إلى (بورداب الرياض) مع أجمل تحية معتادة

استعصت على المعايش في الرياض
بعد أن فقدت وظيفتي في الرياض منذ ما يقارب العام
بسبب السعودة وتغيير مجلس الإدارة الذي تعاقدت معه سابقاً
كان رأي مجلس الادارة أن يتم تخفيض رواتب العاملين الأجانب
وحينما تمت مفاوضتي في ذلك رفضت وتمسكت بشروط عقدي القديم
فاضطررت لترك وظيفتي واتجهت للبحث عن وظيفة جديدة
توفقت أخيراً في الحصول على الوظيفة التي ترضيني وتناسب مؤهلاتي
والآن استعد لمغادرة الرياض الى نجــران لبداية حياة جديدة
بعد أن تعاقدت مع المعهد السعودي الأمريكي بنجــران
..
..



___
يتبع

نبذه قصيرة عن المعهد السعودي الأمريكي بنجران

Quote: المعهد السعودي الأمريكي معهد متخصص في تدريس اللغة الانجليزية والحاسب الآلي دورات الحاسب الآلي - الرخصة الدولية لقيادة الحاسب الآل ودبلوم الشبكات والبرمجة World / Saudi Arabia / Najran / Najran , 9 km from center (نجران) Coordinates: 17°32'2"N 44°12'30"E

Quote: يعتبر المعهد السعودي الأمريكي بمنطقة نجران معهد متخصص بامكانيات ضخمة وكوادر محترفة في مجال الحاسب الآلي واللغة الانجليزية وقد تم تجهيز المعامل به باحدث ما توصلت اليه التكنولوجيا في مجال التعليم الالكتروني والبيئة التفاعلية بين الطلاب والمدربين - حيث تم استخدام معامل دي تي اس في مجال تدريب الطلاب والشبكات التفاعلية اضافة الى تقنيات الملتيميديا الحديثة مواصفات المعامل • يعمل بطاقة تصل إلى 128 طالب. • يدعم الاختبارات Self- study function. • يحتوي على قاعدة بيانات للتحكم في قوائم الطلاب والاختبارات وعمل تقارير الاختبارات. • يستطيع المعلم عمل مراقبة Monitoring teacher وذلك بمراقبة اختبارات الطلاب self study ، كذلك مراقبة المناقشة والحوار بين الطلاب مباشرة في ذات الوقت. • يحتوي المعمل على USB flash disk لتسجيل وحفظ محاضرة المدرس بشكل كامل بفورمات digital wave files. ويستطيع المعلم والطالب من إتمام عملية الحفظ. • يستطيع المعلم عمل grouping وذلك بتقسيم الطلاب إلى عدة مجموعات وتخصيص مادة معينة لكل مجموعة . • جميع العمليات تتم بشكل مريح وسهل في استخدام الأوامر من خلال العمل على الأيقونات أو الأزرار. • المعمل يدعم النظام الرقمي بشكل كامل Digital transmission. • يدعم توصيل الانترنت بالكامل لجميع الطلاب والمدرس. • يحتوي المعمل على شبكة قوية تدعم بروتوكول TCP/IP وتستخدم في عملية نقل الملفات من المعلم للطلاب. • عملية البث Broadcasting يستطيع المعلم بث الصورة والصوت معاً من جميع مصادر بث المادة العلمية إلى مجموعات من الطلاب أو إلى جميع الطلاب ، ويستطيع الطالب الاستقبال مباشرة من خلال شاشات مدمجة في وحدة الطلاب Student unit ، كذلك يستطيع المعلم نقل الملفات Push files إلى الطلاب على شاشاتهم مباشرة • بشكل احترافي يدعم جميع مصادر بث المادة العلمية الصادرة من: • ( DVD player-Projector, Laptop, Video camera, Visual Presenter, Cassette recorder, Notebook). • يستطيع الطالب عمل استدعاء (مناداة) للمعلم function call كلما احتاج إلى ذلك.

المصدر هنا

لم يكن اتخاذ القرار سهلاً بالانتقال من الرياض الى نجران
لقد اتصلوا بي قبل حوالي خمسة أشهر ولكن لبعض الظروف
العائلية الخاصة التي صاحبت ولادة أبني محمد
ولشح المعلومات عن مدينة نجران عندي
كل هذا ساهم في عدم اتخاذي للقرار في ذلك الحين
قبل عيد الفطر المبارك بخمسة أيام تفاجأت بتجديد دعوتهم لي للانضمام اليهم
فاشترطت أن احضر الى نجران بنفسي للوقوف على الاوضاع
فما كان منهم الا الاستجابة لطلبي وسافرت الى نجران
في ثاني ايام العيد ووقفت على الامر على الطبيعة وبعد الاستخارة والاستشارة
قررت الرحيل الى نجران للعمل معهم
ما اصعب أن تغترب في الاغتراب يا احلى بورداب
..
..


__
يتبع

سأغادر خلال 10 - 15 يوماً من تاريخه الى نجران
سأغادر وأنا احمل لكم فيض من الذكريات واللحظات الجميلة
التي قضيتها بينكم ذكريات ستظل محفورة في جدران ذاكرتي ما بقيت حيّاً
سأغادر وأنا أكن لكم كل الحب والتقدير والاحترام
لأن هذا هو ما وجدته فيكم طيلة فترة بقائي في الرياض
فكونوا كما أتمنى لكم دائماً أن تكونوا
اسرة واحدة متحدة متعاضدة في السراء والضراء

تأبى الرياح اذا اجتمعن تكسرا *** واذا افترقن تكسرت آحادا

قبل أن أنســى لا بد أن اشكر

الأخ علي محمد علي بشير
الأخ فضل (طبيب أسنان)
الأخ معاوية عبيد
الأخ الرشاشة جمال السنوسي

لتجاوبهم معي في هذا البوست هل يوجد بورداب في نجران؟!
فقد كان لهم الفضل بعد الله سبحانه وتعالى في اكتمال الصورة في ذهني
عن مدينة نجران وذلك للمعلومات القيمة جداً التي وفروها لي
..
..



___
بالمناسبة البوردابي علي محمد علي بشير من بورداب نجران
وحنعمل افطاراتنا وجلساتنا زي الترتيب
زي بورداب المغرب الخمسة بالضبط ...... والله صحي
المسخوت طارق جبريل دا أحسن مننا في شنو يعني؟
نعمل حاجاتنا والباقي نتموا ليكم موية زي طارق

Quote: بالمناسبة البوردابي علي محمد علي بشير من بورداب نجران وحنعمل افطاراتنا وجلساتنا زي الترتيب

لقيت ليكـ زول فحل هناكـ
تحياتي أخي على بنجران الجميلة
وربنا يكتب الفيهو الخير يا بشاري
مع أطيب الأمنيات بالتوفيق

Quote: لقيت ليكـ زول فحل هناكـ تحياتي أخي على بنجران الجميلة وربنا يكتب الفيهو الخير يا بشاري مع أطيب الأمنيات بالتوفيق

تسلم يا عمران يا حبيب
غايتو العزاء إنو الرسائل ما ح تنقطع
خصوصاً ايام مباريات هلال مريخ
ربنا يجمعنا في ساعة خير وفي بلدنا وهي تنعم النماء والرخاء

كن بخير

بالتوفيق يا ود البشاري ربنا يبارك لك فيها ويرزقك خيرها و يجنبك شرورها

بمناسبة الغربة داخل الغربة اول ما جيت الإمارات حصلت على عرضين واحد في الشارقة وآخر في الفجيرة
الوالدة لما كلمتها قالت لي اخد الشارقة لأنو الفجيرة بعيدة فضحكت وسألتها بعيدة من وين يعني ؟ من الخرطوم ؟ ماهو كلو غربة وبعد
و اخترت الفجيرة و الحمدلله كانت موفقة ولقيت فيها مجموعة سودانين جميلين ابدا ما حسيت بالغربة وسطهم بعد فترة اتنقلت الشارقة و عرفت الغربة الجد جد حينها
بالتوفيق يا معلم وحيثما كتب لك الرزق فهي دارك

Quote: بالتوفيق يا ود البشاري ربنا يبارك لك فيها ويرزقك خيرها و يجنبك شرورها

يا ســـلام يا ود البشـــرى ياخ
هذا بالضبط ما احتاجه وهي الدعوات في هذه الرحلة
طبيعة الانسان أنه دائماً يهاب التغيير لتعودنا على المألوف
وخوفنا من المجهـــول...........
عارف يا حبيب بعد أن تركت وظيفتي السابقة قررت أن أعود الى السودان
لانهاء رحلة الاغتراب هذه
كنت أظن أن هذا القرار سيجد الدعم والمساندة ومع أنني شاورت أكثر من 100 شخص
القليل جدا منهم وافقني في قرار العودة والغالبية قالت لي: يا زول أنت مجنون
سودان شنو البترجع ليهو لدرجة أخوي ود البوش فتح لي بوست هنا بهذا المضمون
شفته وصلنا لوين يا عمكـ؟
زول عايز يرجع بلدو والجميع يحذره من العودة اليها

تحياتي يا حبيب

بالتوفيق يا حبيب ...

الرجل الجميل ... رافقتك السلامة إينما حللت ...
تمنياتنا لك بالتوفيق والسداد يارب ..

.
كثيف أحترامي وتقديري

Quote: الرجل الجميل ... رافقتك السلامة إينما حللت ... تمنياتنا لك بالتوفيق والسداد يارب ..

وانت طيب يا معتز

Quote: بالتوفيق يا حبيب ...

تسلم يا صبري العريس
التواصل مستمر يا حبيب إن شاء الله
وربنا يلمك مع الغائبين ياخ

اخوي اللمين
"مقاومة التغيير" وباء كارثي يصيب الكل، بالرغم من ان التغيير قد ياتي بالخير الوفير
ربنا وفقك لهزيمته

انت زول كويس يا اللمين
وانا متاكد انو ربنا ح يوفقك وما ح يخذلك
ثابر واجتهد واستعين بالدعاء والاستغفار

الامين البشاري

لا معرفة لصيقة لي بك غير ما تكتب هنا والشاهد أنك تحمل نفسا طيبة وحروف لينة وحسن أخلاق وعدم الركون الي اليأس ومراجعة النفس حين الخطأ وهذا الاخير لعمري هو تصالح النفس الخيرة .


بالتوفيق أينما حللت .

البشاري

كل عام وأنت بخير والأسرة

بلا شك سنفتقدك وتفتقدك لماتنا
ولكن هدف الغربة يبقى هو الأهم، ولا نملك إلا أن نقول لك : وفقك الله وسدد خطاك وردّ غربتك سالما غانما

دمتم

بالتوفيق يا صاحبي

الأخ الباشمهندس الأمين
كل عام وأنتم بخير



حفظكم الله حلاً وترحالاً وموفق إن شاء الله


* زرت نجران لمدة أسبوع أعجبني جوها الشبيه بالسودان وناسها الحنان

هكذا الدنيا تفرق لتجمع وتجمع لتفرق..
موفق يا أبو محمد في كل خطواتك وأينما حللت..
وحتماً سنفقدك.. وندعو لك بالتوفيق والاستقرار..

موفق اينما حللت يارب
كلها غربه كلها واحد

امين بشاري يا حبيب
ياخي ربنا يكتب في خطوة بركة ويوفقك
بس بعدت النجعة آآبوي
يلا السنة الجاية نشوفكم في لستة كوستاوي ان وعلى محمد علي وافطار بورداب نجران

سلام يا باشمهندس

سقى الله المحرب وآل المحرب الغاديات فقد كان أول من جمعنا, ولا بد أن نبارك لك الوظيفة الجديدة ونتمنى لك التوفيق والسداد فيها

مع التحية وافرة

أحمد الشايقي

الله يوفقك ويكتب ليك في كل خطوة تخطوها النجاح والسداد،
وددت أن أقول في حقك كلمات طيبة، وهي صدى لكلمات وآراءك التي تخطها في هذا الموقع
فوجدت الأخوة كتبوا ما كنت أود قوله وزيادة ... والله صحيّ
تحياتي

Quote: لا معرفة لصيقة لي بك غير ما تكتب هنا والشاهد أنك تحمل نفسا طيبة وحروف لينة وحسن أخلاق وعدم الركون الي اليأس ومراجعة النفس حين الخطأ وهذا الاخير لعمري هو تصالح النفس الخيرة .

فضل الصادق تسلم ياخ على الكلمات المضيئة في حقي
وآمل أن اكون دوماً عند حسن ظنك


_____

Quote: بلا شك سنفتقدك وتفتقدك لماتنا ولكن هدف الغربة يبقى هو الأهم، ولا نملك إلا أن نقول لك : وفقك الله وسدد خطاك وردّ غربتك سالما غانما

تسلم يا ريس ومبروووووك زواج ابننا مرتضى


_______

Quote: بالتوفيق يا صاحبي

محمد علي شقدي تسلم يا صديق
وربنا يوفق الجميع

______

Quote: حفظكم الله حلاً وترحالاً وموفق إن شاء الله * زرت نجران لمدة أسبوع أعجبني جوها الشبيه بالسودان وناسها الحنان

تسلم يا ابو عبيده يا صفوة
فعلاً نجران جوها جميل ويشبه جو السودان كتير
تبين لي هذا من خلال زيارتي القصيرة لها
ويا ريت تكرر الزيارة لينا هناك

____

Quote: هكذا الدنيا تفرق لتجمع وتجمع لتفرق.. موفق يا أبو محمد في كل خطواتك وأينما حللت.. وحتماً سنفقدك.. وندعو لك بالتوفيق والاستقرار..

نعم يا أيمن وآمل أن لا تضن علينا باللقاء مرة أخرى
شكراً يا ملك

____

Quote: موفق اينما حللت يارب كلها غربه كلها واحد

نعم يا محمد هاشم ابو زيد كلها غربه
وإن كان وجود الاصحاب يخفف وقع الغربة

___

Quote: امين بشاري يا حبيب ياخي ربنا يكتب في خطوة بركة ويوفقك بس بعدت النجعة آآبوي يلا السنة الجاية نشوفكم في لستة كوستاوي ان وعلى محمد علي وافطار بورداب نجران

تسلم يا هندسه ياخ
انتظرونا في الاعياد والمناسبات الكبيرة ياخ

رغم حداثة عهدي بتجمع بورداب الرياض ـ ولكني أجزم بأن تجمع بورداب الرياض سيفقد رجل وقامة ورمز من رموزه الكبار

الأمين موسى البشاري فقد كبير لنا ـ ولكنها سنة هذه الغربة اللعينة ـ التي أبت إلا أن تتضاعف أحزاننا بفراق الأحبة ـ

وطالما كلنا على باب رزق لا يسعنا إلا نقول له يا أبو محمد ربنا يوفقك ـ ونثق أنك ستكون خير ممثل لنا في هذا المحفل المرموق وسط نخبة من الخبراء والأستاتذة من مختلف الجنسيات

رافقتك السلامة يا حبيب

ولي مناشدة يا أبو محمد ـ أحيانا تقتضي ظروف بعض الشركات والمؤسسات نقل موظفيها من وقت لأخر ـ رجاء وحتى لو أنندمجت حتى الثمالة في مجتمع جالية نجران أن تعود لنا متى ما سنحت لك الفرصة

Quote: اخوي اللمين "مقاومة التغيير" وباء كارثي يصيب الكل، بالرغم من ان التغيير قد ياتي بالخير الوفير ربنا وفقك لهزيمته

الشفيع يا حبيب ربنا يقدم الفيهو الخير
شكراً لحسن الظن والنصائح

كل سنة و انت طيب يا قريبى و مبروك الوظيفة الجديدة
امنياتنا لك بالتوفيق و السداد فى مشوارك الجديد
ودمت بالف خير انت والاسرة الكريمة

ايمنوف

على قولة ود جبريل وووووا ضيقى
ماشى تنجر شنو فى نجران

غايتوا الله ادبك وداك بلد طيروا بدوى








يا زول تعال نكفلك

ود موسى البشاري ( موش ولد التاجر اللي عندنا في حلفا الجديدة)

كل سنة وأنت طيب ومن معك .

ضربت ليك في الرقم المسجل في ذلك البوست لكي أساعدكم ولكن لم أجد الرد ، جاك إتصال من رقم ثابت بدايتو 419 .

موفق إن شاء الله .

Quote: سلام يا باشمهندس سقى الله المحرب وآل المحرب الغاديات فقد كان أول من جمعنا, ولا بد أن نبارك لك الوظيفة الجديدة ونتمنى لك التوفيق والسداد فيها

احمد الشايقي

وعليكم السلام يا حبيب
آل المحرب ركيزة أساسية في بورداب الرياض
ويعلم الله خوتنا ليهم لله في لله
لا زالت ذكريات ذلك اللقاء الأول حاضرة
تشكر على الدعوات

دم بخير

_____

Quote: الله يوفقك ويكتب ليك في كل خطوة تخطوها النجاح والسداد، وددت أن أقول في حقك كلمات طيبة، وهي صدى لكلمات وآراءك التي تخطها في هذا الموقع فوجدت الأخوة كتبوا ما كنت أود قوله وزيادة ... والله صحيّ تحياتي

شكراً يا نادر

كلماتك الطيبة في حقي ستظل قلادة اتوشحها


_____

Quote: كل سنة و انت طيب يا قريبى و مبروك الوظيفة الجديدة امنياتنا لك بالتوفيق و السداد فى مشوارك الجديد ودمت بالف خير انت والاسرة الكريمة

ابن عمي احمد العمار

الله يبارك فيك وفي عمرك يا حبيب
والرحول عز العرب كما يقولون
وعشان خلاص سايرين من بلدكم دي
____

Quote: ايمنوف على قولة ود جبريل وووووا ضيقى ماشى تنجر شنو فى نجران غايتوا الله ادبك وداك بلد طيروا بدوى

وضاحتنا الضيق حاصل وطعم الفراق مر جدا
والله صحي
ماشي انجر حياة جديدة ومع اصحاب جداد
ليزداد رصيدنا من المعرفة

Quote: يا زول تعال نكفلك

آآآآآآآآي بالله شوفي لينا طريقة كفالة
وانا مستعد أجي طوالي إن شاء الله طـــرد

كوني بخير

اللمين البشاري
ربي يسهل عليك شقيش ما تقبل
وكودو يا هو كود كان في الرياض او في نجران
بس ما عندهم فول وكوارع غبيرة
تاني درماس شوقك ليه
والصقرية الا تشوفها في اليوتيوب
هههههههههههههه
هناك التخزينة والنومة

حبيبنا البشاري ..

ونحن كذلك نحمل لك من الود أطنان ..
ألتقيناك في دروب الخير وكنته نعم الأخ الصديق ..

رافقتك السلامة ياصديقي ..

تحياتي،
أخوك/ الأرباب

البشارى ازيك ياخى
قبل تمشى ماتشاورهم كان اديناهم حمزاوى
و ود الصايم وحميدة ويخلوك قبلك ما برضو؟
اها ومنى حميل خفيف هوادة صلاح غريبة
والله صحى....
كان مارضو عديله عليك وين ما قبلت ،،،

ان شاء الله في كل خطوة سلامة ودايما موفق وماشي لي قدام.

Quote: ود موسى البشاري ( موش ولد التاجر اللي عندنا في حلفا الجديدة) كل سنة وأنت طيب ومن معك .

ولياب

تحياتي يا زول يا نيل
الموضوع تشابه في الأسماء فقط
ولو كان العبد لله ابن موسى البشاري تاجر العطور الذي بحلفا الجديدة
كان هســـي اخوك قااااعد في السودان وبلف بين الحسان ويدور
والله صحي
يا ولياب يشـــرفني ويسعدني سماع صوتك يا ملك
رقم الجوال في البروفايل

كن بخير

Quote: ولي مناشدة يا أبو محمد ـ أحيانا تقتضي ظروف بعض الشركات والمؤسسات نقل موظفيها من وقت لأخر ـ رجاء وحتى لو أنندمجت حتى الثمالة في مجتمع جالية نجران أن تعود لنا متى ما سنحت لك الفرصة

اوعدك يا محمد علي البصير

بس خلينا نفك الساجور دا (ذو الكفل الحاقد دا)

تحياتي لك ولاسرتك يا حبيب

___

Quote: بس ما عندهم فول وكوارع غبيرة تاني درماس شوقك ليه والصقرية الا تشوفها في اليوتيوب هههههههههههههه هناك التخزينة والنومة

ما دا المجنن بوبي زااااتو يا د. محمد حسن
تحياتي وح نفتقدك نكاتك القوية ديك


___

Quote: ونحن كذلك نحمل لك من الود أطنان .. ألتقيناك في دروب الخير وكنته نعم الأخ الصديق .. رافقتك السلامة ياصديقي ..

الارباب خالد سعيد

لقد سعدت بمزاملتك في الكثير من المنابر السودانية
وكذلك سعدت بمعرفتك على الطبيعة
فكنت نعم الأخ ونعم الصديق

دم بخير


____

Quote: قبل تمشى ماتشاورهم كان اديناهم حمزاوى و ود الصايم وحميدة ويخلوك قبلك ما برضو؟ اها ومنى حميل خفيف هوادة صلاح غريبة والله صحى.... كان مارضو عديله عليك وين ما قبلت ،،،

الصديق صديق الموج

من ذكرتهم اخوة اعزاء ربنا يخليهم ليكم
وتكونوا دايماً تامين ولامين ياخ!


___

Quote: ان شاء الله في كل خطوة سلامة ودايما موفق وماشي لي قدام.

الفاضلة سناء الصباغ

تسلمي يا ستهم ومشكورة على الدعوات

كوني بخير

بوست حزين يا هندسه ....حقيقة سنفتقد فيك الرجل المهذب الخلوق صاحب الابتسامة الدائمة والشهامة التي لا تخفى على أحد ....


هل فعلاً ترحل يا خلي ....
الرجل الشهم الإنسان.....
البسمة ترحل عن شفتي
وتهز كياني الأحزان ....
والدمع سخين يكتبني ..
وتدك حصوني الأشجان ..
ولمن تتركنا ود موسى...
يا نجم السعد المزدان ..
فالتهنأ عيشاً حيث رحلت ...
وتجود عليك الأزمان ...
رزقاً مسكوباً منهمراً ...
رغداَ وحلالاُ هتان ...
و(محمد) ينمو بينكما ...
كحفيف الروض النديان ...
ورياض تبكيك دموعاً ...
وتزغرد حتماً نجران .....



مع خالص حبي الذ تعرف ،،،،،

http://www.youtube.com/watch?feature=player_d...ilpage&v=RT6JdaV8-HM

Quote: هل فعلاً ترحل يا خلي .... الرجل الشهم الإنسان..... البسمة ترحل عن شفتي وتهز كياني الأحزان .... والدمع سخين يكتبني .. وتدك حصوني الأشجان .. ولمن تتركنا ود موسى... يا نجم السعد المزدان .. فالتهنأ عيشاً حيث رحلت ... وتجود عليك الأزمان ... رزقاً مسكوباً منهمراً ... رغداَ وحلالاُ هتان ... و(محمد) ينمو بينكما ... كحفيف الروض النديان ... ورياض تبكيك دموعاً ... وتزغرد حتماً نجران .....

الصديق والشاعر المرهف ادريس

شكراً على كلمات الصادقة في حقي
صدقني يحز في نفسي الفراق
وأنا ابتعد عن الاحبة والاصدقاء في رياض الخير
ولكنني على الوعد ان يظل التواصل بيننا مستمراً
وأن يجمعنا بكم الوطن الكبير وهو يرفل بالنماء والرخاء والسخاء


كن بخير يا حبيب

بقدر ما سنفقد عنصر اساسي ومهم في بورداب الرياض

ستكسب نجران عضوا فاعلا ومتفاعلا في كل حدث

وفقك الله وسدد خطاك

وهذا من رزق الصغير يا ابو محمد

حبيبنا الامين البشاري
الطيب المعشر
سمح الخصال
الهاش الباش

امانه ما فقدنا راجل
لكن
لابد من لمه وداع قبل السفر
انشاء الله نحدده في اليومين الجايين

وانشاء الله ما اخر وداع
و دائما موفق

Quote: حبيبنا الامين البشاري الطيب المعشر سمح الخصال الهاش الباش امانه ما فقدنا راجل لكن

الصديق الصدوق طارق نقد

شكراً لكلماتك الطيبة يا ملك
ذات المشاعر ابادكم وكل الحب أكنه لكم
وستظل اشرعة الامل في لقاء جديد يجمعنا مفتوحة على الدوام

كن بخير

Quote: بقدر ما سنفقد عنصر اساسي ومهم في بورداب الرياض ستكسب نجران عضوا فاعلا ومتفاعلا في كل حدث وفقك الله وسدد خطاك وهذا من رزق الصغير يا ابو محمد

طارق ميرغني يا هندسة

سلامي وتحياتي،،،

التقينا على دروب الخير وسوف نفترق على حب الخير
قطعاً سأفتقدكم فرداً فرداً يا حبيب
العزاء أن الامل في اللقاء مرة أخرى سيكون موجوداً

دم بخير

يا طيب الروح
ربنا يوفقك وين ما كنتا ..
طالما المسألة فيها انتقالات وكدة فكر كمان في الانتقال من صفوف الأحمر ..
قبل مباراة أهلي شندي .

Quote: يا طيب الروح ربنا يوفقك وين ما كنتا ..

العزيز فتحي الصديق

بكم طابت لنا الايام في الرياض
لكم سأفتقدكم يا أحباب

شكراً يا جميل

نجراااااااااان
طوالي ذكرتني ليك نشرة الأحوال الجوية
شرورة، عرعر، .......


موفق يا زول
وربنا يكتب ليك أيام أجمل
ورزق أوفر


تحياتي واحترامي

Quote: موفق يا زول وربنا يكتب ليك أيام أجمل ورزق أوفر

بله بله

شكراً على الدعوات الصالحات دي
هكذا الدنيا ارتحال في ارتحال

سوف اغادر الرياض يوم الاربعاء القادم
ولكن لم تغادر الرياض مخيلتي فهي لا زالت فيها
ولن تزول

اشوفكم على خير واسمع عنكم كل خير يا أحباب

بالتوفيق اخي البشاري

بالجد سنفتقدك

مودتي

بالتوفيق يا البشاري
رافقتك السلامة
نسال الله لك التوفيق

بالتوفيق يا بشاري يا طيب
اجمل الامنيات ليك بحياة عملية مستقرة

ابو محمد لك التحية
نسأل الله ان يوفقك وييسر امورك
توكل على الله فهو حسبك ,,,مكانتك فينا باقية اينما حللت,
وبلدك محل كسب قوت وليداتك
وزي ما قالو المال في الغربة وطن والفقر في الوطن غربة

وعبرك التحية لبورداب وبوردابيات الرياض الأكارم الفضلاء
ورمضان كريم وعيدكم مبارك سعيد والفاتنا كتير بسبب السفر,,

البشاري

نسال الله ان يوفقك ويجعل لك في
كل خطوة سلامة
نعدك باننا لن نتذكرك لاننا لن ننساك

والله صحي

الى نجران مساء هذا اليوم بإذن الله

Quote: نسال الله ان يوفقك ويجعل لك في كل خطوة سلامة نعدك باننا لن نتذكرك لاننا لن ننساك

العزيز جدا محمود بكر

واحد من اسباب ترددي في الانتقال الى نجران
هو أخوتكم لي واللحظات الجميلة التي قضيتها بينكم
ربنا يجمعنا في ساعة خير يا رب

تحياتي

Quote: نسأل الله ان يوفقك وييسر امورك توكل على الله فهو حسبك ,,,مكانتك فينا باقية اينما حللت, وبلدك محل كسب قوت وليداتك وزي ما قالو المال في الغربة وطن والفقر في الوطن غربة

معاذ حسن

تسلم ياخ على الكلمات الطيبة دي وشعورك الجميل
توكلنا على الحي الدائم

كن بخير

Quote: بالتوفيق يا بشاري يا طيب اجمل الامنيات ليك بحياة عملية مستقرة

معتصم ود الجمام

تحياتي يا حبيب وأخيراً رست السفينة في نجران
امنياتي الطيبة لك أيضاً بدوام التوفيق

Quote: بالتوفيق يا البشاري رافقتك السلامة نسال الله لك التوفيق

الكونت

حمد الله على السلامة شايفك متجدع بهناك
تسلم يا ملك وتشرفت بمعرفتكم واخوتكم ياخ

Quote: بالتوفيق اخي البشاري بالجد سنفتقدك مودتي

ود الباوقة

ما تفقد عزيز يا ود الباوقة ياخ
ونكرر التهاني بزواج البنية