ولد نافع علي نافع اخر ترفيه واولاد المغشوشين في جبهات القتال ( صورة )

ولد الحفار حفار

فولة وانقسمت نصين

دكتور فاروق ابو كساوي
سحرتوا عديييل

Quote: فولة وانقسمت نصين

الأخ صلاح جادات

حمداً لله على السلامة

يا أخي الزول دا من تحرير هجليج داك وأخد إجازة بدل زحف بقى ترطيب !!!

بحيراوي

يبدو لي والله اعلم ان هذه الصورة في شرم الشيخ خليج نعمة




هيييع اولاد المشروع الحضاري بتعلمو في الغطس في خليج نعمة

Dinzel Washington!
Jini

Quote: هيييع اولاد المشروع الحضاري بتعلمو في الغطس في خليج نعمة

و الله إن هذا هو السفه بعينه.


لعنة الله على من سرق قوت هؤلاء المساكين:

عشنا وشفنا ..

ولد نافع على نافع .... نرجو مدنا باسمه

الاخ محمد ياسين
الصورة النزلتها دي بجيبوها لزول بحس
وانت عارف الكيزان وعلاقتهم بالاحساس

Quote: طوالي يا صلاح تجيب لي ود الملوك ده صورة الطفل ده والمائدة الفخمة التي أمامه:

الاخ بهاء الدين سليمان
اسمو محمد نافع علي نافع

صلاح جادات.


قلت لي ولد نافع لابس شورت فوق الركبة كمان!
وبجلدو في بنات الناس المساكين لأنهم يلبسون البناطلين!

أيامكم يا كيزان أيامكم.


يا جماعة زول يصحي لينا ود الباوقة ووهابية المنبر.

يا جادات
شرم الشيخ دى هنا مكان وجودنا يعنى
طيب لم الزول دا يجى ويمشى يغطس فى البحر الاحمر ويرجع وانتا تعمل لينا وجع وش بالصور
يعنى مثلا نتف فى الصور يعنى ؟؟؟ ولا نعمل هاند اب لى للصور ؟؟
المفروض تدينا خط سير الرحلة دى من الاول علشان نمشى نسلم على الجنا دا فى شرم البطيخ دى ياخ
وناخد منو حق التانى البياكل فى صفق الشجر ونغطس معاهو فى البحر وما نمرق الاثنين ابدا
لازم يمرق واحد فينا بس
ولا كــــــــــيف ؟؟؟
خارج النص :
الجنا دا بيتفسح بى قروش منو ؟؟ الاب ولا من املاك الام (مامتو كما يقال )

قاسم المهداوى

أُقسم بالله العظيم نافع دا كان جاري في الحلفايا،
وساكن بالإيجار.
الآ لعنة الله علي الظالمين.
تفوووووووووووووو، قرف يقرفكم
يا منحطين يا حُثالة المجتمع...

Quote: فولة وانقسمت نصين

د. فاروق أبو كساوي

قول انشاء الله يكون فأله أحسن من فأل أبوه

على الأقل العداء لا يورث ... إن كان والده قد استحق العداء

يا جادات أولاد المغشوشين منو فيهم

في مغشوش أكتر من نافع

Quote: فولة وانقسمت نصين

( بزغو بزغه ! )
هى لله يا جماعه ...
ناس فى شرم الشياح ...
و ناس فى بيوت الأشباح ...
..........
كل عام و أنتم بخير صلاح جادات ...
ما إجو ( الجماعه إياهم ) و إقولوا ليك
دى صورة شبيه ( ود نافع ) !!!

Quote: أُقسم بالله العظيم نافع دا كان جاري في الحلفايا، وساكن بالإيجار.

ّّّّّّّّّّّّّّّّّّّّّّّّّّ!!!!!!!!!!!!!!!!!!!!

الاخ البحيراوي سلام
هجليج مشي ليها بعد انتهاء الربة مشي مرافق للوزيرة
وعلاء الدين طلعوا لينا مجاهد في الصفوف الامامية
( هل انتهي الجهاد خلاص ؟ )


الاخ محمد ابراهيم
الصورة النزلتها ظبطت البوست صاح


الاخ جني
ده اسم المكان ؟

الاخ عمار يس
هو في اسفه من الكيزان


الاخت امنة مختار
لسع حاتشوفي اكتر واكتر طالما هم حاكمين


الاخ دينق
ناس ود الباوقة والوهابيين في جنس الحالات دي بلبدو
لو بقت علي اللبس هينة ديل عندهم كل المحرمات حلال
بس محرمة فقط علي اعداءهم

الاخ قاسم المهداوي
التفاصيل في مثل هذه الامور بتضر اكثر مما تنفع

الاخ معاوية المدير
الزول الله فتحا عليهو
المهم انو نسي حق الجار وده من حسن حظكم
الله يريد لكم خيرا

المسافر
المغشوشين هم الذين سمحوا لاولادهم بالذهاب الي جبهات القتال


الاخ عبد الماجد سلام
وكل عام وانت بخير
تعرف جماعتهم الفي بورد نفسهم لهم كثير من رحلات الترفيه العجيبة
وسوف يأتي اليوم الذي سوف تتسرب فيه صورهم

سلامات يا جادات يا بطل

جنى

الاخ الناظر هباني سلام
ولك التحية
وشكرا للاضافة

صاحب البوست سلام
ووللتوضيح لا أعني هنا التدخل في رسم خارطة طريق لأحد
هو رأي , ومن الظلم لي أن يظل حبيس الصدر طالما الأمر أمر وطن
والقصد هنـا بوضوح بأني لا أعرف كيف يمكنني أن أكتب فيما يخص العنوان " والعناوين التي تشبهه " وبالتالي فانني أقرأ سطورأ توصل الفكرة وأهرب :)
السيد نافع حسب قول الراوي بسودانيز ، كان مسكين وعامل فيها رايح وخواف أيام الجامعة
وكان من مكتبوا ما بطلع
وده كان جزء من الدور المفترض يجي يلعبوا الليلة
شغالين يجهزوا في الراجل بهدوء وهو ملتزم تماماً بخطة طريقه
التزام حزبي صارم
أها وصل ،
بس لقى نفسو من الدنيا دي ما مرق بحاجة
مظلوم يا عيني شايل هم رغبة الحزب الرباهو وملتزم بعقيدتو
بس انتبه بعد ما اشتعل راسو شيبا
اها البلد بالفيها بقت حقتم
قلَع منظم ، بعد ترتيب وشغل منظم .
بس كمان ما قالو " البلد بلدنا " !! قولاً صريحا ، هم أكثر ترتيب .
لكن الفيها شالو ولموهو عليهم غصباً عن عين " أجعص جعيص "
...
مش حرام كمان يضيعوا أولادو ؟ ليه ؟
من حق البلد الحمتو شبابو ووعدتو بالتعويض أن تيسر أمرهم قليلاً ويشوفوا الما شافو أبوهم الهمو كان هم البلد !! " مش على كبفم ؟ من السألم منو الفرعنكم ؟ " !!!!

؟؟!!
أدونا راس خيت يقول بأنو في شغل ماشي لقدام وحيصنع جيل يؤمن بالوطن لأجل عيونو ويربي أبنائة كتربيته لأبناء الوطن " ،
" وستتم محاسبة كل من تسول له نفسه اللعب بمقدرات الوطن " ،
ليس هتاف بل عقيدة يؤمن بها من سيأتينا بنهاية راس الخيت الما موجوده بدايتو حتى الآن .
أو !! ، ما مشكلة .
خلو أولادكم يسو الدايرنو !! " الناس الحا يدونا راس خيت مختلف "
عشان خاطر فخركم بالبلد وانجازاتكم الواضحة للعيان بعد أن شبع أهل السودان حرية وطماطم وريحة فريون بارد واصوات ساكسفون يتوقف عازفيها عن العزف لأنهم تعبوا وليس لأن الساعة حداشر جات
وصلوات تؤدي لله دون هتاف ومسيرات وأقمشة دمورية كانت تكفي لكسوة مدرسة ما ، في مكان ما بأطراف الوطن البقى دلقان .
الساعة ديكـ مسامحين أولادكم
ياكلو زي ما عايزين


....
متأسف للإطالة بس ارتحت ياخي

الاخ جني
دي صورتو قبل ما يسمن ؟

الاخ عمران سلام
ولك التحية
في بداية الانقاذ وفي ندوة قال مدير برنامج مكافحة الايدز
الشعب السوداني كان وين عندما كنا نحن في سجون نميري
( وكانما لسان حاله يقول استعدوا للانتقام )
وبالفعل منذ ذلك الحين بدأ الانتقام من الشعب السوداني بشتي الوسائل

Quote: صاحب البوست سلام ووللتوضيح لا أعني هنا التدخل في رسم خارطة طريق لأحد هو رأي , ومن الظلم لي أن يظل حبيس الصدر طالما الأمر أمر وطن والقصد هنـا بوضوح بأني لا أعرف كيف يمكنني أن أكتب فيما يخص العنوان " والعناوين التي تشبهه " وبالتالي فانني أقرأ سطورأ توصل الفكرة وأهرب :) السيد نافع حسب قول الراوي بسودانيز ، كان مسكين وعامل فيها رايح وخواف أيام الجامعة وكان من مكتبوا ما بطلع وده كان جزء من الدور المفترض يجي يلعبوا الليلة شغالين يجهزوا في الراجل بهدوء وهو ملتزم تماماً بخطة طريقه التزام حزبي صارم أها وصل ، بس لقى نفسو من الدنيا دي ما مرق بحاجة مظلوم يا عيني شايل هم رغبة الحزب الرباهو وملتزم بعقيدتو بس انتبه بعد ما اشتعل راسو شيبا اها البلد بالفيها بقت حقتم قلَع منظم ، بعد ترتيب وشغل منظم . بس كمان ما قالو " البلد بلدنا " !! قولاً صريحا ، هم أكثر ترتيب . لكن الفيها شالو ولموهو عليهم غصباً عن عين " أجعص جعيص " ... مش حرام كمان يضيعوا أولادو ؟ ليه ؟ من حق البلد الحمتو شبابو ووعدتو بالتعويض أن تيسر أمرهم قليلاً ويشوفوا الما شافو أبوهم الهمو كان هم البلد !! " مش على كبفم ؟ من السألم منو الفرعنكم ؟ " !!!! ؟؟!! أدونا راس خيت يقول بأنو في شغل ماشي لقدام وحيصنع جيل يؤمن بالوطن لأجل عيونو ويربي أبنائة كتربيته لأبناء الوطن " ، " وستتم محاسبة كل من تسول له نفسه اللعب بمقدرات الوطن " ، ليس هتاف بل عقيدة يؤمن بها من سيأتينا بنهاية راس الخيت الما موجوده بدايتو حتى الآن . أو !! ، ما مشكلة . خلو أولادكم يسو الدايرنو !! " الناس الحا يدونا راس خيت مختلف " عشان خاطر فخركم بالبلد وانجازاتكم الواضحة للعيان بعد أن شبع أهل السودان حرية وطماطم وريحة فريون بارد واصوات ساكسفون يتوقف عازفيها عن العزف لأنهم تعبوا وليس لأن الساعة حداشر جات وصلوات تؤدي لله دون هتاف ومسيرات وأقمشة دمورية كانت تكفي لكسوة مدرسة ما ، في مكان ما بأطراف الوطن البقى دلقان . الساعة ديكـ مسامحين أولادكم ياكلو زي ما عايزين .... متأسف للإطالة بس ارتحت ياخي