بورداب الخرطوم وقندهار واللمة السوداينة برغم الاختلاف

بورداب الخرطوم واللمة السودانية برغم الاختلاف


قصدت عبر هذا البوست ان اسجل صوت شكر واعتزاز للاخوة البورداب وبالاخص الى بورداب الداخل فى موضوع اللقاءات التى تتم وقندهار مثالا لذلك وخاصة وانى وربماء كثير من مرتادى البورد فى الايام الاخيرة لاحظ موضوع الدعوة الى قندهار او سوق الناقة , من اجل التعارف واللقاء وبين الاخوة الذين جمع بينهم كيبورد ليس اكثر فى حوش بكرى الكبير ولكن بطبيعة الحال كسودانين دوما نسعى الى الابعد وهى محمدة لله عزوجل , ولكن اكثر ما شدنى ان الاخوة نادر ومحمد عادل دار بينهم سجال على الملاء بينا فى البورد وحلائف وغيرها ولكن تجمع الاثنين مع وكانت جلسة عامرة بين جميع الاخوة ومن كان يتابع الامر يعتقد بان الامور بين الاثنين لن يصلح فيما بينهم ما افسدة الدهر ولكن الصور ومقاطع اليوتيوب تكذب ما ذهب الية خيال الجميع بان اللقاء لن يتم بسب المشاحنات المسبقة وربنا يدويم المعروف بين الناس ومن بعض المقاطع الى ريتها فى الصور ومقاطع الفديو استقبال محمد عادل لود الباوفة الذى لم اداخلة فى اى بوست من قبل ولكن احترم واقدر لة سعة قلبة واحب كيعاتة وركزاتة وان اختلفنا فى السياسية ولكن والله متابع لة واحيى فية مواقفة , الى جنابو عمر واحتضانة الى ود الصايم فى استقبال ضيوفهم واليكم جميعا اخوتى فى البورد من لبيتم دعوة اللقاء فيما بينكم وتحية خاصة لمبتدعى فكرة اللقاء وخاصة بانكم قد رفعتم درجة الشوق فى نفسى الى اخوة واخوات كثر لم تشاء لى الظروف لقاهم الى من خلف هذا الكيبورد اليكم جميعا ارسل كل اشواقى الى لقائكم . لكم جميعا اقول

ثمار الأرض تجنى كل موسم .. لكن ثمار الصداقة تجنى كل لحظة

عيد مبارك والتحية لكي ولبورداب الخرطوم
وهكذا هي أخلاق السودانيين

ناصر ، تحيه مباركه
ده حال السودانيين وطريقتهم في شتي المجالات حتي في السياسه
مختلفين في العلن ، ولكن اصحاب ونسايب
الدليل علي كلامي ، ستجد معظم وزراء الانقاذ موجودين في الحكومات المستقبليه
مثلما يعمل وزراء نميري الي الان وما منع بقيه ربعهم الا الموت.
ياهو ده السودان

التحيه لجميع بورداب الخرطوم

الاخوان ود المسلمى و محمدهاشم
لكم التحية والتقدير وصباحكم مبارك
كل مرة بسال نفسى عن الاخلاق الجملية دى وربناء يديم المعروف بين الناس
وبقول لى نحنا الاخلاق دى ما تطور الى عمل حقيقى فى معالجة امورنا السياسية مثلا
والبشوف الناس تتخاصم هنا فى المنبر تقول بعد شوية بجيك واحد ناطى قدامك فى الشاشة
الله يدى العافية بس