وقفة احتجاجية أمام هيئة الاتصالات لرفع الحجب عن المنبر في السودان

نرجو من الاخوة الاعضاء بالداخل الإدلاء بمقترحاتهم في اسرع وقت حتى يتم التنسيق والتنفيذ وكذلك اقتراح كيفية مشاركة قراء المنبر ..

لمقترحات غير الاعضاء [email protected]

احي الاخ معتصم علي هذا الاقتراح .......ورغم اني ليس من بورداب الداخل الا اني ادعم هذا الاقتراح .......
عدل لتلافي تريقة دكتور بله .......

Quote: لسني

سنة يا أنا!!!

معتصم وابراهيم عيد سعيد

يامعتصم اقتراحى أنكم تردفوا قبل ماتمشوا
ودا يضاف لﻹتهام المسبق بأنكم بتساهموا فى انهيار اﻹقتصاد فى قندهار.

وأنا أيضا لسنى من بورداب الداخل!!

التنسيق يتم بالاتصال الهاتفي لان الموقع محجوب وياريت يتم تحديد موعد للاجتماع بالداخل للتنسيق

اثني ...
و اوافق علي الحضور ..

دائما سياسة الكيزان هي محاولة اخراس صوت الحق ... ومنبر سودانييز اون لاين هو بمثابة كشافة ضوء قوية مثبتة و موجهة ناحية أعين الظلامييين وهم لاقدرة لهم ولا حول لذا اتجهوا لحجب هذا المنبر ولكن لم ولن تفلح سياسة جهاز امنهم العقيمة في حجبهه عن سماء السودان فظل منيراً فيها باقلامه الحرة التي لم يستطيعوا تطويعها أو شراؤها فكانت بعبعاً أرق منامهم ...

دائما ً يحاولون اثارة الغبار الكثيف لتعتيم الرؤيا متناسين حقيقة واحدة هي أن الغبار الكثيف قد يحجب الرؤيا لفترة قليلة ولكنه ابداً لن يغير من طبوغرافيا الارض ولا معالمها الاساسية فموتوا بغيظكم يا ظلاميون

أهمّ حاجة شغلكم يكون منظم والإحتجاج مرخص به عشان ما تدوا أي بتاع أمن فرصة يعمل ليكم مشكلة

شوفو تصاديق الإحتجاجات بتطلع من وين وطلعوه

والباقي ساهل

Quote: .......ورغم اني ليس من بورداب الداخل الا اني ادعم هذا الاقتراح ....... عدل لتلافي تريقة دكتور بله .......

عدل تانى يا ابراهيم هههههههه

شكرًا ابراهيم / دكتور بلة / ابو يسرا / سفيان / كمال

في اجتماع عاجل تم الاتفاق على ان يكون اليوم المحدد هو الاربعاء ٢٩ اغسطس وقد كان ذلك بحضور ومباركة كل من

العوض المسلمي
السموءال بدر الدين
محمد عادل
امير فتحي
عبد الوهاب علي الحاج
احمد حنين
احمد موسى المحامي
بدر الدين اسحق
ناذر الخليفة
زهير عثمان
حافظ لنقابو
جنابو عمر عثمان
ذو اليد سليمان
انور الشيخ
هاني عربي
محمد عبد الماجد الصائم
ABUHUSSEN
ود الباوقة
عماد الشبلي
سيف بخيت

وتم تكليف الأخوين بدر الدين اسحق واحمد موسى بصياغة مذكرة

فكرة جيدة

حرية التعبير حق دستوري
لا يحتاج تصديق


الباقر موسى

سلام الاخ معتصم

معا من اجل حرية النشر وتداول المعلومات والتعبير

سلام ..

سيقوم الأخ احمد موسى بصياغ للمذكرة المذمع تقديمها في الوقفة وبقية الخطوات القانونية ..

سيتم اختيار وصياغة لافتات قماشية وورق ..

ستتم تغطية الوقفة السلمية من قبل وكالات الأنباء ومراسلي القنوات الفضائية المتواجدين في الخرطوم ..

نهيب ببورداب الخرطوم وجميع أصدقاء وزقراء المنبر المشاركة في الوقفة ..


يتم التفاكر والتنسيق عبر قروب مغلق في الفيس بوك ..

Quote: وقفة احتجاجية أمام هيئة الاتصالات لرفع الحجب عن المنبر في السودان

.........................................


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

معكم


من على البعد

Quote: في اجتماع عاجل تم الاتفاق على ان يكون اليوم المحدد هو الاربعاء 29 اغسطس وقد كان ذلك بحضور ومباركة كل من العوض المسلمي السموءال بدر الدين محمد عادل امير فتحي عبد الوهاب علي الحاج احمد حنين احمد موسى المحامي بدر الدين اسحق ناذر الخليفة زهير عثمان حافظ لنقابو جنابو عمر عثمان ذو اليد سليمان انور الشيخ هاني عربي محمد عبد الماجد الصائم ABUHUSSEN ود الباوقة عماد الشبلي سيف بخيت وتم تكليف الأخوين بدر الدين اسحق واحمد موسى بصياغة مذكرة

والله يا معتصم الفيكم اتعرفت
يعني أنا ما باركت ولا كيف يعني
وما خاتي عليكم غريبة الجاي ينظمكم
وإنشاء الله يفرتكم لستم لستك
بس ما يفرتكم أوي يعني
نبارك الوقفة الاحتجاجية ونهني كمان بالمبادرة والمبادرين
تقديري واحترامي

Quote: في اجتماع عاجل تم الاتفاق على ان يكون اليوم المحدد هو الاربعاء 29 اغسطس وقد كان ذلك بحضور ومباركة كل من العوض المسلمي السموءال بدر الدين محمد عادل امير فتحي عبد الوهاب علي الحاج احمد حنين احمد موسى المحامي بدر الدين اسحق ناذر الخليفة زهير عثمان حافظ لنقابو جنابو عمر عثمان ذو اليد سليمان انور الشيخ هاني عربي محمد عبد الماجد الصائم ABUHUSSEN ود الباوقة عماد الشبلي سيف بخيت وتم تكليف الأخوين بدر الدين اسحق واحمد موسى بصياغة مذكرة

والله يا معتصم الفيكم اتعرفت
يعني أنا ما باركت ولا كيف يعني
وما خاتي عليكم غريبة الجاي ينظمكم
وإنشاء الله يفرتكم لستم لستك
بس ما يفرتكم أوي يعني
نبارك الوقفة الاحتجاجية ونهني كمان بالمبادرة والمبادرين
تقديري واحترامي

Quote: في اجتماع عاجل تم الاتفاق على ان يكون اليوم المحدد هو الاربعاء 29 اغسطس وقد كان ذلك بحضور ومباركة كل من العوض المسلمي السموءال بدر الدين محمد عادل امير فتحي عبد الوهاب علي الحاج احمد حنين احمد موسى المحامي بدر الدين اسحق ناذر الخليفة زهير عثمان حافظ لنقابو جنابو عمر عثمان ذو اليد سليمان انور الشيخ هاني عربي محمد عبد الماجد الصائم ABUHUSSEN ود الباوقة عماد الشبلي سيف بخيت وتم تكليف الأخوين بدر الدين اسحق واحمد موسى بصياغة مذكرة

والله يا معتصم الفيكم اتعرفت
يعني أنا ما باركت ولا كيف يعني
وما خاتي عليكم غريبة الجاي ينظمكم
وإنشاء الله يفرتكم لستم لستك
بس ما يفرتكم أوي يعني
نبارك الوقفة الاحتجاجية ونهني كمان بالمبادرة والمبادرين
تقديري واحترامي

Quote: وزقراء المنبر

الزقراء ديل كمان ياتم يا ناذر
اوع تقول لي زقراء المنبر دي علي وزن فقرا ( حيران ) المنبر
أنا ما نزلت منك قبل شوية وكنت كويس مشيت من وراي وين يا خلبوص

تقبل اعتذاري اخي الزبير وايضا عمر منجي من بورداب امريكا سابقا الخرطوم حاليا

شكرًا بخاري شكرًا الباقر شكرًا الشايقي

الزبير والله من نزلت منك وعلى المكتب عدل ..

ويا معتصم برضو نسيت ذكر الأخوات العضوات الكريمات ..!!

وكم نفر كدة ..!!

منال

سامية حامد من بورداب الرياض

كانتا حضورا

تاني منو يا ناذر

Quote: العوض المسلمي السموءال بدر الدين عبد الوهاب علي الحاج احمد موسى المحامي بدر الدين اسحق ناذر الخليفة حافظ لنقابو جنابو عمر عثمان محمد عبد الماجد الصائم ABUHUSSEN ود الباوقة

يا اخوانا الناس ديل كلهم أنا بعرفهم : شغالين في جهاز الأمن ... مافي سبب لمسيرة يكلمو رؤسائهم بس !!

Quote: يا اخوانا الناس ديل كلهم أنا بعرفهم : شغالين في جهاز الأمن ... مافي سبب لمسيرة يكلمو رؤسائهم بس !!

الله هداهم يا د. امين

مع تحيات العيد السعيد

نؤيد

ونؤكد الحضور


شكرا نستا

Quote: يا اخوانا الناس ديل كلهم أنا بعرفهم : شغالين في جهاز الأمن ... مافي سبب لمسيرة يكلمو رؤسائهم بس !!

سلام لصاحب البوست وضيوفه

غايتو من ما نزل البوست دا عندي مداخلة حارقاني
كتبتها 3 مرات ومسحتها ما اعتمدتها
وهي : ياخ الوقفة دي مفروض تكون آخر خطوة الناس تقوم بيها
يعني قبلها ممكن يتم تكوين لجنة للذهاب للوزارة المسؤولة عن إدارة الاتصالات
في السودان ومحاولة مقابلة الوزير أو الجهات المختصة التي أمرت بحجب الموقع
في السودان وبعدين لو ماف استجابة الناس تقوم بالوقفة الاحتجاجية دي
أود أن الفت انتباهكم الى أن هيئة الاتصالات هي جهة منفذة للحظر فقط
وقرار الحظر دا جاي من فوووووووووق
فبدل ما تطعنوا في ضل الفيل اطعنوا الفيل زاتووووووووووو
وبعدين ما فكرتوا في منظركم الناس طالعة مطالبة باسباب العيش الكريم
مأكل ومشرب وحريات عامة وعدالة وسلام .... الخ
وانتوا طالعين عشان الموقع محجوب
الخلاصة قصدي تدوا نفسكم فرصة للمحاولات الودية لحل القضية
ويظل هذا مجرد رأي شخصي فقط
كلام الناس تكتب مذكرة دي كلام كويس جدا يتم نشر المذكرة أو البيان هنا
وفي كل الصحف ومواقع النشر الالكتروني ومن ثم تقدم للوزير المختص
بصورة منها الى هيئة الاتصالات وبعدين نشوف البحصل شنو

تحياتي وبالتوفيق ومعاكم في كل الخطوات التي تتخذونها

وياريت يتم التنسيق مع بقية المواقع المحجوبة
مثل الراكوبة وحريات
والوقفة يضم ل قراء واعضاء هؤلاء المواقع

حُضور بإذن الله

في نقطة تانية قانونية يا ريت الناس تتأكد منها
وهي إنها تقرأ شـــروط العقد الموقع بين المستخدم وبين المشغل
أو مزود خدمة الانترنت ISP) Internet service provider)
من حق المستخدم التمتع بتصفح كافة مواقع الانترنت لم يكن منصوص
عليها في العقد بين المستخدم ومزود خدمة الانترنت
اقصد أن يكون هناك مبرر قانوني لهذا الحجب
المواقع التي تحظر هي المواقع الاباحية والمواقع التي تمثلاً خطراً مباشراً
على الامن القومي والامن الاجتماعي للافراد
كالمواقع التي تسئ للاديان وتحرض على الحقد والكراهية .... الخ
باختصار يمكن مقاضاة الشركات المزودة للخدمة في القضاء السوداني
لأنها اخلت بأحد شروط العقد الموقع بينها وبين المستخدمين بحجبها للموقع

Quote: وياريت يتم التنسيق مع بقية المواقع المحجوبة مثل الراكوبة وحريات والوقفة يضم ل قراء واعضاء هؤلاء المواقع

وقّعت بصفتي عُضو في موقع سودانيز أونلاين
ولأن الوقفة تخُص مِنبر سودانيز أونلاين
وأعضاء سُودانيز أونلاين

لِذا لزم التّنويه يا ذو اليد

معا من اجل حرية تداول المعلومات

لالكبت الحريات

شكرا نستا

حضـــــــــــــــــــــــور

شكرا الأمين موسى البشاري .. ..!!


يا شباب الخرطوم وبوردابها الثورة تراجع ولا تتراجع ..


رايكم شنو نراجع على ضوء كلام اخونا البشاري ..!!

و لك و لاسرتك الكريمة أضعافها يا بروف

Quote: الله هداهم يا د. امين مع تحيات العيد السعيد

معظم الناس ديل أنا لاقيتهم قبل أقل من شهرين ... لحدي الوقت داك الله ما كان هداهم
-------------
و بعيدا عن الهزل ... نثني و ندعم كل ما من شأنه رفع الحجب عن هذا الموقع و كل مواقع الحوار ...و إقتراح البشاري حبيبنا ده ما تدوه الوا طه
شكرا يا معتصم ..

!!!

Quote: ... لحدي الوقت داك الله ما كان هداهم

وفي ناس لي هسي الله ما هداهم يا بروف ...!!


بس بيسألوا الله السلامة ودي يا ها الممشياهم ..!!!

كامل التضامن معكم........

دا طبعاً بعد الشية و الغباشة......

Quote: وحريات عامة وعدالة وسلام .... الخ

السلام عليكم اخي البشاري
المطالبة بفك حجب الموقع يندرج أيضاً تحت بند الحريات أليس كذلك؟

Quote: السلام عليكم اخي البشاري المطالبة بفك حجب الموقع يندرج أيضاً تحت بند الحريات أليس كذلك؟

الزبير صالح علك طيب

تصدق بالله وأنا بكتب في المداخلة قلت في نفسي
هسي ح يجي واحد يسألني السؤال حقك دا
وعشان كدا ح أجاوب عليهو
نعم بالتأكيد ولكن دي حرية ما بقدروا يمنعوها لأن الفضاء الاسفيري دا واسع
وأهو برغم الحجب انتوا متواصلين معانا
يعني بالعربي الحجب الكامل للموقع بعيد عن شواربهم
القصد يا الزبير انو الناس تتدرج في المطالب ابدأوا بالتي هي أحسن أولاً
وبعدين الوقفات والاحتجاجات دي ملحوقة ........ ولا شنو؟
قصدي ما تقوموا سداري طوالي أو تقوموا بنمرة اربعة طوالي
لأنو الخطوة دي ممكن تؤدي لنتائج عكسية
..
..


__
شكراً يا ناذر وامين على دعم الاقتراح

Quote: ستتم تغطية الوقفة السلمية من قبل وكالات الأنباء ومراسلي القنوات الفضائية المتواجدين في الخرطوم

هل الغرض فك الحظر أم تلجين الموقع

تكفي لجنة مصغرة مكونة (مثلاً) من محمد عادل؛ العوض؛ بدر الدين؛
عبد الوهاب؛ علاء الدين؛ أحمد موسى؛ ذو اليد .. تقابل بتاع الأمن
الحظر الموقع علها تقنعه بعدم جدوى فعلته.

الموقع تم حجبه بتوصية من جهاز الأمن
فلا جدوي للاحتجاج عند هيئة الاتصالات


الطريق المختصر

جهاز الأمن



_______
الحليلة

الوقوف امام هيئة الاتصالات مضيعة للوقت و لا بودى و لا بجيب فهى عبد مامور لجهاز الامن الذى امرها بحجب الموقع
اللهم الا اذا كنا نريد المنظرة و رفع العتب
النجيضة هى ما قاله ملاسى على ان يكون الوفد الذى يذهب لجهاز الامن من المحسوبين على النظام المواقين على خطوة الخروج (ان كانوا فعلا مقتنعين بخطوة ارجاع الموقع, فلم نرى لهم او لجلهم ادانة او استنكار حتى الان لخخطوة الاغلاق)

ما يختص بحجب سودانيز اون لاين.

لمزيدا من مراجعة الموقف يا نازر..

ملاحظة :

الموقع لم يتم حجبه بواسطة شركة كنار للأتصالات .. شغال تش.. بدون بروكسي


مش عارف شبكة زين وضعها شنو

يعني هسي إنتو بتكتبو من وين؟؟

معاكم في كل خطوة حتي يرفع الحجب عن المنبر في السودان

بكري الخير

لعطل أصاب جهازي تاخر تداخلنا برغم اهمية الامر
والمقترح تم تقديمه بواسطة الصديق معتصم محمد صالح
ونال رضاء الجميع ...
الان نكعف على اعداد المذكرة ومراجعة الاجراءات اللازمة
وننتظر عون الجميع بالراي

فكرة ممتازة وستجد التنفيذ السريع ليس لعودة المنبر من الحجب الان بل وحتي لا تتكرر مرة اخري
شكرا الصديق الغالي معتصم

بحسب قائمة اسماء من وافقوا على الفكرة يتضح ان الفكرة نبعت
من (عضة) امس بقندهار على الرغم من الاعلان عن ان اللمة للعضة فقط وليس لمناقشة اي امر
آخر
عليه ما بني على باطل فهو باطل
ــ
بعدين دي حركة ########ة
تلبعو اللحوم براكم
ولمن الموضوع يبقى وقفة احتجاجية
تكوركو لينا..
عموما حضور ان شاء المولى

سلام تحياتي جميعاً ، نصف التحرك أسوأ من عدم التحرك.

اقتراحاتي للأمر:


1- صياغة المخاطبة بلغة قانونية سليمة.
2- مخاطبة الجهات المعنية والحصول على تصديق.
3- أن يتكاتف البورداب.

بالنسبة لمن يختلفون حول الأولويات. أطلب منهم أن يساهموا هم أيضاً فهم أيضاً سودانيون. نحن قررنا التصدي لحظر الموقع. وليتكرموا هم ويتصدوا لما قرروا أنهم أولوية ومطار الخرطوم فاتح والخطوط شغالة يومياً. ويمكنهم القدوم على أول رحلة.

!!!!

Quote: هل الغرض فك الحظر أم تلجين الموقع

فك الحظر طبعا عشان كدة ناس خالد عويس ما حا ندعوهم للتغطية ..!!
إطمن من الناحية دي ..!!

مشكور يا معاوية ..

Quote: هيئة الاتصالات السودانية ليست هى الجهة التى قامت بحجب سودانيز اون لاين وانما شركة (سودانى) للاتصالات هى التى قامت بذلك....

ذكرت قبلا أن قرار الحجب لم يطال كل الشركات العاملة في مجال تذويد خدمة الأنترنت وأنا وكثيرين غيري لم يتضرر من قرار الحجب وذلك لأني استخدم انترنيت من شركة كنار .. والمعروف ان شركة كنار قامت ببناء وتوصيل كيبلاتها بنفسها لتكون مستقلة بذاتها بعكس بقية الشركات والتي تشتري الانترنيت من شركة سوداتيل ومن ثم تقوم بدورها بمد زبائنها بالخدمة ..!

وطالما ان مستخدمي أنترنت كنار لم يتأثروا بحجب الموقع في السودان فذلك يدل أن قرار الحجب ليس قرارا شاملا ومعمما من هيئة الأتصالات على تلكم الشركة بل يدل أن القرار شمل فقط الشركات التي تشتري الأنترنت من سوداتل ..!!

وبما ان هنالك جهات نافذة في الدولة تمتلك اسهما في شركة سوداتل وسوداني والحكومة ذات نفسها لديها اسهم هناك فكان من السهولة تمرير قرار حجب بعض المواقع في حين لم تستطع تمرير هذا القرار على شركة كنار الأماراتية لأن لا وضعية لها هناك ..!!

شكرا معاوية ..

لئن فاتتنا العَضـّة! فلن تفوتنا- بإذن الله - الكَـدَّة!!

فالواجب أن ندافع عن حُرية التعبير، كحق دستوري ومزية إنسانية؛ والواجب، أن نُدافع عن منبر عام - سـودانيزأون لاين ..


المقترح ممتاز، والمداخلات ممتازة تصوّبه

في اعتقادي، أن الوقفة أمام الهيئة القومية - ولاّ العامّة- للاتصالات، هي الأصح؛ ذلك أنها المسؤولة قانونياً عن سريان الخدمة الانترنتية، وهي صاحبة الأمر والالتزام تجاه الأفراد الانترنتِّيين، والشركات المُزوِّدة للخدمة (طالما أنها تشتغل في نطاق الســودانوسفير.. قد يكون للشركات المزوِّدة قواعد قانونية "تحميها" من أن يُرافع ضدها متضرر بسوء خدمة! فالقانون، أكثر الأحيان، في جيب السُلطة! لا سيما والسلطة ذات النزوع "الرسالي!" التي تستطيب أن تكون وصيةً على ما يرغب الناس في معرفته! فهي، ولله الأمر، سُلطة، سُلطة أبوية، وعندها - أكثر الأحيان- رأي في "كترة المعرفة!" كأنما تخاف علينا شِقوة ذي العِلم! وتريد لنا التنعّم بالجهالة! فتحجب المنابر السودانية العامة للحوار، بالضَّبَّة والمرذَبة، ومع ذلك، تتناكر الأمر(!)

هل نريد إذنا في وقفة احتجاجية سلمية؟ وبأيِّ قانون؟ أعني بأي معيارية شخصية ومكانية؟ هل هو قانون ولائي؟ أم لعله قانون يأخذ اعتباريته "معياريته" ذاتاً ومكاناً، من تقدير المصلحة القومية في شموليتها؛ وتلك - لعمري - مصلحة متذبذبة القياس في أذهان كثير من المسؤولين النافذين منهم، وغير النافذين!

طيب، وإن كان لا بد من إذنٍ وسماح من جهة مختصة؟ فأيّ الجهات نستأذِن؟ وهل نحن " مجموعة بورداب لسودانيزأون لاين " عندنا شخصية اعتبارية، سِجِل، تنظيم موثّق، إلخ,,, حتى نطلب الإذن لميسمنا التنظيمي؟ أم يحتاج أيّاً مِنـّا أن "يُدَبِّر" إذنو براهو!!

ألا يفتُّ طلب الإذن، في نبرة احتجاج؟ ولو كان صامتاً إلا من تصوير ناس الوكالات والقنوات!!! (هو ده ما ياهو ذاتو المجنِّن بوبي!)
ألا لا نتدبر "خبرة فنية- ليس في مجال القانون فقط!- في مجال تقنية الاتصالات تُحدِّد لينا ما إن كان "الحجب الإسفيري المعني، كان قصداً، أم عدم خبرة في مهرة هيئة الاتصالات وشركات التزويد (خادم الفقير المجبورة على التِّحِجِّبْ!)

أراكم تُدخلونا مدرسة باقتراحكم ده!

والخازوق، نتمسّك جميعنا بالبردعة (ندّاغة) ونخــلــِّي "حُمار" الحَجب في عقبتو!
((والله لئن تركناه عن ضعف! فهو لم يكن الحمار المكادي الوحيد! بل أحمرة!


---

في تاريخه للسودان وجغرافيته، حكَى نعوم شقير، أنّه بعد الفتح، وبعد ان استباح "كتشنر" أم درمان، لجنوده مُدّة ثلاثة أيام، وبعد أن تفرّق آل المهدي والخليفة، واستمرت الايام الأولى للفتح الإنجليزي المصري، تسامع ديوان الحاكم العام، بواسطة قلم المخابرات، أن واحداً من أقرباء المهدي، واسمه "علي عبدالكريم" كان قد جاء بجديدٍ في الدعوة! حيث أنه أفتى بأن "الحكاية" انتهت، والقيامة قايمة قايمة، وأبطل الصلاة!!! حتى أنّ بعضهم قد كتب فيه "دعوته" الجديدة" شِعرا، قال فيه:

جيت لينا بالخير ,,, بطّلتَ الصلاة أم دنقير



أو كما جاء!

---

مع التحايا، وكل عام والجميع بخير

https://s3-eu-west-1.amazonaws.com/ikooarbc/v1/thankyou.html
HOTSPOT
معكم في كل شيء يا بورداب الداخل ، وقيل أن الملف أعلاه يكسر الحُجب

وتقبلوا الشكر والتقدير

*

Quote: ذكرت قبلا أن قرار الحجب لم يطال كل الشركات العاملة في مجال تذويد خدمة الأنترنت وأنا وكثيرين غيري لم يتضرر من قرار الحجب وذلك لأني استخدم انترنيت من شركة كنار .. والمعروف ان شركة كنار قامت ببناء وتوصيل كيبلاتها بنفسها لتكون مستقلة بذاتها بعكس بقية الشركات والتي تشتري الانترنيت من شركة سوداتيل ومن ثم تقوم بدورها بمد زبائنها بالخدمة ..! وطالما ان مستخدمي أنترنت كنار لم يتأثروا بحجب الموقع في السودان فذلك يدل أن قرار الحجب ليس قرارا شاملا ومعمما من هيئة الأتصالات على تلكم الشركة بل يدل أن القرار شمل فقط الشركات التي تشتري الأنترنت من سوداتل ..!! وبما ان هنالك جهات نافذة في الدولة تمتلك اسهما في شركة سوداتل وسوداني والحكومة ذات نفسها لديها اسهم هناك فكان من السهولة تمرير قرار حجب بعض المواقع في حين لم تستطع تمرير هذا القرار على شركة كنار الأماراتية لأن لا وضعية لها هناك ..!! شكرا معاوية

إذا كان الأمر كذلك يا ناذر لماذا لا يحول بورداب الخرطوم
إشتراكاتهم الي كنار...وبذلك يكونوا فكوا حظر الحجب
وناضلوا ضد الحكومة بمقاطعتهم لسوداتيل كشركة شبه حكومية
دون الحاجة الي وقفة احتجاجية وبيانات ولجنة ولافتات وموية
ومواصلات.

اعتقد ان هذه الوقفة في غير مكانها ....فالهئية السودانية للاتصالات ردها ان ردوا ...ان الحجب ليس منهم والدليل هو ما ذكره الاخ ناذر ان جميع من يدخل عبر مشغل كنار يعمل بشكل طبيعي ....فالاوفق هو الاتصال او الوقف اما سوداتيل المشغل الاكبر للنت في السودان ...

الأخ/ نزار
أطيب التحايا، وكل عام وأنتم بخير ..

الشي شنو آزول؟

Quote: يا ناذر لماذا لا يحول بورداب الخرطوم إشتراكاتهم الي كنار...وبذلك يكونوا فكوا حظر الحجب وناضلوا ضد الحكومة بمقاطعتهم لسوداتيل كشركة شبه حكومية دون الحاجة الي وقفة احتجاجية وبيانات ولجنة ولافتات وموية ومواصلات.

أعذرني! والله ما قادر أنتظر ناذر يرد ليك!

ياخي انتا هنا، ح تفك جُبارنا كلو كلو! وإيه الموصلات؟ وإيه الموية، وإيه اللافتات إلخ,,,, في عظمة شان يوم اللُّقاء؟ وبي
دِمِينا نتوشَّح!

----
إنّك أيها، العزيز نزار، تطلب لنا السلامة، وماك مشحود على ده، لكنّك كأن لم تتعاطف مع ذاك الأب "النكتنجي!" الذي غلّب ابنه بالسكر (دون إعراب ما فوق وأو تحت الحروف!) فما تبدّى يوماً آخر ســكران، يتلطّخ بموية مطرة خرطومية مخدِّدددرة! إلا وجرى مستغيظاً! بابيه يا بوي بوي بيّا، تعال بالله وشوف الزول ده حالتو كيف؟

- آجنا، طلاق بالتلاتة، من زمن سمايتك‍! أنا راجي للحالة دي،وما لمَّيتْ فوكا!

---

Cheers

سلام نزار ..

Quote: إذا كان الأمر كذلك يا ناذر لماذا لا يحول بورداب الخرطوم إشتراكاتهم الي كنار...وبذلك يكونوا فكوا حظر الحجب

لانو دا ما حل وممكن بعد يتحولوا هناك يطلع قرار بحجب الموقع من كنار برضو ..

والحاجة التانية كنار تغطيتها ضعيفة جدا وما مغطية كل الخرطوم ...!!

Quote: إذا كان الأمر كذلك يا ناذر لماذا لا يحول بورداب الخرطوم إشتراكاتهم الي كنار...وبذلك يكونوا فكوا حظر الحجب وناضلوا ضد الحكومة بمقاطعتهم لسوداتيل كشركة شبه حكومية دون الحاجة الي وقفة احتجاجية وبيانات ولجنة ولافتات وموية ومواصلات.

دا كلام الطير في الباقير..

اذا افترضنا ان جميع البورداب تحولوا الي كنار ..

برضو نقول للقراء والمطلعين حولوا كلكم لكنار..

ولا الفولة شنو ؟؟

اوافق

وادعم


واثني مقترحات الاخ هاني عربي

شكرًا لكل الاخوة والاخوات الذين أضافوا الى البوست وبعد نقاش بين عدد من الاخوة من بورداب الخرطوم يتجه الناس الى اتفاق بان تكون الوقفة الاحتجاجية امام وزارة الاتصالات وتسليم مذكرة للوزير او وزير الدولة والباب مفتوح لكل من يريد المشاركة في الوقفة من بورداب وقراء المنبر بالسودان ونرجو من الأخوين احمد موسى وبدر الدين اسحق سرعة تمرير المذكرة للصياغة النهائية ..

كل التضامن مع ناس الداخل

Quote: ذكرت قبلا أن قرار الحجب لم يطال كل الشركات العاملة في مجال تذويد خدمة الأنترنت وأنا وكثيرين غيري لم يتضرر من قرار الحجب وذلك لأني استخدم انترنيت من شركة كنار .. والمعروف ان شركة كنار قامت ببناء وتوصيل كيبلاتها بنفسها لتكون مستقلة بذاتها بعكس بقية الشركات والتي تشتري الانترنيت من شركة سوداتيل ومن ثم تقوم بدورها بمد زبائنها بالخدمة ..! وطالما ان مستخدمي أنترنت كنار لم يتأثروا بحجب الموقع في السودان فذلك يدل أن قرار الحجب ليس قرارا شاملا ومعمما من هيئة الأتصالات على تلكم الشركة بل يدل أن القرار شمل فقط الشركات التي تشتري الأنترنت من سوداتل ..!! وبما ان هنالك جهات نافذة في الدولة تمتلك اسهما في شركة سوداتل وسوداني والحكومة ذات نفسها لديها اسهم هناك فكان من السهولة تمرير قرار حجب بعض المواقع في حين لم تستطع تمرير هذا القرار على شركة كنار الأماراتية لأن لا وضعية لها هناك ..!! شكرا معاوية ..

لكم التحية

والحقوق لا تمنح بل تنتزع
وايضا الحقوق لاتتجزاء
وافتكر ان الامن وجهازه شايف البوست ده بل الغريب
ان هنا اعضاء مع النظام ومطالبين بفك الحجب
او الحظر كلام عجيب

ارجو ان تناقشوا معهم او مع ناس الامن ايضا لماذا قاموا باعتقال زملاءكم
وما هو مصيرهم ان كتبوا من جديد؟

Quote: ارجو ان تناقشوا معهم او مع ناس الامن ايضا لماذا قاموا باعتقال زملاءكم وما هو مصيرهم ان كتبوا من جديد؟

في انتظارك للناقشهم سوياً

الاخ هاني
سلامات
لا استطيع الحضور لانني الان خارج السودان

الاخ معتصم والاخوة المتداخلون
تم اعداد مشروع مذكرة ونشرها بالقروب
للمناقشة حولها
مغتصم انا مالامي في حسابك في الفيس

ده حسابي
http://www.facebook.com/ahmed.musaomer?ref=tn_tnmn

Quote: علها تقنعه بعدم جدوى فعلته.

ملاسي :

دا سنو دا
ومتى تم حجب الموقع ؟؟

سلامات يا شباب ...

ناس الاتصالات اول كلام ليهم حيقولو ليكم ( نحنا ما حجبنا الموقع ) ...
وحيجادلوكم انو المواقع المحجوبة من طرفهم بتظهر فيها رسالة الحجب المشهورة ..
عليه :

الاتصالات ليست هي الجهة المناسبة للاحتجاج ...

الاخ وائل بل هيئة الاتصالات هي الجهة الأنسب وقد علمت انها صارت وزارة

الاخ بخاري

الاخت نجلاء

الاخ احمد حنين

الاخ البصاص

المذكرة منشورة في القروب في الفيس ننتظر رايكم

ابو نون سلام

القروب في الفيس فتشتو ما لقيتو .. أسمو شنو ؟!

اين المذكرة؟

اين المذكرة؟

اطلقوا سراح سودانيزاونلاين فورا (free sudaneseonline.com now)
















.

Quote: حضور وطلب ... ما قادر اخش المنبر .. وما عندى حاسوب من اصلو اليومين ديل .. طمعان فى زول يشيل كلامى دا ويلصقوا فى بوست الوقفة الاحتجاجية بتاع معتصم (( انا بدر الدين اسحاق بطوعى وإختيارى أعلن رفضى التام لحجب موقع سودانيزاونلاين عن السودان .. واطالب حكومة المؤتمر الوطنى التى إنتمى اليها بالعمل على إتاحة الفضاء الالكترونى لكل السودانيين بالسودان ودول المهجر .. لقناعتى بأن فى ذلك كسب ومتسع لنا كحزب بأن نعرض كسبنا وندير حواراً وطنياً مع جموع السودانيين المنتمين سياسياً و غير المنتمين )) ..

من الفيس بوك

طبعا انا رابط مشاركتي معاكم بالتصديق

اذا موجود تصديق رسمي من الدولة والاجهزة الامنية فانا معاكم

واول المشاركين

وعموما انا بكرة مشارك في المؤتمر الصحفي لوزير الاتصالات

وساعمل مداخلة بهذا الامر معه وانشاء الله خير .

Quote: تنظم وزارة العلوم والاتصالات بمبنى الوزارة ببري في الثانية من ظهر غدٍ الثلاثاء مؤتمراً صحفياً يتحدث فيه الدكتور عيسى بشرى وزير العلوم والاتصالات حول ترتيبات المؤتمر الرابع للوزراء الأفارقة المسؤولين عن التكنولوجيا والاتصالات بالقارة الأفريقية .. والدعوة موجهة لكافة وسائل الإعلام والمهتمين.

Quote: وعموما انا بكرة مشارك في المؤتمر الصحفي لوزير الاتصالات

مشارك بصفتك شنو ياصلاح ؟
وبتمثل ياتو مؤسسة اعلامية ؟

Quote: وساعمل مداخلة بهذا الامر معه وانشاء الله خير

والله خطير يا هندســــة .. برضو أحسن أخده على جنب كده وقوليهو:

أرفعوا الحجب عن الموقع قبل الوقفة الإجتجاجية...

طالما الباش مهندس دخل في الموضوع ابشروا بإيقاف خدمة الإنترنت نهائياً.

لا لحجب برلمان وصوت الشعب

موعدنا غدا الاربعاء ٢٩ / ٨ في تمام الساعة ١٢ ظ امام الهيئة القومية للاتصالات شمال كبري المنشية من اتجاه الخرطوم

up

.

Quote: وقفة احتجاجية أمام هيئة الاتصالات لرفع الحجب عن المنبر في السودان

and :

وزارة الاتصالات تنفي علاقتها بحجب سودانيز اون لاين " صورة "


عشان كدة قلنا أصبروا لأنو الزمن ما بيكفي ..!!

المسالة تقنية قد تقوم الهيئة القومية للاتصالات بحجب الموقع دون ان تضع عليه صفحتها ، وتنفي علاقتها بحجبه . وقد تكون شركات الاتصالات فعلتها .. يجب تكثيف الحملة الاعلامية على شركات الاتصالات التي لا يمكن تصفح الموقع من خلالها حتى تنفي علاقتها بالحجب او تثبته .

المؤكد ان الحجب تم من قبل شركات الاتصال بايعاذ من جهاز الامن

عسع نحن يا جماعة بي ضجتنا الكبيرة دي وشفوتنا وهكرنا ما بنقدر نحدد الجهة القامت بالحجب فعليا؟ يعني مثلا شركة زين ولا ام تي ان ولا سوداني؟

واذا كان وزارة الاتصالات لا علاقة لها بالحجب فما هو دورها؟



(معن) لمحاربة شركات الاتصال