Post: #1
Title: من هو قائد الانقلاب العسكري قيد الاعداد في الخرطوم...?
Author: Dr Salah Al Bander
Date: 08-29-2012, 12:33 PM
Parent: #0
Any names..
Let us know...
|
Post: #2
Title: Re: من هو قائد الانقلاب العسكري قيد الاعداد في الخرطوم...?
Author: على ميرغني
Date: 08-29-2012, 12:49 PM
Parent: #1
يعني بالواضح كدا يا ناس الجهاز في انقلاب
يعد له في الخرطوم وانا ناقش المعلومة دي
نظام راس خيط وكدا
|
Post: #3
Title: Re: من هو قائد الانقلاب العسكري قيد الاعداد في الخرطوم...?
Author: Dr Salah Al Bander
Date: 08-29-2012, 02:15 PM
Parent: #2
ياشيخ علي
نعم من مصلحة الشعب السوداني قطع الطريق على اي انقلاب قيد الاعداد....
وهذا تحذير واضح للاجهزة الامنية الانقاذية وبتاعة المعارضة ودول الجوار ولحلف الناتو ذاتو ....
|
Post: #4
Title: Re: من هو قائد الانقلاب العسكري قيد الاعداد في الخرطوم...?
Author: الحاج حمد الحاج
Date: 08-29-2012, 02:31 PM
Parent: #3
ياشيخ علي
يعني يا البندر ممكن نقول خاطب علي ميرغني و أراد شيخ علي!!
|
Post: #5
Title: العجل الغبي البندر عايز يبيع الموية في حارة السقايين
Author: عبدالوهاب علي الحاج
Date: 08-29-2012, 02:49 PM
Parent: #4
| Quote: يعني يا البندر ممكن نقول خاطب علي ميرغني و أراد شيخ علي!! |
والله يا حجوج نقرتها نقرة !!
إذ أن العجل المدعو البندر دا ممكن تتوقع منو أي حاجة
|
Post: #6
Title: Re: من هو قائد الانقلاب العسكري قيد الاعداد في الخرطوم...?
Author: Muhib
Date: 08-29-2012, 02:49 PM
Parent: #3
موضوع جميل ولي رائ رومانسي
هنالك مشكله فلسفيه في موضوع الانقلاب العسكري لانه سرقه وفيه عدم اخلاقيه ..
فكيف لي ان اساند انقلاب وانا الذي ارفض شرعية الانقاذ لانها اتت بانقلاب علي نظام دمقراطي حر ..هذه هي المعضله الفلسفيه التي تواجه السياسي الامين والدارس ..
الحل رومانسي ويتطلب اقتناع داخلي للسارق واعتراف بانه سارق ومستعد للتنازل والتفاوض والتسويه ايضا..
الروح القدس قالها هكذا عن طريق يوحنا
يو-1-8: إن كنا ندعي أن لا خطيئة لنا، نخدع أنفسنا، ولا يكون الحق في داخلنا.
1يو-1-9: ولكن، إن اعترفنا لله بخطايانا، فهو جدير بالثقة وعادل، يغفر لنا خطايانا ويطهرنا من كل إثم.
1يو-1-10: فإن كنا ندعي أننا لم نرتكب خطيئة، نجعل الله كاذبا، ولا تكون كلمته في داخلنا!
...
الطريق الاصح هو اجبار النظام علي الرحيل وبسلام واقتناع وهذا موضوع رومانسي ..
الحق الوحيد الموجود في داخل الانقاذ انها حكومه سارقه للحكم وعلي الانقاذ الاعتراف والتنازل..
السرقه سرقه مهما طال او قصر الزمن وسرقه المسروق ايضا سرقه
وقتل اللص والقاتل دون محكمه ايضا جريمه ..السياسه اخلاق واطارها الفلسفي يجب ان يكون اخلاقي ...
محب
|
Post: #7
Title: Re: من هو قائد الانقلاب العسكري قيد الاعداد في الخرطوم...?
Author: أحمد أبكر
Date: 08-29-2012, 03:43 PM
Parent: #6
دكتور بندر و Muhib
خلوني أغالطكم شوية
يا دكتور بندر إنت خايف على البشير ولا خايف من شيئ إسمه إنقلاب ، كمبدأ؟
طيب ، إنا ما لاحظت عليك موقف رافض للحركات المسلحة
معنى ذلك أنك لا تدينها إذا هي قلبت الطاولة على البشير زحفاً من الخلاء
مش كلّو إنقلاب؟
أم أنت ترى أن الإنقلاب معناه فقط سرقة السلطة خلسة وفي جنح الظلام؟
أم نحتاج تعريف جديد للإنقلاب؟
طيب العملوا سوار الدهب داك كان إسمو شنو؟
أوع تقول لي إنو سوار الدهب عمل إنقلاب بتحريض من الشعب ولذلك إنقلابو حلال وأي إنقلاب آخر حرام
نفس الكلام أوجهه ل Muhib
ما رأيك يا محب إذا قلنا إنو سوار الدهب لم يسرق السلطة المسروقة وحسب ، بل نهبها نهباً بالقوة ثم سلمها للشعب
أها .. هل ما قام به سوار الدهب كان موقفاً أخلاقياً أم لا؟
يعني يا دكتور بندر لو قلت لنا أن مصادرك بتقول إن الذين ينوون الإنقلاب هم الجناح اللأكثر تطرفاً من البشير في المؤتمر الوطني ولذلك تحذر منه ، لو كنت قلت ذلك لأتى موقفك مفهوماً بعض الشيئ ، لكن أن تحذر من إي إنقلاب مهما كانت هويته ، مقروءاً مع مواقفك السياسية المعلنة ، فيؤسفني أن أقول عن كلامك هذا أنه مغالطات
ويا محب الرومانسي، أنتو الدروشة في المسيحية تسموها رومانسية وللا شنو؟
لكما إحترامي
|
Post: #8
Title: Re: من هو قائد الانقلاب العسكري قيد الاعداد في الخرطوم...?
Author: Hussein Mallasi
Date: 08-29-2012, 10:40 PM
Parent: #7
ما مهم معرفة قائد الانقلاب؛ فمن منا كان يعرف البشير قبل (الإنقاذ)!
|
Post: #9
Title: Re: من هو قائد الانقلاب العسكري قيد الاعداد في الخرطوم...?
Author: Hussein Mallasi
Date: 08-29-2012, 11:02 PM
Parent: #8
أسمو في الأول حيكون غريب و شوية شوية حنتعود عليهو!
|
Post: #10
Title: Re: من هو قائد الانقلاب العسكري قيد الاعداد في الخرطوم...?
Author: الفاضل يسن عثمان
Date: 08-29-2012, 11:38 PM
Parent: #9
أسمو في الأول حيكون غريب و شوية شوية حنتعود عليهو!
صوت حال الاقليات والناطقين بغيرها
|
Post: #11
Title: Re: من هو قائد الانقلاب العسكري قيد الاعداد في الخرطوم...?
Author: sourketti
Date: 08-29-2012, 11:58 PM
Parent: #9
يا جماعة خلونا نحسبها عملياً وبالارقام ...
يتم تأهيل ضابط الجيش خلال سنتى الدراسه بالكليه الحربيه ليتخرج برتبة ملازم يكون كفؤاً لقيادة فصيلة من الجنود وهم 30 عسكرى
يتدرج فى الرتبة والمسئوليه تدريجياً (تحتها 10 خطوط) بمعنى ليس بالقفز فوق رؤوس رؤسائه حتى يصل لرتبة العقيد (رتبة معظم المغامرين) ليكون مؤهلاً لقيادة كتيبة وهى 3 سرايا وبكل سريه 3 فصائل مع قوات داعمه وفنيه قد يصل عددها الكلى فى نهاية الأمر على اكثر تقدير 500 عسكرى وحتى يصل لرتبة اللواء (لو مانزل المعاش وده سبب معظم البلاوى) لقيادة لواء من القوات وهو مايعادل 3 كتائب ...
كيف يستقيم لضابط تأهل بعد التدرج عبر حواجز معروفة للترقى والتسلسل فى الاقدميه المعروف كخط النمل أن يخرج من الصف ليقود أمة بكل مختلفاتها وتبايناتها بين ليلة وضحاها ....
متى كان التميز فى شأن إرثى أو وطنى أو علمى عسكرياً أو مدنياً ادراياً أم فنياً قيادياً أم تبعياً مؤهلاً لقيادة وطن وأمه ...
نحن شعب طيب وصبور على البلاء والفتن التى (لاتصيبن الذى ظلموا منا خاصةً) ولكننا فى الوقت نفسه (مثلما نكون يوُلى علينا) وأمر الملك دوماً بيد الله .....
نسأل الله لنا ولكم العفو والعافيه ولمن سيأتى ومن سيذهب التوفيق فى الدنيا والآخرة ...
وعلى الباغى تدور الدوائر ...;(كل نفس بما كسبت رهينة )
يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَاوَاتِ أَوْ فِي الأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ (16) يَا بُنَيَّ أَقِمِ الصَّلاةَ وَأْمُرْ بِالْمَعْرُوفِ وَانْهَ عَنِ الْمُنكَرِ ...) صدق الله العظيم ...
|
Post: #12
Title: Re: من هو قائد الانقلاب العسكري قيد الاعداد في الخرطوم...?
Author: Dr Salah Al Bander
Date: 08-30-2012, 09:54 AM
Parent: #11
يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ
فَتَكُن فِي صَخْرَةٍ
أَوْ فِي السَّمَاوَاتِ
أَوْ فِي الأَرْضِ
يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ
.......
صدق الله العظيم ...
ايها الاحباب ...
الرجاء تقديم ترشيحات ...
المازق معقد ... وربنا يجيب العواقب سليمة...
الجنرال البشير في حالة هلع متصل ...
واصبحت محكمة الجنايات الدولية هاجس لا يفارق خاطره لحظة ...
وكل الاتصالات لترتيب انتقاله للسعودية او قطر بعد انتهاء فترة رئاسته لم تسفر بعد عن التزام واضح لاي من البلدين !!
في الوقت التي تجري الاستعدادات السرية للاحتفال بمناسبة مرور اكمال الجنرال البشير العام القادم 50 عاما في خدمة القوات المسلحة...
ومن دون نفاق اعتقد ان اكمال الجنرال البشير 50 عاما متواصلة في خدمة مؤسسة سيادية في بلادنا موضوع يستحق التهنئة عليه ...
وبالطبع سيكون الجنرال البشير هو اول ضابط في تاريخ المؤسسة العسكرية يكمل هذه الفترة بالتمام والكمال من دون ان يكون ضحية للاحالة للمعاش
او الضرب بالرصاص في ساحات الحرب الاهلية ام محاكمات الاعدام ... لا فرق!
الجنرال البشير يردد للخاصة انه لن يسلم الحكم لا لشيخ علي نائبه المدني ... ولن يسلمها لمنافسه الامنجي السفاح نافع !
كلاهما لا يثق فيهما لانهما لم يكونا في مقام الثقة بعد خيانتهما لشيخهم الكبير الترابي ...
وهو يعلم انهما يحاولان مقايضته بتسليمه لمحكمة لاهاي ككبش فداء لرعاية الغرب للحفاظ على مكتسبات الانقاذ !!
لذلك جهز الجنرال مرشحه للخلافة وانطلقت الاستعدادات للتوريث وفرض هذا الجنرال الجديد على قمة الانقاذ .... وبالقوة المسلحة !!
طرحت قبل سنوات التساؤل المشروع عن هل سيكون الشيخ علي عثمان صدام السوداني ؟
بمعنى هل سيكون مستعدا ان يتقدم وهو من خلفية مدنية ويقطع الطريق على المؤسسة العسكرية التي تتامر الان مع الجنرال البشير لفرض
خليفة عسكري...
سانشر اسم الجنرال المرشح لوراثة بشة بتاع فنيلتك وكمان صورتوا يوم الجمعة 31 اغسطس 2012 ...
بعد صلاة الجمعة بتوقيت مدينة كيمبردج ...
......
.......
خليك حريص ....
خليك سوداني
|
Post: #13
Title: Re: من هو قائد الانقلاب العسكري قيد الاعداد في الخرطوم...?
Author: محمد على طه الملك
Date: 08-30-2012, 11:53 AM
Parent: #12
Quote: سانشر اسم الجنرال المرشح لوراثة بشة بتاع فنيلتك وكمان صورتوا يوم الجمعة 31 اغسطس 2012
|
إن كان الأمر كما تصورت فنحن أمام تجربة شبيهة بتجربة حسني مبارك مع السادات ..
مع اختلاف في السيناريو واتفاق في النتيجة ..
ولكن ..
ألا يعنى ذلك ضلوع المخابرات الأولى في الشأن ..
خاصة والموضوع مسرب من عنديكم؟
|
Post: #14
Title: Re: من هو قائد الانقلاب العسكري قيد الاعداد في الخرطوم...?
Author: Ali bas
Date: 08-30-2012, 12:13 PM
Parent: #13
الهندي عز الدين فى صحيفته المجهر السياسي.. فى شهر يونيو الماضي كما اعتقد نشر مقالا عن خليفة للرئيس من داخل الجيش ورشح له اللواء كمال عبد المعروف قائد الجيش فى هجليج أو قائد الجيش الذى قام بمقاومة احتلال الجيش الشعبي لهجليج.. وقد قام احد اعضاء سودانيزاونلاين معتصم محمد صالح بنشر صورة لذاك اللواء.. طبعا دي خلافة ما انقلاب عسكري كما تقول..
|
Post: #15
Title: Re: من هو قائد الانقلاب العسكري قيد الاعداد في الخرطوم...?
Author: saif massad ali
Date: 08-30-2012, 02:10 PM
Parent: #14
المعلومة التي اوردها البندر صحيحة مية المية
ولكن رجالات الاحزاب الذين يؤيدونها وهم الان داخل المؤتمر الوطني
ما الفرق بين هذا وذاك ياهداكم الله
لان جهاز الامن وقيادة المؤتمر الوطني خلف الامر
عابوا علي الحركات تحالف كودا وهاهم يؤيدون تحاف جهاز الامن
|
Post: #16
Title: Re: من هو قائد الانقلاب العسكري قيد الاعداد في الخرطوم...?
Author: أحمد أبكر
Date: 08-30-2012, 03:26 PM
Parent: #3
د.بندر
سلام
شايفك تحاشيت الردود المباشرة على زوار بوستك - على قلتهم - وفضلت الرد بالإجمالي
رغم أن المتداخلين ما كلهم على ذات الخط من حيث الخشونة أو الدبلوماسية- So to speak - في المداخلة معك
ما بعرف هل حقارة منك ولا شنو الحكاية أن تتجاهل كل الردود جملةً واحدة
ما مهم
المهم أن من يكتب في المواقع العامة إنما يحاول المساهمة في صناعة الرأي العام
ولذا لا نتوقف كثيراً في حكاية المجاملة والأتكيت دي .. وهاأنذا أزورك للمرة الثانية
لأن هدفي من زيارة بوستك هو أن أساهم في منع الترويج لمفهوم أراه خاطئاً
فكلامك الأول داك كان فيه رسالة غير موفقة للرأي العام مفادها أن يقولوا (لا ) لأي عمل إسمه إنقلاب ، ويُفهم منه حتى ولو
كان إنقلاباً على شاكلة إنقلاب سوار الدهب أو على شاكلة ما يتمناه الثوار في الحركات المسلحة
قأنت قلت:
Quote: نعم من مصلحة الشعب السوداني قطع الطريق على اي انقلاب قيد الاعداد....
وهذا تحذير واضح للاجهزة الامنية الانقاذية وبتاعة المعارضة ودول الجوار ولحلف الناتو ذاتو .... |
لكن كويس إنك وضحت في كلامك الأخير إنك تقصد الإنقلاب الشكلي داخل النظام (إنقلاب توزيع الأدوار)
رغم أنه حتى إنقلاب توزيع الأدوار أراه لا بأس به لأنه يتيح الإنتقال من مواجهة الأشرس إلى مواجهة الأقل شراسة
بمعنى
من يعده البشير لخلافته لن يكون بشراسة البشير نفسه
فالمحرّش ما بيداوس
الخليفة سيكون مدفوعاً بدافع واحد فقط هو المحافظة على النعمة المستجدة (السلطة والثروة)
أما بالنسبة للبشير فإن ما سبق ذكره يأتي في المرتبة الثانية في هذه اللحظة ،سوف يكون مدفوعاً بما هو أهم منه
وهو منع المحكمة من الوصول إليه ، فهو أشد شراسة في منع التحول الديمقراطي من أي بديل آخر
طبعاً البديل ما حيكون من من وردت أسماؤهم في قوائم المحكمة، لزوم الحبكة
نأسف للإطالة
____________________________________________________________________________________________
ونأسف إذا وجدتم اخطاء إملائية، فإنني أكتب من لوحة مفاتيح غير عربية، نرجو ألا أضطر للعودة بغرض التصحيح
|
Post: #17
Title: Re: من هو قائد الانقلاب العسكري قيد الاعداد في الخرطوم...?
Author: Mannan
Date: 08-30-2012, 04:25 PM
Parent: #16
| Quote: ما مهم معرفة قائد الانقلاب؛ فمن منا كان يعرف البشير قبل (الإنقاذ)! |
خذوا الحكمة من أفواه "المجانين"..
|
Post: #18
Title: Re: من هو قائد الانقلاب العسكري قيد الاعداد في الخرطوم...?
Author: Dr Salah Al Bander
Date: 08-30-2012, 10:57 PM
Parent: #17
خذوا الحكمة من أفواه "المجانين"..
|
Post: #19
Title: Re: من هو قائد الانقلاب العسكري قيد الاعداد في الخرطوم...?
Author: يوسف محمد يوسف
Date: 08-31-2012, 10:14 AM
Parent: #18
دكتور صلاح البندر
جمعة مباركة
من غير شقف .. يترقبك الكثيرون بعد صلاتكم الجمعة اليوم بكيمبرج ، جٌلهم يرددون فى دوخلهم مقولة اسماء بنت ابى بكر الصديق ( رضى الله عنه ) لابنها عبدالله بن الزبير : " لا يضير الشاة سلخها بعد ذبحها " ..
نتمنى منكم بعد صلاتكم للجمعة - خاصة و قتها عندكم اظنه يوافق ساعة قبول الدعاء فى السودان - ان تدعو الله مخلصا " ان يحفظ لنا ما تبقى من وطن و أن يولى على هذا الشعب الصابر خيار أبنائه " .. بانقلاب او غيره ..
كون بخير
|
Post: #20
Title: Re: من هو قائد الانقلاب العسكري قيد الاعداد في الخرطوم...?
Author: فتحي الصديق
Date: 08-31-2012, 10:35 AM
Parent: #19
نحن موعودون اذن ب (تجربة) انقاذية أخرى .
انه تناسل الفشل والفاشلين ..
|
Post: #21
Title: Re: من هو قائد الانقلاب العسكري قيد الاعداد في الخرطوم...?
Author: حمد فتح الرحمن
Date: 08-31-2012, 06:33 PM
Parent: #20
Quote: سانشر اسم الجنرال المرشح لوراثة بشة بتاع فنيلتك وكمان صورتوا يوم الجمعة 31 اغسطس 2012 ...
بعد صلاة الجمعة بتوقيت مدينة كيمبردج ... |
معقول يا دكتور لسه ما صليتو الجمعة في كيمبردج ؟
|
Post: #22
Title: Re: من هو قائد الانقلاب العسكري قيد الاعداد في الخرطوم...?
Author: عصام دهب
Date: 08-31-2012, 07:08 PM
Parent: #21
Quote: سانشر اسم الجنرال المرشح لوراثة بشة بتاع فنيلتك وكمان صورتوا يوم الجمعة 31 اغسطس 2012 ...
بعد صلاة الجمعة بتوقيت مدينة كيمبردج ...
......
....... |
ناس كمبردج ديل لسة ما صلوا الجمعة ؟؟
|
Post: #23
Title: Re: من هو قائد الانقلاب العسكري قيد الاعداد في الخرطوم...?
Author: محمد على طه الملك
Date: 08-31-2012, 07:18 PM
من ناحية صلو صلو ..
بس لسه الإمام بسبح ..
.
.
جاري الشحن .
|
Post: #24
Title: Re: من هو قائد الانقلاب العسكري قيد الاعداد في الخرطوم...?
Author: عصام دهب
Date: 08-31-2012, 07:22 PM
Parent: #23
خشبة يا حمد ..
و الله انزلت مداخلتي أعلاه و لم أقرأ مداخلتك ..
بس كويس عرفت إنو الأمام في كمبردج لسة ما اتخارج ..
|
Post: #25
Title: Re: من هو قائد الانقلاب العسكري قيد الاعداد في الخرطوم...?
Author: Kostawi
Date: 08-31-2012, 07:30 PM
Parent: #24
الدكتور قال ليكم يوم الجمعة 31 اغسطس 2012 ...
بعد صلاة الجمعة بتوقيت مدينة كيمبردج ...
بعد صلاة الجمعة دي ممكن تكون بعد ساعة, بعد 7 ساعات
و حتى الساعة 12 مساء (يوم الجمعة طبعا)
|
Post: #26
Title: Re: من هو قائد الانقلاب العسكري قيد الاعداد في الخرطوم...?
Author: محمد على طه الملك
Date: 08-31-2012, 07:41 PM
Parent: #25
Quote: بعد صلاة الجمعة دي ممكن تكون بعد ساعة, بعد 7 ساعات
و حتى الساعة 12 مساء (يوم الجمعة طبعا) |
على طريقة البيان الأول يعني..
أمال فييين تا تررررا رااا يا كوستاوي؟
|
Post: #27
Title: Re: من هو قائد الانقلاب العسكري قيد الاعداد في الخرطوم...?
Author: حمد فتح الرحمن
Date: 08-31-2012, 09:07 PM
Parent: #26
اعمل حسابك يا مولانا انا قبل كدا قريت هنا انو خشبة او امسك الخشب دي حقت قساوسة وكنائس وكدا اوع تجلي وبعدين تبقى في اليخارجك :)
شكلك لسه ما نجضتا خالص وفيك رقشا :)
|
|