|
Re: اندياحة لكل من أصابه شاكوش الحبيب ورقد كاويك زي ود جبرين (Re: سيف الدولة كامل)
|
مولانا سيف الدولة سلام واشواق كتيره وكل سنه وانت طيب
ده كلام شنو يا مولانا ....ود جبرين مالو ......ي؟
النصيحة لله ...كلو علا جنا جبرين .. انا شخصيا مؤمن وموحد انو ود جبرين البنعرفو ده حبايبو يملو عين الشمش وما بحملو ..فيهو تب . المشكله هسع ... الرواية روايتك انت يا مولانا بالذات .... لو زولا غيرك كنا حلفنا بالغايب وقلنا يا مجروحه ....يا جس نبض ... يا زولا زعلان منو عشان ما عيد عليهو في شان ود جبرين ده شكلو زولا يسدها ... خليك من حكاية يسدها ده ...السد بجيب ليهو قد وود جبرين بقدها ويقد ......
اها وقعنا في الغلط وبقينا ... في تالت ومتلت ...النصلح ملافظي ...
ود جبرين ده سداي ...ورضاي مني هي الراضعه لبي امها البتشوكشو ده؟ مني الطرشا ده الما سمعت انصاف مدني بتغني ليهو (المتلو ما ولدتو حوا)
معذره يا مولانا .... انا داير اسمع الافاده من خشم سيدا ....بي اضاني دي بي هنا ...واللا بي هناك واللا ان شاء الله بي شبيبيك بكري البتعاين فيهو بي نص عين وده
| |
|
|
|
|
|
|
Re: اندياحة لكل من أصابه شاكوش الحبيب ورقد كاويك زي ود جبرين (Re: محمد مصطفي مجذوب)
|
استاذنا الجليل \ محمد مصطفي مجذوب ,,كل سنة وأنت طيب
حبابك الف استاذنا وشرفتنا كتيييير بنضميك الحلو ,,, لكن يا دكتور محمد
ودجبرين ده بيني وبينه موده ومحبه شديده لكن هو ممسوخ ومسنوح من صغير
أنا درسته في الثانوي في مدرسة الخرطوم الجديدة الثانوية ,,,, من سناحته وشيطنته
سنة 1984 كنت بدرسهم أحياء في حصة كانت عن دورة حياة الجرادة ,,رسمت دورة الحياة
علي السبورة ,,الممسوخ بحلق في السبورة وانا مديهم ظهري قال ليهم هش بصوت منخفض ,,يعني داير
يطير الجرادة الجنبه ماقدر يكتم الضحكة وقدر ما سالته عن سبب ضحكه مااتكلم قمت عاقبته ,,أها بعد 28 سنة
الممسوخ كلمني بالقصة . والله يا دكتور الولد ده زول حبوب لكن كدي اساله عن حديقة القرشي بوريك النجيضة.
تقديري
| |
|
|
|
|
|
|
Re: اندياحة لكل من أصابه شاكوش الحبيب ورقد كاويك زي ود جبرين (Re: mohmed khalail)
|
مولانا سيف الدولة انت عارف انا نكشتو ليك في الفيس بوك ... وقلت ليهو يا زول الحق سيف لدوله قال كلام .. وانا ما زول قوالات قعد يقول لي ...انت بس كلمني يا اخ ..قال شنو يا اخ الظاهر الضحكه ديك .. جابت ليها ام سعدالله زي الورم بيها شيخ محمد أحمد كرعينا اها باقي لي يوم الليله بعد 28 سنة خلت ود جبرين .... حتي بعد الكتوف اتلاحقت .......قاعد يزازي بي بره وابي يجي داخل البوست
وبعد كلامك النجيض انا عرفت السبب وهسع ما ظنيتو زولي ده بجيب سيرة حديقة القرشي واللا الزقاق الماري بي قداما داك
انا طبعا قاصد الزقاق بي جهة شارع كترينا الفيهو بيت اصحابنا ناس نبيل ونادر كرار
| |
|
|
|
|
|
|
Re: اندياحة لكل من أصابه شاكوش الحبيب ورقد كاويك زي ود جبرين (Re: مزمل خيرى)
|
أستاذنا دكتور محمد ,,سلامات وحبابك الف
الود ده اليومين ديل قالوا معيد في السودان ,,, وباقي لي عنده
ذكريات جميلة بعيد فيها المسنوح ,,, والله يا دكتور حليل
تلك الايام الجميلة في الخرطوم تلاتة وأهلها الطيبين
وحليل كترينه والزقني الطاعم ايام تظل عالقة في الذاكرة ,
عليك الله أحكي لينا ايام السكة حديد الجميلة والليموناته
بتاعة المرطبات ,, وعمارة محمود وترب اليهود .
ميدان عبد المنعم والسريك الهندي.
مودتي
| |
|
|
|
|
|
|
|