بمناسبة صدور لستة ال 100 امراة الاقوى نفوذا فى العالم واللائى ح نورد اسماء ال 10 الاوائل منهن وصورهن هنا ... ومن ثم سنعررج على ال 10 الاكثر نفوذا فى البورد ... وح نجتهد نعمل بوست منفصل لل 10 رجال الاقوى نفوذا فى البورد دا طبعا اذا كوستاوى ما سبقنا وعمل بوست كيدى للرجال .... سمحة المهلة يا كوستاوى اركز ! (أصدرت مجلة (فوربس) لائحتها السنوية لأكثر النساء نفوذا للعام 2012، وضمت أسماء نساء يعملن في مجالات مختلفة بداية من السياسة مرورا بمجالات الفن والأزياء والإعلام والتكنولوجيا، وصولا إلى إدارة الأعمال والاستثمارات والتكنولوجيا. وتأتي البداية، حسب تقرير لـ “إيلاف”، مع مغنية البوب الأميركية ليدي غاغا التي حلت أولى بين الفنانات وفي المرتبة 26 على اللائحة. وتعتبر غاغا من أكثر الفنانات غرابة وإثارة للجدل في الأعوام الأخيرة بسبب أسلوبها المختلف في اللباس وأغانيها التي لاقت الكثير من الإنتقادات، وتبلغ ثروتها 170 مليون دولار جنتها من عروضها الموسيقية وإصدارتها الفنية، وعدد متابعيها على تويتر فاق 25 مليون شخصا. تلتها المغنية الأميركية بيونسي في المرتبة 30، وتعتبر نولز من أكثر الفنانات تأثيرا وأعلاهن أجرا، حسب ما أشارت التقارير الأخيرة، إذ يبلغ معدل أجرها العام 40 مليون دولار في السنة. يشار إلى أن السنوات الأخيرة كانت الأوفر حظا على بيونسي فهي تزوجت من المغني جاي زي وأنجبت طفلتها الأولى، وحصدت نجاحا لافتا في أعمالها الفنية وحفلاتها الموسيقية. وكان لنساء السياسة نصيبهن في لائحة فوربس، فحلت المستشارة الألمانية أنجيلا ميركل في المركز الأول)
تلتها وزيرة الخارجية الأميركية هيلاري كلينتون في المركز الثاني،
ــــــــــــــــــــــــــــــ الصور راعينا فيها جدا صيام اخونا محمد البشرى للستوت حاكم متهمنى بعدم صومهن !
وأتت بعدهن ميلندا غيتس رئيسة مؤسسة بيل وميلندا غيتس في المركز الرابع،
Post: #3 Title: Re: الـــــــــــــــــــــ 10 نساء الاكثر نفوذا فى البورد !! صوور Author: كمال سالم Date: 08-23-2012, 11:49 PM Parent: #2
والله يادينا ناس مجلة فوريس ديل مامنصفين معقوله لسته فيها مية مره مايكون من بينهم دينا خالد ؟؟!! ديل ناس شنو ديل المابعرفوا دينا خالد ؟؟؟ هسه عليك الله إنتى , ولا , رئيسة ألمانيه العجوز دى ؟ كلينتون ماعندنا فيها كلام خاصة وإنتى بتعشقيها ! لكن الباقيات ديل الأفهم فيهم منك منو ؟ غايتو معليش , إنتمائك لناس العالم التالت ظلمك . كل سنه وإنتى طيبه .
بخصوص ال 10 الأكثر نفوذا فى البورد . أنا ماعارف حتجيبى ال 8 من وين ؟ (1) دينا خالد (2) عزاز شامى
أوعك تخرمجى
Post: #4 Title: Re: الـــــــــــــــــــــ 10 نساء الاكثر نفوذا فى البورد !! صوور Author: كمال سالم Date: 08-23-2012, 11:49 PM Parent: #2
Quote: هسه عليك الله إنتى , ولا , رئيسة ألمانيه العجوز دى ؟
اختنا دينا ما فيها كلام....لكن انت يا كمال سالم اللى جبت آخرك طوالى. بالله العُجُز بقى عيب متين??? اها و دينا دى نختها فى القائمة و لما تعجز نطردها?? القائمة ل ال{الاكثر نفوذا}.....و ليس {الاكثر سماحة}...ده اذا جاريناك و قلنا السماحة بالصغرة...
_________________________________________________ دينا عليك الله ما ختيتينى فى قائمة البورد...ساى كده مجاملة
Post: #7 Title: Re: الـــــــــــــــــــــ 10 نساء الاكثر نفوذا فى البورد !! صوور Author: امينة عيسى Date: 08-24-2012, 00:56 AM Parent: #6
اللهم اجعلنا منهم اقصد اى فئة طبعا انا شخشيا قنوعة وبقبل اى فئة اذا كانن الاكثر سماحتن هههههههههههههه
ولا الاكتر نفوذا ولا حتى العواجيز كلو بيلفق معانا
دينا كل سنة وانتى ابهى واجمل وانضر لكى ولمن حولك الامنيات الطيبة بالعيد السعيد
Post: #14 Title: Re: الـــــــــــــــــــــ 10 نساء الاكثر نفوذا فى البورد !! صوور Author: osman righeem Date: 08-24-2012, 04:28 AM Parent: #13
دينا كل سنة وانت طيبة و ربنا يحقق الاماني و العفو والعافية
من بين عشر نساء العالم وين الشيخة موزة ؟؟
لكن العشر نساء البورد ابحث عن بوردابية تفتح اي موضوع ان شالله بي نقطة تمبس في اربع بورداب بيجو يرفعو البوست بدون حتي ما يقرو المكتوب ..... دايره نفوذ اكتر من ده
________________________________ يا ستنا ده ما بوست يتفتح يوم الجمعة و في اوئل شوال
Post: #15 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-24-2012, 08:54 AM Parent: #14
شكرا يا دينق ... حافظ الخواجيات ديل حفظ ااا؟؟ لاحول منكم ... حالكم ما بتخلو .. تم التصحيح .. اصلا نعست وانا بفتش فى صورتها لصقت ليها دى ومشيت نومتا اها نواصل ... واحتلت جيل أبرامسون رئيسة التحرير التنفيذية في مجلة "نيويورك تايمز" المركز الخامس،
في حين كان المركز السادس من نصيب رئيسة المؤتمر الوطني الهندي صونيا غاندي.
ودى شكلها زمنها الصغيرة !!
ــــــــــــــــــــــــــــ كمال سالم خلى النسوان فى حالهم !! جاينك نحنا !
Post: #21 Title: Re: الـــــــــــــــــــــ 10 نساء الاكثر نفوذا فى البورد !! صوور Author: وصال عالم Date: 08-24-2012, 09:39 AM Parent: #18
الأستاذة / دينا خالد كل عام وأنتم بخير ،،، وعيد سعيد وأمنيات محققة يارب.
أعجبتني صورة ( أوبرا ) بالثوب السوداني ..
محبتي ... وصال عالم
Post: #20 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-24-2012, 09:35 AM Parent: #14
ووزيرة الأمن القومي الأميركي جانيت نابوليتانو تاسعة،
اها ياشباب العاشرة دى اهم واحدة ولولا الخج كانت مفروض الاولى شيريل ساندبرغ غ غ غ غ ,,,,, رئيسة مجلس ادارة موقع الفيس بووك ياخ دى بتدير ليها فى اكبر محنة منذ بدء الخليقة !!! براحه ممكن تضاف لى عجايب الدنيا السبعة ....
ـــــــــــــــــــــــ... التاسعة دى وظيفتها مخيفة عدييل ... شرفتينا يا جانيت الى الامام الى الامام !
Post: #23 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-24-2012, 09:51 AM Parent: #14
ودخلت إلى اللائحة 3 نساء عربيات هن الرئيسة التنفيذية لبنك الكويت الوطني شيخة البحر في المركز الـ85، ووزيرة التجارة الإماراتية الشيخة لبنى القاسمي في المركز الـ92، ورئيسة هيئة المتاحف القطرية الشيخة ميساء آل ثاني في المركز 100.
شيخة البحر اقوى سيدة اعمال عربية من الكويت
الدكتورة لبنى بنت السيخ خالد بن سلطان القاسمى تقول ان تجربتى جزء من نجاح المراة الاماراتية ...
ميساء ال ثانى من قطر
ــــــــــــــــ العربيات الاكثر نفوذا كلهن من دول الخليج لاحظتوا ؟؟ الدول الاكثر تحررا فى الشام والمغرب العربى صفر ... دى مسابقة سنو الماحللللللوة دى ؟
Post: #24 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-24-2012, 09:58 AM Parent: #14
وقالت مويرا فوربس رئيسة وناشرة "فوربس ومان" إن "هذا النفوذ الذي تمارسه النساء يؤثر بوسائل مختلفة للغاية ولأهداف مختلفة تماما، وجميعهن لديهن تأثيرات مختلفة تماما على المجتمع العالمي".
أما بين المشاهير فكانت مقدمة البرامج الأميركية أوبرا وينفري في مركز الصدارة (وقد احتلت المركز 11 على لائحة أكثر النساء نفوذاً)، فيما كانت ليدي غاغا ثانية (وفي في المركز 14 على لائحة النساء الأكثر نفوذاً في العالم".
وحلت بيونسي في المركز الـ32 وجنيفر لوبيز في المركز الـ38 أما المغنية شاكيرا ففي المركز ال40، وأنجلينا جولي الـ60.
جاءت ملكة بريطانيا اليزابيث الثانية في المرتبة السادسة والعشرين، وكانت أيضا الأكبر سنا ضمن القائمة عن 86 عاما بينما كانت ليدي غاغا الأصغر سنا عن 26 عاما واحتلت المرتبة الرابعة عشرة.
ـــــــــــــــــــــــــــــــــ نتعرف عليهن شوية الاخيرات ديل عشان نتفرغ لقائمة البورد وهى ستكون بنفس المعايير الدكرتها مويرا فوربس رئيسة وناشرة "فوربس ومان" وقالت إن "هذا النفوذ الذي تمارسه النساء يؤثر بوسائل مختلفة للغاية ولأهداف مختلفة تماما، وجميعهن لديهن تأثيرات مختلفة تماما على مجتمع البورد".
Post: #25 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-24-2012, 10:17 AM Parent: #24
الملكة اليزابيث احتلت المرتبة 26 وكانت الفائزة الاكبر سنا فى اللستة 86 عاما
المغنية ليدى غاغا احتلت المرتبة ال 14 كاصغر فائزة فى اللسته 26 عاما
جنيفر لوبيز فى المركز 38 بالهدوم ... عشان ود البشرى صايم ما بقدر يمشى يجيب صورتو الداسيها ليها ديك !
شاكيرا بالحجاب ..... جات ال 40
انجلينا جولى ال 60 شفتو الخج دا كيف ؟؟؟؟
وبيونسى فى المركز ال 32 طبعا ضراها السمار دا ... حتى اسالوا تراجى !
ــــــــــــــــــــــــــــــــــ اها العايز يشوف بقية ال 100 الفى اللسته يقوقلها .... لاننا سنتفرغ للعشرة نساء بتاعات البورد !
معقوووووولة يا دينا ياخ ولا صورة للحب الأول والاخير بتاعي غايتو اتلومتي معاي لوم العدو..... والله صحي
Post: #26 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-24-2012, 10:22 AM Parent: #24
نسينا معشوقة الجماهير اوبرا وينفرى
احتلت اوبرا المركز ال 11
يا وصال العالم توب شنو ياخ البتلبسوا اوبرا دى بتكون سمية حسن ! ما شايفه الصورة ذاتها فى عرس ولا حفلة فى السودان .... لكن هى ما بتنا .... ح تلقى شبها بالكوم عندنا ... بس الخير بخيير والشر بغيير يا بت امى ....
ظلمتينا بالفوربس دي .. ومعاييرهم المحسوبة ضمن نطاق ..... عينهم على شنو النفوذ نفوذ مؤسساتي
ونساء البورد المسكينات يناطحن ويكافحن براهن كدة وينطوا ليهم ناس ما اعرفش ايه ومين وليه وشئ يا مراة الزمي حدودك ... ويا حرمة ما عندك ولي ... وزي ما قال عادل امام وحاجات تاااااااااااانية
على كل عزيزتي ما فيش نفوذ .... وفي ميل ... تدخل فيه معايير كثيرة بعضها ما عنده دخل بما يكتب
نعجبني كتابات ناضجة لنساء في البورد انضجها وأعمقها رؤية كتابات لدينا خالد إذا كانت من النساء (على كل اطمئني حتى لو لم تكوني فما حد بعد كدة حيتقبل غير كدة .. بل وبالصورة الموجودة في بروفايلك ) احببت جدا وافتقدت كتابات الجندرية اماني من اليمن
ومقالات هنا وهناك كانت هنالك كتابات اعمق في فترات سابقة ولن ادعي معرفتي باعضاء البورد لان متابعتي دون المطلوب للتقييم ... لكن بلقط للبعض
Post: #28 Title: Re: الـــــــــــــــــــــ 10 نساء الاكثر نفوذا فى البورد !! صوور Author: محمد البشرى الخضر Date: 08-24-2012, 11:06 AM Parent: #27
يا دندون بغض النظر عن اللخبطة الفي بعض الصور شنو هي المعايير الاستندت عليها اللستة المنصب النفوذ الثروة التأثير الجمال ... إلخ بعدين سمار بيونسيه الجابها اتنين وتلاتين مالو ما فرق مع اوباما
__________________
ليدي جاجا دي المحقة العليها شنو , غالبها تزيد ربع المتر قماش اللابساه دا شوية !
لعبت سعادة الشيخة المياسة بنت حمد بن خليفة آل ثاني دورا هاما في مجالات الثقافة والتعليم بالإضافة إلى دعم العديد من المنظمات المحلية والعالمية، كما عرفت سعادتها بإقامة الحوارات الدولية في العديد من المنابر مما أكسبها سمعة حب السلام والإنسانية.
تتولى سعادة الشيخة منصب رئيس هيئة متاحف قطر، وتتمثل رؤية سعادتها في أن تصبح دولة قطر دولة غنية فنيا وثقافيا، وستتحقق هذه الرؤية مع افتتاح متحف الفن الإسلامي وهو المشروع الذي تم إنجازه تحت مظلة هيئة متاحف قطر والذي يجسد رؤيتها الأشمل في ربط الماضي بالحاضر وربط الشرق بالغرب.
وقد تم تأسيس المتحف بهدف إشراك المجتمع المحلي إيمانا من سعادة الشيخة بأن المجتمعات الصحية والنشطة ترتكز على تفاعل أفراد المجتمع ومشاركتهم، ولذا تم إنشاء المتحف ليكون مكانا مفتوحا للجميع.
أتمت سعادة الشيخة المياسة المرحلتين الإبتدائية والثانوية بالدوحة، وحازت على درجة البكالوريوس في العلوم السياسية والآداب من جامعة ديوك بالولايات المتحدة الأمريكية.
وقد كانت سعادتها نشطة في العديد من اللجان والجماعات والاتحادات الطلابية، ومنحتها تجاربها الغنية الفرصة لصقل مهاراتها القيادية وإدراك أهمية التعلم على مدى الحياة.
وبالإضافة إلى أنشطتها الثقافية، تتولى سعادة الشيخة المياسة منصب رئيس مجلس إدارة منظمة أيادي الخير نحو آسيا (روتا) وهي منظمة خيرية غير حكومية.
Quote: يا دندون بغض النظر عن اللخبطة الفي بعض الصور شنو هي المعايير الاستندت عليها اللستة المنصب النفوذ الثروة التأثير الجمال ... إلخ
يا ود البشرى انت عايز اجابتى انا ولا الناس النظموا الجايزة غايتو دا كلام ناس الجايزة
Quote: وقالت مويرا فوربس رئيسة وناشرة "فوربس ومان" إن "هذا النفوذ الذي تمارسه النساء يؤثر بوسائل مختلفة للغاية ولأهداف مختلفة تماما، وجميعهن لديهن تأثيرات مختلفة تماما على المجتمع العالمي".
فهمت حاجة ؟؟؟ كلو عملتو ليك مختلفة مختلفة مختلفة !!
لكن حسب عرفتى انا انو هم لخصوها فى النفوذ وهم بقصدوا ديل كلهم التاثير على جماهير كبيرة ، يعنى مؤيدنهم او معجبيهم ملايين ، وايضا يحظون بالمال والتاثير ومن ثم الشهرة !! كلو
ــــــــــــــــــــــــــ انا حالتى قلت ود البشرى اتظلم فى البوست دا لانو ما ح يقدر يشوف ...
امنا الحبيبة (دوما ) ....... المرأة ذات النفوذ المزدوج .... وتبدو فى الوسط .. وعلى يسارها المثابرة امانى العجب وعن يمينها المبدعة سناء الصباغ ...
الاولى مشترك ...
ذات النفوذ الاوسع وبلا منازع الاستاذة تراجى مصطفى .....
الاولى مشترك ...
الدكتورة نجاة محمود ........
ـــــــــــــــــــــــــــــ تنويه ... اعدنا التسمية القديمة للصور ما بالضرورة تكون نفسها ... الدرجات المخصصة للاتيندنس فى السنوات القليلة الماضية ستؤثر على نتيجة بعضهن ...
عزاز شامى .... قبل الكبر والشنا واللسته ... نجمة افلت ... نتطلع لسطوعها من جديد ....
الرابعة مشترك ... النجمه الساطعة التى يتمنى البعض افولها ودخولها للستة ولكن هيهات ... امنننننننننننننننننننننننننننه مختاااااااار نجمة بلا منازع ... وصاحبة نفوذ واسع ...
دينا كل سنه وانتى طيبة بارك الله فيك وشكرا بالجد شكرا بوستك مرقنى حبة كدى لى بره يعنى بالعربي كده ضحكتينى فشكرا تانى
__________________________________ اها مع هكذا حال منحك د. الدكتوراة الفخرية فى افشاء المرح الادبى من جائزة غادة للكتاب الشباب ما بلقى لى بيها فرقة فى ما قبل الاشتراك فى الاول يعنى تجيبينى كده فوق لى الحبيبة الطال غيابها دومة
قبل ما تجاوبى صدقينى دومة ما عندها مانع وقبل ما تجاوبى تانى الهدية اخطر من هدية اسمارت انا
Post: #49 Title: Re: الـــــــــــــــــــــ 10 نساء الاكثر نفوذا فى البورد !! صوور Author: Tragie Mustafa Date: 08-25-2012, 07:20 AM Parent: #47
دندون يا بتاعت المغارز انت....
يختي النساء الاكثر نفوذا دي فيها ثلاثه اقوال:
اولا على مستوى بكري ابوبكر: 1) 2) 3) . . . 10)....
على مستوى الجماهير: 1) 2) 3) . . . .10)....
على مستوى الشلليات(شلل جلابه/شلل هامش/شلل احزاب/شلل اضان حمراء...على قول خالد كودي) : 1) 2) 3) . . . . 10)......
اها نبدأ من وين يا غاليه اختاري.......
انا بقول نبدأ ببكري ابوبكر.....في ناس لو عطست بيشعلق لهم بوستاتهم فوق ايه رايك؟! (هههههههههههههههههههههههههههه)
والي ان اعود التحيه للقامات د.احسان فقيري استاذه سناء الصباغ استاذه بثينه تروس استاذه زينب بدر الدين و الراحله منيره ضيف الله والغائبه الحاضره ليلي اكول واول سيده عضوة منبر تحتل منصب وزيره هي (ليليان رزق) واول سيده ترأس حزب هي عضوة المنبر هميمه او هاله عبد الحليم وثاني سيده تراس حزب هي نور تاور كافي واول سيده تؤسس حزب هي آمنه مختار. واول مدونه من داخل السودان تقحم الكاميرا في عالم التوثيق هي نجلاء سيد احمد.(من خارج السودان طبعا هنالك اخريات) وحقيقة القائمه تطول.....بس خلونا نبدأ التوثيق لانفسنا كنساء.
Post: #50 Title: Re: الـــــــــــــــــــــ 10 نساء الاكثر نفوذا فى البورد !! صوور Author: osman righeem Date: 08-25-2012, 07:31 AM Parent: #49
Quote: في ناس لو عطست بيشعلق لهم بوستاتهم فوق ايه رايك؟
اهو ده النفوذ
ينور عليك أم حازم _________________________________________
اها في التصنيف الجهوي الهامشي ندرجك وين.... شرقباوية ؟؟؟
Post: #51 Title: Re: الـــــــــــــــــــــ 10 نساء الاكثر نفوذا فى البورد !! صوور Author: Ahmed musa Date: 08-25-2012, 09:11 AM Parent: #50
Quote: يا دينا.
صورة المحامية نانسي جريس دي أتحشرت كيف وسط الصور؟
دي الخج الما خمج والله لو زي ناس دينق ديل كان اتغرطسنا الضحى بعدين يا كمال سالم يقولوا ليك ال10 (نساء) تقول عزاز ودينا اركز ثم تريث بعدين يا دينا لحدي جية دينق تاني صورة الهندية الزغيرونة دي باقي لي ممثلة امريكية او بتشبه ممثلة امريكية بعدين مع صورك دي دينا الا الستوت ده نصومه جمع تاخير بعد الحج
Post: #52 Title: Re: الـــــــــــــــــــــ 10 نساء الاكثر نفوذا فى البورد !! صوور Author: Ahmed musa Date: 08-25-2012, 09:11 AM Parent: #50
Quote: يا دينا.
صورة المحامية نانسي جريس دي أتحشرت كيف وسط الصور؟
دي الخج الما خمج والله لو زي ناس دينق ديل كان اتغرطسنا الضحى بعدين يا كمال سالم يقولوا ليك ال10 (نساء) تقول عزاز ودينا اركز ثم تريث بعدين يا دينا لحدي جية دينق تاني صورة الهندية الزغيرونة دي باقي لي ممثلة امريكية او بتشبه ممثلة امريكية بعدين مع صورك دي دينا الا الستوت ده نصومه جمع تاخير بعد الحج
الجكس ! منورين والله .. خالد محمود ، احمد موسى ، فايزنا ود القاضى ، زكريا جوزيف الفاتح ميرغنى ، الشايقى ، الحليلة ، القردابى ، كمال سالم سيف النصر محى الدين (ماشين كويس فى حفظ الاسم) ... محمد المسلمى ، الراقى عبد الله الحبيب ، عثمان رغيم ، عمران محمد صالح نتشارط ؟ ياها لما صغيرة ! العوض المسلمى ، وكل اصدقائى الجميلين الامين بشارى الاسرائيلين ما بناباهم لكن زولتك دى ابعدها العالم من 100 ذوات النفوذ ...هارون دياب يا فنان
منورات الجكس من الضفة الاخرى وضاحة ، سمارت انا ، امينة عيسى ، اقبال المرضى ، محاسن زين العابدين نفسسسك اطلع ولد لييه ياخ ؟؟ لوووب ووووووووووووووووووووو الفائزة الاولى شخصيا ؟؟ مرحبا مرحبا المراة ذات النفوذ الاعلى والصمود ... نحن ما سائلين فى عشرة بكرى خلى يبلهم يشرب مويتهن ... لوووووووب يا بكور ,
منور يا قيقاااا منور انت النصيحة دى بتكتلك يوم ما تخلينا نتغالط شوية ....
Post: #65 Title: Re: الـــــــــــــــــــــ 10 نساء الاكثر نفوذا فى البورد !! صوور Author: مصطفى عبيد Date: 08-26-2012, 07:56 AM Parent: #64
سلام دينا خالد والضيوف بوست ممتع كعادة بوستات دينا خالد بالنسبة لي سونيا غاندي على ما اعلم هي ايطالية الاصل وحصلت على الجنسية الهندية بعد خمسة عشر سنة من زواجها براجيف غاندي ابن الزعيمة الهندية أنديرا غاندي والصورة فعلاً حقتها وان كانت بتشبه Reese Witherspoon نجمة الفيلم Legally Blonde ودي صورة تانية ليها وهي صغيرة
مبروك المراكز العشرة الأوائل 00 وكم نتمنى النتوفيق والمزيد من الابداع اضافة لما ذكر تعجبني كتابات كل من : تماضر شيخ الدين هذه المبدعة ذات كاريزما خاصة وكتاباتها شيقة جدا اشراقة مصطفى قلم يزيل الاكتئاب ويجدد الخلايا أماني الجندرية تحملك الى عوالم رائعة جداً شيري اقرا لها ومن ثم اذهب لتنام بهدوء الدكتورة مهيرة جرعة تستحق أن يتناولها الإنسان في اليوم ثلاث مرات حتى يقف الوطن على قدميه والدكتورة ندى تكتب بانفاس قوية ومؤثرة بت قضيم إقرأ لها ودع الصيدليات والأدوية المسكنة والمضادات الحيوية جانباً نجلاء سيد احمد إمراة قوية تحرضك على ان تهتف ضد الظلم حتى ولو كنت نائماً رمانه قلم يجبرك على متابعته ويرفع روحك المعنوية حتى ولو كنت في حضيض اليأس روزمين الصياد 00 لا ادري اين اختفت 00 إمراة كانها تحمل عصا موسى !!! وسوما الجنيد 00 إمراة معجونة بكل طمي السودان
واقلام كثيرة بعضها غاب وبعضها مازال صامداً
التحية لكل من منحنا الابداع وجعل لحياتنا الف معنى ومعنى ومعنى
اما حسين ملاسى فاشهد انه من طينة تانية لا يقبل الجدولة ولا الترتيب .. ينفذ ولا على كيف قوانين الطبيعة ! حسين ملاسى شرا متلافى .. حسين ملاسى خيرا وافى ... نيالا .. نيالا ... نيالا ...
ـــــــــــــــــــــــــــــــــ ثورة .. ثورة ... ثورة ...
اميرة السيد انتى ومنال نافذات فى عين العدو وكمان كان فى المرحومة اميرة الشيخ لكنها قاطعتنا بلا مسوغ او اذن .... ربنا يبشبش الطوب التحت راسها .. وتقوم لينا بالسلامة خلاص كفاها تمت 4 سنين و10 شهور ...
الاميرة لنا مهدى حادية الركب وام دود الوعر ... تستاهل الاولى لانها بتقول لمعطوب الفكر معطوب فى عينو ! امراة باسقة فعلا وبلا ريا امراة كاملة الدسم ... ونافذة ولا على كيفنا !! شكرا يا عمر مولى ...
ــــــــــــــــــــــــــــــ حتى بالامارة .. فهو لم يطرد من سودانفوراووول بعد ! فما سر سحر هذا الولد ؟
Post: #95 Title: Re: الـــــــــــــــــــــ 10 نساء الاكثر نفوذا فى البورد !! صوور Author: مريم بنت الحسين Date: 08-27-2012, 09:40 PM Parent: #93
يا زوله تطلعيني من اللسته دي حسسسسسي دي... اصلي ما ببيت فيها لي بكره.... ورقتي تصلني في بيتي هنا بالله يا دينا...
الشفيفه الرفيفة مريم الحسين، ست بيت خطيرة وطباخة درجة أولى، ومصاقرة العيال تطبق فيهم نظريات شرق غرب... رائعة حين تنداح، تدهشك لما تقرأ لها... ولما ما تقرأ برضو... تناقش بانسيابيه وتعقل... الله يرحمها ويغفر ليها
يا سيدات، في خانة العاشرة معروضة للبيع في ebay... المزاد مفتوح بي 5 جنيه استرليني (حسي امين سالم يجي يغالطنا فيه كمان!)
البروكسيات خشم بيووووت يا بتنا المعجبة بتعليقات تراجى وامونه !! انتى قايلاها الاولى من فراغ ؟؟؟ ولاامونة التانية من فراغات ؟
----------------
يتربن في عزك (البروكسيات) يا أمنا دندنة بت خالد و يجيبن تيمان تيمان الاداكم بالملعقة يدينا بالكوريك :-)
ممكن اعمل نسخة جديدة من مداخلتي ؟
معجبة والله ....
و معجبة مرفوعة لـ القوة تريليون ... كيفتني مداخلاتهم لـ الدين ... يا أيها الفراغ الممتلئ تلجاًمُكسراً و برد ^__^
----------------
الخميرة كتيرة يا امنا... كدا العجينة بتبوظ ^___^
Post: #98 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-28-2012, 04:52 AM Parent: #97
يا قيقا ... نحن طبعا ما بنسمع بى عضوية الفوراوول الا بعد يطردوهم لووووووووووووب فما سمعنا بالطرده قلنا قاعد لسه ..
يا بتنا ... اعصابك ياخ امكن تجى فى اللسته بعد 20 سنة المافى شنو؟؟ امونه وتراجى ديل بودنك التوج ... وهن قاعدااااات فى بيوتهن... حاسبى امامك مطبات !
ـــــــــــــــــــــــــ تاج الملك ... غايتو ما بكون فى زول وصفك كدا من ما ولدوك سردب بس !
Post: #99 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-28-2012, 05:15 AM Parent: #98
مريم يا مريومة بت ام الحسين ما تحردى ساى ,,, تابيها مملحة تاكليها حافة وبعدين تجى مجلبطة خشمك ....
وبعدين نبقى فى انتى ذاتك منو وجيتى من وين .. وكلام المعصورين داك ...
ياجماعة وليد صاحبى لو جا لقا نفسو برا اللستة دى بمسكها معاى تار ابا بكر( بضم البا فى بكر) الصديق ! لذا لزم التنويه انو لابعدا شبهة المحسوبية والخج عننا ابعدنا الاصحاب ...
ــــــــــــــــــــــ ونسيت ليك عمك محمد امين سليمان كيف!!!! حولاااااا لكن اللستة ضيقة نسوى شنو 10 بس !
Post: #100 Title: Re: الـــــــــــــــــــــ 10 نساء الاكثر نفوذا فى البورد !! صوور Author: مصطفى عبيد Date: 08-28-2012, 07:30 AM Parent: #99
صديقي قيقراوي (ولا على كيفك) القصة مامحتاجة غلاط وبالمناسبة انا الجابني في البداية الناس مدورين الهندية الهندية وهي ماهندية أصلاً هسة يازول الصورة حقت ٌReese بس عشان ماتنوم في العربية
أما بالنسبة لي بشاشااصلو أنا مامحتاج دودرة من هسي مستلب وكاره ذاتي
Quote: أما بالنسبة لي بشاشااصلو أنا مامحتاج دودرة من هسي مستلب وكاره ذاتي
ؤهارب من الزول الفي المراية!؟
قلت كدي .. اخير تجي من اللاااااخر احسن ليك تاخد كوتك .. عشان تخش تناقش ما ينفع الناس
كلام عقل والله
بالمناسبة تابعت مداخلاتك (في حتات تانية) .. وسرنا ما وجدنا ارقد عافية .. ولا خوفاً عليكم من دودرة المدودرين
--------
ريس ما يتغباني كلو كلو ولو سرحت وشرحت السبب .. الياهو نوم العربية محمدني تب!
ياخي بالمناسبة دي، مفروض البوست دا يكون برعاية (ليقلي بلوند) ون ؤ توو .. قول لي ليه؟
قلتا؟
ربنا يصبرك على الاجابة ..
الفلم دا ناقش ضمن ما ناقش مسألتين افتكر انهم مهمات جداً .. وبفيدن (الحوار) هنا زي ما قال ود البشرى..
- الاولى اثارتا اسمارت هي، وهي (هل الجمال) هو المعيار؟ .. وهز المسلمات العنيف الحصل (كل شقراء ساذجة/صطحية .. ما يعادل بالسوداني (بيض) او كما في حافظة المفاهيم "سماحة جمل الطين" ... وعيييييييك) - والتانية في ليقلي بلوند2 ونفذت لمناقشة موضوع البوست دا مباشرتن وهو (النفوذ) .. وما يتصل به من نقد وتشريح النظام الراسمالي .. وابانة سوءاته .. وحسناته -ان وجدت- طبعاً (ودا تركيزهم كراسماليين) دي الحتة الوحيدة الفيها (وذرسبون) بتتوقف عن هوايتها في كسير ضلع اخوك ..
الحلو مايكملش .. مفروض كان تكون يسارية (اشتراكية راسا عديييل .. او بالميت كدا (ديموقراطية امريكية) وهذا اضعف الايمان بالانسانية .. المافي شنو؟
Quote: اضافة لما ذكر تعجبني كتابات كل من : تماضر شيخ الدين هذه المبدعة ذات كاريزما خاصة وكتاباتها شيقة جدا اشراقة مصطفى قلم يزيل الاكتئاب ويجدد الخلايا أماني الجندرية تحملك الى عوالم رائعة جداً شيري اقرا لها ومن ثم اذهب لتنام بهدوء الدكتورة مهيرة جرعة تستحق أن يتناولها الإنسان في اليوم ثلاث مرات حتى يقف الوطن على قدميه والدكتورة ندى تكتب بانفاس قوية ومؤثرة بت قضيم إقرأ لها ودع الصيدليات والأدوية المسكنة والمضادات الحيوية جانباً نجلاء سيد احمد إمراة قوية تحرضك على ان تهتف ضد الظلم حتى ولو كنت نائماً رمانه قلم يجبرك على متابعته ويرفع روحك المعنوية حتى ولو كنت في حضيض اليأس روزمين الصياد 00 لا ادري اين اختفت 00 إمراة كانها تحمل عصا موسى !!! وسوما الجنيد 00 إمراة معجونة بكل طمي السودان
أبو حراز ..إن جينا للخج لستتك دي تعبر عنه في كل تفاصيلها..! أي نعم حليتها باسم اسمين من "الأجد" لكن فيها تحيز لا يخفى على عين للقديم* حتى بالامارة أسال ست النفر حتأكد ليك كلامي... يارجل، أنسى القديم وخلي روحك جديدة مستجدة ... يعني أعشق الجديد وشجعه بالمتابعة وإن استدعى الأمر ترتيب اللست...(لا بأس انك تستغرب في الاثناء وتندهش في اللغة الجديدة والتعبيرات غير العادية ثم تسأل عن معناها بسذاجة بالغة – بسامحوك) ..الجديد يتميز بحيوية الانطلاق خليك ماسك في طرفه واهو في النهاية بتكون "سورت اوف" متابع الجديد وبتكون ماشي ورا الموجة لو ما كنت في نصها... *وفي مقولة أخرى فيها تحيز يدل على وفاء وتقدير ومراعاة وذوق وطيب لسان، حيَاك الله ياذوق... ياخ والله القدام كانوا حلوين بزيادة .. أقولها كيتن في هيثم ومن لف لفه... -----
Quote: رمانة !! انقرى ما نسيتك ؟؟؟
معقول الاستاذة دينا خالد بجلالة قدرها عند جمهور سودانيز اون لاين تتذكر واحدة بتكتب باسم فاكهة شبه مجهولة في السودان؟ لا نامت أعين الجبناء أو من يظنون... ومن ناحية تانية، ياخ نوع البوستات دي أنا عندي ونسة ساكت بغض النظر عن معناها عند كاتبها ومن يعلق... اسمي فيها أو ما فيها ما كل حد من حقه يعبر عن نفسه واعتقاده... ينسى أو يتذكر دي مشكلته هو ومشكلة ذاكرته ولا شنو؟ بعدين نفوذ شنو البتوقع حد يرشحني ليه في البورد ؟ إنت ما سمعت المثل البقول إف يو دريم دريم بيق... ولو سرقت اسرق ماس ولو عشقت أعشق شنو كده ما عارفة....غايتو نفوذ في لستة المية الاولى ما باباه... أنا لسه مصرة إنه الصورة صورة ريس وليس سونيا... تحياتي للجميع..
وجيت أنا أحد المذكورين في اللستة والموصوفات( بالقد منبرية ). جيت منبرية ، ..وليه ما أنبري؟؟؟ (اذى كان) زي ما بقول ود حلتنا، اذي كان صاحباتي وبنات (نجوميتي) في البورد كلهم طلعوا (ذات نفوذ) وانا بس كنت حاضنة وحسة فرخت ...يجوا يقولو على كده؟؟
وهي دينا خالد دي ياتا فوقن؟؟؟ جيبنها لى هنا النميزا... وشن خبرها؟؟ وشن عرفها؟؟
( خلوا بالكم الشخصية الجبتها تواسي دينا خالد دى بتكون عندها ضراع بتورور و شحم وعرق تحت الاباط في المسافة دي)
وليه ناس تيسير عووضة ومريم الحسين وسمارت أنا ورمانة ومهيرة الكنت بقزقز وبتداخل معاهن ما جن أنصفني؟؟؟ وطلال عفيفي كان ما وجاهتو /// ما حتى هو كان غايب...ليه تجيبي سيرتو ولمن يجيبوا سيرتنا نحن ___بصوت مرتفع ) سيرتنا نحن المساكين (زي في جوعارة كده) ..
تقولو قدام...
الله قال بي قولا دينا خالد
أنعمني كنت معجبة بيها وبقرا لذلذاتها بي شغف (بي شغف دي بتكون خلاص بركت في الواطة والمخاتة سالت مع الدموع والعرق )
ها ها ها ....والله وجعتني
الله يغفر ليك
بالمرة اقري البوست ده وخشي فيه...وخلي النار تاكل قلبك يا حاسدة يا راصدة ... (والله الزمن ده كلو كانت الشخصية متلبشاني)
قلتي لي شنو؟؟ ههههههههههههههههههه يا بت اللزينا ؟؟
Post: #105 Title: Re: الـــــــــــــــــــــ 10 نساء الاكثر نفوذا فى البورد !! صوور Author: مريم بنت الحسين Date: 08-28-2012, 08:37 PM Parent: #104
Quote: وليه ناس تيسير عووضة ومريم الحسين وسمارت أنا ورمانة ومهيرة الكنت بقزقز وبتداخل معاهن ما جن أنصفني؟؟؟ وطلال عفيفي كان ما وجاهتو /// ما حتى هو كان غايب...ليه تجيبي سيرتو ولمن يجيبوا سيرتنا نحن ___بصوت مرتفع ) سيرتنا نحن المساكين (زي في جوعارة كده) ..
هي يا تماضر مريم تفاصيل في الترتيب بتاعها، واتلومت معاك تب... الرسول تعفي لي....
(يا بتنا ... اعصابك ياخ امكن تجى فى اللسته بعد 20 سنة المافى شنو؟؟ امونه وتراجى ديل بودنك التوج ... وهن قاعدااااات فى بيوتهن... حاسبى امامك مطبات ! )
دندنة يا أمنا ... احنا ناس الدفع الرباعي بنعشق المطبات و اعصابي مفرزنة مع التلج المردوم هنا... بعدين على وزن النكتة الما بقدر اقولها ... لست النفوذ و المثقفاتية دي ما بتنفع معاي ... شوفي بوست عمر الفاروق بتلقيني ..
بس انتي وين من اللست دي ؟ ... انا برشحك لي بوستات كبر كومك ... الأولى .. شفتيني كريمة كيف ^___^
Post: #107 Title: Re: الـــــــــــــــــــــ 10 نساء الاكثر نفوذا فى البورد !! صوور Author: احمد الأمين على إدريس Date: 08-29-2012, 12:49 PM Parent: #106
اها يادينا مبسوطة كدا ناس البورد ماخلو 10 مانكتوهم ياترى فى ايتها علاقة بين العشرات دى ومذكرة العشرة ؟ فى حال الاجابة لأ....طيب عشرة الكشتينة ؟
غايتو خلى باب التذكر مفتوح لانو يلزمك جملة اضافات لل 10 نساء ديل .. والا سنستعين بقيقراوى ليقول قولته المشهورة طلعوا دينا ونحن بنتم العشرات بمضاعفاتها ووقتيها صدقينى رشــــا دى ماحتنتظر 20 سنة زى ما انتى ناوية
عموما البوست موفق كونو بعد العيد والناس لساتا فيها شوية فرايحية فضلاً عن انو حرك الساكن والهم ناس قيقا ومحمد جمال وياسر طيفور ومهداوى وناس كتار فى حينا
يااا الامين والله ناس البورد ديل احرجونى (جيب جضوم ) ! كل القصد كان انى اعرفهم بالنساء الحازن على اللقب فى منافسة جاده جدا .. اها قاموا ليك على العواره ...
يا تماضر كتبت ليك الرد دا .. فى بوست داليا لانى فتحتو قبل ما جى هنا تيسير عوووضة وعفراء عادونى بالمشغولية ولفتوا نظرنا للحياة انتى تعالى شنو قصة الحياة الحقيقية الحايمة دى ؟؟ غايتو امكن ما اقدر اجى راجعة هنا .. بمشى افتش لى حيوات واجى لووووووووب ...
ـــــــــــــــــــــــــــــــــــــــــــ انتو مسئولين من الخير .. ود الصايم يكون اكتشف الحيوات دى هو كمان ؟ مافيش ما شايفاه ؟ ولا نام بى عشرتو براه ؟
مشتاقين والله .. كلمتنا دى ما تحمليها بالله ما لاتحتمل ...
Quote: "لقد نفذ رصيدك..يتوجب عليك إعادة الشحن مجددا .
دى براها .. دى نفدد .. نفد ... ينفد فهو نافد ,,,, وهذا غير النفاذ ..
يا تماضر ازيك ياخ ... هو انا ذى المسرحية دى بتفوت على ؟ لو جات من الاميه بتاعت الجدية ما بتفوت على خليها تجى من اكبرمشتهبلة و مسرحيه فى البلاد من الله خلق البلاد ...
لكن يا تما خلينى النبشرك مش زهايمر بس .. زهايمر وحول ووووو حاجات تانية حاميانى .. اولا الكلام فى البوست داك الجبتيهو على لسانى ما قلتو انا قالتو واحده مسميى باسم فاكهه نادره فى السودان ... لوووووووووووب وفوق ليك طوالى انتى شلتى وتااااخ لصقتى لى لما اتحيرتا !! اها والمداخلة ذاتها ركبها الجن الراكب محمود بتاع ناس تبارك شيخ الدين اها ياسم واحد احد وكيف كيف ما عارفة نزلتها ليك بت الحسين اظنها .. غايتو يا اولاد شيخ الدين منكم خووووووف ! وجنكم صايب لامحالة !
أنا جيت وناوية أبتدي البوست دا بالنافذة دينا خالد زاتا
بس ديري بالك ها
صورة الأسطى حسن ما تقعدي تلصقيها في راس أي بوست زي ختم الجمارك بكرة بيطالبك بتعويض عن إنتهاك حقوق النشر ونبقى في حاو وتر يا قول عمدة أبشنب
يا طمطم يا ست الناس إنتي زعلانة ياخ إنتي مش ضمن الأكثر نفوذاً، إنتي النفوذ يمشي على قدمين ما تخلينا نطلع من طورنا ونقعد نكسر التلج ونلم النشارة قدام الناس حبيبة إنتي ياخ
المشغوليات حمتنا الحيوات يا دندون بعيد عنك باقين أم وأب وحبوبة وجد ومرسال يقضي المشاوير بين الشوطين خليها على الله يا بت أمي
Quote: مبروك المراكز العشرة الأوائل 00 وكم نتمنى النتوفيق والمزيد من الابداع اضافة لما ذكر تعجبني كتابات كل من : تماضر شيخ الدين هذه المبدعة ذات كاريزما خاصة وكتاباتها شيقة جدا اشراقة مصطفى قلم يزيل الاكتئاب ويجدد الخلايا أماني الجندرية تحملك الى عوالم رائعة جداً شيري اقرا لها ومن ثم اذهب لتنام بهدوء الدكتورة مهيرة جرعة تستحق أن يتناولها الإنسان في اليوم ثلاث مرات حتى يقف الوطن على قدميه والدكتورة ندى تكتب بانفاس قوية ومؤثرة بت قضيم إقرأ لها ودع الصيدليات والأدوية المسكنة والمضادات الحيوية جانباً نجلاء سيد احمد إمراة قوية تحرضك على ان تهتف ضد الظلم حتى ولو كنت نائماً رمانه قلم يجبرك على متابعته ويرفع روحك المعنوية حتى ولو كنت في حضيض اليأس روزمين الصياد 00 لا ادري اين اختفت 00 إمراة كانها تحمل عصا موسى !!! وسوما الجنيد 00 إمراة معجونة بكل طمي السودان
واقلام كثيرة بعضها غاب وبعضها مازال صامداً
التحية لكل من منحنا الابداع وجعل لحياتنا الف معنى ومعنى ومعنى
عارف يا محجوب اجمل تعليق فى البورد والبوردات المجاورة ...... ووالله يا تاسيا لو ما كتب حسين ملاسى غير التعليق دا .. لاستحق به الاول بجدارة الود دا مصيبة واتحدفت علينا ... علق احدهم قال انو شنو كدا بعد اعجاب الجكس بحسن موسى وطبعا المعجبين ديل انا وراوية وتيسير ومنو كدا تانى قام ملاسى رد عليه قال لى ولحد قبل دخولى الى هذا البوست كنت فاهم معنى الجكس بغير الفهم الوارد فى البوست لووووووووووووووووووووب ... ود خبييييث !
والحقو بتعليق اعجب منو لما قالت ليه عفراء اها انا ماشة اسوى لى ويكا سارى ولا شنو كدا قالت لى دى طبعا ملاسى ود ريف ما بعرفها ... رد ليها تحتها طوالى اللهم انى اعوذ بك من علم لا ينفع !! فى خبث يا اخوانا اكتر من كدا ؟
لستة ما يتصدرا م ح ج وما تضم النملة ام عود ويغيب فيها كسر الله بالله دي موضوع المنافسة يكون عن النفوذ كيف
-------
لو دي قرايتكن بالبؤس دا ... أكيد مافي أبأس من ملاسي طبعاً
Post: #117 Title: Re: الـــــــــــــــــــــ 10 نساء الاكثر نفوذا فى البورد !! صوور Author: MAHJOOP ALI Date: 08-30-2012, 00:07 AM Parent: #115
Quote: اللهم انى اعوذ بك من علم لا ينفع !! فى خبث يا اخوانا اكتر من كدا ؟
يادينا ماتتخمي ساكت ..... دا اقتباس مشهور للشهيد عبدالخالق محجوب ردا علي خطاب لوزير الشباب (منصور خالد ) قدس الله جهده وعلمه ، في منتدي او موتمر او ملتقي (what ever)الفكر العربي سنة حفروا البحر
Post: #118 Title: Re: الـــــــــــــــــــــ 10 نساء الاكثر نفوذا فى البورد !! صوور Author: محمد البشرى الخضر Date: 08-30-2012, 01:07 AM Parent: #117
Quote: علق احدهم قال انو شنو كدا بعد اعجاب الجكس بحسن موسى وطبعا المعجبين ديل انا وراوية وتيسير ومنو كدا تانى
غايتو يا دينا كان احدهم دا انا فالنصيحة بالجكس قصدت راوية براها مع الإعتذار ليك ولتيسير ولمنو كدا تاني
Post: #119 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 08-30-2012, 07:08 AM Parent: #118
Quote: مع الا عتذار
ولدو للبشرى !! انت كلامك فى محلو صحيح واعتذارك مااااا بفيد ! مفروض يعتذر ملاسى ياخ ... قامت عليك الحساده ؟؟
( المحجوب) بواسطة الهيئة الا ان تنفى الهيئة ذلك ود على .... المقوله فى عضمها قدييييمة منننننن زمن الصحايه والائمة .. لكن البراعة فى استخدامها هى مدعاة الاندهاش لو لمن جات من ناس عبد الخالق ومنصور خالد او من ملاسى فكلهم عباقرة ... برعوا فى استخدامها ... لكن هى اقدم من الكسرة ...
Post: #124 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 09-02-2012, 03:19 AM Parent: #123
لابالعكس .... اللستة دى لو فيها جكس وااااحد فهو انا ! يطلعنى كيف يعنى ؟ قيقا امنع الفوضى َ ......
Post: #125 Title: Re: الـــــــــــــــــــــ 10 نساء الاكثر نفوذا فى البورد !! صوور Author: تبارك شيخ الدين جبريل Date: 09-02-2012, 03:54 AM Parent: #124
Quote: تبارك (فقد درجاته عشان الشكل )
هوووووووووي ...
رصيدك بقى رقيييييق ... قرب ينفذ ... (انا ما بعرف رمانة ولاّ بتيخة)
... المهم .....
Post: #126 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 09-02-2012, 08:31 AM Parent: #125
تبارك ياخ انت كمم جايزة اصلو ؟ تمووت ؟
....... المهم ....
Post: #127 Title: Re: الـــــــــــــــــــــ 10 نساء الاكثر نفوذا فى البورد !! صوور Author: تبارك شيخ الدين جبريل Date: 09-02-2012, 09:36 AM Parent: #126
Quote: تبارك ياخ انت كمم جايزة اصلو ؟ تمووت ؟
....... المهم ....
بالله "كاتب حسين ملاسي المفضل" دي جايزة؟
والله انا قايلها امتداد لى عقوبة المداخلة اليتيمة ...
(بعدين نحن كنا قايلين بنقدر ننافس وسط "النساء الأكثر نفوذًا" ديل!)
... المهم ...
Post: #128 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 09-03-2012, 05:47 AM Parent: #127
Quote: (بعدين نحن كنا قايلين بنقدر ننافس وسط "النساء الأكثر نفوذًا" ديل!)
ههههههههههههههههههههههههههههههههههايا ملعووبه !!!
Post: #129 Title: Re: الـــــــــــــــــــــ 10 نساء الاكثر نفوذا فى البورد !! صوور Author: سيف النصر محي الدين Date: 09-03-2012, 05:58 AM Parent: #128
تماضر يا كريزما مداخلتك دي مالها في ناس شايفنها وناس لا؟ غايتو أناعندي ناقصة وباقيها شكلو اتدفق منها اثناء الارسال أو التحميل...لكن اعتمادا على اقتباس مريم بت الحسين شايفة في زي لوم كده واسمي فيه... ياخ باختصار شديد كده انت البلحقك منو؟
ومن ثم نرجع المايكرفون لصاحبة البوست
Post: #140 Title: Re: الـــــــــــــــــــــ 10 نساء الاكثر نفوذا فى البورد !! صوور Author: عمر عبد الخالق سعيد Date: 09-05-2012, 04:52 AM Parent: #80
Post: #141 Title: Re: الـــــــــــــــــــــ 10 نساء الاكثر نفوذا فى البورد !! صوور Author: داليا حافظ Date: 09-05-2012, 09:22 AM Parent: #140
يادندن
حتى ماغي فرح ما عاتفانا..
Quote: الجوزاء: تنشغل بدراسة وبحث مادي وترتيب ميزانية. تبدو مقرَّباً من القلوب، جذاباً جداً في هذا اليوم. توقَّعْ دعوة من قِبَل بعض الأصدقاء أو الجماعات النافذة.
فيا جماعة ما تعملوا رايحين منتظرنكم
Post: #131 Title: Re: الـــــــــــــــــــــ 10 نساء الاكثر نفوذا فى البورد !! صوور Author: عمر عبد الخالق سعيد Date: 09-04-2012, 09:55 AM Parent: #1
Post: #143 Title: Re: الـــــــــــــــــــــ 10 نساء الاكثر نفوذا فى البورد !! صوور Author: saif massad ali Date: 09-12-2012, 05:30 PM Parent: #142
دينا خالد
انا دخلت هنا بفتش في شئ مالقيتو
ودحين هدوا دربي طالع
تعبت ساكت في جميع بوستاتك لقيتو مافي
Post: #144 Title: Re: الـــــــــــــــــــــ 10 نساء الاكثر نفوذا فى البورد !! صوور Author: إدريس محمد إبراهيم Date: 09-12-2012, 07:24 PM Parent: #143
الاسناذة / دينا خالد
تحية ملؤها الود والتجلة ...
دخلت فقط لأسـأل أين الأستاذة/ منى خوجلي من هذه القائمة ,,,
مع خالص ودي وتقديري
Post: #145 Title: Re: الـــــــــــــــــــــ 10 نساء الاكثر نفوذا فى البورد !! صوور Author: دينا خالد Date: 09-13-2012, 05:56 AM Parent: #144
Quote: انا دخلت هنا بفتش في شئ مالقيتو ودحين هدوا دربي طالع تعبت ساكت في جميع بوستاتك لقيتو مافي
لوووووووب ياسيف مساعد اتاريك ما هين ... فتشت الميدان ؟ تانى لوووب والله ... لكن لقيتك جبااااان ... الشى ماعندو اسم ما تخليك حربى ذى ادريس ابراهيم دا
Quote: دخلت فقط لأسـأل أين الأستاذة/ منى خوجلي من هذه القائمة ,,, مع خالص ودي وتقديري
سنه يا انا ياقول كوستاوى ... الملكة ما هينة يا ادريس كنداكة وفايته الناس مسافة ... بس امكن غيبتها الطويلة جدا ... فقدتها نقاط وخلتها تجى الحداشر مشترك مع اشراقة عثمان الغايبة برضو ....