جمعة وعقاب شهر

عشان خاطرنا خلي عيونك الحلوات تخاطرنا
ولما تمري أبقي أقيفي وأسألي عن مشاعرنا

زمان غنينا لعينيك أغاني (تحنن) القاسين
هديناك (معزتنا) مشينا وراك سنين وسنين
بنينالك قصور (بالشوق) فرشنا دروبا بالياسمين
وقلنا عساك تزورينا (ترشي البهجة فى ساحاتنا) بعينيك تضويها
حلاتك إنتي ماشة براك (شايلة الدنيا) بأزهار وبالـ فيها

زمان (بارينا ضحكاتك) لقينا صداها جاي معاك وجايينا
وحاتك تانى لما تفوتي أبقي أقيفي (سالمي) الناس حيينا
كفاية علينا لما نشوف بسيماتك (تصابحنا وتماسينا)
(عشان نتملى من عينيك
عشان نلقى الصباح مسحور
يعاين لصباح خديك)
جهرتي الدنيا يا دنيتنا يا روعتنا
ماهماك
جهرتينا
++الله يرحمك يا مصطفى سند ويجعل الجنة مستقرك++
ويمتعكما بالصحة والعافية يا محمد مرغني،
وعصاممحمد نور وكل سنة واتو طيبين

كلمات رائعة
ولحن عذب
وفنان رائع


وجمعة مباركة يانادر

و ضلمة عقاب مطر يا نادر..!!!
ياخي الحكاية دي كنت قايل روحي براي عارفها..!!!!
غايتو العريبي عصام مافيهو كلام تب..
لكن هاك الفيرشن ده..!!!



مصطفى سند..
و محمد ميرغني..!!!
عاد تاني نقول شنو؟..

ذكرتني بوست كتبتو هنا اسمو (عن اركولوجيا الريد و ألأمنيات)..طفش كالعادة..و كانت الغنية دي منفستو بحالو..لكن نسوي شنو مع ناس عزيز القار ئ..البيحب الآكشن..!!!
و عشان ما نغلط عليك.. اوعك تجيب غنى محمد ميرغني تاني. يا نادر.!!.. الدنيا ليل و غربة و مطر ياااااااخ..!

كل سنة و انت طيب يا صديقي..اهو قدرنا كده اجمل الحاجات من ايام زمان..!!!
التحية لأستاذنا محمد ميرغني ..فقد شكل الوجدان فينا..!!!
لووول.. من اندياح السهلة..و الله يستر البوست ما يقع في عين محمد المرتضى و شيقوق و احمد القرشي..!!!!
و ما احلا البكا تحت الحيط يا نادر..!!!
كبر

الى مدينة سودانية اسمها (سنار)..
و الى صديقي الجميل ..دكتور عبد الباقي حامد الجزولي (و هو عارف...و الله صحي)..
و الى الفنان عمر جعفر ( يا عمر شغلك نضيف .. لكن للوجدان احكام كمان يا عم)..!!



غايتو يا نادر..!!
ياخي ده عقاب شهر ولا عقاب اندياح..؟!!!


كبر

سلامات يا بكري
جمتعك طيبة وشكرا على مرورك بي جاي

يا كبر نورت البوست واديتو رونق وشكل مختلف باندياحك المكرب ده.
أوهو عرفنا انك مكرب كل حاجة كويس مش القانون وبس،
مجاهد فنان دي ما دايرة كلام تب، وغناها برؤية مختلفة طبعاً يعني حاول يضع فيها بصمتو
وده المميز في أداء مجاهد من الناحية النظرية،
بالنسبة لي أنا عصام غناها كما يجب أن تًغنى، والبعجبني في عصام ده انو بيحس بالغنى ويغنيهو، pure بدون زيادة ولا نقصان،
خاصة غنا العمالقة زي وردي ومحمد مرغني ديل،
شوفو برضو غنى الوصية بتاعت وردي كيف

طبعا الأداء المميز ده بالنسبة لعصام ومجاهد نابع من انهم بالاضافة للموهبة قارين الشغلة دي وقعدوا ليها أ ب ت ث وده اأنا بحبو وبنفتقدو في بلدنا السودان، فنان جديد ما بعرف اسمو، مرة في قناة النيل الأزرق مسك ليك أغنية(حرمان) لحسن عطية جابها الواطة،
الأغنية دي بالاضافة للحن العبقري تتميز بقوة الكلمات، يعني لمن يقلب (يزحم قلبي حبك) ويبقيها (يرحم قلبي حبك) في المقطع ده
{ازداد بي شجوني .. يجفو النوم عيوني
ويزحم قلبي حبك}
تاني عليك الله الأغنية دي فضل فيها شنو؟
أها يا صاحب (كتر خيرك للمرور) بقن عندك بوستين غنا مطلوب فيهم، ده وبتاع الرقي البي هناك، بالمناسبة أخوك حاتل فيهو بالشباك خالين الشغلة للمعلمين الكبار وقاعدين نستمع:)
الغنا السمح ده يا كبر والارث الضخم للغناء السوداني من الحقيبة وانت جاي من الاشراقات القليلة الفضلت في البلد الراحت دي، وحقوا لناس تتلمى حولها وتوطد علاقاتها بيها عشان شوييية من اللحمة الوطنية والتماسك الضيعوهو الكيزان ديل يبقى، عشان نحن بقينا زي لحم الرأس وماشين لواقع صعب، تلقى في البيت الواحد أخوان أشقاء واحد بلجيكي والتاني ايطالي والتالت اميركي والبنت بريطانية وواحد قاعد في الخليج ميطي لا لامي هنا لا هناك.

وبرضو بنقول معاك و ما احلا البكا تحت الحيط يا كبر..!!!

أها يا كبر عشان الاندياح نتمو للنهاية، عليك الله تعبير (يزحم قلبي حبك) ده يتلقي وين تاني غير في غنانا ده،
عبدالرحمن الريح ده وصل للتعبير ده كيف؟ مقاربة ممعنة في الروعة والدقة، ده واحد من بوستات الغنا الكاربة كنت فيهو متاوقة بالشباك برضو
حسن عطية - امير العود -
فيهو الأستاذ الموسوعي في التوثيق لتاريخ الغناء السوداني أحمد الأمين أحمد ود.طراوة والغائب خلال هذه الفترة الأخ أحمد حماد إدريس

زي الورد والله يا نادر

كل سنه وكلكم بي خير وتامين ولامين

ريك شنو انو انا كنت مشرك ليك بالبوست ده والشرك قبض!
تعال اجدع ليك حاجة عيب الواحد يدخل وايديهو فاضيات وأنت سيد العارفين





كل سنة وأنت بألف خير ياخ