اها بكرة نمشي الوقفة الاحتجاجية يقولوا شيوعيين !!!

عندي صاحبي في الايام الفاتت دي ركب معاي العربية كم مرة !!

وفي كل مرة بلقي شريط عقد الجلاد شغال !!

وكان واضح انو القصة دي ما واقعة ليهو !! لكن ما داير يعلق !!

اها امبارح لمن ركب معاي وخلاص زهج من الحكاية دي قال لي بي زهج كده

أنت ياعمر عثمان بقيت شيوعي وال شنو حكاية عقد الجلاد الطوااااالي دي هههههههه

كمخرج ليك افوضك عشان تمشي نيابة عني ...
تفويض اوبشن ..

انا لو ما جابو لي تصديق مختوم من الجهات المختصة

ما ماشي

ولازم اخد صورة اختها في جيبي وصورة في البيت

انا لو ما جابو لي تصديق مختوم من الجهات المختصة

ما ماشي

ولازم اخد صورة اختها في جيبي وصورة في البيت

انا لو ما جابو لي تصديق مختوم من الجهات المختصة

ما ماشي

ولازم اخد صورة اختها في جيبي وصورة في البيت

.....................................


انتو ياصلاح غريبة كمان تفلقوا وتداو !!!

تحجبوا سودانيز وتمشوا الوقفة الاحتجاجية هههههههههه

كمخرج ليك افوضك عشان تمشي نيابة عني ...
تفويض اوبشن ..

...........................

ههههههههههههه ......

اسه دخلت ودالقاضي ده كمان يصنفونا حركات اجنبية مسلحة

اخير الشيوعية ههههههههههههه

ثقافة التنميط في السودان ...

لو بتحب عقد الجلاد انت شيوعي !!!

او بتسمع مصطفي سيداحمد انت شيوعي !!!

لو بعجبك شعر حميد انت شيوعي !!!

لو بتبرم شعرك انت شيوعي !!!

لو بتلف الكتاب بي جريدة انت شيوعي !!!

لو بتقفل بلوفة الموية انت شيوعي ههههههههههههه

لو ماشي الوقفة الاحتجاجية انت اكيد شيوعي ههههههه

سيكون لك عظيم الشرف بأن توصف بهذا الوصف .. يا جنابو.

سيكون لك عظيم الشرف بأن توصف بهذا الوصف .. يا جنابو.

>>>>>>>>>>>>>>>>>>>>>>>>>>>>

هلا ياعاطف .....

بالتأكيد يشرفني اى تنظيم سوداني وطني والشيوعية لاهي تهمة ولاهي جريمة

لكني افخر بحقيقة انتمائي لحزبي الاتحادي الديمقراطي سألين الله ان يصلح حاله

Quote: لكني افخر بحقيقة انتمائي لحزبي الاتحادي الديمقراطي سألين الله ان يصلح حاله

وأنا سليل الأسرة الإتحادية يهمني ذلك ... علي الأقل لكي أُعبر لوالدى المرحوم بإذن الله ولم أتلقي العزاء فيه حتي الآن كم كُنت ولا أزال أحبه

ولكن أين الحزب الإتحادى الذى سرقه (مولانا) ولا يزال الشباب النير أمثال جنابو عُمر يتمنون إصلاح حاله عبر نفس ال(مولانا)؟

Quote: ولكن أين الحزب الإتحادى الذى سرقه (مولانا) ولا يزال الشباب النير أمثال جنابو عُمر يتمنون إصلاح حاله عبر نفس ال(مولانا)؟

وفرقه شنو من الحزب الشيوعي الذي لولا المنية عاجلت الراحل نقد الذي بقي علي رأس الحزب الشيوعي اربعون عاما لكان ما يزال علي رأس الحزب
ما تقول لي مؤتمر وانتخابات , عمر البشير زاتو منتخب لو سالته حيقول ليك ماسكها انتخابات

يااساسي ياخي الراجل بجامل في اخونا عمر لمن قال ليهو (سيكون لك عظيم الشرف بأن توصف بهذا الوصف .. يا جنابو )
وعمر رد عليهو ( بالتأكيد يشرفني اى تنظيم سوداني وطني والشيوعية لاهي تهمة ولاهي جريمة لكني افخر بحقيقة انتمائي لحزبي الاتحادي الديمقراطي ) فالحقه بمجاملة اخرى (وأنا سليل الأسرة الإتحادية ) ويمكن عمر يقول ليهو وانا جواى شيوعي ختمي.. فما تاخد الموضوع جد ..

يمشوا يجاملوا بعض في الفيسبوك علي كدا

هسي ياجنابو لو اديك تفويض مني زي حق ود القاضي ده تبقي عليك اتنين


شيعة وشيوعية وحلايب مصرية

يا وليد التلب عليك الله انت جادي في قصة شيعي دي ؟

Quote: يا وليد التلب عليك الله انت جادي في قصة شيعي دي ؟

كيف ماجادي يعني !

والله قايلك بتكاوي في الجماعة ساكت , وللامانة ما قريت تلك البوستات لكن لمحت شيئا عن شيعيتك هنا وهناك

استغربت ساكت والله ما قايل في زول بكامل وعيه واختياره ببقي شيعي

تحياتي ياعمر وعيدكم سعيد
(متأخرة شوية كنا معاكم نسبح في مياه فيضانات وسيول وأمطار الخرطوم وطين ووحل وخبوب الجزيرة)
لكن وصيتي لكم بحكم السن وكده وبحكم غضب وكره وبغض الجماعة ديل للشيوعين أنت تلزم (عربيتك وتسمع الصحوة أو آل البيت وممكن قيقم للحماسة وكده) يأخي أخشى أن أحدهم يقوم يتجلى ويربط الفيضانات والسيول والأمطار وخراب البيوت الحصل ده بالشيوعية ...
لا تحتج لا تقيف لا تقعد .. شوف ليك وضع يناسب المشروع الحضاري الجديد ..
تحياتي
الشفيع إبراهيم

هسه انت ياالتلب مالقيت غير الشيعية تتلب عليها من كل الاديان السماوية من يهودية ومسيحية واسلام ؟!!

Quote: استغربت ساكت والله ما قايل في زول بكامل وعيه واختياره ببقي شيعي

تعرف شنو عن الشيعة يااساسي يجعلك تستغرب هذا الاستغراب ؟
ام هو استغراب عما تجهل فقط .

Quote: هسه انت ياالتلب مالقيت غير الشيعية تتلب عليها من كل الاديان السماوية من يهودية ومسيحية واسلام ؟!!

الشيعة مذهب اسلامي يافايز وليست دين سماوي !!

Quote: تعرف شنو عن الشيعة يااساسي يجعلك تستغرب هذا الاستغراب ؟

وليد التلب نصيحتي ليك أساسي ده اتخارج منه بأقل خسائر

Quote: الشيعة مذهب اسلامي يافايز وليست دين سماوي !!

يعني معانا جوه ؟!!
طيب ليه محمدالمسلمي مطلعكم بره ؟!!

Quote: وليد التلب نصيحتي ليك أساسي ده اتخارج منه بأقل خسائر

ده كلام نقولو لزول ماعندو حديدة ياعمك

Quote: يعني معانا جوه ؟!! طيب ليه محمدالمسلمي مطلعكم بره ؟!!

هو المسلمي المسكو الباب منو ؟ عشان يدخل ويمرق

يافايز ليس علي المسلمي حرج .

Quote: سألين الله ان يصلح حاله

جبت المفيد ياسعادتك..

ما تبقا عليك دي يا ود عثمان

زمان أيام انقلاب هاشم العطا

البوليس قبض ليك الشباب الشيوعية ..

اها اذن اذان صلاة الظهر

قام واحد من الشباب قال للامابشة طلعني من الحراصة داير اتوضى واصلي

قام الامباشة باقتو ليك بكف وقال ليو عرفت الله هسي ... هههههههههههههه

ده شنو ياجماعة الواحد يغيب ساعة يجي يلقي البوست انحرف هههههههههه

على العموم التحية والتقدير لكل المتداخلين ....

بجيكم راجع ....

Quote: بجيكم راجع ....

ماشي تصور المناشير ؟!!

Quote: ماشي تصور المناشير ؟!!

ماتورط الراجل يافايز ياخي

جنابو ده ببقي بعد شوية جبـــانــو

ماشي تصور المناشير ؟!!


>>>>>>>>>>>>>>>>>>

لالا صوره صلاح غريبة (شفت الهواء ده كيف) ههههههه

Quote: تعرف شنو عن الشيعة يااساسي يجعلك تستغرب هذا الاستغراب ؟ ام هو استغراب عما تجهل فقط .

قرأت بأكثر مما تتوقع عنها و"من مصادرها" وسمعت باكثر مما تظن ومن "افواه شيوخها " يا ود التلب
كما قرأت "كثير" المساجلات بين هذا وذاك وبذهن مفتوح بدون رواسب مسبقة
وحكمت عقلي دون تعصب وما خلصت اليه كتبته لك في المداخلة الاولي
وعموما اومن بان اي شخص بقدراته الذهنية التي وهبها له الله يختار الطريق الذي يناسبه
لذا اتي استغرابي امام خيارك في اني اضعك في خانة الذين يملكون فكرا ثاقبا وفطرة سليمة تجنبهم شبهات كثيرة و ثغرات كبيرة يستلهمها صاحب العقل العادي
وادعوا الله لي ولك ان يلهمنا رشدنا ويعذنا من شر انفسنا

Quote: لالا صوره صلاح غريبة (شفت الهواء ده كيف) ههههههه

علي حسب بوستات صلاح غريبة مفروض صورته دي معلقة كخلفية لمسرح صالة اسبارك سيتي او ايا كان اسمها

لا تحتج لا تقيف لا تقعد .. شوف ليك وضع يناسب المشروع الحضاري الجديد ..
تحياتي
الشفيع إبراهيم

>>>>>>>>>>>>>>>>>>

دي نجيضة شديد ياشفيع هههههههه

بعدين الحكومة دي عندها قوة رأس تحير اقول ليك حاجة

لو عاوزين يرفعوا الحظر بعد الوقفة دي بمدوهو شهر تاني ههههههههه

هسي ياجنابو لو اديك تفويض مني زي حق ود القاضي ده تبقي عليك اتنين


شيعة وشيوعية وحلايب مصرية

>>>>>>>>>>>>>>>>>>>>

ياوليد يااااخ دي كان ناس الأمن خلوك ناس المنبر ما بخلوك هههههه

شايف بوستات الشيعة والشيوعية اقل من خمسة صفحات ما بتنتهي هههههه

اساسي

Quote: قرأت بأكثر مما تتوقع عنها و"من مصادرها" وسمعت باكثر مما تظن ومن "افواه شيوخها " يا ود التلب

جعلك الله ممن يسمعون القول فيتبعون احسنه ، الم تجد في مصادر الشيعة مايزيل تعجبك وحيرة نفسك

Quote: كما قرأت "كثير" المساجلات بين هذا وذاك وبذهن مفتوح بدون رواسب مسبقة وحكمت عقلي دون تعصب وما خلصت اليه كتبته لك في المداخلة الاولي

كان هذا نتيجة تحكيم عقلك وهي نتيجة ملزمة لك ونحترمها نحن ولكنها لاتلزمنا
فقد دخلت الي عالم التشيع كما تقول من مصادره وخرجت منه مستغربا كما دخلت اليه .

Quote: وعموما اومن بان اي شخص بقدراته الذهنية التي وهبها له الله يختار الطريق الذي يناسبه

وانا ااؤمن معك علي هذه الفرضية التي توصلت اليها ، فالعقل اصلا هو مناط التكليف البشري وهو مايفرق البشر عن غيرهم من مخلوقات الله تعالي .

Quote: لذا اتي استغرابي امام خيارك في اني اضعك في خانة الذين يملكون فكرا ثاقبا وفطرة سليمة تجنبهم شبهات كثيرة و ثغرات كبيرة يستلهمها صاحب العقل العادي

هنا احيد عن طريقك قليلا حتي لا نتطابق
فعقلك الذي استغرب وحار به الدليل امام خيار عقلي هو ما دفعك لكتابة مداخلتك الاولي وافتراض شطوط عقلي عن الخيار السليم
وكما اسلفت لست بتابع انا لحيرة عقلك في تمييز الخيارات التي يتخذها الاخرون . وهذا لا ينفي ان عقلك كان محقا في وضعي في خانة الذين يملكون فكرا ثاقبا وفطرة سليمة
ولولا اختلاف الفهوم وسعة استيعاب العقول لما كانت الجنة درجات والنار درجات .

Quote: وادعوا الله لي ولك ان يلهمنا رشدنا ويعذنا من شر انفسنا

آمين ياسماني آمين تلك هي الغاية

تحياتي

Quote: اها بكرة نمشي الوقفة الاحتجاجية يقولوا شيوعيين !!!

ولو ما مشيت نقول عليك كوز!


لكن عندي ليك الحل:
الحل يا سعادتك إنك ما تمشي
لكن تجيب لينا تقرير طبي بتاريخ وساعة الوقفة الاحتجاجية، على شرط يكون من رويال كير
اذروايز لوزان ما تحلك مننا

ولو ما مشيت نقول عليك كوز!


لكن عندي ليك الحل:
الحل يا سعادتك إنك ما تمشي
لكن تجيب لينا تقرير طبي بتاريخ وساعة الوقفة الاحتجاجية، على شرط يكون من رويال كير
اذروايز لوزان ما تحلك مننا

>>>>>>>>>>>>>>>>>>>>>>>>

هههههههههه حلوة يااشرف ......

ولو جبت التقرير تقولوا (رمادي) ههههههههه