Post: #1
Title: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ فى
Author: بشرى مبارك ود السقاى
Date: 08-25-2012, 00:19 AM
الاخوان الاعزاء سبق وقبل أكثر من 3 سنوات كونا فى أكثر من منتدى حكومات (ظل ) بديلة عن حكومات الانقاذ وكان ذلك قبل الربيع العربى بكثير .
الان أتمنى إن لم تكونوا قد كونتوا وشكلتو فى هذا الحوش الكبير حكومة إنتقالية أتمنى أن نسعى فى التكوين وأقترح أن تكون الشروط للترشيح كالاتى:
* يكون المرشح على علم بترشيحة وموافق .
* يكون جامعى وصاحب خبرة لاتقل عن 10 سنوات بالداخل أو الخارج .
* لم يسبق له أن عمل وزيراً أو فى موقع دستورى فى السودان .
* لايتجاوز عمرة 75 عاماً .
* يكون بحالة صحية تسمح له بالحركة والعمل على الاقل خمس سنوات إذا مدّ الله فى عمرة .
هذا ما أبدأ به والبوست مفتوح للجميع لكى يضيفو أو يحذفوا وبالله التوفيق .
|
Post: #2
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: طارق ضياء الدين
Date: 08-25-2012, 00:29 AM
Parent: #1
علي طريق الفيس بوك
فووق
|
Post: #3
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: احمد محمد بشير
Date: 08-25-2012, 00:36 AM
Parent: #2
أنا اريد الترشح في هذه الحكومة ..... فمن يذكيني ويرشحني .
أكيد ح اعدل و اخدمكم ((((اذا))))) حكمت .............. لانه الدنيا دي انا اصلا قنعان منها.
|
Post: #4
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: 7abib_alkul
Date: 08-25-2012, 02:42 AM
Parent: #3
الأخ ود السقاي
مرحب بك داخل الحوش الوسيع و يؤسفنى جدا انه في أول مداخلة معاك اقول ليك :-
قوم لف
|
Post: #5
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: بشرى مبارك ود السقاى
Date: 08-25-2012, 11:48 AM
Parent: #4
اللف أنواع فأرجو أن تحدد ؟؟ لكن باين عليك ما عندك موضوع رغم صورة هيثم بتاعتك دى !!! أها لما يمشى أهلى شندى بتغيره !!!!. والله اللف اللفيتو أنا لو لفيتو أنت فى البحر ما يلقوك !!! فلذلك أرجو أن تكتب ما تشاء فسوف تجد ردى بكل أدب وتقدير وإحترام، لى حدى قوم لف مقبوله بس أوعه (من الشتايم وقله الادب نحنا ناس تجاوزنا الخمسين من العمر إحترامنا واجب دينى وواجب سودانى طالما أنت وسط سودانيين وترفع صورة هيثم مصطفى !!) فعبارة قوم لف هل ترضاها لأخوك الكبير لوالدك وأنا أخاطبك بإعتبارك أصغر منى وأخالك كذلك (لأن زول تجاوز ال50 ما بستعمل عبارات سوقيه لكى يرد على ضيف !!فمهما كان الامر منتديات وعدم مقابله ولكن ردك عنوانك وأخلاقك وثقافتك بل وأهلك وتعليمك ودينك ومروتك وكرمك !!!فهل ما زلت تطلب منى أن ألف !!برضو جاهز لو حددت لى أى أنواع اللف الذى تطلب .
|
Post: #6
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: محمد مختار جعفر
Date: 08-25-2012, 12:47 PM
Parent: #5
| Quote: فعبارة قوم لف هل ترضاها لأخوك الكبير لوالدك وأنا أخاطبك بإعتبارك أصغر منى وأخالك كذلك (لأن زول تجاوز ال50 ما بستعمل عبارات سوقيه لكى يرد على ضيف !!فمهما كان الامر منتديات وعدم مقابله ولكن ردك عنوانك وأخلاقك وثقافتك بل وأهلك وتعليمك ودينك ومروتك وكرمك !!! |
أبداً ... أبداً .. ومنكوره تب منه .. ، ولا أعتقد أن في نفسه شيئاً ، ونعنذر نيابة عنه ، .. الكل إخوة هنا
وعيدك مبارك ، وكلنا تجاوزنا العشرين ، أقصد الخمسين ، وإن كانت العشرين أحلى ،
عيدك مبارك أخي ود السقاي ، .. أظنك من أهل شندي ..؟ لك التحية
وطرحك يجد قبولاً ، وننظر الى تجاوب من يرى ذلك ، ...
محمد مختار جعفر
|
Post: #7
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: على ميرغني
Date: 08-25-2012, 12:59 PM
Parent: #5
لايتجاوز عمرة 75 عاماً .
نرفض هذا الشرط لانه قصد به اقصاء سيدي الامام
وهو استهداف واضح لرموز البلد
ـــــــــــــــ
بشرى... خلي بالك واسع
قوم لف عبارة تستخدم للمناكفة
وليس للتقليل من الشأن
طيب تعمل شنو لمن يجوك جهابزة المعارضة وانصار الحكومة
وتسمع اساءات قد تتعداك الى آخرين
ــــــــــ
انصار الحكومة دي معطوفة على جهابزة وليس المعارضة
|
Post: #8
Title: Re: ربما أنا جديد فى سودانيز أون لاين !!فهل هناك حكومة جاهزة ؟؟ ولنبدأ
Author: طاهر بدر
Date: 08-25-2012, 01:05 PM
Parent: #5
ود الســــقاي .... ازيك وكل سنة طيب
حبيب الكل ... بي (قوم لف) بتاعتو دي جاك من الاخر ...
انصحك ونفسي ... بالنظر حولك والاكثار من قراءة البوستات ومعرفة تاريخ المنبر
مداخله ومخارجه وناسو
لانو بوست زي دا في مليون واحد حيجي يقول ليك انو انصرافي ... ولا يفضي الى شيْ البتة
وحيجيك الحيقول ليك الناس في شنو والحسانية في شنو ...
وحيجيك الحيقول ليك بالله هي المشكلة في الاشخاص والا في كيف يحكم السودان
وحيجيك زول يقول ليك نرشح على اي اساس انتقالية والا دائمة
وحيجيك اليقول ليك ناس السقاي ديل اصلا كيزان
وحيجيك الحيقول ليك يا برلوم رووووووق ... وعمر ما بعد الخمسين برضو ما بحلك من نعت البرلمة
عشان كده (ولنبدأ) الختمت بيها عنوان بوستك دا ...اقلبو (فلننتهي) واكف نفسك شر المزيد من التريقة
ولك كل التقدير
|
Post: #9
Title: Re: ربما أنا جديد فى سودانيز أون لاين !!فهل هناك حكومة جاهزة ولنبدأ
Author: ناصر المحسى
Date: 08-25-2012, 01:27 PM
Parent: #8
| Quote: فهل هناك حكومة جاهزة ؟؟ |
يا اخوى كلام زى دا بيعمل مشاكل ساى
فى ناس حيجو يقولو دا كلام ناس الامن
والكيزان ...
ثانيا : انت انسان فوق الخمسين يعنى اكيد
كنت من المشاركين فى انتفاضة ابريل
وشوفت كيف تم تكوين حكومة انتقالية ..
وشوف مصر وتونس واليمن لكل دولة طريقة
فى نقل السلطة
اهم سقوط الكيزان بعد داك كلو ساهل
|
|