Post: #1 Title: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-27-2012, 02:25 AM
منذ رجوع أبوي للسودان بعد ما قضى معاى قرابة السنه في الولايات المتحده الحاج قلب علي السودان
الكهربه تقطع اكورك
أحضر الزباله فى الاكياس عربية الزباله ماتجى والغنم والاكلاب انكتو الوساخه الهيجه او قول مافى قروش ليهم
اجيب العيش غضبان لأنو كل يوم بصغروا مقاسو
بتاع اللبن اغب كم يوم عشان المطره ولا اللبن اقطع عشان البهايم غارزات أوووك البيت كل في غضب الله الغنم يأكل الجنينه الحله كلها تقيف
اجيب الحجار للرادي بتاعو البقعد اتونس بيه في الشارع ألقى الحجار ضاربه اشاكل بتاع الدكان وأقول لي ناس البيت تانى ماتشترو منو ده حرامي
التراب اقوم والعراقي والتوب البتقته بيه أبقوا لونم بني شكله اليوم داك كل لانو دائر ابلهم في الصابون القي المويه قاطعه من الصباح
المطره تصب اوتخفف التراب والسخانه المويه تتلمه قدام البيت الحاج ادور ردم الشباب افتحو الباب عشان انادوه للاكل اقول ليهم أمشو ماداير كيف ناكل فى العفن ده
اقول اقعد في الجامع افرق اقفلوا الجامع بعد الصلاة
داير انوم بدري ازعاج واللفزيون اوضيوف من غير مواعيد
الحاج قلب عديل أوقال ما بقعد ولا يوم فى السودان
Post: #2 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: Elmosley Date: 08-27-2012, 03:22 AM Parent: #1
محاسن ازييك الايام دي موجه تكفير وعلى والدك المحترم ان يختار بين جنة الغرب ونار بعض الائمة الذين قالوا بان من يحوز الجنسية الامريكية فهو كفر تحياتي لكما
Post: #3 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-27-2012, 06:39 PM Parent: #2
أستازنا الموصلى كيف حالك واحوالك وكل سنه انت والاسره بخير واضح أنو أبوى أختار لانو الحال فى السودان اصبح فى أسوأ الاحوال فيكفى ما وصل اليه أبوى
Post: #4 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: أبو ساندرا Date: 08-27-2012, 06:51 PM Parent: #3
جيبي ابوك عندك وانا كمان
Post: #5 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-27-2012, 07:14 PM Parent: #4
عارف يا أبو ساندرا والله أبو الايام دى عندو حاله نفسيه قال ما بقعد ولا يوم وانا هسع جاده اجيبوا طالما دى رغبتو اه ابوى كجن السودان اوعه تكون كجنته قطر أو كان كدى بنلقى ليك مخرج اديتنا درس الصديق فى حالة الضيق
Post: #6 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: Elmosley Date: 08-27-2012, 11:44 PM Parent: #3
عاده الناس الكبار يامحاسن بيابو القعده في اميركا لكن لما يقرروا انو السودان مامحتمل بكون الامر وصل الى حد بعيد كل الود وانتي والاسره بخير
Post: #7 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: Mannan Date: 08-28-2012, 00:10 AM Parent: #6
الاستاذة محاسن سلام بوست جميل السيد الوالد يعنى بقى من "جماعة التفكير فى الهجرة" وعاوز يخلى البلد ل"جماعة التكفير والهجرة" ويهج غرب!! بس يقول ليهم إنو يحيحتفظ بالجنسية السودانية عشان ما يكفروه الجماعة وما يقول إنو كفر بالسودان (بلد المشروع الحضارى) عشان ما يعتبروه مرتد... يهج غرب والف مرحب بيهو فى الوطن الآمن...
منان
Post: #8 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: وضاحة Date: 08-28-2012, 00:28 AM Parent: #7
غلطانة انتى يا محاسن مالك جبتيهوا من السودان خربتى طبعوا كان مقتنع فى امان الله ومتعايش مع الواقع
جبتى امريكا للحضارة وريتيه كيف الانسان محترم وعندوا قيمة فى بلاد الكفار
وكيف الكفار امينين وما بكذبوا و بحترموا شغلن والزمن عندوا قيمة
انتى بالغتى معه
Post: #9 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: تبارك شيخ الدين جبريل Date: 08-28-2012, 01:06 AM Parent: #8
جيبيهو نحن زاتنا دايرينو هنا وعندنا ليهو برامج ترفيهية لعشرة سنوات جاية ...
(بس ما يلم فيهو "محمد سعيد" في السودان!)
... المهم ....
Post: #10 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: Rawia Date: 08-28-2012, 05:57 AM Parent: #9
سلامات يامحاسن
ربنا يديهو الصحة والعافية جيبيهو راجع جيبيهو راجع لي بلد تلتين ميزانية وزارة الصحة بتنصرف على كبار السن وحتى مشكلة القعدة في البيت في ليها حلول كتيرة وربنا يساعدك في خدمتهم ورعايتهم يارب
Post: #11 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: Mohd Ibrahim Date: 08-28-2012, 06:55 AM Parent: #10
الغريبة يامحاسن ابو زوجتي العكس تماما ..شرد من بتو في ماسيتيوشيس ابا يفعد نهائي..رجع السودان شغال حملة مضادة لامريكا..دي بلد دي... كوباية الشاي فيها بخمسة دولار..واكتر حاجة مزهجاهو عشان تضرب تلفون تدخل خمسماية رقم,,,تمشي الدكتور لبطنك يرجعك لدكتور قلب ..وهكذا.... اتمنينا يقعد شوية مافي اي فايدة....
Post: #12 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-29-2012, 02:57 AM Parent: #11
أستاذنا العذيذ منان تعرف أبوى شكلو كده مكفرنو مكفرنو لانو جد جد المعاه كملت من الحال الفى السودان أو جايباه جايباه طالما دى رغبتو كل سنه انت والاسره بخير
Post: #13 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-29-2012, 03:05 AM Parent: #12
وضاحه الحبيبه كيفك فعلا سويته في نفسي براي والنقله بى صراحه كانت كبيره وهو زول فنان واكتر حاجه عجبتو اهتمام الأمريكان بالزول الكبير اومافي زول شغال بالتاني وكل ما نطلع معاه او هو طبعا الجلابيه والعمه والعكاز باقى عليهم عشره اجو اسلمو عليه واصوروا معاه
Post: #14 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-29-2012, 03:13 AM Parent: #13
الصديق التشكيكي نبارك أزيك اومختفي وين للا عاد كان لميت فيه انته عديل تانى مابرجع او محمد سعيد الحبيب سجل زياره لى أبو قبل ايام
Post: #15 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-29-2012, 03:32 AM Parent: #11
راويه ألف سلام مشكوره حبيبه
و تسلمي وتسلم لينا حبيبة الكل خالتي علويه ويكفي العنايه والاهتمام القدموه لى خالتى علويه لقت العافيه في البلد دى سلمى لى عليها لقاية ما اديها طله وأكيد اول اجازه حاجيب ابوى معاى
الاستاذ Mohd Ibrahim
الظاهر أنتو الحاج قفلتوه فى البيت عشان كده زهج نحنا كنا بتطلع أبوي كتير وأي برنامج كبير علي مستوي واشنطن كان حاضرو اى ندوه ولا امسيه ثقافيه كان فى نصها او تلفون شنو ده كان بتكلم بالاسكايبى
Post: #16 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: موسى أحمد مروح Date: 08-29-2012, 04:11 AM Parent: #1
فنان قلِق ما بحب الخمج والخرمجة! التحية لكِ ولهُ.
Post: #17 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: المسافر Date: 08-29-2012, 05:36 AM Parent: #16
جيبي ابوك عندك وانا كمان
**************
وانا كمان
مع خيار نقل الملكية
Post: #18 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-29-2012, 11:59 AM Parent: #17
الاخ الصديق مروح كل سنه وانت طيب أكيد الفنان فى حالة انتفاضه مستمره عاشق للجمال ده ابوى أو طبعا أ بوى كان أول الحاضرين لامسية تشين كتابك اوكان دئما اسالنى مافى برنامج الاسبوع ده والله زول جميل ربنا اديه الصحه والعافيه
أبوى والفرده الحبيبه الوالده
Post: #19 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-29-2012, 03:43 PM Parent: #18
المسافر كيف حالك واضح من اسمك عاشق للسفر والترحال اه ياخوي انته كجنته ياتو بلد خلاص نجيبك اقلاه تونس ابوي وبالمناسبه انته بس تسمع أبوي وناس حاحكي ليك من سنة 1942 وبعدين شايفه ابو ساندرا لقي ليه منافس خطير
Post: #20 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: معاوية الأرباب Date: 08-29-2012, 06:08 PM Parent: #19
متع الله والدك بالصحة والعافية
أنقذي الوالد من إنقاذ الإنقاذ , وياريت بذائقته الفنية المرهفة لو كتب إنطباعاتو ومعاناتو في السودان ,
وأظن بكدا يكون استحق لقب أكبر مناضل كيبوردي .
Post: #21 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-30-2012, 01:13 AM Parent: #20
ألاستاذ معاوية الأرباب تسلم كتير لا أسكت ساكت ده عندوا حكاوى تشيب الراس بس خليه لمن اجى او بى رواقه نطلع العندو كل بس هسع زى ماقلته ننقزوا اول حاجه او نمرقوا من الدبرسه الدخل فيها دى واكيد حاستحق اللقب
Post: #22 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-30-2012, 01:49 AM Parent: #21
تسجيل صغير للحبيب الوالد طبعا هو يعشق العزف على الكمان والعود لكن ما غناى بس بدندن
Post: #23 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: سلمى الشيخ سلامة Date: 08-30-2012, 02:09 AM Parent: #22
جيبيهو لى انا دى ببقى ليك ممرضة طبعا اخدت شهادة فى الشغل مع الناس الكبار وحاتك ينساك انتى زاتك مشتاقين كتيريا حبيبة وقاطعتينا مال عدوك ؟ واوعك تجيبى ولا زول معاهو ما تسمعى كلام بركوتة دا نهائى بجيب ليك الهوا والمطرة والاعاصير من فلوريدا
Post: #24 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: خالد العبيد Date: 08-30-2012, 02:24 AM Parent: #21
سلام يا محاسن كلو منك انتي تجيبي بلاد الكفار وتفكيهو عكس الهوا للكيزان رجعي ابوك ويكون احسن لو جبتي اختي وصديقتي انتصار
----- الكافر خالد العبيد
Post: #25 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: المسافر Date: 08-30-2012, 03:42 AM Parent: #24
امسح هذا التوقيع يا خالد
Post: #26 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: المسافر Date: 08-30-2012, 04:02 AM Parent: #25
Quote:
واوعك تجيبى ولا زول معاهو ما تسمعى كلام بركوتة دا نهائى بجيب ليك الهوا والمطرة والاعاصير من فلوريدا
يا سلمى ممكن بركوتة عشان كهربتو من السدود وايرلس تتأثر مع القطبية
أما أنا من ذوي الكهرباء الساكنة غير ما تعمل جارج للدفايس وتفصل اوتمتايكيا لا هواء ولا أعاصير
يلا خليك واسطة خير
Post: #27 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: معاوية الأرباب Date: 08-30-2012, 08:13 AM Parent: #26
Quote: جيبيهو لى انا دى ببقى ليك ممرضة طبعا اخدت شهادة فى الشغل مع الناس الكبار وحاتك ينساك انتى زاتك
سلمى يا سلامة , تهاجري وتعودي بالسلامة
والله شهيتيني في الشيخوخة,, ممكن أحجز عندك من هسة ؟؟
Post: #28 Title: Re: أبوي كجن السودان .... أوقال تانى ماقاعد ولا يوم ...الحل شنو؟ Author: محاسن أحمد محمد Date: 08-31-2012, 02:37 AM Parent: #27
يا سلمى الحبيبه ازيك مشتاقه ليك كتير والله أو زى ما بقولوا حبوباتنا لا جفى لا حفى بس دوامة واشنطن لكن حتسمعى صوتى قريب او يا سلمى شيخوخة شنو البتتكلمى عليها يختى كدى عاين لى الصوره دى واحكمى الحاج موتتطلع وعاشق للجمال يختى أخير تحجزى لى صديقنا معاوية الأرباب مضمون
أما أخونا المسافر واضح انو حالتو سأبه خلاص لى درجة دخلوك واسطه فلابد من اعادة النظر فى طلبو
خالد العبيد اخونا وصديق االطفوله الحاج جاى جاى لكن صاحبتك الحلبيه دى ما بتحب الغربه ويا خالد ما تدى فرصه للناس اكفروك واسمع كلام اخونا المسافر تحياتى لاسره
