يا ناس السودان شبكات التلفون مشكلتها شنو

بحاول اكلم الناس في السودان كله مجهود ضايع ورصيد ضايع
لا ناس الخرطوم ولا ناس الجزيرة ولا أي حتة كلهم شبكة تعبانة المكالمة بعد محاولات حتى تجي وبعد ما تجي تسمع كلمة والباقي كلو يروح
زمان كانت شبكة زين كعبة لكن شبكة سوداني احسن نوعا ما،،،، هسي زين ازدادت كعوبية وسوداني خستكت .. وكذلك موبايلي

الحاصل شنو يا جماعة الموضوع دا مزعج شديد

سلام يا نادر

وموش كد وبس بمجرد ما الجرس يرن الخصم بكون شغال

انا من يوم العيد بطلت أتصل السودان

يا حاج كل سنة وانت طيب
مشكلة حساب الرصيد من أول رنة دي كمان حاجة تانية
والغريبة انو ناس زين ديل معطونا معطة السنين بدعاياتهم الكتيرة ديل بدون أي تحسين على أرض الواقع

سلامات

غايتو يا نادر نحن سوداني من السعودية تمام معانا لانو زين لمن تتقدم في المكالمة بتسجلا وتعيدا ليك ومرات بيخصمو رصيد قبل الكلام

تحياتي،

الأخ/نادر ورواد البوست
كل عام وأنتم بخير



مشكلتها إنها (عائرة وأدوها سوط)

مافي جهة حكومية يمكن التظلم لديها ضد هذا العبث الذي تقوم به شركات الإتصالات خاصة زين السودان التي لدي معها إشكال لازال قائماً وسأعود لكم بتفاصيله قريباً

المشكلة يا ابو بكر سوداني كانت كويسة لكن الايام الاخيرة دي حتى هي بقت تعبانة

في انتظار عودتك يا ابو عبيدة
لكن بالجد الموضوع مقلق والله عندي زول لي تلاتة يوم عايز اتفاهم معاه في حاجة لحد هسي ما قدرنا نكمل الاتفاق بسبب الشبكة