الحــــــــــــــــــيوات..!!

حيوات البورد خلوها ..كدي تعالوا أحكو لينا عن حيواتكم خارج البورد ..

تخريمة :
بعد العشرات كملن لابد من إحياء هذا المصطلح الملاسي العجيييب ..

ولا أقول ليكم حاجة ؟ تعالوا نتكلم عن الحيواتين ..
حيوات البورد وحيوات الما بورد ..

حيوات البـــــــــــورد :
في هذه الحيوات تتلبس الكائن البشري شخصية كده لممن شخصيتو زاااتا تحتار فيهو وتقول ليهو : أججججّي يا هناي؟؟ ما عرفتك لكن !!!!
في هذه الحيوات يتحول الجاهل بقدرة قادر إلى عالم ..وغليظ القلب إلى مرهف..والفنانو خلف الله حمد لي فنانو رامي عياش..والدارش مرتو في البيت شغل ونضافة وتعب وشقا وجووطة لي نصير المرأة..
في هذه الحيوات يتحول الكائن إلى مفكر إسلامي ليبرالي شيوعي ..وإلى سياسي إجتماعي ثقافي ..وإلى صوفي سلفي أنصار سنة متحرر..
في هذه الحيوات وقبل إدخال اليوزر نيم والباسوورد يدخل كل واحد منا قناع الأطفال حق البلاستيك اللعبة داك ويقول بسم الله مجراها ومرساها ويا سااابل الستر وهووووبببب يديها ليك واحد إنتر ويا بوستات جاك بلا..
في هذه الحيوات نتحلى بشجاعة وطاقة رهيييبة مصدرها لوحة المفاتيح وعدد من الأحرف نشكلها كيفما نشاء ومتى ما نشاء..

انت اللى شكلك الايام دى ما عندك حيوات...حاتل فى البورد 24 ساعة.
الحكاية شنو ?Go get yourself a life or hyaawat

Quote: انت اللى شكلك الايام دى ما عندك حيوات...حاتل فى البورد 24 ساعة. الحكاية شنو ?Go get yourself a life or hyaawat Smart

اخخخ، سمارت بدت و قبلت عليك والباقي علي اساسي كوعدها








ــــــــــــــ
يا عمر ازيك و مشتاقين الواااحدة دي، ياخ كونك تعرف اسمي ده براااه ما نفوذ في بورديكم ده؟
اييي، سمعت و جابو لي خبر لستتكم دي :)

حيـــــوات البورد (لســـة) :
في هذه الحيوات نعشق كاميرات التصوير أيما عشق ..الواحد بيكون طول يومو بيتمنى إنو تتوثق ليهو كل تحركاتو وتكون الكاميرا مربوطة بي بوست وطوالي يضغط زر تصوير تتحمض اللقطة في البوست ..ما بين ضاحكاً وممسكاً بكباية عصير..مرتدياً تي شيرت أو قميص مزركش..راقصاً..قارئ للمصحف..يتناول وجبة دسمة ..
في هذه الحيوات إستسهلنا الألفاظ وصار القريب من اللسان قريباً من الكيبورد ..
في هذه الحيوات نحتفي بالموت ونعوّن مواضيع مفادها أن كنا في جثمان فلان توجد صور..بل ذهبنا لأبعد من ذلك فصرنا نفاضل بين أقرباء الأعضاء من الموتى فتعزية عم فلان أو حبوبة فلان ربما تفوق تعزية أم فلان أو خالة فلان..
في هذه الحيوات كثرة الضحك أماتت قلوبنا فصرنا نستسهل كل الأشياء..نعم كللل الشياء..ونستهين بكل الأشياء..نعم كل الأشياء..
ثم وفي هذه الحيوات سلب من الحياء والوقار..

ما تزعل منى يا عمر الفاروق يا اخى...انا بتماسخ عليك ساى
___________________________________
just kidding قاصده الحرب انا

Quote: انت اللى شكلك الايام دى ما عندك حيوات...حاتل فى البورد 24 ساعة.

إكزاتيللللي يا قول المصريين ..

إجابة صحيحة يا إسمارت شيلي ليك صندوق..
فانا لا اعرف درباً للبورد إلا عندما أكون بلا حيوات ..

رحبـــــــــوووووون :

Quote: اييي، سمعت و جابو لي خبر لستتكم دي :)

أهاااا شوفتي شوفتي؟؟ دي واحدة من حيوات البورد ..
الواحد فيكم يغيييب من البورد بي الشهور ويجي زييي الكأنو قاااعد معاكم
ثم وإنو بالنسبة لي موضوع الشوق فأتحددددااااك ياخ ..

تخريمة :
إسمارت دي فلاحتا فيني انا بس ..أساسي داك مااا بتقدر عليهو ..

Quote: ما تزعل منى يا عمر الفاروق يا اخى..

يا إسمارت يا إنتي ..ياخ انا الزعلة الزعلتها منك زماااان دييك لممن خلتني أفطك أظنها بتكفيني زي 17 سنة لي قدام فمااا أظن أزعل منك قريييب ده ..فدحيين أنضمي ساااي الحبببة ما بتجيك ..

تخريمة :
أي نعم ما نافذة لكن ده ما سبب يخليني أزعل منك ..

الحيوات الحقيقية ..
ودي بينقسمو فيها الكائنات لي قسمين ..
قسم بيشيل حيوات البورد القلناها فوق دي ويقوووم يتلبسا ويعيش بيها الحيوات الحقيقية ما بين تلفونات حول بوست فلان ورد علانة ..تشجنجات ..معتركات من غير معترك..مسنجرات ..إيميلات ..

قسم يضغط على مفتاح ال Alt +Shift ويتحول لحياة واقعية صحية سليمة مية المية ..
ما بين اصدقاء واقعيين يقاسمهم هموم وحكي الحياة الحقيقي ..
بيت وأسرة يتعايش فيها بكل صخبها وروقتها مراسيلها وهدوءها نقتها وونستها أخوان وأخوات وأم وأب وزوجة وأبناء تسمع قصص حقيقية مواقف حقيقية مشاكل حقيقية على أرض الواقع غير منجورة ..
حياة يقودك فيها ضغط العمل حد الجنون..
حياة تمارس فيها هوايتك اليومية ما بين اللعب أو القراءة المشاهدة للتفلزيون ما بين افلام وبرامج وزحمة راس بي الكورة ..
حياة يكون فيها صوت المسجل بيزن في راسك وانت جوة العربية اليوم كلللو ..
حياة فيها مواقف يومية منها المعقد ومنها البسيط ..منها البيشيب الراس ويندى له الجبين ومنها الممتع واللذيذ..
حياة تصحا فيها الصباح وتلقى جيبك فيهو عشرة ألف جنيه مفروض تكمل بيها باقي الإسبوع ..
وممكن يوم تلقا جيبك فيهو عشرة مليون والشهر خلص وإلتزاماتك عملتها وبقيت ما عارف تودي القروش دي وين وتبدا تفكر في صرف من لا يخشى الفقر..
..

رشاقة شديدة خلاص ...ماشاء الله ربنا يزيد ويبارك ...
الحسبهم عشرة كضاب يسرق ...مفروض يكون 109 ..من واحد
ل 100 انت براك والتسعة يتم اكمالهم حسب مايتفق

عمر حيوات دى قاصد اخرهانون
ولا شنو يعنى,,

انا فهمت من كلامك ا نو فى ناس مركبين مكنات X6 والبوضى حقو كرونا 85
تلقى الواحد مشى ام صفقا عراض ويدخل منتدى تلك المنطقة ويقعد يحكى
لى اهلها انه شرب شاى فى القهوة الفلانية والشاى فيه نعناع

او اخر يكون زائر ليه منطقة وهو غير مهم,,تلقاه فتح بوست
ويناشد بورداب ذاك المكان لاستقباله

الاخ عمر الفاروق

انا اصلو اصلو فقدت الحيوات وبقيت قاعدة فى ضل الحيطة بتاعت بكرى ده
وخاته قدامى قرعة ...حيوات لله ..حيوات يا محسنين

محمد عبد الرحمن ..النرد عليك سرييع قبال الناس يكتروا ونبقا في المسنجرات ..
المشكلة الواحد ما بيعرف يرد قول ليك شنو كلام ناس اربجي ده انا اصصصلو ما بفهمو .. :)

تخريمة :
يا ابقوتة كورنا 85 الجديييدة دي؟

الدهب المجمر سهام ..

Quote: انا اصلو اصلو فقدت الحيوات وبقيت قاعدة فى ضل الحيطة بتاعت بكرى ده

دعي حيواتهم هااااذي ..فحيواتك كثر..

Quote: في هذه الحيوات يتحول الجاهل بقدرة قادر إلى عالم ..وغليظ القلب إلى مرهف..والفنانو خلف الله حمد لي فنانو رامي عياش..والدارش مرتو في البيت شغل ونضافة وتعب وشقا وجووطة لي نصير المرأة..

اعجبني على قول الفيس .










...................................................................................................................حجر.

يا رفاعي ..أعجبني دي تقولا هناك في الفيس ..هنا لازم تعيش الدور وتكمل الطقم وتقول Like..
إنت مالك حيواتك بلدي كده .. ياااي :)

Quote: قسم يضغط على مفتاح ال Alt +Shift ويتحول لحياة واقعية صحية سليمة مية المية ..

و قسم لما تغلبو "الحيوات" الواقعيه يجي لحياة البورد اما عشان يفرفش وينسي همومه او عشان يتفشي فى البشر ويقع فيهم خبت من طرف ..
سلام يا عمر ..

Quote: دعي حيواتهم هااااذي ..فحيواتك كثر..

يا عمر كتابتك للكلام الفوق دا( وبتلك الشعرية طبعاً) وحدها كفيلة باستدعاء الحيوات كلها .
بالمناسبة دي ، هل سمعت احمد ربشة يغني شذى زهر للكابلي ؟ بصفة خاصة أداءه للمقطع بتاع "خـذوا دنيـــاكم هذى(هاااذي) فدنياوتنا كــُثرُ.

سارة عيسى :
إنتي شكلك بتحبببي حيوات الفرفشة ..
ونوعك ده البيدندن اليوم كلللو حيواتي حيواتي أحبك أنتي كحبي لذاتي.. :)

Quote: حيواتي حيواتي أحبك أنتي كحبي لذاتي.. :)

حد يصحي الفاروقة :)



اسمارط ورحاب
ما اتيتن لحوار ^_^

Quote: حد يصحي الفاروقة :)

يا اساسي يا اخى ما كل الناس بيخافوا من حكوماتهم(:

ما قلت ليك ما اتيتي لحوار يا اسمارت

وكويس انك ابتدرت كلامك لي ب اخ غير كدا كان الا افتش لجو بسبب حكومتي
مع اني علي يقين انك كاتباها حماية لي رقبتك من اسمارت هو

اولا يا اساسي (يا اخى) دى مقصود بها الكلمة العامية (ياخى)...
لكن ما مشكلة....احنا بالجد اخوان...بعد عشرة فى البورد ده 10 سنوات.
لكن..."اسمارت هو"....درب المنتديات السودانية ده ما بيعرفوا. عشان كده ما تفتكر انى ممكن اكتب اى شيء هنا بسببه....

خلينا هسي نشوف حكاية اللجؤ بتاعك ده

وفى نوع بيجي هنا لغرض محدد ..

بعضهم أغراض نبيلة .

والبعض الآخر .....

اديهم بالحتة الفيها الحديدة يا امنة

أساسي ..
يا زول بقيت ملولو كده مالك؟؟ بقيت من ناس لا تقربوا الصلاة ؟ :)
انا قلت للزولة شكلك بتحبي الحيوات كحبك لذاتك تقوم تلولو الشغلة وتدخلني في حبي للحيوات ؟؟؟ :) :)

تخريمة :
يا إسمارت يا انتي ..أي زول ما بيخاف من الحكومة ده ما بحب الوطن :)

Quote: يا إسمارت يا انتي ..أي زول ما بيخاف من الحكومة ده ما بحب الوطن :)

هسي انا ما حكومة...مالى ما بيخافوا منى ??
سبب دكتاتورية الحكومات دائما بيكون معرفتهم التامة برغبتكم فى التلاعب ..

تصدق يا عمر وكملهمة لملاسي "شايف الالهام ده كيف" يمكنني أن أقول بكل راحة ضمير إنه في ناس هنا بيفتكرو البورد ده هو العالم ...طيب احكي ليك القصة دي وسجن سجن غرامة غرامة ...عندي بنات أختي بيدرسوا في cornnel university وهي واحدة من ال-Elite universities زيها وزي هارفارد ...والبنات ديل مولودات هنا وما سمعن عمرن بي sudanese on line ولا بعرفن عربي ذاتو ...المهم واحدة من عضوات المنبر ده مشت هناك وقالت ليهم أنا فلانة فلما ما عرفوها قالت ليهم كيف ما بتعرفوني أنا صحفية مشهورة وبكتب في sudanese on line..المهم البنات بعد فترة عايزين صحفي عشان يحاضر عن الصحافة في أفريقيا ضربوا لي عشان أكلمها ليهم..لما قلت ليهم انها ما صحفية قربن يموتن.



Now if you will excuse me, I have to go back to my real haiawat

إسمارت يا إنتي :

Quote: معرفتهم التامة برغبتكم فى التلاعب ..

عارفة اخخخطر حاجة الزول يكون بيتكلم معاك أو بيسمعك وهو بعاين في زاوية واحدة وحتتتة واااحدة ..إنتي طوااال ركزتي على قصة الخوف والتلاعب مع إنو انا ابداً ما كان في بالي خوف الكتابة عبر النت ..خوف الحيكومات متوفر في قوالب تانية متمثلة في مشية سوق إختيار عدة إختيار عفش مشاوير..حتتتى الأصحاب ديل ممكن يهرشوك فيهم ..يفرضو عليك زوج صحبتن السغيييل وتضطر تمشي ليهو في الإسبوع مرتين ويحرموك من صحبك اللذيذ لأنو مرتو دمها تقيل ..يمنعوك الكوشتينة في حين إنو ممكن يحبسوك في الصالون لأنو معاهن جارتهن ومفروض إنت ما تجي بي حتة النسوان اللي هي بيكون فيها أوضتك ..
بت1كر موقف لي صاحبنا مرتو ضربت ليهو تلفون قالت ليهو تعاال وديني السوق..صاحبنا مصري كان واقف جمبنا ..أها زولنا السوداني ده نظام عمل فيها هاايج وعايز يقدم عرض جمب المصري وبقا يكوورك ..سوووق؟؟؟سوووق شنو ؟؟؟ ماااف سووق ماااف طلعة ..ما حا أوديييك انا جاي تعبان من الشغل وبكون عايز ارتاااح ..وماااف طللعة و و و ..المصري لكزو ليك لكزة كده وقال ليهو : يا عممم حتمممشي ..حتممممشي فبالله ما تعمليش الحبتين دوول ..:)

Quote: Now if you will excuse me, I have to go back to my real haiawat

Dear Afraa,
Good Day..
As discussed Over the post i would like to thank you for your support ,Could you please share with us the .Jar files urgently ? We need to fix some issues in our system!!
Appreciate your usual support and understanding..
Regards..
Omer Alfaroug..

غايتو ده الطقم البعرف أكتبو كللل يوم والنصيييحة نصو صاح ونصو غلط معناهو شنو ما بعرفو ليك لكن طوااالي برسلو لي ال vendors عندنا في الشغل على جميع مستوياتهم ومهما كان الموضوع حتى لو كنت طالب إجازة ..فدحين يا اختي نضميك البي الإنجليزي ده كان كلامي ده ظابط معاهو يبقا خير وبركة وكان ما بيخارج معاك أعملي نايمة وعيشي حيواتك ..

بوست فلسفي عجيييييييب يا ود الفاروق
لكن كل - أو جل - المتداخلين بتحدثوا عن الآخر الما عندو حيوات خلا حيوات البورد
هي نان كان كل الناس كدي سمح الآخر دا منو, انا غايتو بقد ليكم عين الشيطان و بقول انا واحد من الآخر النوع الما عندو حيوات تاني ياهو البورد دا
و الدليل الساعة اسي خمسة صباحا :)

تخريمة ..
مساهر لا اسي مالك يا قريبك بارسابي اكيد و النوم غلبك

ود البشرى يا محمد:
أول شي النبشرك أخوك ريالابي ..ومن شدة ما متكييف بعد الكورة معاي الشباب دوورنا بلاي إستيشن من لا يخشى السهر ..
بالنسبة لي قدة الشيطان يخييل لي يا ود البشرى إنت النوع الحيواتك حقت الشغل ..ما عارف لكن بتديني إحساس لي إنك نموذج لي الناس العاملين لينا سمعة حلوة في الشغل كسودانيين مرتب وحاجات في محلها ودبلوماسي بي تشدد مع خلطة هظار متى ما أستوجب..المهم النوع البيزيدو ليهو راتبو في السنة مرتين داك ..

تخريمة :
يا امنة مختار النصيييحة رد ما بتجيبي فيهو سيرة ملاسي ده لا رد لا شتين ..اللهم إلا إذا كنتي في النقط حقت البعض دي قاصداهو ..:)

Quote: لكن كل - أو جل - المتداخلين بتحدثوا عن الآخر الما عندو حيوات خلا حيوات البورد

سلام يا محمد البشرى ..
مستحيل يكون في شخص ما عندو حيوات غير حيوات البورد !! اللهم الا اذا كان محكوم عليه بالسجن المؤبد و محبوس هو واللاب توب وبس
وبالعكس انا بشوف الناس البتتواجد بكثره اونلاين ديل شاطرين وبعرفو ينظمو وقتهم و "حيواتهم"..
ما اعتقد ان فى انسان عاقل ممكن تكون حياته فى البورد علي حساب حياته الواقعيه

انت التلاعب ده ذاتو قايلوا شنو؟؟؟

كونوا يمشي يتغذي كل يوم في مطعم من الشغل و لما في الويكاند نقول عاوزين ناكل بره يقول تعب من اكل المطاعم ..... ده تلاعب. 
كونوا يسافر السودان لشغل براه هناك يعملها  إجازة...... ده تلاعب 

أسمارت يا إنتي:

Quote: كونوا يسافر السودان لشغل براه هناك يعملها إجازة...... ده تلاعب

انا متاكد لو هم اللي سافروا السودان وهو قعد ف حتقولي كونوا يسفرهم السودان ويقعد براهو ...ده تلاعب ..
مشكلتك نظرية المؤامرة مسيطرة عليك في نظرية الراجل والمرا ومن جميييع النواحي من الأكل لحدددي الإجازة ..