شفت ناس عمرهم 18 سنة وناس عمرهم 70 سنة بيقرصوا في الكراسي مع بعض تقول لي تأثير؟ وحكاية مصطفى ما توب دي وجماهيرو محصورة على العكس مصطفى سيد أحمد في لحظة كان بتلقى أغانيه في الحافلات وفي أكشاك المواقف يمكن ما حصلت زيادة في جماهيريته ودي بترجع لأنو مصطفى تسجيلاتو المرئية (التلفزيون) قليلة جدا وفي عدم ننشاط من معجبي مصطفى سيد أحمد بعد وفاتو في نشر أغانيه على مستوى واسع لكن ببقى فنو مؤثر لأي زول عايز يسمع غناء نضيف
محمد الأمين ووردي صاح كانو لفترة ما عندهم جديد لفترة طويلة بل إختفوا بصورة شبه كاملة عن الظهور مثلا محمد الأمين بعد زاد الشجون وخمسة سنين معاك يا زينة العشاق احتمال يكون لحدي هسة ما طلع عمل جديد بعدها (ما متأكد) ووردي بعد الإنتفاضة وأناشيدها وبعدها يا راجياني وأحبك أنا مجنونك (ايهما أسبق) ما ظهرت ليهو أغنية جديدة إلا بعد 2005 تقريبا (برضو ما متأكد) ودي كانت فترة كافية لأي فنان جاد زي مصطفى عشان يظهر وسط الطبقة المثقفة ولأي فنان شباب بيؤدي أغاني الغير عشان برضو يظهر.
Quote: عليك الله يا حمد لما تجيني طلع لي (كابلي) دا من اللسته الختيته
ياخ كابلي دا أنا ذاتي مطلعو وعندي زي محمود بتعجبني ليهو خمسة ستة أغاني بالكتير (إني أعتذر، ضنين الوعد، ما الليل عاد ، كيف يهون ، زينة وعا########ي وشذا زهر ومعاهن 1 أو 2 ما متذكرن)
بس ختيتو ساي لمعجبيه عشان ما يزعلو ولتاريخه الفني الطويل
Post: #123 Title: Re: الخوف دا حدو متين... أنا محمود عبد العزيز ما بطربني برضو Author: عمر الفاروق Date: 09-11-2012, 06:33 AM
حمد لولوووة .. أجيك من الأخر وحسب كلامك ...وبي فهمك ..باقي لي مصطفى طلع ليهو اغنية سنة 2009 سمعتها؟؟؟ طبعاً ما تستغرب وتقول لي كتبا ليهو منو لأنو يا حبوب بي فهمك ده فعااادي جداً منكر ونكير يكونوا كتبوها ليهو في قبرو وهو لحنا وعشان كده مصطفى لسة باقي في وجدان الناس لأنو لسة بينتج جديد!!!! ياخ ده كلام ده يا حمد؟؟؟؟ بعدين قصة مصطفى طغى على الساحة دي أثبتها لي بي الأرقام..غايتو إلا كان قاصد الساحة الخضراء..جمهور مصطفى محدووود ومحدووود جداً ووالله ما نكاية بيك ولا غلاط لكن جمهور محمود أضعاف جمهور مصطفى .. بالنسبة لي الشفع القلتهم ديلك ناس فهيمة واحمد الصادق وحسين وطه و و ..عايز تعرف قيمة محمود؟؟ اسألهم كلللهم قول ليهم فنانكم المفضل منو؟؟ مشي اركب عرباتهم وشوف الشرايط المركبنها في مسجلاتهم ولو ما لقيتا كلها لي محمود اضحك علي.. عايز تعرف قيمة محمود عندهم؟؟ أمشي أسمع وشوف لمن محمود غنا ليهم في برنامج أغاني وأغاني أغنية زيدان كنوز محبة ..شوف الشفع ديل ربعو يدينهم وقعدو يسمعو كيف...وشوفهم لمن محمود إنتهى قعدو يصفقو كيف.. بالنسبة لي صوت محمود وكلام عزيز ..أتحداااك جيب لي وين عزيز قال محمود بيقلد الهادي الجبل!!!؟؟؟ عزيز قال من نفس المدرسة وطريقة الاداء واتوقع هنا عزيز بيتكلم عن قصة الغنا بي تتخين الصوت مرة وتنعيمو مرة ..العالي مرة والنازل مرة ومط الكلمات والألحان ..وانا عن نفسي زحيت من كلام عزيز لأنو اولاً ما بعرف مصطلحات علمية وعزيز قاري وممكن يصل معاي حتت ما اقدر اجاريهو أو أوصل ليهو فهمي بتاع المستمع العادي..إضافة لي إنو انا اصصصلاً ما مقتنع بي قصة إنهم من نفس المدرسة دي لكن خجلاً من عزيز اللي ليهو مكانة خاااصة عندي ما حبيت اختلف معاهو .. بالنسبة للأجيال فإنت أسة ماشي كويس جداً وشايف بقت مشكلتك مع محمود في إنو جيل ناس ابوي وابوك والناس العمرهم فوق ال65 ما بيسمعوهو..يا زوول مااا بيناتنا الجيل ده ما معانا خليناهو .. بالمناسبة أبوي الله يديهو العافية عندو نظرية غريبة جداً ..زمان كان لمن يلقاني بغني أو بدندن كان بيقول لي يا ولد عيييب الغنا ده حرااام..والصفافير بتجيب الشيطان اها مرة دخلت أوضتو لقيتو ليك بيصفر ويدندن ومشغل شريط الجابري مرة وأحمد المصطفى مرة ..أها تووشك قلت ليهو شنو يااا حااااج مااا قلنا الصفافير بتجيب الشياطين؟؟ قال لي يا ولد إنت عوييير؟؟ ديل أحمد المصطفى والجابري!!! ق في إشارة لي إنو ديل براااهم....ديل بيجيبو الملايكة .. بالمناسبة من يومها وانا بقيت بسمع الجابري رحمة الله عليه وعرفت ليك إنو أبوي ده اضانو مججججرمة شديد..بس قمت إختلفت معاهو في احمد المصطفى ده وقلت ليهو انت بتريدو يا حاج عشان كان شغال معاكم في شركات ناس الشيخ مصطفى اللمين ..
Post: #124 Title: Re: الخوف دا حدو متين... أنا محمود عبد العزيز ما بطربني برضو Author: سفيان بشير نابرى Date: 09-11-2012, 08:42 PM Parent: #123
هسي يا حمد شابكني جايك جاييك دا ردك لي!!!!؟
Post: #125 Title: Re: الخوف دا حدو متين... أنا محمود عبد العزيز ما بطربني برضو Author: صبري طه Date: 09-12-2012, 08:47 PM Parent: #120
Quote: بس في تيار فني شبابي متعصب بفتكر إنو الجيل الحالي أفضل من الأجيال السابقة أو مفروض يكون ليهم دور كبير في الحياة أكثر مما سبقوهم لذلك بيحاولوا ينصبوا من وسطهم البفتكروا إنو ممكن ينافس ليهم الكبار
وأهو بينشطوا في سبيل انتشارو عن طريق كافة الوسائط من ضمنها الإنترنت وشايفين إنو الكبار نالو حظهم من التوثيق وما محتاجين لمزيد منه
يعني الجيل الحالي دا .. الشباب اختزلوه في فنّان واحد اسمو محمود عبدالعزيز ... ولاّ قصدك شنو ياخ ؟
أنا ذكرت ليك محمود عبدالعزيز تحديداً ولم أذكر كل الفنانين الشباب ...
