Post: #1
Title: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 08-29-2012, 11:11 AM
Parent: #0
كتبت في مربع البحث بقوقل عبارة "الحزب الليبرالي السوداني" ولكن للأسف لم يظهر هذا الرابط اضغط هنا في صدارة نتائج الصفحة الأولى .. بل ظهر في آخر نتائج الصفحة الأولى بعنوان "مرحبا الى موقع الحزب الديمقراطي الليبرالي" .. دخلت على عنوان الرابط اضغط هنا فوجدت الصفحة الرئيسية للموقع تحمل نفس الاسم "مرحبا الى موقع الحزب الديمقراطي الليبرالي" .. وللتأكد أكثر قمت بعرض مصدر الصفحة فوجدت عنوان الصفحة title هو نفس الاسم السابق ذكره !!!
فيا أحباب كيف يظهر اسم موقع لحزب معروف ومحترم بهذا الشكل ؟!
ومن المفترض أن يكون الاسم هكذا: الحزب الديمقراطي الليبرالي
وحتى بعد سحب عبارة الترحيب إذا كان المقصود بهذا الحزب الحزب الموجود في السودان فيجب إضافة ذلك في العنوان بحيث يصبح الاسم هكذا:
الحزب الديمقراطي الليبرالي السوداني
وكتسهيل على الباحث واختصاراً للاسم أقترح أن يتم حذف كلمة الديمقراطي بحيث يصبح هكذا: الحزب الليبرالي السوداني
ـــــــــــــ
|
Post: #2
Title: Re: موقع مرحباً إلى موقع الحزب الديمقراطي الليبرالي .. فتأمل
Author: الامين موسى البشاري
Date: 08-29-2012, 11:25 AM
Parent: #1
ياصبري يعني ما عصرت عليهم ياخ!
بالطبع هم يحتاجون الى تحسين ارشفة المواضيع بموقعهم
ووضع اسم الحزب في محركات البحث
بمعنى أوضح محتاجين يشتغلوا شوية في الــ
Search Engine Optimization (SEO)
قوقل توفر أدوات ممتازة لأصحاب المواقع
بالاضافة الى ما ذكرت وتمييزاً للحزب
يمكن اضافة (sd) في آخر رابط موقع الحزب ليصبح كما يلي:
www.Idps.org.sd
وهي حاجات بسيطة يمكن لللمشرف على الموقع القيام بها
|
Post: #3
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 08-29-2012, 11:49 AM
Parent: #2
سلام يا بُشاري يا حبيب ...
Quote: بالطبع هم يحتاجون الى تحسين ارشفة المواضيع بموقعهم
ووضع اسم الحزب في محركات البحث
بمعنى أوضح محتاجين يشتغلوا شوية في الــ
Search Engine Optimization (SEO)
قوقل توفر أدوات ممتازة لأصحاب المواقع |
تسلم على الإضافة يا حبيب ...
أظنّك تقصد http://www.ldps.sd
بحيث يتم استبدال الامتداد org بالامتداد sd فهو أقصر وأسهل من النطاق المقترح ...
وعمل تحويل تلقائي من النطاق الأول http://www.ldps.org إلى الثاني http://www.ldps.sd
ـــــــــ
إضافة
|
Post: #4
Title: Re: موقع مرحباً إلى موقع الحزب الديمقراطي الليبرالي .. فتأمل
Author: محمد البشرى الخضر
Date: 08-29-2012, 02:08 PM
Parent: #3
| Quote: أقترح أن يتم حذف كلمة الديمقراطي بحيث يصبح هكذا: الحزب الليبرالي السوداني |
دي ما ممكن
|
Post: #5
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 08-29-2012, 02:22 PM
Parent: #4
يا ود البُشرى المقصود اسم الموقع لمحرّكات البحث وليس اسم الحزب ...
وعادي ممكن تكتب الاسم كاملاً في تصميم الموقع (البنر) أو بإضافة كلمات دليلية أخرى تشتمل على اسم الحزب كاملاً ...
الغاية هي تسهيل الوصول للموقع
ــــــــــــــ
وحتى تصميم البنر ... انظر لصورة البنر ولاسمه ونسيان كلمة السوداني
لاحظ اسم الموقع
ldps
الـ S دي أعتقد إنها اختصار لـ sudan
|
Post: #6
Title: Re: موقع مرحباً إلى موقع الحزب الديمقراطي الليبرالي .. فتأمل
Author: الامين موسى البشاري
Date: 08-29-2012, 03:49 PM
Parent: #3
Quote: أظنّك تقصد http://www.ldps.sd
بحيث يتم استبدال الامتداد org بالامتداد sd فهو أقصر وأسهل من النطاق المقترح ... |
صبري طه
لا يا أخوي بقصد حقتي ديكـ نفسها وهي
www.Idps.org.sd
دائماً تضاف اللاحقة (الامتداد) باسم الدولة لتعبر عن أن
هذا الموقع هو سوداني أو سعودي أو مصري .. الخ
وعادة دا بتم بعد اسم الدومين للموقع
أما الكلام الانت قلتو ففي عرف تسميات الدومينات
دائماً الدومينات التي تنتهي بامتداد يرمز أو يشير للدولة مباشرة
بكون موقع حكومي أو مواقع تابعة للدولة (مواقع حكومية)
عارف في أوربا وامريكا والدول المتقدمة يا قولات طاش ما طاش 
كل اسماء الدومينات الرسمية بتكون محجوزة
تصدق قبل ما اجي السعودية كنت شغال في بنك السودان
وكنا عايزين نصمم موقع للبنك على الشبكة العنكبوتية
ولما جينا لحجز الدومين لقيناهو محجوز (www.bankofsudan.com)
مش دا بس كل اقربائه محجوزين قصدي net. واخواتها
وعشان كدا موقع بنك السودان الآن على الشبكة هو (http://www.bankofsudan.org/)
شفته كيف!
|
Post: #7
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 08-29-2012, 07:08 PM
Parent: #6
البشاري يا أخوي ... بدون غلاط كتير إتفضّل ياخ هنا
ـــــــــــ
أها يا حبيب المؤتمر الوطني موقع حكومي أم موقع حزب ؟!
ولو عايز نطاق الحزب الليبرالي بالامتداد sd
يمكنك شراء النطاق اليوم قبل ما تنوم ذاتو
|
Post: #8
Title: Re: موقع مرحباً إلى موقع الحزب الديمقراطي الليبرالي .. فتأمل
Author: الامين موسى البشاري
Date: 08-29-2012, 08:40 PM
Parent: #7
| Quote: البشاري يا أخوي ... بدون غلاط كتير إتفضّل ياخ |
صبري ياخ المؤتمر الوطني شنو والحكومة شنو؟
دحين ما ياهم حاجة واحدة
الاستثناء لا يكون قاعدة وأنا بتكلم عن حاجة متبعة عالمياً
أما كونوا المؤتمر يسمي اسمه بكدا فدي ليس لها علاقة
بالقواعد المتبعة في التسميات
سيبك من السودان دا أنا وانت هنا في السعودية
اتحداك تحجز أي دومين تكون اللاحقة حقتو sa.
وبعدين بسيب الغلاااااااات ... والله صحي
عايزك تحجز لي أي دومين بأي اسم كما يلي
www.Domainname.sa
وأنا بدفع حقو كااااااش داون ........ والله صحي
|
Post: #9
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 08-29-2012, 08:51 PM
Parent: #8
Quote: وبعدين بسيب الغلاااااااات ... والله صحي
عايزك تحجز لي أي دومين بأي اسم كما يلي
www.Domainname.sa
وأنا بدفع حقو كااااااش داون ........ والله صحي |
البشاري يا أخوي اضغط هنا وأمشي خطوة خطوة ...
هذا مع العلم أنني لم أقم من قبل بحجز نطاق بهذا الامتداد ...
حتى إذا لم يتم قبوله إلاّ تكون السعودية عندها إجراءات خاصة بها ...
وإذا رجعت معاك لموضوع الامتدادات الحكومية في الغالب تكون هكذا www.xxxx.gov.sd
ادخل على أغلب المواقع الحكومية السودانية والسعودية ستجدها بهذا الامتداد
فيا حبيب أنسب نطاق (دومين) لحزب سوداني
هو www.xxxx.sd
ـــــــــــ
xxxx = اسم الموقع
والموقع بهذا الامتداد www.xxxx.sd يعني أن الموقع سوداني (يعني التخصيص هنا مناسب برضو للأحزاب كونها سودانية يا بُشاري)
ونهايتو معاك ونجيضتي معاك تستطيع حجز النطاق http://www.ldps.sd حوّل قروشو وأنا بشتريهو ليك ... المافي شنو ؟
|
Post: #11
Title: Re: موقع مرحباً إلى موقع الحزب الديمقراطي الليبرالي .. فتأمل
Author: الامين موسى البشاري
Date: 08-30-2012, 11:16 AM
Parent: #10
صبري طه
ان شاء الله ناس الحزب الديمقراطي الليبرالي يكونوا استفادوا من الكلام دا
أما الموضوع فقتلناهو بحث في التلفون
كثير من الدول تمنع تسمية الدومينات لكي تنتهي بامتداد البلد زي sd.
نعم هذه الدومينات موجودة في السودان ولكن نسيت org.
ودي ليها دلالة برضو في الاسم وكل جزء في URL ليهو دلالة معينة
شكراً للاشارة لهذا الموضوع الهام بالنسبة لتسمية الحزب
ونحن (أنا وانت) على استعداد لتقديم المشورة لهم في حال طلبوا ذلك
نحن ما مختلفين كتير أنا بتكلم عن الأسس والمعايير العالمية المتبعة في تسمية الدومينات
وأنت بتتكلم عن حالات استثنائية وكون بعض الدول تسمح بمثل هذه التسميات
هذا لا يشكل قاعدة تتبع يعني لما تشيل ليك لاحقة زي ديل
com. أو net. أو gov. أو org.
بتكون نقصت من دلالة ورمزية الاسم
..
..
___
معروف اصلو الهلالاب ما بتغالطوا ....... والله صحي
اها برشلونة عامل كيف مع المعط بتاع أمس دا
|
Post: #12
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 08-30-2012, 11:23 AM
Parent: #11
Quote: معروف اصلو الهلالاب ما بتغالطوا ....... والله صحي
اها برشلونة عامل كيف مع المعط بتاع أمس دا |
كلو منّك شغلتني بالغلاط من تقديم النُصح للاعبين !
|
Post: #13
Title: Re: موقع مرحباً إلى موقع الحزب الديمقراطي الليبرالي .. فتأمل
Author: Abdel Aati
Date: 09-02-2012, 07:22 PM
Parent: #12
سلام اخي العزيز صبري وكل المتداخلين وشكرا للإهتمام
طبعا الان لا يوجد ما يسمى بالحزب الليبرالي السوداني لانه حل نفسه واندمج مع تنظيمات اخرى مكونا الحزب الحالي الذي اسمه الحزب الديمقراطي الليبرالي
بالنسبة لغياب كلمة السودان من الموقع فهذه راجعة لغيابها من اسم الحزب وذلك على غرار احزاب سودانية كثيرة مثل حزب الامة القومي او الحزب الاتحادي الديمقراطي او مؤتمر البجة او حركة العدل والمساواة ؛ وغياب كلمة السوداني لا تعني نفي سودانيته فهذه من باب البديهيات ؛ ولعلك تجد حرف ال(s) في اسم الموقع مما يوضح لك ان الحزب يعمل في السودان
بالنسبة لنطاق (.sd) فهذه من خططنا ان نسجل في هذا النطاق ولكن ليس حاليا لاننا لا نثق بالجهة التي تتحكم في هذا النطاق حاليا ؛ وقصة عدم ثقتنا بها طويلة يمكن ان نحكيها يوما ما ..
موقع الحزب حاليا هو : http://ldps.org
أو : http://liberalsudan.info
|
Post: #14
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 09-02-2012, 08:01 PM
Parent: #13
لك التحية أخي عبدالعاطي ... وتُشكر على ردّك وتوضيحك ...
| Quote: طبعا الان لا يوجد ما يسمى بالحزب الليبرالي السوداني لانه حل نفسه واندمج مع تنظيمات اخرى مكونا الحزب الحالي الذي اسمه الحزب الديمقراطي الليبرالي |
فيما يخص تسمية الموقع من الأفضل إضافة السوداني للحزب الليبرالي ولكل الأحزاب السودانية ...
التخصيص مُفيد في تسهيل عملية الوصول للباحث ...
للتوضيح أكثر:-
نتيحة بحث نادي الهلال السوداني هنا
نتيجة بحث نادي الهلال السعودي هنا
نتيجة بحث نادي الهلال (فقط) هنا وفي هذه النتيجة يتضح طلبي بالتخصيص ...
ولك كل الود والتقدير ،،،
ـــــــــــــ
حركة العدل والمساواة هذا هو عنوان موقعهم في الصفحة الرئيسية Sudanjem.com | [email protected] فتأمل!
أمّا تسمية الموقع في البنر فهو حركة العدل والمساواة السودانية
بقية مواقع ناس عصاية قايمة وعصاية نايمة بإذن الله سأزورها فيما بعد
|
Post: #15
Title: Re: موقع مرحباً إلى موقع الحزب الديمقراطي الليبرالي .. فتأمل
Author: الامين موسى البشاري
Date: 09-02-2012, 08:26 PM
Parent: #14
| Quote: نتيجة بحث نادي الهلال (فقط) هنا وفي هذه النتيجة يتضح طلبي بالتخصيص ... |
ابو الهل حقكم دا لم يظهر في الصفحة الأولــى كلو كلو ... فتأمل!
نادي المريخ بالعربي نتيجة البحث هنا
وهنا البحث بالانجليزي تجدونه هنا
..
..
___
This means that Al-merreikh is one of the remarkable football club in the world
|
Post: #16
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 09-02-2012, 09:31 PM
Parent: #15
| Quote: This means that Al-merreikh is one of the remarkable football club in the world |
يا بُشاري إنت ما سمعت بأغنية "أم البنات إتلمّوا .. بقن يلدن عليك ويسمّو" هنا
أها دة الهلال الناس جارية تسمّي عليهو جوّة وبرّة ...
ثمّ ثانياً أحمدوا ربّكم إنّو مافي نادي كبير زي الهلال السعودي في السعودية سمّوا عليكم ...
كان في الحالة دي في محرّك البحث ذاتو ما حيلقوكم 
ـــــ
قال صفحة تانية قال ... غايتو جنس حقد (دفييييييييييين)
|
Post: #17
Title: Re: موقع مرحباً إلى موقع الحزب الديمقراطي الليبرالي .. فتأمل
Author: محمد البشرى الخضر
Date: 09-02-2012, 10:05 PM
Parent: #16
| Quote: طبعا الان لا يوجد ما يسمى بالحزب الليبرالي السوداني لانه حل نفسه واندمج مع تنظيمات اخرى |
سمح الغنا في خشم سيدو يا صبري
دا بالإضافة لأنو ما عندي حيل للغلاط زي زمان 
|
Post: #18
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 09-02-2012, 10:32 PM
Parent: #17
Quote: سمح الغنا في خشم سيدو يا صبري
دا بالإضافة لأنو ما عندي حيل للغلاط زي زمان |
ود البُشرى شكلك ما فهمتني أنا قاصد شنو ....
الكلام التحت دة كتبتو في المُشاركة الرئيسية:-
Quote: وحتى بعد سحب عبارة الترحيب إذا كان المقصود بهذا الحزب الحزب الموجود في السودان فيجب إضافة ذلك في العنوان بحيث يصبح الاسم هكذا:
الحزب الديمقراطي الليبرالي السوداني
وكتسهيل على الباحث واختصاراً للاسم أقترح أن يتم حذف كلمة الديمقراطي بحيث يصبح هكذا: الحزب الليبرالي السوداني |
كتسهيل على الباحث دي أشرحها ليك كيف ؟
ــــــــ
ياخي ببساطة كدة لو كُنت مصري وعايز تبحث عن الحزب الليبرالي السوداني حتكتب شنو في القوقل ؟
ثمّ وين أنا غالطتك وقلت ليك كلامك ما صاح ؟
|
Post: #19
Title: Re: موقع مرحباً إلى موقع الحزب الديمقراطي الليبرالي .. فتأمل
Author: محمد البشرى الخضر
Date: 09-02-2012, 10:39 PM
Parent: #18
صاح لسة ما غالطت لكن بتكنتك و جاهز للغلاط
|
Post: #20
Title: Re: موقع مرحباً إلى موقع الحزب الديمقراطي الليبرالي .. فتأمل
Author: صبري طه
Date: 09-02-2012, 10:45 PM
| Quote: صاح لسة ما غالطت لكن بتكنتك و جاهز للغلاط |
لا يا حبيب اليومين ديل مافي غُلاط مع الحصار الاقتصادي*
دي فُرصتك غالط ساي .. ما حأشتغل بيك ...
ــــــــــــ
* الكوتة
|
Post: #21
Title: Re: موقع مرحباً إلى موقع الحزب الديمقراطي الليبرالي .. فتأمل
Author: Abdel Aati
Date: 09-02-2012, 11:06 PM
Parent: #14
العزيز صبري لك التحية
| Quote: فيما يخص تسمية الموقع من الأفضل إضافة السوداني للحزب الليبرالي ولكل الأحزاب السودانية ... |
كلامك سليم وسنعمل على تنفيذه
لكن من قبل اعتقد كلمة السودان بالعربي والانجليزي الخ كانت في التاقس (tags) عشان كدا طوالي لو بحثت عن الحزب الديمقراطي الليبرالي (السوداني) تلقاهو بيحيلك لي موقع حزبنا طوالي
يعني ما شرط تكتب كلمة السودان في الاسم
|
Post: #22
Title: Re: موقع مرحباً إلى موقع الحزب الديمقراطي الليبرالي .. فتأمل
Author: آدم صيام
Date: 09-03-2012, 06:00 AM
Parent: #21
Quote:
Quote: This means that Al-merreikh is one of the remarkable football club in the world
يا بُشاري إنت ما سمعت بأغنية "أم البنات إتلمّوا .. بقن يلدن عليك ويسمّو" هنا
أها دة الهلال الناس جارية تسمّي عليهو جوّة وبرّة ...
ثمّ ثانياً أحمدوا ربّكم إنّو مافي نادي كبير زي الهلال السعودي في السعودية سمّوا عليكم ...
كان في الحالة دي في محرّك البحث ذاتو ما حيلقوكم
ـــــ
قال صفحة تانية قال ... غايتو جنس حقد (دفييييييييييين) |
تعلموا فوقي الدومنيكان (الدومينات) والبنابر (البنر) ولا الكنكان الالكتروني-!!!
شغلكم ده اسمو شنو يا صبري وود البشاري؟-
والله لو ما أخاف الكضب قصتكم دي حدثت قبل 14 قرن في تعليم الوضوء بين الحسن والحسين!
تسلمو عالم أخلاق ومدرسة والله
عليك الله يا صبري رش المريخابي اللحمــــر ده بلا هوادة!
|
|