ضربة البدايه

بسم الله الرحمن الرحيم
شكرًا السيد بكري لإرسال العضويه لهذا الصرح الكبير لي
وبعد
أعلم ان بمرور الوقت ستعرفون عنى ولكن لذاك الحين اقول
أنا واحد منكم ...... خرجت من بينكم ..... عشت في طاهر تراب أرضكم .....من النيل شربت ( السودانيه) حتى الثماله ......و ما ارتويت أبدا .....
ثم كان الخروج بعد ضيق الحال
لذلك
لم ات هنا باحثا عن شهره ولا عن مقارعه .....ولا ادعي المعرفة ......كما لا اتصنع الجهل و. لا اقول أني ملك....ولا (مقددا) لا لون سياسي لي ولكن حبي للوطن ....غير أني آري ان القوات المسلحة صنعت للدفاع عن الدوله لا أداه لنشر الحرب والدمار. .....وان الحكومه ان لم يحميها الحق فلن ينفعها جهاز امن وأخيرا ان السلطة للشعب
لم ات متحرفا لقتال ولا متحيزا لفئه. ..........أتيت لادندن بفخر (أنا سوداني أنا)......
أتيت لأساهم معكم في إثبات عبر الأسفير ان السوداني مازال رغم تغير الأحوال ( سوداني) يعتز بقيم ورثها منذ القدم
هي باقيه فينا الي الأبد
أتيت لان اكون بينكم اشارككم .......هموم ...أفراح ........ أحزان..........واجد عندكم ملاذي في كل
أعاهد كم........
ان أوقر كبير كم ....... احترم صغير كم ......
اثمن آراءكم ........
اعاهدكم ان لا اشجع المريخ حتي ولو لعب ضد الشىطان (

فلنتعاون معا لنعيد للسودان مجده وللنيل صفاه بعد ان تضرج بلفرقه وتدثر بالدمار

مرحب بيك يا محمد حسن وان شاء الله يطيب ليك المقام

تصدق بعد قريت كلامك دا قربت افتح بوست اعلن عن جمع تبرعات لحق التذاكر ومصاريف نثرية تكفيك الاقامة لمدة عام في السودان لحين استقرار وضعك وعملك . البتتكلم عنه وفاقده دا الا في السودان هنا ما بتلقي
بكرة باذن الله بنشوفك في نص المعمعة والتحرف للقتال والتحيز للفئات والانضمام لشلة منبرية تقاسمك الاهتمامات

Quote: بسم الله الرحمن الرحيم شكرًا السيد بكري لإرسال العضويه لهذا الصرح الكبير لي وبعد أعلم ان بمرور الوقت ستعرفون عنى ولكن لذاك الحين اقول أنا واحد منكم ...... خرجت من بينكم ..... عشت في طاهر تراب أرضكم .....من النيل شربت ( السودانيه) حتى الثماله ......و ما ارتويت أبدا ..... ثم كان الخروج بعد ضيق الحال لذلك لم ات هنا باحثا عن شهره ولا عن مقارعه .....ولا ادعي المعرفة ......كما لا اتصنع الجهل و. لا اقول أني ملك....ولا (مقددا) لا لون سياسي لي ولكن حبي للوطن ....غير أني آري ان القوات المسلحة صنعت للدفاع عن الدوله لا أداه لنشر الحرب والدمار. .....وان الحكومه ان لم يحميها الحق فلن ينفعها جهاز امن وأخيرا ان السلطة للشعب لم ات متحرفا لقتال ولا متحيزا لفئه. ..........أتيت لادندن بفخر (أنا سوداني أنا)...... أتيت لأساهم معكم في إثبات عبر الأسفير ان السوداني مازال رغم تغير الأحوال ( سوداني) يعتز بقيم ورثها منذ القدم هي باقيه فينا الي الأبد أتيت لان اكون بينكم اشارككم .......هموم ...أفراح ........ أحزان..........واجد عندكم ملاذي في كل أعاهد كم........ ان أوقر كبير كم ....... احترم صغير كم ...... اثمن آراءكم ........ اعاهدكم ان لا اشجع المريخ حتي ولو لعب ضد الشىطان ( فلنتعاون معا لنعيد للسودان مجده وللنيل صفاه بعد ان تضرج بلفرقه وتدثر بالدمار

لاشئ يُقال ..
ليتنا جميعا هكذا

احمد يا موسى
أعجبتك كلماتي لانها (طالعه) منك وأظنك انت اكثر من ما قلت ولكن الشيطان غلب
شكرًا اخي وكل أمنياتي ان يمتد حبل التواصل ويكفي في المنافي ان نكون وسط أهلنا وان طنوا علينا

شكرًا ياساسي
شفت ما قلت ليكم السودان بخير .......
اهو اساسي سوداني 100٪ طوالي في ألشهامه وجمع التبرع. ........
شكرًا اخي لكونك اول الناس بالرد والمبادرة وصدقني قريت ليك كتير وعارف عن قلمك بعض الشئ وأعجبتني فيك مواقف
شكرا

محمد حسن مرحب بيك حبابك فى قبيلة سودانيز ،، كلمات قوية بدأت بها مسيرتك هنا

ولكن

من نصف مقالك سيصنفك بعض الناس هنا فإستعد لهم

ماهر

الف مرحب اخ محمد حسن
وضربة بداية مشجعة
وزي ما قالو اهلنا الجواب يكفيك عنوانو

نحن امام شخص وطني غيور
وجوده اضافة حقيقة
مرحب بيك وبقلمك الذي اعجبنا
ولم نتعرف على البعض بعد

مرحبتين محمد مكان ما تقبل واينما تشوت

Quote: غير أني آري ان القوات المسلحة صنعت للدفاع عن الدوله لا أداه لنشر الحرب والدمار. .....وان الحكومه ان لم يحميها الحق فلن ينفعها جهاز امن وأخيرا ان السلطة للشعب

ضربة بدايتك (فاول)
نعم قواتنا الباسلة وجدت لتدافع عن الدولة ولكسر شوكة من باعوا وطنيتهم بدراهم معدودة
وحكومتنا من الشعب والى الشعب والحق يحتاج لجهاز يحميه
تحياتي
والدار دارك

الاخ الشفيع
مالك علي ياخوي من البدايه رايتك مرفوعة
أوعدك بالمواصله في ذاك المنحي ..........بس خليني اشكرك في الاول علي ترحيبك وعلي كرمك بقبولي في وسطكم..........
لي رجوع لمكان الفاول ومعك السجال سىطول بكل ود واحترام

الاخ الشامي
كلمات ترحيبك أثلجت صدري واتمنى ان اكون عند حسن الظن
اما التعريف سياتى لاحقا ولكن من كتاباتكم أنا أعرفكم و تأكد أنا واحد من ملايين همهم السودان وفكرهم (السودانيه السمحة) والتي أصر علي انها موجوده فينا كلنا بس راجيه تطلع
اقدر لك اخي كلماتك الرقيقة وانا فخور بها

الاخ ماهر
جزيل شكري لترحيبك الحار وأقول ليك نعم اصبحنا هكذا نجري وراء التصنيف
لكن كما أسلفت حين يسمعون لي سيعرفون
مره اخري شكرًا لك واعلم ان لأجل أمثالك جئت وتأكدت أني وسط اخيار

Quote: أتيت لان اكون بينكم اشارككم .......هموم ...أفراح ........ أحزان..........واجد عندكم ملاذي في كل أعاهد كم........ ان أوقر كبير كم ....... احترم صغير كم ...... اثمن آراءكم ........

أحلف على الكلام ده :)

Quote: اعاهدكم ان لا اشجع المريخ حتي ولو لعب ضد الشىطان (

كان كدة شيل شيلتك مع فايز ود القاضي :)



____________________

حبابك يا محمد حسن.. جيداً جيت

الاخ عمده
أحلف على الكلام ده :)
والله العظيم
اما ناس مريخ فلا تلمني في ما لا املك
وشكرا علي ترحيبك ولك مني كل الود

اعاهدكم ان لا اشجع المريخ حتي ولو لعب ضد الشىطان

.
غايتو الفيك اتعرفت ..والجواب باين من عنوانو ..أطالب بكري بحذف البوست وطرد هذا العضو فورا..



--------------------------------------------------------------------

يازول ألف مرحبا ..ولينا كلام معاك لي قدام

الاخ د. الصادق
وجدت ان الشئ الوحيد الذي يحق لنا ان نختلف فيه هو ذاك الانتماء الاعمي ......اما نخاصم هذا لشيوعيته او نقاتل ذاك لجنوبيته او.......واللسته طويله
فلا والف لا .....ولكن ارجوك سحب طلبك بسحب البورد فانا قد تراجعت من تعهدى بناء على رغبه جماهير المريخ (السبعة )
شكرًا على ترحيبك الحار يا عزيز

العزيز ود حسن أدم

كنافرشنا السٍكة ورود....
لو كلمتنا متين الجية....
يا الهليت فرحتا قلوبنا....

نصيحة من أخوك الصغير والبوردابى القديم...
لا تجامل فى قضية الوطن ولو منحوك الذهب......
تلك أشياء لا تُشترى.....

والله لو تعليق الشفيع لما دخلت فى المقرر....
أتمنى لك حياة يوردابية سعيدة.....

أسامه يا حبيب
الوطن ضاع لانه اصبح قضيه
الوطن صار ضحيه النهم للسلطة (ما تقرأها بفتح السين)
خلينا منه ودايرين نرجع (سودانيتنا ) لمحلها.
تذكر لمن أسامه طالب في فصول التقويه الصيفي ....... في سنار
المهم ماعايزين ذي ما قلت نخش في المقرر وما عايز أجيب سيرت الوطن عشان عارفك كيف غيور عليه ودي الجايب ليك البلاوى
غنيه جميله وانت جميل والشفيع الجابك لي جميل .........
تحياتي للأسرة وربنا يجعل كل أيامك ( محنه ومسره)