كونسيرت البوردابى عبد الله والراويه اجاك كويي حيا 8/25 الساعه 6 هنا :

كونسيرت البوردابى عبد الله عبد الله والراويه اجاك كويي حيا 25/8 الساعه 6 هنا.


لجميع المهتمين، سنقوم غدا الساعه السادسه مساء بنقل كونسيرت الفلوتست عضو المنبر الاستاذ عبد الله عبد الله حيا هنا.

سنلحق رابط الموقع لمتابعة الكونسيرت لاحقا نتمى المتابعه والتداخل الحى.

لكم الشكر.

الاخ خالد لك التحية والاحترام

انا ماقدرت فهم كلامك ده كلو كلو .......... إنت قاعد تتكلم عن شنو ؟
في شنو يوم 25 ؟

لأصدقاءنا فى بوسطن، العنوان هنا:










عضو المنبر عبد الله عبد الله والمغنية الراويه أجاك كويى فى بوسطن 25/8



حضور للفعالية مجانا ...

تنظم الفعالية جامعة نورثإسترن عن طريق مشروع (آمين) .. وبرنامج الفنانين الامركان المقيمين.

و الفعاليه تقام تحت مظلة مشروع آمين:


http://www.amen-projects.com/

وبوست سابق يتحدث عن مشروع (آمين) :


إلى أخواتنا وأخواننا المسيحيين فى السودان،إطلاق مشروع (آمين) مع حبنا

.

الاخ احمد محمد بشير،

شكرا للمشاركه،

Quote: الاخ خالد لك التحية والاحترام انا ماقدرت فهم كلامك ده كلو كلو .......... إنت قاعد تتكلم عن شنو ؟ في شنو يوم 25 ؟

سنقوم بنقل الكونسيرت على الهواء غدا الساعه السادسه.
نتمنى حضورك وإرسال اللنك لأصدقاءك لحضور هذه التجربه والتعليق عليها.
.

شكرا خالد كودى
لتعريفى بالفنانه أجاك ,وفعلا حواء السودان والده,نحمد الله على ذلك..سوف احاول جهدى فى حضور هذه الفعالية الراقية

بثينة تروس

مع انى برضوا زى احمد اخوى ما استوعبت العنوان كويس انه كونسيرت يعنى موسيقى وبس
لكن بعد دخولى الروابط تفهمت الفكرة شوية
وعلى الاخ خالد كودى والقائمين على الامر التوضيح اكثر
وحتى الان لا ادرى ان كان الزميل عبدالله سيقدم عرض موسيقى ام لا وهل الزميل عبدالله موسيقاراً؟

عموماً هذه المداخلة للتعبير عن الاتهمام والمتابعة

وبالتوفيق سنتابعكم

Quote: شكرا خالد كودى لتعريفى بالفنانه أجاك ,وفعلا حواء السودان والده,نحمد الله على ذلك..سوف احاول جهدى فى حضور هذه الفعالية الراقية بثينة تروس

الأخت بثينه تروس،

تحياتى ومرحب بك فى المنبر واتمنى لك دافورى ممتاز.

شكرا للمشاركه فى البوست ، ونتمنى حضورك للفعالية ودعواتك لمن سخر لنا هذه الاسافير...

استاذنا أب إضنين سميعه ود زكريا،

تحياتى،

Quote: مع انى برضوا زى احمد اخوى ما استوعبت العنوان كويس انه كونسيرت يعنى موسيقى وبس لكن بعد دخولى الروابط تفهمت الفكرة شوية وعلى الاخ خالد كودى والقائمين على الامر التوضيح اكثر وحتى الان لا ادرى ان كان الزميل عبدالله سيقدم عرض موسيقى ام لا وهل الزميل عبدالله موسيقاراً؟ عموماً هذه المداخلة للتعبير عن الاتهمام والمتابعة وبالتوفيق سنتابعكم

لازم (تحكوها معانا كده يعنى ) ونحن جربندية ساكت ؟

غايتو حسب قدرتنا نجرنا ترجمة الفعالية وقلنا انها كونسيرت،
تعربف الكونسيرت فى الديكشنرى:

(Noun 1. concert - a performance of music by players or singers not involving theatrical staging )

ونتوقع تعليقك بعد حضور الفعاليه ومداخله حول التجربه.

الفنانه اجاك تعيش فى استراليا، وتعرف صديقنا الموسيقار عاصم الطيب ،
الذى استضفناه قبل سنوات فى نفس مركز الجامعه، عملت أجاك معه من قبل وساعيد تقديمهم للبعض ...

الاستاذ عبد الله سيقدم قطعة من تاليفه إستجابة لمشروعنا (آمين) أعتقد ان ثيمتها (التعايش) ،
هذا بالاضافة الى إشتراكه وأجاك عدد من القطع الروائية المغناه.

سيستخدم الاستاذ عبد الله الفلوت وأيضا العود.

سنسال أستاذنا د. عبد الرحمن وآخرين أن يعلقوا سريعا على دور مثل هذه التجارب فى الارتفاع بالحس الجمالى ... ولو رسلته لينا مداخله اثناء الفعاليه سنقوم بقراءتها ...

تحياتى وتقديرى على الاهتمام والمثابره...

هنا رابط البث.

سنبدأ البث قليلا بعد السادسه.


http://www.ustream.tv/channel/khalidkodi

استمع الان

ان شاد الله ناجحين
امييييييييييييييييين

شكرا استاذنا موصلى والاخ زكريا،

الان أجاك بعد ان تحدثت قليلا عن علاقة البقر بالزواج تنشد أحى القصائد ال"حميمه"...

بختكم يا ود كودى.
جهد ممتاز.

صوت العود ضعيف شويه عشان يتسمع مع صوت اجاك القوى لابد من تقريب مايك الفلوت او رفع مايك العود شويه
يعجبنى تفاعل الفنانه اجاك والزغروده فى نهاية الاغنيه

اغنية البلوز رائعة برغم اجتهادى فى الاستماع الى العزف المصاحب الا ان الاداء الغنائى كان ساحراً
ويعجنى انها عندما تتحدث عن المكان تقول السودان وليس جنوب السودان باعتبار ما كنا كشعب واحد

شكرا الأخ محمد زكريا،

سأرفع صوت العود.

سيبدأ الفاصل الثانى بعد حولى خمس دقائق الى سبع دقائق من الان .

Quote: مرت الأشجار مرت الأشجار .. كالخيال أحلام ناس لطاف وظراف .. مابين غزال وزراف مابين ظلال وغمام .. مرت الأشجار طابق طبق طابقين .. في ضلهن كرتون حر والسقط أولاد .. تحت المطر ياجون لاعندكم عداد .. ولابوهيتك كم لون ما احتجت لي حداد .. يوما ولا نجار وكنت ألطف جار .. ومرت الاشجار الباقي تحت العين .. حيث الرماد أحجار من يوما داك فاقداك .. كل الدروب فوق راي ياخيت وهيت ياكيت .. حس المقص بكاي سكسك سنون براق .. نار الفراق جواي أمونه ست الشاي .. صمت الكبابي عويل برادا ساكت ساي .. ياحليل تريزا قريب كانونا كان بي جاي .. ياحليل جناها جناي هم يسألون وعيون .. تحزن تقول باي باي يامنتهي الأشواق .. اتمحن الكنتين والنيمه ذات الساق .. القدره كم تشتاق كم كمشه مويه فول .. سمسم عمل زقزاق وين الملامح ديك .. يازحمه البصات واللفه والدقداق ليل القهاوي حزين .. عدد الكراسي فراق جفت عروق السوق .. ريق الطريق العام واتحتت الأوراق وين ياسواد العين .. مشهد علي صعبان حبان وهم حبان .. تحت النجوم الفوق في عتمة الميدان .. الشوق بلا بيبان من وين ذهاب واياب .. وكلاهما تعبان ابنوسة اللاوو .. ياحليلا غصن البان جمر الحصي الوقاد .. علا الكتف أركان ميري الفراق بي طال .. وسال سيل الدمع هطال لكنو مهما كان .. لو بالوسم سكان لو بالرسم جيران .. متين بقيت يانيل عددا من الخيران .. نتدفي بس أو قول نعزم بعض يوم داك .. بنولع النيران . محجوب شريف

شكر خالد لامتاعنا لا اجد اكثر من ابيات محجوب شريف تعبيرا عن ما يجيش بالنفس
جنى

شفل ممتع

متابعين يا خالد كودي

أجاك صوتها صوتها واثق وجميل


صفقوا معاها ياخ ده شغل ايقاعو الداخلي قوي

(النقدة)

تابعت كلمات المتحدث الاخير

والرسالة كانت قوية وواضحة

فعلا نحن كشعب منقسم سياسيا لا يمكن ان ننقسم وجدانيا ، بنحس باللحن والمشاعر البترسلها الموسيقى بنفس الاحساس ودي أقوى حالات تلاقي الانسان (مع أخيه الانسان)
والفنون كلها بتتساوى في قدرتها على التوصيل والتواصل بيناتنا

وزي ما قالت أجاك: عمر الدم ما يبقاش مية (متيمنة بالمصريين في مثلهم الشهير) ...

خالد كودي ...شكرا لبعثك لهذه الأهازيج الجميلة والتي تجعل من المكايد السياسية مجرد ألعاب صبية، وتدوم الصلات بين شعبيننا رغم اختلافنا المعمول بيهو في المواثيق الدولية ...لو دين أو لغة أو غيرو ...

نحن النيل ابونا

والجنس سوداني


التحية موصولة لى ضيفة البلد الفنانة أجاك ...وأتمنى لها التوفيق

وكما أكدت لي رغبتها في التعامل مع رشأ شيخ الدين ...يسعدني أن أوصلهم ببعض وأتمنى لهم نجاحا ضخما في عمل مشترك

سلام كودى والجميع

أثر فى ما أورده أخوى جنى - حيدر

وأعرف شعوره الطيب

وأثر فى أيضا كلام أختنا تماضر

ولن أسمع لأجاك كويى حياالآن

بل سأسمع بعد أن أستجم وآخد نفس

فيكفينى الحزن - وإنها ستقلب المواجع

فارحمونا حتى نعدل السودان كما كان

ونتجمع كما كان



.
وعن الإنفصال – الذى لم تتم مشاورتى فيه
وكنت أعمل جاهدا لإزالة ما هو عالق بالنفوس
ليس فقط هنا ، بل فى كل المناطق
كنت ولا أزال أحب أهلى السودانيين كما همو


الورد طريقنا

صديق ضرار
[email protected]

بحلم إنه الورد طريقنا وانه عشانا الحب مكتوب
وإنه العالم فجأة بيصحى ويلقى عليه النور مسكوب
حتى كمان القمر الصــيفى من الليلك يلبس تـــوب
* * *
بسأل عن أقمار بتسافر فى أعماق الكون تتجول
تخبى النرجس فى جنحاتها عز الليل الشاتى ، وترحل
بسأل عن غابات وقــراها وعن هجرات عكسية بتحصل
كيف فى يوم مجنون تتبدل وتسيب أنهار الحب مجراها
بسأل عن أجرام وكواكب وكيف تتخطى مدارها الأول
وأحلم بى نجمات قد كانت يضوى سمانا شعاعها المنزل
بس والما مفهـوم يا زولى إنك من تاريخك تفصل
* * *
زى أزهار وورود بتفتـح كان الحب يكبر جوَّانا
وكان قدامنا بلاد وعواصم تمدَّ جسورها وتستنانا
وترمى علينا غلالة دعـوة ترمى علينا وما أغرانا
كنا بنطرح رؤية جديدة وجدنا العالم فيها معانا
* * *
وقفت براى والمطر يتساقط رياح مجنونة ورعد وبارق
شهر النور عن وجه تريزا شقت غلس الظلمة الخانق
فجت سحب الشك وارتفعت نيزك ينزل فَوْ من حالــق
غسل الماء الحزن الفيى جاتنى ملاك فى ظلال مرئية
تنادى على بى صوت متراعش صوت مملوء لمسات حنية
ليه إتأخرت حبيبى على وكان برجاك فى الزمن السابق
كنت هناك فى نفس البقعة من بين شجرات المنقا بتاوق
خايفة عليك والليل متوحش من خوفى عليك شديد بتضايق
* * *
بينى وبينك شهروا سيوفهم عبُّوا كلاشنكوف وبنادق
وحاة الحب البينا تريزا حنشهد ضوء الفجر الصادق
من أجل سعاد وألير ومرية من أجل روابط دم أسرية
خضت غمار الحرب القذرة قاتل أو مقتول ، ما فارق
بصد ضربات قوات همجية دوىّ الدانة فى أذنى مطارق
هم إتلموا تريزا علىَّ هم يا أم ألير حصرونى
لأنك كنت الضى لعينى فتشوا عنك جوَّا عيونى
رسموا حدود وأقاموا حواجز فرقوا مابين لونك ولونى
حرقوا الأخضر عقب اليابس وقالوا يكون اللون متجانس
أطلقوا فتوى عليكى زرية هدموا القائم بينك وبينى
وضعوا الجزية عليكى عقوبة فرضوا رسومهم بالزندية
حتى الملبس فيه اتحشروا وقالوا تكون أثواب عربية
شقَّ السوط أجساد بنوتنا إشتغلوا غلط فى هادى الملَّة
سخَّروا للبنيان أخوانهم تعبان وألور واستنى شوية
وبقى السودان طالبان الأخرى يهتزُّوا ويرقص عمر المُلا
فين بالله تودُّا وشيكم منَّ العار الأصبح لازق
دخلوا النفق المظلم تانى بى كرعينهم حفروا الطابق
هم إتفقوا وعقدوا النية الوطن الواحد يصبح مية
ديل شان ما يوصلوا للمدنية دايرين مليون سَنَوات ضوئية

حرقوا الأخضر عقب اليابس وقالوا يكون اللون متجانس
هم إتلموا تريزا علىّ لأنى بآآآآآآآآآآآمن بالحرية
ديل شان يوصلوا للمدنيـة دايرين مليار سنوات ضوئية
أصُبْرِى كمان مديها حبالك العبء الفوقك ماهو شوية
أجيكْ من تانى خلاسى مؤصل خاتف لونين شلاَّخى مطارق
( أجيكْ من تانى خلاسى مؤصل خاتف لونين والبنية قوية )
وأبدا معاكى الخطوة بخطوة إيد على إيد نمشيها سويا

زكريا جوزيف،

تحياتى،

Quote: بختكم يا ود كودى. جهد ممتاز.

شكرا للمتابعه،
واهو لوباريتنا نحنا تنبسط بسلامتك،
تبارى ناس كوستاوى والطيارات ملكات الجمال برمى طيارتك ويكسر ضلعك.

شكرا للتشجيع.
.

الأخ جنى،

تحياتى،

Quote: شكر خالد لامتاعنا لا اجد اكثر من ابيات محجوب شريف تعبيرا عن ما يجيش بالنفس جنى

شكرا لكلمات شاعرنا الكبير محجوب شريف.
لم تغنى الراويه اجاك فقطن بل تحدثت بحكمة كبيره عن تاريخنا كشعب بحلوه ومره.

ساقوم يتفريغ التسجيلات فور الانتهاء منها.

تقديرى.

الأخ محمد زكريا،

شكرا للدعم،

Quote: اغنية البلوز رائعة برغم اجتهادى فى الاستماع الى العزف المصاحب الا ان الاداء الغنائى كان ساحراً ويعجنى انها عندما تتحدث عن المكان تقول السودان وليس جنوب السودان باعتبار ما كنا كشعب واحد

رغم ان الاعداد لهذا العرض كان قصيرا الا ان (قاصه) مثل الاراويه اجاك يجب ان توثق أعمالها بالنسبة لشعبى الجنور والشمال، وسنعمل على هذا بالطبع. فهى من (أواخر) القاصين - الرواه، فمعظم ان لم يكن كل الفنانين اليوم فى الجنوب يتعاطون الفن الحديث كلمات وموسيقى وأداء. لذى اعتقد انها تقدم فنا متميزا. سأكاتب الاخ جوك مدوت فى وزارة ثقافة الجنوب... فهى صرح قومى!

تحدثت عن طبيعة الكلمات التى تقصها، وتحدثت عن إنقراض (الرواه) الذين كانوا يؤدون مثل هذا النوع من الفن من جنوب السودان عبر سنوات الحرب اللئيمه.

صوتها حقيقة معبر وبه الكثير من التراما، وهو كما إستمعت يحمل إيقاعا خاصا به بالاضافه الى إيقاع ترتيب الكلمات ...

تحدثت ايضا عن التسامح والتقدم للأمام ، ونعم لازالت تتحدث عن السودان وكأننا دولة واحده... وهذا مايجب ان يبنى عليه الفن... فيدك معانا.

تقديرى.

الأخت العزيزه تماضر،

تحياتى،

Quote: تابعت كلمات المتحدث الاخير والرسالة كانت قوية وواضحة فعلا نحن كشعب منقسم سياسيا لا يمكن ان ننقسم وجدانيا ، بنحس باللحن والمشاعر البترسلها الموسيقى بنفس الاحساس ودي أقوى حالات تلاقي الانسان (مع أخيه الانسان) والفنون كلها بتتساوى في قدرتها على التوصيل والتواصل بيناتنا وزي ما قالت أجاك: عمر الدم ما يبقاش مية (متيمنة بالمصريين في مثلهم الشهير) ... خالد كودي ...شكرا لبعثك لهذه الأهازيج الجميلة والتي تجعل من المكايد السياسية مجرد ألعاب صبية، وتدوم الصلات بين شعبيننا رغم اختلافنا المعمول بيهو في المواثيق الدولية ...لو دين أو لغة أو غيرو ... نحن النيل ابونا والجنس سوداني التحية موصولة لى ضيفة البلد الفنانة أجاك ...وأتمنى لها التوفيق وكما أكدت لي رغبتها في التعامل مع رشأ شيخ الدين ...يسعدني أن أوصلهم ببعض وأتمنى لهم نجاحا ضخما في عمل مشترك

شكرا يااستاذه، وكنا متوقعنك .... وفقدناك والله العظيم..

(المهم (: ...)

المتحدث الاخير هو أستاذنا دكتور عبد الرحمن، عضو المنبر...

شكرا للمتابعه وياريت لو فى اى طريقه وتقابلى أجاك قبل ماترجع استراليا... أتمنى أن تتحدثى معها عن القصص التى تغنيها، فهى صور مسرحية (مابعد حداثية) رغم انها من الادب الشعبى . القيم فى الروايات التى تأسست على البقر والعلاقات الاجتماعية حقيقة ساحره واقرب الى الاساطير منها الى عادات لاتزال سائده... فتخيلى بعد خمسين سنه من سيحكى هذه الحكايات...

ودى لك وللعيال المابقوا عيال....

الأخ صديق ضرار،

تحياتى،

Quote: وعن الإنفصال – الذى لم تتم مشاورتى فيه وكنت أعمل جاهدا لإزالة ما هو عالق بالنفوس ليس فقط هنا ، بل فى كل المناطق كنت ولا أزال أحب أهلى السودانيين كما همو الورد طريقنا

أولا شكرا للدعم .

تقديرى لكل الجهود التى تحاول التقدم بمرارات التاريخ السلبى الثقيله،
اللاستماع الى اجاك تغنى وتتحدث عن تجربتها مع الحرب وتداعياتها يعطى الامل بالتغلب على المرارات والاستعداد لصناعة تاريخ إيجابى من الرماد.

تقديرى.

لايفوتنى ان أتقدم بشكرى وتقديرى للأخ بكرى ابوبكر وموقع سودانيز انلاين لرفع البوست ولدعمه لمشروع آمين منذ بدايته.
.

.

.

earlier:

من الصعب متابعة المنبر على قيد يومي ولكن الثمن قد يكون باهظا أحيانا .. بالظبط في مثل هذه الحالة
كنا والأستاذ عبالله قد تزاملنا في فرقة الأستاذ مصطفى سيد أحمد قدرا من الزمان ... شاءت الأقدار أن نفترق ولكن
الذكريات ما زالت باقية...الأستاذ عبدالله من عازفي الفلوت المميزين تمنيت لو وفقت مشاهدت هذا الكونسرت ولكن هيهات
شكرا خالد لهذا المجهود الجبار